အောက်တိုဘာ ၂၉ ၊ ၂၀၁၄
M-Media
.လေးမောင် စုစည်းတင်ဆက်သည်။
– ၁၅ ရာစုမှာ စပိန်လူမျိုးတွေက အမေရိကတိုက်ကို ရှာဖွေတွေ့ရှိပြီးတဲ့နောက်ပိုင်းမှာ မြောက်အာဖရိကနဲ့ အနောက်အာဖရိကက ကျွန်ရောင်း ကျွန်ဝယ်စနစ်နဲ့အတူ အစ္စလာမ်သာသနာဟာလည်း တောင်အမေရိကတိုက်ကို စတင်ရောက်ရှိလာခဲ့ပါတယ်။ ဒါပေမယ့် စပိန်ကိုလိုနီလက်ထက် တင်းကျလှတဲ့ ခရစ်ယာန်ဘာသာရေး ဥပဒေအောက်မှာ အခြားဘာသာဝင်တွေကို နည်းမျိုးစုံနဲ့ ညှင်းပန်း သတ်ဖြတ်တာကို အစ္စလာမ်ဘာသာဝင်တွေလည်း ခံစားခဲ့ရပြီး နေရပ်စွန့်ခွာခဲ့ ရတာကြောင့် တောင်အမေရိကနိုင်ငံတွေမှာ အစ္စလာမ်သာသနာဟာ မှေးမှိန်ခဲ့ရပါတယ်။
၁၈၅၀ ခုနှစ်နဲ့ ၁၈၆၀ ခုနှစ်တွေမှာ အာရပ်လူမျိုးတွေ အမေရိက တိုက်ဖက်ကို အုံနဲ့ကျင်းနဲ့ ပြောင်းရွှေ့ အခြေချလာတာ၊ ၁၆ ရာစုအဆုံးမှာ ကျွန်စနစ်ပျက်သုဉ်းခဲ့ပြီး အိန္ဒိယနဲ့ ပါကစ္စတန်က လူတွေ ပြောင်းရွှေ့ အခြေချလာခဲ့တာကြောင့် အစ္စလာမ်သာသနာဟာလည်း သူတို့နဲ့အတူ ပြန်လည်ရောက်ရှိလာခဲ့ပြန်ပါတယ်။ အဲဒီအချိန်ကနေတစ်ဆင့် အစ္စလာမ်သာသနာဟာ တောင်အမေရိကတိုက်မှာ တစ်စတစ်စတိုးပွားလာခဲ့ပြီး အခုအချိန်မှာ အာရဗ်နဲ့ ဌာနေ လူမျိုးတွေအပါအ၀င် အစ္စလာမ်ဘာသာကို သက်ဝင်ယုံကြည်သူတွေဟာ တောင်အမေရိကတိုက်မှာ ၄ သန်းရှိလာခဲ့ပြီလို့ စစ်တမ်းများကဆိုပါတယ်။
အာဂျင်တီးနားမှ အစ္စလာမ်သာသနာ
——————————
အာဂျင်တီးနားနိုင်ငံဟာ ဘရာဇီးလ်ပြီးရင် လက်တင်အမေရိကမှာ အစ္စလာမ်ဘာသာဝင် အများဆုံးရှိတဲ့ နိုင်ငံဖြစ်ပါတယ်။ အာဂျင်တီးနားရဲ့ သန်းခေါင် စာရင်းကောက်ယူမှုမှာ ဘာသာအယူဝါဒကို ထည့်မတွက်တာကြောင့် နိုင်ငံတစ်ဝှမ်း အစ္စလာမ်ဘာသာဝင် ဘယ်လောက်ရှိတယ်ဆိုတာ အတိအကျ မသိရပါဘူး။ ဒါပေမယ့် နိုင်ငံလူဦးရေရဲ့ ၁ ရာခိုင်နှုန်း (လေးသိန်းကနေ ငါးသိန်းအကြား) ဟာ အစ္စလာမ်ဘာသာကို သက်ဝင်ယုံကြည်ကြသူတွေ ဖြစ်တယ်လို့ ၂၀၁၀ ခုနှစ်က ထုတ်ဝေခဲ့တဲ့ ကမ္ဘာ့ဘာသာရေးလွတ်လပ်မှု အစီရင်ခံစာမှာ ဖော်ပြထားပါတယ်။
