Author: Ko Lay

ဇန်န၀ါရီ ၂၃၊ ၂၀၁၈
M-Media

– အရှေ့ဂျေရုလစင်ကို မြို့တော်အဖြစ်ထားသည့် ပါလက်စတိုင်းနိုင်ငံကို အလျင်အမြန် တရားဝင် အသိအမှတ်ပြုပေးရန် ပါလက်စတိုင်းသမ္မတ မဟ်မူးဒ်အဘတ်စ်က ဥရောပသမဂ္ဂအား တိုက်တွန်းလို က်သည်။

ယမန်နေ့က ဘရပ်ဆဲလ်တွင် ဥရောပနိုင်ငံခြားရေးဝန်ကြီးများနှင့် တွေ့ဆုံစဉ် အဘတ်စ်က ထိုကဲ့သို့ ပြောကြားလိုက်ခြင်းဖြစ်ပြီး ဥရောပသမဂ္ဂမှာ ပါလက်စတိုင်း၏ ‘မိတ်စစ်ဆွေစစ်’ ဖြစ်သည်ဟုဆိုကာ အရှေ့အလယ်ပိုင်း ပြဿနာများ ပြေလည်ရေး နိုင်ငံရေးအရ အားထုတ်မှု ပိုမိုဆောင်ရွက်ရန်လည်း တိုက်တွန်းခဲ့သည်။

အစ္စရေးသို့ ရောက်ရှိနေသည့် အမေရိကန် ဒုသမ္မတ မိုက်ပန့်စ်က အမေရိကန်သံရုံးအား တလ်အဗီးမှ ဂျေရုစလင်ကို ၂၀၁၉ ခုနှစ် နှစ်ကုန်ပိုင်းတွင် ပြောင်းရွှေ့မည်ဟု ယမန်နေ့က အစ္စရေးလွှတ် တော်တွင် ပြောကြားခဲ့သည်။

အမေရိကန်က ဂျေရုစလင်အား အစ္စရေးမြို့တော်အဖြစ် ပြီးခဲ့သည့်လအတွင်း ကြေငြာမှုကို ဆန့်ကျင်သည့်အနေဖြင့် ပါလက်စတိုင်းခေါင်းဆောင်ပိုင်းမှာ မိုက်ပန့်စ်အား တွေ့ဆုံရန် ငြင်းဆိုထားသည်။

ဥရောပက ပါလက်စတိုင်းအား အသိအမှတ်ပြုမှုမှာ အစ္စရေးနှင့် ငြိမ်းချမ်းရေးဆွေးနွေးမှုကို ထိခိုက်မ ည်မဟုတ်ဘဲ၊ ပါလက်စတိုင်းပြည်သူများ၏ ငြိမ်းချမ်းရေးမျှော်လင့်ချက်၊ ငြိမ်းချမ်းရေးရသည်အထိ စောင့်ဆိုင်းရမှု စသည်တို့ကို တွန်းအားဖြစ်စေမည်ဟုလည်း အဘတ်စ်က ထည့်သွင်းပြောဆိုခဲ့သည်။

ဒီဇင်ဘာ ၆ ရက်နေ့က အမေရိကန်သမ္မတ ဒေါ်နယ်ထမ့်မှာ ဂျေရုစလင်ကို အစ္စရေးမြို့တော်အဖြစ် အသိအမှတ်ပြုကြောင်း ကြေငြာခဲ့ပြီး၊ ဥရောပသမဂ္ဂအပါအ၀င်၊ ကမ္ဘာ့နိုင်ငံအများအပြားက ထိုဆုံးဖြတ်ချက်ကို ကန့်ကွက်ခဲ့သည်။

