မတ် ၅၊ ၂၀၁၆
M-Media
– မွတ်စလင်အမျိုးသမီးတွေအနေနဲ့ ဟီဂျဘ်ကို ဘယ်လို လုံလုံခြုံခြုံ၊ စတိုင်ကျကျ ၀တ်ဆင်နိုင်တယ်ဆိုတာနဲ့ ပတ်သက်လို့ ကနေဒါမွတ်စလင်အမျိုးသမီးတစ်ဦးက ဆိုရှယ်မီဒီယာတွေကို အသုံးပြုကာ မျှဝေမှုတွေ ပြုလုပ်နေပြီး အောင်မြင်မှုတွေလည်း ရရှိနေတယ်လို့ သိရပါတယ်။
တိုရွန်တိုမြို့က ဆာမန် မူနီရ်လို့ခေါ်တဲ့ ကလေးသုံးယောက် မိခင်ဖြစ်ပြီး You Tube၊ Facebook နဲ့ Instagram တို့ကို အသုံးပြုကာ ၂၀၁၁ ခုနှစ်ကတည်းက ဟိဂျဘ်ဝတ်ဆင်ပုံ အမျိုးမျိုးကို လွှင့်တင်မျှဝေခဲ့တာ ဖြစ်ပါတယ်။ သူမကတော့ လုံခြုံ၊ လှပပြီး စတိုင်ကျတဲ့ ဟီဂျဘ်မျိုး ဘယ်လိုဝတ်ရမလဲဆိုတာ မွတ်စလင်အမျိုးသမီးတွေကို ပြသချင်တယ်လို့ ပြောကြားခဲ့ပါတယ်။
“ကျွန်မက ဖက်ရှင်တွေကို နှစ်သက်တယ်လေ။ ဆိုရှယ်မီဒီယာတွေကနေလည်း လူတော်တော်များများ အားကျလာအောင် လုပ်နိုင်ပါတယ်။ Dolce နဲ့ Gabbana ကုမ္ပဏီတွေက သူတို့ရဲ့ ဟီဂျဘ်ဖက်ရှင်ဒီဇိုင်းတွေကို မကြာသေးမီက ထုတ်ဖော်ပြသလိုက်တဲ့အချိန်မှာ ကျွန်မ သိပ်ပျော်ပြီး၊ သိပ်လည်း အထင်ကြီးခဲ့ပါတယ်။ နောက်ဆုံးမှာ တကယ့် ဒီဇိုင်နာတွေကလည်း မွတ်စလင်တွေအတွက် ဒီဇိုင်း ဖန်တီးပေးခဲ့ကြပါပြီ။ ဒါက ကျွန်မတို့ကို ဖက်ရှင်လောကထဲမှာ ပါဝင်စေလိုက်တာ ဖြစ်ပါတယ်” လို့ Malaysia Chronicle နဲ့ အင်တာဗျူးမှာ ပြောကြားခဲ့ပါတယ်။
သူမရဲ့ ဟီဂျဘ်ဖက်ရှင်မျှဝေမှု ဆိုရှယ်စာမျက်နှာမှာ ပရိတ်သတ်ပေါင်း သန်းဝက်လောက်ရှိပြီး သူမလုပ်နေတာတွေက ဟီဂျဘ်ဝတ်ဆင်တာကို လေးစားအားကျစေဖို့ ဖြစ်တယ်လို့ ဆိုပါတယ်။
“ကျွန်မဟာ ဟီဂျဘ်ကို ၀တ်ရုံသက်သက်မဟုတ်ဘဲ မိမိကိုယ်ကိုယ် ယုံကြည်မှုရှိလာစေဖို့နဲ့ သူများတွေ လေးစားအား ကျလာစေချင်တာကြောင့် ဒီလို လုပ်ဆောင်နေတာ ဖြစ်ပါတယ်”
အဲဒီလို မျှဝေမှုတွေအတွင်းမှာ အဖျက်သဘောဆောင်တဲ့ မှတ်ချက်တွေ ရရှိတာမျိုးလည်း ရှိခဲ့တယ်လို့ သူမက ဖွင့်ဟခဲ့ပါတယ်။
