စက်တင်ဘာ ၁၉၊ ၂၀၁၅
M-Media
– ခရိုအေးရှားမှ ဒုက္ခသည်များကို တင်ဆောင်လာသည့် ရထားတစ်စီးကို ဟန်ဂေရီအာဏာပိုင်များက ဖမ်းဆီးလိုက်ပြီး ရထားပေါ်တွင် ပါဝင်လာသည့် ခရိုအေးရှားရဲတပ်ဖွဲ့ဝင် ၄၀ ခန့်ကိုလည်း လက်နက်များ သိမ်းဆည်းလိုက်သည်ဟု ဟန်ဂေရီ ဘေးအန္တရာယ်ဆိုင်ရာ အကြီးအကဲ ဂျော်ဂီ ဘာကွန်ဒီက ပြောကြားလိုက်သည်။
ဒုက္ခသည် တစ်ထောင်ကျော် တင်ဆောင်လာသည့် အဆိုပါရထားမှာ ဟန်ဂေရီနယ်စပ်မြို့ မဂ်ယာဘိုလီသို့ မည်သည့်အသိပေးမှုမှမရှိဘဲ ယမန်နေ့က ရောက်ရှိလာခြင်းဖြစ်ပြီး အခြားသောရထားများနှင့် ဘတ်စ်ကားများမှာလည်း နယ်စပ်ဖြတ်ကျော် ရောက်ရှိလာခဲ့ကြသည်။
မဂ်ယာဘိုလီသို့ ရောက်ရှိလာသော အဆိုပါရထားတွင် ခရိုအေးရှားရဲတပ်ဖွဲ့ ၄၀ ခန့်မှာ အစောင့်အရှောက်အဖြစ် လိုက်ပါလာပြီး ဟန်ဂေရီအာဏာပိုင်များက ၎င်းတို့အား စာရင်းယူကာ လက်နက်များကို သိမ်းယူခဲ့သည်ဟု နိုင်ငံပိုင် M1 တီဗီ၏ ၀ဘ်ဆိုက်တွင် တင်ထားသော ဗီဒီယိုအရ သိရသည်။
အစိုးရပြောရေးဆိုခွင့်ရှိသူ ဇိုလ်တန် ကိုဗက်စ်ကမူ ထိုအဖြစ်အပျက်က အလွန်ဆိုးရွားသည့် နယ်စပ်ချိုးဖောက်မှုဖြစ်သည်ဟု ဆိုသည်။
“အဲဒီ ရထားမှာ လူတစ်ထောင်ကျော်ပါဝင်ပြီး ဘာသတိပေးချက်မှမရှိဘဲ မဂ်ယာဘိုလီမှာ ရထားတစ်စီးရောက်လာတာဟာ အလွန်ဆိုးရွားတဲ့ နယ်စပ်ဖြတ်ကျော် အဖြစ်အပျက်ပါပဲ။ အဲဒီမှာ ခရိုအေးရှားရဲတပ်ဖွဲ့ဝင် ၄၀ လိုက်ပါလာပြီး ဟန်ဂေရီပိုင်နက်ထဲကို အရင်အသိပေးတာမျိုး၊ ၀င်ခွင့်တောင်းတာမျိုး မလုပ်ခဲ့ပါဘူး။ ဒါဟာ နယ်စပ်ကို ဆိုးဆိုးရွားရွား ချိုးဖောက်မှုဖြစ်ပြီး ရာဇ၀တ်မှုအတွက်
သံသယဖြစ်စရာပါပဲ” ဟု ကိုဗက်စ်က ပြောကြားခဲ့သည်။
ထို့ပြင် မိမိတို့အနေဖြင့် ထိုအဖြစ်အပျက်ကို စုံစမ်းစစ်ဆေးမှုများ ပြုလုပ်နေပြီး ရထားမောင်းသူကိုလည်း ဖမ်းထားကြောင်း၊ ခရိုအေးရှားရဲတပ်ဖွဲ့ဝင် ၄၀ နှင့် ဆက်နွယ်နေသည့် ဟန်ဂေရီ လုပ်ဖော်ကိုင်ဖက်များကိုလည်း အရေးယူထားကြောင်း ၎င်းက ထပ်လောင်းပြောကြားခဲ့သည်။
သို့သော်လည်း ခရိုအေးရှားရဲတပ်ဖွဲ့ကမူ ရထားတွင် အစောင့်အရှောက်အဖြစ် လိုက်ပါသွားသည့် ၎င်းတို့၏ တပ်ဖွဲ့ဝင် တစ်ဦးမှ လက်နက်အသိမ်းခံရခြင်း၊ ဖမ်းဆီးခံရခြင်း မရှိကြောင်း၊ ထိုသို့လိုက်ပါမှုအတွက် နှစ်နိုင်ငံ ရဲတပ်ဖွဲ့ဝင်များမှာ သဘောတူညီချက်ရထားပြီး မိမိတို့တပ်ဖွဲ့ဝင် ၃၆ ဦးမှာ ယမန်နေ့က ပြန်လည် ရောက်ရှိလာကြောင်း ပြောကြားခဲ့သည်။
Ref: Aljazeera
