Author: M-Media

ပြည်သူခေတ် ဂျာနယ်မှ ကူးယူဖော်ပြသည်။

ဦးကိုနီ Vs စည်သူအောင်မြင့် (အမေးရှင်းရှင်း အဖြေဘွင်းဘွင်း)

လာမယ့် ရွေးကောက်ပွဲဟာ နိုင်ငံတွင်းက နိုင်ငံသားအားလုံးအတွက် အရေးပါတဲ့ရွေးကောက်ပွဲ ဖြစ်ပါတယ်။ ဗမာ၊ မွန်၊ ရခိုင်၊ ရှမ်းတိုင်းရင်းသားအားလုံးအတွက် အရေးပါတဲ့ရွေးကောက်ပွဲဖြစ်သလို နိုင်ငံသားအစ္စလာမ်ဘာသာကိုးကွယ်သူ လူနည်းစုအတွက်လည်း အရေးပါတဲ့ရွေးကောက်ပွဲ ဖြစ်ပါတယ်။

ဒီရွေးကောက်ပွဲကနေလူနည်းစုအစ္စလာမ်ဘာသာဝင်တွေအတွက် မျှော်လင့်ချက်ဘယ်လောက်ရှိနေမလဲဆိုတာ NLD အမျိုးသားဒီမိုကရေစီအဖွဲ့ချုပ်ရဲ့ ဥပဒေအကြံပေးလည်းဖြစ်၊ ကိုယ်တိုင်လည်း အစ္စလာမ်ဘာသာဝင်ဖြစ်တဲ့ ရှေ့နေကြီး ဦးကိုနီကို မေးမြန်းတင်ပြထားပါတယ်။

ပြည်သူ့ခေတ် – ဆရာရေ၊ ခုဆိုရင် ရွေးကောက်ပွဲကနီးနီးလေးပဲ ကျန်တော့တယ်။ ဒေါ်အောင်ဆန်းစုကြည်ကတော့ ဒါဟာအနှစ် ၅၀ လောက်မှတစ်ခါရတဲ့ အခွင့်အရေးဆိုပြီးတော့တောင် တင်စားပြောတယ်။ တကယ့်အခွင့်အလမ်းကြီးပဲပေါ့နော်။ NLD ရွေးကောက်ပွဲဝင်တာဟာ မဲအနိုင်ရပြီး အစိုးရဖွဲ့ဖို့ဆိုတဲ့ အထိမှန်းတယ်ဆိုပြီးပြောတယ်။ လက်ရှိကျွန်တော်တို့နိုင်ငံမှာ တစ်တိုင်းပြည်လုံးအတိုင်းအတာ ရွေးကောက်ပွဲဝင်၊ အင်အား လည်းရှိပြီး ရွေးကောက်ပွဲအပြီးမှာ သမ္မတ တစ်ယောက်တင်မြှောက်နိုင်၊ အစိုးရဖွဲ့နိုင်တာဆိုလို့ တပ်မတော်နဲ့ ပြည်ခိုင်ဖြိုးပေါင်းထားတာက တစ်ဖွဲ့၊ NLD ကတစ်ဖွဲ့ ဒီနှစ်ဖွဲ့ပဲရှိတယ်။ ကျန်အင်အားစုတွေကတော့ သမ္မတရွေးတဲ့ အခါ အဲဒီနှစ်ဖွဲ့နဲ့ပဲ ပေါင်းရမှာပေါ့နော်။ ဆိုတော့ ရွေးကောက်ပွဲအပြီးမှာ ဘာအခင်းအကျင်းတွေ ဖြစ်လာနိုင်သလဲ၊ နောက်ပြီး တိုင်းပြည်ထဲက အရေအတွက် မနည်းလှတဲ့ မွတ်စလင်လူနည်းစုတွေ အတွက်ကရော ပိုပြီးကောင်းမွန်တဲ့ အခြေအနေဖြစ်လာမှာလားဆိုတာ ဆရာ့အမြင် ရှင်းပြပေးပါဦး။

