Author: Ko Lay

နိုဝင်ဘာ ၅၊ ၂၀၁၆
M-Media

–  ဥရောပ နိုင်ငံငယ်လေးဖြစ်သည့် အလ်ဘေးနီးယားတောင်တန်းတစ်ခုပေါ်တွင် ထီးထီးကြီးတည်ရှိနေသည့် စိန့်နီကိုလက်စ် ခရစ်ယာန်ဘုရားကျောင်းကို ကွန်မြူနစ်ဝါဒ ကျဆုံးသွားပြီးနောက် ပြို ကျပျက်ဆီးသွားသည့်အနေအထားမှ ဒေသခံမွတ်စလင်များ၏ အကူအညီဖြင့် ပြန်လည်တည်ဆောက်ခဲ့သည်။ နိုင်ငံ၏ ဘာသာရေးသည်းခံမှု ပြယုဂ်ဖြစ်သည့် အဆိုပါ ခရစ်ယာန်ဘုရားကျောင်းသို့ ပုပ်ရဟန်းမင်းကြီး ဖရန်စစ်က ၂၀၁၄ ခုနှစ်တွင် သွားရောက်လည်ပတ်ခဲ့သည်။

မွတ်စလင်အများစုရှိပြီး ကက်သလစ်နှင့် အော်သိုဒေ့ါစ်ခရစ်ယာန်အနည်းစုရှိသည့် အလ်ဘေးနီးယားကို ၁၉၆၇ ခုနှစ်တွင် အကြင်နာမဲ့သည့် အာဏာရှင် အန်ဗာရ် ဟော့စ်ဟာက ကမ္ဘာ့ပထမဆုံး ဘာသာမဲ့နိုင်ငံအဖြစ် ကြေငြာခဲ့သည်။

ထိုကာလအတွင်း မရေမတွက်နိုင်သော ဗလီဝတ်ကျောင်းတော်များ၊ ခရစ်ယာန်ဘုရားကျောင်းများ ဖျက်ဆီးခံခဲ့ရပြီး ဗာတီကန်ကတော့ ဖျက်ဆီးခံခဲ့ရသည့် ကက်သလစ်နှင့် အော်သိုဒေါ့စ်ဘုရားကျောင်းပေါင်း ၁၈၂၀ ရှိခဲ့သည်ဟု ဆိုသည်။ အသတ်ခံရသူ၊ ထိန်းသိမ်းခံရစဉ်အတွင်း သေဆုံးသူ ခရစ်ယာန်ဘုန်းတော်ကြီးများလည်း အများအပြားရှိခဲ့သည်။

တီရာနာမြို့မြောက်ဖက် ကီလိုမီတာ ၆၀ အကွာရှိ မာလ်ဘာ့ဒ်မွတ်စလင်ရွာတွင် မည်သူကမှ စိန့်နီကိုလက်စ်ဘုရားကျောင်းမှာ မည်သည့်အချိန်တွင် မည်သူကဆောက်လုပ်ခဲ့သည်ကို မသိရှိကြ။ ကွန်မြူနစ်များအာဏာရချိန်တွင် ဆင်းရဲသည့်တိုင်းပြည် ဖြစ်နေခဲ့သည့် အလ်ဘေးနီးယားမှ အဆိုပါ ဘုရားကျောင်းမှာ ပြုပြင်ထိန်းသိမ်းသူမရှိ ပျက်ဆီးသည့်ဘ၀ ရောက်ခဲ့ရသည်။

သို့သော်လည်း ၁၉၉၂ ခုနှစ် ကွန်မြူနစ်အာဏာရှင် ကျဆုံးပြီးနောက်ပိုင်း မာလ်ဘာ့ဒ်မှ မွတ်စလင်များမှာ ၎င်းတို့၏ ကက်သလစ်ညီအစ်ကိုများနှင့်အတူ ခရစ်ယာန် သာသနာပိုင်များထံသို့ ချဉ်းကပ်ကာ ယခင်အုတ်မြစ်နေရာတွင် ဘုရားကျောင်းသစ်တစ်ခု ဆောက်လုပ်ရန် ခွင့်တောင်းခဲ့သည်။

