News @ M-Media

Author: editor

  • ဦးကိုနီအားလုပ်ကြံရန် အောင်ဝင်းခိုင်တို့ ဆွေးနွေးခဲ့ချိန်သည် နှစ်စဉ် ဆိုင်ပိတ်ရက်ဖြစ်ကြောင်း မော်ဒန် လက်ဖက်ရည် ဆိုင်ပိုင်ရှင်ပြော

    ဦးကိုနီအားလုပ်ကြံရန် အောင်ဝင်းခိုင်တို့ ဆွေးနွေးခဲ့ချိန်သည် နှစ်စဉ် ဆိုင်ပိတ်ရက်ဖြစ်ကြောင်း မော်ဒန် လက်ဖက်ရည် ဆိုင်ပိုင်ရှင်ပြော

    အမျိုးသားဒီမိုကရေစီအဖွဲ့ချူပ်ပါတီ၏ ဗဟိုဥပဒေအထောက်အကူပြုအဖွဲ့ဝင် တရားလွှတ်တော် ရှေ့နေဦးကိုနီအား လုပ်ကြံသတ်ဖြတ်ရန် ဧပြီလဆန်းပိုင်းက ဇေယျာဖြိုးနှင့် အောင်ဝင်းခိုင်တို့ တာမွေမြို့နယ်ရှိ မော်ဒန်လက်ဖက်ရည်ဆိုင်တွင် တွေ့ဆုံဆွေးနွေးခဲ့သည်ဟု ဖေဖော်ဝါရီ ၂၅ ရက်က ရန်ကုန်မြို့ မူးယစ်ဆေးဝါးပြတိုက်တွင် ပြုလုပ်ခဲ့သော သတင်းစာရှင်းလင်းပွဲတွင် မြန်မာနိုင်ငံရဲတပ်ဖွဲ့ ရဲချူပ်ဇော်ဝင်းက ပြောကြားခဲ့ရာ ယင်းကာလသည် နှစ်စဉ် ဆိုင်ပိတ်ရက်ကာလဖြစ်ကြောင်း ဆိုင်ပိုင်ရှင် ဦးသန်းဌေးက မတ်လ ၁ ရက်တွင်မြန်မာသံတော်ဆင့်သို့ အတည်ပြုပြောကြားခဲ့သည်။

    လုပ်ကြံမှုတွင်ပါဝင်သည့် ဇေယျာဖြိုးသည် ၂၀၁၆ ခုနှစ် ဧပြီလဆန်းတွင် အောင်ဝင်းခိုင် ၊ ဦးလင်းဇော်ထွန်းတို့နှင့် တာမွေမြို့နယ်ရှိ မော်ဒန်လက်ဖက်ရည်ဆိုင်၌ တွေ့ဆုံ၍ ဦးကိုနီ၏ ပြောဆိုလုပ်ကိုင်ဆောင်ရွက်မှုများကို ဆွေးနွေးခဲ့ကြပြီး ပုဂိုလ်ရေး အရ မကျေနပ်မှုများ ဖြစ်ပေါ်လာကာ ဆိုင်မှာ အပြန်ကားပေါ်တွင် အောင်ဝင်းခိုင်က ဦးကိုနီကို လုပ်ကြံသတ်ဖြတ်ရန် တိုင်ပင်ခဲ့ပြီးနောက် တစ်ပတ်အကြတွင်လည်း ၄င်းတို့ နှစ်ဦး အဆိုပါလက်ဖက်ရည်ဆိုင်၌ပင် ထပ်မံတွေ့ဆုံခဲ့သည်ဟု ရဲချူပ် ဇော်ဝင်း၏ ရှင်းလင်းပြောဆိုခဲ့မှုအပေါ် ယင်းကဲ့သို့ ပြန်လည်ပြောကြားခဲ့ခြင်းဖြစ်သည်။

    ” တို့ဆိုင်က ၃ လပိုင်းကုန်ရင် စပိတ်တယ်။ ၅ လပိုင်း အလယ်လောက်မှ ပြန်ဖွင့်တယ်။ ဒါတို့ဆိုင်ရဲ့ သဘာဝပဲ။ ငါတို့ဆိုင်ပိတ်ရက်က ဒါပဲ။ သူတို့ရေးတာ ရေးတာပဲ ငါတို့လည်း မသိဘူး။” ဆိုင်ပိုင်ရှင် ဦးသန်းဌေးက ပြောသည်။

    ထိုအပြင် မော်ဒန်လက်ဖက်ရည်ဆိုင်တွင် ဦးကိုနီအကြောင်း ပါဝင်ဆွေးနွေးခဲ့သည်ဟု ဆိုသော လက်ရှိ မိုင်းဖြတ်ပြည်သူ့လွှတ်တော် ကိုယ်စားလှယ် တပ်မတော် ဗိုလ်မှူးကြိးဟောင်း ဦးလင်းဇော်ထွန်း က ဦးကိုနီလုပ်ကြံခံရမှုမှာ လက်ဖက်ရည်ဆိုင် တွင်ပြောဆိုချက်များအပေါ် အခြေခံသည်၊ အခြေမခံသည်ကို မသိရှိကြောင်း၊ အမုန်းတရားဖြစ်လာနိုင်သည့် တဖက်စွန်းရောက် ဆွေးနွေးချက်များ မရှိကြောင်း၊ အောင်ဝင်းခိုင်၊ ဇေယျာဖြိုးတို့နှင့်အတူ ရိုက်ကူးထားသည့် ဓါတ်ပုံမှာလည်း သမီးဖြစ်သူ ကျောင်းကိစ္စ ဖြင့် ဟောင်ကောင်သို့သွားရောက်စဉ် ဟောင်ကောင်လေဆိပ်တွင် ၄င်းတို့နှင့် တွေ့ဆုံသဖြင့် ရိုက်ကူးခဲ့ခြင်းသာဖြစ်ကြောင်း ဖေဖော်ဝါရီလ ၂၇ ရက်နေ့က ပြည်ထောင်စုလွှတ်တော် အစည်းအဝေးအပြီးတွင် မီဒီယာများနှင့် တွေ့ဆုံစဉ် ပြောကြားခဲ့သည်။

    မြန်မာသံတော်ဆင့် အတွဲ ၅ အမှတ် ၅၁ စာ- ၂ မှ ကောက်နှုတ်ဖော်ပြပါသည်။

  • သခင်မင်းညို (သို့မဟုတ်) သခင်မျိုးဆက် နောက်ဆုံးကြယ်ပွင့်

    သခင်မင်းညို (သို့မဟုတ်) သခင်မျိုးဆက် နောက်ဆုံးကြယ်ပွင့်


    သခင် မင်းညို (ခေါ်) ဦးကျော်အေး (ခေါ်) ရှိုက်ခ်မုဟမ္မဒ်မူစာ ကို ခရစ်သက္ကရာဇ် ၁၉၁၅ ခုနှစ်၊ ဒီဇင်ဘာလ(၂၀)ရက်၊ မြန်မာသက္ကရာဇ် ၁၂၇၆ ခုနှစ်၊ နတ်တော် လပြည့်ကျော် (၉) ရက်၊ ကြာသပတေးနေ့ နံနက် (၄)နာရီတွင် အဘ ဦးသာဒင်(ပန်းရံ ဆရာကြီး)၊ အမိ ဒေါ်ရွှေရင့် (ရွှေဘော်ကျွန်း သူ) တို့ထံမှ ကချင်ပြည်နယ်၊ ရွှေကူ မြို့နယ်၊ ကျွန်းတော်ရွာ (ဘုမ္မိဇေယျ-ရွှေဘော်ကျွန်း)တွင် ဖွားမြင်သည်။ မွေးချင်း လေးဦးအနက် ဒုတိယမြောက် သားဖြစ်သည်။

    ကျွန်းတော်ရွာတွင် အင်္ဂလိပ်အစိုးရခေတ် ဆရာ ဦးတေဇကျောင်းဇရပ်တွင် တတိယတန်းအထိ ပညာသင် ယူခဲ့သည်။ ဗန်းမော်မြို့ရှိ အစိုးရမြူနီစပယ်ကျောင်း (ခေါ်) ဆရာကြီး ဦးသောင်းကျော်တွင် စတုတ္ထတန်းအထိ ပညာ သင်ယူခဲ့သည်။ ထို့နောက် မြူနီစပယ်အလယ်တန်းကျောင်း တွင် စတုတ္ထတန်းမှ သတ္တမတန်းထိကို ဆရာကြီး ဦးလွန်းပြေ၊ ဒေါ်အေးလှိုင်၊ ဦးစိန်ဖေ၊ ဦးထွန်းစိန်၊ ဆရာကြီး ဦးငယ်၊ ဆရာမ ဒေါ်စိန်ကြူ၊ ဦးဘရီ တို့ထံမှ သင်ယူခဲ့ သည်။ စာ စဖတ်တတ်စဉ်ကပင် မြန်မာရာဇ၀င်စာအုပ်များကို အလွန်နှစ်ခြိုက်စွာ ဖတ်ရှုခဲ့သည်။ အူရဒူစာပေကို စတုတ္ထတန်းထိ သင်ကြားခဲ့ပြီး အူရဒူမစ္စတာဂဖားက စာ စစ်ခဲ့သည်။ ၁၉၃၂ ခုနှစ်တွင် မူလတန်းဆရာဖြစ်သင်တန်းကို တောကြိုတောင်ကြားများ ဖြတ်၍ အခက်အခဲများကြား မှ သက်စွန့်ဆံဖျား သွားရောက် သင်ယူခဲ့ရသည်။