ဦးကိုနီ – လာမယ့်ရွေးကောက်ပွဲမှာ  အမျိုးသားဒီမိုကရေစီအဖွဲ့ချုပ်ဟာ ပြည်သူလူထုရဲ့ ထောက်ခံမှုကို အများဆုံးရပါလိမ့်မယ်။ ဒီနေရာမှာ ကျွန်တော်တို့က အကြောင်းနှစ်ကြောင်းရှိပါတယ်။ ပထမအကြောင်းက ဒေါ်အောင်ဆန်းစုကြည်ကို ပြည်သူတစ်ရပ်လုံးက အင်မတန်ချစ်ခင်လေးစားတယ်။ အားကိုးတယ်။ ဒါ့အပြင် ဒေါ်အောင်ဆန်းစုကြည် ဟာ နိုင်ငံတကာကလည်း လေးစားခံရတဲ့၊ အရည်အချင်းလည်း တကယ်ရှိတဲ့ အမျိုးသမီးကောင်းဖြစ်တယ်။ စိတ်ဓာတ်အရလည်း ပြတ်ပြတ်သားသားနဲ့ သတ္တိရှိရှိ ရပ်တည်ရဲတဲ့ အနေအထားရှိတယ်။ ခေါင်းဆောင်ကောင်းတစ်ယောက်ဖြစ်တယ်။ အဲဒီအကြောင်းကြောင့် ထောက်ခံမှုရတယ်။ နောက်တစ်ခု ရှိပါသေးတယ်။ တစ်ဖက်ကို အရမ်းမုန်းတဲ့အတွက် တချို့လူတွေကလည်း ဒေါ်အောင်ဆန်းစုကြည်ကို မချစ်ရင်တောင်မဲပေးမယ်။

တိုင်းပြည်အတွက် ငါတို့ ဟိုဘက်ကိုတော့ မဲပေးလို့မရဘူးဆိုတဲ့ အနေအထား မျိုးရှိတယ်။ ဒါကြောင့်မို့ ကျွန်တော့်ရဲ့ ပထမမျှော်မှန်းချက်ကတော့ အမျိုးသားဒီမိုကရေစီအဖွဲ့ချုပ်သည် လက်ရှိဖွဲ့စည်းပုံရဲ့ ကန့်သတ်ချုပ်ချယ်မှုကြောင့် လွှတ်တော်မှာ ၅၁ ရာခိုင်နှုန်းရဖို့ခက်ခဲသော်လည်းပဲ အများစုတော့ ရမယ်။ ဆိုလိုတာက ယှဉ်ပြိုင်တဲ့ ပါတီတွေထဲမှာ နေရာ အများဆုံးရမယ့် ပါတီလို့ ကျွန်တော် ဆိုလိုတာ။ လွှတ်တော်ကို စိုးမိုးနိုင်မယ်လို့တော့ မျှော်မှန်းလို့မရဘူး။ ဘာကြောင့်လဲဆိုတော့ ဒါက
ရွေးကောက်ပွဲပြီး ပေါ်ပေါက်လာမယ့် အခင်းအကျင်းနဲ့ ဆိုင်ပါတယ်။

ကိုအောင်မြင့်က အဓိက အုပ်စုနှစ်စုရှိတယ်။ ဘယ်ပေါ်မှာ အခြေတည်ပြောတာလည်းဆိုတော့  လက်ရှိတိုင်းပြည်ကို အုပ်ချုပ်နေတဲ့ အာဏာရပါတီနဲ့ တစ်နိုင်ငံလုံးမှာ အဓိက အတိုက်အခံလုပ်နေတဲ့ NLD ပါတီ ဒီနှစ်ခုပေါ့။ တကယ်တမ်းကျတော့ ကျွန်တော့် အမြင်မှာက အဲဒီလိုမဟုတ်ဘူး။ အုပ်စုသုံးစုရှိတယ်။ မြန်မာပြည်မှာ လက်တွေ့ အနေအထားမှာအုပ်စု သုံးစုရှိတယ်။ နောက်တတိယ အုပ်စုရှိသေးတယ်။ အဲဒါဘာလဲ ဆိုတော့ အမျိုးသားဒီမိုကရေစီ အဖွဲ့ချုပ်နည်းတူ အစိုးရကို အတိုက်အခံလုပ်နေတဲ့ တိုင်းရင်းသားများအုပ်စု။ ကိုအောင်မြင့်က ပါတီကြီး အနေနဲ့နှစ်ခုရှိတယ်ဆိုရင် မှန်ပါတယ်။

