သြဂုတ် ၁၊ ၂၀၁၆
M-Media
– တည်ဆဲဥပဒေအရ ဘာသာရေးဆိုင်ရာနေရာများတွင် ခွင့်မပြုချက်မလိုဘဲ တရားဟောနိုင်သော်လည်း ရန်ကုန်မြို့ရှိ ဗလီဝတ်ကျောင်းတော်များ တွင် တရားဟောကြားသည့် ပါကစ္စတန်နိုင်ငံသား ၂ ဦးကို မြန်မာအာဏာပိုင်များက ထိန်းသိမ်းထားသည်ဟု သိရသည်။
.
အစ္စလာမ်ဘာသာရေးအဖွဲ့မှ တာဝန်ရှိသူများကမူ အဆိုပါ ပါကစ္စတန်နိုင်ငံသား ၂ ဦးမှာ ဗလီဝတ်ကျောင်းတော် အနည်းငယ်ကို သွားရောက်ကာ တရားဟောကြားခဲ့ခြင်းသာဖြစ်ပြီး အစိုးရ၏ ယခုလုပ်ရပ်မှာ လွတ်လပ်စွာ ၀တ်ပြုဆုတောင်းခွင့်ကို ဖိနှိပ်ချုပ်ချယ်ခြင်းဖြစ်သည်ဟု ပြောကြားခဲ့သည်။
.
ရန်ကုန်ရဲတပ်ဖွဲ့မှ တာဝန်ရှိသူက ထိန်းသိမ်းခံထားရသူများမှာ အသက် ၆၃ နှစ်အရွယ်ရှိ အဟ်မဒ် ဇူလ်ဖီကာရ်နှင့် ၎င်း၏သား အသက် ၂၉ နှစ်အရွယ် အဟ်မဒ် ဆိုက်ဖွလ္လာဟ်တို့ဖြစ်ပြီး ဇူလိုင်လ ၂၆ ရက်နေ့က ရောက်ရှိလာပြီးနောက် ပန်းပဲတန်း၊ ကျောက်တံတားနှင့် မင်္ဂလာတောင်ညွှန့်မြို့နယ်များရှိ ဗလီဝတ်ကျောင်းတော်များတွင် အာဏာပိုင်များထံမှ ခွင့်ပြုချက်မတောင်းဘဲ တရားဟောကြားမှု ပြုလုပ် ခဲ့ခြင်းကြောင့် ဖမ်းဆီးထားကြောင်း ပြောကြားခဲ့သည်။
.
“သူတို့က နိုင်ငံထဲကို အလည်အပတ်ဗီဇာနဲ့ လာရောက်တာပါ။ ဗီဇာရဲ့ စည်းမျဉ်းဥပဒေတွေအရ တရားဟောခွင့်မရှိပါဘူး။ စစ်ဆေးဖို့အတွက် သူတို့ကို မြို့နယ်ရဲစခန်းမှာ စနေနေ့က ထိန်းသိမ်းထားပါတယ်” ဟု မီဒီယာသို့ ပြောရေးဆိုခွင့်မရှိသောကြောင့် အမည်မဖော်လိုသည့် ရဲတပ်ဖွဲ့ဝင်တစ်ဦးက ပြောကြားခဲ့သည်။
.
ထို့ပြင် ၎င်းတို့ ၂ ဦးမှာ လူဝင်မှုကြီးကြပ်ရေးဥပဒေကို ချိုးဖောက်သည့်အတွက်ကြောင့် ထောင်ဒဏ် ၆ လ သို့မဟုတ် ငွေဒဏ်၊ သို့မဟုတ် ဒဏ်နှစ်ရပ်စလုံး ကျခံရနိုင်ကြောင်း၊ သို့သော်လည်း ရန်ကုန်ရှိ ပါကစ္စတန်သံရုံးနှင့် ညှိနှိုင်းဆွေးမှုပြီးနောက် ပြည်နှင် ဒဏ်ပေးခံရဖွယ် ရှိကြောင်း ၎င်းက ထပ်လောင်း ပြောကြားခဲ့သည်။
.
မြန်မာနိုင်ငံရှိ အစ္စလာမ်ဘာသာရေးအဖွဲ့မှ တာဝန်ရှိသူတစ်ဦးကမူ ဖမ်းဆီးခံရသူ ၂ ဦးတွင် တစ်ဦးမှာ အစ္စလာမ်ဓမ္မပညာရှင် တစ်ဦးဖြစ်ပြီး ရန်ကုန်ရှိ ဗလီဝတ်ကျောင်းတော်များကို သွားရောက်ခဲ့ခြင်းဖြစ်ကာ မည်သည့်အမှားမှ မကျူးလွန်ခဲ့ဟု ဆိုသည်။
.
“သူတို့က အစ္စလာမ်ဘာသာဝင်တွေပါ။ ဒါ့ကြောင့် ဗလီကိုသူတို့သွားတယ်။ မြန်မာမွတ်စလင်တွေနဲ့ အတူတူဝတ်ပြုတယ်။ ၀တ်ပြုသူတွေက တောင်းဆိုတာကြောင့် တရားနည်းနည်းပါးပါးဟောပါတယ်” ဟု မြန်မာနိုင်ငံ အစ္စလာမ်သာသနာရေးကောင်စီမှ အတွင်းရေးမှူးဖြစ်သူ ဦးတင်မောင်သန်းက ပြောကြားခဲ့သည်။
.
သာသနာရေးနှင့် ယဉ်ကျေးမှုဝန်ကြီးဌာန မြို့နယ်အဆင့် တာဝန်ရှိသူများကမူ ၎င်းတို့ ၂ ဦး ဗလီဝတ်ကျောင်းတော်သို့ သွားရောက်မှုများကို တားဆီးပေးရန် ကောင်စီအား တောင်းဆိုခဲ့သည်ဟု ဦးတင်မောင်သန်းက ထည့်သွင်းပြောဆိုခဲ့သည်။
.
“တရားဟောဖို့အတွက် အာဏာပိုင်ဆီက သီးသန့်ခွင့်ပြုချက်မလိုပါဘူး။ ဗလီဝတ်ကျောင်းတော်တွေမှာဝတ်ပြုတာ၊ တရားဟောတာတွေဟာ မွတ်စလင်တွေရဲ့ အခွင့်အရေးလေဗျာ” ဟု ဆိုပြီး ယခုကဲ့သို့ တောင်းဆိုမှုမှာ ဘာသာရေးဖိနှိပ်မှု ပုံစံတစ်ခုဖြစ်သည်ဟု ပြောကြားခဲ့သည်။
.
Ref: Anadolu Agency
