ဇန်န၀ါရီ ၂၃၊ ၂၀၁၅
M-Media
– တောင်အာဖရိကမြို့တော် ဂျိုဟန်နစ္စဘတ်တွင် နိုင်ငံခြားသားပိုင် ဆိုင်များအား လုယက်ပြီး ဆိုင်ပိုင်ရှင်များကို တိုက်ခိုက်မှုတွင် ပါဝင်ပတ်သက်သည်ဟု ယူဆရသူ ၁၂၁ ဦးကို ရဲတပ်ဖွဲ့က ဖမ်းဆီးလိုက်သည်ဟု သိရသည်။
ဆိုဝီတိုမြို့နယ်တွင် ယခုတစ်ပတ်အစောပိုင်းက ဆိုမာလီဆိုင်ပိုင်ရှင်တစ်ဦးကို အသက် ၁၄ နှစ်အရွယ် လူငယ်တစ်ဦးက သေနတ်ဖြင့် ပစ်သတ်ခဲ့မှုတစ်ခု ဖြစ်ပွားခဲ့ပြီး ရဲတပ်ဖွဲ့ကမူ အဆိုပါ မြို့နယ်အတွင်း နေထိုင်သူများမှာ နိုင်ငံခြားသားများကို တိုက်ခိုက်မှုများ ပြုလုပ်ခဲ့သည်ဟု ယနေ့တွင် ပြောကြားခဲ့သည်။ အဆိုပါ လူငယ်မှာ ဆိုင်အား ဓားပြတိုက်ရန်ကြိုးစားသည့် အုပ်စုထဲမှ ဖြစ်ပုံရသည်ဟု ဆိုသည်။
ဗုဒ္ဓဟူးနေ့ကလည်း ဆိုဝီတိုမြို့နယ်တစ်ဝှမ်းတွင် နိုင်ငံခြားသားဆိုင်ပိုင်ရှင်များအား တိုက်ခိုက်မှုများနှင့် ဆိုင်ရှိပစ္စည်းများကို လုယက်မှုများဖြစ်ပွားခဲ့ပြီး ထိုဖြစ်စဉ်အတွင်း ဆယ်ကျော်သက်တစ်ဦး သေဆုံးခဲ့သည်။
`ဒီလူ့အဖွဲ့အစည်းကလူတွေဟာ လက်စားချေတာမျိုးတွေလုပ်ပြီး ဒေသအတွင်းမှာရှိတဲ့ နိုင်ငံခြားသားပိုင်ဆိုင်တွေကို လုယက်နေတယ်လို့ စွပ်စွဲပြောဆိုမှုတွေ ရှိပါတယ်။ ဆိုင်ပိုင်ရှင်တွေကလည်း သူတို့ကိုသူတို့ ခုခံကာကွယ်ဖို့ ဒီလူတွေကို
ပြန်လည်ပစ်ခတ်တာမျိုးတွေလည်း ရှိပါတယ်´ ဟု တောင်အာဖရိက ရဲတပ်ဖွဲ့မှ ထုတ်ပြန်သော ကြေညာချက်တွင် ဖော်ပြထားသည်။
ဒေသခံများမှာ ဆိုမာလီ၊ အီသီယိုးပီးယား စသည့် နိုင်ငံခြားသားများ ပိုင်ဆိုင်သော ဆိုင်များကို ပစ်မှတ်ထားခြင်းဖြစ်ပြီး၊ အခြားသော နိုင်ငံခြားသားဆိုင်ပိုင်ရှင်များမှာ ကြောက်ရွံ့မှုကြောင့် ထိုဒေသအား စွန့်ခွာမှုများလည်း ရှိနေသည်။
ထိုတိုက်ခိုက်မှုများကြောင့် တောင်အာဖရိကနိုင်ငံတွင် နိုင်ငံခြားသားကြောက်ရောဂါမှ ဖြစ်ပေါ်လာသော တိုက်ခိုက်မှုများ ဖြစ်ပွားလာပြီလားဆိုသည့် ကြောက်ရွံ့မှုများလည်း မြင့်တက်လာသည်။ သို့သော်လည်း တာဝန်ရှိသူများကမူ ထိုတိုက်ခိုက်မှုများကို
နိုင်ငံခြားသားများအား ပစ်မှတ်ထားသော အမုန်းတရားမှ ဖြစ်တည်လာသည့် ရာဇ၀တ်မှုများအဖြစ် ပြောဆိုဖော်ပြခြင်းမရှိစေရန် ဆောင်ရွက်လျက် ရှိနေသည်။
`ဒီလုပ်ရပ်တွေဟာ ရာဇ၀တ်မှုစစ်စစ်တွေပါပဲ။ အခုအချိန်အထိတော့ ဒါကို နိုင်ငံခြားသားကြောက် တိုက်ခိုက်မှုလို့ ကျွန်တော်တို့ မကြေညာပါဘူး´ ဟု ပြည်နယ် ပြည်သူ့လုံခြုံရေးအကြီးအကဲ ဂေါက်တန်က ပြောကြားခဲ့သည်။
အခင်းဖြစ်ပွားသည့်အချိန်တွင် မိမိအိမ်၌ ပုန်းနေသော အသက် ၃၂ နှစ်အရွယ်ရှိ ဒေသခံတစ်ဦးက `တင်းမာမှုရှိနေတာကတော့ ကြာပါပြီ။ ဒေသခံတွေက နိုင်ငံခြားသား စီးပွားရေးလုပ်ငန်းရှင်တွေကို မယုံကြည်ကြတော့ပါဘူး။ အဲဒီလုပ်ငန်းရှင်တွေကလည်း ကျွန်တော်တို့အပေါ်မှာ ဒီလိုပါပဲ။ လုယက်သူတွေက မလိုမုန်းထားတာ တစ်ခုတည်းကြောင့် မဟုတ်ပါဘူး။ သူတို့ စိတ်ပျက်နေကြပြီး မျှော်လင့်ချက်မဲ့နေတာပါ။ သူတို့ အစိုးရကိုလည်း ယုံကြည်မှု မရှိတော့ပါဘူး´ ဟု ပြောကြားခဲ့သည်။
Ref: aljazeera