    သခင်လှုပ်ရှားမှု
    —————–
    ကချင်ပြည်နယ် ဟူ၍ပင် သတ်သတ်မှတ်မှတ် မဖြစ်ပေါ်သေးသည့် ၁၉၃၀-၄၀ ခုနှစ်ကာလတွင် မြစ်ကြီးနား၊ ဗန်းမော် စသည့် မြို့များတွင် နယ်ခြားဒေသဥပဒေ (Frontier Act) ပုဒ်မ-၂ အရ ၂၄ နာရီအတွင်း ပြည်မသို့ နယ်နှင်ဒဏ်ပေးနိုင်သည့် ဥပဒေ ခြိမ်းခြောက်နေချိန် ဖြစ် သည်။ ပြည်မတွင်လည်း ဒို့ဗမာအစည်းအရုံးနှင့် နဂါးနီ စာပေတို့၏ လှုံ့ဆော်မှုကြောင့် အမျိုးသားစိတ်ဓာတ် တ ဟုန်ထိုး မြင့်တက်နေချိန်ဖြစ်သည်။ နယ်ခြားဒေတွင်မူ နယ် ချဲ့လက်ပါးစေများ ဘုန်းမီး​နေလ ထွန်းတောက်နေသော ကာလဖြစ်သည်။ ထိုကာလ `နယ်ချဲ့ဆန့်ကျင်ရေး၊ လွတ် လပ်ရေး´ အသံများ ဟပင် မဟရဲကြချိန်တွင် စတီးဘရား သားကုမ္ပဏီမှ ဦးသီလ (အထက်အရာရှိ အင်္ဂလိပ်ကပြား နှင့် စကားများပြီး မျက်နှာကိုထိုးပြီး လခပင် မယူဘဲ ပြောင်းလာခဲ့သူ)သည် ဗျူရိုကရက်ဆန့်ကျင်ရေး၊ အမျိုးသား စိတ်ဓာတ်ထွန်းကားရေးများကို မန္တလေး သူရိယသတင်းစာ တွင် လက်သံပြောင်စွာပင် အဆက်မပြတ် လှုံ့ဆော်ရေးသား လေသည်။ နောင်တွင် သခင်မင်းညိုဖြစ်လာမည့် မောင်ကျော်အေးသည် ၎င်းပုဂ္ဂိုလ်ကြီးနှင့် ဆက်စပ်မိရာမှ အင်္ဂလိပ်ဆန့်ကျင်ရေး စိတ်ဓာတ်များ စတင်တက်ကြွလာ တော့သည်။ ထိုမှတဆင့် ၁၉၃၆ ခုနှစ်၊ အောက်တိုဘာလတွင် လူ(၇)ဦးနှင့် သင်္ဃန်းဝတ်တစ်ပါးတို့ ပါဝင်သည့် ”ဗန်း မော်စီရင်စု-ဒို့ဗမာအစည်းအရုံး ကလပ်စည်း” ကို စတင် ဖွဲ့စည်းလိုက်သည်။ ၎င်းတို့မှာ –
    ၁။ ဦးသီလ (နာယက)
    ၂။ သခင်ဗဦး (အကျိုးဆောင်)
    ၃။ သခင်မကြီး မှုံ
    ၄။ သခင်မြရင်
    ၅။ ကိုစိန်-လခစား ၀န်ထမ်း၊ လျှို့ဝှက်အမည်(သခင်ဗဖိုး)
    ၆။ သခင်ဥတ္တမ (လူဝတ်လဲပြီးနောက် – သခင်စိန်)
    ၇။ သခင်မင်းညို (အသက်အငယ်ဆုံး)
    ၈။ ရဲဘိုးအောင် တို့ ဖြစ်သည်။

    ဧည့်သည်အဖြစ် ရွှေကူမြို့ ခုန်ခမ်းရပ်မှ သခင် ကျော်ရ ပါဝင်ခဲ့ပြီး ၎င်းသခင်အစုကို မင်းတိုင်ပင်အမတ် ဆရာထီး၊ ရှေ့နေ ဦးစောရီ၊ စာရေးကြီး ကိုခင်မောင်နှင့် သိမ်ကျောင်းဆရာတော် ဦးဝါသ၀(သခင်မင်းညို ဖခင်နှင့်  ဆရာရင်း ဒကာရင်းကဲ့သို့ ခင်မင်) တို့က အားပေးခဲ့သည်။ ထိုမှစ၍ အသက် ၂၁ နှစ်အရွယ်ခန့် မောင်ကျော်အေးသည် `သခင်မင်းညို´ ဟု အမည်တွင်လာခဲ့သည်။

    သတင်းထောက်ဘ၀ သခင်မင်းညို
    ————————————–
    သခင်မင်းညိုသည် နာယကကြီး ဦးသီလ အဆက် အသွယ်ဖြင့် မန္တလေးသူရိယသတင်းစာ ဗန်းမော် သတင်း ထောက် ဖြစ်လာပြီး ”အရေးပိုင်ပြီးရင်ငါ၊ ဘယ်ဗမာမှ လူ ရာမသွင်း ” ဆိုသူ အရေးပိုင်ရုံး စာရေးကြီး၏ လာဘ်စားမှု များကို ”နင်မတတ်လို့” ခေါင်းစဉ်ဖြင့် သတင်းစာတွင် ရေး လိုက်သည်။ ဗန်းမော်မြို့ တခွင် လှုပ်လှုပ်ရွရွ ဖြစ်ကုန်ပြီး ”နတ်မဲကြီး” ခေါင်းစည်းနှင့် ဆောင်းပါးတစ်ပုဒ် ထပ်ပါ လာသည့်အခါတွင်မူ နာယကကြီး ဦးသီလကို မျက်နှာဖြူ အရေးပိုင်ကြီး ခေါ်တွေ့လေတော့သည်။ ဦးသီလက ဆောင်းပါးရှင် မည်သူဆိုသည်ကို မပြောသည့်အပြင် ပြန် လည် ဟိန်းဟောက်သည့်အခါတွင်တော့ မျက်နှာဖြူတို့ မည်သို့မျှ မတတ်နိုင်ခဲ့ပေ။ ထိုစဉ်မှစ၍ ဦးသီလအား ဗန်း မော်လူထုက `မီးခဲကြီး´ ဟူသော ဘွဲ့အမည် ပေးလိုက်သည်။

    ရက်အနည်းငယ် အကြာမှာပင် နယ်ခြားဒေသ ဥပဒေပုဒ်မ-၂ အရ သခင်ဗဦးနှင့် သခင်မင်းညိုတို့အား ကသာသို့ နယ်နှင်ဒဏ်ပေးရန် စီစဉ်နေကြောင်း မင်းတိုင်ပင်အမတ် ဆရာထီး သတင်းရ၍ ဆရာထီးနှင့် အရေးပိုင်တို့ တချီတစ်ပွဲ နွှဲခဲ့ကြရပြန်သည်။

    ရက်ပိုင်းအတွင်း အမျိုးသားအောင်ပွဲနေ့ ရောက် ရှိလာသည့်အခါ ရဲဘိုးအောင်၊ ရှေ့နေဦးစောရီ နှင့် စာရေး ကြီး ကိုခင်မောင်တို့ သုံးဦးခေါင်းဆောင်၍သခင်မင်းညို အရွယ်(၁၃)ဦး ပါဝင်သည့် သမဂ္ဂ တူရိယာအဖွဲ့သည် ဒေါင်းအလံရှေ့က လွှင့်ထူ၍ တစ်​မြို့လုံးပတ်ချီတက်ခဲ့ကြသည်။ ၎င်းအဖွဲ့တွင် သခင်မင်းညိုသည် ဘင်ဂျိုတီး အဆိုတော် အဖြစ် ပါဝင်ခဲ့ပြီး နယ်ချဲ့သမားတို့၏ တပ်စိပ်များအနီး ရောက်သည့်အခါ ကြောက်ရွံ့၍ ရပ်ဆိုင်းသွားခြင်းမရှိသည့် အပြင် အသံပိုကျယ်လောင်စွာပင် တီးမှုတ်သီဆိုခဲ့လေသည်။

    ကျောင်းအသိအမှတ်ပြု လက်မှတ်ရရေး
    ——————————————-
    သခင် မင်းညိုသည် ကျောင်းအသိအမှတ်ပြု လက်မှတ် ရုပ်သိမ်းခံရသည့် ညောင်ပင်ရပ် တောင်ပိုင်း မဟာစေတီ ကျောင်းတိုက် အလယ်တန်းကျောင်း လက်မှတ် ပြန်ရရေးအတွက် ကျောင်းထိုင်ဆရာတော် ဦးကုလနှင့်အတူ မဆုတ်မနစ် ကြိုးပမ်းပေးခဲ့ရာ နွားပင် အခမဲ့ နှစ်နှစ်နီးပါး ကျောင်းပေးခဲ့ရသည်။ ကသာမြို့ရှိ ဟေမာယသွလ်အစ္စလာမ် အသင်းကလည်း ၎င်းတို့ကျောင်းတွင် ဆရာသာရှိလျှင် အသိအမှတ်ပြုလက်မှတ် ရနိုင်မည်ဟု ဆိုလာသည့်အတွက် ကသာသွား၍ ဆရာကြီး မော်လ၀ီဦးဟာရှင်(ဥက္ကံ) နှင့်အတူ ကြိုးစားလိုက်ရာ ခြောက်လခန့် အတွင်း ကျောင်း အသိအမှတ်ပြုလက်မှတ် ရရှိခဲ့သည်။ အစ္စလာမ်ဘာသာရေး စာပေရော၊ ခေတ်ပညာပါ တွဲဖက် သင်ကြားပေးနိုင်သည့် ဆရာဖြစ်လက်မှတ်ရ ပုဂ္ဂိုလ်ရှားပါးလွန်း၍ ၀ါးခယ်မမြို့နယ်၊ ကျွန်းကုန်းရွာကပင် သခင်မင်းညို အား လှမ်းခေါ်ခဲ့သေးသည်။

