မတ် ၂၉၊ ၂၀၂၄
M-Media
-ပါလက်စတိုင်းနိုင်ငံ ဂါဇာကမ်းမြှောင် တောင်ဖက်အစွန်းက ရာဖာမြို့ကို အစ္စရေးက မြေပြင်တပ်တွေနဲ့ ၀င်ရောက် အကြမ်းဖက်တိုက်ခိုက်တော့မှာ ဖြစ်ပါတယ်။
ဂါဇာမှာ ပါလက်စတိုင်းပြည်သူ ၂ ဒဿမ ၂ သန်းကျော်ရှိနေတာပါ။ ပြီးခဲ့တဲ့နှစ် အောက်တိုဘာ ၇ ရက်နေ့က စတင်တဲ့ တစ်ကျော့ပြန် လူသတ်ပွဲမှာ အစ္စရေးဟာ ဂါဇာမြောက်ပိုင်းကနေ အကြမ်းဖက်တိုက်ခိုက်မှု စတင်လာခဲ့တာ ဖြစ်ပါတယ်။
ဂါဇာပြည်သူတွေ ဘေးလွတ်ရာ တောင်ပိုင်းကိုရွှေ့ဖို့ အစ္စရေးက အမိန့်ထုတ်ထားတဲ့အတွက် ပါလက်စတိုင်းအများစုဟာ ရာဖာမြို့မှာ ခိုလှုံနေရတာဖြစ်ပါတယ်။
ဟားမက်စ်က ဓားစားခံအဖြစ် ခေါ်ဆောင်သွားသူတွေရဲ့ မိသားစု၀င်တွေနဲ့ မတ်လ ၂၈ ရက်နေ့က တွေ့ဆုံမှုမှာ အစ္စရေး၀န်ကြီးချုပ် နေတန်ယာဟုက ရာဖာမှာ တိုက်ခိုက်မှုတွေလုပ်ဆောင်သွားမယ်လို့ ပြောကြားခဲ့ပါတယ်။
ကုလလုံခြုံရေးကောင်စီက ဂါဇာမှာ ချက်ခြင်းအပစ်ရပ်ဖို့ ဆုံးဖြတ်ချက်ကို အစ္စရေးက မထီမဲ့မြင်ပြုတာလည်း ဖြစ်ပါတယ်။
၅ လကျော် ကြာမြင့်လာပြီဖြစ်တဲ့ ဂါဇာက အစ္စရေးရဲ့ လူသတ်ပွဲမှာ ပါလက်စတိုင်းပြည်သူ ၃၃၀၀၀ ကျော် အသတ်ခံထားရပြီး အများစုက ကလေးတွေနဲ့ အမျိုးသမီးတွေ ဖြစ်ပါတယ်။
Ref: Aljazeera