Author: Ko Lay

ဇူလိုင် ၁၇၊ ၂၀၁၆
M-Media

– ဒီနှစ်ကုန်မှာ ကျင်းပမယ့် သမ္မတရွေးကောက်ပွဲမှာ ရီပက်ဘလစ်ကန်ပါတီ ကိုယ်စားပြု ယှဉ်ပြိုင်မယ့် ဒေါ်နယ်ထရမ့်ရဲ့ တိုင်းပြည်အတွက် သဘောထားကို ဆန့်ကျင်ရှုတ်ချတဲ့ အိပ်ဖွင့်ပေးစာတစ်စောင်ကို အမေရိကန် ထိပ်တန်း နည်းပညာရှင်များနဲ့ လုပ်ငန်းရှင်များက ထုတ်ပြန်လိုက်ပါတယ်။

ယင်းအိတ်ဖွင့်ပေးစာကို Yelp ကုမ္ပဏီ အမှုဆောင်ချုပ် ဂျယ် ရီမီ စတော့ပဲလ်မန်၊ Tumblr ကုမ္ပဏီအမှုဆောင်ချုပ် ဒေးဗစ်ကာ့ပ်၊ Apple တွဲဖက်တည်ထောင်သူ စတီဗ် ဝေါ့ဇ်နီအက်၊ Facebook တွဲဖက်တည်ထောင်သူ ဒက်စ်တင် မော်စကိုဗစ်ဇ်၊ Twitter တွဲဖက်တည်ထောင်သူ အီဗ် ၀ီလီယံနဲ့ Reddit တွဲဖက်တည်ထောင်သူ အလက်ဇစ် အိုဟာနီယန်တို့အပါအ၀င် နည်းပညာကုမ္ပဏီတွေက အုပ်ချုပ်သူ ၁၄၅ ယောက်က လက်မှတ်ရေးထိုးခဲ့ကြပါတယ်။

“အခွင့်အလမ်းတွေ၊ ဖန်တီးနိုင်စွမ်းတွေနဲ့ လွတ်လပ်စွာ လုပ်ကိုင်ဆောင်ရွက်ခွင့်ပေးမယ့် နိုင်ငံတစ်ခုကိုပဲ ကျွန်တော်တို့ ယုံကြည်ပါတယ်။ ဒီအရာတွေကို ဒေါ်နယ်ထရမ့် ဆောင်ကျဉ်းပေးနိုင်မှာ မဟုတ်ပါဘူး” လို့ အိတ်ဖွင့်ပေးစာမှာ ရေးသားထားပြီး ဒေါ်နယ်ထရမ့်ရဲ့မဲဆွယ်မှုဟာ ဒေါသနဲ့ တယူသန်နိုင်လွန်းပြီး အတွေးအခေါ်အသစ်နဲ့ လူသစ်တွေကို ကြောက်ရွံ့မှုပေါ် အခြေခံထားတာဖြစ်ကြောင်း၊ သူရဲ့သဘောထားတွေဟာ လူတွေ လွပ်လပ်စွာ လှုပ်ရှားနိုင်ခွင့်နဲ့ အတွေးအခေါ်တွေ လွတ်လွတ်လပ်လပ် ဖလှယ်နိုင်မှုကို ဆန့်ကျင်နေကြောင်း ထည့်သွင်းဖော်ပြထားပါတယ်။

“တီထွင်ဖန်တီးနိုင်ရေးအတွက် ထရမ့်ပ်ဟာ ဆူးညောင့်ခလုတ် တစ်ခုပါပဲ” လို့ စာထဲမှာ ရေးသားထားပါတယ်။

နောက်ပြီး ထရမ့်ရဲ့ လူဝင်မှုကြီးကြပ်ရေးသဘောထားကိုလည်း ရှုတ်ချထားပြီး မတူကွဲပြားမှုတွေက နည်းပညာလောကမှာ အတွေးအခေါ်အသစ်တွေကို ဖန်တီးမောင်းနှင်ပေးတယ်လို့ တုန့်ပြန်ရေးသားထားပါတယ်။

ပြီးတော့ မိမိတို့အနေနဲ့ ပြောင်းရွှေ့အခြေချသူတွေအပေါ် သဘောထားကြီးကြီးထားနိုင်ပြီး၊ ပိုမိုစည်းလုံးညီညွတ်တဲ့ တန်းတူညီမျှ အခွင့်အရေးရရှိနိုင်တဲ့ နိုင်ငံတစ်ခုကို ဖော်ဆောင်ဖို့ စိတ်အားထက်သန်တဲ့ သမ္မတလောင်းကိုသာ အလိုရှိတယ်လို့လည်း နိဂုံးချုပ် ရေးသားဖော်ပြထားပါတယ်။

Ref : IINA