    ယုံကြည်ချက် မစွန့်သူ သခင်မင်းညို
    —————————————
    သခင် မင်းညိုသည် ကသာတွင် သခင် ဗဦး (ရှေ့နေ)၊ သခင်ချစ်ထူး (ဘိလပ်ရည်)၊ သခင် ကျော်ဝင်း (ရှေ့နေ-မန္တလေး)၊ သခင်အာယု(မိုးတား-သီဟိုဠ်ပြန်၊ ပါဠိ ပါမောက္ခ)၊ ဆရာကြီး ဦးစောပိုင်၊ ကိုနေ၀င်း(ကာယဗလ) တို့နှင့်အတူ နယ်ချဲ့ဆန့်ကျင်ရေး ပြောင်ပြောင်တင်းတင်း လှုပ်ရှားခဲ့သည်။ ဗန်းမောက်၊ ပင်လည်ဘူး၊ အင်းတော်၊ နဘား၊ မော်လူး၊ မဲဇာ၊ ကောလင်း၊ ၀န်းသို မြို့များအထိ အခွင့်သာတိုင်း သခင်တရား လိုက်ဟောခဲ့သည်။ ကောလင်းတွင် အရှေ့ဗလီအရောက် သခင်ဦးထုပ် (၀ါးဖတ် ဦးထုပ်) ချွတ်၍ အဆွရ်ဆွလာသ် ၀င်ဝတ်ပြုသည်ကိုမြင်၍ ဒေသခံ ဗမာမွတ်စ်လင်မ်များအဖို့ အထူးအဆန်းသဖွယ် ဖြစ်ခဲ့ရသည်။ ဟေမာယသွလ် အစ္စလာမ်ကျောင်းတွင် ကျောင်းဆရာလုပ်ချိန် ကျောင်းသား သပိတ်ကြီးပေါ်ပေါက်ခဲ့သည်။ လူထုအုံကြွနေချိန်တွင် ကျောင်းကို ဆရာကြီး မော်လ၀ီဦးဟာရှင် နှင့် လွှဲထားပြီး သပိတ်တွင် တက်ကြွစွာ ၀င်ရောက်ပါဝင်ခဲ့သည်။ အရေးအခင်းကြီး အေးသည့်အချိန်တွင် ပညာအုပ်က သခင်မင်းညိုကို ကောလင်းမြို့နယ် တာရွာ ဘုန်းတော်ကြီး ဦးအာစရ (ငှက်တွင်းဂိုဏ်း)ကျောင်းသို့ ရွှေ့ပြောင်းလိုက်သည်။ ကောလင်းတွင် လက်ရုံးတပ်ဗိုလ် သခင်ဘထွန်း၊ သခင်ဗဆင်၊ သခင်အောင်ဘ စသည့် လူငယ်သခင်များနှင့် တွဲမိခဲ့သည်။ ၎င်းင်းတွင် လက်ရုံးတပ်သား ၂၀ ခန့်ကို သခင်ဘထွန်း အုပ်ချုပ်ပြီး သခင်မင်းညိုသည် အကြံပေး တာဝန်ယူခဲ့သည်။

    တစ်ရက်တွင် ရာဇ၀တ်အုပ် ဦးမြဒင် ရောက်ရှိလာပြီး အစိုးရဆန့်ကျင်ရေး မလုပ် ရန် လာရောက် သတိပေးရာ သခင်မင်းညိုက ” ဟားဟား …ကိုမြဒင် ..ခင်ဗျား တာဝန် နဲ့ ခင်ဗျားပဲ …  ကျွန်တော်တော့ ကျောင်းဆရာ အဖြစ်က နှုတ်ထွက်ပြီး ယုံကြည်ချက်အတိုင်း ဆက်လုပ်မယ် ” ဟု ဆိုကာ ကျောင်းဆရာအဖြစ်မှ နှုတ်ထွက်လိုက်လေတော့သည်။

    ဗမာမွတ်စ်လင်မ်လူငယ်များ နိုးကြားရေးအဖွဲ့ တာဝန် ထမ်းဆောင်စဉ်
    —————————————————————————–
    ဒေါက်တာရွှေခဲ သဘာပတိအဖြစ် ဆောင်ရွက် သည့် ဗမာမွတ်စ်လင်မ်လူငယ်များ နိုးကြားရေးအဖွဲ့ ညီလာခံကို မန္တလေးမြို့တွင် ကျင်းပခဲ့ရာ ၎င်းတွင် သခင် မင်းညိုက ”ရဲရဲတောက် မကြောက်တရား” ဟောကြားခဲ့ပြီး အထက်ဗမာပြည် စည်းရုံးရေး တာဝန်ပေးအပ်ခြင်း ခံခဲ့ရသည်။

    မြေဒူးနယ်တွင် ဗမာမွတ်စ်လင်မ်များ ရွာနှင့်ချီ ရှိသည်ဟု သခင်ဗဆင်တို့၏ ပြောကြားမှုကြောင့် သခင် မင်းညိုသည် ကန့်ဘလူသို့ ခရီးဆက်ခဲ့သည်။ ထိုမှတဆင့် မြေဒူး ဗုတ်တောရွာရှိရာ အနောက်ဘက် ၁၀ မိုင်ခန့်ကို ကိုရဲလှ (ဗုတ်တောရွာသား)နှင့်အတူ တောကြီးမျက်မည်း ဖြတ်၍ သွားသည်။  နောက်ဆုံး ရွာသို့ရောက်ရာ ကျောင်းအုပ် ဆရာကြီး ဦးညွန့်နှင့် ဆရာဦးဘိုးချယ်တို့၏ စီစဉ်မှုဖြင့် `နိုးကြားရေးအဖွဲ့အကြောင်းနှင့် မကြောက်တရား´ ဟောကြား ခဲ့သည်။ အေရှာဆွလာသ်အပြီးတွင် ဗုတ်တော၊ ဆားကုန်း၊ ဆားကိုင်းနှင့် ရွာသစ်တို့ ပါဝင်သည့် လေးရွာအုပ်စုမှ တောင်သူလယ်သမား တိုင်းရင်းသား မွတ်စ်လင်မ်ထုကြီးကို အာရဗီသိပ္ပံကျောင်းကြီး ဗလီမျက်နှာစာရှေ့တွင် ဟော ကြားခဲ့ခြင်း ဖြစ်သည်။ ထိုစဉ် ၎င်းကျောင်းကြီးသည် မြေပိုင်ရှင် ဒေါ်မယ်မသား ကိုဧမောင် ဆောက်လုပ်လှူဒါန်းထားသည့် ဆားကုန်းဗလီ မျက်နှာစာရှေ့ရှိ တစ်ထပ်ကျောင်းအဆင့်သာ ဖြစ်သည်။ ဆရာကြီးခွာ၊ ဆရာကြီးသိန်း တို့ ဘာသာရေးပညာသင်ကြားပြီး ကျောင်းအုပ်မှာ ဆရာကြီးပုံ ဖြစ်သည်။ သည်ဘက်ခေတ်တွင် ကန့်ဘလူမြို့ ပေါ်တွင် မြေပိုင်ရှင် ဒေါ်မိ (ဗုဒ္ဓဘာသာ) လှူထားသည့် မြေကွက်တွင် ခန့်ညားထည်ဝါစွာ ကျောင်းသား သုံးလေးရာကို ဘာသာရေးပညာ သင်ကြားပေးနေသည့် ကန့်ဘလူ အာရဗီသိပ္ပံကျောင်းကြီးသည် ထိုစဉ်က ကျောင်းသား သုံး လေးဆယ်သာ ရှိသေးသည်။ သခင်မင်းညိုသည် ဗုတ်တော တွင်နေစဉ် ထိုကျောင်းကြီးတွင် မော်လ၀ီလောင်းများကို သမိုင်းနှင့် မြန်မာဘာသာကို တစ်ပတ်တစ်ကြိမ် လက်ချာ ပေးခဲ့သည်။

    လေးရွာအုပ်စု တရားပွဲသို့ လမ်းကြုံဝင်ရောက် နားထောင်သည့် ဦးကာလုံဆိုသူကလည်း နောက်နေ့တွင် ၎င်း၏ မှော်တောရွာတွင်ပါ လာရောက် ဟောပြောပေးရန် ဖိတ်သွားခဲ့သည်။ ထို့ကြောင့် တရားပွဲပြီး နောက်တစ်နေ့ အဆွရ်အပြီးတွင် မှော်တောရွာသို့ တစ်ဦးတည်း သွားခဲ့သည်။ ရွာလယ်ရောက်သည့်အခါ ဗလီ (ဗုဒ္ဓဘာသာ ဘုန်း ကြီးကျောင်းဟု အထင်မှားရလောက်အောင် မြန်မာမှု ပီသ၊ အဇာန်သံကြား၍သာ ၀င်သွားခဲ့) တွင် ဦးကာလုံနှင့် အပေါင်းပါတစ်စုနှင့် တွေ့ပြီး တရားပွဲအတွက် စီစဉ်ကြသည်။ ၎င်းဗလီ မျက်နှာစာရှေ့တွင် တရားပွဲကျင်းပပြီး ဦးဆင့်(မှော်တော အစိုးရမူလတန်းကျောင်းဆရာကြီး) က သဘာပတိ လုပ်ခဲ့သည်။ ပရိသတ် ၁၅၀ ခန့် ရှိသည့် ၎င်းတရားပွဲတွင် တောင်ဘက်ခြမ်းရွာမှ ဗုဒ္ဓဘာသာ ဆရာ တော်ကြီးနှင့် ကိုရင်သုံးပါးကပင် တကူးတက လာရောက် နားထောင်ခဲ့ရသည်။

    ထိုမှတဆင့် သခင်မင်းညိုသည် ဗန်းမော်ပြန်ရန် စီစဉ်နေစဉ် `ကောလင်းကျောင်း တစ်ဆင့်မြှင့်ရန် လုံးပမ်းနေသည်။ အခမဲ့လုပ်အားပေးရန်´ ဟု စာရောက်လာ၍ သွားရောက် လုပ်အားပေးခဲ့သည်။

    ၁၉၃၈ ခုနှစ်တွင် မန္တလေးတွင် ကျင်းပသည့် နိုးကြားရေးညီလာခံမှ သခင်မင်းညိုအား ၀ါဒစည်းရုံးရေးမှူး တာဝန်ပေးအပ်ခဲ့သည်။ သခင်မင်းညိုသည် မြေဒူးနယ် တစ်ဝိုက် နိုးကြားရေးဝါဒဖြန့် စည်းရုံးရင်း နယ်ချဲ့အင်္ဂလိပ် ဆန့်ကျင်ရေး လှုံ့ဆော်တရားပွဲများကို အခွင့်သာတိုင်း ဆရာဦးဘိုးချယ်နှင့်အတူ ပြုလုပ်ခဲ့သည်။ ဗုတ်တော(၄)ရွာမှ လူငယ်လူရွယ်များကို ဗမာ့လက်ရုံးတပ်၏စစ်ရေးလေ့ကျင့်မှုများ သင်ကြားပေးခဲ့သည်။ အင်္ဂလိပ်လက်ပါးစေ ပုလိပ်ဦးသူတော် ဆိုသူသည် ကန့်ဘလူပုလိပ်ဌာနမှ အထူးတာဝန်ပေးအပ်မှုအရ သခင်ကြီးနောက်သို့ မြင်းပုစီးပြီး တကောက်ကောက် လိုက်နေခဲ့သည်။ နိုးကြားရေးပြန်တမ်းတွင် မြေဒူးမြို့နယ် စည်းရုံးရေးလှုပ်ရှားမှုကို အတက်ကြွဆုံးအဖြစ် ဖော်ပြခဲ့သည်။ (ပသီကိုကိုလေး ပြုစုသော `မြန်မာ နိုင်ငံနှင့် အစ္စလာမ့်သမိုင်း´ ပထမတွဲ)

