ဟားမက်စ်ခေါင်းဆောင်၏ မိသားစု၀င်များကို အစ္စရေးက ဗုံးကြဲ သတ်ဖြတ်

ဇွန် ၂၅၊ ၂၀၂၄

M-Media 

-ပါလက်စတိုင်း လွတ်မြောက်ရေးအဖွဲ့ ဟားမက်စ်ခေါင်းဆောင် အစ္စမာအီလ် ဟာနီယာရဲ့ မိသားစု ရှိရာ ဂါဇာက ရှာတီ ဒုက္ခသည်စခန်းကို အစ္စရေးက ဇွန်လ ၂၅ ရက်နေ့ မနက်အစောပိုင်းမှာ ဗုံးကြဲတိုက်ခိုက်ခဲ့ပါတယ်။ 

ဒီတိုက်ခိုက်မှုကြောင့် ဟာနီယာရဲ့ ညီမတစ်ဦး အပါအ၀င် မိသားစု၀င် ၁၀ ဦး သေဆုံးခဲ့ပါတယ်။ 

ဟားမက်စ်အဖွဲ့က ဒီလုပ်ရပ်အတွက် အမေရိကန်သမ္မတ ဂျိုးဘိုင်ဒန်ကို အပြစ်တင်ခဲ့ပြီး ဂါဇာကမ်းမြှောင်က အစ္စရေးရဲ့ လူမျိုးတုန်းသတ်ဖြတ်မှုမှာ အမေရိကန်အစိုးရရဲ့တာ၀န် မကင်းဘူးလို့ ၀ေဖန်ခဲ့ပါတယ်။ 

တိုက်ခိုက်မှုကြောင့် ရှာတီဒုက္ခသည်စခန်းက အဆောက်အဦးတွေ ပြိုကျခဲ့ပြီး ပိတ်မိနေသူတွေ ရှိနိုင်တဲ့အတွက် သေဆုံးသူအရေအတွက် မြင့်တက်လာနိုင်တယ်လို့ ဂါဇာ ပြည်သူ့ကယ်ဆယ်ရေးအဖွဲ့ ပြောရေးဆိုခွင့်ရှိသူ မဟ်မွဒ် ဘာဆာလ်က ပြောပါတယ်။ 

ပြီးခဲ့တဲ့နှစ် အောက်တိုဘာ ၇ ရက်နေ့က စတင်ခဲ့တဲ့ ဂါဇာက အစ္စရေးရဲ့ လူသတ်ပွဲအတွင်း အသတ်ခံရသူ အရေအတွက်ဟာ ၃၇၅၅၁ ဦး ရှိလာပြီး၊ ဒဏ်ရာရသူအရေအတွက်က ၈၅၉၁၁ ဦး ရှိနေပါတယ်။ 

Ref: Aljazeera