News @ M-Media

Author: editor

  • ဝယ်၍မရသော အတွေးစများ

    ဝယ်၍မရသော အတွေးစများ

    မေ ၁၀ ၊ ၂၀၁၆
    M-Media
    နှင်းဆီခင်ရေးသည်။
    images
    လူအမျိုးမျိုးမို့ ဝါသနာအမျိုးမျိုး ရှိကြသည်ပေါ့။ တချို့ကတော့ စာဖတ်ခြင်းကို အရူးအမူးစွဲလမ်းကြတယ်။ စာစုံဖတ်တယ်။ စာပေရဲ့ရသကို တစိမ့်စိမ့်ခံစားတယ်။ စာဖတ်ခြင်းဟာ စာဖတ်သူကို သီးခြားကမ္ဘာလေးတစ်ခုထဲမှာ နစ်မျောစေနိုင်သည်ပဲ။ စာဖတ်နာချင်သူဆိုရင်တော့ စာရေးသူကပေးတဲ့ အတွေးနဲ့ ဒဿနတွေကို လွယ်လွယ်ကူကူ မှတ်ယူလေ့မရှိကြဘူး။ အထပ်ထပ်အပြန်ပြန် ပယ်သင့်သည်ကို ပယ်တတ်ပါတယ်။ စာကောင်းတစ်ပုဒ်ကို ဖတ်လိုက်ရတာဟာ ဘာနဲ့မတူအောင် ရင်မှာထိရှိပြီး တသသဖြစ်နေရော။ အသပ်အရွယ်ရလာတဲ့တိုင် နှလုံးသားထဲ စွဲထင်ကျန်ရစ်နေတဲ့ စာမျိုးကိုတော့ မေ့ပစ်နိုင်စွမ်းမရှိပါဘူး။ စာရေးသူရဲ့ အတွေးတွေဟာ ဘဝအတွက် ခွန်အားတွေ၊ အားမာန်တွေ ဖြစ်ရသည်လည်း ရှိသလို တစ်ဘဝစာ မေ့မရအောင် တရှိုက်မက်မက် ဖြစ်ရတာမျိုးလည်း ရှိတတ်တာပါပဲ။ ဒါက စာဖတ်သူရဲ့အပိုင်း။

    စာရေးသူဘက်ကရော ဦးနှောက်ရော နှလုံးသားပါမကျန် ရင်မှာခံစားပြီးမှ စာတစ်ပုဒ်ကို ရေးချလိုက်ရတာဆိုတော့ တန်ဖိုးထားအပ်တဲ့ ရတနာတစ်ပါးလို့ ဆိုရမှာပါ။ သုတပဲဖြစ်ဖြစ် ရသပဲဆိုဆို ကိုယ်စွမ်းဥာဏ်စွမ်း စိုက်ထုတ်ရတာခြင်းကတော့ မကွာလှပါဘူး။ စာတစ်ပုဒ်ရဲ့ အသက်လို့ဆိုရမယ့် အတွေးတစ်စကိုတော့ စာရေးသူက မျှဝေခံစားစေတာအမှန်။ စာဖတ်သူရဲ့ဆန္ဒနဲ့ ကိုက်ညီ၊ မညီဆိုတာကတော့ သူ့သဘောနဲ့သူ။

    စာရေးခြင်းဆိုတဲ့ အတတ်ပညာဟာ ရော့.. အင့်လို့ ချပေးမရတဲ့ အစွမ်းထက်တဲ့ပညာရပ်ပါ။ ဒါကြောင့်ပဲပေါ့။ စာရေသူဦးရေဟာ ကိန်းဂဏန်းအများကြီးမရှိတာကိုသာကြည့် လို့ ရင်းနှီးတဲ့စာရေးစရာတစ်ဦးက ပြောဖူးပါတယ်။ စာတစ်ပုဒ်ရေးမယ်လို့ စိတ်ကူးလိုက်ရင် အတွေးစတွေကို စုစည်းရတာ အခက်ခဲဆုံး၊ စိတ်ကူးယဉ်ဖြစ်ဖြစ်၊ အတွေ့အကြုံပဲဖြစ်ဖြစ်ပေါ့။ ဟော ပြီးစီးသွားပြီဆိုတော့လည်း ရင်ထဲမှာ ကြည်ကြည်နူးနူးကြီးဖြစ်ပြီး ဝန်ပေါ့သွားသလို ခံစားရတတ်တာ ယေဘုယျ သဘာဝလို့ ပြောရမှာပါ။ ကျွန်မရဲ့စာရေးသက်တမ်းလျှောက်မှာ ဒီလိုပဲ ခံစားဖြစ်ခဲ့ပါတယ်။

    တနင်္ဂနွေတစ်နေ့ အလုပ်အားရက်မှာ ကျွန်မရဲ့သူငယ်ချင်းမနွယ်က ဖုန်းဆက်လာတယ်။ သူ့အဒေါ်က ကျွန်မကိုတွေ့ချင်လို့ မှာတယ်ဆိုတဲ့အကြောင်း မနွယ်ပြောပြထားလို့ အန်တီစိုးအကြောင်းကို သိတန်သလောက် သိထားပါတယ်။

    အန်တီစိုးက (အငြိမ်းစား) တက္ကသိုလ်ပါမောက္ခတစ်ဦး။ စာပေဝါသနာကြီးတယ်။ နည်းပြဆရာဘဝကတည်းက ကဗျာတွေရေးခဲ့တယ်။ တက္ကသိုလ်နှစ်ပတ်လည် မဂ္ဂဇင်းတွေမှာလည်း ရေးလေ့ရှိတယ်။ ကျွန်မစာတွေကိုလည်း ဖတ်ပြီး ဝေဖန်လေ့ရှိပါတယ်။ မနွယ်လိုပဲ ကျွန်မကလည်း အန်တီစိုးလို့ တရင်းတနှီး ခေါ်ဝေါ်သုံးစွဲတယ်။ အန်တီစိုးဟာ ပညာထူးချွန်တာကြောင့် မဟာဘွဲ့အတွက် တစ်ကြိမ်၊ ပါရဂူဘွဲ့အတွက် တစ်ကြိမ်၊ နိုင်ငံခြားပညာသင်ဆု ချီးမြှင့်ခံခဲ့ရတယ်။

    မနွယ်တို့အိမ်ကိုရောက်သွားတော့ အန်တီစိုးကို ကျန်းကျန်းမာမာနဲ့ တွေ့ရတယ်။ အသက် (၇၀) ကျော်ဆိုပေမယ့် ကျန်းမာရေးကို ဂရုစိုက်တာကြောင့် အန်တီစိုးဟာ သွက်လက်ဖျက်လတ်တုန်း။ ကျွန်မကိုတွေ့တော့ အားရဝမ်းသာနှုတ်ဆက်တယ်။

    “ခင်လေးကို အန်တီပြစရာလည်း တစ်ခုရှိတယ်။ ပြောစရာလေးရှိလည်းရှိလို့ မနွယ်နဲ့မှာလိုက်တာ။ အားမှ အားရဲ့လားဟင် အချိန်ရောရရဲ့လား”

    “ရပါတယ်  အန်တီ။ အန်တီနဲ့လည်း တွေ့ချင်ပါတယ်။ အန်တီ့ဆီက ဗဟုသုတတွေရတာဆိုတော့ ကျွန်မအတွက် တကယ့်ကို အကျိုးရှိတာပါ”

    အန်တီစိုး မနွယ်နဲ့ ကျွန်မတို့သုံးယောက် စကားစမြည်ပြောနေကြတုန်းမှာပဲ။ အန်တီစိုးက သူ့အခန်းထဲကို ဝင်သွားပြီး စာအိတ်ရှည်ကြီးတစ်ခု ယူလာပြီးပေးတယ်။

    စာအိတ်ကိုဖွင့်လိုက်တော့ ဝါကြန့်ကြန့်ဖြစ်နေတဲ့ စာရွက်လေးငါးရွက်ကို တွေ့လိုက်ရတယ်။ ညီညာလှပတဲ့ လက်ရေးလေးတွေက မိန်းကလေးလက်ရေးဖြစ်မှာပဲလို့ ထင်လိုက်တယ်။ Dear Soe အစချီတဲ့ စာရှည်ကြီးကို မဖတ်ရသေးခင် အန်တီစိုးက ပြောလိုက်တယ်။

    “အန်တီ မဟာဘွဲ့အတွက် ပထမအကြိမ် အနေနဲ့ အင်္ဂလန်ကို သွားခဲ့ရတယ်။ မြန်မာနိုင်ငံမှာတုန်းကတည်းက ကဗျာလေး ရေးနေကျဆိုတော့ ဟိုရောက်တော့လည်း အဲဒီကမဂ္ဂဇင်းတစ်ခုကို အင်္ဂလိပ်ကဗျာရှည်တစ်ပုဒ်ရေးပို့လိုက်တာ ပါလာတယ်။ ဒါနဲ့ နောက်တစ်လလောက်မှာ နောက်ထပ်ကဗျာတစ်ပုဒ် ရေးပြန်တယ်။ သိပ်မကြာပါဘူး။ အဲဒီမဂ္ဂဇင်းတိုက်ကတစ်ဆင့် အန်တီဆီကို ဒီစာရောက်လာတော့တာပါပဲ။ စာကိုတော့ ခင်လေးအိမ်ကိုယူသွားပြီး အေးအေးဆေးဆေးဖတ်ကြည့်။ နောက်တစ်ပတ်လောက်ကျရင် အန်တီနဲ့ ပြန်တွေ့ကြတာပေါ့။ မကောင်းဘူးလား”။

    “ဟုတ်ကဲ့ အန်တီ။ နောက်အပတ် တနင်္ဂနွေနေ့မှာ ကျွန်မ အန်တီ့ဆီကို ဆက်ဆက်လာခဲ့ပါမယ်။”

    အိမ်ရောက်ပြီး သိပ်မကြာခင်မှာဘဲ ကျွန်မစာအိတ်ကို ဖွင့်ဖတ်ဖြစ်တယ်။ နှစ်ပေါင်းများစွာက စာရွက်လေးမို့ ဟောင်းနွမ်းနေပေမယ့် မင်ရောင်ရင့်ရင့်နဲ့ရေးထားတဲ့ စာသားတွေကိုတော့ ကောင်းကောင်းကြီး ဖတ်လို့ရပါတယ်။

    “ဆရာမစိုးရဲ့ကဗျာက အမေနဲ့သမီးအကြောင်းမို့ ကျွန်မခံစားရလွန်းတာကြောင့် ဆရာမဆီကို စာရေးမိတာပါ။ အချိန်ပေးပြီးဖတ်ပါလို့ ကျွန်မအနူးအညွတ် တောင်းပန်ပါတယ်နော်။”