The Pew Research Centre ကတော့ ၂၀၁၀ ခုနှစ် အာဂျင်တီးနားမှာ အစ္စလာမ်ဘာသာဝင်ဦးရေ ၁ သန်းလောက်ရှိမယ်လို့ ဖော်ပြထားပါတယ်။ ဘာသာရေးဆိုင်ရာ အချက်အလက် စုဆောင်းရေးအဖွဲ့က အာဂျင်တီးနားလူဦးရေရဲ့ ၁.၉ ရာခိုင်နှုန်းဟာ အစ္စလာမ်ဘာသာဝင်တွေ ဖြစ်ကြတယ်လို့ ဆိုပါတယ်။
စောစောပိုင်း မွတ်စလင်များ
—————————–
အိုက်ဘေးရီးယန်း ကျွန်းဆွယ်ပေါ်မှာ မူးရ်လူမျိုးမွတ်စလင်တွေရဲ့ ခိုင်မာတဲ့ အမွေအနှစ်တွေကို တွေ့ရတာကြောင့် မူးရ်လူမျိုး မွတ်စလင်တွေ၊ စပိန်နဲ့ ပေါ်တူဂီလူမျိုးတွေနဲ့အတူ အမေရိကတိုက်ကို ရှာဖွေခဲ့ကြတဲ့ မြောက်အာဖရိကနွယ်ဖွား မော်ရိုကို မွတ်စလင်တွေဟာ အာဂျင်တီးနားမှာ လွန်ခဲ့တဲ့ နှစ်ပေါင်း ရာချီကတည်းက ရှိခဲ့တယ်ဆိုတာ သိရပါတယ်။
၂၀ရာစုလောက်မှာ လက်ဘနွန်နဲ့ ဆီးရီးယားတို့က အာရပ်တွေပြောင်းရွှေ့ အခြေလာခဲ့ကြပြီး လက်ရှိအချိန်မှာတော့ အာဂျင်တီးနားမှာ အာရပ်နွယ်ဖွားအရေအတွက်ဟာ ၃.၅ သန်းလောက်ရှိမယ်လို့ ခန့်မှန်းကြပါတယ်။ အာရပ်လူမျိုး ရွှေပြောင်းအခြေချလာသူ အများစုဟာ ခရစ်ယာန်နဲ့ ဂျူးဘာသာဝင်တွေဖြစ်ကြပြီး တိကျတဲ့ အချက်အလက် မရှိပေမယ့် အဲဒီအာရပ်လူမျိုးတွေရဲ့ လေးပုံတစ်ပုံအောက်သာ အစ္စလာမ်ဘာသာဝင်တွေ ဖြစ်ကြတယ်လို့ ဆိုပါတယ်။ အာဂျင်တီးနားကို ရွှေ့ပြောင်းအခြေချခဲ့တဲ့ အာရပ်ဂျူးတွေဟာ ဒီနေ့ခေတ်မှာ သူတို့ကိုသူတို့ အာရပ်ဆိုတာထက် ဂျူးလို့သာ ခံယူကြပါတယ်။
၁၉ ရာစုနှောင်းပိုင်းနဲ့ ၂၀ ရာစုမှာတော့ အာဂျင်တီးနားမှာ အစ္စလာမ်ဘာသာကို ပြောင်းလဲ သက်ဝင်သူ အရေအတွက်ဟာ သိသိသာသာကို တိုးတက်လာခဲ့ပါတယ်။
အာဂျင်တီးနားမှ ဗလီဝတ်ကျောင်းတော်များ
—————————————
အာဂျင်တီးနား အစ္စလာမ်ဘာသာဝင်လူဦးရေရဲ့ အများစုဟာ မြို့တော် ဗျူနိုအေရီးစ်မှာ ရှိကြပါတယ်။ အထင်ကရ ဗလီဝတ်ကျောင်းတော် ၃ လုံးရှိပြီး Al-Ahmad၊ Al-Tauhid နဲ့ Rey Fahd ဗလီဝတ်ကျောင်းတော်တို့ ဖြစ်ပါတယ်။
