Author: Ko Lay

ရခိုင်ပြည်နယ်တွင် အကြမ်းဖက်တိုက်ဖျက်ရေး ပူးပေါင်းဆောင်ရွက်ရန် ဘင်္ဂလားဒေ့ရှ် ကမ်းလှမ်း

သြဂုတ် ၂၉၊ ၂၀၁၇
M-Media

– ရခိုင်ပြည်နယ်အတွင်းမှာရှိတဲ့ လက်နက်ကိုင်တွေနဲ့ပတ်သက်ပြီး အကြမ်းဖက်တိုက်ဖျက်ရေးလုပ်ငန်းကို ပူးပေါင်းဆောင်ရွက်သွားဖို့ ဘင်္ဂလားဒေ့ရ်ှက မြန်မာနိုင်ငံကို ကမ်းလှမ်းလိုက်ပါတယ်။

မနေ့က ဒါကာမှာ ဘင်္ဂလားဒေ့ရ်ှနိုင်ငံဆိုင်ရာ မြန်မာသံအမတ် ဦးအောင်မြင့်ကို ဘင်္ဂလားဒေ့ရ်ှနိုင်ငံခြားရေး ၀န်ကြီးဌာနက ဆင့်ခေါ်မှုအတွင်း ဒီလိုကမ်းလှမ်းလိုက်တာဖြစ်ပြီး၊ အမည်မဖော်လိုတဲ့ တာဝန်ရှိသူတစ်ဦးက ဒါဟာ ကမ်းလှမ်းမှုအသစ် ဖြစ်တယ်လို့လည်း ဆိုပါတယ်။

“လုံခြုံရေးဆိုင်ရာ စိုးရိမ်မှုတွေကို ဖယ်ရှားရေးအတွက် မြန်မာနိုင်ငံကို ကူညီချင်တဲ့ သဘောထားကို ပြသလိုက်တာပါ” လို့ အဲဒီ တာဝန်ရှိသူက ဆိုပါတယ်။

မနေ့က မြန်မာသံအမတ် ဆင့်ခေါ်ခံရမှုဟာ ၄၈ နာရီအတွင်း ၂ ကြိမ်မြောက်ဖြစ်ပြီး သံအမတ်က ထုတ်ပြန်တဲ့ ကြေငြာချက်မှာ နှစ်နိုင်ငံ လုံခြုံရေးတပ်ဖွဲ့တွေဟာ နယ်စပ်တစ်လျှောက် ပူးပေါင်းဆောင်ရွက်ရေး ဘင်္ဂလားဒေ့ရ်ှက အဆိုပြုခဲ့တယ်လို့ ဖော်ပြထားပါတယ်။

လက်ရှိ ရခိုင်ပြည်နယ်မှာ အစွန်းရောက်အကြမ်းဖက်သမားတွေရဲ့ တိုက်ခိုက်မှုနဲ့ပတ်သက်ပြီး မြန်မာအစိုးရက ‘ဘင်္ဂါလီ အကြမ်းဖက်သမား’ လို့ သုံးနှုန်းတာနဲ့ပတ်သက်ပြီးလည်း ဘင်္ဂလားဒေ့ရ်ှဖက်က ဆွေးနွေးခဲ့ပါတယ်။

“ဒီအသုံးအနှုန်းအတွက် အလွန်အမင်း စိုးရိမ်မိကြောင်း သံအမတ်ကို ပြောကြားခဲ့ပြီး၊ ဒီစကားလုံးမသုံးရေး အထက်အာဏာပိုင်တွေကို ပြောကြားဖို့လည်း တောင်းဆိုခဲ့ပါတယ်” လို့ ဘင်္ဂလားဒေ့ရှ် နိုင်ငံခြားရေးဌာနက တာဝန်ရှိသူတစ်ဦးက ပြောပါတယ်။