    နိုးကြားရေးအဖွဲ့ချုပ် ဥက္ကဋ္ဌကြီး ဦးကိုကိုလေး (စိုက်ပျိုးရေးဝန်ထောက်-မန္တလေး-ပင်စင်) ဗမာပြည် အ ရပ်ရပ်မှ ဘာသာ၊ သာသနာ၊ ပညာရေးတိုးတက်မှု လိုလားသူ မျိုးချစ်ပုဂ္ဂိုလ်ကြီးများ ကြွရောက်ကြသည့် အာရဗီသိပ္ပံကျောင်းကြီး အတန်းတင်စာမေးပွဲကြီး ကျင်းပရာတွင်လည်း စာမေးပွဲကြီး မကျင်းပမီအကြိုညများတွင် ရွာဆရာများ၏ ဘာသာရေးတရားပွဲ၊ သခင်ကြီးတို့၏ နိုးကြားရေး တရားပွဲများဖြင့် ညတစ်နာရီ၊ နှစ်နာရီတိုင် စည်ကားခဲ့ သည်။

    တရားဟောကြားပုံ
    ———————
    ဦးစွာ တတ်သမျှ ဖတ်ရွတ်သရဇ္ဈယ်သည်။ ”တကောင်း အဘိရာဇာ တို့ ဗမာ….” အစချီ ဒို့ဗမာသီချင်းကို ခုနှစ်မောင်းတင် လက်သီးလက်ရုံးတန်း၍ ဟဲသည်။ ဗမာ မွတ်စ်လင်မ် (နိုးကြားရေး) သီချင်းတစ်ပုဒ် ဟဲသည်။ ထို့နောက် ဗမာမွတ်စ်လင်မ်သမိုင်း၊ ဗမာမွတ်စ်လင်မ်တို့ တိုင်းပြည်အကျုိုး ကျရာ တာဝန်ကို သစ္စာရှိစွာ ထမ်းရွက်ခဲ့ပုံ၊ အင်္ဂလိပ်နယ်ချဲ့များနှင့် သုံးကြိမ် ဆင်နွှဲခဲ့ရသည့် သူ့ကျွန်မခံ စစ်ပွဲများတွင် တိုင်းပြည်အတွက် အသက်အိုးအိမ်စည်းစိမ် စွန့်လွှတ်ခဲ့ပုံ၊ မျက်မှောက် မွတ်စ်လင်မ်တို့ အခြေအနေ၊ နိုးကြားရေးအဖွဲ့ ရည်ရွယ်ချက်၊ လဆန်းရောင် စာစောင်ကြော်ငြာ၊ နယ်ချဲ့ဆန့်ကျင်ရေး ”ရဲရဲတောက် မကြောက်တရား” စသည်တို့ကို နှစ်နာရီကြာတင်ပြပြီး ”အ ရေးတော်ပုံ အောင်ရမည်” ဟူသော ကြွေးကြော်သံနှင့် နိဂုံးချုပ်လေ့ရှိသည်။
    တရားပွဲ အချို့တွင် ဆိုလျှင် အမျိုးသမီးထု၏ တောင်းဆိုမှုကြောင့် အမျိုးသမီး သီးသန့်ဝိုင်းများကို နောက်ဆက်တွဲအဖြစ် ဖဂျရ်အဇာန် ဆိုသည့်တိုင် ဟောကြားခဲ့ရဖူးသည်။

    သခင်မင်းညို၏ ဘာသာတရား ကိုင်းရှိုင်းမှု
    ———————————————-
    မွတ်စ်လင်မ် မိဘများက မိမိသားသမီးများကို ”ဒီသခင်ကောင်နဲ့ မပေါင်းနဲ့၊ ဒီကောင် ထောင်စာ…”ဟု ဆိုကာ သခင်မင်းညိုနှင့် အပေါင်းအသင်းမပြုရန် တားကြ သည်။ သို့သော် သခင်ကြီး၏ ဘာသာတရားကိုင်းရှိုင်းမှုကြောင့် နောက်ဆုံးမှာမူ ၎င်းတို့သည် သခင်ကြီးနှင့် ဖက်လဲတကင်း ခင်ခင်မင်မင် ဖြစ်လာကြရတော့သည်။

    သခင်မင်းညိုပြောသည့်  အစ္စလာမ်နှင့်  ကွန်မြူနစ်ဝါဒ
    ———————————————————–
    အစ္စလာမ်တွင် ဖန်ဆင်းတော်မူသည့် အလ္လာဟ် ရှိသည်။ ကျမ်းမြတ်ကုရ်အာန် ရှိသည်။ တမန်တော်ရှိသည်။ ရတနာသုံးပါး ဖြစ်သည်။ ကွန်မြူနစ်ဝါဒတွင်မူ ဖန်ဆင်းရှင် မရှိ၊ ကာလ်မက်စ်၊ လီနင်တို့ ထိုးထွင်းကြံဆ တီထွင်ထားသည့် လက်ဝဲ၀ါဒ တရားသာ ရှိသည်။

    သခင်မင်းညိုသည် ဗမာမွတ်စ်လင်မ်ကွန်ဂရက် (ဗမက)၏ ဗန်းမော်မြို့နယ် အမှုဆောင်အဖွဲ့ဝင်အဖြစ် တာဝန်ထမ်းဆောင်ခဲ့သည့်အပြင် ၁၉၄၇ ခုနှစ်တွင် ဗန်းမော်မြို့ ပြဇာတ်အဖွဲ့နှင့် ဘားကျွမ်းအဖွဲ့တို့တွင်လည်း ပါဝင်ခဲ့သည်။ ဗန်းမော်မြို့ မဟာသိမ်တော်ကြီးပွဲခင်း `နေသူရိန်´ ဇာတ်ရုံတွင် ဦးကျော်ဇော၊ ဦးကျော်အေးတို့နှင့်အတူ နှစ်ရက်အတွင်း ဇာတ်တိုက်၍ ဗမက ရန်ပုံငွေအတွက် ကပြခဲ့သည့် ”နိုင်ငံတော် လုပ်ကြံမှု” ပြဇာတ်ဆိုလျှင် ရန်ပုံငွေ နှစ်သောင်းကျပ်ကျော် ရခဲ့သည်အထိ အောင်မြင်ခဲ့သည်။ (ထိုခေတ်က လက်ဖက်ရည်တစ်ခွက် ပြား ၂၀)။ ပြဇာတ် ကြည့်ရှုကြသည့် အဖွားအိုများ ဆိုလျှင် ” အောင်ဆန်းရေ…. ”ဟု အော်ကာ ထိုင်ငိုခဲ့ရသည်အထိ လူအများ၏ ရင်ကိုထိကြေကွဲ ၀မ်းနည်းစေခဲ့သည်။ ထိုခေတ်တွင် ဘာသာပေါင်းစုံ စိတ်ဝမ်းကွဲပြားမှု လုံးဝမရှိခဲ့ပေ။

    အသက် (၁၀၁)နှစ်ရှိပြီ ဖြစ်သော်လည်း သခင်ကြီးသည် စကားကို ကြာရှည်စွာ မမောနိုင်ပြောနိုင် သေးသည်။ စာများစွာကို အချိန်ကြာကြာ မျက်မှန်မလိုဘဲ ဖတ်နိုင်သေးသည်။ တစ်ဦးတည်း သွားလာလှုပ်ရှား နိုင်သေးသည်။ ကျန်းမာရေး အထူးလိုက်စားသည်။ နေ့စဉ်အချိန်မှန် လမ်းလျှောက်ထွက်သည်။ လူငယ်များအား ဆွလာသ် ၀တ်ပြုရန်နှင့် ဒိုအာတောင်းရန်၊ မကြောက်ရန်၊ မဆဲရန်၊ မလိမ်ရန်၊ မခိုမကပ်ရန် ဆုံးမလေ့ရှိသည်။ ”ရဲရဲတောက် မကြောက်တရား သခင်မင်းညို” သည် သားသမီး ငါးဦး၊ မြေး ၂၂ ဦး၊ မြစ်များနှင့် အတူ ဟသ/၄၊ ဗလမင်းထင်လမ်း ကန်တော်ရပ်ကွက်၊ ဗန်းမော်မြို့၊ ကချင်ပြည်နယ်တွင် ကျန်းမာစွာနေထိုင်လျက် ရှိပါသည်။

    မြန်မာ့လွတ်လပ်ရေးအတွက် နယ်ချဲ့အစိုးရကို ပြင်းပြင်းထန်ထန် ဆန့်ကျင်တိုက်ပွဲဝင်ခဲ့သော မြန်မာနိုင်ငံသား တိုင်းရင်းသား အစ္စလာမ် ဘာသာဝင်တစ်ဦး ဖြစ်သည့် အဘ သခင်မင်းညို၏ အတ္ထုပတ္တိကို ခေတ်ကြေးမြင် မဂ္ဂဇင်းတွင် ဂုဏ်ပြုဖော်ပြအပ်ပါသည်။

    (ဝေးလံခေါင်ဖျားသည့် ကြားမှပင် အဘ သခင်မင်းညိုထံ တကူးတက အပင်ပန်းခံ ကိုယ်တိုင် သွားရောက် အင်တာဗျူးခဲ့သည့် ပသီဆောင်းနှင်းဖြူ ၏ အင်တာဗျူးကို ပြင်ဆင် တည်းဖြတ် ဖော်ပြပါသည်။
    ပသီ ဆောင်းနှင်းဖြူအား ကျေးဇူးအထူး တင်ရှိပါသည်။)
    စာတည်းအဖွဲ့

