News @ M-Media

နှစ် ၁၀၀ ကျော်မှ ရောင်းချခွင့်ရသည့် ရှေးဟောင်းဒင်္ဂါးများ

မေ ၁၃၊ ၂၀၂၄

M-Media 


-ဒိန်းမတ်နိုင်ငံက ထောပတ်လုပ်ငန်းရှင် သူဌေး လာစ်အီမီလ် ဘရွန် စုဆောင်းထားခဲ့တဲ့ ရှေးဟောင်ဒင်္ဂါးတွေကို အခုနှစ်နွေရာသီမှာ လေလံပစ်တော့မယ်လို့ သိရပါတယ်။ 

ဘရွန်ရဲ့ စုဆောင်းမှုမှာ ဒင်္ဂါးပေါင်း ၂ သောင်း ပါ၀င်ပြီး လက်ရှိကာလပေါက်စျေးအရ ကန်ဒေါ်လာ ၇၅ သန်းလောက် တန်ကြေးရှိပါတယ်။ 

ရှေးဟောင်းဒင်္ဂါး စုဆောင်းမှုသမိုင်းမှာ တန်ကြေးအများဆုံး စုဆောင်းမှုလည်း ဖြစ်ပါတယ်။ 

ဘရွန်ကို ၁၈၅၂ ခုနှစ်မှာ မွေးဖွားခဲ့ပြီး ထောပတ်လုပ်ငန်းနဲ့ ချမ်းသာပြီးနောက်ပိုင်း ဒိန်းမတ်၊ နော်၀ေနဲ့ ဆွီဒင်တို့က ရှေးဟောင်းဒင်္ဂါးတွေကို ရှာဖွေ စုဆောင်းခဲ့တာ ဖြစ်ပါတယ်။ 

ပထမကမ္ဘာစစ်ပြီးနောက်ပိုင်း သူရေးသားခဲ့တဲ့ သေတမ်းစာမှာ သူ့ရဲ့စုဆောင်းမှုကို နှစ်ပေါင်း ၁၀၀ တိတိ သိမ်းထားပြီးမှ ရောင်းချဖို့ ဖော်ပြထားပါတယ်။ 

သူစုဆောင်းထားတဲ့ ရှေးဟောင်းဒင်္ဂါးတွေထဲက တစ်ချို့ဟာ တစ်ပြားကို ဒေါလာ တစ်သန်းလောက်အထိ တန်ကြေးရှိပါတယ်။ 

အများပြည်သူကို လေလံမပစ်ခင် ဒိန်းမတ်အမျိုးသားပြတိုက်က ရှေးဟောင်း ရွှေဒင်္ဂါး ၆ ပြားနဲ့ ငွေဒင်္ဂါးတစ်ပြားကို စုစုပေါင်း ဒေါ်လာ ၁ သန်းကျော်နဲ့ ၀ယ်ယူခဲ့ပါတယ်။ 

Ref: Sky News