ဂျေရုစလင်ကိစ္စနှင့်ပတ်သက်၍ မိမိတို့နှင့် သဘောထားချင်း ထပ်တူကြသည်ဟု ဥရောပနိုင်ငံများက ယမန်နေ့တွင် ပြောကြးခဲ့ကြောင်း၊ သို့သော်လည်း နောက်ထပ် ဆွေးနွေးမှုများ လိုအပ်သည့်အတွက်ကြောင့် ပါလက်စတိုင်းအား အသိအမှတ်ပြုရန် ဆုံးဖြတ်ချက်မချရသေးကြောင်း အဘတ်စ်က ယမန်နေ့ညနေတွင် ထပ်မံပြောကြားခဲ့သည်။

Ref : Aljazeera

ဇန်န၀ါရီ ၂၃၊ ၂၀၁၈
M-Media

– တလ်အဗီးမှ အမေရိကန်သံရုံးကို ၂၀၁၉ ခုနှစ်အတွင်း ရွှေ့ပြောင်းသွားမည်ဟု အမေရိကန် ဒုတိယ သမ္မတ မိုက်ပန့်စ်က ယမန်နေ့တွင် အစ္စရေးလွှတ်တော်၌ အတည်ပြု ပြောကြားခဲ့သည်။

“အမေရိကန်ဟာ အစ္စရေးနဲ့အတူ ရပ်တည်မှာပါ။ ခင်ဗျားတို့ရဲ့ ကိစ္စဟာ ကျုပ်တို့ရဲ့ကိစ္စဖြစ်တာကြောင့် ကျွန်တော်တို့ဟာ အစ္စရေးနဲ့အတူ ရပ်တည်တာဖြစ်ပါတယ်။ ခင်ဗျားတို့ရဲ့ တန်ဖိုးဟာ၊ ကျုပ်တို့ရဲ့တန်ဖိုး၊ ခင်ဗျားတို့ရဲ့ တိုက်ပွဲဟာ ကျုပ်တို့ရဲ့ တိုက်ပွဲပါ။ အမှန်က အမှားကို၊ အကောင်းက မကောင်းကို၊ လွတ်မြောက်ခြင်းက ဖိနှိပ်ခြင်းကို အောင်မြင်မယ်လို့ ယုံကြည်တာကြောင့် အစ္စရေးဘက် ရပ်တည်တာပါ”

မိုက်ပန့်စ်မှာ အစ္စရေးလွှတ်တော်တွင် မိန့်ခွန်းပြောသည့် ပထမဆုံး အမေရိကန်ဒုသမ္မတဖြစ်ပြီး ၎င်း၏မိန့်ခွန်းကို နားထောင်ရန်အတွက် အမေရိကန်သံရုံးမှာ ပါလက်စတိုင်းပိုက်နက်ရှိ အစ္စရေး၏ တရာမ၀င်အိမ်ယာများမှ ခေါင်းဆောင်များကို ဖိတ်ခေါ်ခဲ့သည်။

အစ္စရေးဆိုင်ရာ အမေရိကန်သံအမတ် ဒေးဗစ် ဖရီဒ်မန်းမှာ အစ္စရေး၏ တရားမ၀င် အခြေချအိမ်ယာ များကို တက်တက်ကြွကြွ ထောက်ခံသူဖြစ်ပြီး ပါလက်စတိုင်းပိုင် အနောက်ဖက်ကမ်းတွင် ထိုအိမ်ယာများ ဆောက်လုပ်ရေးအတွက် ကန်ဒေါ်လာ သန်းနှင့်ချီ ရန်ပုံငွေ ရှာဖွေပေးသည့် အဖွဲ့တစ်ခုကို ယခင်က ဦးဆောင်ခဲ့ဖူးသည်။

ဂျေရုစလင်ကို အစ္စရေးမြို့တော်အဖြစ် အမေရိကန်က အသိအမှတ်ပြုမှုကို ဆန့်ကျင်သည့်အနေဖြင့် အာရပ်မဟာမိတ်အဖွဲ့မှ ပါလက်စတိုင်းနိုင်ငံရေးသမားများမှာ အလ်-အက်ဆာ ဗလီပရ၀ုဏ်အတွင်း ပို စတာများ ကိုင်ဆောင်ကာ ဆန္ဒပြခဲ့ကြသည်။

Ref: Aljazeera