    တက္ကသိုလ်မွတ်စ်လင်မ်ကျောင်းသားများကွန်ရက် – မြန်မာ ၏ တတိယအကြိမ်မြောက် `ခေတ်ကြေးမြင်´နှစ်လည်မဂ္ဂဇင်း(၂၀၁၅-၂၀၁၆) ပါ ဆောင်းပါးဖြစ်ပါသည်။
    ==========================
    ခေတ်ကြေးမြင်မဂ္ဂဇင်းကို ဝယ်ယူချင်ရင်တော့
    ​ရွှေလက်​​ဆောင်​စာ​ပေ
    အမှတ်​ ၂၃၃/၂၃၅၊ ၃၂လမ်း(အထက်​)၊ ပန်းဘဲတန်းမြို့နယ်​၊ ရန်​ကုန်​မြို့။
    ဖုန်း- ၀၁ ၃၇၅၃၅၇၊ ၀၁ ၃၇၄၆၃၈၊ ၀၁ ၃၈၉၀၂၂ နဲ့  UMS Network ဖုန်း- ၀၉ ၂၆၁၃၅၀၈၃၀ } တို့ကို ဆက်သွယ်နိုင်ပါတယ်။

    ရောင်းဈေးကတော့ တစ်​အုပ်​ ၂၈၀၀ိ/- ကျပ်ပါ။

  • ရေဝေးမွတ်စလင်မ် သချိုင်းတွင် မြှုပ်နှံရာ နေရာများကို အညွန်းနံပါတ်များ သတ်မှတ်ပုံ

    ရေဝေးမွတ်စလင်မ် သချိုင်းတွင် မြှုပ်နှံရာ နေရာများကို အညွန်းနံပါတ်များ သတ်မှတ်ပုံ

    မတ် ၁၊ ၂၀၁၇
    M-Media

    ဇန်နဝါရီ ၂၉ ရက်နေ့က အကြမ်းဖက်သေနတ်သမားရဲ့ လုပ်ကြံမှုကြောင့် ကွယ်လွန်ခဲ့တဲ့ အမျိုးသား ဒီမိုကရေစီ အဖွဲ့ချူပ်ရဲ့ ဥပဒေရေးရာ အကြံပေး အဖွဲ့ဝင် တရားလွှတ်တော်ရှေ့နေကြိး ဦးကိုနီရဲ့ မြှုပ်နှံရာ နေရာတွေမှာ ရေးထိုးထားတဲ့ အညွှန်း နံပါတ်ကို အကြောင်းပြုပြီး မဟုတ်မမှန် လှုံ့ဆော်ဖြန့်ဝေမှုတွေ ဆိုရှယ်မီဒီယာမှာ ပြန်နှံ့နေပါတယ်။

    ဒါနဲ့ပတ်သက်ပြီး ရေဝေး မွတ်စလင်မ် သချီုင်းတွင် မြှုပ်နှံသည့် အုတ်ဂူများ ကို နံပါတ်ပေးတဲ့ စနစ်နဲ့ပတ်သက်ပြီး ဆိုရှယ်မီဒိယာ အသုံးပြုသူတစ်ဦးမှ အောက်ပါအတိုင်းရှင်းပြထားပါတယ်။

    ရေဝေး မွတ်စလင်မ် သင်္ချိုင်းက မြှုပ်နှံတဲ့နေရာတိုင်းမှာ ဂူအမှတ် Roll နဲ့ Number ဆိုတာ ရှိပါတယ်။

    ဘယ်သူကို ဘယ် Roll ဘယ်နံပါတ်မှာ မြှုပ်နှံထားကြောင်း Register လုပ်ထားပါတယ်။

    သတ်မှတ်တဲ့ နှစ်ရောက်ရင် သည်ဂူကိုပဲ မိသားစုဝင်တွေ ထပ်မံမြုပ်နှံကြပါတယ်။ ဂူလို့သာ လွယ်လွယ်ပြောပေမဲ့ မြေကျင်းနေရာပါ။ ရှေးယခင် မြေကျင်းကို သစ်နဲ့ကာပါတယ်။

    သစ်အကုန်အကျများတာရယ် နေရာ ပိုကုန်တာရယ်ကြောင့် ကွန်ကရစ် သေတ္တာလို လုပ်လိုက်ကြပါတယ်။

    ကျင်းတကျင်း နဲ့ တကျင်းကပ်ပြီး မြေမပြိုဘဲ မြှုပ်နှံလို့ရသွားပါတယ်။

    အတန်းနံပါတ်ကို အင်္ဂလိပ် အက္ခရာနဲ့ အမည်ပေးပြီး အကွက်နံပါတ်ကို အင်္ဂလိပ် ဂဏာန်းနဲ့ မှတ်သားပါတယ်။

    A/125…B/ 754… CS/177,…IS/1259,JS/1234…စ သ ဖြင့် ပါ။

    Indexing လုပ်တဲ့ နံပါတ်တွေပါ။ ရပ်ဝေးကလာပြိး မိတ်ဆွေ၊ ဆွေမျိုးတွေ မြှုပ်နှံထားကာမှ ဆုတောင်းပေးဖို့ ၊ နေရာရှာရင်လွယ်ကူအောင် ဘယ်သေစာရင်းကို ဘယ်အကွက်မှာ မြှုပ်ထားတယ်ဆိုတဲ့ မှတ်တမ်းထားရှိခြင်းပါ။

    နံပါတ် ကိုသိလျင် သေဆုံးသူ မြေမြှုပ် ထားရာနေရာကို လွယ်လွယ်ကူကူ ရှာဖွေ နိုင်အောင် စနစ်တကျ ပြုလုပ်ထားခြင်းပဲဖြစ်ပါတယ်။

    အထူးအားဖြင့် ဂုဏ်သရေရှိသူ၊ ထင်ပေါ်ကြားသူများကလွဲ၍ ကျန်သူများ နေရာရွေးချယ်ခွင့်မရှိပါ။ အလှည့်ကျ၊ ကျရာနေရာမှာ မြှုပ်နှံရပါတယ်။

    မိသားစုဝင်တို့ မြေနေရာဟောင်း နှစ်ပြည့်ရင်တော့ ပြန်လည်ထပ်မံမြှုပ်နှံနိုင်ပါတယ်။

    IS တပ်ဖွဲ့ဝင် ကိုယ်ပိုင်နံပါတ်ရယ်လို့ လုပ်ကြံပြိး လှုံဆော်ရေးသားနေတာလား၊ အတွေးခေါင်သလား ရေးနေကြတာ မြင်လို့ရှင်းပြတာပါ။

  • “ဒီအခြေခံဥပဒေကို တပ်မတော်က ခွင့်မပြုရင် ဘယ်သူမှ ပြင်လို့မရဘူး”

    “ဒီအခြေခံဥပဒေကို တပ်မတော်က ခွင့်မပြုရင် ဘယ်သူမှ ပြင်လို့မရဘူး”

    အခြေခံဥပဒေကာကွယ်တဲ့ တပ်မတော်ကို မဘသခေါင်းဆောင်ပိုင်းက ထောက်ခံလိုက်ပါတယ်

    ပုံစာ – ၂ဝ၁၅ နှစ်ကုန်ပိုင်းက မော်လမြိုင်မြို့ မြစေတီပရိယတ္တိစာသင်တိုက်မှာ တွေ့ရတဲ့ မဘသ ဗဟိုအတွင်းရေးမှူး ဆရာတော် ဦးဝိမလဗုဒ္ဓိ (ဓာတ်ပုံ – ဖြိုးသီဟချို / Myanmar Now)

    ထက်ခေါင်လင်း/Myanmar Now

    ဦးကိုနီလိုမျိုး အခြေခံဥပဒေပြင်လိုသူတွေကို  မုန်းတီးသူ၊ သတ်ချင်သူတွေ အများအပြား ရှိတယ်လို့ အမျိုးဘာသာ သာသနာ စောင့်ရှောက်ရေးအဖွဲ့ (မဘသ) ရဲ့ ထိပ်တန်းခေါင်းဆောင်   မွန်ပြည်နယ် မြစေတီဆရာတော် ဘဒ္ဒန္တ ဝိမလဗုဒ္ဓိက တနင်္လာနေ့မှာ သတိပေးလိုက်ပါတယ်။

    Myanmar Now သတင်းထောက် ထက်ခေါင်လင်းက ဆက်သွယ် မေးမြန်းရာမှာ  မဘသ ဗဟိုအဖွဲ့ အတွင်းရေးမှူး ဦးဝိမလဗုဒ္ဓိက ဦးကိုနီ လုပ်ကြံခံရမှုနဲ့ ပတ်သက်တဲ့ မဘသ အဖွဲ့ရဲ့ သဘောထား၊ တပ်မတော် အာဏာသိမ်းခြင်း၊  ဧည့်စာရင်း၊ အခြေခံဥပဒေ ပြင်ဆင်မှု မပြုရေး၊ အစိုးရသစ်ရဲ့ အုပ်ချုပ်ရေးတို့အကြောင်း မိန့်ကြားခဲ့ပါတယ်။ ဆက်သွယ်မေးမြန်းချက်ထဲကနေ ကောက်နုတ် ဖော်ပြလိုက်ပါတယ်။

    မေး။     ။ ဦးဝီရသူရဲ့လူမူကွန်ရက်စာမျက်နှာမှာ ဦးကိုနီကိုသတ်လိုက်တဲ့ သူတွေကို ကျေးဇူးတင်တဲ့အကြောင်း ရေးသားထားတာနဲ့ ပတ်သက်လို့ သံဃာတော်တစ်ပါးနေနဲ့ ဒီလိုမျိုး ပြောရမလား ဆိုပြီးတော့ ဝေဖန်နေကြပါတယ်။ ဘုန်းဘုန်းအနေနဲ့ရော ဘယ်လိုများ သဘောရလဲဘုရား။