    “ကျွန်မနာမည်က အင်မလီ။ ကျွန်မရဲ့အကြောင်းစုံကို ဖတ်ပြီးတဲ့အခါ ဆရာမအတွက် ကဗျာတစ်ပုဒ် ရေးဖွဲ့နိုင်မယ်လို့ ထင်ပါတယ်။ ကျွန်မမှာ မျိုးရိုးနာမည်မရှိပါဘူး။ အင်မလီလို့ပဲ သိထားပါတယ်။ ဘာဖြစ်လို့လဲဆိုတော့ ကျွန်မကို မွေးကင်းစအရွယ်ကတည်းက မိဘမဲ့ဂေဟာကို ပို့ပေးခဲ့တာကြောင့်ပဲ။ ဘယ်သူကပို့တယ်။ မိဘဘယ်သူဆိုတာ ကျွန်မ မသိခဲ့ပါဘူး။ ကျွန်မဟာ သာမန်မိန်းကလေးတစ်ဦးပါပဲ။ ချောချောလှလှ မဟုတ်ပါဘူး။ ပညာလည်း မတော်ပါဘူး။ ကျွန်မကို မွေးစားဖို့သူလည်းမရှိတော့ မိဘမဲ့ကျောင်းမှာပဲ အသက်ပြည့်တဲ့အထိနေထိုင်ရင်း ကြီးပြင်းခဲ့ရပါတယ်။ကျောင်းကအစီအစဉ်နဲ့ပဲ သိုးမွေးစက်ရုံတစ်ရုံမှာ ကျွန်မအလုပ်ဝင်ရတယ်။ တစ်ပတ်မှာ (၆) ရက်အလုပ်ဆင်းရပြီး တနင်္ဂနွေတစ်ရက်တော့ နားရပါတယ်။ အဲဒီတုန်းက ဒုတိယကမ္ဘာစစ်ကြီးအတွင်းမှာပေါ့။”
    “ကျွန်မလည်း တနင်္ဂနွေအားရက်မှာ ကျောင်းနားက ပန်းခြံလေးတစ်ခုကို သွားလေ့ရှိတယ်။ အဲဒီမှာ ကျွန်မလိုပဲ ပန်းခြံကိုလာလေ့ရှိတဲ့ လူတစ်ယောက်နဲ့ မျက်မှန်းတန်းမိရာက မိတ်ဆွေဖြစ်သွားကြရော။ ကျောင်းကအုပ်ချုပ်ရးမှူးက မှာထားတာတော့ရှိတယ်။ ဘယ်သူစိမ်းယောကျာင်္ားတစ်ယောက်ကိုမှ သူများမိတ်ဆက်မပေးဘဲနဲ့ မိတ်ဆွေမဖွဲ့ရဘူး။ ဒါပေမယ့် သူ့(ဂျွန်) ကိုကြည့်ရတာ လူရိုးလူကောင်းလို့ ခန့်မှန်းမိတာကြောင့် ကျွန်မတို့ချင်း ခင်မင်ရင်းနှီးခဲ့ကြတယ်။”

    “ဂျွန်က ပြောပြတယ်။ သူဟာ ကျွန်မတိုမြို့လေးရဲ့ အစွန်းမှာ စခန်းချနေတဲ့ တပ်သားတစ်ယောက်ပါတဲ့။ သူ့အမေက တခြားမြို့မှာရှိတယ်တဲ့လေ။ သိပ်မကြာပါဘူး။ သူက ကျွန်မကိုချစ်တယ်လို့ ပြောလာတယ်။ ဒါပေမယ့် လက်ထပ်ဖို့တော့ အချိန်ယူရမယ်ပြောတယ်။ ဘာဖြစ်လို့လဲဆိုတော့ သူ့အမေက လုံးဝသဘောတူမှာ မဟုတ်လို့ဘဲ။ သူ့လခရယ် ထောက်ပံ့ကြေးအားလုံးကို အမေ့ကိုပို့ပေးရတဲ့အပြင် အသက်အာမခံကိုလည်း အမေ့နာမည်နဲ့ပဲ ထားတာကြောင့်လို့ ပြောပါတယ်။”

    “ကျွန်မက ဝင်ငွေရှိတဲ့အပြင် သူ့ကိုအရမ်းချစ်တာကြောင့် သူ့လစာငွေကို လုံးဝထည့်မစဉ်းစားကြောင်း ပြောပြလိုက်တယ်။ အဆုံးမှာ ကျွန်မတို့လက်ထပ်ဖြစ်ကြတယ်။ အိမ်သေးသေးလေးတစ်လုံးဌားပြီး နေကြတယ်။ ကျွန်မတို့ အရမ်းပျော်ခဲ့ကြတယ်။ ဂျွန်ဟာ ကျွန်မအပေါ် အရမ်းကြင်နာတယ်။ ကျွန်မဘဝဟာ ကံကောင်းလာပြီလို့ ကျွန်မယုံကြည်နေတုန်းမှာ ဂျွန်ဟာတိုက်ပွဲထွက်ဖို့ အမိန့်ကျလာတယ်။ သီတင်းခြောက်ပတ်လောက်အကြာမှာ ကျွန်မဆီကို သတင်းရောက်လာတယ်။ ဂျွန်တိုက်ပွဲမှာ ကျသွားပီတဲ့။ ကျွန်မ ဘာဆက်လုပ်ရမှန်း မသိတော့ပါဘူး။ အဲဒီအချိန်မှာ ကျွန်မသမီးလေး ကိုယ်ဝန်ကို ကျွန်မလွယ်ထားရပြီလေ”

    ပြောရဦးမယ်။ ဂျွန်ဆီက ကျွန်မလက်ဆောင်ထုပ်လေးတစ်ထုပ် ရလိုက်တယ်။ သတင်းဆိုးကြီးနဲ့အတူပေါ့။ အဲဒါကတော့ ကျွန်မတို့လက်ထပ်တုန်းက သူမပေးဖြစ်ခဲ့တဲ့ လက်ထပ်လက်စွပ်လေးတစ်ကွင်းနဲ့ ကလေးစောင်လေးတစ်ထည်။ ကျွန်မလေ ကိုယ့်ကိုကိုယ် အားတင်းလိုက်တယ်။ ဂျွန်ကျွန်မဆီက ထွက်သွားပေမယ့် ကျွန်မအတွက် သမီးလေးထားရစ်ခဲ့ပေးတာကိုပေါ့။ သမီးလေးကိုမွေးပြီး တစ်လခွဲအကြာမှာ နေ့ကလေးထိန်းကျောင်းတစ်ကျောင်းမှာ အပ်လိုက်တယ်။ ကျွန်မငယ်ငယ်တုန်းကဘဝမျိုးတော့ မဟုတ်တော့ဘူးပေါ့။ ကျွန်မလေ သမီးလေးအတွက် ပိုပြီးအလုပ်လုပ်တယ်။ သမီးလေးကို ဂျွန်ပေးထားတဲ့စောင်လေးနဲ့ ထွေးပတ်ထားရတာ ကျွန်မအနားမှာ ဂျွန်ရှိနေသလို ခံစားရတယ်။ သမီးလေးနဲ့ ကျွန်မဘဝဟာ သိပ်ကိုပျော်စရာကောင်းပါတယ်။ သမီးလေးဟာ သူ့အဖေနဲ့တူပြီး သိပ်ချစ်စရာကောင်းပါတယ်။

    တစ်နေ့ ကျွန်မအလုပ်ရုံမှာရှိနေတုန်း သမီးကျောင်းက ဖုန်းဆက်လာတယ်။ ကျောင်းကို အမြန်ဆုံးလိုက်ခဲ့ပါတဲ့။ သမီးလေးဟာ အဖျားကြီးရာက အသက်ပါဆုံးသွားခဲ့ရပြီလေ။ ကျွန်မဘဝတစ်လုံး ဘာအလင်းရောင်မှ မရှိတော့ဘူး။ မှောင်မည်းနေပြီ။ ကျွန်မဘာဆက်လုပ်ရမှာလဲဟင်။ ဆရာမပြောသလို အမေနဲ့သမီးကြား မေတ္တာတရားဆိုတာ ရှိပါတယ်။ ဒါပေမယ့် ဒါပေမယ့် ကျွန်မမှာက ချစ်ဖို့သမီးလေးမှ မရှိတော့တာဘဲ။ ကျွန်မချစ်တဲ့သူအားလုံး ကျွန်မအနားမှာ မရှိတော့ဘူးပါရှင်။ ကျွန်မရင်ထဲက ခံစားမှုတွေကို ဆရာမရယ် ကဗျာလေးတစ်ပုဒ်လောက် ဖွဲ့ပေးပါလားဟင်။ ကျွန်မရင်ထဲက ဝေဒနာများ လျော့သွားမလားလို့ပါ။ ဆရာမရေ အတွေးဆိုတာ ဝယ်လို့ရတာမျိုး မဟုတ်ပါဘူးနော်။

    ပြောရဦးမယ်။ ကျွန်မလေ အခုတော့ ကျွန်မဘဝစခဲ့ရတဲ့ မိဘမဲ့ကျောင်းကို ပြန်ရောက်သွားပါပြီ။ ကျောင်းအမှုထမ်းလုပ်ရင်း ကျွန်မလို၊ ကျွန်မသမီးလေးကို ဘဝတူကလေးတွေနဲ့ပဲ ပျော်အောင်နေနေပါတယ်ရှင်။

    ချစ်ခင်လေးစားလျက်
    အင်မလီ

    စာကိုဖတ်ပြီး ကျွန်မတော်တော်လေး စိတ်မကောင်းဖြစ်ခဲ့ရပါတယ်။ အန်တီစိုးနဲ့ဆုံတော့ မေးတယ်။ ဘယ်လိုလဲ ခင်လေး စာဖတ်ပြီးပြီလားတဲ့။

    “စာကစိတ်ဝင်စားစရာကောင်းပါတယ် အန်တီ။ ဒါနဲ့ အန်တီနောက်ပိုင်းမှာ အင်မလီနဲ့ ဆက်သွယ်ဖြစ်သေးလား။”

    “အန်တီ သူ့ကိုအဆက်အသွယ် လုပ်ခဲ့ပါသေးတယ်။ အန်တီ အိမ်မပြန်ခင် သူ့ကိုစာတိုက်ကတစ်ဆင့် ကဗျာလေးတစ်ပုဒ်ရေးပို့လိုက်ပြီး ငွေလည်း ပို့လိုက်ပါတယ်။”

    “ဒါပေမယ့် အန်တီ့ကဗျာကို သူမဖတ်လိုက်ရဘူး”

    “ဘာဖြစ်လို့လဲဟင်”

    “အန်တီ့စာမရောက်ခင်တစ်ရက်ကပဲ အင်မလီဟာ နှလုံးရောဂါနဲ့ ရုတ်တရက်ဆုံးသွားပြီတဲ့။ အင်းလေ သူ့နှလုံးသားမှာ ဒဏ်ရာအထပ်ထပ် ရနေမှတော့ကွယ်”

