Author: Ko Lay

ဧပြီ ၁၆၊ ၂၀၁၉
M-Media

– ပြင်သစ်နိုင်ငံ ပဲရစ်မြို့က အလွန့်အလွန်ရှေးကျတဲ့ သမိုင်းဝင် ခရစ်ယာန်ဘုရားရောင်း Notre Dame ဟာ မနေ့က မီးအကြီးအကျယ် လောင်ခဲ့ပြီး သမ္မတ အီမန်နျူယဲလ် မာခရွန်က ဘုရားကျောင်းကြီးကို ပြန်လည် ဆောက်လုပ်သွားမယ်လို့ ကတိပြု ပြောကြားခဲ့ပါတယ်။

နှစ်ပေါင်း ၈၅၀ သက်တမ်းရှိပြီး ဂေါ့သစ် ဗိသုကာလက်ရာနဲ့ တည်ဆောက်ထားတဲ့ အဲဒီ ကက်သလစ်ဘုရားကျောင်းကြီးဟာ ပြင်သစ်နိုင်ငံရဲ့ အထင်ကရ ခရီးသွားများလည်ပတ်ရာ နေရာနဲ့ နိုင်ငံရဲ့ ပြယုဂ်တစ်ခု ဖြစ်ပါတယ်။ တနင်္လာနေ့ ညနေပိုင်းမှာ မီးစလောင်ခဲ့တာဖြစ်ပြီး မီးသတ်သမား ၄၀၀ လောက်က မီးကို ထိန်းနိုင်ဖို့ ၉ နာရီကြာ ကြိုးစားခဲ့ရပါတယ်။

ဘုရားကျောင်းအတွင်း ပြင်ဆင်မွမ်းမံမှုတွေ ပြုလုပ်ရာကနေ မီးလောင်ခဲ့တာဖြစ်တယ်လို့ ပြင်သစ်မီဒီယာတွေက ရေးသားဖော်ပြကြပါတယ်။ ပြင်သစ်ရှေ့နေချုပ်က Notre Dame ဘုရားကျောင်း မီးလောင်မှုဟာ ရှို့မီး မဟုတ်ဘူးလို့ ဒီကနေ့ မနက်ပိုင်းမှာ ထုတ်ပြန်ခဲ့ပြီး မီးလောင်မှုအကြောင်းအရင်းကို စုံစမ်းစစ်ဆေးမှု ပြုလုပ်နေတယ်လို့ ဆိုပါတယ်။

ကျွန်းသစ်တွေနဲ့ ဆောက်လုပ်ထားတဲ့ ဘုရားကျောင်းခေါင်မိုး၊ ၉၃ မီတာမြင့်တဲ့ မျှော်စင်တို့ အကြီးအကျယ် မီးလောင်ပျက်ဆီးခဲ့ပါတယ်။ ရှေးဟောင်းခေါင်းလောင်းအပါအ၀င် ဘုရားကျောင်းထဲက တန်ဖိုးမဖြတ်နိုင်တဲ့ သမိုင်းဝင် ဓာတ်တော်မွေတော်တို့ကို အချိန်မီ ထုတ်ယူနိုင်ခဲ့သလို၊ ဘုရားကျောင်းရဲ့ ပုံသဏ္ဍာန် ပျက်ဆီးသွားခြင်းမရှိဘူးလို့ ပြင်သစ်အာဏာပိုင်တွေက ထုတ်ပြန်ပါတယ်။ ဘုရားကျောင်း တာဝန်ရှိသူတစ်ဦးက အတွင်းပိုင်း သစ်သားအဆောက်အဦးတွေအားလုံး မီးလောင်ပျက်စီးသွားခဲ့တယ်လို့ ပြောကြားခဲ့ပါတယ်။

ပြင်သစ်သမ္မတ အီမန်နျူယဲလ် မာခရွန်က အဆိုးဆုံးကို ရှောင်ရှားနိုင်ခဲ့ပေမယ့် အပြည့်အ၀ အနိုင်မရသေးကြောင်း၊ ဘုရားကျောင်းဟာ မိမိတို့ဘ၀တွေရဲ့ အသည်းနှလုံးဖြစ်ပြီး ပြန်လည်တည်ဆောက်သွားမှာဖြစ်ကြောင်း ပြောကြားခဲ့ပါတယ်။

Louis Vuitton၊ Christian Dior နဲ့ Givenchy တို့လို ကမ္ဘာကျော် တံဆိပ်တွေကို ပိုင်ဆိုင်တဲ့ လုပ်ငန်းစု LVMHF က Notre Dame ဘုရားကျောင်း ပြန်လည်တည်ဆောက်ဖို့အတွက် ယူရို သန်း ၂၀၀ (ကန်ဒေါ်လာ ၂၂၆ သန်း) လှူဒါန်းမယ်လို့ ဒီကနေ့မှာ ကတိပြုခဲ့ပါတယ်။

Gucci နဲ့ Yves Saint Laurent တံဆိပ်တွေကို ပိုင်ဆိုင်တဲ့ François Pinault မိသားစုကလည်း ဘုရားကျောင်းအတွက် ယူရို သန်း ၁၀၀ (ကန်ဒေါ်လာ ၁၁၃ သန်း) ကို ထည့်ဝင်ခဲ့ပါတယ်။

Ref: CNN