    ဖြေ။    ။    သူ့ရဲ့ ပုဂ္ဂလိက အာဘော်ပဲ။ မဘသ အနေနဲ့ပြောတာ မဟုတ်ဘူးလေ။     ဘုန်းကြီးတို့ကတော့ ဒါတွေကို ဘာမှ မဝေဖန်လိုဘူးပေါ့။ ကိုနီနဲ့ ပတ်သက်တဲ့လူတွေကတော့ ဘာပဲဖြစ်ဖြစ် အပြစ်မြင်မှာပဲလေ၊  မဟုတ်ဘူးလား၊  ဒီသဘောတော့ ရှိတာပေါ့။ ဒါပေမဲ့  ဘုန်းကြီးတုိ့က အားလုံးအတွက် ကြေညာစာတမ်း ထုတ်ထားပြီးပြီလေ၊ ကိုနီသေတာကိုလည်း ဒါဟာ သတ္တဝါတစ်ဦးသေသလို ဝမ်းနည်းတာပဲပေါ့။ အားလုံး သေနေကြတာပဲ မဟုတ်လား။ အသတ်ခံနေကြရတာပဲ မဟုတ်လား။   ဘုရားက မြွေဟောက်တစ်ကောင်ကို ကာလသားတွေ ဝိုင်းရိုက်တာကို ဘုရားက မကြိုက်လို့တားခဲ့တယ် ဆိုတဲ့ပုံစံလေ၊  ဖတ်ဖူးတယ် ဟုတ်။ မည်သူတစ်ဦးဦးကို သတ်တာကမှ ဘုန်းကြီးတို့ အဖွဲ့က မကြိုက်ဘူးလေ။ ဒါ သဘောထား ကြေညာချက် ထုတ်ပြန်ထားပြီးပြီပဲဟာ။ ဖတ်ရတယ်မဟုတ်လား။

    မေး။     ။ အခုက သူ့ရဲ့အာဘော်ဆိုပေမဲ့ သံဃာတော်တစ်ပါးအနေနဲ့ အဲဒီလိုမျိုး ပရိသတ်တွေကို အတည့်အလင်း ချပြဖို့သင့်မသင့် ဘယ်လိုမြင်လဲဘုရား။

    ဖြေ။     ။ အဲဒါတော့ ဘုန်းကြီးမပြောလိုဘူးလေ။ ဒါ သူ့ကိစ္စနဲ့သူပဲလေ။ သေတာလည်း သူ့ကိစ္စနဲ့သူပဲလေ။ အမှန်ကတော့၊  ဘုန်းကြီးတို့အမြင်ကတော့ ကိုနီကို မုန်းနေတာ အများကြီးဖြစ်နေတာကို။ သတ်ချင်တဲ့သူကလည်း အများကြီး ဖြစ်နေတာ။ ကရင်ပြည်နယ်က DKBA တပ် တစ်တပ်လုံးက သတ်ချင်နေတယ်လို့ ဘုန်းကြီးတို့က သိထားတယ်။ ကိုနီကိုချည်းပဲ မဟုတ်ဘူး၊ လုပ်နေတဲ့ လုပ်ငန်းက တိုင်းပြည်ချောက်ကျအောင် လုပ်နေတယ်လို့ မြင်တဲ့ပုဂ္ဂိုလ်အားလုံးက အဲဒီလုပ်နေတဲ့ ပုဂ္ဂိုလ်တွေကို သတ်ချင်နေတာနော်၊ အဲဒါ သတိပေးလိုက်။

    မေး။     ။ တိုင်းပြည်ချောက်ကျအောင်ဆိုတော့ ဘယ်လိုလုပ်ငန်းမျိုးလဲဘုရား။

    ဖြေ။    ။    ယိုးဒယားကို ဒကာ အခုတလောမှာ ကြည့်လိုက်။ ယိုးဒယားမှာ ဒီမိုကရေစီဆိုတဲ့ သဘောမျိုးနဲ့ လုပ်နေပေမယ့်   ကမ္ဘာမှာ ယိုးဒယားက အာဏာသိမ်းတာ အများဆုံးပဲ၊   သ်ိမ်းပြီးရင်လည်း မူဝါဒက  နဂိုအတိုင်းပဲ သွားနေတဲ့အခါကျတော့ အမေရိကန်က နုတ်ပိတ်ပြီးတော့ ဒီအတိုင်း မနေနေဘူးလား။ ဗမာပြည်က အာဏာ သ်ိမ်းလိုက်တဲ့အခါကျတော့ အမေရိကန်က သူ့မူဝါဒအတိုင်းမလိုက်ဘဲနဲ့  ဦးနေဝင်းတို့ ဆိုရှယ်လစ်ဘက်ကို လုပ်လိုက်တဲ့အခါကျတော့ အမေရိကန်က ကလန်တယ်လေ။ အကယ်၍ ဦးနေဝင်းသာ  အမေရိကန်နဲ့ တည့်အောင်ပေါင်းနေမယ် တည့်နေတယ် ဆိုရင် ဒါဟာ သူတို့မြှောက်စားနေမှာပဲ။ ပါကစ္စတန်မှာလည်း အာဏာသိမ်းတဲ့ ဗိုလ်ချုပ်တွေကို သူ့မူဝါဒအတိုင်း လုပ်တဲ့အခါကျတော့  လက်တွဲပြီးတော့ ဆောင်ရွက်နေတယ်။  သူ့မူဝါဒအတိုင်းလုပ်မယ်ဆိုရင် ဘယ်သူသိမ်းသိမ်း သူကြိုက်တယ်။ ကနေ့ ယိုးဒယားရဲ့လွှတ်တော်မှာ မွတ်စလင်တွေ ရာနဲ့ချီပြီးတော့ ရောက်သွားပြီ၊  ကြားဖူးတယ်နော်။ အခု ယိုးဒယားက မက္ကာသွားတဲ့ ကုလားတွေကို အစိုးရရဲ့ခရီးစရိတ် ထုတ်ပေးရတဲ့အဖြစ် ရောက်သွားပြီ။ ပြီးတော့   ယိုးဒယားအခြေအနေမှာ ဓမ္မာကာယဂိုဏ်းဆိုတာ ဂိုဏ်းနှစ်ဂိုဏ်းထဲမှာ အဓိက ဂိုဏ်းကို အစိုးရက ဖြိုခွင်းနေတာရော ကြားလား။ ကြားတယ်မလား။ ဒီလိုစနေပြီပေါ့။ ဗမာပြည်မှာ အဲဒီအန္တရာယ်ကို ကာကွယ်ဖို့ရန်အတွက် ရှေးကတည်းက ဦးနေဝင်းတို့ လက်ထက်ကတည်းက ဘာသာခြားတွေကို ရာထူးကြီးကြီး မပေးခဲ့ဘူး။ ဗိုလ်မှူးချုပ်အေဘယ် တစ်ယောက်ပဲ အရည်အချင်းရှိလို့ နဂိုကတည်းက ဒီရာထူးနဲ့ပဲ နေတယ်။ ဒါပေမဲ့ အရေးပါတဲ့နေရာမှာ မထားဘဲနဲ့ နိုင်ငံခြားဘက်မှာပဲ ထားသွားတယ်။ နောက်ထပ် နောက်ထပ် ဘယ်သူမှ ဗိုလ်မှူးကြီး မဖြစ်လာရဘူး။   ကိုနီက ခြံစည်းရိုးဆိုတဲ့ဥပဒေကို တစ်ချောင်းခြင်းတစ်ချောင်းခြင်း ဖယ်ရှားနေတယ်။ တဖြည်းဖြည်း သူ့လူတွေကို ဝင်လာနိုင်အောင် လုပ်နေတယ်။ ဒါကို ဉာဏ်မျက်စိနဲ့မြင်အောင် ကြည့်တတ်ကြဖို့လိုတယ်။ ဒို့ဧည့်စာရင်းစစ်တဲ့ဟာကို ပထမဆုံး ဖျက်ပစ်လိုက်တယ်။ ဧည့်စာရင်း တိုင်တဲ့နေရာမှာ ဟိုးလွန်ခဲ့တဲ့ အနှစ်၂ဝ၊  ၂၅ လောက်တုန်းက ၁ ကျပ်လား ပေးရတယ်၊ တို့ရွာမှာ။ နောက်ပိုင်း ဘယ်လောက်ပေးရလဲ မသိဘူး။ ဘာပဲဖြစ်ဖြစ်လူတွေက ပေးရရင် မကြိုက်ဘူးလေ။ လူတွေက ဧည့်စာရင်းကိစ္စရှုပ်တယ် ဆိုပြီးတော့၊  ဒီအကွက်ကို သူတို့က လူထုမကြိုက်ဘူးဆိုပြီး လုပ်လိုက်တာ။ အကြောင်းပြတာ။ ဒါဖျက်လိုက်တာနဲ့ တစ်ခါတည်း  ဒီခြံစည်းရိုးတစ်ချောင်း ကျိုးတာနဲ့ တစ်ခါတည်း သူ့မွတ်စလင်ကုလားတွေ တန်းစီပြီးတော့ ဝင်လာတာ မတွေ့ဘူးလား။ ဒါက တိုင်းပြည် အလားအလာအတွက် ဒီအတိုင်းသွားရင် မကောင်းဘူးဆိုတာ မြင်တယ်။ ဒီလောက်နဲ့တော့ မဖြစ်သေးဘူး။ တဖြည်းဖြည်း၊  တဖြည်းဖြည်းချင်း လာမယ်။  အဲဒါတိုင်းပြည် ချောက်ကျမယ့် သဘောပဲ။