    ကျွန်မအတွေးထဲမှာ သူမအကြောင်းတွေက တဝဲလည်လည် ဖြစ်ခဲ့ရပါတယ် ဆိုတာကိုတော့။

    နှင်းဆီခင်

  • Aleppo မြို့စစ်မြေပြင်မှ ခလေးငယ်များ

    Aleppo မြို့စစ်မြေပြင်မှ ခလေးငယ်များ

    မေ ၁၀ ၊ ၂၀၁၆
    မင်းသိန်း ရေးဖွဲ့သည်။

    A Syrian woman comforts her children aft...A Syrian woman comforts her children after their house in the Sahour nieghbourhood of the northern Syrian city of Aleppo was bombed on May 14, 2014. Once home to some 2.5 million residents and considered Syria's economic powerhouse, Aleppo has been divided between government and opposition control since shortly after fighting there began in mid-2012. FP PHOTO / ZEIN AL-RIFAIZEIN AL-RIFAI/AFP/Getty Images
    ဧည့်ခန်းကျယ်ကြီးအတွင်း လူသံတိတ်ဆိတ်နေသည်။တချက်တချက် ခပ်ပြင်းပြင်း နှလုံးခုံသံတစ်ခု ကြားရရုံမှအပ အခန်းတခန်းလုံး တိတ်ဆိတ်လျှက်ရှိသည်။ အာရပ်ကော်ဖီကရား ပူပူကို လက်တဖက်က ကိုင်ရင်း ခွက်ထဲကို ကော်ဖီငှဲ့ထည့်နေတဲ့ အသက် ၄၀ ကျော် အမျိုးသ္မီးတစ်ဦးရဲ့ မျက်နှာပြင်မှာ သူမရဲ့ ရင်တွင်းက ဝေဒနာမီးတောက်ကို အထင်းသားမြင်နေကြရတယ်။

    ” ဒီလို မနက်စောစော ကော်ဖီ သောက်တဲ့အချိန်ဟာ ကျွန်မအတွက် ရူးမတတ်ခံစားရတဲ့ အချိန်တချိန်ပါဘဲရှင်”။

    သား၊သမီး ၄ ယောက်ရဲ့ မိခင် Hala က တိတ်ဆိတ်ငြိမ်သက်နေတဲ့အခန်းကို သူမရဲ့ နှလုံးသားထဲက ပွင့်အံထွက်လာတဲ့ စကားလုံးတွေနှင့် ဖြိုခွင်းလိုက်တယ်။ ခရားရေလွှတ်ထွက်လာတဲ့ သူမရဲ့ စကားတွေကို နားထောင်ရင်း ဧည်သည်တစ်စု အသက်ရှူ ဖို့ မေ့နေတဲ့အလား ဖြစ်နေကြတယ်။ ” မနက်စောစော အိပ်ယာထတိုင်း ကျွန်မရဲ့ ပထမဆုံးအလုပ်က ကော်ဖီ အိုးပြေးတည်ရတယ်။ သူနှင့်အတူ ကော်ဖီ ထိုင်သောက်ရတယ်။ သူအလုပ်သွားပြီဆိုမှ အိမ်အလုပ်တွေကို စလုပ်ရတာ။ တခါတခါ အလုပ်ထဲကနေ အလုပ်နားရင် သူ ကော်ဖီလာသောက်မယ်ဆိုပြီး ဖုန်းလှမ်းဆက်တယ်။ သူက ကော်ဖီအရမ်းကြိုက်တာ။ အရသာခံပြီးလဲ တစိမ့်စိမ် သောက်တတ်တယ်။ စားစရာဘာမှမရှိရင် နေပါစေ၊ ကော်ဖီ ခါးခါးလေးတစ်ခွက်ရရင် သူ့အတွက် လုံလောက်ပြီ” ။ Hala ပြောပြနေတဲ့ (သူ) ဆိုတာ အာဏာရှင် Assad ရဲ့ အစိုးရကို ပထမဆုံး လက်နက်ကိုင်တော်လှန်ခဲ့ တဲ့ ပြည်သူထဲက တော်လှန်ရေးခေါင်းဆောင် တစ်ယောက်ဖြစ်တဲ့ သူမရဲ့ခင်ပွန်း Abu Ali အကြောင်းဘဲဖြစ်ပါတယ်။ Abu Ali ဟာ အာဏာရှင် Assad ရဲ့ စစ်တပ်တွေ Aleppo မြို့ကို တိုက်ခိုက်လာတဲ့အချိန် Aleppo မြို့ အာဏာရှင်လက်ထဲ ကျရောက်မသွားအောင် ရရာလက်နက်စွဲကိုင်ပြီး တော်လှန်ခဲ့တဲ့ ခေါင်းဆောင်တွေထဲက တစ်ဦးဖြစ်ပါတယ်။

    ” ဆီးရီးယားမှာ Assad အစိုးရကို ပြည်သူတွေ လက်မခံတော့ မြို့တိုင်းလိုလိုမှာ ငြိမ်းချမ်းစွာ ဆန္ဒပြကြတယ်။ အာဏာရှင် Assad စစ်တပ်က အကြမ်းနည်းနှင့် ဖြေရှင်းလာတော့ ပြည်သူတွေမှာ ရွေးချယ်စရာ လမ်းမရှိတော့ဘူး။ ရရာလက်နက်စွဲကိုင် ကြရတယ်။ တချို့မိသားစုတွေက ကိုယ်ပိုင်ဆိုင်တာတွေထဲက သယ်နိုင်တာတွေအားလုံးကို ယူပြီးထွက်သွားကြတယ်။ တချို့မိသားစုတွေမှာ ယောက်ျားတွေ ဟာ စစ်မြေပြင်မှာကျန်ခဲ့ပြီး မိသားစုသားသ္မိးအားလုံးကို အန္တရာယ်ကင်းမယ် ထင်တဲ့ နေရာတွေကို ပို့ကြတယ်။ သူများတွေလိုဘဲ ကျွန်မယောက်ျားက ကျွန်မကိုခေါ်ပြီး ခလေးတွေကို ခေါ်ပြီး စစ်မြေပြင်နှင့် ဝေးရာကို ထွက်သွားဖို့ ပြောလာတယ်။ သူကတော့ အာဏာရှင်လက်အောက်ကပြည်သူတွေလွှတ်မြှောက်ရေးအတွက် အသက်ကို စတေးဖို့ ဆုံးဖြတ်လိုက်ပြီ ဖြစ်တဲ့အတွက် အာဏာရှင်ပြုတ်ကျသွားတဲ့အထိ ဒီနေရာက ဘယ်မှ မခွာတော့ဘူးလို့ ပြတ်ပြတ်သားသား ပြောလာခဲ့တယ်”။

    အဆက်မဖြတ်စီးကျလာနေတဲ့ မျက်ရည်တွေကို သုတ်ရင်း သူ့ရဲ့ငိုနေတဲ့ မျက်လုံးတွေနှင့် ဧည့်သည်တွေကို စိုက်ကြည့်ရင်း မေးခွန်း တစ်ခုမေးလိုက်တယ်။

    “တကယ်လို့ ရှင်တို့သာ ကျွန်မနေရာမှာ ဆိုရင် ဘယ်လိုဆုံးဖြတ်ကြမလဲ”

    မမျော်လင့်ဘဲ မေးခွန်းမေးခံလိုက်ရတဲ့ ဧည့်သည်တွေက ဆွံ့အ သလိုဖြစ်နေတဲ့အချိန် အဖြေကိုစောင့်မနေတော့ဘဲ Hala က ပြောလက်စ စကားကိုဆက်ပြောလာတယ်။

    ” ကျွန်မတို့ အိမ်ထောင်သက် ရှစ်နှစ်ပြည့်တဲ့ထိ သား၊သမီး မရနိုင်ခဲ့ဘူး။ ကျွန်မတို့ အမျိုးမျိုး ကြိုးစားကြည့်ခဲ့တယ်။ နောက်ဆုံး အသျှင်မြတ်ရဲ့ သနားကြင်နာမှုနှင့် ဒီခလေး လေးယောက် ရလာခဲ့တယ်။ သူဟာ ကျွန်မတို့မိသားစု အတွက် မရှိမဖြစ်လိုအပ် တဲ့ ဖခင် တစ်ယောက်ဖြစ်တယ်။ သူဟာ ဆုံးဖြတ်ချက်တစ်ခုကို လွယ်လွယ်နှင့် မချတတ်သလို၊လွယ်လွယ်နှင့်မဖျက်တတ်တာ သိနေတဲ့ကျွန်မအတွက် အဲဒီညဟာ ကျွန်မအတွက် တကယ့်ကမ္ဘာပျက်တဲ့ညတညလိုပါဘဲ။ ရှင်တို့စဉ်းစားကြည့်လေ အာဏာရှင် Assad ဟာ ခလေးတွေကိုဘဲ ရှာပြီးသတ်နေသလားလို့ ထင်ရလောက်အောင် Aleppo မြို့နှင့် နိုင်ငံတ၀န်းမှာ သေလိုက်တဲ့ခလေးတွေ။ ကျွန်မခလေး တွေလဲ ဒီမှာနေရင် တနေ့မဟုတ်တနေ့ ဒီအဖြစ်ဆိုးနှင့် ကြုံလာရမှာဘဲ။ ကျွန်မခလေးတွေအားလုံးက လူမမယ်လေးတွေ၊ဘာမှ သိတတ်ကြသေးတာမဟုတ်ဘူး။သူတို့အဖေကတော့ သူပြောချင်တာ ပြောပြီး သေနတ် တစ်လက်ကိုင်ပြီးထွက်သွားလိုက်ပြီ။ အပြစ်ကင်းတဲ့ ကျွန်မခလေးတွေ ရဲ့ မျက်နှာကို အစိမ့်စိမ့်ကြည့်ရင်း ကျွန်မနှလုံးသားထဲမှာ ဘလောင်ဆူနေခဲ့တယ်။ ကျွန်မ ဆုံးဖြတ်ချက်တခု ပီပီပြင်ပြင်ချဖို့ လိုအပ်ပြီလို့ အားတင်းလိုက်ပြီး ခလေးအားလုံးကို ကျွန်မအနားကိုခေါ်လိုက်တယ်။ ကျွန်မအတတ်နိုင်ဆုံး ရင်ထဲကခံစားချက်တွေကို ခလေးတွေမရိပ်မိအောင် မြိုသိပ်ရင်း သူတို့အဖေ ပြောခဲ့တဲ့စကားတွေထဲက လိုရင်းကို ပြောပြလိုက်တယ်။”

    နင်တို့အဖေက ငါတို့အားလုံးကို လုံခြုံတဲ့နေရာကို ထွက်သွားခိုင်းတယ်။ ဒီမှာက တနေ့ထက်တနေ့ အန္တရာယ်က ပိုများလာနေတယ်။ နင်တို့ဘယ်လိုသဘောရလဲလို့မေးလိုက်တော့ ခြောက်နှစ်အရွယ်ကျွန်မသ္မီးလေး Sara က

    “ကျွန်မအဖေနှင့် အတူနေခဲ့မယ်”

