Author: Ko Lay

ဇူလိုင် ၂၄၊ ၂၀၁၆
M-Media

– မြန်မာ၊ ဘင်္ဂလားဒေ့ရ်ှနှင့် အိန္ဒိယ ၃ နိုင်ငံအောက်တွင်ရှိပြီး နှစ်ပေါင်း ၄၀၀ ခန့် မလှုပ်မရှားရှိခဲ့သည့် မြေလွှာချပ်ကြီးမှာ လှုပ်ရှားကာ ၉.၀ မဂ္ဂနီကျုရှိ အင်အားပြင်းငလျင်ကို ဖြစ်ပေါ်စေနိုင်သည်ဟု အမေရိကန်ရှိ ကိုလံဘီယာတက္ကသိုလ်မှ ဘူမိဗေဒပညာရှင်များ၏ လေ့လာမှုအရ သိရသည်။

လှုတ်ခတ်နိုင်သည့် ငလျင်မှာ ဂျပန်နိုင်ငံတွင် ၂၀၁၁ ခုနှစ်က လှုပ်ခတ်ခဲ့သည့် ငလျင်နှင့် ဆင်တူသော ‘အင်အားပြင်းငလျင်’ (Megathrust fault) ငလျင်မျိုး ဖြစ်နိုင်ပြီး အိန္ဒိယနိုင်ငံ အနောက်မြောက်ပိုင်း၊ မြန်မာနိုင်ငံ အနောက်မြောက်ပိုင်းနှင့် ဘင်္ဂလားဒေ့ရှ် နိုင်ငံတို့တွင် လှုပ်ခတ်နိုင်ဖွယ်ရှိသည်ဟု လေ့လာမှုမှ ရရှိသည့် အချက်အလက်များကို Nature Geosciences ဂျာနယ်တွင် ဖော်ပြထားသည်။

ချင်းပြည်နယ် တောင်တန်းများအောက်တွင် ရှိနေသည်ဟု ယုံကြည်ရသည့် အဆိုပါ ‘အိန္ဒိယမြေလွှာချပ်’ (India Plate) ကြီးမှာ မည်သည့်အချိန်တွင် လှုပ်ရှားမည်ကို ခန့်မှန်းပြောဆိုနိုင်မည့်နည်းလမ်းမျိုး မရှိပေ။

“ဒီမြေပြင်ချပ်ကြီးက မြေငလျင်တစ်ခုအနေနဲ့သာ ရွေ့လျားသွားမလားဆိုတာ ဘယ်သူမှ အတိအကျ မပြောနိုင်ပါဘူး။ ဒါကို ဖြစ်မယ်၊ မဖြစ်ဘူဆိုတာ သက်သေပြဖို့လည်း အချက်အလက် မရှိပါဘူး” ဟု အိန္ဒိယနိုင်ငံ၏ အမျိုသား ဘူမိဗေဒသုတေသနအသင်းမှ ဘူမိဗေဒပညာရှင် ဗီးနတ် ဂါဟာလွတ်က ပြောကြားခဲ့သည်။

ရန်ကုန်ရှိ မြန်မာ မြေငလျင်ကော်မတီမှ တာဝန်ရှိသူတစ်ဦးကလည်း ထိုသုတေသနအား လေ့လာနေသည်ဟု ပြောကြားခဲ့သည်။

“ကျွန်မတို့ကော်မတီအနေနဲ့ကတော့ ဒီသုတေသနက ထွက်ပေါ်လာတဲ့ သတိပေးချက်ဟာ ဖြစ်နိုင်လား၊ မဖြစ်နိုင်ဘူးလားဆိုတာကို အတိအကျ မပြောနိုင်ပါဘူး။ သမိုင်းဆိုင်ရာ ရရှိထားတဲ့ အချက်အလက်တွေအရတော့ ပြင်းအား ၉ လောက်ရှိတဲ့ ငလျင်ကြီးတွေ မြန်မာနိုင်ငံမှာ တစ်ခါမှ မဖြစ်ဖူးပါဘူး” ဟု အငြိမ်းစား ဘူမိဗေဒပညာရှင် ဒေါ်လှလှအောင်က ပြောကြား ခဲ့သည်။

မြန်မာနိုင်ငံမှာ ပြီးခဲ့သည့်နှစ်များတွင်း ငလျင်ငယ်များကို ကြုံတွေ့ခဲရပြီး ၂၀၁၂ ခုနှစ်က မန္တလေးတွင် ဖြစ်ပွားခဲ့သည့ ငလျင်တစ်ခုတွင် လူပေါင်း ၂၆ ဦး သေဆုံးခဲ့သည်။

Ref: yangon.coconuts