မေ ၂၈၊ ၂၀၁၆
M-Media
– မြန်မာနိုင်ငံအတွင်းရှိ ပြည်သူအားလုံးအတွက် ဘာသာရေးလွတ်လပ်ခွင့် သို့မဟုတ် လွတ်လပ်စွာ ယုံကြည်ကိုးကွယ်ခွင့်ကို ကာကွယ်ခြင်းမှာ မြန်မာနိုင်ငံက ရင်ဆိုင်နေရသည့် အကြီးမားဆုံး စိန်ခေါ်မှုများထဲမှ တစ်ခုဖြစ်သည်ဟု ကာဒီနယ် ဆရာတော် ချားလ်စ်မောင်ဘိုက ပြောကြားလိုက်သည်။
“ခွဲခြားဆက်ဆံမှုမရှိဘဲ မြန်မာနိုင်ငံက ပြည်သူအားလုံးရဲ့ အခွင့်အရေးတွေကို ကာကွယ်ဖို့၊ လူမျိုးတိုင်း၊ ဘာသာတိုင်း တူညီတဲ့အခွင့်အရေးတွေ ရရှိစေဖို့အတွက် ကျွန်တေ်ာတို့ တော်တော်လေးလုပ်ဆောင်ဖို့ လိုအပ်ပါတယ်။ ဘာသာရေး လွတ်လပ်ခွင့်၊ လွတ်လပ်စွာ ယုံကြည်ကိုးကွယ်ခွင့်ဆိုတာ လူသားတိုင်းအတွက် အခြေခံအကျဆုံး လူ့အခွင့်အရေးဖြစ်ပါတယ်”
“စစ်မှန်တဲ့ ငြိမ်းချမ်းရေးနဲ့ စစ်မှန်တဲ့ လွတ်လပ်ခွင့်ဆိုတာ မြန်မာနိုင်ငံက တိုင်းရင်းသားလူမျိုးတွေနဲ့ ဘာသာတရားတွေ မတူကွဲပြားမှုကို လေးစားရေးဆိုတဲ့ မဖြေရှင်းရသေးတဲ့ ကိစ္စအပေါ် မှီခိုနေပါတယ်။ ကိုယ်ရဲ့ ယုံကြည်မှုကို လွတ်လပ်စွာ ရွေးချယ်ခွင့်၊ ကျင့်သုံးခွင့်၊ ဖြန့်ဝေခွင့်နဲ့ ပြောင်းလဲခွင့် မရှိဘဲနဲ့တော့ လွတ်လပ်မှုလည်း ရှိမှာမဟုတ်ပါဘူး” ဟု ဆရာတော်က မေလ ၂၅ ရက်နေ့ ယူကေပါလီမန်တွင် ပြောကြားသည့် မိန့်ခွန်း၌ ထည့်သွင်း ပြောဆိုခဲ့သည်။
ထို့ပြင် လက်ရှိ တိုင်းရင်းသားဒေသများတွင် ဖြစ်ပွားနေသော ပဋိပက္ခများကလည်း အဓိက စိန်ခေါ်မှုတစ်ခုဖြစ်သည်ဟု ထောက်ပြခဲ့သည်။
“မြန်မာနိုင်ငံမှာ လူမျိုးရေးနဲ့ ဘာသာရေး ပဋိပက္ခတွေကြောင့် လူတော်တော်များများ သေဆုံးခဲ့ရပြီး အိုးအိမ်စွန့်ခွာထွက်ပြေးရသူတွေကလည်း သိန်းနဲ့ချီ ရှိနေပါတယ်”
ဘာသာရေး လွတ်လွပ်ခွင့်နှင့် လွတ်လပ်စွာ ယုံကြည်ကိုးကွယ်ခွင့်ဆိုင်ရာ ကုလသမဂ္ဂ အထူးကိုယ်စားလှယ် မြန်မာနိုင်ငံသို့ လာရောက်ရေး ဖိတ်ခေါ်ရန်လည်း ကာဒီနယ် ချားလ်စ်မောင်ဘိုက အစိုးရသစ်ကို တိုက်တွန်းခဲ့သည်။ ဘာသာကူးပြောင်းမှုနှင့် ဘာသာမတူသူများအကြား လက်ထပ်မှုအခွင့်အရေးကို ကန့်သတ်ထားသည့် မျိုးစောင့်ဥပဒေကလည်း နိုင်ငံအတွက် ဆိုးရွားသည့်အန္တရာယ် ရှိနေသည်ဟု ၎င်းက ထပ်လောင်းပြောကြားခဲ့သည်။
ဗုဒ္ဓဘာသာ အမျိုးသားရေးဝါဒ အထူးသဖြင့် အစွန်းရောက် မဘသအဖွဲ့၏ ခြိမ်းခြောက်မှုကိုလည်း ဆရာတော်က ထောက်ပြပြောကြားခဲ့ပြီး ဘာသာရေးစော်ကားမှုနှင့် ဆက်နွယ်နေသည့် ပြစ်မှုဆိုင်ရာဥပဒေပုဒ်မ ၂၉၅ အတွက်လည်း အလွန်အမင်းစိုးရိမ်မိသည်ဟု ဆိုသည်။
မြန်မာနိုင်ငံမှ ပထမဆုံး ကာဒီနယ်ဖြစ်သည့် ဆရာတော် ချားလ်စ်မောင်ဘိုမှာ ရိုဟင်ဂျာမွတ်စလင်များ၏ ဒုက္ခသုက္ခများကိုလည်း ၎င်း၏ မိန့်ခွန်းတွင် ထည့်သွင်းဖော်ပြခဲ့ပြီး၊ ၎င်းတို့၏ ထိခိုက်ခံစားရမှုများမှာ နိုင်ငံအတွက် ဆိုးရွားသည့် အမာရွတ်ဖြစ်သည်ဟု ဆိုသည်။
Ref: Worldwatchmonitor