၂၀၁၆ ခုနှစ် သြဂုတ်ကလည်း ၂ နိုင်ငံ နယ်နမိတ်ချင်း ထိစပ်နေတဲ့ နေရာတွေမှာ လက်နက်ကိုင်တွေ တိုက်ဖျက်ရေး ပူးပေါင်းဆောင်ရွက်မှုတွေ လုပ်သွားဖို့ ဘင်္ဂလားဒေ့ရ်ှက ကမ်းလှမ်းခဲ့ဖူးပါတယ်။

ဒီကိစ္စနဲ့ပတ်သက်လို့ အခုနှစ် ဧပြီလအတွင်းမှာ ဘင်္ဂလားဒေ့ရှ် နယ်ခြားစောင့်တပ်ဖွဲ့တွေနဲ့ နယ်ခြားစောင့်ရဲတပ်ဖွဲ့တွေဟာ ဆွေးနွေးမှုတွေလည်း ပြုလုပ်ခဲ့ပါတယ်။

Ref : Dhaka Tribune

August 29, 2017
ထောင်ကျနေသည့် ဂျာမန်သူနာပြုတစ်ဦး လူနာ ၈၀ ကျော်ကို ဆေးထိုးသတ်မှုဖြင့် ထပ်မံ စစ်ဆေးခံနေရ

သြဂုတ် ၂၈၊ ၂၀၁၇
M-Media

– လူနာ ၂ ဦးအား သတ်ဖြတ်မှုဖြင့် ထောင်ဒဏ်တစ်သက် ကျခံနေရသည့် ဂျာမနီမှ အမျိုးသား သူနာပြုတစ်ဦးမှာ လူပေါင်း ၈၄ ဦးကို ထိုကဲ့သို့ သတ်ဖြတ်ခဲ့သည်ဆိုသော သံသယဖြင့် ထပ်မံ စစ်ဆေးခံနေရသည်ဟု သိရသည်။

အသက် ၄၀ အရွယ် နီးလ် အိတ်ခ်ျမှာ၂၀၀၆ ခုနှစ်က လူနာတစ်ဦးအား သတ်ဖြတ်ရန် ကြံစည်မှု၊ ၂၀၁၅ ခုနှစ်တွင် နှလုံးထိခိုက်သည့်ဆေးကို လူနာအားထိုးကာ သတ်ဖြတ်မှုဖြင့် ပြစ်မှုထင်ရှားကြောင်း တွေ့ရှိခဲ့ရခြင်း ဖြစ်သည်။

၎င်းအလုပ်လုပ်ခဲ့သည့် ဆေးခန်းများတွင် သေဆုံးသွားခဲ့သည့် လူနာများ၏ မိသားစုများနှင့် ဆွေမျိုးများက နီးလ်အိခ်ျအား စုံစမ်းစစ်ဆေးမှု ထပ်မံပြုလုပ်ရန် ရဲတပ်ဖွဲ့ကို တိုက်တွန်းခဲ့သည်။

၂၀၁၄ ခုနှစ်တွင် ၎င်း၏အမှုအား စုံးစမ်းစစ်ဆေးရန်အတွက် ကော်မရှင်တစ်ခုကို ဖွဲ့စည်းခဲ့ပြီး ကြားနာမှုအတွင်း တရားသူကြီးများက နီးလ် အိခ်ျမှာ ၎င်းဆေးထိုလိုက်သည့် လူနာ မြောနေရာမှ ပြန်လည် အသက်ရှင်လာရန် ရည်ရွယ်ချက်ဖြင့် ထိုကဲ့သို့ နှလုံးထိခိုက်စေသည့် ဆေးများကို ထိုးသွင်းခြင်းဖြစ်သည်ဟု ပြောကြားခဲ့သည်။

၎င်းကလည်း Delmenhorst မြို့ရှိ ဆေးခန်းတစ်ခုတွင် လူနာပေါင်း ၉၀ ခန့်ကို ထိုကဲ့သို့ ဆေးများ ထိုးခဲ့သည်ဟု ၂၀၁၅ ခုနှစ်က ကြားနာမှုတစ်ခုတွင် ၀န်ခံခဲ့သည်။

