စက်တင်ဘာ ၁၉၊ ၂၀၁၅
M-Media
– နိုင်ငံ၏စစ်တပ်အား ဒုတိယကမ္ဘာစစ်ပြီးနောက်ပိုင်း နိုင်ငံရပ်ခြားတွင် ပထမဆုံး စေလွှတ်ခွင့်ပြုမည့် ဥပဒေမူကြမ်းကို ဂျပန်လွှတ်တော်က အတည်ပြုလိုက်ပြီဟု သိရသည်။
ဝန်ကြီးချုပ် ရှင်ဇိုအာဘေး၏ အာဏာရ ညွှန့်ပေါင်းအစိုးရအဖွဲ့မှ တင်သွင်းသည့် အဆိုပါဥပဒေမူကြမ်းကို ပြည်သူများနှင့် နိုင်ငံရေးသမားများက ကန့်ကွက်ခဲ့ကြသော်လည်း ဂျပန်အထက်လွှတ်တော်က ယနေ့တွင် အတည်ပြုလိုက်ခြင်းဖြစ်သည်။
ထို့ကြောင့် အဆိုပါမူကြမ်းမှာ ဥပဒေဖြစ်လာခဲ့ပြီး ဒုတိယကမ္ဘာစစ်နောက်ပိုင်း ဂျပန်စစ်တပ်၏ ကိုယ်ပိုင်ကာကွယ်ရေးကိုသာ လုပ်ဆောင်ရန် ကန့်သတ်ထားမှုကို ဖြေလျော့ပေးလိုက်ပြီဖြစ်သည်။
ထိုမူကြမ်းကို အောက်လွှတ်တော်တွင် ပြီးခဲ့သည့် ဇူလိုင်လအတွင်းက အတည်ပြုခဲ့ပြီးနောက် နိုင်ငံတစ်ဝှမ်း၌ ဆန့်ကျင်မှုများ ဖြစ်ပွားခဲ့ပြီး၊ မြင့်တက်လာသော လုံခြုံရေးဆိုင်ရာ စိန်ခေါ်မှုများကို ရင်ဆိုင်ရန် စစ်ဆန့်ကျင့်ရေးနည်းလမ်းများကို စွန့်လွှတ်မည်လားဆိုသည့် ဆွေးနွေးငြင်းခုံမှုများလည်း ရှိလာခဲ့သည်။
ယမန်နေ့က ထိုမူကြမ်းအတွက် ဆွေးနွေးမှုအတွင်း လွှတ်တော်အမတ်များကြားတွင် အော်ဟစ်ကန့်ကွက်မှုများနှင့် ထိုးကြိတ်မှုများပင် ဖြစ်ပွားခဲ့သည်။ စစ်တမ်းကောက်ယူမှုများအရ ပြည်သူအများစုကလည်း ထိုမူကြမ်းအား ဆန့်ကျင်ခဲ့သည်ကို တွေ့ရှိခဲ့ရပြီး နိုင်ငံတစ်ဝှမ်းတွင် နေ့စဉ်လိုလို ထောင်နှင့်ချီသော ပြည်သူများက ဆန္ဒပြမှုများ ပြုလုပ်ခဲ့သည်။
ဆန့်ကျင်သူများကမူ မဟာမိတ်နိုင်ငံများ၏ ကာကွယ်ရေးတွင် ဂျပန်တစ်တပ်က ပါဝင်နိုင်မည့် အဆိုပါ ဥပဒေသစ်မှာ ဂျပန်၏ ဖွဲ့စည်းပုံအခြေခံဥပဒေနှင့် ဆန့်ကျင်နေပြီး အမေရိကန်ဦးဆောင်သည့် စစ်ပွဲများတွင် ဂျပန်နိုင်ငံက ကြားညပ်မည်ဟု စောဒကတက်ခဲ့ကြသည်။
အာဘေးကမူ ဒုတိယကမ္ဘာစစ်ပြီးနောက် အမေရိကန်က သတ်မှတ်ပေးခဲ့သည့် လုပ်ပိုင်ခွင့် ကန့်သတ်ချက်များရှိနေသော ဂျပန်စစ်တပ်အား ပုံမှန်ပြန်ဖြစ်အောင် ဆောင်ရွက်ခြင်းဖြစ်သည်ဟု ပြောကြားခဲ့သည်။
Ref: Aljazeera
