Author: Ko Lay

ယူအေအီးရှိ ဗလီဝတ်ကျောင်းတော်သို့ ချားလ်စ်မင်းသားနှင့် ဇနီးတို့ သွားရောက်လည်ပတ်ခဲ့

နိုဝင်ဘာ ၇၊ ၂၀၁၆
M-Media

– အာရပ်စော်ဘွားများပြည်ထောင်စု ယူအေအီးနိုင်ငံသို့ ရောက်ရှိနေသည့် ဗြိတိန်အိမ်ရှေ့စံ ချားလ်စ်မင်းသားနှင့် ကြင်ယာတော် ကာမီလာတို့မှာ အဘူဒါဘီရှိ ရှိခ် ဇာယစ် ဗလီဝတ်ကျောင်းတော်သို့ သွားရောက်လည်ပတ်ခဲ့သည်ဟု သိရသည်။

ဝေလမင်းသားချားလ်စ်မှာ အဆိုပါဗလီဝတ်ကျောင်းတော် ဆောက်လုပ်မပြီးသေးခင် ၂၀၀၇ ခုနှစ်ကလည်း သွားရောက်လည်ပတ်ခဲ့ဖူးသည်။ အရှေ့အလယ်ပိုင်းဒေသ အလည်အပတ်ခရီး တစ်စိတ်တစ်ပိုင်းအဖြစ် ယူအေအီးသို့ ရောက်ရှိနေသည့် ဝေလမင်းသား၏ ရှိခ်ဇာယစ် ဗလီဝတ်ကျောင်းတော်သို့ လည်ပတ်ခြင်းမှာ ဘာသာရေးသည်းခံမှုကို မြှင့်တင်ရန်နှင့် ဗလီဝတ်ကျောင်းတော် ပြီးစီးမှုကို ကြည့်ရှုရန် ဖြစ်သည်။

အဘူဒါဘီသို့ ရောက်ရှိလာသည့် တော်ဝင်ဇနီးမောင်နှံကို နိုင်ငံခြားရေးနှင့် နိုင်ငံတကာ ပူးပေါင်းဆောင်ရွက်ရေးဝန်ကြီ ရှိခ်အဘ်ဒူလာ ဘင် ဇာယစ်၊ ၎င်း၏ နီးဖြစ်ပြီး သည်းခံမှုဆိုင်ရာ ၀န်ကြီး ရှိခ်ခါ လွဘ်နာတို့က ကြိုဆိုခဲ့ကြသည်။

ရှိခ်ခါ လွဘ်နာကမူ ဗလီဝတ်ကျောင်းတော်အတွင်းသို့ လှည့်လည်ပြသခဲ့ပြီး အဘူဒါဘီရှိ ကက်သလစ်ဘုရာကျောင်း နှစ်ခုအနက်မှ တစ်ခုဖြစ်သည့် စိန့်ဂျိုးဆက်ပ်ဘုရားကျောင်းမှ ဂိုဏ်းအုပ်ဘုန်းတော်ကြီး ပေါလ်ဟင်ဒါနှင့်လည်း ဗလီဝတ်ကျောင်းတော်အတွင်း ဝေလမင်းသားက တွေ့ဆုံစကားပြောဆိုခဲ့သည်။

“ကျွန်တော့်အတွက်တော့ ဒီလည်ပတ်မှုဟာ အသိအမှတ်ပြုဖို့အတွက်ပါ။ ဒီလိုတွေ့ဆုံမှုကနေ မင်းသားက ကျွန်တော်တို့ကို စကားပြောနိုင်မယ်။ နိုင်ငံအတွင်းမှာရှိနေတဲ့ အပြန်အလှန် နားလည်သည်းခံမှုကိုလည်း မြင်နိုင်မှာ ဖြစ်ါပတယ်။ ဒီလိုနေရာမျိုးမှာ ဒီလိုတွေ့ဆုံမှုမျိုးဟာ ကမ္ဘာတစ်ဝှမ်းမှာ မြင်ရခဲပါတယ်။ ဒီလိုနေထိုင်မှု၊ တွေ့ဆုံမှုဟာ အရာရောက်ပါလိမ့်မယ်” ဟု ဘုန်းတော်ကြီး ဟင်ဒါက ပြောကြားခဲ့သည်။

