Author: Ko Lay

ပြဿနာဖြစ်ခဲ့သည့် အိုဘားမားနှင့် ဒူတာတီတို့ အကျဉ်းရုံး တွေ့ဆုံ

စက်တင်ဘာ ၈၊ ၂၀၁၆
M-Media

– တင်းမာမှုများ ရှိခဲ့သော်လည်း ဖိလစ်ပိုင်သမ္မတ ရော်ဒရီဂို ဒူတာတီနှင့် အမေရိကန်သမ္မတ ဘာရက် အိုဘားမားတို့မှာ လာအိုနိုင်ငံတွင် ကျင်းပပြုလုပ်နေသည့် အာဆီယံ ထိပ်သီးအစည်းအဝေးတွင် ယမန်နေ့က တွေ့ဆုံခဲ့ကြသည်ဟု နှစ်ဖက် အစိုးရများက အတည်ပြု ပြောကြားခဲ့သည်။

ဒူတာတီမှာ ၎င်း၏ ပြင်းထန်သော မူယစ်ဆေးဝါးတိုက်ဖျက်မှု မူဝါဒနှင့်ပတ်သက်၍ ဝေဖန်ရန်ရှိနေသော အိုဘားမားကို ယခုတစ်ပတ် အစောပိုင်းက ရိုင်းစိုင်းစွာ ဆဲဆိုခဲ့ပြီး အိုဘားမားကလည်း ဒူတာတီ၏ ထိုအပြုအမူကြောင့် ဗီယန်ကျင်းတွင် တွေ့ဆုံရန် စီစဉ်ထားမှုကို ဖျက်သိမ်းခဲ့သည်။

ဖိလစ်ပိုင်သမ္မတမှာ နောက်ပိုင်းတွင် ၎င်း၏ ထိုလုပ်ရပ်အတွက် ပြန်လည်တောင်းပန်ခဲ့သည်။ ဖိလစ်ပိုင် နိုင်ငံခြားရေးဝန်ကြီး ပါဖက်တို ယာဆေးကမူ ခေါင်းဆောင်နှစ်ဦးမှာ ယမန်နေ့က ညစာစားပွဲ မတိုင်ခင် အကျဉ်းရုံး တွေ့ဆုံခဲ့ကြသည်ဟုဆိုသည်။

“အစည်းအဝေးကျင်းပတဲ့ခန်းမမှာ သူတို့ တွေ့ဆုံခဲ့ပြီး ခန်းမထဲကနေ သူတို့နှစ်ယောက် နောက်ဆုံးမှ ထွက်လာခဲ့တာပါ။ ဘယ်လောက်ကြာခဲ့လဲဆိုတာတော့ ကျွန်တော် ပြောလို့မရပါဘူး။ ဒီလိုတွေ့ဆုံမှုအတွက် ကျွန်တော် အရမ်းဝမ်းသာပါတယ်” ဟု ၀န်ကြီးက သတင်းထောက်များအား ပြောကြားခဲ့သည်။

နောက်ပိုင်း အိမ်ဖြူတော်မှ သတင်းထုတ်ပြန်ချက်တွင် အိုဘားမားမှာ ဒူတာတီနှင့် အကျဉ်းရုံး ဆွေးနွေးခဲ့ပြီး အပြန်အလှန် ပြောဆိုမှုများတွင် တွေ့ဆုံရသည့်အတွက် ၀မ်းသာကြောင်း ပါဝင်သည်ဟု ဖော်ပြခဲ့သည်။

ယနေ့မနက်ပိုင်း သတင်းထောက်များ၏ မေးမြန်းမှုတွင် အိုဘားမားက ရာဇ၀တ်မှုတိုက်ဖျက်ရေး ဆောင်ရွက်ရာတွင် မှန်ကန်သော နည်းလမ်းဖြင့် လုပ်ဆောင်ရန်လိုအပ်ပြီး၊ မမှန်မကန် ဆောင်ရွက်ပါက အပြစ်မဲ့သူများ ထိခိုက်ခြင်း၊ မရည်ရွယ်ထားသည့် နောက်ဆက်တွဲများဖြစ်ကာ ပြဿနာကို မဖြေရှင်းနိုင်တော့ခြင်း စသည့် အခြေအနေသို့ ရောက်ရှိသွားနိုင်သည်ဟု မိမိက ပြောကြားခဲ့ကြောင်း ဖြေကြားခဲ့သည်။

