Author: Ko Lay

တင်းမာမှုမြင့်တက်လာပြီးနောက် ဆွေးနွေးညှိနှိုင်းရန် အိန္ဒိယကို ပါကစ္စတန် ကမ်းလှမ်း

ဖေဖော်ဝါရီ ၂၈၊ ၂၀၁၉
M-Media

– တိုက်လေယာဉ်တွေကို အပြန်အလှန် ပစ်ချခဲ့တယ်လို့ သတင်းတွေ ထွက်ပေါ်ခဲ့ပြီးတဲ့နောက် လက်ရှိဖြစ်ပေါ်နေတဲ့ တင်းမာမှုတွေကို လျှော့ချဖို့အတွက် ပါကစ္စတန်ဝန်ကြီးချုပ် အင်မရန်းခန်းက အိန္ဒိယကို တိုက်တွန်းလိုက်ပါတယ်။

အိန္ဒိယက ထိန်းချုပ်ထားတဲ့ ကက်ရ်ှမီးယားဒေသမှာ အခုလအစောပိုင်းက ပြည်သူ့စစ်ယာဉ်တန်းကို အသေခံ ဗုံးခွဲတိုက်ခိုက်မှု ဖြစ်ပွားခဲ့ပြီးတဲ့နောက် မြင့်တက်လာတဲ့ နှစ်နိုင်ငံတင်းမာမှုဟာ ဒီကနေ့မှာ တိုက်လေယာဉ်တွေ အပြန်အလှန် ပစ်ချမှုနဲ့အတူ အမြင့်ဆုံးကို ရောက်ရှိလာခဲ့ပါတယ်။

ပါကစ္စတန်က အိန္ဒိယတိုက်လေယာဉ်နှစ်စင်းကို ပစ်ချနိုင်ခဲ့ပြီး လေယာဉ်မှူးနှစ်ဦးကို ဖမ်းဆီးထားတယ်လို့ ထုတ်ပြန်ခဲ့ပါတယ်။ အိန္ဒိယနိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ရာဗက်ရ်ှကူးမားက သူတို့ရဲ့ လေယာဉ်မှူးတစ်ဦး ပျောက်ဆုံးနေတယ်လို့ အတည်ပြုခဲ့ပြီး နိုင်ငံအတွင်း စစ်တပ်ပစ်မှတ်တွေကို လာရောက်တိုက်ခိုက်တဲ့ ပါကစ္စတန်တိုက်လေယာဉ်ကို ပစ်ချနိုင်ခဲ့တယ်လို့ ဆိုပါတယ်။

အိန္ဒိယ ကက်ရ်ှမီးယားအခြမ်းက ရဲတပ်ဖွဲ့က လေယာဉ်ပျက်ကျမှုကြောင့် လေယာဉ်မှူးနှစ်ဦးနဲ့ အရပ်သားတစ်ဦးတို့ သေဆုံးခဲ့တယ်လို့ ပြောကြားခဲ့ပြီး၊ လေယာဉ်ဟာ ပါကစ္စတန်ရဲ့ ပစ်ချမှုကြောင့် ပျက်ကျတာလားဆိုတာ အတည်မပြုခဲ့ပါဘူး။

ဒီအဖြစ်အပျက်တွေ ဖြစ်ပွားခဲ့ပြီးတဲ့နောက် ပါကစ္စတန်ဝန်ကြီးချုပ် အင်မရန်းခန်းက ဆွေးနွေးဖို့အတွက် အိန္ဒိယကို ကမ်းလှမ်းခဲ့ပါတယ်။

“စစ်ပွဲဟာ ဘယ်သူ့အတွက်မှ အကျိုးမရှိဘူးဆိုတာ သမိုင်းက သက်သေခံနေပါတယ်။ ကျွန်တော်တို့မှာရှိတဲ့ လက်နက်တွေနဲ့ ဒီအကျိုးမရှိတာကို လုပ်မလားလို့ မေးခွန်းထုတ်လိုပါတယ်။ ဆွေးနွေးပွဲစားပွဲဝိုင်းကို လာရောက်ဖို့အတွက် အိန္ဒိယကို ထပ်မံဖိတ်ခေါ်လိုပါတယ်”

အိန္ဒိယပြည်သူ့စစ် ၄၂ ဦး သေဆုံးခဲ့တဲ့ အသေခံကားဗုံးခွဲမှုဟာ သူတို့လက်ချက်လို့ ပါကစ္စတန်အခြေစိုက် သူပုန်အဖွဲ့ Jaish-e-Mohammed က ပြောကြားခဲ့ပါတယ်။ အိန္ဒိယကတော့ ဒီကိစ္စမှာ ပါကစ္စတန်လက်ချက်မကင်းဘူးလို့စွပ်စွဲထားပါတယ်။

အင်မရန်းခန်းက ဒီဗုံးခွဲမှုအတွက် စုံးစမ်းစစ်ဆေးရေးမှာ ပူးပေါင်းပါဝင်ဖို့ အဆင်သင့်ရှိနေတယ်လို့ ဒီကနေ့မှာ ထပ်မံပြောကြားခဲ့ပါတယ်။