Oldenburg မြို့ရှိ ၎င်းအလုပ်လုပ်ရာ ဆေးခန်းတွင်လည်း ထိုကဲ့သို့ ပုံမှန်မဟုတ်သည့် ကိစ္စများကို တွေ့ရပြီးနောက် ကော်မရှင်မှာ သေဆုံးသူများ၏ ဆေးမှတ်တမ်းပေါင်း ၁၃၄ ခုကို ထပ်မံ စစ်ဆေးလျက် ရှိနေသည်။

သေဆုံးသူများကို မီးသင်္ဂြီုဟ်ခဲ့သည့်အတွက် စုံစမ်းစစ်ဆေးမှုတွင် အခဲအခဲများ ရှိနေသည်။

Ref: BBC

August 28, 2017
အမျိုးသမီးနှစ်ဦးအား အဓမ္မကျင့်မှုဖြင့် နာမည်ကြီး ဟိန္ဒူဘုန်းကြီးကို အိန္ဒိယက ထောင် ၁၀ နှစ်စီချ

သြဂုတ် ၂၈၊ ၂၀၁၇
M-Media

– လွန်ခဲ့သည့် ၁၅ နှစ်က ဒကာမနှစ်ဦးအား အဓမ္မကျင့်မှုအတွက် ဟိန္ဒူဘုန်းတော်ကြီးတစ်ဦးကို အိန္ဒိယတရားရုံးက အမှုတစ်ခုအတွက် ထောင်ဒဏ် ၁၀ နှစ်စီ ယနေ့တွင် ချမှတ်လိုက်ပြီး စုစုပေါင်း ထောင်ဒဏ် နှစ် ၂၀ ကျခံရမည်ဖြစ်သည်။

အသက် ၅၀ အရွယ်ရှိ ဂူရ်မစ် ရမ် ရာဟင်း ဆင်း ဆိုသူဖြစ်ပြီး နိုင်ငံမြောက်ပိုင်း ရိုဟ်တက်မြို့ တရားရုံးတွင် ၎င်းအား အမိန့်ချမှတ်ခဲ့ခြင်း ဖြစ်သည်။

ဆင်းကို သောကြာနေ့က အပြစ်ရှိကြောင်း ဆုံးဖြတ်ခဲ့ပြီးကတည်းက ဖမ်းဆီးခဲ့ပြီး ၎င်းအား ထောက်ခံသူများမှာ ထိုဆုံးဖြတ်ချက်ကို မကျေနပ်သောကြောင့် ဟာရ်ယာနာပြည်နယ်နှင့် ပန်ဂျပ်ပြည်နယ်တို့တွင် အစိုးရအဆောက်အဦးများ၊ ရဲကားများအား ဖျက်ဆီးမီးရှို့ခြင်း၊ ရဲတပ်ဖွဲ့နှင့် သတင်းသမားများအား တိုက်ခိုက်ခြင်းတို့ကို ပြုလုပ်ခဲ့သည်။

ဆန္ဒပြလူအုပ်ကို ရဲတပ်ဖွဲ့နှင့် စစ်တပ်က အင်အားသုံး နှိမ်နင်းခဲ့သောကြောင့် လူ ၃၀ ကျော် သေဆုံးခဲ့ကာ ဒါဇင်နှင့်ချီ၍ ဖမ်းဆီးခြင်း ခံခဲ့ရသည်။

ဆင်းတည်ထောင်ထားသည့် Dera Sacha Sauda ဂိုးဏ်မှ ပြောရေးဆိုခွင့်ရှိသူ ၀ိပဿနာ အင်ဆန်က ဂိုးဏ်ဝင်များအနေဖြင့် တရားရုံး၏ ဆုံးဖြတ်ချက်ကို လေးစားရန် တိုက်တွန်းခဲ့သည်။

တရားလိုရှေ့နေက ဆင်းကို ယခုထက်ပို၍ ပြစ်ဒဏ်ကျစေရန် ကြိုးစားသွားမည်ဖြစ်ပြီး အခြားသော ရာဇ၀တ်မှု သံယများအတွက်လည်း ဆင်းအား စုံစမ်းစစ်ဆေးမှုပြုလုပ်ရန် ဖက်ဒရယ်အစိုးရကို တိုက်တွန်းခဲ့သည်။