ဗလီဝတ်ကျောင်းတော်သို့ လှည့်လည်ကြည့်ရှုခဲ့ပြီးနောက် ချားလ်စ်မင်းသား ဇနီးမောင်နှံမှာ ဓာတ်ပုံနှင့် အနုပညာလက်ရာ ပြခန်းသို့လည်း သွားရောက်ကြည့်ရှုခဲ့ပြီး ဗလီဝတ်ကျောင်းတော်၏ အဓိက၀တ်ပြုဆောင်မှ ဗိသုကာလက်ရာ၊ ဒီဇိုင်းနှင့် ကော်ဇောဒီဇိုင်းတို့ကိုလည်း လေ့လာခဲ့သည်။ ထို့ပြင် ဗလီဝတ်ကျောင်းတော်အတွင်း ဘာသာပေါင်းစုံမှ ခေါင်းဆောင်များနှင့်လည်း တွေ့ဆုံခဲ့သည်။

ချားလ်စ်မင်းသား၏ ယခု ရှေ့အလယ်ပိုင်းခရီးစဉ်တွင် အိုမန်၊ ယူအေအီးနှင့် ဘာရိန်းနိုင်ငံမျာသို့ သွားရောက်မည်ဖြစ်ပြီး ၁၉၈၉ ခုနှစ်နောက်ပိုင်း ယူအေအီးသို့ ၈ ကြိမ်မြောက် လာရောက်ခြင်းလည်းဖြစ်သည်။

Ref : thenatioanl.ae

November 7, 2016
ဟိန္ဒူများ တိုက်ခိုက်ခံရသည့်ကိစ္စ ဘင်္ဂလားဒေ့ရှ် လူ့အခွင့်အရေးကော်မရှင် စုံစမ်းနေ

နိုဝင်ဘာ ၆၊ ၂၀၁၆
M-Media

– ပြီးခဲ့သည့်သီတင်းပတ်အတွင်း ဘင်္ဂလားဒေ့ရ်ှနိုင်ငံ၌ လူနည်းစုဟိန္ဒူများ တိုက်ခိုက်ခံရမှုနှင့်ပတ်သက်၍ လူပေါင်းများစွာကို ရဲတပ်ဖွဲ့က ဖမ်းဆီးထားပြီး ဘင်္ဂလားဒေ့ရှ် အမျိုးသား လူ့အခွင့်အရေးကော်မရှင်က စုံစမ်းစစ်ဆေးမှု ပြုလုပ်နေသည်ဟု သိရသည်။

နိုင်ငံရှေ့ပိုင်းတွင် ဖြစ်ပွားခဲ့သည့် အဆိုပါအဖြစ်အပျက်မှာ ဟိန္ဒူအမျိုးသားတစ်ဦးက မွတ်စလင်တို့ အထွဋ်အမြတ်ထားရာ မက္ကာဟ်ရှိ မတ်စ်ဂျစ်ဒ်ဟရမ် ဗလီဝတ်ကျောင်းတော်ကို စော်ကားသည့် ဓာတ်ပုံကို ဆိုရှယ်မီဒီယာတွင် မျှဝေခဲ့သည်ဆိုသည့် သတင်းများကြောင့် စတင်ခဲ့ခြင်းဖြစ်သည်။

မွတ်စလင်လူအုပ်ကြီးမှာ ဓာတ်ပုံမျှဝေသူအား ဖမ်းဆီးရန် ဆန္ဒပြတောင်းဆိုရာမှ ဟိန္ဒူဘုရားကျောင်းနှင့် ဟိန္ဒူလူမျိုးများ၏ နေအိမ်ပေါင်းများစွာကို လုယက် ဖျက်ဆီးခဲ့ကြသည်။ အဆိုပါဟိန္ဒူလူငယ်ကမူ ထိုကိစ္စကို မိမိပြုလုပ်ခြင်းမဟုတ်ဟု ပြောဆိုခဲ့ပြီး ရဲတပ်ဖွဲ့က ၎င်းအား ဘာသာရေးဆိုင်ရာ စိတ်နာကျည်းစေမှုဖြင့် ဖမ်းဆီးခဲ့သည်။

အခင်းဖြစ်ပွားရာခရိုင်မှ ရဲတပ်ဖွဲ့ဝင် အဘူ ဇာဖာရ်က ထိုတိုက်ခိုက်မှုအတွက် စုစုပါင်း ၅၃ ဦးကို ဖမ်းဆီးထားသည်ဟု ပြောကြားခဲ့သည်။

