သြဂုတ် ၁၂၊ ၂၀၁၅
M-Media
– လိင်ကုန်သွယ်မှုအား ရာဇ၀တ်မှုအဖြစ် သတ်မှတ်ထားမှုကို ပယ်ဖျက်ရေး ပေါ်လစီတစ်ခုကို နိုင်ငံတကာ လူ့အခွင့်အရေးအဖွဲ့ဖြစ်သော Amnesty International က ယမန်နေ့တွင် ထောက်ခံခဲ့ပြီး၊ ထိုဆောက်ရွက်မှုက ကမ္ဘာတစ်ဝှမ်းရှိ လိင်လုပ်သားများအား အပြစ်ပေးခြင်းမပြုရန် အဆိုပါအဖွဲ့က အစိုးရများအား ဖိအားပေးသည်အထိ ဦးတည်သွားမည်ဖြစ်သည်။
“အများသဘောဆန္ဒအရဖြစ်သော လိင်လုပ်ငန်းကဏ္ဍအားလုံးကို ရာဇ၀တ်မှုအဖြစ် သတ်မှတ်ခြင်းမှ အပြည့်အ၀ ပယ်ဖျက်ရေး” ဆုံးဖြတ်ချက်ကို ဒက်ဗလင်တွင်ပြုလုပ်ခဲ့သည့် ဖိုရမ်တွင် Amnesty International အဖွဲ့က အတည်ပြုခဲ့ခြင်းဖြစ်သည်။
ထို့ပြင် ထိုကဲ့သို့ ရာဇ၀တ်မှုအဖြစ် သတ်မှတ်ခြင်းမှ ပယ်ဖျက်ရေးမှာ လိင်အလုပ်သမားများကို ကာကွယ်ရန် အကောင်းဆုံး နည်းလမ်းဖြစ်သည်ဟု လေ့လာမှုများအရ တွေ့ရှိရကြောင်း အဆိုပါ ဆုံးဖြတ်ချက်တွင် ဖော်ပြထားသည်။
“လိင်အလုပ်သမတွေဟာ ကမ္ဘာပေါ်မှာ ဘေးဖယ်မှုအခံရဆုံး အုပ်စုဖြစ်ပြီး ခွဲခြားခံရမှု၊ အကြမ်းဖက်ခံရမှုနဲ့ အမြတ်ထုတ်ခံရမှု အန္တရာယ်ကို အမြဲတမ်း ရင်ဆိုင်နေရဆုံး အုပ်စုလည်း ဖြစ်ပါတယ်။ ကျွန်မတို့ရဲ့ ကမ္ဘာလုံးဆိုင်ရာလှုပ်ရှားမှုက လိင်အလုပ်သမားတွေရဲ့ လူ့အခွင့်အရေးကို ကာကွယ်ပေးတဲ့ပေါ်လစီကို ပြဌာန်းဖို့ လမ်းခင်းပေးတာပါပဲ။ ဒီအရေးပါတဲ့ကိစ္စနဲ့ပတ်ပြီး Amnesty International ရဲ့ အနာဂတ်လုပ်ငန်းမှာ လိင်အလုပ်သမားတွေက ပုံဖော်ကူညီပေးပါလိမ့်မယ်” ဟု အဖွဲ့၏ အထွေထွေအတွင်းရေးမှူးဖြစ်သူ ဆာလီလ်
ရှက်တီက ပြောကြားခဲ့သည်။
ထိုကိစ္စနှင့်ပတ်သက်၍ သတင်းစာရှင်းလင်းပွဲတွင် Amnesty International က အဆိုပါ ပေါ်လစီအသစ်မှာ ကမ္ဘာ့ကျန်းမာရေးအဖွဲ့ WHO၊ UNAIDS၊ ကုလသမဂ္ဂ အမျိုးသမီးအဖွဲ့နှင့် ကျန်းမာရေး အခွင့်အရေးဆိုင်ရာ ကုလသမဂ္ဂ အထူးကိုယ်စားလှယ်တို့ အပါအ၀င် ရင်းမြစ်များက သုတေသနပြုမှုများပေါ် အခြေခံ၍ ရေးဆွဲထားခြင်းဖြစ်သည်ဟု ဆိုသည်။