လက်ရှိတွင် ဆင်း၏ ဌာနချုပ်များ တည်ရှိရာ ရိုဟ်တက်နှင့် ဆီရ်ဆာဒေသများတွင် အစိုးရက လုံခြုံရေးကို တင်းကြပ်စွာ ချထားသည်။

Ref : Aljazeera

August 28, 2017
ထူးခြားသည့် ဗိသုကာလက်ရာဖြင့် ဗလီသစ်တစ်လုံး သြစတေးလျတွင် ဖွင့်လှစ်တော့မည်

သြဂုတ် ၂၈၊ ၂၀၁၇
M-Media

– သြစတေးလျနိုင်ငံ ဆစ်စဒနီမြို့မှာ ဆောက်လုပ်နေတဲ့ ဗလီဝတ်ကျောင်းတော်သစ်တစ်လုံးဟာ လာမယ့်လအတွင်း ဖွင့်လှစ်ဖို့ ရှိနေပြီး ၄ ရက်ကြာ ဗိသုကာဆိုင်ရာ ပြပွဲတစ်ခုကိုလည်း ဒီဗလီမှာ ကျင်းပမှာ ဖြစ်ပါတယ်။

ကန်ဒေါ်လာ ၁၂ သန်း ကုန်ကျမယ့် အဲဒီ ဗလီဝတ်ကျောင်းတော်ကို နိုင်ငံကာ ဂုဏ်ပြုဆုတံဆိပ်တွေ ရရှိထားတဲ့ ဗိသုကာပညာရှင် မစ္စတာ ကန်ဒါလီပက်စ်က ဒီဇိုင်းဆွဲပေးခဲ့တာ ဖြစ်ပါတယ်။

ဂရိအော်သိုဒေ့ါစ် ဘာသာဝင်တစ်ဦးဖြစ်တဲ့ ကန်ဒါလီပက်စ်ဟာ ဗလီဝတ်ကျောင်းတော် ဆောက်လုပ်ဖို့ အလုပ်လက်ခံတဲ့ သီတင်းပတ်အတွင်းမှာပဲ Antiochian ခရစ်ယာန် ဘုရားကျောင်းတစ်ခု၊ ဂျူးဘုရားကျောင်းတစ်ခုနဲ့ ဂရိအော်သိုဒေါ့စ် ခရစ်ယာန်ဘုရားကျောင်းအတွက် အဆောက်အဦးတစ်ခုအတွက် ဒီဇိုင်းဆွဲပေးဖို့ အလုပ်ရခဲ့ပါတယ်။

ဗလီဝတ်ကျောင်းတော်ကို မင်္ဂလာဆောင်ကိတ်ပုံသဏ္ဍာန် လေးထောင့်စပ်စပ် ဆောက်လုပ်ထားတာဖြစ်ပြီး ရှည်လျားတဲ့ မင်နာရတ်မျှော်စင်တွေနဲ့ အလယ်မှာ အမိုးခုံးတစ်ခု ပါဝင်ပါတယ်။

အတွင်းပိုင်း ခေါင်မိုးမှာ အမိုးခုံးပုံသဏ္ဍာန် ကွန်ကရစ်ခွက်ပေါင်း ၉၉ ခု ထွင်းထားပြီး ခွက်တစ်ခုချင်းစီမှာ အလှမီးတစ်ခုစီနဲ့ အလ္လာဟ်အရှင်မြတ်ရဲ့ ဂုဏ်တော် ၉၉ ခုကို ဖော်ညွှန်းတာဖြစ်ပါတယ်။ ကြယ်ပေါင်း ၁၀၂ ခုကိုလည်း ခေါင်မိုးမှာ အလှဆင်ထားပါတယ်။

အတွင်းပိုင်း ခေါင်မိုးမှာ အမိုးခုံးပုံသဏ္ဍာန် ကွန်ကရစ်ခွက်ပေါင်း ၉၉ ခု ထွင်းထားပြီး ခွက်တစ်ခုချင်းစီမှာ အလှမီးတစ်ခုစီနဲ့ အလ္လာဟ်အရှင်မြတ်ရဲ့ ဂုဏ်တော် ၉၉ ခုကို ဖော်ညွှန်းတာဖြစ်ပါတယ်။