ဘင်္ဂလားဒေ့ရှ် အမျိုးသားလူ့အခွင့်အရေးကော်မရှင် NHRC ကလည်း ထိုတိုက်ခိုက်မှုအတွက် စုံစမ်းစစ်ဆေးမှု ပြုလုပ်နေသည်။ အချက်အလက်ရှာဖွေရေးကော်မတီမှ အကြီးအကဲဖြစ်သူ အီနာမူလ် ဟိုကီ ချောင်ဒရီကမူ ထိုတိုက်ခိုက်မှုမှာ ကြိုတင်ပူးပေါင်းကြံစည်မှု ရလဒ်ဖြစ်ပြီး ဆန္ဒပြမှုကို ခွင့်ပြုပေးခဲ့သည့် ဒေသဆိုင်ရာ အာဏာပိုင်များကိုလည်း ပြစ်တင်ပြောကြားခဲ့သည်။

“ရဲတပ်ဖွဲ့အပါအ၀င် အုပ်ချုပ်ရေးပိုင်းက ဒီလို အထိမခံတဲ့ ကိစ္စတစ်ခုကို ကိုင်တွယ်ရာမှာ ပေါ့လျော့ပြီး၊ ကြမ်းကြုတ်ခဲ့ပါတယ်” ဟု ချောင်ဒရီက ဆိုသည်။

မွတ်စလင်များစုနေထိုင်ရာ ဘင်္ဂလားဒေ့ရ်ှနိုင်ငံတွင် ဟိန္ဒူများမှာ နိုင်ငံလူဦးရေ၏ ၈ ရာခိုင်နှုန်းရှိပြီး အကြီးဆုံး လူနည်းစုလူ့အဖွဲ့အစည်းဖြစ်သည်။

ဘင်္ဂလားဒေ့ရ်ှနိုင်ငံတွင် မကြာသေးမီကာလအတွင်း စစ်သွေးကြွမှုနှင့် IS အကြမ်းဖက်အဖွဲ့၏ သြဇာသက်ရောက်မှုများ မြင့်တက်လာခဲ့ပြီး အကြမ်းဖက်တိုက်ခိုက်မှုများ ခပ်စိပ်စိတ် ဖြစ်လာခဲ့သည်။

Ref: Aljazeera

November 6, 2016
တောင်ကိုရီးယား သမ္မတ၏ အကြံပေးဟောင်းများ ဖမ်းဆီးခံရ

နိုဝင်ဘာ ၆၊ ၂၀၁၆
M-Media

– သမ္မတပတ်ဂျုံဟေး၏ မိတ်ဆွေဖြစ်သူ ချိုဆီလ်ဆွန်က နိုင်ငံ့အရေးများတွင် ၀င်ရောက်စွက်ဖက်မှု၊ သမ္မတနှင့် နီးစပ်မှုအား အသုံးချမှုတို့နှင့်ပတ်သက်၍ သမ္မတ အကြံပေးဟောင်းနှစ်ဦးကို တောင်ကိုရီးယားက ဖမ်းဆီးလိုက်သည်ဟု သိရသည်။

ထိုကိစ္စနှင့်ပတ်သက်၍ ပြည်သူထောင်ပေါင်းများစွာမှာ လမ်းပေါ်သို့ထွက်ကာ ဆန္ဒပြ၍ ပတ်ဂျုံဟေးနှုတ်ထွက်ရန် တောင်းဆိုမှုများ ပြုလုပ်နေပြီး၊ သမ္မတအား လူကြိုက်များမှုမှာလည်း ၅ ရာခိုင်နှုန်းသာ ရှိတော့ကာ ရာထူးလက်ရှိသမ္မတတစ်ယောက်အတွက် စံချိန်တင်ကျဆင်းမှုလည်း ဖြစ်ခဲ့သည်။

ပတ်ဂျုံဟေး၏ အကြီးတန်းအကြံပေးတစ်ဦးဖြစ်သူ အဟ်ဂျွန်ဘွန်ကို အာဏာအလွဲသုံးစားလုပ်မှု၊ အကျပ်ကိုင်မှုစွဲချက်များဖြင့် ယနေ့တွင် တရားဝင်ဖမ်းဆီးခဲ့ပြီး ချိုမှာ ထိပ်တန်း စီးပွားရေးလုပ်ငန်များထံမှ ဒေါ်လာသန်းချီ ယူခဲ့မှုတွင် ၎င်းက ကူညီခဲ့သည်ဟု သံသယဖြစ်ခံရသူဖြစ်သည်။

