မေ ၂၄၊ ၂၀၁၅
M-Media
– လိင်တူလက်ထပ်မှု တရားဝင်ဖြစ်ရေးအတွက် အိုင်ယာလန်တွင် ယမန်နေ့က ပြည်သူ့ဆန္ဒခံယူရာ ၆၂ ရာခိုင်နှုန်းက ထောက်ခံခဲ့ကြပြီး တစ်ချိန်က ကက်သလစ်အသင်းတော် သြဇာကြီးစိုးခဲ့သည့် အိုင်ယာလန်မှာ ကမ္ဘာပေါ်တွင် ပြည်သူ့ဆန္ဒဖြင့် လိင်တူလက်ထပ်မှု တရားဝင်ဖြစ်သည့် ပထမဆုံးနိုင်ငံ ဖြစ်လာခဲ့သည်။
မဲပေးပြီးနောက် လိင်တူလက်ထပ်ခွင့်ကို ထောက်ခံသူများမှာ ဒက်ဗလင်ရဲတိုက်အရှေ့တွင် တိုးဝှေ့အောင်ပွဲခံခဲ့ကြပြီး မြို့တော်အတွင်းရှိ လိင်တူအရက်ဘားများတွင် ပါတီများ ကျင်းပခဲ့ကြသည်။
အိုင်ယာလန်တွင် လိင်တူချစ်ကြိုက်မှုကို ရာဇ၀တ်မှုအဖြစ်သတ်မှတ်ခဲ့ပြီး ၁၉၉၃ ခုနှစ်ကမှ ပယ်ဖျက်ခဲ့ခြင်းဖြစ်သည်။ မဲဆန္ဒနယ် ၄၃ ခု၌ ယခုကဲ့သို့ ပြည်သူ့ဆန္ဒခံယူမှုတွင် ၆၀ ရာခိုင်နှုန်းကျော် ထောက်ခံမဲရရှိမှုမှာ စစ်တမ်းကောက်ယူမှုများထက် ပိုမိုမြင့်မားသော ပမာဏဖြစ်သည်။
“ဒီနေ့ အိုင်ယာလန်ဟာ ခွဲခြားမှုမရှိတဲ့လက်ထပ်မှုအတွက် ပထမဆုံး မဲပေးအတည်ပြုခဲ့တဲ့ သမိုင်းကို ရေးထိုးလိုက်ပါတယ်” ဟု အိုင်ယာလန်ဝန်ကြီးချုပ် အန်ဒါ ကင်ညာက သတင်းထောက်များအား ပြောကြားခဲ့သည်။ နိုင်ငံရေးသမားများနှင့် နာမည်ကျော်များကလည်း အဆိုပါ ရလဒ်အတွက် ချီးကျူးသည့်စကားများကို ဆိုရှယ်စာမျက်နှာများတွင် ရေးသားခဲ့ကြသည်။
ခရစ်ယာန်ကက်သလစ်အသင်းတော် သြဇာလွှမ်းမိုးရာ အိုင်ယာလန်၏ အဆိုပါ ပြည်သူ့ဆန္ဒ ခံယူပွဲကို ကက်သလစ်အသင်းတော်ကလည်း အနီးကပ်စောင့်ကြည့်ခဲ့ကြသည်။
ကက်သလစ်အသင်းတော်မှာ ထိုပြည်သူ့ဆန္ဒခံယူပွဲတွင် ကန့်ကွက်မဲပေးကြရန် တိုက်တွန်းခဲ့ပြီး လက်ထပ်မှုဆိုသည်မှာ အမျိုးသားနှင့် အမျိုးသမီးတို့ ပေါင်းဖက်ခြင်းသာဖြစ်သည်ဟု ထောက်ပြခဲ့သည်။ ကက်သလစ်အသင်းတော်၏ သဘောထားကို လူကြီးပိုင်းများက
ထောက်ခံခဲ့ကြသည်။
“ဒါဟာ လူမှုတော်လှန်ရေးပါ။ လက်ထပ်မှုဆိုတဲ့ အဓိပ္ပါယ်ဖွင့်ဆိုချက်ကို မပြောင်းလဲဘဲ လိင်တူ ချစ်သူတွေရဲ့ အခွင့်အရေးကို လေးစားရမယ်လို့ ကျွန်တော်တို့ ပြောပြီး ကန့်ကွက်မဲပေးဖို့ တိုက်တွန်းခဲ့တာပါ” ဟု လူထုဆန္ဒခံယူပွဲမပြုလုပ်ခင် ဒက်ဗလင်မှ ကက်သလစ်ဘုန်းတော်ကြီး ဒီယာရ်မွိုက်ဒ် မာတင်က ပြောကြားခဲ့သည်။
အိုင်ယာန်လန်ပြည်သူအများစုမှာ ၎င်းတို့ကိုယ်ကို ကက်သလစ်ဘာသာဝင်များဟု ဖော်ပြကြသော်လည်း လောကီရှေ့ရှုဝါဒ မြင့်တက်လာခြင်းနှင့် ကက်သလစ်ဘုန်းတော်ကြီးများ၏ ကလေးငယ်များအား လိင်ပိုင်းဆိုင်ရာ စော်ကားမှုပြဿနာများကြောင့် ကက်သလစ်အသင်းတော်၏ သြဇာမှာ ပြီးခဲ့သည့်နှစ်များအတွင်း ကျဆင်းလာခဲ့သည်။
Ref: Aljazeera
