Author: Ko Lay

ဧပြီ ၃၊ ၂၀၁၆
M-Media

– ပိုင်နက်အငြင်းပွားမှုများ ရှိနေသည့် နာဂေါ်နို-ကာရာဘာ့ခ်ဒေသတွင် အာမေးနီးယားနှင့် အဇာဘိုင်ဂျန်တပ်ဖွဲ့များ၏ အပြန်အလှန် ပစ်ခတ်တိုက်ခိုက်မှုအတွင်း စစ်သား အနည်းဆုံး ၃၀ သေဆုံးခဲ့ပြီး ထိုအဖြစ်အပျက်အတွက် အပြန်အလှန် အပြစ်တင်နေကြသည်။

အဆိုပါတိုက်ခိုက်မှုမှာ သောကြာနေ့ကတည်းက စတင်ဖြစ်ပွားခဲ့ခြင်းဖြစ်ပြီး အဇာဘိုင်ဂျန်က ယမန်နေ့တွင် ထုတ်ပြန်သော ကြေငြာချက်၌ အာမေးနီးယားတပ်ဖွဲ့များမှာ ၎င်းတို့၏စစ်သား ၁၂ ဦးကို သတ်ဖြတ်ခဲ့ကာ ရဟတ်ယာဉ်တစ်စင်းကို ပစ်ချခဲ့သည်ဟု ဖော်ပြထားသည်။

အာမေးနီးယားသမ္မတ ဆာ့ဇ် ဆာကီစီယန်ကမူ မိမိတို့၏ စစ်သား ၁၈ ဦး သေဆုံးခဲ့ပြီး ၃၅ ဦး ဒဏ်ရာရရှိသည်ဟု ပြောကြားခဲ့သည်။ သို့သော်လည်း ထိုသေဆုံးသွားသူများမှာ ကာရာဘာ့ခ်ဒေသရှိ ခွဲထွက်ရေးသမားများလား သို့မဟုတ် အာမေးနီးယားစစ်တပ်မှ ဖြစ်သည်လား ဆိုသည်ကို ဖော်ပြခဲ့ခြင်းမရှိချေ။

တိုက်ခိုက်မှုများဖြစ်ပွားရခြင်းအတွက် အဇာဘိုင်ဂျန်နှင့် အာမေးနီးယားတို့က အပြန်အလှန်ပြစ်တင်နေကြပြီး ရုရှားသမ္မတ ဗလာဒီမီရ် ပူတင်ကမူ နှစ်ဖက်စလုံး တိုက်ခိုက်မှုရပ်ရန် တိုက်တွန်းခဲ့သည်။

အမေရိကန်နိုင်ငံခြားရေးဝန်ကြီး ဂျွန်ကယ်ရီကလည်း ကြေငြာချက်တစ်စောင် ထုတ်ပြန်ခဲ့ပြီး အပစ်ရပ်ရေး သဘောတူညီချက်ကို ချိုးဖောက်မှုအတွက် ပြင်းပြင်းထန်ထန် ရှုတ်ချသည်ဟု ပြောကြားခဲ့သည်။

အဆိုပါ နာဂေါ်နို-ကာရာဘာ့ခ်ဒေသမှာ အာမေးနီးယားနှင့် အဇာဘိုင်ဂျန်တို့၏ စစ်ပွဲပြီးဆုံးသည့် ၁၉၉၄ ခုနှစ်ကတည်းက အာမေးနီးယားစစ်တပ်နှင့် ခွဲထွက်ရေးသမားများ၏ ထိန်းချုပ်မှုအောက်တွင် ရှိခဲ့ပြီး ပိုင်နက်အငြင်းပွားမှုအတွက် ဆွေးနွေးညှိနှိုင်းမှုများ ပြုလုပ်ခဲ့သော်လည်း ပြေလည်ခြင်းမရှိပေ။

Ref : Aljazeera