သို့သော် အုပ်စုအနေနဲ့ ပြောရင် NLD ကို ကိုယ်စားပြုတဲ့အုပ်စု၊ပြည်ခိုင်ဖြိုးကို ကိုယ်စားပြုတဲ့ အုပ်စု၊တိုင်းရင်းသားများကို ကိုယ်စားပြုတဲ့ အုပ်စုဆိုပြီး ကျွန်တော်တို့ နိုင်ငံရေးနယ်ပယ်မှာ သုံးစုရှိတယ်။ တိုင်းရင်းသားအုပ်စုဟာ ယေဘုယျအားဖြင့် သူတို့ ဗမာကိုမကြိုက်ဘူး။ နှစ်ပေါင်း များစွာ သူတို့ အခွင့်အရေး ကို ဗမာတွေက ပိတ်ဆို့ထားတယ်လို့ ယူဆထားတယ်။ လူမျိုးကြီးဝါဒ ကျင့်သုံးတယ်ဆိုတဲ့ ခံစားချက်လည်း ရှိနေတယ်။ ဒါကြောင့် သူတို့ဟာနဲ့သူတို့ သီးခြားရပ်တည်နေတယ်။ လက်ရှိတိုင်းရင်းသားပါတီ လေးဆယ်ကျော်တယ်။ ကျွန်တော်အကဲခတ်မိသလောက်လည်း တိုင်းရင်းသား မဲဆန္ဒရှင်တွေရဲ့အနေအ ထားဟာ သူတို့ပါတီတွေကိုပဲ သူတို့ပေးမယ်။ ရခိုင်ကလည်း ရခိုင်။ ရှမ်းကလည်း ရှမ်း။ နောက်ဆုံး ကျားဖြူနဲ့ ကျားခေါင်းပဲ။ ပြည်ခိုင်ဖြိုးနဲ့ NDL ကို ပေးဖို့ကျတော့ အတော်နည်းတယ်။ ဗမာများတဲ့နေရာတွေကျရင်တော့ တစ်မျိုးပေါ့ဗျာ။ သို့သော် ယေဘုယျပြောရရင် သူတို့တိုင်းရင်းသားတွေကို ကိုယ်စား ပြုတဲ့ပါတီတွေကို မဲပေးလိမ့်မယ်။ အဲဒီတော့ ဒီလူတွေက အုပ်စုတစ်စုအနေနဲ့ တက်လာမယ်။

လက်ရှိမြန်မာနိုင်ငံရဲ့ လူဦးရေအချိုးကို အုပ်စုနှစ်စုဖွဲ့မယ်။ ဗမာနဲ့တိုင်းရင်းသားကိုဖွဲ့ရင် ဟိုဘက်ဒီဘက် မတိမ်းမယိမ်းရှိတယ်။ တိုင်းရင်းသားအင်အားစုက မနည်းဘူး။ ပြည်သူ့လွှတ်တော်ကို ပြောကြပါစို့ဗျာ။ ပြည်သူ့လွှတ်တော်မှာ တပ်မတော်က ၁၁၀ ယူထားတယ်။ ကျန်တာ ၃၃၀ ရှိတယ်။ အဲဒီ ၃၃၀ ကိုအဓိကယူမှာက တိုင်းရင်းသားအုပ်စုနဲ့ ဗမာအုပ်စုကခွဲယူမှာ။ ဖွဲ့စည်းပုံအရသတ်မှတ်တာက တိုင်းရင်းသား (ပြည်နယ်) က ၁၂၃ နေရာရှိတယ်လို့သတ်မှတ်တယ်။ ဗမာ (တိုင်း) က ၂၀၇ နေရာရှိတယ်လို့ပြောတယ်။ ဒီအချိုးအတိုင်းပဲ သွားရင်တောင် သုံးပုံပုံ တစ်ပုံကျော်ကျော်က တိုင်းရင်းသားဘက်မှာရှိတယ်။ ဒါက ပြည်သူ့လွှတ်တော်ကို ပြောတာ။

အမျိုးသားလွှတ်တော်ကျတော့ တစ်မျိုးဖြစ်သွားပြန်ရော။ တိုင်းရင်းသားလည်း ၈၄ ယောက်။ ပြည်မကလည်း ၈၄ ယောက် အတူတူဖြစ်သွားတဲ့ အခါကျတော့ အမျိုးသားလွှတ်တော်မှာဆို တိုင်းရင်းသားက ပိုပြီးအားကောင်းလာမယ့် အနေအထားရှိတယ်။ ဆိုတော့တိုင်းရင်းသားတွေကိုလည်း ကျွန်တော်တို့က လျှော့တွက်လို့မရဘူး။

၂၀၁၆ အသစ်တက်လာမဲ့ အစိုးရနဲ့အသစ် တက်လာမယ့်နိုင်ငံရေးမြင်ကွင်းအနေအထား ကတော့ ဘယ်သူမှ တစ်ပါတီတည်းနဲ့ လွှတ်တော်ကို အုပ်စီးထားနိုင်မယ်လို့ ကျွန်တော် မမြင်ဘူး။ ပြည်ခိုင်ဖြိုးနဲ့ တပ်မတော်သားကိုယ်စားလှယ်ပေါင်းထားတဲ့ အုပ်စုတစ်စုရှိမယ်။ စစ်တပ်က ၂၅ ရာခိုင်နှုန်းနဲ့ပြည်ခိုင်ဖြိုးက ၁၀ ရာခိုင်နှုန်းတက်ရင် သူတို့က ၃၅ ရာခိုင်နှုန်းဖြစ်မယ်ပေါ့။ ၁၅ရာခိုင်နှုန်းတက်ရင် ၄၀ ရာခိုင်နှုန်း ဖြစ်မှာပေါ့ဗျာ။ ဒီဘက်က NLD ကလည်း ၄၀ ရာခိုင်နှုန်းအောက်ကတော့ မလျော့နိုင်ဘူး။ တိုင်းရင်း
သားတွေကို ၂၀ ရာခိုင်နှုန်းလောက်မျှ ထားမယ်ဆိုလျှင် ၄၀ – ၄၀ -၂၀။ ဒီိပတ်ဝန်းကျင်မှာ ရှိနေတဲ့အခါကျတော့ တိုင်းရင်းသားတွေဟာ တကယ့်အခရာကျတဲ့ အနေအထားကို ရောက်နိုင်တယ်။