အဖမ်းခံရသည့် အခြားတစ်ဦးမှာ သမ္မတအကြံပေးဟောင်း ဂျီအွန်ဟိုဆွန်ဖြစ်ပြီး ထိပ်တန်းလျှို့ဝှက် အချက်အလက်များ ပေါက်ကြားမှုတွင် ပါဝင်သည်ဟု စွပ်စွဲခံနေရသည်။ အသက် ၄၇ နှစ်အရွယ်ရှိပြီဖြစ်သည့် ဂျီအွန်မှာ ပတ်ဂျုံဟေး၏ ညာလက်ရုံးအဖြစ် လူသိများပြီး ၁၉၉၈ ခုနှစ်ကတည်းက ပတ်အား ကူညီလာခဲ့သူဖြစ်သည်။

၎င်းမှာ သမ္မတ၏ မိန့်ခွန်းများ၊ နိုင်ငံတော် စာရွက်စာတမ်းများကို ချိုထံသို့ ပေးပို့သည်ဟု သံသယဖြစ်ခံထားရသည်။

လက်ရှိတွင် ဖမ်းဆီးခံထားရသည့် ချိုနှင့် သမ္မတ ပတ်ဂျုံဟေးတို့မှာ ထိုကိစ္စနှင့်ပတ်သက်၍ တောင်းပန်ခဲ့သော်လည်း ပြည်သူများကမူ လက်မခံပဲ သမ္မတနှုတ်ထွက်ရေးကိုသာ ဆက်လက်တောင်းဆိုနေကြသည်။

Ref: Channelnewsasia

November 6, 2016
ဖိလစ်ပိုင်တွင် ကုရ်အာန်အာဂုံဆောင်ပြိုင်ပွဲ ကျင်းပ

နိုဝင်ဘာ ၆၊ ၂၀၁၆
M-Media

– ကမ္ဘာ့မွတ်စလင်လိဂ်၏ မိတ်ဖက်အဖွဲ့အစည်းတစ်ခုဖြစ်သည့် ‘နိုင်ငံတကာ ကုရ်အာန်ကျမ်းတော်မြတ် အာဂုံဆောင်မှုဆိုင်ရာအဖွဲ့’ က Message Association အသင်းနှင့်ပူးပေါင်းကာ ကုရ်အာန်ကျမ်းတော်မြတ် အာဂုံဆောင်မှုဆိုင်ရာ ပြိုင်ပွဲကို ဖိလစ်ပိုင်နိုင်ငံ၌ ကျင်းပပြုလုပ်ခဲ့သည်ဟု သိရသည်။

ဗုဒ္ဓဟူးနေ့က ကျင်းပခဲ့သည့် အဆိုပါပြိုင်ပွဲတွင် ကုရ်အာန်ကျမ်းတော်မြတ်အဌကဌာကို အာဂုံဆောင်ခြင်း၊ အာရဘီဘာသာဖြင့် ကုရ်အာန်ကျမ်းတော်မြတ်မူရင်းနှင့် တမန်တော်မုဟမ္မဒ်သခင်၏ သြ၀ဒတော် ၁၅၂ ခုကို အာဂုံဆောင်ခြင်း၊ ကုရ်အာန်ကို အသံနေအသံထားဖြင့် အလွတ်ရွတ်ဖတ်ခြင်း၊ ကျမ်းတော်မြတ်၏ ကဏ္ဍ ၁၅ ခု၊ ၁၀ ခု၊ ၅ ခု စသဖြင့် အာဂုံဆောင်ခြင်းတို့ အပါအ၀င် ကဏ္ဍများစွာ ပါဝင်ခဲ့သည်ဟု နိုင်ငံတကာ ကုရ်အာန်ကျမ်းတော်မြတ် အာဂုံဆောင်မှုဆိုင်ရာအဖွဲ့၏ အထွေထွေ အတွင်းရေးမှူး ဒေါက်တာ အဘ်ဒူလာ ဘက်စ်ဖာရ်က ပြောကြားခဲ့သည်။

ထို့ပြင် ပါဝင်ယှဉ်ပြိုင်သူများအနေဖြင့် ကုရ်အာန်ကျမ်းတော်မြတ်၊ မုဟမ္မဒ်သခင်၏ သြ၀ါဒတော်များကို ဆက်လက်လေ့လာရန် ၎င်းက တိုက်တွန်းခဲ့သည်။

