ဧပြီ ၁၀၊ ၂၀၁၄
M-Media
နောက်ဆုံးဖလား မျှော်လင့်ချက် စွန့်လွှတ်ခဲ့ရတဲ့ မန်ယူ၊ လာလီဂါပြိုင်ဘက်ကို ချန်ပီယံလိဂ်မှာ အရှုံးပေးခဲ့ရတဲ့ ဘာစီလိုနာတို့ရဲ့ ချန်ပီယံလိဂ် ကွာတားဖိုင်နယ် ဒုတိယအကျော့ပွဲများ
– ယနေ့မနက်မှာတော့ ချန်ပီယံလိဂ် ကွာတားဖိုင်နယ်ပွဲစဉ်ရဲ့ ဒုတိယအကျော့ လက်ကျန် ၂ ပွဲကို ကစားခဲ့ပြီး ဘာစီလိုနာအသင်းနဲ့ မန်ယူတို့ ပြိုင်ပွဲကနေ ထွက်ခွာခဲ့ရပြီဖြစ်ပါတယ်။
နျူးကမ့်မှာ နေးမာရဲ့ချေပဂိုးကြောင့် ၁ ဂိုးစီ သရေကျခဲ့တဲ့ ဘာစီလိုနာတို့ အက်သလက်တီကိုရဲ့ကွင်းမှာလည်း ကိုကီရဲ့ အစောပိုင်း ဂိုးတစ်ဂိုးနဲ့ အရှုံးပေးခဲ့ရပါတယ်။ အက်သလက်တီကိုမှာ အားထားရတဲ့ တိုက်စစ်မှူး ဒီယေဂိုကော်စတာ ဒဏ်ရာကြောင့်မပါဝင်ခဲ့ပေမယ့် ပွဲအစမှာ အိမ်ရှင်တို့ တောက်လျှောက်ထိုးဖောက်နိုင်ခဲ့ပြီး အနိုင်ဂိုးကိုလည်း ပွဲအစ ၅ မိနစ်မှာပဲရခဲ့တာပါ။ ဗီလာ၊ လိုပက်ဇ်တို့ရဲ့ အပိုင်ဂိုးသွင်းခွင့်တွေသာ ဂိုးဝင်ခဲ့ရဲ့ ဒီထက်ပို ဂိုးပြတ်သွားနိုင်ပါတယ်။ ဘာစီလိုနာတို့ကတတော့ ထုံးစံအတိုင်း ဘောလုံးပိုင်ဆိုင်မှုကို အသားပေးကစားခဲ့ပြီး အိမ်ရှင်အသင်းကို ထိုးဖောက်ခဲ့ပါတယ်။ ပထမပိုင်းမှာ ဇာဗီ၊ မက်ဆီ တို့ရဲ့ ကန်သွင်းချက်တွေ၊ ဒုတိယပိုင်း မိနစ် ၇၇ ကျော်မှာ နေးမာရဲ့ ခေါင်းတိုက်ချက်တွေ ဂိုးမ၀င်ခဲ့တာကာ ဘာစီလိုနာအသင်းအတွက် ရှုံးပွဲကို တွေ့စေခဲ့တာဖြစ်ပါတယ်။ ပွဲအပြီးမှာတော့ အက်သလက်တီကိုအသင်းက နှစ်ကျော့ပေါင်း ၂ ဂိုး ၁ ဂိုးနဲ့ အနိုင်ရပြီး ၁၉၇၃-၇၄ နောက်ပိုင်း ချန်ပီယံလိဂ် ဆီးဖီးဖိုင်နယ်ကို ပထမဆုံး တက်ရေက်နိုင်ခဲ့ပါတယ်။
နည်းပြမိုယက်စ်ရဲ့ မန်ယူအသင်းကလည်း ဂျာမနီမြေမှာ ဦးဆောင်ဂိုး သွင်းနိုင်ခဲ့ပေမယ့် ဘိုင်ယန်ရဲ့ ချေပဂိုးနဲ့ အနိုင်ဂိုးတွေကို ခွင့်ပြုခဲ့ရပြီး ဒီရာသီ နောက်ဆုံးလက်ကျန် ဖလားမျှော်လင့်ချက်ကို စွန့်လွှတ်ခဲ့ရပါတယ်။ ဘိုင်ယန်မှာ မူလာ၊ မန်ဇူကစ်၊ ကရော့စ်၊ ဂေါ့ဇီတို့ လူစုံပါဝင်ခဲ့ပေမယ့် ပွဲအစအထနှေးခဲ့ပါတယ်။ မန်ယူကတော့ ဒဏ်ရာရနေတဲ့ ကွင်းလယ်ကစားသမား ဖယ်လိုင်နီရဲ့နေရာမှာ ဖလက်ချာ ၀င်ကစားခဲ့ပြီး ပထမပိုင်းမှာ မန်ယူတို့ အပိုင်ဂိုးသွင်းခွင့်၂ ကြိမ်လောက်ရခဲ့ပါတယ်။
ဒါပေမယ့်နောက်ပိုင်းမှာတော့ ဘိုင်ယန်က ပွဲကိုထိန်းချုပ်လာနိုင်ခဲ့ပြီး ဂိုးသွင်းခွင့်တွေလည်း ဖန်တီးလာနိုင်ခဲ့ပါတယ်။ ဦးဆောင်ဂိုးကိုတော့ ၅၇ မိနစ်မှာ မန်ယူက စရခဲ့ပြီး ညာခြမ်းက ဗလင်စီယာ ဖန်တီးပေးတဲ့ ဘောလုံးကို နောက်ခံလူ အီဗရာက ဧရိယာအတွင်းမှာ ဘယ်ခြေနဲ့ အပြင်းကန်သွင်းယူခဲ့တာပါ။ ဒါပေမယ့် ဒီဂိုးဟာ အိမ်ရှင်တို့အတွက် အခက်အခဲတော့ မဖြစ်စေခဲ့ပါဘူး။ ၅၉ မိနစ်မှာ မန်ဇူကစ်က ချေပဂိုး ပြန်သွင်းနိုင်ခဲ့ပြီး၊ ၆၈ မိနစ်နဲ့၊ ၇၆ မိနစ်တို့မှာ မူလာနဲ့၊ ရော်ဘင်တို့က အနိုင်ဂိုးတွေ သွင်းယူနိုင်ခဲ့တဲ့အတွက် ပွဲအပြီးမှာတော့ ဘိုင်ယန်က ၂ ကျော့ပေါင်း ရလဒ် ၄ ဂိုး ၂ ဂိုးနဲ့ ဆီမီးဖိုင်နယ်ကို သုံးနှစ်ဆက် တက်ရောက်နိုင်ခဲ့ပါတယ်။
ယနေ့မနက် ချန်ပီယံလိဂ် ရလဒ်များကတော့ အောက်ပါအတိုင်းဖြစ်ပါတယ်။
အက်သလက်တီကို ၁-၀ ဘာစီလိုနာ (နှစ်ကျော့ပေါင်း ၂-၁ ဖြင့် အက်သလက်တီကို နောက်တစ်ဆင့်တက်)
ဘိုင်ယန် ၃-၁ မန်ယူ (နှစ်ကျော့ပေါင်း ၄-၂ ဖြင့် ဘိုင်ယန်နောက်တစ်ဆင့်တက်)
Photo- ©Getty Images