ဗျူနိုအေရီးစ်ရဲ့ မြို့လယ်ကောင်က အလ်ဘာတီ စိန့်ဒေသမှာ ရှိတဲ့ Al-Ahamd ဗလီဝတ်ကျောင်းတော်ကိုတော့ ဒေသခံ အာဂျင်တီးနားမွတ်စလင်တွေက ၁၉၈၉ မှာ ဆောက်လုပ်ခဲ့တာပါ။ နိုင်ငံတစ်ဝှမ်း အခြားသောမြို့တွေနဲ့ ဒေသတွေမှာလည်း ဗလီဝတ်ကျောင်းတော်အများအပြားရှိပြီး အာဂျင်တီးနား၊ ဘရာဇီးလ်နဲ့ ပါရာဂွေး သုံးနိုင်ငံနယ်စပ် Triple Frontier မှာရှိတဲ့ ဗလီဝတ်ကျောင်းတော်ကတော့ ထင်ရှားပါတယ်။
Rey Fahd ဗလီဝတ်ကျောင်းတော်
————————————
တောင်အမေရိကတိုက်ရဲ့ အကြီးဆုံး ဗလီဝတ်ကျောင်းတော် The King Fahd Islamic Cultural Centre (Rey Fahd) ကို ဆော်ဒီက ဘုရင်ကြီး ဖဟ်ဒ်ရဲ့ အကူအညီနဲ့ မြို့တော် ဗျူနိုအေရီးစ်ရဲ့ ပါလာမိုခရိုင်မှာ ၁၉၉၉ခုနှစ်က ဆောက်လုပ်ပြီးစီးခဲ့ပါတယ်။
အဲဒီဗလီဝတ်ကျောင်းတော် ဆောက်လုပ်ဖို့အတွက် အာဂျင်တီးနား သမ္မတ ကားလို့စ် မီနမ် ၁၉၉၂ ခုနှစ်မှာ ဆော်ဒီကို သွားရောက်စဉ် ကတိပြုခဲ့တာဖြစ်ပြီး ဗလီဆောက်လုပ်ဖို့ မြေနေရာ ၃၄၀၀၀ စတုရန်းမီတာ ပေးခဲ့ပါတယ်။ ဒါပေမယ့် ဗလီဝတ်ကျောင်းတော်ကို စတုရန်း မီတာ ၂၀၀၀၀ အကျယ်အ၀န်းမှာပဲ ဆောက်လုပ်ခဲ့တာဖြစ်ပြီး စုစုပေါင်း အမေရိကန် ဒေါ်လာ သန်း ၃၀ လောက် ကုန်ကျခဲ့ပါတယ်။
ဒီဗလီဝတ်ကျောင်းတော်ကြီးကို ဆော်ဒီဗိသုကာ ပညာရှင် ဇူဟီရ်ဖိုက်ဇ်က တည်ဆောက်ခဲ့တာဖြစ်ပြီး အဓိက ၀တ်ပြုဆောင်မှာ အမျိုးသား၊ အမျိုးသမီး စုစုပေါင်း ၁၆၀၀ လောက် တစ်ချိန်တည်း ၀တ်ပြုလို့ရပါတယ်။ နောက်ပြီး စာကြည့်တိုက်တစ်ခု၊ စာသင်ကျောင်းနှစ်ခုနဲ့ ပန်းခြံတစ်ခုလည်း ထိုဗလီဝတ်ကျောင်းတော် ပရ၀ုဏ် အတွင်းမှာ ဆောက်လုပ်ထားရှိပါတယ်။
အစ္စလာမ့်အဖွဲ့အစည်းများ
—————————–
အာဂျင်တီးနားမှာ ၁၉၃၁ ခုနှစ်လောက်ကတည်းက ဖွဲ့စည်းထားတဲ့ အာဂျင်တီးနား သမ္မတနိုင်ငံ အစ္စလာမ့်စင်တာ CIRA အဖွဲ့ရှိပြီး အစ္စလာမ်နဲ့ ပတ်သက်တဲ့ အရေးကိစ္စတွေကို ဦးဆောင် ပြုလုပ်ပါတယ်။