Ref: Channelnewsasia

September 8, 2016
စင်ကာပူတွင် ဇီကာကူးစက်မှုများ ထပ်မံတွေ့ရှိ

စက်တင်ဘာ ၈၊ ၂၀၁၆
M-Media

– စင်ကာပူတွင် ယမန်နေ့က ဇီကာကူးစက်မှု ဖြစ်စဉ်အသစ် ၈ ခု ထပ်မံတွေ့ရှိခဲ့ပြီး ကူးစက်သူ အရေအတွက်မှာ စုစုပေါင်း ၂၈၃ ဦးရှိလာပြီ ဖြစ်သည်။

ကျန်းမာရေးဝန်ကြီးဌာန(MOH) နှင့် အမျိုးသား သဘာဝပတ်ဝန်းကျင်ဆိုင်ရာ အေဂျင်စီ (NEA) တို့ ပူးပေါင်းထုတ်ပြန်သော ကြေငြာချက်တွင် အဆိုပါ ဖြစ်စဉ်သစ် ၈ ခုမှ ၂ ခုမှာ ဇီကာကူးစက်နိုင်သည့် နေရာများအဖြစ် သတ်မှတ်ထားသော Aljunied Crescent၊ Sims Drive၊ Kallang Way၊ Paya Lebar Way ရပ်ကွက်များနှင့် ဆက်နွယ်နေပြီး တစ်ခုမှာမူ Bishan လမ်းမှ ၁၂ ရပ်ကွက်နှင့် ဆက်နွယ်နေသည်ဟု ဖော်ပြထားသည်။

အခြား ၄ ခုမှာ လတ်တလော ကူးစက်နိုင်ချေရှိသည်ဟု သတ်မှတ်ထားသည့် နေရာများနှင့် ဆက်နွယ်မှု မရှိဘဲ၊ ကျန်တစ်ခုမှာ Elite Terrace ရပ်ကွက်တွင် ဖြစ်ပွားသောကြောင့် ထိုနေရာကိုလည်း ဇီကာ ကူးစက်နိုင်ခြေရှိသည့် နေရာအဖြစ် သတ်မှတ်ခဲ့သည်။

စက်တင်ဘာ ၆ ရက်နေ့အထိ ကူးစက်နိုင်ခြေရှိသည်ဟု သတ်မှတ်ထားသော နေရာများတွင် ခြင်များ ပေါက်ဖွားနိုင်သည့် နေရာ ၁၅၀ ကို တွေ့ရှိကာ ရှင်းလင်းနိုင်ခဲ့ပြီး ထိုအထဲမှ ၉၉ ခုမှာ နေအိမ်များမှဖြစ်ကာ ၅၁ ခုမှာ ပြင်ပဧရိယာများမှ ဖြစ်သည်ဟု ကြေငြာချက်တွင် ထည့်သွင်းဖော်ပြခဲ့သည်။

Ref: Channelnewsasia

September 8, 2016
Pokemon Go ဂိမ်းမှာ သာသနာဖျက်ဂိမ်း ဟုတ်၊ မဟုတ် အိန္ဒိယ ကြားနာမည်

စက်တင်ဘာ ၈၊ ၂၀၁၆
M-Media

– ကမ္ဘာတစ်ဝှမ်းတွင် နာမည်ကြီး လူကြိုက်များနေသည့် Pokemon Go ဂိမ်းမှာ ဟိန္ဒူနှင့် ဂျိန်းဘာသာဝင်များ၏ သက်သက်လွတ်ကျင့်စဉ်ကို ထိခိုက်ကာ သာသနာညှိုးနွမ်းစေသည့်အတွက် ခွင့်မပြုသင့်ဟု အိန္ဒိယတရားရုံးတစ်ခုတွင် ယမန်နေ့က ဦးတိုက်လျှောက်ထားခဲ့သည်ဟု သိရသည်။

