စက်တင်ဘာ ၂၅၊ ၂၀၁၅
M-Media
– နိုင်ငံအတွင်းရှိ လိင်တူချစ်သူများနှင့် ပတ်သက်သည့် အခွင့်အရေးအား ဆွေးနွေးရန်အတွက် ရုရှားသမ္မတ ပလာဒီမီရ်ပူတင်မှာ နာမည်ကျော် လိင်တူချစ်သူ အဆိုတော် အဲလ်တန်ဂျွန်နှင့် တွေ့ဆုံသွားမည်ဟု သိရသည်။
ပြီးခဲ့သည့်တစ်ပတ်က ရုရှားမှ လိင်တူချစ်သူ လူရွှင်တော် ၂ နှစ်ဦးမှာ အသက် ၆၈ နှစ်အရွယ်ရှိ အင်္ဂလိပ်တေးရေးဆရာနှင့် အဆိုတော် ဂျွန်ကို သမ္မတပူတင် ဖုန်းခေါ်ဟန်ဖြင့် နောက်ပြောင်ခဲ့သည်။ အဲလ်တန်ဂျွန်ကလည်း ထို အရွှန်းဖောက်မှုအတွက် ရယ်မောခဲ့ပြီး ထိုဖြစ်ရပ်က လိင်တူချစ်သူများအပေါ် ပြုလုပ်သည့် ခွဲခြားဆက်ဆံမှုများကို မီးမောင်းထိုးပြခြင်း ဖြစ်မည်ဟု မျှော်လင့်ကြောင်း ၎င်းက
ပြောကြားခဲ့သည်။
လူ့အခွင့်အရေး တက်ကြွလှုပ်ရှားသူတစ်ဦးဖြစ်သော အဲလ်တန်ဂျွန်မှာ ရုရှားနိုင်ငံတွင် လိင်တူချစ်သူများအား ဆက်ဆံမှုနှင့်ပတ်သက်၍ ယခင်က ဝေဖန်မှုများ ပြုလုပ်ခဲ့သည်။ ၂၀၁၃ ခုနှစ်တွင် ရုရှားမှာ လူငယ်များအကြား လိင်တူချစ်သူစိတ်ဓာတ် ၀ါဒဖြန့်မှုအား ပိတ်ပင်သည့် ဥပဒေကို ထုတ်ပြန်ခဲ့ပြီး ဂျွန်က ထိုအတွက် ရုရှားအစိုးရကို အားမနာပ ပြောဆိုခဲ့သည်။
ပူတင်၏ ပြောရေးဆိုခွင့်ရှိသူ ဒီမီထရီ ပက်စ်ကော့ဗ်ကမူ ထိုအရွှန်းဖောက်မှု ပြုလုပ်ခဲ့ပြီးနောက် ပူတင်မှာ အလ်တန်ဂျွန်သို့ အမှန်တကယ်ပင် ဖုန်းခေါ်ဆိုခဲ့ပြီး ၎င်းအနေဖြင့် လိင်တူချစ်သူများ အခွင့်အရေးနှင့်ပတ်သက်၍ ပြောဆိုဆွေးနွေးရန် အဆင်သင့်ရှိနေကြောင်း ပြောကြားခဲ့သည်ဟု ဆိုသည်။
“ပူတင်က သူ့ကို ဖုန်းခေါ်ခဲ့ပါတယ်။ ပြီးတော့ ‘တစ်ချို့ လိင်တူချစ်သူတွေက ဖုန်းကနေတစ်ဆင့် ခင်ဗျားကို လှည့်စားခဲ့တယ်ဆိုတာ ကျွန်တော်သိတယ်။ ဒါပေမယ့် စိတ်မဆိုးပါနဲ့။ သူတို့ ဒီလိုလုပ်ပေမယ့် ထိခိုက်စေလိုတဲ့ဆန္ဒ မရှိပါဘူး’ လို့ ပူတင်က ပြောခဲ့ပါတယ်” ဟု ပက်စ်ကော့ဗ်က ပြောကြားခဲ့သည်။
ထို့ပြင် ဂျွန်မှာ လူကြိုက်များသည့် အနုပညာရှင်တစ်ဦးဖြစ်ပြီး အကယ်၍ ၎င်းတို့နှစ်ဦး တွေ့ဆုံရန်အချိန် အဆင်ပြေပါက ဂျွန်စိတ်ဝင်စားသည့်ကိစ္စအား မိမိက ဆွေးနွေးရန် အဆင်သင့်ဖြစ်နေသည်ဟု ပူတင်က ဖုန်းခေါ်ဆိုမှုတွင် ထည့်သွင်းပြောကြားခဲ့သည်။
အဲလ်တန်ဂျွန်မှာလည်း လိင်တူချစ်သူတစ်ဦးဖြစ်ပြီး ၎င်း၏ ကျော်ကြားမှုကို အသုံးပြု၍ ကမ္ဘာတစ်ဝှမ်း လိင်တူချစ်သူများအတွက် တူညီသော အခွင့်အရေး ရရှိအောင် ဆောင်ရွက်နေသူဖြစ်သည်။
ပူတင်ကမူ ၎င်းမှာ လိင်တူချစ်သူများအပေါ် မနှစ်မြို့သည့် သဘောထားများမရှိဟု ပြောကြားထားသော်လည်း တက်ကြွလှုပ်ရှားသူများက လိင်တူချစ်သူများနှင့်ပတ်သက်၍ ပူတင်ပြောကြားလေ့ရှိသည့် မှတ်ချက်များမှာ အငြင်းပွားဖွယ်များ ဖြစ်နေပြီး၊ စော်ကားသည့်သဘောများ ပါဝင်သည်ဟု ပြောကြားမှုများ ရှိနေသည်။
ပူတင်၏ ဖုန်းခေါ်ဆိုမှုကိစ္စအတွက် အဲလ်တန်ဂျွန်ဘက်က မည်သည့်မှတ်ချက်မှ မပေးသေးပေ။
Ref: Aljazeera
