Author: Ko Lay

ဇန်န၀ါရီ ၂၅၊ ၂၀၁၅
M-Media

– ဖမ်းဆီးထားသော ဂျပန်ဓားစားခံ ၂ ဦးမှ တစ်ဦးကို သတ်ပစ်လိုက်သည့် IS အဖွဲ့၏ လုပ်ရပ်မှာ ရက်စက်ရမ်းကားမှုဖြစ်ပြီး လက်သင့်မခံနိုင်စရာ ကိစ္စသာဖြစ်သည်ဟု ဂျပန်ဝန်ကြီးချုပ် ရှင်ဇိုအာဘေးက ပြင်းပြင်းထန်ထန်ရှုတ်ချလိုက်ကာ ကျန်ရှိနေသော ဓားစားခံတစ်ဦးကို ပြန်လွှတ်ပေးရန်လည်း တောင်းဆိုခဲ့သည်။

IS အဖွဲ့က ၎င်းတို့ဖမ်းဆီးထားသည့် ဂျပန် ဓားစားခံ ၂ ဦးမှ လက်နက်ဆိုင်ရာ အကြံပေး ယူကာဝါကို သုတ်သင်ပစ်လိုက်သည့် ဗီဒီယိုအား ယမန်နေ့ညပိုင်းတွင် ထုတ်ပြန်ခဲ့သည်။ အဆိုပါဗီဒီယို စစ်မှန်မှုရှိမရှိဆိုသည်ကို စစ်ဆေးလျက်ရှိပြီး အာဘေးကမူ ဟာရ်မန်ယူကာဝါ၏ အလောင်း ပါဝင်သည့် အဆိုပါ ဗီဒီယိုမှာ စစ်မှန်သည့် ဗီဒီယိုဖြစ်ရန် ရာခိုင်နှုန်းများနသည်ဟု NHK သတင်းဌာနနှင့် အင်တာဗျူးတွင် ပြောကြားခဲ့သည်။

ထို့ပြင် ကျန်ရှိနေသော ဓားစားခံ ဂျာနယ်လစ် ကင်ဂျီ ဂိုတိုကို လွှတ်ပေးရန်လည်း တောင်းဆိုခဲ့ပြီး ဂိုတို၏ အသက်အား ကယ်တင်ရန် ဦးစားပေးဆောင်ရွက်နေသည်ဟု ထည့်သွင်းပြောကြားခဲ့သည်။ သို့သော်လည်း အကြမ်းဖက်ဝါဒအား လိုက်လျောသွားမည်မဟုတ်ဟု ဆိုသည်။

`ဒီလိုအကြမ်းဖက်လုပ်ရပ်မျိုးဟာ ရက်စက်ရမ်းကားပြီး လက်မခံနိုင်စရာ အမှုပါပဲ။ ဒီလုပ်ရပ်က ကျွန်တော့်ကို ခံပြင်းဒေါသထွက်စေတာက လွဲလို့ ဘာမှအကျိုးသက်ရောက်မှု မရှိပါဘူး။ နောက်ပြီး မစ္စတာ ကင်ဂျီဂိုတိုကို ထိခိုက်မှုမရှိဘဲ ချက်ခြင်းလွှတ်ပေးဖို့ ပြင်းပြင်းထန်ထန် တောင်းဆိုပါတယ်။ ဂျပန်အစိုးရအနေနဲ့ သူလွတ်မြောက်ဖို့အတွက် အဆုံးစွန်ဆုံး ဆောင်ရွက်သွားမှာပါ´ ဟု အာဘေးက ထည့်သွင်းပြောကြားခဲ့သည်။

IS မှာ အဆိုပါ ဓားစားခံ ၂ ဦးအတွက် ကန်ဒေါ်လာ သန်း ၂၀၀ ပြန်ပေးငွေတောင်းခဲ့ပြီး ယခုနောက်ဆုံး ထုတ်ပြန်လိုက်သည့် ဗီဒီယိုတွင် ဂျာနယ်လစ် ဂိုတိုက ယူကာဝါမှာ IS မြေတွင် သတ်ဖြတ်ခြင်းခံခဲ့ရကာ မိမိကိုမူ ဂျော်ဒန်နိုင်ငံနှင့် ပူးပေါင်းဆောင်ရွက်မှုမှတစ်ဆင့် ကယ်တင်နိုင်မည်ဟု ဆိုသည်။

ဂျော်ဒန်တွင် ဖမ်းဆီခံထားရသည့် အီရတ်နိုင်ငံသား ဆာဂျီဒါ အလ်-ရီရှာဝီကို လွှတ်ပေးပါက မိမိအား စစ်သွေးကြွများက လွှတ်ပေးမည်ဟု ဂိုတိုက ထပ်လောင်းပြောကြားခဲ့သည်။

အာဘေးကမူ မိမိမှာ ဂျော်ဒန်ဘုရင်နှင့် ဆွေးနွေးမှုများ ပြုလုပ်ခဲ့သည်ဟု ထည့်သွင်းပြောကြားခဲ့သော်လည်း အလ်-ရီရှာဝီအား လွှတ်ပေးရန်ကိစ္စနှင့်ပတ်သက်၍ မည်သည့် မှတ်ချက်မှ မပေးခဲ့ပေ။