တိုင်းရင်းသားတွေနဲ့ မဟာမိတ်လုပ်နိုင်တဲ့သူက လွှတ်တော်ကိုစိုးမိုးနိုင်မယ်။ နောင်လာမယ့် အစိုးရအဖွဲ့ကို ဖွဲ့စည်းခွင့်ရမယ်။ ဒါကြောင့်မို့ ဒီအနေအထားဟာ သိပ်ပြီးတော့ စိတ်ဝင်စားဖို့ကောင်းတဲ့ အနေအထားဖြစ်တယ်။ တစ်လက်စတည်း သုံးသပ်ရရင် ပြည်ခိုင်ဖြိုးနဲ့NLD ဘယ်ဘက်ပေါင်းနိုင်ခြေများလဲ။ အများအမြင်တော့ ရှင်းတယ်။ NLD နဲ့ပဲပေါင်းမှာပေါ့။ တိုင်းရင်းသားတွေက ဖက်ဒရယ်မူကိုလိုချင်တယ်။ NLD ကလည်း ဖက်ဒရယ်မူကို လက်ခံတယ်လို့ပြောထားတယ်။ ဒီဘက် တပ်မတော်က ပြည်နယ်တွေမှာ ပြည်နယ်ဝန်ကြီးချုပ်ကို သူ့ဘာသာသူ ရွေးချယ် တင်မြှောက်ခွင့်ဆိုတာကိုတောင် လက်မခံသေးဘူး။ ဒီအကြောင်းကြောင့် NLD ပဲထောက်ခံမှာပေါ့လို့ ပြောနိုင်တယ်။ အဲဒါလည်းပဲ ဖြစ်နိုင်တယ်။

ဒါပေမယ့် တစ်ချိန်တည်းမှာ ကြည့်ရမှာက လက်ရှိ အာဏာရပါတီဟာ ငွေကြေးအရ အလွန်ချမ်းသာတယ်။ နိုင်ငံရေုးအာဏာကို အုပ်စီးထားနိုင်တယ်။ နိုင်ငံရေးအရလည်း လုပ်ပိုင်ခွင့်တွေအများကြီး ရှိတယ်။ ဒီထက်ပိုပြီး ကြီးမားတဲ့အချက်က တပ်မတော်ကသူတို့နောက်မှာ အပြည့်အ၀ထောက်ခံပေးထားတယ်။ ဒီလိုအနေအထားရှိတဲ့ ပါတီကြီးတစ်ခုဟာ တိုင်းရင်းသား ပါတီလေးတွေကို ဖဲ့ဖဲ့ပြီး စည်းရုံးပြီးတော့သူတို့လိုနေတဲ့အားကို ဖြည့်ကောင်းဖြည့်နိုင်တယ်။ အဲဒီအချက်ကို ကျွန်တော်တို့က မေ့ထားလို့မရဘူး။

တကယ်လို့များ သူတို့အဲဒီလိုဖဲ့ပြီး စည်းရုံးသွားလို့ သူတို့ ၅၁ ရာခိုင်နှုန်းရတယ်ဆိုရင် ကျွန်တော်တို့နောက်ထပ် ငါးနှစ်ဟာ လက်ရှိ အနေအထားအတိုင်းပဲ ဆက်ပြီးသွားရလိမ့်မယ်။ အပြောင်းအလဲကြီးကြီးမားမား ရှိမှာ မဟုတ်ဘူး။ အဲဒီလိုမဟုတ်ပဲ NLD ကအမြော်အမြင်ကြီးကြီးနဲ့ တိုင်းရင်းသားတွေကို ဆွဲဆောင်နိုင်ပြီး ထောက်ခံမှုယူပြီးတော့ လွှတ်တော်မှာ ၅၁ ရာခိုင်နှုန်းကျော်အောင် လုပ်နိုင်ရင်ဒီလိုမျိုး ညွန့်ပေါင်း ဖွဲ့နိုင်ရင် လွှတ်တော်ဟာ တိုင်းပြည်ရဲ့ရှေ့ရေးကို ကြည့်နိုင်တဲ့ ဥပဒေတွေပြဌာန်းဖို့အခွင့်အရေး
တွေရလာမယ်။ နောက်တစ်ခါ  ဒီလွှတ်တော်ကနေ ဒီမိုကရေစီ ပြုပြင်ပြောင်းလဲရေးကို ပိုပြီးတော့အလုပ်လုပ်နိုင်မယ့် အစိုးရတွေဖွဲ့နိုင်မယ့် အခွင့်အလမ်းတွေ ရနိုင်မယ်။ ဒါတွေအားလုံးက မျှော်လင့်ချက်နဲ့ပြောတဲ့
စကားတွေပါ။

