ဒီဇင်ဘာ ၁၃၊ ၂၀၁၇
M-Media
– စီးပွားဖြစ် အာကာသစူးစမ်းရှာဖွေရေးအတွက် စံချိန်တင် ရန်ပုံငွေကို ရှာဖွေနိုင်ခဲ့တဲ့ ဂျပန်နိုင်ငံက တက်သစ်စ အာကာသကုမ္ပဏီတစ်ခုဟာ ၂၀၂၀ ခုနှစ်မှာ လကမ္ဘာကို ခြေချဖို့ စီစဉ်ထားတယ်လို့ သိရပါတယ်။
၂၀၁၀ ခုနှစ် စက်တင်ဘာလက တည်ထောင်ခဲ့တဲ့ ispace ကုမ္ပဏီဖြစ်ပြီး လကမ္ဘာကို စူးစမ်းနိုင်ခဲ့တဲ့ စာရင်း ဆိုဗီယက်၊ တရုတ်နဲ့ အမေရိကန်တို့နဲ့အတူ ဂျပန်နိုင်ငံပါဝင်ဖို့ ရည်ရွယ်ထားတာပါ။
သူတို့ရဲ့ နောက်ဆုံး ရန်ပုံငွေရှာဖွပွဲမှာ ကန်ဒေါ်လာ သန်း ၉၀ ရခဲ့တယ်လို့ ispace က ကြေငြာခဲ့ပြီး SpaceX က စံချိန်တင် ရန်ပုံငွေ ရှာဖွေနိုင်ခဲ့တဲ့ ၁၂.၁ သန်းထက် ပိုမိုများပြားနေတာ ဖြစ်ပါတယ်။ ispace ကို ရန်ပုံငွေ ထောက်ပံ့ခဲ့တဲ့အထဲမှာ ဂျပန်လုပ်ငန်းတွေ အမြောက်အများ ပါဝင်ပါတယ်။
ကုမ္ပဏီထူထောင်သူ တာကာရှိ ဟာကာမာဒါက သူတို့အနေနဲ့ လကမ္ဘာကို ပုံမှန်သွားရောက်နိုင်မယ့် စနစ်တစ်ခုကို ဖန်တီးသွားမှာဖြစ်ပြီး၊ micro-robotic စနစ်နဲ့ လမျက်နှာပြင်ပေါ်မှာ စူးစမ်းလေ့လာမှုတွေ ပြုလုပ်သွားမယ်လို့ ဆိုပါတယ်။
ispace ရဲ့ ရေရှည်မျှော်မှန်းချက်က နာဆာကို ယှဉ်ပြိုင်ဖို့ဖြစ်ပြီး လာမယ့် ၃ နှစ်အတွင်းမှာ လကမ္ဘာစီမံကိန်း ၂ ခု ဆောင်ရွက်သွားမှာ ဖြစ်ပါတယ်။
၂၀၁၉ ခုနှစ် နှောင်းပိုင်းမှာ ကနဦး စူးစမ်းလေ့လာမှုတွေ လုပ်ဖို့အတွက် လပတ်လမ်းကြောင်းအတွင်း လဆင်းယာဉ်ပို့ဖို စီစဉ်ထားပြီး ၂၀၂၀ နှစ်ကုန်ပိုင်းမှာ စက်ရုပ်အများအပြား သယ်ဆောင်သွားမယ့် လဆင်းယာဉ်ကို လမျက်နှာပြင်မှာ ဆင်းသက်စေမှာ ဖြစ်ပါတယ်။
ispace က ဟာကူတိုအဖွဲ့ဟာ လက်ရှိမှာ ဂူးဂဲလ်ရဲ့ ကန်ဒေါ်လာ သန်း ၃၀ ဆုကြေးချီးမြှင့်မယ့် Lunar XPRIZE ပြိုင်ပွဲမှာ ၀င်ရောက်ယှဉ်ပြိုင်နေပါတယ်။ ပြိုင်ပွဲမှာ အနိုင်ရရှိသူရဲ့ ဂြိုဟ်တုဟာ လမျက်နှာပြင်ပေါ်မှာ ဆင်းသက်ကာ မီတာ ၅၀၀ အထိသွားပြီး အရည်အသွေးမြင့် ပုံရိပ်တွေနဲ့ ဗီဒီယိုတွေကို ကမ္ဘာမြေပြင် ပြန်ပို့ပေးရမှာ ဖြစ်ပါတယ်။
၂၀၄၀ ခုနှစ်ရောက်ရင် လကမ္ဘာမှာ လူပေါင်း ၁၀၀၀ လောက် နေထိုင်ပြီး တစ်နှစ်ကို လူပေါင်း ၁၀၀၀၀ လောက် သွားရောက်လည်ပတ်ကြလိမ့်မယ်လို့ ispace က ခန့်မှန်းထားပါတယ်။
Ref: RT