ထိုဂိမ်းတွင် ဆုအဖြစ် ကြက်ဥများကို ဆုချမှု၊ ဟိန္ဒူနှင့် ဂျိန်းဘာသာရေး အဆောက်အဦးများတွင် ဥများကို ထားရှိမှုမှာသက်သက်လွတ်သမားများ၏ ဘာသာရေး ကျင့်စဉ်ကို ထိခိုက်စေသည်ဟု ရှေ့နေတစ်ဦးဖြစ်သူ နာချီကတ် ဒေ့ဗ်က ရုံးတော်သို့ လျှောက်ထားခဲ့သည်။

“အခန်းအောင်တဲ့သူတွေကို ဥတွေ ပေးပြီး ဆုချတယ်။ အတုအယောင်ကမ္ဘာပဲဖြစ်နေပါစေ ဘုရားကျောင်းထဲမှာ ဥတွေ ပေးတာဟာ လုံးဝ လက်မခံနိုင်စရာဖြစ်ပြီး သာသနာကို စော်ကားတယ်လို့ သတ်မှတ်လို့ရပါတယ်” ဟု ဂူဂျာရတ်ပြည်နယ်ရှိ တရားရုံးတစ်ခု၌ အကျဉ်းချုပ်ကြားနာမှုအပြီးတွင် ဒေ့ဗ်က AFP သတင်းဌာနသို့ ပြောကြားခဲ့သည်။

ထို့ပြင် အဆိုပါ တရားရုံးမှာ ထိုကဲ့သို့ တိုင်ကြားမှုနှင့်ပတ်သက်၍ ဂူဂျာရတ်အစိုးရ၊ အိန္ဒိယအစိုးရနှင့် ဂိမ်းထုတ်လုပ်သော ဆန်ဖရန်စစ္စကိုအခြေစိုက် ကုမ္ပဏီကိုပါ အသိပေးမည်ဟု ၎င်းက ထည့်သွင်းပြောဆိုခဲ့သည်။

ဟိန္ဒဘာသာဝင်အများစုမှာ သက်သက်လွတ်သမားများဖြစ်ပြီး အိန္ဒိယ၀န်ကြီးချုပ် နရန်ဒရာမိုဒီလည်း ထိုအထဲတွင် ပါဝင်သည်။ ဂျိမ်းဘာသာဝင်များကလည်း အလွန်တင်းကြပ်သော သက်သက်လွတ်စားသုံးမှုပုံစံကို ကျင့်သုံးလေ့ရှိသည်။

ဂိမ်းထုတ်လုပ်သည့်ကုမ္ပဏီမှာ ဟီရိုရှီးမားနှင့် ဘာလင်ရှိ လူအစုလိုက်အသတ်ခံရသည့် နေရာများအား ပိုကီမွန်ဖမ်းသည့်နေရာများအဖြစ် သတ်မှတ်ထားမှုကို မကြာသေးမီကပင် ပယ်ဖျက်ပေးခဲ့သည်။

ရုရှားရှိ ဘလော့ဂ်ဂါတစ်ဦးမှာ ခရစ်ယာန် ဘုရားကျောင်းဝင်းအတွင်း ပိုကီမွန်ဂိမ်း ကစားနေသည့်ပုံကို ဗီဒီယိုရိုက်တင်ခဲ့ပြီးနောက် ဘာသာဝင်များအား စိတ်ထိခိုက်စေမှု၊ အမုန်းတရား ဖြန့်ဖြူးမှုတို့ဖြင့် တရားစွဲ ခံခဲ့ရသည်။

Ref; bangkokpost

September 8, 2016
ဖိလစ်ပိုင်ကဲ့သို့ အင်ဒိုတွင်လည်း မူးယစ်ပြဿနာကို ပြင်းပြင်းထန်ထန် ကိုင်တွယ်မည်

စက်တင်ဘာ ၈၊ ၂၀၁၆
M-Media

– ဖိလစ်ပိုင်တွင် မူးယစ်ဆေးဝါးပြဿနာကို ပြင်းပြင်းထန်ထန် ကိုင်တွယ်နေသည့် နည်းလမ်းအား အတုယူ၍ အင်ဒိုနီးရှားတွင်လည်း ရဲတပ်ဖွဲ့အား လူအင်အား လက်နက်အင်အား တိုးမြှင့်ကာ မူးယစ်ဆေးဝါးပြဿနာကို ဖြေရှင်းရန် အင်ဒို မူးယစ်တိုက်ဖျက်ရေး အကြီးအကဲက စီစဉ်နေသည်ဟု သိရသည်။