ဒါပေမယ့် ကျွန်တော်တို့တိုင်းပြည်ရဲ့ အဓိက အဆုံးအဖြတ်ကတော့ တပ်မတော်ပဲ။ ဘာကြောင့်လဲဆိုတော့ NLDနဲ့ တိုင်းရင်းသားတွေပေါင်းပြီး လွှတ်တော်မှာအစိုးရအဖွဲ့တစ်ဖွဲ့ ဖွဲ့နိုင်ပြီဆိုရင်တောင် တပ်မတော်ဘက်က လက်ခံနိုင်မလား။ ဘယ်လိုနည်းနဲ့အတိုက်အခံ လုပ်လာနိုင်ဦးမလဲ။ ကျွန်တော်တို့မှာစဉ်းစားစရာအများကြီးရှိတယ်။

လွှတ်တော်က မဲခွဲဆုံးဖြတ်တဲ့ဟာကို တပ်မတော်က လက်ခံရမှာပေါ့လို့ လွယ်လွယ်လေး စာအုပ် လေးကြည့် ဖြေလို့ရတာပေါ့။ တကယ့်သိပ်အရေးကြီးတဲ့အချက်က လွှတ်တော်က သမ္မတကို မဲပေးခန့်လိုက်ရင်တောင် အစိုးရအဖွဲ့ရဲ့ အကြီးအကဲဖြစ်တယ်ဆိုပေမယ့် အဲဒီသမ္မတဟာ လုပ်ပိုင်ခွင့်အပြည့်အ၀ရှိတဲ့ သမ္မတမဟုတ်ဘူး။

ဖွဲ့စည်းပုံအရ အဓိကကျတဲ့ လုပ်ပိုင်ခွင့်တွေကို ထိန်းချုပ်ထားတာက တပ်မတော် ကာကွယ်ရေးဦးစီးချုပ်။ တပ်ချုပ်က လက်နက်ကိုင်တပ် အားလုံးရဲ့အကြီးအကဲဖြစ်ပြီး အမိန့်ပေးလို့ရတယ်။ သမ္မတမှာ အဲဒါမရှိဘူး။ အဲဒီလိုအနေအထားမျိုးမှာ ဘာမှသိသာ ထင်ရှားတဲ့ အာဏာမရှိတဲ့ သမ္မတက ဘယ်လို အပြောင်းအလဲကိုလုပ်သွားနိုင်မလဲ။

ကျွန်တော်တို့ တိုင်းပြည်ရဲ့အနာဂတ်ဟာ ဖွဲ့စည်းပုံကို လုံးဝပြုပြင်ပြောင်းလဲနိုင်မှပဲ ဒီမိုကရေစီ လမ်းကြောင်းကပွင့်သွားမယ်။