အဆိုပါပြိုင်ပွဲတွင် ဖိလစ်ပိုင်နိုင်ငံတစ်ဝှမ်းမှ ပြိုင်ပွဲဝင် ၆၇ ဦး ယှဉ်ပြိုင်ခဲ့ပြီး ပိတ်ပွဲအခမ်းအနားသို့ ဖိလစ်ပိုင်ဆိုင်ရာ ဆော်ဒီသံအမတ်ကြီး၊ နိုင်ငံတစ်ဝှမ်းမှ အစ္စလာမ့်ရေးရာပညာရှင်များ၊ တာဝန်ရှိသူများ တက်ရောက်ခဲ့သည်။

ကုရ်အာန်ကျမ်းတော်မြတ်တွင် အစောင် ၃၀ ပါဝင်ပြီး ကျမ်းတစ်အုပ်လုံး အာဂုံဆောင်နိုင်သူကို ‘ဟာဖစ်ဇ်’ ဟု ခေါ်သည်။

Ref : IINA

November 6, 2016
ယူရိုပါတွင် မိုဗစ်နှင့် ရူနီတို့အား မခံချင်အောင် လုပ်ခဲ့သည်ဟု ဖီနာဘာချီနည်းပြ ပြော

နိုဝင်ဘာ ၆၊ ၂၀၁၆
M-Media

– မန်ယူအားအနိုင်ရရှိခဲ့သည့် ယူရိုပါပွဲတွင် မိမိတို့မှာ ပြိုင်ဘက်တိုက်စစ်မှူးနှစ်ဦးဖြစ်သည့် အီဗရာဟီမိုဗစ်နှင့် ၀ိန်းရူနီတို့ကို အဓိကထားကာ စိတ်ပျက်အောက် လုပ်ခဲ့သည်ဟု တူရကီကလပ် ဖီနာဘာချီနည်းပြ ဒစ် အက်ဗိုကတ်က ပြောကြားလိုက်သည်။

ဗုဒ္ဓဟူးနေ့က တူရကီတွင်ကစားခဲ့သည့် အဆိုပါအုပ်စုပွဲစဉ်တွင် ဖီနာဘာချီအသင်းက ၂ ဂုိုး ၁ ဂိုးဖြင့် အနိုင်ရခဲ့ပြီး တိုက်စစ်မှူး မိုဗစ်မှာ အိမ်ရှင်နောက်ခံလူ ဆီမွန် ကေဂျာနှင့် အငြင်းအခုံဖြစ်ခဲ့သည်။ အက်ဗိုကတ်ကမူ မိမိ၏ ကစားသမားများမှာ ၎င်းစီစဉ်ထားသည့်အတိုင်း မန်ယူတိုက်စစ်မှူးများကို နှောက်ယှက်နိုင်ခဲ့သည်ဟု ဆိုသည်။

“ကျွန်တော်တို့ သူတို့ကို နည်းနည်းလောက် မခံချင်အောင်လုပ်ခဲ့ရပါတယ်။ သူ (အီဗရာဟီမိုဗစ်) နဲ့ ၀ိန်းရူနီလို ကစာသမားမျိုးဟာ နေရာလွတ်တွေရှာပြီး ကစားလေ့ရှိကြသူတွေပါ။ ဒါ့ကြောင့် သူတို့ ဘောလုံးရပြီဆိုရင် စိတ်ကိုဆွပေးပြီး နည်းနည်း တွန်းတွန်းတိုက်တိုက် လုပ်ရပါတယ်။ ဇလာတန်က ဒီလိုတုန့်ပြန်တာကို ကျွန်တော် မအံ့သြပါဘူး။ သူနဲ့ ရူနီတို့ ဒီလိုဖြစ်တတ်တယ်ဆိုတာ ကျွန်တော် သိပါတယ်။ ကျွန်တော်တို့ လုပ်ချင်တာ ဒါပါပဲ။ ဒါပေမယ့် သူတို့က ကြီးကျယ်တဲ့ ကစားသမားတွေပါ” ဟု အက်ဗိုကတ်က ပြောကြားခဲ့သည်။

သို့သော်လည်း အက်ဗိုကတ်ကမူ မော်ရင်ဟိုအား ချီးကျူးခဲ့ပြီး မော်ရင်ဟိုအနေဖြင့် မန်ယူအား လမ်းကြောင်းမှန်ပေါ် ပြန်ရောက်အောင် ဆောင်ရွက်နိုင်မည်ကို မိမိအနေဖြင့် သံသယမရှိဟု ထပ်လောင်းပြောဆိုခဲ့သည်။

Ref: Goal

November 6, 2016