သြဂုတ် ၁၅၊ ၂၀၁၇
M-Media
– ဗားဂျီးနီးယားပြည်နယ် ချားလော့စ်ဗီလီမြို့တွင် ဖြစ်ပွားခဲ့သည့် ရုန်းရင်းဆတ်ခတ်မှုများတွင် ပါဝင်ခဲ့သော လူဖြူအစွန်းရောက်များကို အမေရိကန်သမ္မတ ဒေါ်နယ်ထရမ့်က ရှုတ်ချလိုက်ပြီး လူမျိုးရေးခွဲခြားမှုမှာ ဆိုးရွာသည့်အရာဖြစ်သည်ဟု ပြောကြားလိုက်သည်။
တနင်္ဂနွေနေ့ကဖြစ်ပွားခဲ့သည့် ထိုအဖြစ်အပျက်နှင့် ပတ်သက်၍ ယမန်နေ့က နိုင်ငံသို့ပြောကြားသောမိန့်ခွန်းတွင် ထိုကဲ့သို့ ရှုတ်ချခဲ့ခြင်းဖြစ်ပြီး လူမျိုးရေးခွဲခြားမှုကို ရှုတ်ချမှုမရှိဟု ရီပက်ဘလစ်ကန်နှင့် ဒီမိုကရက်တစ်အမတ်များက ဝေဖန်ခဲ့ပြီးနောက် ပေါ်ထွက်လာခြင်းဖြစ်သည်။
“KKK၊ နာဇီလက်သစ်တွေ၊ လူဖြူအစွန်းရောက်တွေနဲ့ အခြားသော အမုန်းဆောင်အုပ်စုတွေအပါအ၀င် အမေရိကန်တွေ နှစ်လိုဖွယ်ဆုပ်ကိုင်ထားတဲ့ အရာတွေကို ပျက်ဆီးစေတဲ့ အမည်မျိုးတွေနဲ့ အကြမ်းဖက်မှု ဖြစ်ပွားစေသူတွေဟာ ရာဇ၀တ်ကောင်တွေ၊ လူဆိုးဓားပြတွေသာ ဖြစ်ပါတယ်။ အယူသည်းမှုခေါင်းစဉ်အောက်မှာ အကြမ်းဖက်မှု ပြန့်နှံ့သူတွေဟာ အမေရိကန်ရဲ့ အနှစ်သာရကို ထိုးနှက်တာလည်း ဖြစ်ပါတယ်”
ထို့ပြင် လူဖြူအစွန်းရောက်များအား တန်ပြန်ဆန္ဒပြသည့် လူအုပ်အတွင်းသို့ ကားဖြင့် ၀င်တိုက်ခဲ့သည့် လုပ်ရပ်အတွက် နိုင်ငံသားဆိုင်ရာ စုံစမ်းစစ်ဆေးမှုကို တရားရေးဌာနက ပြုလုပ်နေသည်ဟုလည်း ထရမ့်က ကြေငြာခဲ့သည်။ ထိုအဖြစ်အပျက်ကြောင့် အမျိုးသမီးတစ်ဦး သေဆုံးခဲ့ပြီး အများအပြား ဒဏ်ရာရခဲ့သည်။
“ဒီတစ်ပတ်အဆုံးပိုင်းက လူမျိုးရေးခွဲခြားမှုဆန့်ကျင်ရေး အကြမ်းဖက်မှုမှာ ရာဇ၀တ်မှုကျူးလွန်ခဲ့သူ ဘယ်သူမဆို ဒီအတွက် တာဝန်ယူရမှာဖြစ်ပြီး တရားမျှတမှုကို ဆောင်ကျဉ်းသွားမှာပါ”
ချားလော့စ်ဗီလီမြို့တွင် ခွဲထွက်ရေးဗိုလ်ချုပ်တစ်ဦး၏ ရုပ်တု ဖယ်ရှားခံရမှုကို မကျေနပ်သောကြောင့် စနေနေ့က ပြုလုပ်ခဲ့သည့် ဆန္ဒပြမှုမှာ ၄ လအတွင်း ၃ ကြိမ်မြောက်ဖြစ်ပြီး၊ လူမျိုးရေးခွဲခြားမှုနှင့် လူဖြူအစွန်းရောက်ဆန့်ကျင်သူများကို တန်ပြန်ဆန္ဒပြသည့် လူအုပ်နှင့် ထိပ်တိုက်တွေ့ဆုံခဲ့ပြီး ရုန်းရင်းဆန်ခတ်မှုများ ဖြစ်ပွားခဲ့သည်။
လူအုပ်ကြီးအား ကားဖြင့်ဝင်တိုက်သူကိုလည်း ရဲတပ်ဖွဲ့က ဖမ်းဆီးထားပြီး တရားသူကြီးတစ်ဦးက ၎င်းအား အာမခံပေးရန် ငြင်းဆိုခဲ့သည်။
မွတ်စလင်အစွန်းရောက်များ၏ တိုက်ခိုက်မှုများကို ပြင်းပြင်းထန်ထန် ဝေဖန်ပြောဆိုလေ့ရှိသည့် ထရမ့်မှာ လူဖြူအစွန်းရောက်များ၏ တိုက်ခိုက်မှုများအတွက် နှုတ်ဆိတ်နေတတ်သောကြောင့် ယခုနောက်ပိုင်းတွင် ဝေဖန်ခံလာရသည်။
ထရမ့်မှာ ပြီးခဲ့သည့်တစ်ပတ်က လူဖြူအစွန်းရောက်များ၏လက်ချက်ဟု ယူဆရသည့် ဗလီဝတ်ကျောင်းတော်တစ်လုံး ဗုံးခွဲတိုက်ခိုက်ခံရမှုအတွက်လည်း မည်သည့် တုန့်ပြန်မှုမှ မပြုလုပ်ခဲ့ပေ။
Ref: Aljazeera