ပြည်သူ့ခေတ် – ပြည်ခိုင်ဖြိုးဘက်မှာ မွတ်ဆလင်အမတ်တွေ ထည့်ထားတာရှိလား။ NLD ဘက်မှာရော ဘယ်နှစ်ယောက်ပါလဲ။ အဲဒီလိုမျိုး အနေအထားအောက်မှာ ရွေးကောက်ပွဲနဲ့ ပတ်သက်ပြီး မွတ်ဆလင် အသိုင်းအ၀ိုင်းရဲ့ မျှော်လင့်ချက်ကရော ဘယ်လိုဖြစ်လာမလဲ။ အမတ်ထဲမှာ သူတို့တွေသာ မပါဘူးဆိုရင် လွှတ်တော်ထဲမှာ ဒီနည်းစု အခွင့်အရေး သွားပြောမယ့်သူရှိပါတော့မလား။
.
ဦးကိုနီ – စာရင်းအရရော ကျွန်တော်ကြားသိရတဲ့ သတင်းအရရော ပြည်ခိုင်ဖြိုးမှာ အစ္စလာမ်ဘာသာဝင် လွှတ်တော် ကိုယ်စားလှယ်လောင်း မပါဘူး။ အလားတူ NLD စာရင်းထဲမှာလည်း ကျွန်တော်သိသလောက် အစ္စလာမ်ဘာသာဝင် လွှတ်တော် အမတ်လောင်း မပါဘူး။ အောက်ခြေမှာ စာရင်းတင်တုန်းက ပါတယ်။ ဒီမိုကရေစီရေးကို တော်တော်လေး ပြင်းပြင်းထန်ထန်လုပ်နေတဲ့  အစ္စလာမ်ဘာသာဝင် ၁၀ယောက် ၀န်းကျင်လောက် တင်တဲ့ထဲမှာပါတယ်။ သို့သော် တကယ်ရွေးတဲ့ အခါမှာတော့ အစ္စလာမ်ဘာသာဝင်မပါဘူးလို့ ကျွန်တော်သိရတယ်။
.
အမတ်လောင်းစာရင်းတွေထဲမှာ အစ္စလာမ်ဘာသာဝင် အမတ်တွေ  မပါတဲ့အတွက်  လူတွေ အမြင်က ပြည်ခိုင်ဖြိုးကိုတော့ ရှင်းတယ်။ အစ္စလာမ်ဘာသာဝင် အများစု ပြည်ခိုင်ဖြိုးကို မဲပေးမှာ မဟုတ်ဘူးလို့ ကျွန်တော်ထင်တယ်။ စီးပွားရေးအရ ပတ်သက်နေတဲ့ ကိုယ်ကျိုးအတွက် ပတ်သက်နေတဲ့ နည်းနည်းပါးပါးကလွဲရင် အများစုကတော့ မပေးဘူးလို့ ခန့်မှန်းတယ်။ အများဆုံးခွဲခြား ဆက်ဆံခံခဲ့ရတဲ့ မွတ်ဆလင်တွေဟာ သူတို့ကို ခွဲခြားဆက်ဆံတဲ့သူကိုတော့ မဲပေးမှာ မဟုတ်ဘူးလို့ မြင်တယ်။
.
အများစုကတော့ NLD ကိုပဲ မဲပေးမှာပါ။ အစ္စလာမ်ဘာသာဝင် တော်တော်များများဟာNLD အဖွဲ့ဝင်အဖြစ်နဲ့ ရှိတယ်။ ကျွန်တော်ကိုယ်တိုင်လည်း NLD အဖွဲ့ဝင်ဖြစ်ပြီး အောင်နိုင်ရေး အတွက် ကြိုးပမ်းအားထုတ်နေတဲ့သူ ဖြစ်တယ်။ ဒါပေမယ့် တစ်ခုဖြစ်သွားတာက ပထမပိုင်းမှာ ကျွန်တော်တို့က အစ္စလာမ်ဘာသာဝင် သုံးလေးယောက်လောက်တော့ အမတ်လောင်းအဖြစ် ပါမှာပဲလို့ ထင်ခဲ့တယ်။ အစ္စလာမ်ဘာသာဝင် သိပ်များတဲ့ မဲဆန္ဒနယ်မြေတွေမှာ တစ်ဖက်က ပြည်ခိုင်ဖြိုး အမတ်တွေကို ယှဉ်နိုင်ဖို့ဆိုရင် အစ္စလာမ်ဘာသာ ကိုးကွယ်တဲ့ အမတ်လောင်းကိုထည့်ရင် တော်တော် သေချာတယ်။ NLD ဆိုတဲ့ အရိပ်အာဝါသရယ်၊ အစ္စလာမ်ဘာသာဆိုတဲ့ ဘာသာရေး အကြောင်းခံရယ် ဒီနှစ်ခုကြောင့် NLD က လွယ်လွယ်လေးကို အနိုင်ရနိုင်တယ်လို့ ကျွန်တော်တို့က မျှော်လင့်တယ်။
.