Ref:reuters

ဇန်န၀ါရီ ၂၄၊ ၂၀၁၅
M-Media

– ဂျပန်ဓားစားခံ ၂ ဦးအတွက် ပြန်ပေးငွေပေးရန် IS မှ ပေးထားသည့် အချိန် ၇၂ နာရီ ကုန်ဆုံးသွားသော်လည်း မိမိတို့နိုင်ငံသား ၂ ဦးအား ကယ်တင်မှုကို လက်လျှော့စွန့်လွှတ်သွားမည်မဟုတ်ဟု ဂျပန်နိုင်ငံက ယနေ့တွင် ပြောကြားလိုက်သည်။

ပြန်ပေးငွေပေးရန် အချိန်သတ်မှတ်ချက် ကျော်လွန်သွားပြီးနောက် IS မှ ဖမ်းဆီးထားသော ဂျာနယ်လစ် ကန်ဂျီ ဂိုတိုနှင့် လက်နက်ကန်ထရိုက်တာ ဟာရူနာ ယူကာဝါတို့ အသက်ရှင်လျက် ရှိနေသေးလားဆိုသည်ကို အတိအကျမသိရှိရသေးဘဲ IS ကလည်း ထုတ်ဖော်ပြောဆိုခြင်း မရှိသေးပေ။

၇၂ နာရီအတွင်း ၎င်းတို့နိုင်ငံသား ၂ ဦးအတွက် ဂျပန်အစိုးရက ပြန်ပေးငွေ သန်း ၂၀၀ မပေးပါက ဓားစားခံနှစ်ဦးအား သတ်ပစ်မည်ဟု IS အဖွဲ့၏ လွန်ခဲ့သော ၃ ရက်က ထုတ်ပြန်ခဲ့သော ဗီဒီယိုတွင် ခြိမ်းခြောက်ပြောဆိုခဲ့သည်။ ထိုသတ်မှတ်ချိန်မှာ ဂျပန်စံတော်ချိန် သောကြာနေ့ ၂ နာရီ မိနစ် ၅၀ တွင် ပြည်သွားခဲ့ဖြစ်သည်။

ဂျပန်ကိုယ်စားလှယ်အဖွဲ့ကို ဦးဆောင်၍ ဂျော်ဒန်နိုင်ငံသို့ ရောက်ရှိနေသည့် လက်ထောက်နိုင်ငံခြားရေးဝန်ကြီး ယာဆူဟီဒီ နာကာယာမာက မိမိတို့မှာ အလျှော့ပေးသွားမည်မဟုတ်ဘဲ ၎င်းတို့နှစ်ဦးအား ဂျပန်သို့ ပြန်လည်ခေါ်ဆောင်သွားမည်ဟု
ဆိုသည်။

`လမ်းကြောင်းတွေအများကြီးရှိပေမယ့် သူတို့လွတ်မြောက်ဖို့လမ်းကတော့ ခက်ခဲပါတယ်။ အချက်အလက် အသေးစိတ်စစ်ဆေးမှုကို ကျွန်တော်တို့ ထပ်လုပ်နေပါတယ်။ ကျွန်တော်တို့ အလျှော့ပေးသွားမှာမဟုတ်ပါဘူး။ သူတို့ကို အိမ်ပြန်ခေါ်သွားမှာပါ´ ဟု နာကာယာမာက ဂျော်ဒန်မြို့တော် အမ်နန်တွင် သတင်းထောက်များအား ပြောကြားခဲ့သည်။

IS အဖွဲ့မှာ ပြီးခဲ့သည့်နှစ် သြဂုတ်လမှစ၍ အနောက်နိုင်ငံများမှ ဓားစားခံ ၅ ဦးကို လူသိရှင်ကြား သုတ်သင်ပြခဲ့ပြီး ဂျပန်နိုင်ငံမှ ဓားစားခံများမှာ ယခုအကြိမ်သည် ပထမဆုံးဖြစ်သည်။

ဂျာနယ်လစ် ဂိုတို၏ မိခင်ဖြစ်သူ ဂျန်ကို အိုင်ရှီဒိုက သားဖြစ်သူအား ခွင့်လွှတ်ချမ်းသာပေးရန် ယမန်နေ့က တောင်းပန်ခဲ့သည်။

`IS အဖွဲ့တွေကို ကျွန်မပြောချင်တာက ကျွန်မသားလေး ကန်ဂျီဟာ ရှင်တို့ရန်သူမဟုတ်ပါဘူး။ ကျေးဇူးပြုပြီး လွှတ်ပေးပါ´ ဟု အိုရှီဒိုက ပြောကြားခဲ့သည်။

ဂျပန်အာဏာပိုင်များကမူ အဆိုပါ ဓားစားခံ ၂ ဦအား ကယ်တင်ရန်အတွက် IS အဖွဲ့နှင့် ဆက်သွယ်မှု ရှာဖွေနေသည်ဟု ဆိုပြီး ၀န်ကြီးချုပ်ရှင်ဇိုအာဘေး၏ အကြံပေး ယိုဆူကီ အိုင်ဇာကီကမူ ၎င်းတို့မှာ IS အဖွဲ့နှင့် တစ်ဆင့်ခံဆက်သွယ်မှုသာ ရရှိထားကာ
တိုက်ရိုက်ဆက်သွယ်မှု မရသေးဟု ပြောကြားခဲ့သည်။

Ref: channelnewsasia