    လို့ချက်ချင်းပြောပြီး သူ့အဖေရှိရာကို ထွက်သွားလိုက်တယ်။ ကျွန်မအတန်တန်အော်ခေါ်တာတောင်လှည့်မကြည့်ခဲ့ဘူး။ စဉ်းစားကြည့်ပါရှင် Abu Ali နှင့် ကျွန်မက အဆိုးအကောင်းအားလုံးကို မျှဝေ ခံစားမယ်ဆိုပြီး ဘ၀တစ်ခုကို အတူတူ လက်တွဲတည်ဆောက်ခဲ့ကြတာလေ။ ပြီးတော့ ဒီအာဏာရှင်ရဲ့ ဖိနှိပ်မှုတွေကို ယောက်ျားတွေဘဲ သီးသန့်ခံနေရတာ မဟုတ်ဘူးလေး၊ ယောက်ျား၊ မိန်းမ၊ ခလေး၊လူကြီး အားလုံးက ခံနေရတာ။ မိန်းမတွေကကော ဘာသားနှင့်ထုထားလို့လဲ ကျွန်မတို့မှာလဲ နိုင်ငံချစ်စိတ်၊ လွှတ်မြှောက်ချင်စိတ် ရှိတာပေါ့ရှင်။

    ” ရိုင်ဖယ်ကိုကိုင်ကာကွယ် နိုင်အောင်သာတိုက်ပါမောင်ရယ်၊ မောင်တို့က ပုခုံးနှင့်ထမ်းလို့ မယ်တို့က ခေါင်းနှင့်ရွက်ပါ့မယ်”

    ဆိုသလို ဒီတော်လှန်ရေးမှာ ကျွန်မတို့လဲ ကိုယ့်ယောက်ျားနှင့်အတူ ကျရာတာဝန်ကို ထမ်းဆောင်ခွင့်ရချင်တာပေါ့ရှင်။ မိခင်တယောက်ဖြစ်နေတဲ့ ကျွန်မအနေနှင့် စဉ်းစားတာတခုဘဲရှိတယ်။ အပြစ်ကင်းစင်တဲ့ ခလေးတွေကို ကျွန်မတို့နှင့်အတူ နိုင်ငံအတွက် အသက်စွန့်ခိုင်းတာဟာ ကျွန်မတို့အတွက် သိပ်များ မတရားရာကျနေမလားလို့ပါ။ Sara လေးပြောလိုက်တဲ့စကားကိုကြားပြီး ကျွန်မမျက်လုံးတွေ လင်းဝင်းလာတယ်။သားကြီးနှင့်သမီးကြီး မျက်နှာကိုလှည့် ကြည့်လိုက်တော့ သားကြီးက သူ့အဖေလို တည်ငြိမ်တယ်။ ကျွန်မပြောနေတာတွေကို တချိန်လုံးခေါင်းငုံ့ပြီးနားထောင်နေရာကနေ ကျွန်မကိုမော့ကြည့်ပြီး “အမေ သားတို့အားလုံး အဖေနှင့်အတူတူ ဒီမှာဘဲ နေရင်ကောင်းမယ်” လို့ ပြောလာတယ်။ ကျွန်မလေ သားကြီးစကားကို ကြားပြီး ၀မ်းသာလွန်းလို့ ချုံ့ပွဲချငိုပြစ်လိုက်မိတယ်။ ဘယ်လိုဝမ်းသာ သွားမှန်းကို မပြောတတ်တော့ပါဘူးရှင်။ ခံတပ်လုပ်ထားတဲ့ နေရာကနေ သူ့အဖေ ပြန်ရောက်လာတော့

    “ရှင့်ခလေးတွေ ရှင်နှင့်ခွဲပြီး ဘယ်မှမသွားဘူးလို့ ပြောကြတယ်။ သွားစေချင်ရင်တော့ ရှင်ကိုယ်တိုင် ရှင့်ခလေးတွေကို စည်းရုံးကြည့်” ပြောပြီး ကျွန်မ အိမ်ထဲဝင်သွားလိုက်တယ်။ သူကတော့ ဧည့်ခန်းက ဆိုဖာပေါ်မှာထိုင်ပြီး ဒီကိစ္စကို လေးလေးနက်နက် တွေးနေမယ်ဆိုတာ ကျွန်မသိနေတယ်။

    Hala ရဲ့ လင်းဝင်းတက်ကြွလာတဲ့ မျက်နှာကိုကြည့်ပြီး ငြိမ်ပြီးနားထောင်နေကြတဲ့ဧည့်သည်တွေဟာ အနည်းငယ်လှုပ်ရှားလာကြတယ်။ ခွက်ထဲက အေးစက်စက် ကော်ဖီကို မော့သောက်တဲ့သူကသောက်၊ ခန္ဓာကိုယ်သက်တောင့်သက်သာ အနေအထားဖြစ်အောင် နေရာ ရွေ့ထိုင်သူထိုင်နှင့် စကားဝိုင်းက နည်းနည်း လှုပ်ရှားလာတယ်။

    “ISIS တွေ ဘယ်အချိန်လောက်က Aleppo မြို့ထဲကို ရောက်လာတာလဲအမ”

    ဧည့်သည်တယောက်ရဲ့ မေးခွန်းက ပြန့်နေတဲ့အာရုံတွေကို စုစည်းပေးလိုက်သလို ဖြစ်သွားတယ်။ တိုင်ပင်မထားဘဲ ဧည့်သည်အားလုံးရဲ့ မျက်လုံးဟာ Hala ဆီကိုဦးတည်လာပြီး သူမဆီက ထွက်လာမယ့်စကားသံကို နားစွင့်နေကြတယ်။

    “၂၀၁၄ ခုနှစ်အစဟာ ကျွန်မတို့မိသားစု တစ်ခုရဲ့ ကမ္ဘာစပျက်တဲ့ ကာလပါဘဲရှင်။ ISIS တွေဟာ ကျွန်မတို့အိမ်ပေါ်တက်လာပြီး ကျွန်မယောက်ျားကို လက်ပြန်ကြိုးတုတ်ထားတယ်။ ကျွန်မနှင့် ခလေးတွေကို သူနှင့်ခပ်လှမ်းလှမ်းက သူမြင်နိုင်လောက်တဲ့ တနေရာမှာ သေနတ်တွေနှင့် ချိန်ထားတယ်။ ကျွန်မယောက်ျားကို ရိုက်စစ်နေတဲ့လူတွေက မျက်ရိပ်ပြရင် ကျွန်မတို့နားကကောင်တွေက ခလေးတွေရဲ့ခေါင်းကို သေနတ်ပြောင်းနှင့်ထိုးရှိန်တယ်။ အစ္စလာမ်နာမည်ကို အလွှဲသုံးစားလုပ်ပြီး ယုတ်မာနေတဲ့လူတွေပါရှင်။ လူသားစိတ်တစ်စက်မှကို မရှိတဲ့ လူတွေလို့ဘဲ ကျွန်မကတော့ မြင်တယ်။ သူတို့ ကျွန်မယောက်ျားကို ကျွန်မရဲ့ခလေးတွေရှေ့မှာ အမျိုးမျိုးနှိပ်စက်ပြီး နောက်ဆုံးဖမ်းခေါ်သွားတယ်။ဒီမိစ္ဆာတွေအပေါ်ထားတဲ့ ဒေါသစိတ်ကြောင့် ကျွန်မ ခလေးတွေကို ထိမ်းဖို့မေ့နေတယ်။ ခလေးတွေကတော့ရှင့် သူတို့အဖေနှိပ်စက်ခံနေရတာကိုကြည့်ပြီး ကမ္ဘာပျက်နေကြတာပေါ့ရှင်။ ISIS တွေက အချုပ်ခန်းထဲမှာ သူ့ကိုနှိပ်စက်ပြီး သတ်ပြစ်လိုက်ပြီလို့ ပြောကြတယ်။ တချို့ကလဲ မသေသေးဘူး အသက်ရှင်လျှက်ရှိနေသေးတယ်လို့ ပြောကြတယ်။ အတိအကျတော့ အခုထိ ဘယ်သူမှမသိကြဘူး။ သူ့တပ်သားတွေကတော့ သူနှင့်ပတ်သက်တဲ့သတင်းတွေရရင် ကျွန်မဆီပို့ပေးပါတယ်။

    သူမရှိတဲ့နောက်ပိုင်း Aleppo မြို့ထဲကစစ်မြေပြင်မှာ မှတ်တမ်းယူနေတဲ့ ဂျာမန်သတင်းထောက် Marcel Mettelsiefen က ခလေးတွေရဲ့ အနာဂါတ်အတွက် ဂျာမဏီနိုင်ငံကို ရွေးပြောင်းဖို့ အကြိမ်ကြိမ် တိုက်တွန်းလာတယ်။ ကျွန်မယောက်ျား ရှိစဉ်တုန်းကလည်း အိမ်ကိုရောက်လာတိုင်း Marcel ကကျွန်မကို ဂျာမဏီကိုပြောင်းရွေးဖို့ သူအစစအရာရာကူညီမယ်ဆိုတဲ့အကြောင်းပြောခဲ့တယ်။ ကျွန်မယောက်ျားကိုလဲ သူခဏခဏသွားပြောတယ်။ Abu Ali ကတော့ ဘာမှပြန်မပြော။ကျွန်မကတော့ သူလာပြောတိုင်း ငြင်းတာပါဘဲ။ အခုလို ကျွန်မတို့မိသားစုတွေ ဂျမဏီမှာ အဆင်ပြေပြေနေရတာ၊ ကျွန်မခလေးတွေ ကောင်းကောင်းမွန်မွန် ကျောင်းတက်နေရတာ သူရဲ့ အကူအညီတွေ အများကြီးပါပါတယ်။

    ကျွန်မဟာ ဒီနိုင်ငံမှာအဆင်ပြေပြေ နေရပေမယ့် ကျွန်မ၀ိဥာဏ်က Aleppo မြို့မှာ ကျန်ခဲ့ပါတယ်ရှင်။ ကျွန်မယောက်ျားက ISIS လက်ကလွှတ်လာပြီး အသက်ရှင်နေသေးတယ်ဆိုရင်လဲ သူ့ရဲ့ဆုံးဖြတ်ချက်ချထားတဲ့အတိုင်း တော်လှန်ရေးကို ဆက်ပြီးလုပ်စေချင် ပါတယ်။ ကျွန်မတို့ဆီးရီးယား ပြည်သူတွေဟာ အာဏာရှင် Assad ကိုတော်လှန်ကြတယ်။အခုက မိစ္ဆာကောင်တွေကိုလဲ တိုက်ထုတ်နေကြရတယ်။ ကျွန်မတို့ပြည်သူတွေ ဘယ်တောများ ငြိမ်းငြိမ်းချမ်းချမ်းနေကြရမလဲ မသိတော့ပါဘူးရှင်။”  Hala ရဲ့ နိဂုံးချုပ်စကားကို ကြားပြီး ဧည့်သည်တွေဟာ တယောက်မျက်နှာတယောက်ကြည့်ရင်း သူတို့ရဲ့ စာနာနားလည်မှုကို ကိုယ်စီဖေါ်ပြကြပြီး Hala ကို နှစ်သိမ့်ကြပါတယ်။ သား၊သ္မီး တွေအတွက်ဘဲ အသက်ရှင်သန်နေရတဲ့ မိခင်တယောက်ရဲ့ ပုံရိပ်ကို Hala ဆီမှာ ပီပီပြင်ပြင်မြင်နေကြရတယ်။

    မင်းသိန်း(မိခင်များနေ့အမှတ်တရ မိခင်အားလုံးအားဂုဏ်ပြုရင်း)