အင်္ဂါနေ့မနက်ပိုင်းမှာ အိန္ဒိယတိုက်လေယာဉ်တွေဟာ ပါကစ္စတန်က ထိန်းချုပ်ထားတဲ့ ကက်ရ်ှမီးယားဖက်ကို ၀င်ရောက်ကာ ဗုံးကြဲခဲ့ပါတယ်။ ဒီစစ်ဆင်ရေးမှာ စစ်သွေးကြွတွေ အများအပြားကို သုတ်သင်နိုင်ခဲ့တယ်လို့ အိန္ဒိယအာဏာပိုင်တွေက ပြောကြားခဲ့ပေမယ့် ပါကစ္စတန်ကတော့ သူတို့ တိုက်လေယာဉ်တွေ ကြားဖြတ်ဟန့်တားမှုကို ရှောင်ကွင်းရင်း အိန္ဒိယလေယာဉ်တွေဟာ လူသူမရှိတဲ့ နေရာတွေကို ဗုံးတွေချခဲ့တာဖြစ်တယ်လို့ ထုတ်ပြန်ပါတယ်။

အိန္ဒိယရဲ့ ဒီလုပ်ရပ်ကို တုန့်ပြန်တယ်လို့ဆိုကာ ပါကစ္စတန်က အိန္ဒိယထိန်းချုပ်ထားတဲ့ ကက်ရ်ှမီးယားက ကွင်းပြင်တွေကို ဗုံးသွားကြဲခဲ့ပါတယ်။

အိန္ဒိယနဲ့ ပါကစ္စတန်တို့ဟာ စစ်ပွဲ ၃ ကြိမ် ဖြစ်ပွားခဲ့ပြီး ၂ ကြိမ်က ကက်ရ်ှမီးယားဒေသကို ပိုင်ဆိုင်တယ်ဆိုတဲ့ အငြင်းပွားမှုကြောင့် ဖြစ်ပါတယ်။

Ref: Aljazeera

February 27, 2019
ကုလ၏ ယီမင်အကူအညီပေးရေး ရန်ပုံငွေပွဲတွင် ကန်ဒေါ်လာ ၂.၆ ဘီလီယံ ရရှိ

ဖေဖော်ဝါရီ ၂၇၊ ၂၀၁၉
M-Media

– ပြည်တွင်းစစ် ဖြစ်ပွားနေတဲ့ ယီမင်နိုင်ငံမှာ လူသားချင်းစာနာထောက်ထားမှုဆိုင်ရာ အကူအညီပေးဖို့အတွက် ကုလရဲ့ မနေ့က ရန်ပုံငွေရှာဖွေပွဲမှာ ကန်ဒေါ်လာ ၂.၆ ဘီလီယံ ရရှိခဲ့ပါတယ်။

ဟူသီသူပုန်တွေနဲ့ အစိုးရတို့အကြား ဖြစ်ပွားနေတဲ့ စစ်ပွဲကြောင့် ယီမင်ဟာ ကမ္ဘာ့အဆိုးဝါးဆုံး လူသားချင်း စာနာထောက်ထားမှုဆိုင်ရာ အကြပ်အတည်းကို ရင်ဆိုင်နေရတာပါ။ စစ်ပွဲကြောင့် ယီမင်မှာ အငတ်ဘေးလည်း ဆိုက်နေပြီး အသက် ၅ နှစ်အောက် ကလေးငယ် ၈ သောင်းလောက် ငတ်မွတ်ခေါင်းပါးမှုကြောင့်
သေဆုံးခဲ့ပါတယ်။

အနောက်နိုင်ငံတွေရဲ့ ကျောထောက်နောက်ခံပြုမှုနဲ့ ယီမင်အစိုးရဖက်ကနေ ၀င်တိုက်ပေးနေတဲ့ ဆော်ဒီနဲ့ ယူအေအီးနိုင်ငံတုိ့ဟာ မနေ့က ရန်ပုံငွေပွဲမှာ
ကန်ဒေါ်လာ သန်း ၅၀၀ စီထည့်ဝင်မယ်လို့ ကတိပြုခဲ့ပြီး အများဆုံးထည့်ဝင်တာလည်း ဖြစ်ပါတယ်။ ဟူသီသူပုန်တွေကို အီရန်က ကျောထောက်နောက်ခံပြုတာ ဖြစ်ပါတယ်။

၂၀၁၉ ခုနှစ်အတွင်း ယီမင်နိုင်ငံရဲ့ လူသားချင်းစာနာထောက်ထားမှုဆိုင်ရာ အကြပ်အတည်းကို ဖြေရှင်းဖို့အတွက် Humanitarian Response Plan အစီအစဉ်ကို ချမှတ်ထားပြီး အဲဒီအတွက် ကန်ဒေါ်လာ ၄ ဘီလီယံလောက် လိုအပ်နေတာ ဖြစ်ပါတယ်။ မနေ့က ရန်ပုံငွေပွဲမှာ ၂.၆ ဘီလီယံသာ ရရှိခဲ့ပါတယ်။