လက်တွေ့မှာ မပါလာတဲ့ အခါကျတော့ တော်တော်များများက NLD ဟာ အစ္စလာမ်ဘာသာဝင်တွေ အပေါ်မှာ ဂရုမစိုက်ဘူး။ အလေးမထားဘူးလို့ မြင်သွားတယ်။ ကျွန်တော်က NLD ထဲမှာရှိနေတော့ တော်တော်များများက ကျွန်တော့်ကိုပဲ မေးကြတယ်။ အမတ်လောင်းထဲမှာ မပါတာကတော့ တစ်ကိစ္စ။
.
ကျွန်တော်တို့ အစ္စလာမ်ဘာသာဝင်တွေဟာ နှစ်ပေါင်းများစွာ ခွဲခြားဆက်ဆံ ခံခဲ့ရတာပဲ။ လောလောဆယ် အမတ်လောင်းထဲမှာ မပါဘဲလဲ ကျွန်တော့်တို့အတွက် ရွေးစရာမရှိဘူး။ NLD ကို ထောက်ခံပေးမှသာ အပြောင်းအလဲကို မျှော်လင့်နိုင်မယ်။ ကျွန်တော်ကတော့ ကျွန်တော့်မူအတိုင်းပဲ ပြောတယ်။ ဒါပေမယ့် ပြဿနာက အစ္စလာမ်ဘာသာဝင် အချို့ဟာ တစ်သီးပုဂ္ဂလ အမတ်လောင်းအနေနဲ့ တချို့နေရာတွေမှာ ၀င်ပြိုင်မယ်လို့ ကြားလာရတယ်။ အဲဒါကို နားလည်ပေးပါလို့ ပြောတယ်။
.
သူတို့ဝင်ရတဲ့အကြောင်းက မွတ်ဆလင် အမတ်လောင်းမ၀င်ရင် မွတ်ဆလင် အမတ်မရှိ တော့ဘူးလို့ ပြောကြတယ်။ မရရင် တစ်ဖက်က တက်သွားမယ်။ အဲ့ဒီအကြောင်းကြောင့် NLD ကို တိုက်တဲ့အနေနဲ့ ၀င်တာ မဟုတ်ဘူး။ နိုင်ရင် NLD ကို ထောက်ခံမှာပဲ။ ကျွန်တော်ကလည်း မင်းတို့ မ၀င်နဲ့ကွာလို့ ပြောပိုင်ခွင့်မရှိဘူး။ သူတို့ တစ်သီးပုဂ္ဂလ၀င်တာ သူတို့အပိုင်း။
.
လက်ရှိမှာ အစ္စလာမ်ဘာသာဝင်တွေ တည်ထောင်ထားတဲ့ပါတီ သုံးခုလောက်ရှိတယ်လို့ ကျွန်တော်သိရတယ်။ နိုင်ငံရေးပါတီ မှတ်ပုံတင် ဥပဒေအရဆိုရင် ပါတီတစ်ခုဟာ အနည်းဆုံး သုံးယောက် အမတ်လောင်းအဖြစ် ၀င်ပြိုင်ရမယ်။ မပြိုင်ဘူးဆိုရင် ပါတီဖျက်သိမ်းခံရမယ်လို့  ၀န်ခံလက်မှတ် ထိုးထားပြီးသား။ ပါတီသုံးခုကလည်း အနည်းဆုံးကိုးယောက်တော့တင်ရမယ်။ အဲဒါ NLD ကို တိုက်ဖို့မဟုတ်ဘူး။ ပါတီ ရပ်တည်ဖို့။ သူတို့ကလည်း နိုင်ရင် NLD ကိုပဲ ထောက်ခံ သွားမယ်လို့ တစ်ဆင့်စကားနဲ့ ကျွန်တော် ကြားသိရတယ်။ ကျွန်တော်က နားထောင်မှတ်သားထားရုံပဲ ရှိပါတယ်။ ပြောပိုင်ခွင့်တော့ မရှိပါဘူး။
.
ပြည်သူ့ခေတ် – အဲဒီအနေအထားဆိုရင် မဲတွေ ပျံ့သွားတာမျိုး ဖြစ်နိုင်သလား။
.
ဦးကိုနီ – ဖြစ်နိုင်တယ်။ အစ္စလာမ်ဘာသာဝင်တွေ များတဲ့နေရာမှာ တော်တော်များများ အစ္စလာမ်ဘာသာဝင်တွေက ဘာသာရေးကို အကြောင်းခံပြီးတော့ အစ္စလာမ်ဘာသာ ကိုးကွယ်တဲ့ အမတ်လောင်းကို မဲပေးနိုင်တယ်။ အဲဒီလို NLD ကို မဲပေးမယ့် အုပ်စုရယ်၊ အစ္စလာမ်ဘာသာဝင် အမတ်ကို မဲပေးမယ့် သူတွေရယ်၊ ပြည်ခိုင်ဖြိုးကတော့ ပုံသေမဲနဲ့ လာမယ်။ သူက လူထုထောက်ခံမှု သိပ်ယူလို့မရဘူး။  အပိုင်တွက်ထားတဲ့ မဲနဲ့သွားမယ်။ ဒါဟာ ပြည်ခိုင်ဖြိုးအတွက် အခွင့်အလမ်း ဖြစ်သွားစေနိုင်တယ်။ မဲက ပျံ့မျာကိုး။ ပျံ့တဲ့အခါကျတော့ တကယ်လို့များ တစ်သီးပုဂ္ဂလ အမတ်လောင်း ၀င်မလာဘူးဆိုရင် NLD ပဲရမှာကိုး။ NLD အတွက် နစ်နာကောင်း နစ်နာနိုင်တယ်။ ဒါတော့ အစောကြီးကတည်းက စဉ်းစားရမယ့်ကိစ္စ။