    မေး။    ။ အခြေခံဥပဒေက ပြင်ဆင်ဖို့ မလိုဘူးလို့ ယူဆပါသလား။

    ဖြေ။     ။ လောလောဆယ်ဆယ် ပြင်ဆင်ဖို့မလိုသေးဘူး။ ပြင်ဆင်ဖို့ ဆိုတာလည်း မရသေးဘူး။ မရသေးတဲ့ အတွက်ကြောင့် ပြင်မယ်လို့ ပြောနေတာကလည်း အမုန်းပွားတာပဲ အဖတ်တင်မယ်၊ ငါလည်း စိတ်ပူပြီးတော့ ပြောဖူးတယ်။ ဗိုလ်ချုပ်ကြီး တစ်ယောက် ပြောတယ်၊ ဆရာတော် ဘာမှမပူပါနဲ့၊  တပ်မတော်သည် အခြေခံဥပဒေကို ကာကွယ်ရမည်လို့ စာကြောင်းပါတယ်။   တလောက ဆောင်းပါးမှာဖတ်လိုက်ရတာက အခြေခံဥပဒေ ထိန်းသိမ်းဖို့ရန် တပ်မတော်သည် အဓိက တာဝန်ရှိသည်။ ဒီလိုစာသားနဲ့ ရေးထားတာရှိတယ်။ ဟို ဗိုလ်ချုပ်ပြောတာကတော့ ဗမာလိုပြောချလိုက်တာပဲလေ။ တပ်မတော်သည် အခြေခံဥပဒေကို ကာကွယ်ရမည်။ ဒီအခြေခံဥပဒေကို တပ်မတော်က ခွင့်မပြုရင် ဘယ်သူမှ ပြင်လို့မရဘူး။ ပြင်ချင်ရင် တပ်မတော်နဲ့ သင့်လျော်အောင်ပေါင်း၊ ညှိ။ ဟုတ်ပြီလား။ အဲဒီလိုကာကွယ်ရတဲ့ အပိုင်းတွေ အများကြီး ရှိတယ်။ ဟိုကောင်တွေက ဥပဒေဆိုတဲ့ ခြံစည်းရိုးကို တစ်ချောင်းခြင်း၊  တစ်ချောင်းခြင်း၊ ဖြည်းဖြည်း မသိမသာဖြုတ်။ သူတို့က ဘာမှနားမလည်တဲ့ လူထုကို ဘာမဟုတ်တာလေးတစ်ခုပေး၊   ဘာမဟုတ်တဲ့ တစ်ကျပ်၊  ငါးမူး သက်သာတာကို။ တကယ် သူ့လူ သူသွင်းချင်တာကိုကတော့ မြှုပ်ထားတယ်။ ဒီ့အပြင်အရေးကြီးတဲ့ဟာတွေ ရှိသေးတယ်။ အဲဒါ၊  တိုင်းပြည် ချောက်ကျသွားမှာပဲ။   ချောက်တော့ အကျမခံဘူး။ ပြောလို့မရရင်တော့ တို့ မျိုးချစ်လူတွေက၊  ဘုန်းကြီးတွေကရော လက်ခံနိုင်မှာ မဟုတ်ဘူး။ လက်မခံနိုင်ရင် တိုင်းပြည်ပွက်မယ်။ တိုင်းပြည်ပွက်လို့ အစိုးရက ထိန်းမနိုင်သိမ်းမနိုင်ဖြစ်ရင် တပ်က အာဏာသိမ်းမယ်၊  ဒီလမ်းစဉ်ပဲရှိတာ။ အဲဒီလိုဆိုရင် တို့ဒီမိုကရေစီ ဘာဖြစ်သွားမလဲ။   ငါတို့က အဲဒီ ဒီိမိုကရေစီကို ပေးမပျက်စေချင်လို့။ ဒီကိုနီ မွှေနေပုံက တစ်နေ့တော့ ဒုက္ခတော့ ပေးတော့မှာပဲ လို့၊  ဒီလိုတော့ သိတယ်လေ။ အခုသည်ပင်လျှင် တပ်မတော်က ငါတို့ အတွင်းကျကျသိထားတဲ့ အသိတစ်ခုက၊  မှားရင်လည်းမှားမယ်၊  မှန်ရင်လည်း မှန်မယ်၊  ဒီမိုကရေစီနဲ့ ဒကာမကြီး ဒေါ်အောင်ဆန်းစုကြည် ဘယ်လောက် တိုင်းပြည်ကို တိုးတက်အောင် သူလုပ်နိုင်သလဲ။ သူ့လုပ်ဆောင်ချက်က တိုင်းပြည်အတွက် ဘယ်လောက်တောင် အန္တရာယ် များသွားသလဲ။ ဒါကို တပ်မတော်က စောင့်ကြည့်နေတယ်၊  လူထုက သူ့ကို တအား ယုံကြည်နေတာကို။ ကနေ့အထိတော့ တိုင်းပြည် ကသောင်းကနင်း ဖြစ်လောက်အောင် မဖြစ်သေးဘူး။ မဖြစ်သေးတဲ့ အတွက်ကြောင့်   ဒီအတိုင်ပင်ခံ ဆိုင်ရာ၊  ဒီ ကိုနီတို့ လုပ်လိုက်တဲ့ အခါကျတော့၊ အခြေခံဥပဒေနဲ့မညီတဲ့ အခါကျတော့၊ တပ်မတော်က တောက်တစ်ချက် ခတ်သွားတယ်၊ သည်းခံလိုက်တယ်၊ မလုပ်သေးဘူး၊ စောင့်ကြည့်နေတယ်။ ဒီလိုဟာ များနေရင် ပါးစပ်က တောက်ခတ်ရုံတင်မကတော့ဘဲ လက်ပါလာမယ်။ ဒါတွေကို သတိပြုမိကြရဲ့လား ဆိုတာတော့ မပြောနိုင်ဘူးလေ။ ငါတို့ကတော့ စိတ်ပူနေတယ်။

    မေး။  ။   ဒီလုပ်ကြံမှုမှာ  အငြိမ်းစားယူသွားတဲ့ တပ်မတော် အရာရှိကြီးဟောင်းတွေ ပါဝင်နေတယ်လို့ ယူဆသူတွေလည်း ရှိပါတယ်။ ဒီလို ယူဆချက်တွေကိုရော ဘယ်လိုထင်ပါသလဲ။

    ဖြေ။   ။ ဒါကကွာ လယ်ပြင်မှာ ဆင်သွားသလိုပဲ ထင်ရှားနေတာပဲ။ ဉာဏ်မျက်စိနဲ့ ကြည့်ရင်မြင်တယ်လေ။ ဒီမိုကရေစီကို မင်းတို့၊  ငါတို့ ပြည်သူတွေက အော်ဟစ် တိုက်ခိုက်လို့ ရလာတာမှ မဟုတ်တာ။ ဟိုတုန်းက ငါတို့ အော်ဟစ် တိုက်ခိုက်လို့ သေတာပဲ အဖတ်တင်ခဲ့တယ်လေ။ ရရဲ့လား၊  မရဘူးနော်။ နောက်ဆုံး အခြေခံ ၇ ချက် ဆိုပြီး ယိုးဒယားကပြောလို့ ဦးခင်ညွန့်တို့က ဘာမြေပုံဆိုလဲ အဲဒါတွေနဲ့ အခြေခံတွေဆွဲပြီး ငြိမ်ဝပ်ပိပြားရေး လက်ထက်မှာလေ၊ ဆွဲပြီးလို့ အားလုံးလမ်းခင်းပြီးတဲ့အခါကျမှ ဒီမိုကရေစီ ပါတီစုံရွေးကောက်ပွဲကို ချပေးခဲ့တယ်လေ။ ချပေးလိုက်တဲ့ အခါကျတော့ ဒေါ်အောင်ဆန်းစုကြည်တို့ အဖွဲ့က ပထမအသုတ်မှာ ဝင်မပြိုင်ဘူးလေ။ အဲဒါ ဘယ်သူက မပြိုင်ခိုင်းလို့ မဝင်သလဲဆိုတာ ဒကာသိလား။ ကိုနီပါရင် လှေမှောက်တယ် ဆိုတဲ့ ဂျာနယ်တစ်စောင်ရေးတဲ့ ဆောင်းပါး၊ ဒကာဖတ်လိုက်ပါ၊  အဲဒီမှာ ၆ ချက်တွေ့လိမ့်မယ်၊ နောက်ဆုံးတစ်ချက် ငါပြောမယ်၊ အဲဒီမှာ ကိုနီက အကြံဉာဏ်ပေးတယ်၊ ရွေးကောက်ပွဲနိုင်ရင်လည်း ဒေါ်စု သမ္မတ မဖြစ်ဘူး၊   အခြေခံဥပဒေ မပြင်တဲ့အတွက်ကြောင့်။ နိုင်တော့နိုင်မယ်၊ သမ္မတလုပ်လို့ မရဘူး။ အခြေခံဥပဒေကို အစကနေပြန်ရေးမယ် ဆိုတဲ့ အသံရော မကြားဘူးလား။ အဲ့ဒီမှာ ဒေါ်စုကို သူက ပြောတဲ့အခါမှာ ဒေါ်စုက သူ့အပေါ်မှာ သံသယဖြစ်တယ်လို့ တို့ကြားတယ်။ သူက မလုပ်နဲ့၊  လုပ်ရင် တပ်မတော်နဲ့ ထိပ်တိုက်တွေ့မယ်လို့ ပြောတယ် ဆိုလားပဲ။ ဦးကိုနီကိုလည်း နိုင်ငံခြား OIC ကနေ ငွေကြေးတွေ ထောက်ပံ့ပေးပြီး မင်းဒါတွေ မလုပ်သေးဘူးလားလို့ ဖိအားတွေ ပေးနေတယ်။ သူလုပ်ပြန်တော့လည်း ဒေါ်စုတို့က လက်မခံပြန်ဘူး။ မလုပ်သေးဘူး။ ဆိုင်းထားတယ်ပေါ့။ သူ့ကို တစ်ဖက်ကလည်း ငွေအားနဲ့ ဖိအားပေး အကျပ်ကိုင်နေတော့ သူလုပ်ထားတဲ့အလုပ်ကို စာအုပ်ရိုက်ပြီး ဝေလိုက်တယ်လေ။ အဲဒီမှာ ဒေါ်အောင်ဆန်းစုကြည် ဒေါပွတယ်ဆိုတာကြားတယ်။ ဒေါ်စုက သူနဲ့ ၃ လလောက် တန်းသွားပြီး အတွေ့မခံဘူးလို့လည်း ကြားတယ်။ ဟုတ်မဟုတ်တော့ မသိဘူးနော်၊ ကြားတာ။ အဲ့ဒီရဲ့အရှိန်နဲ့ အခုလို အသတ်ခံရတယ် ဆိုတော့ ဘယ်လိုတွေ၊  ဘယ်ဝါတွေတော့ မပြောနိုင်ဘူးပေါ့။ သတ်တာမှာ လူတယောက်သတ်တာ ဘယ်နေရာသတ်သတ် ရတာပဲ။ ဒီလောက် လက်နက်တွေ ပေါနေတာ။ လူကောင်မပေါ်ဘဲနဲ့ကို သတ်လို့ရတာပဲ။ မင်္ဂလာဆောင်မှာလည်း သတ်လို့ရတာပဲ။ အားလုံးရရဲ့သားနဲ့ လူမြင်ကွင်းဖြစ်တဲ့ ကမ္ဘာသိဖြစ်တဲ့ အပြည်ပြည်ဆိုင်ရာ မင်္ဂလာဒုံလေဆိပ်မှာ ဗြောင်ကြီး လုပ်ပစ်လိုက်တာက တိုင်းပြည်က ဘယ်လိုဖြစ်နေလဲ ဆိုတာကို ဉာဏ်မျက်စိ၊  ဉာဏ်နားနဲ့ နားထောင်လိုက်ရင် သိနိုင်တယ်။

