ဧပြီ ၃၀၊ ၂၀၂၄
M-Media
-၆ လကျော်ကြာ ဂါဇာကို အစ္စရေးက တစ်ကျော့ပြန် တိုက်ခိုက်ဖျက်ဆီးမှုမှာ အပျက်အဆီးတွေဟာ တန်ချိန် ၃၇ ဒဿမ ၅ သန်း ရှိလာပြီလို့ ကုလသမဂ္ဂ အေဂျင်စီတွေက ထုတ်ပြန်ပါတယ်။
လူနေအိမ်ယာတွေ အပါအ၀င် ဂါဇာက အခြေခံအဆောက်အဦးတွေရဲ့ ၈၀ ရာခိုင်နှုန်းလောက်ကို အစ္စရေးက တိုက်ခိုက်ဖျက်ဆီးထားတာပါ။
ဒီအပျက်အဆီးတွေကို ရှင်းလင်းဖို့တင် ၁၄ နှစ်အချိန်ယူရမယ်လို့ ကျွမ်းကျင်သူတွေက ပြောပါတယ်။
ဂါဇာမှာ အစ္စရေးက အသုံးပြုတဲ့ ဒုံးကျည်တွေနဲ့ ဗုံးတွေရဲ့ အနည်းဆုံး ၁၀ ရာခိုင်နှုန်းလောက်ဟာ မပေါက်ကွဲသေးဘဲ အပျက်အဆီးတွေကြားမှာ ရှိနေပါတယ်။
ပြီးခဲ့တဲ့နှစ် အောက်တိုဘာ ၇ ရက်နေ့ကတည်းက စတင်တဲ့ အစ္စရေးရဲ့ ဂါဇာတစ်ကျော့ပြန် လူသတ်ပွဲအတွင်း အသတ်ခံရသူ အရေအတွက်ဟာ ၃၅၀၀၀ နီးပါး ရှိလာပြီဖြစ်ပါတယ်။
Ref: Aljazeera