Author: Ko Lay

သြဂုတ် ၁၁၊ ၂၀၁၅
M-Media

– ဘုရင်စနစ်အား စော်ကားသူများအတွက် ထိုင်းအစိုးရက သတ်မှတ်ပြဌာန်းထားသော ကာလရှည်ထောင်ဒဏ်များမှာ တုန်လှုပ်ဖွယ်ရာဖြစ်သည်ဟု ကုလသမဂ္ဂက ယမန်နေ့တွင် ရှုတ်ချခဲ့ပြီး ထိုဥပဒေအား ပြင်ဆင်ရန်နှင့် အပြစ်ပေးထားသူများအား လွှတ်ပေးရန် တောင်းဆိုခဲ့သည်။

ထိုင်းစစ်ခုံရုံများမှာ သောကြာနေ့က လူ ၂ ဦးကို ဘုရင်စနစ်အား စော်ကားမှုဖြင့် ထောင်ဒဏ် နှစ် ၃၀ နှင့် ၂၈ နှစ်စီ ချမှတ်ခဲ့ပြီး ထိုင်းနိုင်ငံသမိုင်းတွင် ထိုပြစ်မှုအတွက် အကြီးလေးဆုံးပြစ်ဒဏ်လည်း ဖြစ်ခဲ့သည်ဟု ရှေ့နေများနှင့် စောင့်ကြည့်အဖွဲ့များက ပြောကြားခဲ့ကြသည်။

ပွန်ဆက် ဆရီဘွန်ပန်ဆိုသူမှာ ၂၀၁၃ ခုနှစ်မှ ၂၀၁၄ ခုနှစ်အတွင်း ၎င်း၏ Facebook ပို့စ် ၆ ခုကြောင့် ထောင်ဒဏ် နှစ် ၆၀ ချမှတ်ခြင်း ခံခဲ့ရသော်လည်း အပြစ်ရှိကြောင်း ၀န်ခံခဲ့သည့်အတွက် ထောင်ဒဏ်နှစ် ၃၀ သို့ လျှော့ချခံခဲ့ရခြင်းဖြစ်ပြီး၊ ဆာဆီဗီမိုလ် ပါတမ်ဝွန်ဖာမှာလည်း Facebook ပို့စ် ၇ ခုအတွက် ထောင်ဒဏ် ၅၆ နှစ် ချမှတ်ခံခဲ့ရကာ အပြစ်ရှိကြောင်း လျှောက်လဲခဲ့သည့်အတွက် တစ်ဝက်သာ ကျခံရခြင်းဖြစ်သည်။

“လွတ်လပ်စွာ ဖော်ပြမှုအခွင့်အရေးကို ကျင့်သုံးတဲ့အတွက် တော်ဝင်အသိုင်းအ၀ိုင်းကို စော်ကားတယ်ဆိုတဲ့ ပြစ်မှုနဲ့ တရားစွဲဆိုခံရတဲ့ ကိစ္စတွေကို ၂၀၀၆ ခုနှစ်ကတည်းက ကျွန်မတို့ စုဆောင်းခဲ့ပြီး အဲဒီအထဲမှာ ဒီပြစ်ဒဏ်တွေဟာ အကြီးလေးဆုံးတွေပါပဲ” ဟု ကုလသမဂ္ဂ လူ့အခွင့်အရေးဆိုင်ရာ ပြောရေးဆိုခွင့်ရှိသူ ရာဗီနာ ရှမ်ဒါဆာနီက ပြောကြားခဲ့သည်။

ထို့ပြင် ထိုင်းစစ်ခုံရုံးများမှာ မျှတသော တရားစွဲဆိုမှုအပါအ၀င် လူ့အခွင့်အရေးစံနှုန်းများနှင့် ကိုက်ညီရန် ဆောင်ရွက်နိုင်ခြင်းမရှိဟု သူမက ထပ်လောင်းပြောကြားခဲ့သည်။ ကြားနာမှုများမှာ များသောအားဖြင့် အသေအချာ စုံစမ်းစီစစ်မှု မရှိသလောက်ဖြင့် ပိတ်သွားခဲ့သည်။

တော်ဝင်အသိုင်းအ၀ိုင်းအား စော်ကားသည်ဟူသော စွပ်စွဲမှုဖြင့် တရားစွဲဆိုမှုများမှာ သိသိသာသာ မြင့်တက်လာခဲ့ပြီး ၂၀၁၄ ခုနှစ် မေလက စစ်တပ်မှ အာဏာသိမ်းပြီးနောက်ပိုင်း ထိုအမှုများမှာ ၄၀ ကျော်လာခဲ့သည်ဟု ရှမ်ဒါဆာနီက ပြောကြားခဲ့သည်။

“အမှုအများစုမှာ သူတို့က အာမခံမပေးဘူး။ ဒါ့ကြောင့် အချိန်အကြာကြီး သူတို့ကို ချုပ်ထားကြပြီး အပြစ်ရှိကြောင်းလျှောက်လဲဖို့ သူတို့ပေါ်မှာ ဖိအားအများကြီး ပေးတယ်ဆိုတာကတော့ သေချာပါတယ်။ အဲဒီနောက် သူတို့ အပြစ်ရှိကြောင်း လျှောက်လဲတယ်။ ဒါက အယူခံဝင်ခွင့်မရတဲ့အထိ ဦးတည်သွားခဲ့ပါတယ်။ တကယ်လို့ အပြစ်ရှိကြောင်း လျှောက်လဲရင် တရားစွဲဆိုခံရပြီး ပြစ်ဒဏ်ချမှတ်ခံရမှာပါပဲ။ အဲဒီအမှုအတွက် အယူခံဝင်လို့ မရတော့ပါဘူး”

ထိုအပြစ်မှ လွတ်မြောက်ရန်အတွက် တစ်ခုတည်းသော ရွေးချယ်စရာမှာ ဘုရင်ကြီးမှ လွတ်ငြိမ်းချမ်းသာခွင့် ပြုခြင်းသာဖြစ်ပြီး ပြစ်ဒဏ်ချမှတ်ခံရသူများအား ထိုကဲ့သို့ လွတ်ငြိမ်းချမ်းသာခွင့်ပေးရန် မိမိတို့မှ တောင်းဆိုပါကြောင်း၊ အစိုးရအနေဖြင့်လည်း တော်ဝင်အသိုင်းအ၀ိုင်းအား စော်ကားမှုအတွက် ပြဌာန်းထားသည့် ဥပဒေအား နိုင်ငံတကာ လူ့အခွင့်အရေး စံနှုန်းများဖြင့် ကိုက်ညီရန် ပြင်ဆင်သင့်ကြောင်း ရှမ်ဒါဆာနီက ထည့်သွင်းပြောကြားခဲ့သည်။

Ref: Reuters