လက်တင်အမေရိက အစ္စလာမ်ဘာသာရေး အဖွဲ့ IOLA ရဲ့ ရုံးချုပ်ဟာလည်း ဗျူနိုအေရီးစ်မှာပဲရှိပြီး လက်တင်အမေရိကရဲ့ အတက်ကြွဆုံး အစ္စလာမ့်အသင်း အဖွဲ့လည်း ဖြစ်ပါတယ်။ ဒီအဖွဲ့ဟာ လက်တင်အမေရိကမှာရှိတဲ့ မွတ်စလင်များ ညီညွတ်ရေးနဲ့ အစ္စလာမ်သာသနာပြန့်ပွားရေးတို့ အတွက် အခမ်းအနားများစွာကိုလည်း ကျင်းပခဲ့ပါတယ်။
အစ္စလာမ်သာသနာအား အစိုးရ၏ အားပေးမှု
———————————————-
အာဂျင်တီးနာမှာ အစ္စလာမ်သာသနာကို လွတ်လပ်စွာကျင့်သုံးခွင့်ရပြီး အစ္စလာမ်ဘာသာဝင် အမျိုးသမီးတွေ ဟီဂျဘ်ကို လုံခြုံလွတ်လပ်စွာ ၀တ်ဆင်နိုင်ဖို့ အတွက် ဥပဒဒေတစ်ခုကိုလည်း အာဂျင်တီးနားအစိုးရက ၂၀၁၁ ခုနှစ် နှစ်ဆန်းပိုင်း မှာ ပြဌာန်းပေးခဲ့ပါတယ်။
အစ္စလာမ်ဘာသာဝင်တွေရဲ့ ဥပုသ်လ၊ အီးဒ် အခမ်းအနားတွေမှာ အာဂျင်တီးနား သမ္မတအပါအ၀င် အစိုးရအကြီးတန်း အရာရှိတွေ တက်ရောက် ချီးမြှင့်တာမျိုးတွေလည်း ရှိပါတယ်။
နောက်ပြီး အာဂျင်တီးနားလူ့အဖွဲ့အစည်းမှာ မွတ်စလင်တွေ ပူးပေါင်းပါဝင်တာကို အသိအမှတ်ပြုဖို့၊ နိုင်ငံအတွင်းမှာရှိတဲ့ အစ္စလာမ်ဘာသာဝင်တွေ အာဂျင်တီးနားနိုင်ငံသားဖြစ်ရတာ ဂုဏ်ယူစေဖို့ စတဲ့ ရည်ရွယ်ချက်တွေနဲ့ “ငြိမ်းချမ်းရေးသာသနာ အစ္စလာမ်” ဆိုတဲ့ ခေါင်းစဉ်နဲ့ ဟောပြောပွဲတစ်ခုကို အာဂျင်တီးနား အောက်လွှတ်တော်မှာ ၂၀၁၂ ခုနှစ် နှောင်းပိုင်းလောက်က ကျင်းပပေးခဲ့ပါတယ်။ ဒီအခမ်းအနားကို အာဂျင်တီးနားအစိုးရ တာဝန်ရှိသူတွေနဲ့ မွတ်စလင်ခေါင်းဆောင် အများအပြား တက်ရောက်ခဲ့ပါတယ်။
ခရစ်ယာန် ကက်သလစ် အသင်းတော်ရဲ့ အကြီးဆုံး ရဟန်းမင်းအဖြစ် တာဝန်ထမ်းဆောင်နေတဲ့ ပုပ်ရဟန်းမင်းကြီး ဖရန်စစ်ဟာလည်း အာဂျင်တီးနား အစ္စလာမ့်လူ့အဖွဲ့အစည်းနဲ့ ရင်းနှီးတဲ့ဆက်သွယ်မှုတွေရှိပြီး ဗျူနိုအေရီးစ်က ဗလီဝတ်ကျောင်းတော်ကို လာရောက်လည်ပတ်တာမျိုးတွေတောင် ရှိခဲ့ပါတယ်။
ဘုန်းတော်ကြီး ဖရန်စစ် ဗာတီကန်ရဲ့ ပုပ်ရဟန်းမင်းကြီး အဖြစ် ရွေးချယ်ခံရတဲ့အချိန်မှာလည်း အာဂျင်တီးနား မွတ်စလင်တွေက ပုပ်ရဟန်းမင်းကြီးကို ဂုဏ်ပြုခဲ့ကြပါတယ်။
Ref : wiki