    ၀န်ခံချက်။ ။ဂျာမန် TV ZDF မှ ပြသသော Der Kinder von Aleppo ကို ခံစားရေးဖွဲ့သည်။

    **** M-Media သို့ စာရေးသူ ဆက်သွယ်ပေးပို့လာသော ဆောင်းပါးဖြစ်ပါသည်။

  • ဘာသာပေါင်းစုံ ချစ်ကြည်ရေး (ဟာဂျီ ဦးအေးလွင်နှင့် VOA တွေ့ဆုံခြင်း)

    ဘာသာပေါင်းစုံ ချစ်ကြည်ရေး (ဟာဂျီ ဦးအေးလွင်နှင့် VOA တွေ့ဆုံခြင်း)

    13062436_870098113118775_7633061068800214976_n
    VOA မြန်မာပိုင်းမှ ကူးယူဖော်ပြသည်။
    .
    ဒီတပတ် မြန်မာ့ဒီမိုကရေစီရေးရာ ဆွေးနွေးခန်းမှာ မြန်မာနိုင်ငံမှာ လက်ရှိတည်ဆဲဥပဒေတွေ အတိုင်း လေးစားအကောင်အထည် ဖော်နိုင်ပြီး၊ လူတိုင်းရသင့်ရထိုက်တဲ့ မွေးရပါ အခွင့်အရေးတွေကို လေးစားမယ်ဆိုရင် ဘာသာတိုင်းအတွက် လွတ်လပ်စွာ ကိုးကွယ်ခွင့်၊ အခွင့်အရေးတွေ အပြည့်အဝရမယ်လို့ ယုံကြည်တဲ့အကြောင်း အစ္စလာမ်ဓမ္မဗိမာန် ဆော်သြရေးမှူးလည်းဖြစ်၊ ဘာသာပေါင်းစုံ ငြိမ်းချမ်းရေးအဖွဲ့ကို ထူထောင်သူတွေထဲမှာ ပါဝင်သူတဦးဖြစ်တဲ့ ဟာဂျီဦးအေးလွင် က ပြောဆိုလိုက်ပါတယ်။ မတူညီတဲ့ ဘာသာပေါင်းစုံအကြား နားလည်မှုရရေး ကြိုးပမ်းမှုတွေမှာ တိုးတက်မှုတွေ ရှိပေမယ်လို့ အခက်အခဲတွေလည်း ကျန်နေသေးတယ်လို့ ဆိုပါတယ်။ ဝါရှင်တန်ဒီစီမြို့ တော်ကို ရောက်ရှိလာတဲ့ ဟာဂျီဦးအေးလွင် ကို VOA မြန်မာအစီအစဉ်က ကိုသားညွှန့်ဦး က တွေ့ဆုံမေးမြန်းထားပါတယ်။
    .
    ကိုသားညွှန့်ဦး ။ ။ အန်ကယ်ဦးအေးလွင် အခုလို VOA ကို လာပြီးတော့ ဖြေကြားပေးတာကို ကျေးဇူးအများကြီးတင်ပါတယ်။ ကျနော် အရင်ဆုံး မေးချင်တာကတော့ မြန်မာနိုင်ငံမှာ ဘာသာရေး၊ လူမျိုးရေး ပြဿနာတွေ၊ တင်းမာမှုတွေ ပြီးခဲ့တဲ့ အစိုးရလက်ထက်မှာ အတော်လေး ပြင်းပြင်းထန်ထန် ရှိခဲ့ပါတယ်။ တစုံတရာ ဖြေရှင်းနိုင်ဖို့အတွက် အစိုးရပိုင်းကပဲ ကိုင်တွယ်တယ်။ အရပ်ဖက်လူမှုအဖွဲ့အစည်းကလည်း ကြိုးပမ်းကြတယ်။ Interfaith အဖွဲ့အစည်းတွေလည်း ပေါ်လာတယ်။ အခြေအနေက တင်းမာနေတုန်းပဲလား။ လျော့ပါးသွားလား။ ဘယ်လိုများ ရှိပါသလဲ။
    .
    ဦးအေးလွင် ။ ။ ကျနော်တို့ ရွေးကောက်ပွဲ မတိုင်မီနဲ့ ရွေးကောက်ပွဲ ပြီးတဲ့အချိန်မှာ တော်တော်စိုးရိမ်တယ်။ သို့သော်လဲ မဲပေးတဲ့ ပြည်သူတွေရဲ့  အမျှော်အမြင် ကြီးမားမှုကြောင့် ဘာသာရေးကို အကြောင်းပြုပြီးတော့ နိုင်ငံရေးအမြတ်ထုတ်ဖို့ ကြိုးစားကြတဲ့ စီမံချက်တွေက တော်တော်လေးကို ပျက်ပြားသွားတယ်။ နိုင်ငံရေးမှာ ဘာသာရေးအသုံးချဖို့ ကြိုးစားတဲ့ လူတွေရဲ့  လုပ်ဆောင်ချက်တွေကို ပြည်သူက လက်မခံဘူးဆိုတာ ရွေးကောက်ပွဲ Result က အတိအကျ ထွက်လာတယ်။ သို့သော်လဲ ဒီဘာသာတရား က လှုံဆော်ရတာ အင်မတန် လွယ်ကူတဲ့အတွက် ဖောက်ခွဲဖို့အတွက် စနက်တံ အဖြစ် ဆက်လက် အသုံးချမယ် ဆိုတာကို ကျနော်တို့က မျှော်လင့်ပြီသာပါ။ ဒါကြောင့်မို့ ရွေးကောက်ပြီးနောက်ပိုင်းမှာလဲ အခွင့်ရေးရရင် ရသလို ဘာသာတရားနဲ့ လှုံဆော်မှုအတွက် ဖောက်ခွဲမှုဖို့အတွက် ကြိုးစားမှုလေးတွေဆိုတာ ရှိနေပါသေးတယ်။
    .
    ကိုသားညွှန့်ဦး ။ ။ ဒီအမုန်းတရာ မပျံ့ ပွားဖို့အတွက် လှုပ်ရှားနေကြတဲ့ လူငယ်အဖွဲ့အစည်းတွေ၊ အရပ်ဖက်အဖွဲ့အစည်းတွေလည်း ရှိပါတယ်။ တခြားအဖွဲ့အစည်းတွေလည်း ရှိပါတယ်။ ဒီကြားထဲမှာပဲ တလောကပဲ ဗုဒ္ဓဘာသာ ကျောင်းကန်နားမှာ ဈေးရောင်းတဲ့ မူစလင်တွေကို တချို့  ဗုဒ္ဓဘာသာ ရဟန်းကိုယ်တော်တွေက သွားပြီးဖမ်းဆီးတာ၊ ပစ္စည်းတွေသိမ်းတာ၊ ရိုက်တာနှက်တာတွေ ကျနော်တို့ ကြားမိပါတယ်။ ဒါပေမဲ့ အဲဒီမှာ ပြဿနာက သူတို့က ရဲစခန်းကို တိုင်ကြားမှုတွေလည်း မလုပ်ကြဘူး။ ဘေးပတ်ဝန်းကျင်ကလည်း ဒါကို တားတာမျိုးလည်း မရှိတော့ ပြောမယ်ဆို မြန်မာလူ့အဖွဲ့အစည်းမှာ ဒီအခြေအနေက တအုံနွေးနွေးလို ဖြစ် မနေဘူးလား။ ကြောက်ရွံမှုတွေ များ ဖြစ်နေကြလား။
    .
    ဦးအေးလွင် ။ ။ ကြောက်ရွံမှုထက် သူတို့က အခြေအနေကို တင်းမာသွားအောင် မလုပ်ချင်တဲ့ ပုံစံလို့ ကျနော် ထင်ပါတယ်။ ဘာကြောင့်လဲဆိုတော့ ရွှေတိဂုံစေတီတော်ကြီးက မေတ္တာရဲ့  ပုံရိပ်လွှာကြီးပဲ။ ဗုဒ္ဓတရားတော်ရဲ့  တကယ့်ကို သရုပ်သဏ္ဍာန် အမှန်ကို ဖော်ကျူးနေတဲ့ ရွှေတိဂုံစေတီတော်ကြီးရဲ့  အေးရိပ်စရာအောက်မှာ ဗုဒ္ဓတရားတော်နဲ့ ဆန့်ကျင်တဲ့ လုပ်ရပ်တခု ဖြစ်သွားတယ် ဆိုတာ ဗုဒ္ဓဘာသာဝင်အားလုံးအတွက် ယူကြုံမရ ဖြစ်စရာတခု ဖြစ်တယ်။ သို့သော် အဲဒါကို လက်တွေ့ကျကျ သူတို့က ဝင်ရောက်ဖို့ဆိုတာ သူတို့အနေနဲ့က မြန်မာလူမျိုးတို့ရဲ့  စရိုက်အရ သူများကိစ္စမှာ ဝင်စွက်ဖက်ဆိုတာတွေ သိပ်မလုပ်ချင်ဘူးဆိုတဲ့ ပုံစံမျိုး ဖြစ်သွားတယ်လို့ ကျနော်က ထင်ပါတယ်။ သို့သော် ဘယ် ဗုဒ္ဓဘာသာဝင်ကမှ ဒီလုပ်ရပ်ပေါ်မှာ စိတ်ချမ်းမြေ့မှု ရှိမယ်လို့ ကျနော် မထင်ပါဘူး။
    .
    ကိုသားညွှန့်ဦး ။ ။ နောက်တချက်က Interfaith ဘာသာခြားတွေကြားမှာ ချစ်ကြည်ရင်းနှီးမှုအတွက် ကြိုးပမ်းနေကြတဲ့ ဦးအေးလွင်တို့ အဖွဲ့အစည်းတွေပေါ့။ ဒီအဖွဲ့အစည်းတွေ လှုပ်ရှားမှုနဲ့ ပတ်သက်လို့ တစုံတရာ ခြိမ်းခြောက်တာ၊ အကြပ်ကိုင်တာတွေ ခံရတာမျိုးတွေ ရှိပါလား။
    .