သို့သော်လည်း အမေးအဖြေကဏ္ဍတွင် Amnesty International က မိမိတို့မှာ လိင်လုပ်ငန်းများကို တရားဝင်ဖြစ်စေရန်ထက် ရာဇ၀တ်မှုအဖြစ် သတ်မှတ်ထားခြင်းကို ပယ်ဖျက်ရန်သာ တိုက်တွန်းဆော်သြခြင်းဖြစ်ကြောင်း၊ တရားဝင်ဖြစ်စေခြင်းမှာ အခြအနေနှစ်မျိုးသို့ ဦးတည်သွားနိုင်ကြောင်း ထည့်သွင်းပြောကြားခဲ့သည်။
ရာဇ၀တ်မှုအဖြစ် သတ်မှတ်မှုမှ ပယ်ဖျက်ခြင်းမှာ လွတ်လပ်စွာ လှုပ်ရှားရန်၊ ပုံမှန်မဟုတ်သော အဖွဲ့များအတွက် ကိုယ်တိုင်စီစဉ်နိုင်ရန်နှင့် တရားဝင်ပြုခြင်းကပင် တစ်ခါတစ်ရံ မလုပ်ပေးနိုင်သော ၀န်းကျင်များတွင် ကိုယ်ပိုင်အလုပ်လုပ်မှုကို ထိန်းချုပ်ရန် လိင်အလုပ်သမားများ လက်အတွင်းသို့ လုပ်ပိုင်ခွင့်ပိုမိုပေးအပ်ခြင်းဖြစ်သည်ဟု Amnesty International က ထည့်သွင်းပြောကြားခဲ့သည်။
ကမ္ဘာလုံးဆိုင်ရာ အမျိုးသမီးများ မျိုးပွားမှုအခွင့်အရေးကွန်ယက်မှာ Amnesty International ၏ အဆိုပါဆုံးဖြတ်ချက်ကို လွန်ခဲ့သည့် ရက်အနည်းငယ်ကတည်းက ထောက်ခံခဲ့သည်။ လိင်အလုပ်သမားများ စီမံကိန်း၏ ကမ္ဘာလုံးဆိုင်ရာ ကွန်ယက်ကလည်း ထိုဆုံးဖြတ်ချက်ကို ထောက်ခံခဲ့သည်။
Amnesty International ၏ ထိုဆုံဖြတ်ချက်ကို လက်မခံသည့် လူ့အခွင့်အရေးအဖွဲ့များလည်း ရှိနေပြီး ထိုအထဲတွင် Advance word of the Amnesty ကမူ Amnesty International မှာ ဆိုးရွားသည့် အမှားတစ်ခုကို ပြုလုပ်လိုက်ပြီဟု ဝေဖန်ခဲ့သည်။ အမေရိကန်အခြေစိုက် အမျိုးသမီးများ လူကုန်ကူခြင်း ဆန့်ကျင်ရေး အဖွဲ့ကဲ့သို့ အဖွဲ့များကလည်း လိင်အလုပ်သမားများအား ရာဇ၀တ်မှုကျူးလွန်သူအဖြစ် မသတ်မှတ်ခြင်းကို သဘောတူသော်လည်း၊ လိင်လုပ်ငန်းအား ရာဇ၀တ်မှုအဖြစ် သတ်မှတ်မှုကို
လုံးဝပယ်ဖျက်ခြင်းမှာ စီးပွားရေးသမားများကို ပြည့်တန်ဆာခေါင်းများအဖြစ် ပြုလုပ်သကဲ့သို့ ဖြစ်မည်ဖြစ်ပြီး အရေးယူခြင်း မခံရဘဲ အမျိုသမီးများကို အရောင်းအ၀ယ်လုပ်နိုင်သွားမည်ဟု ထောက်ပြခဲ့ကြသည်။
Ref: Aljazeera
