ဧပြီ ၁၀၊ ၂၀၁၄
M-Media
– ရုရှားလိုလားသူများက နိုင်ငံ အရှေ့ပိုင်းမြို့များရှိ အစိုးရ အဆောက်အဦးများအား သိမ်းပိုက်မှု အပေါ် အင်အားသုံးဖြေရှင်းရန် ပြင်ဆင်နေသည်ဟု ယူကရိန်း အာဏာပိုင်များက သတိပေးပြောကြားလိုက်သည်။
နိုင်ငံအရှေ့ပိုင်း Luhansk မြို့ရှိ အစိုးရလုံခြုံရေးဌာနချုပ်အား ဆန္ဒပြသူများက ဆက်လက်သိမ်းပိုက်ခဲ့ပြီးနောက် ယမန်နေ့တွင် ယူကရိန်းအစိုးရမှ ယခုကဲ့သို့ ကြေညာလိုက်ခြင်းဖြစ်သည်။ အဆိုပါ အဆောက်အဦး၏ အပြင်ဘက်တွင် ရာပေါင်းများစွာသော ဆန္ဒပြသူများက ရုရှားအား ထောက်ခံသော အနေဖြင့် “ပူတင်၊ ပူတင်” ဟု ဟစ်အော်နေကြသည်။
အဆိုပါအဆောက်အဦးထဲတွင် ခွဲထွက်လိုသူများက ဗုံးများထောင်ထားကာ ဓားစားခံ ၆၅ ဦးအား ဖမ်းဆီးထားသည်ဟု ယူကရိန်းဘက်မှ ပြောဆိုထားသော်လည်း၊ Luhansk ဒေသ ရဲတပ်ဖွဲ့ ပြောရေးဆိုခွင့်ရှိသူ အမျိုးသမီးကမူ ထိုသတင်းမှာ မဟုတ်မှန်ကြောင်း ငြင်းဆိုခဲ့သည်။
ယူကရိန်းပြည်ထဲရေး ၀န်ကြီး အာဆန် အေဗာကော့ဗ်က Luhansk မြို့နှင့် ရုရှားနှင့် ဆက်စပ်နေသည့် Donetsk နှင့် Kharkiv မြို့များတွင် ဖြစ်ပေါ်နေသော မတည်ငြိမ်မှုများအား ၂ ရက်အတွင်း ဖြေရှင်းရမည်ဟု ဆိုသည်။
“(ဒီပြဿနာကို ဖြေရှင်းဖို့) နည်းလမ်း၂ ခုရှိတယ်ဆိုတာကို ကျွန်တော် ထပ်ပြောချင်ပါတယ်။ တစ်ခုက ဆွေးနွေးမှုတွေကနေ နိုင်ငံရေး တည်ငြိမ်အောင် လုပ်တာဖြစ်ပြီး နောက်တစ်ခုကတော့ အင်အားသုံး နှိမ်နင်းတာပါ။ ဒီနည်းလမ်းနှစ်ခုအတွက် ကျွန်တော်တို့ အဆင်သင့်ဖြစ်နေပါပြီ” ဟု သတင်းထောက်များအား အေဗာကော့ဗ်က ပြောကြားခဲ့သည်။
ယူကရိန်း၏ ယခင်အစိုးရအဖွဲ့တွင် ဥပဒေပြုအမတ်အဖြစ် တာဝန်ထမ်းဆောင်ခဲ့သည့် ဆာဟီ တိုင်ဟစ်ပ်ကိုက ဆန္ဒပြသူများမှာ ၎င်းတို့ဒေသအား ယူကရိန်းမှာ ခွဲထွက်လိုခြင်း၊ နိုင်ငံခြားအကူအညီ ရယူလိုခြင်းမဟုတ်ဘဲ ဖက်ဒရယ်စနစ်နှင့် ကိုယ်ပိုင်အုပ်ချုပ်ခွင့်သာ လိုလားခြင်းဖြစ်ကြောင်း၊ အစိုးရအနေဖြင့် အင်အားသုံး ဖြေရှင်းရန် မသင့်ကြောင်း တိုက်တွန်းခဲ့သည်။
ယူကရိန်းနိုင်ငံအား ဖက်ဒရယ်အုပ်ချုပ်ရေးစနစ်ပြာင်းလဲရန် ရုရှားက အဓိကတောင်းဆိုထားပြီး ယူကရိန်းအစိုးရကမူ လက်မခံဘဲ နိုင်ငံပြိုကွဲရန် ရှေ့ပြေးနိမိတ်သာဖြစ်သည်ဟု တုံ့ပြန်ပြောဆိုခဲ့သည်။
Ref: Al Jazeera And AP