“ကျွန်တော်တို့ တစ်ကယ်လုပ်လိမ့်မယ်လို့ သူတို့မထင်ဘူးဗျ။ လူမြင်ကောင်းအောင် ကြိုးစားတယ်လို့ သူတို့ ထင်ခဲ့တာ။ ဒါပေမယ့် ကျွန်တော်တို့က ဒီဘုရားကျောင်းတည်ဆောက်ဖိုအတွက် ကုန်ကျစားရိတ်အားလုံးကို တာဝန်ယူချင်တာပါ” ဟု အသက် ၇၇ နှစ်အတွယ် မွတ်စလင်အဘိုးအိုတစ်ဦးဖြစ်သူ ဟဂ်ျဒါ လီကာက တက်ကြွစွာ ပြောကြားခဲ့သည်။

လူနည်းစုများအပေါ် မွတ်စလင်များ၏ ကာကွယ်မှု

ထိုဘုရားကျောင်းသို့ ရောက်ရှိရန်အတွက် ကားတစ်တန်၊ မြည်းတစ်တန်ဖြင့်သွားရသလို၊ မတ်ဆောက်သည့် တောင်ပေါ်ရွာလမ်းကိုလည်း ဘုရားဖူးများက ခက်ခက်ခဲခဲ တက်ကြရသည်။

မွတ်စလင်ပတ်ဝန်းကျင်တွင်နေထိုင်သည့် အသက် ၆၀ အရွယ် ကက်သလစ်ခရစ်ယာန် နီကိုလ် ဂဂျီနီက ၀က်သစ်ချပင်များ ထူထဲစွာ ဖုံးအုပ်နေသည့် ဘုရားကျောင်းသစ်ကြီးဆီသို့ ဂုဏ်ယူဝင့်ကြွားစွာ ညွှန်ပြသည်။

“ဆောက်လုပ်ရေးပစ္စည်းအကူအညီ၊ လုပ်အားအကူအညီတွေသာ သူတို့ (မွတ်စလင်တွေရဲ့) မပေးရင် ဒီဘုရားကျောင်းကြီးကို ကျွန်တော်တို့ ဘယ်တော့မှ ပြန်ဆောက်နိုင်မှာမဟုတ်ပါဘူး” ဟု ဂဂျီနီက ပြောကြားခဲ့သည်။ ၎င်းမှာ ဓာတု စက်ရုံ အလုပ်သမားတစ်ဦးလည်းဖြစ်သည်။

အဆိုပါ ဘုရားကျောင်းငယ်လေးတွင် ဘုန်းတော်ကြီးများက ခရစ္စမတ်နှင့် အီစတာပွဲတော်တို့ကဲ့သို့ အခါကြီးရက်ကြီးများကိုသာ ဆင်နွှဲကြသော်လည်း လူနည်းစုခရစ်ယာန်လူ့အဖွဲ့အစည်းအတွက် မရှိမဖြစ် အရေးပါသည့် ‘မြင့်မြတ်ရာနေရာ’ ဖြစ်လေသည်။

လူဦးရေ ၂၅၀၀ ရှိသော အဆိုပါ မာလ်ဘာ့ဒ်ရွာတွင် ၉၀ ရာခိုင်နှုန်းက မွတ်စလင်များဖြစ်ကြပြီး ကျန် ၁၀ ရာခိုင်နှုန်းက ခရစ်ယာန်ကက်သလစ်ဘာသာဝင်များဖြစ်သည်။

နိုင်ငံ၏ လူဦးရေ ၃ သန်းတွင် ၅၆ ရာခိုင်နှုန်းက မွတ်စလင်များဖြစ်ပြီး ခရစ်ယာန်ကက်သလစ်က ၁၅ ရာခိုင်နှုန်း၊ ခရစ်ယာန်အော်သိုဒေါ့စ်က ၁၁ ရာခိုင်နှုန်းရှိသည်။

ဥရောပ၏ ပထမဆုံး ခရီးစဉ်အဖြစ် ၂၀၁၄ ခုနှစ်က ပုပ်ရဟန်းမင်းကြီးမှာ အလ်ဘေးနီးယားသို့ ၁ ရက်တာ အလည်အပတ်လာရောက်ခဲ့ပြီး နိုင်ငံအတွင်းရှိ မွတ်စလင်၊ အော်သိုဒေ့ါစ်နှင့် ကက်သလစ်တို့ ငြိမ်းချမ်းစွာ အတူယှဉ်တွဲနေထိုင်မှုကို ဂုဏ်ပြုသောအားဖြင့် အလ်ဘေးနီးယားသို့ ဦးစွာ လာရောက်ခဲ့ခြင်းဖြစ်သည်။ ‘ညီညွတ်သော အမျိုးသားအစိုးရ’ တွင်လည်း မွတ်စလင်၊ ကက်သလစ်နှင့် အောfသိုဒေ့ါစ်တို့က အာဏာများကို ခွဲဝေယူထားကြသည်။

