News @ M-Media

ဂါဇာရှိ စာသင်ကျောင်းတစ်ခုကို အစ္စရေးက ထပ်မံတိုက်ခိုက်မှု ၁၀ ဦးထက်မနည်း သေဆုံး

သြဂုတ် ၂၀၊ ၂၀၂၄
M-Media

(ဓာတ်ပုံ – အစ္စရေး၏ အကြမ်းဖက်တိုက်ခိုက်မှုကြောင့် မိသားစု၀င်များ ဆုံးရှုံးခဲ့ရသည့် ပါလက်စတိုင်း မိသားစု တစ်ခု)

-ဂါဇာကမ်းမြှောင်မြောက်ပိုင်း ဂါဇာစီးတီးမြို့က Mustafa Hafez စာသင်ကျောင်းကို အစ္စရေးက အင်္ဂါနေ့မှာ တိုက်ခိုက်ရာ အနည်းဆုံး လူ ၁၀ ဦး သေဆုံးတယ်လို့ သိရပါတယ်။

အဲဒီစာသင်ကျောင်းဟာ အစ္စရေးရဲ့ တိုက်ခိုက်မှုတွေကြောင့် အိုးအိမ်စွန့်ခွာ ထွက်ပြေးလာရသူတွေ နေထိုင်နေရတဲ့ နေရာပါ။ စာသင်ကျောင်း ဒုတိယထပ်ကို ဒုံးကျည်ထိမှန်ခဲ့ပြီး သေဆုံးသူတွေထဲက အနည်းဆုံး ၂ ဦးဟာ ကလေးငယ်တွေဖြစ်တယ်လို့ ဂါဇာပြည်သူ့ ကယ်ဆယ်ရေးအဖွဲ့က ပြောပါတယ်။

တိုက်ခိုက်မှုကြောင့် ဒဏ်ရာရသူတွေလည်း အများအပြား ရှိခဲ့ပါတယ်။

၁၁ လနီးပါး ကြာလာပြီဖြစ်တဲ့ ဂါဇာက အစ္စရေးရဲ့ တစ်ကျော့ပြန်လူသတ်ပွဲအတွင်း ပါလက်စတိုင်းပြည်သူ ၄ သောင်းကျော် အသတ်ခံထားရပါတယ်။

Ref: Aljazeera