    ဦးအေးလွင် ။ ။ အဲဒီလို မရှိဘူးဗျ။ မရှိတဲ့အပြင် ကျနော်တို့က Engage လုပ်တယ်။ ကိုယ်နဲ့ အယူအဆချင်း မတူတဲ့လူ၊ ဒါမှမဟုတ် ကိုယ့်ကို အထင်အမြင် လွှဲမှားနေသေးတဲ့ လူတွေကို ကျနော်တို့က Dialogue လုပ်ချင်တယ်။ Dialogue လုပ်တယ်ဆိုတာ အမြင်မတူကြသေးတဲ့ လူတွေကို ညှိနှိုင်းဆွေးနွေးဖို့ဆိုတဲ့ ရည်ရွယ်ချက်နဲ့ပါ။ အဲဒီရည်ရွယ်ချက်နဲ့ ဘာသာပေါင်းစုံ ငြိမ်းချမ်းရေးအဖွဲ့ (Religions for Peace Myanmar)၊ ဂျပန်မှာရှိတဲ့ ဘာသာပေါင်းစုံ ငြိမ်းချမ်းရေးအဖွဲ့က (Religions for Peace Japan) က ဖိတ်ကြားတဲ့အခါမှာ မဘသအဖွဲ့ကြီးက ဥက္ကဋ္ဌဆရာတော်ကြီးကို ဖိတ်ပါတယ်။ ကျနော်ကိုယ်တိုင်ပဲ ကျောင်းကိုသွားပြီးတော့ ဖိတ်ပါတယ်။ လက်ခံတယ်။ လက်ခံပေမယ့်လဲ အနားကပ်မှာ ဆရာတော်ကြီးရဲ့  ကျန်းမာရေးကြောင့် သူ့ရဲ့  လက်ထောက်ဖြစ်တဲ့ ဒေါက်တာသောဘာဂကို ထည့်လိုက်ပါတယ်။ နောက် ဒေါက်တာဓမ္မပီယလည်း ပါပါတယ်။ ကျနော်တို့ ဂျပန်ကိုသွားတဲ့ ဘာသာပေါင်းစုံ အဖွဲ့ထဲမှာ မဘသ ကို ကိုယ်စားပြုတဲ့ ဆရာတော်နှစ်ပါးလည်း ပါလာတယ်။ မြဝတီဆရာတော်ကြီးလည်း ပါလာတယ်။ ခရစ်ယာန်ကဆို Cardinal ချားလ်စ်ဘို ပါတယ်။ MCC က စောရွှေလင်း ပါတယ်။ ဗုဒ္ဓဘာသာအရပ်ဖက်က ဥက္ကဋ္ဌကြီး ဦးမြတ်ဆွေ ပါတယ် စသဖြင့်၊ အမျိုးသမီးဆိုလည်း ဒေါ်ရင်ရင်မော ခရစ်ယာန်ကျောင်းများကောင်စီ က ပါပါတယ်။ အဲဒီလို Interfaith အဖွဲ့က လူစုံ တော်တော်များများက ဘာသာပေါင်းစုံ ငြိမ်းချမ်းရေးအဖွဲ့ဝင်တွေပါ။ ကိုယ်တော်နှစ်ပါးကတော့ မဘသ အဖွဲ့ကြီးကို ကိုယ်စားပြုပြီးတော့ ဂျပန်ပြည်ခရီးစဉ်မှာ ပါလာပြီးတော့ ဆွေးနွေးတာတွေကလည်း ကျနော်တို့အတွက် တော်တော်လေးကို အလားအလာကောင်းတဲ့ ဆွေးနွေးမှုတွေကို လုပ်ခဲ့တာတွေကို ကြားသိခဲ့ရပါတယ်။
    .
    ကိုသားညွှန့်ဦး ။ ။ ပြည်တွင်းမှာလဲ Interfaith လှုပ်ရှားမှုတွေ ခပ်စိတ်စိတ်လေး တော်တော်လေး လုပ်တာကို ကျနော်တို့ သတိထားမိတယ်။ တကယ်ပဲ ထိရောက်ရဲ့ လား။
    .
    ဦးအေးလွင် ။ ။ တဖြည်းဖြည်းတော့ ထိရောက်လာမယ်။ အခု ရေတွင်းတူး၊ အခု ရေသောက်ဖို့တော့ မဖြစ်နိုင်ဘူး။ ဘာကြောင့်လဲဆိုတော့ Trauma ကြီးက စိတ်ပိုင်းဆိုင်ရာ ခံစားမှုကြီးရယ်၊ ဒဏ်ရာတွေက ကြပ်သွားပေမဲ့လဲ Stigma အမာရွတ်တွေက ကျန်နေသေးတယ်။ ဒါတွေက နှစ်ပေါင်းမြောက်မြားစွာထဲကိုက အထင်အမြင် လွှဲမှားမှုတွေအပေါ်မှာ လူတွေက အသုံးချသွားတာ – Manipulate လုပ်သွားတာ။ အသုံးချပြီးတော့ နိုင်ငံရေးအသုံးချခဲ့တာ။ ၁၉၆၂ ခုနှစ်ကတည်းက ဘာသာတရားကို နိုင်ငံရေးမှာ အသုံးချခဲ့တယ်။ အထူးသဖြင့် Islamophobia မဝင်,ဝင်အောင်လို့ မြန်မာနိုင်ငံရဲ့  ဗုဒ္ဓဘာသာ မြန်မာလူမျိုးများရဲ့  အမျိုးသားရေးအတွက် အကြီးဆုံးသော အန္တရာယ်ဟာ အစ္စလာမ် ဖြစ်ပါတယ်ဆိုတဲ့ ပုံရိပ်လွှာပေါ်အောင် သူတို့က ဒါနဲ့ အသုံးချခဲ့တာ ၁၉၆၂ ခုနှစ်ကတည်းက စနစ်တကျ စီမံကိန်းတွေ ဆွဲပြီးတော့ လုပ်ခဲ့တဲ့အတွက် တော်ရုံတန်ရုံ သမာသမတ်ရှိတဲ့ ပုဂ္ဂိုလ်များရဲ့  မသိစိတ်ထဲမှာပင် အစ္စလာမ်ဟာ အန္တရာယ်ကြီးသဖွယ်ဆိုတာကို အခုထက်ထိ ကိန်းဝပ်နေသေးတယ်ဆိုတာကို တွေ့ရတယ်။
    .
    ကိုသားညွှန့်ဦး ။ ။ အခု အစိုးရသစ်နဲ့ ပတ်သက်လို့ မေးချင်ပါတယ်။ ပြီးခဲ့တဲ့ အစိုးရလက်ထက်မှာတော့ အခြေအနေတွေ တင်းမာမှုတွေ ကြုံခဲ့တယ်။ အစိုးရသစ် ကြုံလာတဲ့ NLD ဦးဆောင်တဲ့ အစိုးရလက်ထက်မှာကော အခြေအနေနဲ့ ပတ်သက်လို့ ဘယ်လို မျှော်လင့်ထားလဲ။ ဘာသာရေး အဓိကရုဏ်းတွေ လျော့ပါးသွားနိုင်လား။ တစုံတရာ တင်းမားမှုတွေ ရှိနိုင်သေးလား။
    .
    ဦးအေးလွင် ။ ။ ကျနော်တို့ ယုံကြည်တာက တစ်အချက်က ဘာလဲဆိုတော့ ဒီမိုကရေစီဆိုတဲ့ စနစ်ကြီးဟာ ဥပဒေ စိုးမိုးရေးနဲ့ ဘယ်လိုမှ ခွဲခြားလို့ မရဘူး။ နှစ်အချက် ဒီမိုကရေစီဆိုတာနဲ့ လူ့အခွင့်အရေးဆိုတာ ရှိတယ်။ လွတ်လပ်စွာ ယုံကြည်ခွင့်ဆိုတာ ရှိတယ်။ လွတ်လပ်စွာ ကိုးကွယ်ခွင့်ဆိုတာ ရှိတယ်။ ကျနော်တို့အနေနဲ့က ဘာမှ တောင်းဆိုစရာလဲ မလိုဘူး။ ကျနော်တို့အနေနဲ့ ဘာမှလဲ အဆိုပြုချက်တွေ လည်း ပြုစရာ မလိုဘူး။ ဒီမိုကရေစီလို့ ပြောလိုက်တာနဲ့ မတူကွဲပြားမှုများအပေါ် သည်းခံပြီးတော့ကာ မိမိယုံကြည်ရာကို လွတ်လပ်စွာ ယုံကြည်ခွင့်၊ ကျင့်သုံးခွင့်ကို ပေးရမယ်ဆိုတာဟာ ဒါက ပါပြီသားပဲ။ အဲဒါအပြင်ကို အများကြီး ပြင်ဆင်ရန် ကျန်နေသေးတဲ့ ၂၀၀၈ ခုနှစ် ဖွဲ့စည်းပုံ အခြေခံဥပဒေတွေသည်ပင် ဘာသာလူမျိုးကို အကြောင်းပြု၍၊ လိင်ကို အကြောင်းပြု၍ ခွဲခြားမှု လုံးဝမရှိစေရဆိုတဲ့ ဥပဒေကြီးက ရှိပြီသား။ အဲဒါ အသက်ဝင်လာဖို့ပဲ လိုတယ်။ အဲဒီတော့ လက်ရှိ အစိုးရသစ်ဟာ အဲဒီ တည်ဆဲဥပဒေကိုပဲ Will လုပ်ချင်တဲ့ဆန္ဒ အပြည့်အဝ၊ စေတနာပြဌာန်းမှု အပြည့်အဝနဲ့ ဒါကို အကောင်အထည်ဖော်မယ်ဆိုရင် မူစလင်တွေဘက်က ဘာမှတောင် တောင်းဆိုနေစရာ မလိုဘူး။ သူတို့ရဲ့  ရသင့်ရထိုက်သော မွေးရာပါ လူ့အခွင့်အရေးတွေက တခါထဲ တထပ်တည်း ကပ်ပါလာမယ်လို့ ဒီလို မျှော်လင့်နေပါတယ်။ ယုံကြည်နေတယ်။ စောင့်ဆိုင်းနေတယ်။
    .
    ကိုသားညွှန့်ဦး ။ ။ ဒါပေမဲ့ NLD အစိုးရက သူတို့ မဲဆွယ်စည်းရုံးရေးကာလနဲ့ အခုတောက်လျှောက်လည်း ပြောနေပါတယ်။ လူ့အခွင့်အရေးနဲ့ ဒီမိုကရေစီကို အာမခံတယ်။ တရားဥပဒေ စိုးမိုးရေး ဖြစ်စေရမယ်လို့ ပြောပါတယ်။ ဒါပေမဲ့ လက်ရှိ NLD အစိုးရမှာ တာဝန်ယူနေတဲ့ သာသနာရေးဝန်ကြီး ဦးအောင်ကို တလောက ပြောသွားတဲ့အထဲမှာ ပါပါတယ်။ သူသုံးနှုန်းသွားတဲ့ ဧည့်နိုင်ငံသားနဲ့ ပတ်သက်ပြီး မကျေမနပ်သံတွေ ကြားပါတယ်။ ဒီအခြေအနေအပေါ် ဘယ်လို ယူဆပါသလဲ။
    .