“ပုပ်ရဟန်းမင်းကြီး လာရောက်လည်ပတ်မှုဟာ အလ်ဘေးနီးယားက ဘာသာစုံလူမျိုးစုံ ပြည်သူအားလုံးအတွက် ဂုဏ်ယူစရာအကြောင်းအရင်း တစ်ရပ်ပါပဲ။ ကက်သလစ်ဘာသာဝင်နည်းနည်းလေးနဲ့ သေးငယ်တဲ့နိုင်ငံတစ်ခု ဖြစ်ပေမယ့် ပုပ်ရဟန်းမင်းကြီးက ဥရောပရဲ့ ပထမဆုံးခြေချရာအဖြစ် ရွေးချယ်ခဲ့တဲ့အတွက် ကျွန်တော်တို့ ၀မ်းမြောက်ဝမ်းသာ ဖြစ်ရပါတယ်” ဟု အသက် ၄၂ နှစ်အရွယ် မြို့တော်ဝန် အေဂျင် လီကာက ပြောကြားခဲ့သည်။

မာလ်ဘာ့ဒ်မှ ဒေသခံများမှာ ၎င်းတို့ဒေသမှ ကွဲပြားခြားနားသော လူ့အဖွဲ့အစည်းများ ညီညွတ်ရေးအတွက် ယခင်ကတည်းက အားတက်သရော ဆောင်ရွက်ခဲ့ခြင်းဖြစ်ပြီး၊ မွတ်စလင်လူများစုက ခရစ်ယာန်လူနည်းစုကို ကာကွယ်စောင့်ရှောက်ရမည့် တာဝန်ရှိနေသည်ဟုလည် မှတ်ယူထားကြသည်။

“ကျွန်တော်တို့ရွာမှာ တစ်ယောက်ယောက်လက်ထက်မယ်ဆိုရင် ဘာသာတရားနှစ်ခုစလုံးက သက်သေအဖြစ် ဆောင်ရွက်ပေးရတဲ့ ဓလေ့တစ်ခု ရှိပါတယ်” ဟု မီးရထားလုပ်သားဟောင်းတစ်ဦးဖြစ်သူ ဟဂ်ျဒါက ပြောကြားခဲ့သည်။

မာလ်ဘာ့ဒ်ရွာနှင့် ကီလိုမီတာ ၂၀ ခန့်ဝေးကွာသည့် ဒါဗန်ရွာလေးတွေလည်း ၁၉၆၇ ခုနှစ် ကွန်မြူနစ်လက်ထက် ဖျက်ဆီးခံခဲ့ရသည့် ကက်သလစ်ခရစ်ယာန်များ၏ ဘုန်းကြီးကျောင်းကို မွတ်စလင်များကပင် ပြန်လည်တည်ဆောက်ပေးခဲ့သည်။

“ဘုန်းကြီးရဲ့ အဓိကတာဝန်ကတော့ အာဏာရှင်ဝါဒ၊ ဘုရားမဲ့ဝါဒကြောင့် စွန်းထင်းခဲ့တဲ့ အဆိပ်အတောက်တွေကို သန့်စင်ဖို့ပါပဲ” ဟု ဘုန်းတော်ကြီး ကာမိုင်း လူဇီက ယခင်ခုနှစ်များကို ပြန်ပြောင်းရည်ညွှန်း၍ ပြောကြားခဲ့သည်။

အီတလီနိုင်ငံ ဘာရီမြို့မှ အလ်ဘေးနီးယားသို့ စေလွှတ်ထားသည့် အဆိုပါဘုန်းတော်ကြီးမှာ ဒါဗန်မြို့ရှိ ခရစ်ယာန်ကက်သလစ်မိသားစုဝင် ၅၀၀ ကျော်ကို လွန်ခဲ့သည့် ၁၈ နှစ်လုံးလုံး ကြည့်ရှုစောင့်ရှောက်နေသူလည်း ဖြစ်လေသည်။

Ref: Yahoo.com