ဇူလိုင် ၁၉၊ ၂၀၁၆
M-Media
– ပြီးခဲ့တဲ့တစ်ပတ်က ပြင်သစ်နိုင်ငံ Nice မြို့မှာ တော်လှန်ရေးအခမ်းအနား ကျင်းပနေစဉ်အတွင်း လူတစ်ဦးက ထရပ်ကားနဲ့ လူအုပ်ထဲကို ၀င်တိုက်ခဲ့လို့ လူ ၈၀ ကျော် သေဆုံးခဲ့ပါတယ်။
ဒီတိုက်ခိုက်မှုကို တူနီးရှားနွယ်ဖွား ပြင်သစ်နိုင်ငံသားတစ်ဦးက ပြုလုပ်ခဲ့တာဖြစ်ပြီး ပြင်သစ်ရဲတပ်ဖွဲ့ကတော့ သူဟာ မကြာသေးခင်ကမှ အစွန်းရောက်တွေရဲ့ သိမ်းသွင်းတာကို ခံလိုက်ရတာလို့ ပြောကြားခဲ့ပါတယ်။
အဲဒီတိုက်ခိုက်မှုအတွင်း သေဆုံးသူတွေထဲမှာ ပြင်သစ်မွတ်စလင်တွေ တော်တော်များများလည်း ပါဝင်ခဲ့ပါတယ်။ အသက် ၄၂ နှစ်အရွယ် ကလေး ၄ ယောက်မိခင် မွတ်စလင်အမျိုးသမီး အလ်ဒီဂျာ ဘူဇူအစ်သေဆုံးမှုကိုတော့ မိသားစုက တိုက်ခိုက်မှု ဖြစ်ပွားအပြီး ၃ ရက်အကြာမှ သိရှိခဲ့တာပါ။
ဒီကိစ္စကို ကြားကြားချင်းပဲ မိသားစုဟာ ယူကြုံးမရ ဖြစ်ခဲ့ရပြီး တစ်ကယ်လို့ တိုက်ခိုက်သူဖြစ်တဲ့ Mohamed Lahouaiej-Bouhlel ကို မျက်နှာချင်းဆိုင်တွေ့ခဲ့ရင် ဘာပြောမလဲလို့ မေးမြန်းတဲ့အခါမှာ ဘူဇူအစ်ရဲ့ အစ်ကိုနဲ့ မောင်ဖြစ်တဲ့ ဘီလာလ်နဲ့ မဟ်ဒီတို့က အခုလို့ ဖွင့်ဟခဲ့ပါတယ်။
“ကျွန်တော့်မှာ ညီအမ ၆ ယောက်ရှိပါတယ်။ ဒါပေမယ့် အခုတော့ ၅ ယောက်ပဲကျန်တော့တာပေါ့ဗျာ။ ဘူဇူအစ်က အကြီးဆုံးပါ။ သူဟာ မိသားစုထဲမှာ ပျော်ပျော်နေတတ်ဆုံးသူပါပဲ။ အခုတော့ ခင်ဗျားတို့က သူ့ကို သတ်ပစ်လိုက်ကြတယ်။ အခု မျက်နှာမထောက်ပဲပြောရရင် ခင်ဗျားဟာ မွတ်စလင်အယောင်ဆောင်ပါပဲ။ ကျုပ်ပြောချင်တာဒါပါပဲ” လို့ မဟ်ဒီက ဆိုပါတယ်။
အစ်ကိုဖြစ်သူ ဘီလာလ်ကလည်း အကြမ်းဖက်သမားတွေအနေနဲ့ ကုရ်အာန်ကျမ်းတော်မြတ်ကို ဖတ်ပါလို့ တိုက်တွန်းချင်ကြောင်း ပြောကြားခဲ့ပါတယ်။
“အဲဒီအကြမ်းဖက်သမား ကျွန်တော့်အရှေ့မှာရှိမယ်ဆိုရင် ကျွန်တော်က ‘မင်း ကုရ်အာန်ကို သွားဖတ်ကြည့်စမ်းပါကွာ’ လို့ ပြောမှာပါ။ ကုန်အာန်ကို ဖတ်တဲ့သူ၊ မွတ်စလင်ပီသတဲ့သူဆိုရင် အပြစ်မဲ့တဲ့သူတွေကို သတ်ဖို့ဆိုတာ ဘယ်လို့မှ မဖြစ်နိုင်ပါဘူး။ ဒီလူ (နိုက်စ်တိုက်ခိုက်မှုကို ပြုလုပ်သူ) ဟာ မွတ်စလင်မဟုတ်ပါဘူး။ သူဟာ ဘုရားလည်း ၀တ်မပြုပါဘူး။ သူက မွတ်စလင်တစ်ယောက်လို့ ကျွန်တော် မထင်ပါဘူး။ သူဟာ အရူးတစ်ယောက်သာ ဖြစ်မှာပါ။ ဒီသတ်ဖြတ်မှုကို လုပ်တဲ့သူဟာ အာရပ်တစ်ယောက်ဖြစ်တယ်ဆိုတာကို လက်ခံပါတယ်။ ဒါပေမယ့် သူဟာ အစ္စလာမ်ကြောင့်ဖြစ်တဲ့ အကြမ်းဖက်သမားတော့ မဟုတ်ပါဘူး” လို့ ဘီလာလ်က ဆိုပြီး အသားရောင်ကြောင့်၊ ဘာသာတရားကြောင့် စစ်တိုက်နေတာတွေကို ရပ်တန်ဖို့နဲ့ တစ်ဦးယောက်ကို အကြောင်းပြုပြီး မွတ်စလင်တွေနဲ့ အစ္စလာမ်သာသနာအပေါ် အပြစ်တင်တာတွေ ရပ်တန့်ဖို့အတွက် တစ်ကမ္ဘာလုံးက ညီညွတ်သင့်ကြောင်း ထည့်သွင်းပြောကြားခဲ့ပါတယ်။
နိုက်စ်တိုက်ခိုက်မှုကို ပြုလုပ်ခဲ့တဲ့ Mohamed Lahouaiej-Bouhlel ဟာ အစ္စလာမ်သာသနာကို လက်တွေ့လိုက်နာကျင့်သုံးတဲ့ မွတ်စလင်မျိုးမဟုတ်ဘဲ အပျော်အပါးလိုက်စားသူ၊ အရက်သေစာသောက်သုံးသူတစ်ဦး ဖြစ်တယ်လို့ ပြင်သစ်သီတင်းတွေက ဖော်ပြခဲ့ကြပါတယ်။
Ref: BBC