    ဦးအေးလွင် ။ ။ အဲဒါ ကျနော် အခုနပြောတဲ့ စကားနဲ့ ဆက်စပ်ပြောဆိုရမယ်ဆိုရင် မြန်မာမျိုးချစ် အမျိုးသားရေးဝါဒီကြီးများရဲ့  နှလုံးသည်းပွတ်ထဲမှာက ကိုယ်နဲ့မတူတဲ့ လူတွေအပေါ်မှာ သံသယရှိတယ်ဆိုတာ အမျိုးသားရေးဝါဒတိုင်းမှာ ဒီလို ရှိတယ်လေ။ သို့သော်လဲပဲ တချို့ တချို့ သော အမျိုးသားရေးဝါဒီ – ဥပမာ ဗိုလ်ချုပ်အောင်ဆန်း လို အမျိုးသားရေးဝါဒီ က ကိုယ်နဲ့မတူတဲ့ လူတွေအပေါ်မှာ သဘောထားကြီးကြီးနဲ့ ကြိုဆိုထွေးပိုက်ခြင်းဟာ မိမိအမျိုးသားရေးရဲ့  ဂုဏ်သရပ်ကို မြင့်မားစေတယ်လို့ ခံယူထားတဲ့ အမျိုးသားရေးဝါဒီကြီးတွေ ရှိတယ်။ အဲဒါလေးက ကြိုဆိုဖို့ပါ။ အဲဒီတော့ ဧည့်သည်၊ အိမ်ရှင်ဆိုတဲ့ ပြဿနာဟာ ဗုဒ္ဓတရားတော်အရ ကြည့်မယ်ဆိုရင်လဲ ဒါ အင်မတန်ကို အပ်စပ်မှု မရှိဘူး။ ဗုဒ္ဓတရားဟာ ပုဂ္ဂိုလ်သတ္တဝါ လူနတ်ဗြမ္မာဆိုတာ မရှိဘဲနဲ့ ရုပ်နဲ့နာမ်ကိုပဲ ရှုရမယ်လို့ ပြောထားပြီးတော့ ခွဲခြားမှုဆိုတာကိုလည်း လုံးဝလက်မခံတဲ့ ဗုဒ္ဓရဲ့ တရားတော်မှာ ဒီခွဲခြားမှု၊ ခွဲခြားတဲ့ အမြင်လေးတွေ မြင်နေခြင်းသည် ဗုဒ္ဓတရားတော်ဟာ အမျိုးသားရေးအပေါ်မှာ သိပ်မလွှမ်းမိုးသေးဘူးလို့ အဲဒီလို မြင်တယ်။ ဒါကြောင့် ဒီပုဂ္ဂိုလ် ဒီစကားတွေ ပြောသွားတာ။
    .
    ကိုသားညွှန့်ဦး ။ ။ ကျနော် နောက်ဆုံးတခု မေးချင်ပါတယ်။ အခုန ဦးအေးလွင် ပြောသွားတဲ့အထဲမှာလဲ ပါပါတယ်။ မြန်မာနိုင်ငံမှာ ဗုဒ္ဓဘာသာ အများစု ဖြစ်နေတယ်။ တချို့ ဗုဒ္ဓဘာသာဝင်တွေ၊ ဆရာတော်တွေရဲ့  စိုးရိမ်ချက်ကလဲ အခုန ဦးအေးလွင် ပြောသွားတဲ့အထဲမှာ ပါတယ်။ မူစလင်ဘာသာ လွှမ်းမိုးသွားမလားဆိုတဲ့ စိုးရိမ်ပူပန်မှုတွေလည်း ကျနော် သတိထားမိတာ တွေ့ရပါတယ်။ ဒီအခြေအနေနဲ့ ပတ်သက်လို့ ဦးအေးလွင် ဘာများ မှတ်ချက်ပေးချင်ပါလဲ။
    .
    ဦးအေးလွင် ။ ။ ကျနော် ကြုံတိုင်းမှာ ပြောတယ်။ ဘာသာတရားကို လေ့လာချင်ရင် သူ့ရဲ့  ကျမ်းတွေကို သိရမယ်။ ဗုဒ္ဓတရားတော်ဆိုရင် ပိဋကတ်တော်မှာ ဘယ်လို ပြောထားလဲ။ ဗုဒ္ဓရဲ့  ဝါစက က ဘယ်လို ပြောထားလဲ။ Authentic Sources တွေကို ပြောဖို့လိုတယ်။ အစ္စလာမ်မှာက ကိုရန်မှာ ပြတ်ပြတ်သားသား ပြောတယ်။ အားလုံးကို ငါ အယူတခုတည်းဖြစ်အောင် ငါ လုပ်နိုင်တယ်။ ဘယ်သူက ပြောလဲဆိုတော့ အလ္လာရှင်မြတ်ဆိုတဲ့ ဖန်ဆင်းရှင်။ သို့သော် ငါ မလုပ်ဘူး။ အဲဒီ မတူကွဲပြားမှုကို ကျနော်တို့ အလ္လာရှင်မြတ်ရဲ့  စီမံကိန်းမှာကို မှားနေတယ်။ ဘာကြောင့် မလုပ်လဲဆိုတော့ ကောင်းမှုကောင်းရာတွေမှာ ပြိုင်ကြဆိုင်ကြဖို့အတွက် ဖြစ်တယ်။ အားလုံးကို အယူတခုတည်းဖြစ်အောင် ငါ လုပ်နိုင်တယ်ဆိုတာ အကြိမ်ကြိမ် ပြောထားတယ်။ သို့သော် ငါ မလုပ်ပါဘူး။ လွတ်လပ်စွာ ရွေးချယ်ရမယ်။ ဘယ်ဟာမှန်တယ်၊ ဘယ်ဟာမှားတယ်ဆိုတာ ပြပြီးပြီ။ မိမိဟာ လွတ်လပ်စွာ ရွေးချယ်ပြီးတော့ မိမိရဲ့  ကိုယ်ပိုင်ဆုံးဖြတ်ချက်နဲ့သာ အမှန်တရားကို လိုက်နာရမယ်ဆိုတဲ့အတွက် သာသနာပြုခြင်းဆိုတဲ့ အယူအဆတောင်မှ အစ္စလာမ်မှာ မရှိဘူး။ မိမိကနေ အမှန်တရားကို ရွေးချယ်လိုက်ပြီဆိုရင် မိမိက လွတ်လပ်သော ဆန္ဒဖြစ် ဒါကို လိုက်နာကျင့်သုံးလို့ ရတယ်။ အကြမ်းဖက်သောနည်းဖြင့်သော် လည်းကောင်း၊ သွယ်ဝိုက်သော နည်းဖြင့် မြူဆွယ်ဖြားယောင်ပြီးတော့ လောကီလာဘ်လဘပေးပြီး လည်းကောင်း သာသနာကြီးထွားအောင် လုပ်ဖို့ဆိုတာ အစ္စလာမ်မှာ လုံးဝမရှိဘူး။ ဒါကြောင့် အိမ်ထောင်ပြုပြီး သာသနာပြုတယ် ဆိုတာလဲ လုံးဝမဟုတ်ဘူး။ အကြမ်းဖက်ပြီးတော့ သာသနာပြုတယ်ဆိုတာလဲ မဟုတ်ပါဘူး။ စီးပွားရေးအရ သာသနာပြုတယ်ဆိုတာလဲ လုံးဝမဟုတ်ပါဘူး။ ကာယကံရှင် ကြည်ဖြူမှု မရှိဘဲနဲ့ ဒီသာသနာဟာ ..
    .
    ကိုသားညွှန့်ဦး ။ ။ အခုန ကျနော် ပြောသလို ဘာသာတိုင်း၊ အယူအဆတိုင်းမှာ အစွန်းရောက်တွေ ရှိနေတယ်ဆိုတော့၊ အစွန်းရောက်တွေနဲ့ ပတ်သက်လို့ကော၊ ဗမာပြည်မှာလည်း ရှိမှာကြုံမှာပါ။ မူစလင်ထဲမှာလည်း အစွန်းရောက် ရှိမှာပေါ့။ ဒါနဲ့ ပတ်သက်လို့ကော ဘယ်လိုများ ကိုင်တွယ်မှုရှိလဲ။
    .
    ဦးအေးလွင် ။ ။ ကျနော်တို့က အခု ဘာပြောနေလဲဆိုရင် ဘာသာပေါင်းစုံ စကားတွေ ပြောတာထက် မပြောခင်မှာ Interfaith ခေါ်တဲ့ ဘာသာဝင်အချင်းချင်း ဆွေးနွေးကြရမယ်။ တယောက်ကိုတယောက် သတိပေး နှိုးဆော်ကြရမယ်။ ဒို့သာသနာရဲ့  တရားတွေကို ပြန်စမ်းစစ်ကြရအောင်ဆိုပြီးတော့ ပြီးခဲ့တဲ့ နှစ်လလောက်က Morocco မှာ အဲဒီလို အစည်းအဝေးတခု ဖြစ်တယ်။ အဲဒါ ဘာလဲဆိုရင် မဒီနာမြို့ မှာ မဟာတမန်တော်မြတ်က မတူကွဲပြားတဲ့ လူ့အဖွဲ့အစည်းတွေအတွက် ဖွဲ့စည်းပုံအခြေခံဥပဒေတခု ဆွဲလိုက်တယ်။ Medina Charter လို့ ခေါ်တယ်။ ကိုယ်နဲ့ အယူမတူတဲ့လူတွေ၊ လူမျိုးခြား၊ ဘာသာခြားတွေကို အစ္စလာမ်ရဲ့  နယ်မြေအောက်မှာ ဘယ်လို အပြည့်အဝ လူ့အခွင့်အရေး ပေးပြီးတော့ တန်းတူရည်တူ၊ နိုင်ငံသား အပြည့်အဝအဖြစ် ကိုယ်လိုချင်တဲ့ ဘာသာတရားကို လွတ်လပ်စွာ ကိုးကွယ်ခွင့်ပေးတယ်ဆိုတဲ့ Charter ကြီး။ တခါတည်း မူရင်းစာချုပ်လည်း ရှိတယ်။ လက်မှတ်တွေ ထိုးထားတာတွေလည်း ရှိတယ်။ အဲဒါတွေကို ကိုယ့်လူတွေကို ကိုယ်သိအောင်ဆိုပြီးတော့ Morocco မှာ Marrakesh မှာ ဒီအစည်းအဝေးကြီး လုပ်ပြီးတော့ ကမ္ဘာ့အစ္စလာမ်ဘာသာ ပညာရှင်တွေ အားလုံးကို ဖိတ်ပြီးတော့ ဒါကိုပြန်ပြီးတော့ အသက်သွင်းမယ်။ ဒါတွေကို သဘောပေါက်အောင် လုပ်ရမယ်။ ငါနဲ့မတူ ငါ့ရန်သူ ဆိုတာ ဒို့အစ္စလာမ်မှာ မရှိဘူး။ သို့သော် တချို့ က ဒီသဘောထားတွေ ရှိလိမ့်မယ်။ ဒါတွေ မှားတယ်ဆိုတာကို ပြအောင် အချင်းချင်း ပြန်ပြီးတော့ သတိပေးလှုံဆော်မှုတွေ လုပ်နေပါတယ်။ ဗမာပြည်မှာလည်း လုပ်နေပါတယ်။
    .
    ကိုသားညွှန့်ဦး ။ ။ ဦးအေးလွင် အခုလို ဖြေကြားပေးတာကို ကျေးဇူးအများကြီးတင်ပါတယ်။
    .
    ဦးအေးလွင် ။ ။ ကျေးဇူးအများကြီးတင်ပါတယ်။