    မေး။ ။ ဒါဟာ ပြည်သူ ထိတ်လန့်စေအောင် ချိန်းချောက်လိုက်တဲ့သဘောပဲလို့ ဘုန်းဘုန်းတို့ ယူဆတယ်ပေါ့။

    ဖြေ။ ။ အဲ့ဒီလောက်မဟုတ်ဘူး။ ပြည်သူလူထုနဲ့ ဘာမှ မဆိုင်ဘူး။ မြန်မာပြည်ကြီးက ရန်ကုန်မှာ၊  အစောင့်ရှောက်တွေထူထပ်တဲ့ မင်္ဂလာဒုံမှာ မလုံခြုံတော့ဘူး ဆိုတာကို ကမ္ဘာကို လက်တွေ့ပြလိုက်တဲ့ သဘောပါ။ ကမ္ဘာက သိသွားတယ်လေ။ သေတာနဲ့ နာရီဝက်လောက်ပဲမှာ နိုင်ငံခြားတစ်ခုက ချက်ချင်း ကြေညာတယ်။ သူ့ကို ကြိုးကိုင်နေတဲ့အဖွဲ့က အရင်ဆုံး ကြေညာတာ။ အင်္ဂလိပ်လို နာမည် မမှတ်မိဘူး။ အပြင်လောကမှာ အဲ့ဒီအဖွဲ့ကပဲ သတ်ခိုင်းသလိုလိုတောင် ကြားလိုက်တယ်။ သူတို့ ခိုင်းတဲ့အတိုင်း မဖြစ်လာလို့၊ သူက အဲ့ဒီကငွေတွေ အများကြီး ယူထားတယ်။

    မေး။ ။ လုပ်ကြံတာ သူ့နောက်ကွယ်က အဖွဲ့အစည်းလို့ပဲ ယူဆတယ်ပေါ့။

    ဖြေ။ ။ ဘယ်သူမှန်းတော့ မသိဘူးလေ။ တို့အပြင်မှာ ကြားနေတာက ဒေါ်အောင်ဆန်းစုကြည်ဘက်မှာ ပါနေတဲ့ အဖွဲ့အစည်းထဲက တချို့ကတောင် လုပ်တယ်လို့တောင် ကြားတာ။

    မေး။ ။ ဒါဆိုလို့ရှိရင် စစ်အရာရှိဟောင်းတွေပါတဲ့ အဖွဲ့အစည်းက လုပ်တယ်လို့ ဘုန်းဘုန်းတို့ မယူဆဘူးပေါ့။
    ဖြေ။ ။ အဲ့ဒီဟာက နည်းနည်းတော့ ပါးတယ်။ သူတို့အဖွဲ့ထဲမှာကို သူချယ်လှယ်နေတာကို မကြိုက်တဲ့သူ အများကြီး ရှိတယ်။ တိုင်းပြည်တစ်ခုလုံးကို တစ်ဦးတည်း ကြိုးကိုင်ပြီး မွှေနေတယ်ဆိုတော့။ သူတို့ထဲမှာလည်း တိုင်းပြည်ကို တကယ်ချောက်ကျသွားမှာ ကြောက်တဲ့သူ အများကြီးရှိတယ်လေ။ ဗြောင်မပြောရဲတဲ့သူတွေလေ၊ ဗြောင်ပြောရင် ဘေးရောက်သွားမယ်လေ။ ဒီလိုတွေရော မရှိနိုင်ဘူးလား၊ အများကြီးပဲ။ သိမ်မွေ့တယ်လေ။ အဲ့ဒီလိုတွေ အများကြီး အန္တရာယ်ဖြစ်လာနိုင်ရင်တော့ ဒီလိုရှင်းပြစ်မယ်ဆိုတာတွေ လာလိမ့်ဦးမယ်။ နောက်ထပ် ဘယ်သူတွေ ဘာထပ်ဖြစ်မလဲ ဆိုတာတော့ မပြောနိုင်ဘူး။

    မေး။ ။ ဒါဆို နောက်ထပ် ဒီလိုတွေ ထပ်ဖြစ်နိုင်သေးတယ်လို့ ယူဆပါသလား။

    ဖြေ။ ။ ဘယ်သူတွေ ဘယ်လိုထပ်ဖြစ်မယ်ဆိုတာ မသိနိုင်ဘူး။ ဒေါ်အောင်ဆန်းစုကြည်လည်း လုံခြုံရေး တင်းတင်းကျပ်ကျပ် နေထိုင်သွားလာဖို့၊  ကျန်တဲ့ပုဂ္ဂိုလ်တွေလည်း ဒီတိုင်းပဲပေါ့လေ။ တို့က ဘယ်သူ့ကိုမှ၊  အရေးကြီးတဲ့သူတွေကို ဘာမှထပ်မဖြစ်စေချင်ဘူး။

    မေး။ ။   နောက်ထပ်ဖြစ်လာနိုင်ချေရှိတယ် ဆိုတော့   NLD ရဲ့ ဥပဒေအကြံပေးတွေ၊   လွှတ်တော် ကိုယ်စားလှယ်ထဲမှာလည်း အစ္စလမ်ဘာသာဝင် မရှိဘူး။ ပါတီရဲ့ဗဟိုကော်မတီဝင်တွေမှာလည်း မပါဘူး။ အဲ့ဒီတော့ အခြေခံဥပဒေကို ပြင်ဆင်ဖို့ ပါတီထဲက ကြိုးစားနေတဲ့ ဗုဒ္ဓဘာသာဝင်တစ်ယောက် ဖြစ်လာနိုင်တယ်လို့ ယူဆသလား။

    ဖြေ။ ။ အခြေခံဥပဒေကို အဲ့ဒီလို့ပဲ လုပ်လာပြီးတော့ ကိုးရိုးကားယားပေါ့… ဥပမာ ဦးကိုနီလိုပဲ မွှေလာမယ့်သူ ရှိလာရင်တော့ သတ်မယ့်လူလည်း ပေါ်လာဦးမှာပဲ။ တိုင်းပြည် ထိတ်လန့်ရင် ဗုဒ္ဓဘာသာပဲဖြစ်ဖြစ်၊  ဘာပဲဖြစ်ဖြစ် ရှင်းကြမှာပဲ။ တိုင်းပြည် ဒုက္ခရောက်သွားမယ်ဆိုရင်။

    မေး။ ။ အခုတော့ ဒေါ်အောင်ဆန်းစုကြည် ကိုင်တွယ်နေတာ သိမ်မွေ့တယ်။  ဒါပေမယ့် တစ်ချိန်မှာ သူကိုယ်တိုင် ထုတ်ပြောမယ်၊  ပါတီဗဟိုအလုပ်အမှုဆောင်တွေကလည်း အခြေခံဥပဒေနဲ့ပတ်သက်ပြီး ထုတ်ပြောမယ်ဆိုရင် သူတို့လည်း အန္တရာယ်ရှိနိုင်တယ်ပေါ့။

    ဖြေ။ ။ ကိုးရိုးကားယားဖြစ်မယ့်အနေအထား ဆိုရင်တော့ အန္တရာယ် ရှိနိုင်တာချည်းပဲလေ။ အားလုံး အန္တရာယ်ရှိနိုင်တာပေါ့။ တို့လည်း အန္တရာယ်ရှိတာပဲ။ သွားရင် အစောင့်အရှောက်နဲ့သွားနေရတာပဲ။ ကုလားရဲ့အန္တရာယ်ပေါ့။ အန္တရာယ်ကြီးတာနဲ့ငယ်တာပဲ ကွာတာ။ အဲဒါကြောင့် ငါတို့က ဘယ်သူ့ကိုမှ ဘာမှ မပေးဖြစ်စေချင်တာ အမှန်ပဲ။ တို့အဖွဲ့အစည်းက ဘယ်လုပ်ကြံမှုကိုမှ အားမပေးဘူးလေ။ အားလုံး အေးအေးဆေးဆေး ဖြစ်စေချင်တယ်။ ငြိမ့်ငြိမ့်ညောင်းညောင်းနဲ့ ဒီမိုကရေစီပန်းတိုင်ရောက်အောင်ပေါ့။ အခုက ပန်းတိုင်မရောက်သေးဘဲ အစမှာပဲ ချာလပတ်လည်နေတယ်။ တို့ကတော့ တကယ် တိုင်းပြည် ကောင်းစေချင်တာ။ ရွေးကောက်ပွဲ မလုပ်ခင်ကတည်းက ငါတို့ညီလာခံမှာ ပြောခဲ့တာပဲ၊ တွဲပြီးတော့ တကယ် အုပ်ချုပ်။ ကျွမ်းကျင်တဲ့ သူနဲ့ ဒေါ်အောင်ဆန်းစုကြည်တို့ဘက်က တကယ်တော်တဲ့သူနဲ့ ၃ ပုံ ၁ ပုံ၊  ဒါမှမဟုတ် ၃ ပုံ ၂ ပုံ ပါဝင်ပြီး တွဲအုပ်ချုပ်သွားရင်၊  တဖြည်းဖြည်းနဲ့ ဟိုပုဂ္ဂိုလ်တွေကို ဘေးဖယ်ဖယ်သွားရင် ကိုယ်လည်း အုပ်ချုပ်ရေးတတ်သွားမယ်။ အခုက အုပ်ချုပ်ရေး မတက်တဲ့သူက အစိုးရဖြစ်နေတယ်။ ။