ဗလီဝတ်ကျောင်းတော်ကို လမယ့်လမှာ ဖွင့်လှစ်မှာဖြစ်ပြီး Meet the Aussie Mosque ဆိုတဲ့ ခေါင်းစဉ်နဲ့ ဗိသုကာ ပြပွဲတစ်ခုကို စက်တင်ဘာ ၂၉ ရက်ကနေ အောက်တိုဘာ ၂ ရက်နေ့အထိ ကျင်းပသွားဖို့လည်း စီစဉ်ထားပါတယ်။

ပွဲတော်ဆိုင်ရာ ဒါရိုက်တာဖြစ်တဲ့ တင်မ် ဟော်တန်က ဗလီဝတ်ကျောင်းတော်ရဲ့ ဒီဇိုင်းဟာ ထူးခြားတဲ့ သြစတေးလျ အမှတ်သညာကို ဖော်ကျူးနေပြီး၊ ဗလီဝတ်ကျောင်းတော် ဖွင့်လှစ်တဲ့နေ့ဟာလည်း လူ့အဖွဲ့အစည်းအကြား ယဉ်ကျေးမှုဆိုင်ရာ ပေါင်းကူးနိုင်မယ့် အခွင့်အလမ်းတစ်ခုဖြစ်တယ်လို့ ဆိုပါတယ်။

“ဒီဗလီဝတ်ကျောင်းတော်ဟာ သမရိုးကျ ဗလီဝတ်ကျောင်းတော်တွေလို မဟုတ်ပါဘူး။ ဒီဘေးနားကနေ ဖြတ်သွားတာနဲ့ ဗလီဝတ်ကျောင်းတော်ကို သတိပြုမိမှာပါ။ ဗလီဝတ်ကျောင်းတော်ရဲ့ ရည်ရွယ်ချက်ကိုသာ သိရင် ပို စိတ်ဝင်စားမှာ ဖြစ်ပါတယ်။ အထဲဝင်ပြီး ကြည့်မယ်ဆိုရင် ရှေးခေတ်က အမိုးခုံးတွေနဲ့ မုခ်ဦးတွေကို မိုက်ကယ်အိန်ဂျလိုရဲ့ နည်းလမ်းနဲ့ ဖန်တီးထားတာကို ရင်သပ်ရှုမောဖွယ်ရာ တွေ့မြင်ရမှာဖြစ်ပါတယ်” လို့ တင်မ်က ပြောကြားခဲ့ပါတယ်။

ဒီဗလီဝတ်ကျောင်းတော်ဟာ မတူညီတဲ့ လူ့အဖွဲ့အစည်းတွေကြားထဲမှာ ပေါင်းကူးပေးနိုင်မယ့်အရာ ဖြစ်လာမယ်လို့လည်း သူက မျှော်လင့်နေပါတယ်။

ဗလီဝတ်ကျောင်းတော်ရဲ့ ၄ ရက်တာကြာမြင့်မယ့် အခမ်းအနားမှာ ဆွေးနွေးမှုတွေ၊ ပြပွဲတွေ၊ ဟောပြောပွဲတွေလည်း ပါဝင်မှာပါ။

ဝူဇူပြုလုပ်ရန်နေရာ

အမျိုးသမီး ၀တ်ပြုဆောင်လည်းပါဝင်မယ့် ဒီဗလီဝတ်ကျောင်းတော်ဟာ ဆစ်ဒနီမြို့မှာ အသစ်လွင်ဆုံးနဲ့ အသေးဆုံး ဗလီဝတ်ကျောင်းတော်လည်း ဖြစ်ပါတယ်။

