Author: Ko Lay

ဧပြီ ၃၀၊ ၂၀၂၄

M-Media 

-နိုင်ငံတကာ ရာဇ၀တ်ခုံရုံး ICC က အစ္စရေးအာဏာပိုင်တွေအပေါ် ဖမ်း၀ရမ်းမထုတ်ရေး ကူညီပေးဖို့ အမေရိကန်သမ္မတ ဂျိုးဘိုင်ဒန်ထံ အစ္စရေး၀န်ကြီးချုပ် နေတန်ယာဟုက ဖုန်းဆက် အကူအညီတောင်းခဲ့တယ်လို့ သိရပါတယ်။ 

ဧပြီလ ၂၈ ရက်နေ့က ဒီလို ဖုန်းဆက် အကူအညီတောင်းခဲ့တာလို့ အမည်မဖော်လိုတဲ့ အစ္စရေးအစိုးရ တာ၀န်ရှိသူနှစ်ဦးက ပြောပါတယ်။ 

ဂါဇာက အစ္စရေးရဲ့ တစ်ကျော့ပြန်လူသတ်ပွဲမှာ အပြစ်မဲ့အရပ်သားတွေ သောင်းချီ အသတ်ခံရတဲ့ ကိစ္စအတွက် အစ္စရေးအာဏာပိုင်တွေဟာ နိုင်ငံတကာ တရားရေးစနစ်ကို ရင်ဆိုင်ရတော့မယ်လို့ ပြောဆိမှုတွေ ကျယ်ကျယ်ပြန့်ပြန့် ပေါ်ထွက်လာတဲ့အချိန် နေတန်ယာဟုက ဘိုင်ဒန်ထံ အကူအညီတောင်းခံမှု ပေါ်ပေါက်လာတာ ဖြစ်ပါတယ်။ 

အစ္စရေးက ၀င်ရောက်စီးနင်းတိုက်ခိုက်ပြီး အစုလိုက်ပြုံလိုက် လူသတ်မှုတွေ ကျူးလွန်ခဲ့တဲ့ ဂါဇာက အကြီးဆုံး ဆေးရုံနှစ်ခုက ၀န်ထမ်းတွေရဲ့ ထွက်ဆိုချက်တွေကို ICC တာ၀န်ရှိသူတွေက သုံးသပ် စစ်ဆေးနေတယ်လို့ ရိုက်တာသတင်းဌာနက ပြီးခဲ့တဲ့ရက်ပိုင်းမှာ ဖော်ပြခဲ့ပါတယ်။

ဂါဇာက ဒုတိယအကြီးဆုံး ဆေးရုံဖြစ်တဲ့ အလ်နာဆာရ် ဆေးရုံ၀င်းထဲမှာ အစ္စရေးက သတ်ဖြတ်မြှုပ်နှံထားတဲ့ နေရာတွေကို တူးဖော်ရာမှာ အနည်းဆုံး အလောင်း ၃၀၀ ကျော်တွေ့ခဲ့ပါတယ်။

အသတ်ခံရသူ အများစုဟာ အမျိုးသမီးတွေ၊ သက်ကြီးရွယ်အိုတွေနဲ့ လူနာတွေဖြစ်တယ်လို့ မျက်မြင်သက်သေတွေက ထွက်ဆိုထားပါတယ်။ 

Ref: Aljazeera

ဧပြီ ၃၀၊ ၂၀၂၄

M-Media 

-၆ လကျော်ကြာ ဂါဇာကို အစ္စရေးက တစ်ကျော့ပြန် တိုက်ခိုက်ဖျက်ဆီးမှုမှာ အပျက်အဆီးတွေဟာ တန်ချိန် ၃၇ ဒဿမ ၅ သန်း ရှိလာပြီလို့ ကုလသမဂ္ဂ အေဂျင်စီတွေက ထုတ်ပြန်ပါတယ်။

လူနေအိမ်ယာတွေ အပါအ၀င် ဂါဇာက အခြေခံအဆောက်အဦးတွေရဲ့ ၈၀ ရာခိုင်နှုန်းလောက်ကို အစ္စရေးက တိုက်ခိုက်ဖျက်ဆီးထားတာပါ။ 

ဒီအပျက်အဆီးတွေကို ရှင်းလင်းဖို့တင် ၁၄ နှစ်အချိန်ယူရမယ်လို့ ကျွမ်းကျင်သူတွေက ပြောပါတယ်။ 

ဂါဇာမှာ အစ္စရေးက အသုံးပြုတဲ့ ဒုံးကျည်တွေနဲ့ ဗုံးတွေရဲ့ အနည်းဆုံး ၁၀ ရာခိုင်နှုန်းလောက်ဟာ မပေါက်ကွဲသေးဘဲ အပျက်အဆီးတွေကြားမှာ ရှိနေပါတယ်။ 

ပြီးခဲ့တဲ့နှစ် အောက်တိုဘာ ၇ ရက်နေ့ကတည်းက စတင်တဲ့ အစ္စရေးရဲ့ ဂါဇာတစ်ကျော့ပြန် လူသတ်ပွဲအတွင်း အသတ်ခံရသူ အရေအတွက်ဟာ ၃၅၀၀၀ နီးပါး ရှိလာပြီဖြစ်ပါတယ်။ 

