အောက်တိုဘာ ၂၂၊ ၂၀၁၇
M-Media
– ဥရောပနိုင်ငံငယ်လေးဖြစ်သော မောလ်တာနိုင်ငံရေးအသိုင်းအ၀ိုင်း၏ အရှုပ်အထွေးများကို ဖော်ပြခဲ့သည့် ဂျာနယ်လစ်တစ်ဦး လုပ်ကြံခံရမှုနှင့်ပတ်သက်၍ သတင်းအချက်အလက်ပေးနိုင်သူကို ယူရို ၁ သန်း (ကန်ဒေါ်လာ ၁.၂ သန်း) ဆုချမည်ဟု မောလ်တာအစိုးရက ကြေငြာလိုက်သည်။
ဂျာနယ်လစ်အမျိုးသမီး ကာရူအာအာ ဂါလီဇီယာဖြစ်ပြီး သူမမှာ ခြစားမှုတိုက်ဖျက်ရေး တက်ကြွလှုပ်ရှားသူလည်းဖြစ်သည်။ ကိုယ်ပိုင်ဘလော့တွင် မောလ်တာနိုင်ငံရေးအသိုက်အ၀န်းမှ အရှုပ်အထွေးများ၊ ကောက်ကျစ်မှုများကို ဖော်ထုတ်ပြီးနောက် ဂါလီဇီယာမှာ ပြီးခဲ့သည့် တနင်္လာနေ့က ကားဗုံးခွဲ သတ်ဖြတ်ခံခဲ့ရသည်။
ဝန်ကြီးချုပ် ဂျိုးဆက်ပ် မူစကတ်၏ အတွင်းစည်းအသိုင်းအ၀ိုင်းတွင် ခြစားမှုများနှင့်ပတ်သက်၍ သူမ၏ ရေးသားချက်များမှာ အာဏာပိုင်အသိုင်းအ၀ိုင်းကို တုန်လှုပ်စေခဲ့သည်။
ယမန်နေ့တွင် အစိုးရက ထုတ်ပြန်သော ကြေငြာချက်တွင် ‘ဂါလီဇီယာ သတ်ဖြတ်ခံရမှုအား ဖြေရှင်းရန်နှင့် ကျူးလွန်သူကို တရားဥပဒေရှေ့မှောက် ခေါ်ဆောင်လာရန် အပြည့်အ၀ အာရုံစိုက်ထားသည်’ ဟု ဖော်ပြခဲ့သည်။
“ဒီကိစ္စဟာ တော်တော်လေးကို အရေးကြီးတဲ့ ကိစ္စဖြစ်ပြီး ပုံမှန်နဲ့မတူတဲ့ ဆောင်ရွက်မှုတွေကို လုပ်ဖို့လည်း လိုပါတယ်။ ဘယ်လောက်ပဲ ရင်းရပါစေ တရားမျှတအောင် လုပ်ရမှာ ဖြစ်ပါတယ်” ဟု ကြေငြာချက်က ဆိုသည်။
ဝန်ကြီးချုပ် မူစကတ် အဆိုပါသတ်ဖြတ်မှုအတွက် သတင်းအချက်အလက် ပေးနိုင်သူကို ဆုချမည်ဟု ဗုဒ္ဓဟူးနေ့က ပြောကြားခဲ့ပြီး ကြေငြာချက်တွင် ဆုငွေမှာ ယူရို ၁ သန်းဖြစ်သည်ဟု ဖော်ပြထားသည်။
သို့သော်လည်း ဂါလီဇီယာ၏ သားများက မိခင်ဖြစ်သူ ကားဗုံးခွဲခံရမှုအတွက် အစိုးရကို ဒေါသတကြီး တုန့်ပြန်ခဲ့ပြီး ၀န်ကြီးချုပ်၏သဘောထားကို လက်ခံရန် ဖိအားပေးမှုကို ကြံ့ကြံ့ခံသွားမည်ဟု ပြောကြားခဲ့သည်။
မောလ်တာ ရဲတပ်ဖွဲ့က မိမိတို့အနေဖြင့် သဲလွန်စများ ရရှိရန် ဆက်လက်အောင်ရွက်နေသည်ဟု Times of Malta သို့ ပြောကြားခဲ့သည်။
စုံစမ်းစစ်ဆေးမှုတွင် အမေရိကန် FBI၊ နယ်သာလန်မှ ကျွမ်းကျင်သူများ ပါဝင်ဆောင်ရွက်လျက် ရှိနေသည်။
Ref: Alarabiya