REf: smh.com

August 28, 2017
စင်ကာပူသမ္မတရွေးကောက်ပွဲကို စက်တင်ဘာ ၂၃ ရက်နေ့တွင် ပြုလုပ်မည်

သြဂုတ် ၂၈၊ ၂၀၁၇
M-Media

– သမ္မတရွေးကောက်ပွဲကို စက်တင်ဘာ ၂၃ ရက်နေ့တွင် ပြုလုပ်မည်ဟု စင်ကာပူက ကြေငြာလိုက်ပြီး ပါဝင်ယှဉ်ပြိုင်လိုသူများအနေဖြင့် စက်တင်ဘာ ၁၃ ရက်နေ့ နောက်ဆုံးထား၍ အမည်စာရင်းတင်သွင်းရမည်ဖြစ်သည်။

ဝန်ကြီးချုပ် လီရှန်လွန်းအမိန့်ဖြင့် ရွေးကောက်ပွဲကျင်းပမည့်ရက်ကို ယနေ့တွင် ကြေငြာခဲ့ခြင်းဖြစ်ပြီး ၀င်ရောက်ယှဉ်ပြိုင်မည့်သူ တစ်ဦးထက်ပိုမှသာ မဲပေးရွေးချယ်မှု ပြုလုပ်မည်ဖြစ်သည်။

ယခုတစ်ကြိမ် စင်ကာပူသမ္မတအဖြစ် မလေးလူ့အဖွဲ့အစည်းက တာဝန်ထမ်းဆောင်ရန် အလှည့်ကျပြီးစီးပွားရေးသမား မိုဟာမက် ဆာလေဟ် မာရီကန်၊ Bourbon Offshore Asia Pacific ဥက္ကဌ ဖာရစ်ခန်းနှင့် လွှတ်တော်ဥက္ကဌဟောင်း အမျိုးသမီး ဟာလီမာယာကွဘ်တို့က ၀င်ရောက် အရွေးခံမည်ဟု ကြေငြာထားသည်။

လက်ရှိတွင် မာရီကန်နှင့် ဖာရစ်တို့မှာ ရွေးကောက်ပွဲဦးစီးဌာနသို့ ၎င်းတို့၏ စာရွက်စာတမ်းများကို တင်သွင်းထားသည်။

“ကျွန်တော်တို့တိုင်းပြည်ဟာ လူမျိုးစုံ၊ ဘာသာစုံရှိတဲ့ တိုင်းပြည်ဖြစ်ပြီး သူတို့လူ့အဖွဲ့အစည်းက ဘယ်သူမဆို သမ္မတ ဖြစ်လာနိုင်တယ်ဆိုတာ နိုင်ငံသားတိုင်း သိထားရပါမယ်။ စင်ကာပူပြည်သူအားလုံးကို ကိုယ်စားပြုတဲ့ သမ္မတမျိုး တစ်ချိန်မဟုတ် တစ်ချိန် ဖြစ်မှာပါ။ တိုင်းပြည်ရဲ့ အကျိုးစီးပွား၊ စွမ်းအားနဲ့ အမှတ်သညာကို အကောင်းဆုံး ကိုယ်စားပြုနိုင်တဲ့ သမ္မတလောင်းကို စင်ကာပူပြည်သူတွေက ထောက်ခံကြမယ်လို့ ကျွန်တော် မျှော်လင့်ပါတယ်။ ပြည်တွင်းမှာတင်မကဘဲ နိုင်ငံကတာအသိုင်းဝိုင်းမှာရောပေါ့” ဟု ၀န်ကြီးချုပ် လီရှန်လွန်းက ၎င်း၏ Facebook စာမျက်နှာတွင် ရေးသားခဲ့သည်။

လက်ရှိသမ္မတ တိုနီ တန် ကင် ယမ်၏ သက်တမ်းမှာ သြဂုတ်လ ၃၁ ရက်နေ့တွင် ကုန်ဆုံးမည်ဖြစ်ပြီး သမ္မတအကြံပေးကောင်စီ ဥက္ကဌ မစ္စတာ ဂျေ ၀ိုင် ပီလေးက သမ္မတသစ် ရွေးကောက်ပြီးသည်အထိ ခေတ္တသမ္မတအဖြစ် တာဝန်ယူမည်ဖြစ်သည်။

Ref: CNA

August 28, 2017