“ပထမတော့ တော်တော်လေး စိတ်ဆိုးမှာပေါ့။ ဒါပေမယ့် အသက်ပြင်းပြင်းတစ်ချက်ကို ရှုထုတ်ပြီး ကျောခိုင်းလိုက်တာ အကောင်းဆုံးပါပဲ။ ဒါမျိုးက တစ်ခါတစ်ရံမှာ မနာလိုဝန်တိုမှုကြောင့် ဒါမှမဟုတ် ဟီဂျဘ်ဝတ်ဆင်တာကို အရင်က အမြင်တစ်မျိုးနဲ့ မြင်ခဲ့တာကြောင့် ဖြစ်ပါလိမ့်မယ်” လို့ မူနီရ်က ပြောကြားခဲ့ပါတယ်။
ဒါပေမယ့် အများစုကတော့ သူမရဲ့လုပ်ဆောင်ချက်တွေကို အကောင်းမြင်ခဲ့ပြီး၊ တစ်ချို့အမျိုးသမီးတွေဆိုရင် မူနီရ်ရဲ့ ဟီဂျဘ်ဒီဇိုင်းတွေ မျှဝေမှုကြောင့် သူတို့တွေအနေနဲ့ ဟီဂျဘ်ကို ယုံကြည်မှုရှိရှိ ၀တ်လာနိုင်ကြတယ်လို့ ဖွင့်ဟတာမျိုးတွေ ရှိတယ်လို့ ဆိုပါတယ်။
“တစ်ခါတစ်လေမှာ မွတ်စလင်မဟုတ်သူတွေကတောင် ကျွန်မရဲ့ စတိုင်တွေကို အားကျပြီး၊ မက်ဆေ့ကနေ အားပေးတာမျိုးတွေ ရှိပါတယ်။ ကျွန်မ ဟီဂျဘ်ဝတ်ဆင်တဲ့စတိုင်မျိုးကို သူတို့ကြိုက်တယ်။ သူတို့လည်း ဒါမျိုး ၀တ်ချင်တယ် စသဖြင့်ပေါ့လေ”
၂၀၁၁ ခုနှစ်ကစတင်ကာ စတိုင်ကျကျ ဟီဂျဘ်ဒီဇိုင်းတွေကို ဆိုရှယ်မီဒီယာတွေကနေ မျှဝေတာဟာ အွန်လိုင်းပေါ်မှာ ဟီဂျဘ်စတိုင်နဲ့ပတ်သက်ပြီး ကြည့်ရှုစရာ များများစားစား မရှိတာကြောင့်ဖြစ်တယ်လို့လည်း သူမက ဆိုပါတယ်။
“ဒီဇိုင်းဆန်းဆန်းလေးတွေများ တစ်ယောက်ယောက်က ပြကြမလားဆိုပြီး ၃ နှစ်လောက် စောင့်ခဲ့ပေမယ့် ဘာမှကို မတွေ့ပါဘူး။ ဟီဂျဘ်ဝတ်ဆင်တဲ့ပုံစံကို လိုက်ပြီး ရုပ်ကလည်း ပြောင်းလဲပါတယ်။ အဲဒီဟီဂျဘ်မှာ အဆင်တန်ဆာလေးတွေလည်း ထပ်ထည့်နိုင်ပါတယ်။ အရောင်စုံ၊ အသွေးစုံ ထည့်လိုက်တဲ့အခါ အံ့သြစရာ ဒီဇိုင်းဆန်းဆန်းလေးတွေ ဖြစ်သွားပါတယ်”
အခုအချိန်မှာတော့ မူနီရ်ဟာ သူမရဲ့ ကိုယ်ပိုင်ဟီဂျဘ်ဒီဇိုင်းတွေကို ရောင်းချမှုတွေ ပြုလုပ်နေပြီး ကမ္ဘာတစ်ဝှမ်းကိုလည်း ဒီဇိုင်းပေါင်းများစွာ ဖြန့်ဝေနေပါတယ်။ သူမရဲ့ ပရိတ်သတ်တွေကတော့ အွန်လိုင်းမှာတင်မဟုတ်တော့ပါဘူး။
“သမီးက – ‘သမီးလည်း အမေ့လိုဖြစ်ချင်လိုက်တာ’ လို့ ပြောပါတယ်။ ဒါပေမယ့် ကျွန်မကတော့ သမီးနည်းနည်း အသက်ကြီးဖို့ လိုအပ်တယ်လို့ ပြန်ပြောခဲ့ပါတယ်”
Ref: IINA