Ref: Aljazeera

ဧပြီ ၁၃၊ ၂၀၂၄

M-Media 

– ဥရောပနိုင်ငံတွေ ဖြစ်ကြတဲ့ စပိန်၊ အိုင်ယာလန်နဲ့ နော်၀ေတို့ဟာ ပါလက်စတိုင်းကို အချုပ်အခြာအာဏာပိုင် နိုင်ငံတစ်ခုအဖြစ် အသိအမှတ်ပြုဖို့ လုပ်ဆောင်လာကြပါတယ်။ 

အမေရိကန်နဲ့ ဥရောပသမဂ္ဂနိုင်ငံတွေဟာ အစ္စရေးကို အဓိက ကျောထောက်နောက်ခံ ပေးထားကြတာပါ။ ဒါပေမယ့် ဂါဇာက ၆ လကျော် ကြာမြင့်လာတဲ့ အစ္စရေးရဲ့ တစ်ကျော့ပြန်လူသတ်ပွဲကြောင့် ဥပရောနိုင်ငံတစ်ချို့ဟာ ရပ်တည်ချက်တွေ ပြောင်းလဲလာကြပါတယ်။ 

လက်ရှိမှာ ပါလက်စတိုင်းကို အချုပ်အခြာအာဏာပိုင် နိုင်ငံတစ်ခုအဖြစ် အသိအမှတ်ပြုဖို့အတွက် စပိန်၊ အိုင်ယာလန်နဲ့ နော်၀ေတို့က လုပ်ဆောင်လာကြပါတယ်။ 

အိုင်ယာလန်၀န်ကြီးချုပ် စီမွန် ဟာရစ်နဲ့၊ နော်၀ေ၀န်ကြီးချုပ် ဂျိုနက်စ် ဂါတို့ဟာ မတ်လ ၁၂ ရက်နေ့က စပိန်၀န်ကြီးချုပ် ပက်ဒရိုဆန်းချက်နဲ့ သီးခြားစီတွေ့ဆုံကာ ပါလက်စတိုင်းအရေး ဆွေးနွေးခဲ့ကြပါတယ်။ 

ပါလက်စတိုင်းကို အချုပ်အခြာအာဏာပိုင် နိုင်ငံတစ်ခုအဖြစ် အသိအမှတ်ပြုရေး အခြားရပ်တည်ချက်တူတဲ့ ဥရောပနိုင်ငံတွေနဲ့ လက်တွဲဆောင်ရွက်သွားမယ်လို့ နိုင်ငံခေါင်းဆောင် ၃ ဦးစလုံးက တွေ့ဆုံပွဲအပြီးမှာ ပြောကြားခဲ့ကြပါတယ်။ 

ဒီလိုဆောင်ရွက်မှုဟာ ငြိမ်းချမ်းရေးလုပ်ငန်းစဥ် အရှိအဟုန်ကောင်းစေမယ့် နည်းလမ်းတစ်ခုဖြစ်တယ်လို့ ယူ ဆကြောင်းလည်း ခေါင်းဆောင်တွေက ထည့်သွင်းပြောဆိုခဲ့ပါတယ်။ 

ပါလက်စတိုင်းကို အသိအမှတ်ပြုရေးမှာ မော်လ်တာနဲ့ ဆလိုဗေးနီးယားလို အခြားဥရောပနိုင်ငံငယ်တွေလည်း ပါ၀င်လာဖွယ် ရှိနေပါတယ်။ အချိန်သင့်အခါသင့်ရောက်ရင် ဒီလိုဆောင်ရွက်ဖို့ အသင့်ရှိကြောင်းလည်း မော်လ်တာနဲ့ ဆလိုဗေးနီးယားတို့က မတ်လအတွင်း ထုတ်ပြန်ပြောကြားထားပါတယ်။ 

“အချုပ်အခြာအာဏာအပြည့် ကိုယ်ပိုင်နိုင်ငံနဲ့ သိက္ခာရှိစွာ နေထိုင်ဖို့ ပါလက်စတိုင်းတွေ တိုက်ပွဲ၀င်လာတာ ကြာမြင့်နေပါပြီ။ အိုင်ယာလန်နဲ့ စပိန်တို့လို ကမ္ဘာ့အလယ်က အခြားနိုင်ငံတွေနည်းတူ ဖြစ်လာရပါတော့မယ်”လို့ အိုင်ယာလန်၀န်ကြီးချုပ် ဟာရစ်က ပြောကြားခဲ့ပါတယ်။ 

စပိန်၀န်ကြီးချုပ် ဆန်းချက်ကလည်း သင့်လျော်တဲ့အချိန်ကြရင် ပါလက်စတိုင်းကို အသိအမှတ်ပြုကြောင်း ကြေငြာသွားမှာဖြစ်ပြီး ကုလရဲ့ တင်းပြည့်အဖွဲ့၀င်နိုင်ငံတစ်ခုဖြစ်ရေး ကူညီပံ့ပိုးပေးသွားမယ်လို့လည်း ဆိုပါတယ်။ 

Ref : Reuters