Author: Ko Lay

မေ ၂၇၊ ၂၀၁၆
M-Media

– အမေရိကန်ပြည်ထောင်စု မြောက်ကယ်ရိုလိုင်းနားပြည်နယ်ရှိ Duke ကင်ဆာအသင်းက ကြွက်တွေနဲ့ပြုလုပ်တဲ့ လေ့လာမှုတစ်ခုအတွင်း ရင်သားကင်ဆာဆဲလ်တွေ ရိုးတွင်းခြင်ဆီထဲ ၀င်ရောက်ပုံးကွယ်နေခြင်းကို အောင်မြင်စွာ တားဆီးနိုင်ခဲ့တယ်လို့ သိရပါတယ်။

ကမ္ဘာတစ်ဝှမ်းက အမျိုးသမီးတော်တော်များများ ခံစားရလေ့ရှိတဲ့ အဲဒီကင်ဆာရောဂါဟာ သိရှိမှုစောမယ်ဆိုရင် ပျောက်ကင်းအောင်ကုသနိုင်ပေမယ့် နောက်ပိုင်း နှစ်အတော်ကြာတဲ့အချိန် အရိုးထဲမှာပုန်းနေတဲ့ ကင်ဆာဆဲလ်တွေဟာ ပြန်လည် ပေါ်ထွက်လာတတ်တာကြောင့် ကုသမှုမှာ အခက်အခဲတွေ့ရှိရတဲ့ ရောဂါမျိုး ဖြစ်ပါတယ်။

သေဆုံးမှုများတဲ့ အဲဒီကင်ဆာဆဲလ်ဟာ ရင်သားအပြင် အခြားအစိတ်အပိုင်းတွေမှာလည်း နေထိုင်နိုင်ပါတယ်။ သိပ္ပံပညာရှင်တွေကတော့ ရင်သားကင်ဆာကို ကုသနေစဉ်အတွင်းမှာ ကင်ဆာဆဲလ်တွေဟာ အကာအကွယ်ယူတဲ့အနေနဲ့ ရိုးတွင်းခြင်ဆီထဲ ၀င်ရောက်ဖို့အသုံးပြုတဲ့ အချက်အခြာကျတဲ့ မော်လီကျူးသင်္ကေတတစ်ခုကို တွေ့ရှိခဲ့ပါတယ်။

ဒါကြောင့် နှစ်အတော်ကြာ စမ်းသပ်စစ်ဆေးမှုတွေ ပြုလုပ်ခဲ့ပြီး ရိုးတွင်းခြင်ဆီထဲဝင်ရောက်လာတဲ့ ကင်ဆာဆဲလ်တွေကို တားဆီးနိုင်မယ့်အပြင် အရိုးထဲမှာရှိနေတဲ့ ဆဲလ်တွေကို သွေးကြောမကြီးထဲ မောင်းထုတ်ပြီး အပြတ်ရှင်းပစ်နိုင်မယ့်နည်းလမ်းတစ်ခုကိုလည်း ဖော်ထုတ်နိုင်ခဲ့ပါတယ်။

လတ်တလောမှာတော့ ကြွက်တွေမှာပဲ စမ်းသပ်ရသေးပေမယ့် မကြာခင်မှာတော့ လူသားအတွက်လည်း မျှော်လင့်နိုင်မှာ ဖြစ်ပါတယ်။ ကမ္ဘာ့ကျန်းမာရေးအဖွဲ့ချုပ်ရဲ့မှတ်တမ်းအရ ရင်သားကင်ဆာဟာ ကမ္ဘာ့အဖြစ်များဆုံး ကင်ဆာရောဂါတစ်မျိုးဖြစ်ပြီး ၂၀၁၂ အတွင်းမှာပဲ အမျိုးသမီး ၅၂၁၀၀၀ ကို သေဆုံးစေခဲ့တယ်လို့ သိရပါတယ်။

Ref: IINA