.
မွတ်ဆလင် အများစုနေတဲ့ နေရာတွေကို သိထားရမယ်။ ဥပမာ – တိုင်းဒေသကြီးလွှတ်တော်၊ မင်္ဂလာတောင်ညွန့် – ၁ က မွတ်ဆလင် တော်တော်များများတယ်။ တာမွေအုပ်စုတို့ဆို တော်တော်များ တယ်။ ပန်းဘဲတန်းက ၁ ရော၊ ၂ ရော အစ္စလာမ်များတယ်။ ကျွန်တော် ထင်တယ် အဲဒီလို မွတ်ဆလင်များတဲ့ နေရာမှာ တစ်ယောက်စ နှစ်ယောက်စတော့ တက်လာနိုင်တယ်။ များများတော့ တက်မလာနိုင်ဘူး။ ပြည်သူ့လွှတ်တော်နဲ့ တိုင်းဒေသကြီးလွှတ်တော် အမတ်အဆင့်လောက်တော့ တက်လာနိုင်တယ်။
အမျိုးသားလွှတ်တော်က သိပ်ကျယ်တယ်။ ဒီလိုနေရာမျိုးမှာ အစ္စလာမ်ဘာသာဝင်တွေ တက်မလာနိုင်ဘူး။ ရန်ကုန်တိုင်းအတွက်ဆို ပန်းဘဲတန်း လိုနေရာ ဖြစ်နိုင်တယ်။ တောင်ညွန့်ဖြစ်နိုင်တယ်။ သူတို့ကို ကျွန်တော်နိုင်စေချင်တယ်။ အစ္စလာမ်ဘာသာဝင်မို့ ပြောတာမဟုတ်ဘူး။
.
ပြည်သူ့ခေတ် – အခုဆို ရွေးကောက်ပွဲ အလွန်ကို အကြမ်းဖျင်း ခန့်မှန်းလို့ရနေပြီ။ လာမယ့်လွှတ်တော်မှာ  ခုနတုန်းကလို မွတ်ဆလင် လူနည်းစုတွေရဲ့အသံ သို့မဟုတ် သူတို့ အခွင့်အရေးကို ကာကွယ်ပေးနိုင်မယ့် အနေအထားက လက်ရှိအနေအထားထက် ပိုဖြစ်လာနိုင်စရာရှိလား။ ဘာမှ မထူးခြားဘဲ ဒီအတိုင်းပဲ ဖြစ်မှာလား။ ပိုဆိုးသွားနိုင်သေးသလား။
.
ဦးကိုနီ – ထူးခြားမယ်။ လက်ရှိ အနေအထားထက် အများကြီးကောင်းလာမယ်။ ဘာဖြစ်လို့တုန်းဆိုတော့ NLD က ၄၀ ရာခိုင်နှုန်းအောက် မရောက်နိုင်ဘူး။ တိုင်းရင်းသားတွေနဲ့ မဟာမိတ်ဖွဲ့နိုင်ရင် NLD လွှတ်တော်ကို စိုးမိုးနိုင်တဲ့ အနေအထားရှိတယ်။ NLD က လွှတ်တော်ကို စိုးမိုးနိုင်တယ်ဆိုရင် NLD ရဲ့မူက ရှင်းတယ်။ ဘာသာရေး လွတ်လပ်ခွင့်ကို အသိအမှတ်ပြုတယ်။ ဘာသာရေးအရ ပါတီရဲ့မူဝါဒထဲမှာ ခွဲခြားမှုမရှိဘူး။ သို့သော် တစ်ဦးချင်းအနေနဲ့ ရှိကောင်းရှိမယ်။
.
NLD နဲ့ မဟာမိတ်ပြုလာမယ့် တိုင်းရင်းသားတွေမှာလည်း ဘာသာရေးခွဲခြားမှု မရှိဘူး။ ဘာလို့လဲဆိုတော့ သူတို့ကိုယ်တိုင်က လူနည်းစု အနေနဲ့ ခံစားနေရတာတွေရှိတယ်။ လူနည်းစုအချင်းချင်း ခံရတဲ့သူအချင်းချင်း စာနာထောက်ထားမှု ရနိုင်တယ်။ ဒါကြောင့်မို့လို့ NLD နဲ့ တိုင်းရင်းသားတွေ လွှတ်တော်မှာ အသာစီးရနိုင်မယ်ဆိုရင်တော့ မွတ်ဆလင် လူနည်းစုတွေအတွက် ခုအခြေအနေထက် ပိုပြီးကောင်းလာလိမ့်လို့ ကျွန်တော်က သုံးသပ်ပါတယ်။
.
ပြည်သူ့ခေတ် – ကျေးဇူးတင်ပါတယ်ဆရာ။