အရှေ့တောင်အရှ အိမ်နီးချင်းနိုင်ငံများဖြစ်ကြသည့် အင်ဒိုနှင် ဖိလစ်ပိုင်တို့မှာ ‘မူးယစ်စစ်ပွဲ’ ဆင်နွှဲမည်ဟု ကြေငြာထားပြီး အင်ဒိုနီးရှားက ပြစ်မှုကျူးလွန်သူများကို အဆုံးစီရင်ရန်သာ လုပ်ဆောင်နေသော်လည်း ဖိလစ်ပိုင်ကမူ ပြင်းပြင်းထန်ထန် ကိုင်တွယ်နေပြီး မူးယစ်ဆေးဝါး ရောင်းချသူဟု သံသရှိသူ ရာပေါင်းများစွာကို ပစ်သတ်ခဲ့သည်။

နှစ်နိုင်ငံခေါင်းဆောင်များမှာ ယခုရက်သတ္တပတ်တွင် ဂျာကာတာ၌ တွေ့ဆုံရန် ရှိနေပြီး ဆွေးနွေးမည့်အဓိကအကြောင်း အရာများအနက် တစ်ခုမှာ ဒေသတွင်း မူးယစ်ဆေးဝါးကုန်သွယ်မှုကို အပြီး ရှင်းထုတ်နိုင်ရေး နည်းလမ်းများ ဖြစ်နိုင်သည်။

အင်ဒိုနီးရှား မူးယစ်ဆေးဝါးတိုက်ဖျက်ရေးအဖွဲ့ (BNN) ၏ အကြီးအကဲ ဘူဒီ ၀ါဆေဆိုက ၎င်းတို့အဖွဲ့မှာ ဒေသတွင်း အကြီးဆုံး မူးယစ်ဆေး ဈေးကွက်တစ်ခုဖြစ်သော အင်ဒိုတွင် တရားဥပဒေစိုးမိုးရေး ကြိုးပမ်းအားထုတ်မှုများကို ပိုမိုတင်းကြပ်နိုင်ရန်အတွက် လက်နက်များ၊ ထောက်လှမ်းရေးများ၊ နည်းပညာများ၊ အနံ့ခံခွေးများ စသည်တို့ကို ဖြည့်တင်းနေသည်ဟု ပြောကြားခဲ့သည်။

အင်ဒိုအနေဖြင့် ဖိလစ်ပိုင်ကဲ့သို့ ကြမ်းကြမ်းတမ်းတမ်း ကိုင်တွယ်မည်လားဟု မေးမြန်းရာတွင် “ဟုတ်ပါတယ်။ အဲဒီလိုလုပ်မယ်လို့ ယုံကြည်ပါတယ်။ အင်ဒိုနီးရှားက (မူးယစ်ပြဿနာဟာ) ဖိလစ်ပိုင်လောက်ကို ဆိုးဝါးတာကြောင့် ဒါမျိုး ဖြစ်လာနိုင်ပါတယ်” ဟု ၀ါဆေဆိုက ပြန်လည်ဖြေကြားခဲ့သည်။

Ref : channelnewsasia

September 8, 2016
နှစ် ၃၀ ကြာ လေ့လာပြီးနောက် ထိုင်ဝမ်ဘုန်းကြီး တစ်ပါး အစ္စလာမ်ကို လက်ခံယုံကြည်လာ

စက်တင်ဘာ ၈၊ ၂၀၁၆

M-Media

– ထိုင်ဝမ်နိုင်ငံက ဗုဒ္ဓဘာသာ ဘုန်းတော်ကြီးတစ်ပါးဟာ နှစ်ပေါင်း ၃၀ နီးပါးလောက် ဘာသာတရား ပေါင်းစုံကို လေ့လာခဲ့ပြီးနောက်မှာ အစ္စလာမ်သာသနာသာလျှင် တစ်ခုတည်းသော အမှန်တရားလို့ လက်ခံယုံကြည်ခဲ့ကြောင်း ဟောင်ကောင် မွတ်စလင်ကောင်စီရဲ့ ၀ဘ်ဆိုက်မှာ ဖော်ပြထားသည်။

