မေ ၂၄၊ ၂၀၁၅
M-Media
အင်ဒိုနီးရှားနိုင်ငံ အာချေးပြည်နယ်ရှိ လန်ဆာတွင် ကယ်တင်ထားသည့် ရိုဟင်ဂျာများကို မေလ ၁၉ ရက်နေ့က တွေ့ရစဉ်
– ထိုင်း၊ မလေးရှားနှင့် အင်ဒိုနီးရှားနိုင်ငံတို့က ရိုဟင်ဂျာဒုက္ခသည်များအား ကူညီမှုတွင် သုံးစွဲရန်အတွက် စင်ကာပူနိုင်ငံက အဆီယံအဖွဲ့ကြီးမှတစ်ဆင့် ကန်ဒေါ်လာ ၂ သိန်း ကူညီသွားမည်ဟု စင်ကာပူနိုင်ငံခြားရေးဝန်ကြီး ကေ ရှန်မူဂန်က ယမန်နေ့တွင် ပြောကြားလိုက်သည်။
လှေစီးဒုက္ခသည်များ၏ အခြေအနေနှင့်ပတ်သက်၍ စင်ကာပူက စိုးရိမ်မိပြီး အထူးသဖြင့် ရိုဟင်ဂျာများအတွက် ယာယီနေရာထိုင်ခင်းပေးမည်ဟု သဘောတူညီထားသည့် မလေးရှားနှင့် အင်ဒိုနီးရှားတို့၏ အားထုတ်မှုများကိုလည်း ကြိုဆိုသည်ဟု ၎င်းက ထည့်သွင်းပြောကြားခဲ့သည်။
စင်ကာပူ၏ ယခုကဲ့သို့ ထောက်ပံ့မှုမှာ အာဆီယံအဖွဲ့ကြီးမှ ဆောင်ရွက်ပေးမှုများ၏ တစ်စိတ်တစ်ပိုင်းဖြစ်ပြီး မိမိတို့နိုင်ငံအား သီးသန့် မေတ္တာရပ်ခံမှုများ ရှိလာပါက အကူအညီများ ထပ်မံပေးအပ်သွားရန် စီစဉ်နေသည်ဟု ရှန်မူဂန်က ဆိုသည်။
ထို့ပြင် ရိုဟင်ဂျာကိစ္စအတွက် အဓိကပြဿနာ နှစ်ခုရှိပြီး တစ်ခုမှာ လှေများပေါ်တွင်ရှိနေကာ ပင်လယ်ထဲတွင် သောင်တင်နေသူများအား မည်ကဲ့သို့ ကူညီမည်ဆိုသည်နှင့် ရိုဟင်ဂျာများ၏ မူလနေထိုင်ရာ ရင်းမြစ်တွင် ပြဿနာကို ဖြေရှင်းရန် လိုအပ်ချက်တို့ဖြစ်သည်ဟု ၎င်းက ထည့်သွင်းပြောကြားခဲ့သည်။
ထိုပြဿနာကို ဖြေရှင်းရာတွင် ၎င်းတို့နေထိုင်ရာနိုင်ငံမှ ဖန်တီးပေးသော အသက်ရှင်သန်မှု အခြေအနေများ၊ ထိုနည်းတူစွာ ၎င်းတို့အား ဆိုးရွားသောခြေအနေမျိုး ခံရနိုင်သော လှေများပေါ်တွင် တင်ပေးသည့် ရာဇ၀တ်အဖွဲ့အစည်းများကို ဆန်းစစ်ရန်လိုအပ်ဟု နိုင်ငံခြားရေးဝန်ကြီးက ဆိုသည်။
ထို့ပြင် ဒုက္ခသည်များ၏ မူရင်းနိုင်ငံများကလည်း တာဝန်ယူသင့်ပြီး အဆီယံနှင့် နိုင်ငံတကာအသိုင်းအ၀ိုင်းကလည်း အဆိုပါပြဿနာကို ဖြေရှင်းရန် လိုအပ်သည်ဟု အလေးထား ပြောကြားခဲ့သည်။
စင်ကာပူမှာ ပြီးခဲ့သည့်ရက်ပိုင်းအတွင်းက မိမိနိုင်ငံမှာ မြေနေရာအကန့်အသတ်ရှိပြီး နိုင်ငံသေးသောကြောင့် ဒုက္ခသည်များနှင့် နိုင်ငံရေးခိုလှုံခွင့်တောင်းသူများကို လက်ခံ၍ မရဟု ပြောကြားခဲ့သည်။
ပြီးခဲ့သည့် သီတင်းပတ်တွင် ထိုင်း၊ မလေးရှားနှင့် အင်ဒိုနီးရှားနိုင်ငံများက ၎င်းတို့၏ ကမ်းခြေသို့ ရောက်လာသော ရိုဟင်ဂျာဒုက္ခသည်များကို နေရာထိုင်ခင်းပေးခဲ့ပြီး အစားအသောက်နှင့် ဆေးဝါးကုသမှုများကိုလည်း ပြုလုပ်ပေးခဲ့သည်။
ဘင်္ဂလားပင်လယ်အော်တွင် လှေစီးဒုက္ခသည် ၂၀၀၀ ခန့်မှာ သောင်တင်နေသည်ဟု ယူဆရပြီး အများစုမှာ လူကုန်ကူးသူများလက်တွင်းသို့ ကျရောက်မည့်အန္တရာယ် ရှိနေသည်။ အဆိုပါ ဒုက္ခသည်များမှ အများစုမှာ မြန်မာနိုင်ငံအနောက်ပိုင်း ရခိုင်ပြည်နယ်မှ ရိုဟင်ဂျာများ ဖြစ်သည်။
ထိုဒုက္ခသည်များ၏ အသက်များကို ရှာဖွေကယ်တင်ရန်မှာ ထိပ်တန်းဦးစားပေး ဖြစ်ရမည်ဟု ကုလသမဂ္ဂ အထွေထွေအတွင်းရေးမှူးချုပ် ဘန်ကီမွန်က ပြောကြားထားသည်။
Ref: Chanelnewsasia