    http://burmese.voanews.com/content/burma-democracy-forum-interview-with-alhaj-uayelwin/3321329.html

  • ၂၆ ရက်နေ့ က Facebook စာမျက်နှာတွင် ပါရှိသည့် ကောလဟာလ သတင်း ဟုတ်မှန်မှု မရှိကြောင်း မိတ္ထီလာမြို့နယ်၌ သတင်းစာရှင်းလင်း

    ၂၆ ရက်နေ့ က Facebook စာမျက်နှာတွင် ပါရှိသည့် ကောလဟာလ သတင်း ဟုတ်မှန်မှု မရှိကြောင်း မိတ္ထီလာမြို့နယ်၌ သတင်းစာရှင်းလင်း

    13125016_879198132208054_6460317455748478371_n
    မိတ္ထီလာ ၊ဧပြီ ၂၈
    .
    မိတ္ထီလာမြို့နယ်တွင် ၂၆ ရက်နေ့ က Facebook စာမျက်နှာတွင် ပါရှိ သည့် ကောလဟာလသတင်း ဟုတ်မှန် မှု မရှိကြောင်း သတင်းစာ ရှင်းလင်းပွဲကို ဧပြီလ ၂၈ ရက်နေ့ နံနက် ၁၁ နာရီက အထွေထွေ အုပ်ချုပ်ရေးမှူး အစည်းအဝေးခန်း၌ မြို့နယ်ဖွံ့ဖြိုးတိုးတက်ရေး အထောက် အကူပြုအဖွဲ့ဝင်များ၊ မြို့မိမြို့ဖများ၊ ရပ်ကွက်အုပ်ချုပ်ရေးမှူးများနှင့် သတင်း မီဒီယာသမားများအား တွေ့ဆုံရှင်းလင်းခဲ့သည်။
    .
    ထို့သို့တွေ့ဆုံရှင်းလင်းရာတွင် မြို့နယ်အုပ်ချုပ်ရေးမှူး ဦးသက်နိုင်က Facebook စာမျက်နှာတွင် ၂၇ ရက်နေ့နှင့် ၂၈ ရက်နေ့များတွင် ပြဿ နာဖြစ်ပွားမည်ဟု ကောလဟာလထွက်ပေါ်နေသည့်ကိစ္စနှင့်ပတ်သက်၍ သက်ဆိုင်သည့်အဖွဲ့အစည်းအများကို ချပြခဲ့ခြင်းဖြစ်ကြောင်း ယခုအကြိမ် သည် ဒုတိယအကြိမ်ဖြစ်ကြောင်းနှင့် ပထမအကြိမ်က မြို့နယ်ရဲတပ်ဖွဲ့မှူးနှင့် ပူးပေါင်း၍ မြို့နယ်အုပ်ချုပ်ရေးမှူးရုံးခန်း၌ မြို့ပေါ်ရပ်ကွက်အတွင်းရှိ ဘာသာရေး ဗလီလူကြီးများနှင့်တွေ့ဆုံ၍ Facebook စာမျက်နှာတွင်ပါရှိ သည့် အချက်များအား ဘယ်လိုမှတ်ချက်ပြုမလဲ၊ ဘယ်လို ဆောင်ရွက်မလဲ ဆိုသည့် အစီအစဉ်ရှိ/မရှိမေးမြန်းရာ ၎င်းတို့မှ ဘယ်လိုအစီအစဉ်မှ မရှိကြောင်းနှင့် မည်သို့မျှ ဆောင်ရွက်ခြင်း မရှိကြောင်း ပြန်လည်ပြောကြား ခဲ့ကြောင်း၊ တကယ်လို့ဆောင်ရွက်လာခဲ့လို့ရှိရင်လဲ အချိန်မီ တားဆီးဆောင် ရွက်သွားမည်ဖြစ်ကြောင်း မိမိတို့ရှေ့မှောက် မှာ ပြောကြားခဲ့သည်။
    .
    ဒီကောလဟာလအား သက်ဆိုင်ရာ အဖွဲ့အစည်းများက စောင့်ကြည့်နေ ခဲ့ကြောင်းနှင့် အထက်အဖွဲ့အစည်းမှ အဆင့်ဆင့်မှ ညွှန်ကြား လာရာတွင် လည်း သတင်းမီဒီယာသမားများနှင့် သက်ဆိုင်ရာအဖွဲ့အစည်းများကို ချပြပေးရန် ညွှန်ကြားလာသည့် အတွက် ဒုတိယအကြိမ် ရှင်းလင်းခြင်းဖြစ်ကြောင်း၊ ဒီကိစ္စနှင့်ပတ်သက်၍ မိတ္ထီလာမြို့အေးချမ်း သာယာရေး၊ ရပ်ရွာ အေးချမ်းသာရေးနှင့် တရားဥပဒေစိုးမိုးရေး ကိစ္စများကို မြန်မာနိုင်ငံရဲတပ်ဖွဲ့၊ သက်ဆိုင်ရာ အုပ်ချုပ်ရေးနှင့် ရပ်မိရပ်ဖ အဖွဲ့များ ပူးပေါင်း၍ ဆောင်ရွက်လျက်ရှိကြောင်းကို မိသားစုအေးချမ်း သာယာရေး ပုံမှန်မပျက်လည်ပတ်နိုင်ရေး မိဘပြည်သူများကလည်း ပူးပေါင်းပါဝင်ကြစေရန်တို့ကို ရှင်းလင်းပြောကြားခဲ့သည်။
    .
    ထို့နောက် မြို့နယ်ရဲတပ်ဖွဲ့မှူး ရဲမှူးမောင်ရွှေမှ ရှင်းလင်းရာတွင် ယခုပေါ်ထွက် လာသည့် ကောလဟာလ သတင်းသည် ၂၀၁၃ ခုနှစ် ဖြစ်စဉ် ကို အခြေခံပြီး ပေါ်ပေါက်လာခြင်းဖြစ်ကြောင်းနှင့် လက်ရှိ တည်ငြိမ်အေးချမ်းရေးကို ပျက်ပြားအောင် ဆောင်ရွက်ခြင်းသာဟု ထင်မြင်ယူဆကြောင်း၊ ဒါကြောင့် မြန်မာနိုင်ငံရဲတပ်ဖွဲ့မှ အဆိုပါသတင်း အား အတည်ပြုပြီး အဖွဲ့(၆)ဖွဲ့ခွဲ၍ ချက်ခြင်းစုံစမ်းစစ်ဆေးရာ မြေပြင် အခြေအနေမှာပါ၊ ရဲတပ်ဖွဲ့တွေရဲ့ ပုံမှန် လှည့်ကင်းတွေမှာ မဟုတ်မှန်သည့် သတင်းရရှိကြောင်း၊ ဒီမဟုတ်မမှန်သတင်းများကို သတင်းမီဒီယာသမား၊ ရပ်ကွက်အုပ်ချုပ်ရေးမှူးများနှင့် တာဝန်ရှိသူများက မဟုတ်မှန်ကြောင်း တန်ပြန်ပြောကြားပေးပါရန် ရှင်းလင်း ပြောခဲ့ရာ သိလိုသည်များကို သတင်းမီဒီယာသမားများကမေးမြန်းရာ မြို့နယ်အုပ်ချုပ်ရေးမှူးနှင့် မြို့နယ် ရဲတပ်ဖွဲ့မှူး တို့မှ ပြန်လည်ဖြေကြားခဲ့ကြောင်း သတင်းရရှိသည်။
    .
    သိန်းမြင့်ကျော်(မိတ္ထီလာ)
    MOI Webportal Myanmar မှ ကူးယူဖော်ပြပါသည်။

  • ဖက်ဆစ်ဝါဒရဲ့ တူညီတဲ့ သရုပ်လက္ခဏာ ၁၄ ရပ်

    ဖက်ဆစ်ဝါဒရဲ့ တူညီတဲ့ သရုပ်လက္ခဏာ ၁၄ ရပ်

    The 14 Defining
    ဂျာမဏီက ဟစ်တလာ၊ အီတလီက မူဆိုလိုနီ၊ စပိန်က ဖရန်ကို၊ အင်ဒိုနီးရှားက ဆူဟာတိုတို့အပြင် လက်တင်အမေရိကတိုက် နိုင်ငံ ၄-၅ ခုက အစိုးရဆိုးတွေကို လေ့လာဆန်းစစ်ပြီး ပညာရှင်တစ်ဦးက ဖက်ဆစ်ဝါဒရဲ့ တူညီတဲ့ သရုပ်လက္ခဏာ ၁၄ ရပ်ကို ဖော်ထုတ် တင်ပြထားတာ ရှိပါတယ်။
    .
    ၁။ အားကောင်းမောင်းသန်၊ စဉ်ဆက်မပြတ်တဲ့ အမျိုးသားရေးဝါဒ
    .
    ၂။ လူ့အခွင့်အရေးကို အသိအမှတ်ပြုရမှာ မလိုလား
    .
    ၃။ စည်လုံးညီညွတ်ရေးအတွက် ရန်သူ/တရားခံ ရှာထား။
    .
    ၄။ စစ်တပ်ရဲ့ ကြီးစိုးမှု
    .
    ၅။ ကျား-မ ခွဲခြားမှု ပြင်းထန် (နယ်ပယ်တိုင်းမှာ ယောက်ျားအများစုကသာ ကြီးစိုး လွှမ်းမိုးထား)
    .
    ၆။ မီဒီယာကို ထိန်းချုပ်ထား
    .
    ၇။ နိုင်ငံတော် လုံခြုံရေး ဥပါဒါန်စွဲကပ်နေ
    .
    ၈။ ဘာသာတရားနဲ့ အစိုးရက ဒွေးရောယှက်တင် (နိုင်ငံထဲက ကိုးကွယ်မှု အများဆုံး ဘာသာကို အသုံးချပြီး လူထုရဲ့ သဘောထားကို ထင်သလို ချယ်လှယ်နိုင်ဖို့ အားထုတ်တတ်စမြဲ)
    .
    ၉။ စီးပွားရေးသမားတွေ၊ အခွင့်ထူးခံတွေရဲ့ သြဇာအာဏာကို ကာကွယ်စောင့်ရှောက်ပေး
    .
    ၁၀။ လုပ်သားအင်အားစုရဲ့ သြဇာအာဏာကို နှိပ်ကွပ် နှိမ်နင်းထား (အလုပ်သမား သမဂ္ဂတွေ ရှိခွင့်မပေး၊ ရှိလည်း အကြီးအကျယ် ဖိနှိပ်ထား)
    .
    ၁၀။ တတ်သိပညာရှင်တွေ၊ အနုပညာတွေကို စက်ဆုပ်
    .
    ၁၂။ ရာဇဝတ်မှုနဲ့ ပြစ်ဒဏ် ဥပါဒါန် စွဲကပ်နေ။ (ရဲတွေမှာ ကန့်သတ်မဲ့ သြဇာရှိ)
    .
    ၁၃။ အလွမ်းသင့်သူများ ကောင်းစားရေး ဝါဒရယ် အကျင့်ပျက်ခြစားမှုတွေရယ် ထောင်းထောင်းထနေ
    .
    ၁၄။ မသမာတဲ့ ရွေးကောက်ပွဲတွေ
    .
    အကျယ် ဖတ်ချင်ရင် ဖြစ်စေ၊ အပြည့်အစုံ ဘာသာပြန်လိုရင် ဖြစ်စေ သည်မှာ သွားကြည့်နိုင်ပါတယ်။

    http://www.rense.com/general37/fascism.htm

    စာရေးဆရာ အတ္တကျော်၏ FB စာမျက်နှာတွင် ဖော်ပြချက်ကို ပြန်လည်မျှဝေဖော်ပြခြင်းဖြစ်ပါသည်။