သက်တော် ၆၆ နှစ်ရှိပြီဖြစ်တဲ့ အဲဒီ ဘုန်းတော်ကြီးဟာ ထိုင်ဝမ်နိုင်ငံမှာ ၂၈ နှစ်လောက် သီတင်းသုံးခဲ့တာဖြစ်ပြီး တစ်ချိန်တည်းမှာပဲ အမှန်တရားကို ရှာဖွေရေး ရည်ရွယ်ချက်အတွက် ဘာသာတရားပေါင်းစုံကို လေ့လာခဲ့ပါတယ်။ နောက်ဆုံးမှာတော့ အစ္စလာမ်ကသာ ပြီးပြည့်စုံပြီး၊ နယ်ပယ်အားလုံးအတွက် လမ်းညွှန်မှုပေးသော သဘာဝကျတဲ့ လမ်းစဉ်တစ်ခု ဖြစ်တယ်လို့ သူက အသိအမှတ်ပြုခဲ့ပါတယ်။

အစ္စလာမ်သာသနာကို သက်ဝင်ယုံကြည်ကြောင်း ကြေငြာချက် (ရှဟာဒါ) ကိုတော့ မလေးရှားနိုင်ငံ မလာကာမြို့က ‘တရုတ်လူမျိုးများ ဗလီဝတ်ကျောင်းတော်’ မှာ ပြီးခဲ့တဲ့နှစ် ဧပြီလက ထွက်ဆိုခဲ့တာဖြစ်ပါတယ်။

အဲဒီအစီအစဉ်မှာ ဗလီဝတ်ကျာင်းတော်ရဲ့ အကြံပေး တန်ဆရီ ရာဟင် တမ်ဘီ ချစ်က်၊ မလေးရှားတရုတ်မွတ်စလင်အသင်း မလာကာအဖွဲ့ခွဲ ဥက္ကဌ လင်မ် ဆွန် ဂျူး၊ မလာကာ ဗလီဝတ်ကျောင်းတော်ဥက္ကဌ ဒါတွတ် ယာကွဘ် မိုဟာမက် အေမင်နဲ့ မလာကာ မွဖ်သီချုပ် ဒေါက်တာ မိုဟာဒစ် ယာဆင်တို့က သက်သေအဖြစ် ပါဝင်ခဲ့ပါတယ်။

“ကျွန်တော်တို့ရဲ့ အဓိက လုပ်ဆောင်ရမှာက သူ့အနေနဲ့ အစ္စလာမ်ကို နက်နက်နဲနဲ သိရှိနိုင်ရေး လမ်းညွှန်ပေးဖို့ပါပဲ။ ပထမဆုံး သူ့ကို မန်ဒရီယန်ဘာသာစကား (တရုတ်ပြည်မစကား) ကို ကျွန်တော်တို့ သင်ပေးတယ်။ ဘာ့ကြောင့်လည်းဆိုတော့ သူဟာ မလေးလိုရော၊ အင်္ဂလိပ်လိုရော ကောင်းကောင်း မပြောတတ်လို့ပါ။ စိတ်တော့ ရှည်ရတာပေါ့လေ” လို့ ဆွန် ဂျူးက ပြောကြားခဲ့ပါတယ်။

အဲဒီအခမ်းအနားအပြီး သတင်းစာရှင်းလင်ပွဲမှာ တမ်ဘီချစ်က ၁၉၉၀ ခုနှစ်ကတည်းက ယနေ့အချိန်အထိ (၂၀၁၅ ခုနှစ် ဧပြီလအထိ) အစ္စလာမ်ဘာသာကို ပြောင်းလဲသက်ဝင်ခဲ့တဲ့ တရုတ်လူမျိုး အရေအတွက်ဟာ စုစုပေါင်း ၇၉၀ လောက် ရှိတယ်လို့ ပြောကြားခဲ့ပါတယ်။

Ref: muslimcouncil.org.hk

September 8, 2016