ကုလအတွင်းရေးမှူးချုပ် အန်တိုနီယို ဂူတာရက်စ်က ဆော်ဒီ၊ ယူအေအီးတို့ရဲ့ ကူညီမှုကို ကျေးဇူးတင်ကြောင်း ပြောကြားခဲ့ပြီး၊ စစ်ပွဲပါဝင်မှုအတွက် ဝေဖန်တာမျိုးတော့ မလုပ်ခဲ့ပါဘူး။ စစ်ပွဲမှာ ပါဝင်နေတဲ့သူတွေ ငြိမ်းချမ်းရေး မရဘဲနဲ့ ယီမင်က လူသားချင်း စာနာထောက်ထားမှုဆိုင်ရာ ပြဿနာကို ထိထိရောက်ရောက် ဖြေရှင်းဖို့ မဖြစ်နိုင်ဘူးလို့ ဂူတာရက်စ်က ထည့်သွင်းပြောဆိုခဲ့ပါတယ်။

ဟူသီသူပုန်အဖွဲ့နဲ့ ယီမင်အစိုးရတို့ ဒီဇင်ဘာလက စတော့ဟုမ်းမှာ အပစ်ရပ်ရေး၊ အကျဉ်းသားလဲလှယ်ရေး၊ ယုံကြည်မှု ပြန်လည်တည်ဆောက်ရေး သဘောတူညီချက်တစ်ချို့ ရခဲ့ပေမယ့် အကောင်အထည် မဖော်နိုင်ပါဘူး။

ပြီးခဲ့တဲ့နှစ် ဒီဇင်ဘာမှာ အကူအညီပေးရသူ ၁၀ သန်း ရှိရာကနေ အခုအချိန်မှာ ၁၂ သန်း ရှိလာခဲ့ပြီး မနေ့က ရန်ပုံငွေပွဲမှာ ရရှိတဲ့ ငွေကြေးကြောင့် အရေးပေါ် စားနပ်ရိက္ခာ ထောက်ပံ့မှုတွေ၊ ကျန်းမာရေစောင့်ရှောက်မှုတွေ ဆက်လက်လုပ်ဆောင်နိုင်မှာ ဖြစ်ပါတယ်။

ယီမင်ပြည်သူ ၂၄ သန်းမှာ ၈၀ ရာခိုင်နှုန်းလောက်က လူသားချင်းစာနာထောက်ထားမှုဆိုင်ရာ အကူအညီတွေနဲ့ ကာကွယ်ပေးမှုတွေ လိုအပ်နေတယ်လို့ ကုလတာဝန်ရှိသူတွေက မနေ့က ရန်ပုံငွေရှာဖွေပွဲမှာ ပြောကြားခဲ့ပါတယ်။ ယီမင်မှာ လူ သန်း ၂၀ လောက်ဟာ စားနပ်ရိက္ခာ ပြတ်တောက်နေပြီး အဲဒီအထဲက ၁၀ သန်းလောက်ဟာ အငတ်ဘေးနဲ့ ရင်ဆိုင်ရမယ့် အခြေအနေ ရှိနေတယ်လို့လည်း ကုလက သတိပေးထားပါတယ်။

UNICEF က ယီမင်မှာ တိုက်ခိုက်မှုတွေ၊ အခြား ဆက်စပ်အကြောင်းအရင်းတွေကြောင့် နေ့စဉ် ကလေးငယ် ၈ ဦး သေဆုံးနေပြီး ၃ သိန်း ၆ သောင်းလောက်ဟာ အသက်အန္တရာယ် ထိခိုက်နိုင်တဲ့ အလွန်အမင်း အဟာရချို့တဲ့မှုကို ခံစားနေရကြောင်း ထုတ်ပြန်ထားပါတယ်။ လိုအပ်တဲ့ ကျန်းမာရေးဝန်ဆောင်မှုတွေ မရှိတဲ့အတွက် ကာကွယ်နိုင်တဲ့ ရောဂါတွေကြောင့် ယီမင်မှာ ၁၀ မိနစ်တိုင်း ကလေးငယ်တစ်ဦး သေဆုံးနေပါတယ်။

Ref: Aljazeera

February 27, 2019
အငြင်းပွား ကက်ရ်ှမီးယားဒေသတွင် အိန္ဒိယနှင့် ပါကစ္စတန် အပြန်အလှန်ပစ်ခတ်မှုဖြစ်

ဖေဖော်ဝါရီ ၂၇၊ ၂၀၁၉
M-Media

ကက်ရ်ှမီးယားဒေသမှ အိန္ဒိယ နယ်ခြားစောင့်တပ်ဖွဲ့များ

– အိန္ဒိယနဲ့ ပါကစ္စတန် ပိုင်ဆိုင်မှုအငြင်းပွားနေတဲ့ ကက်ရ်ှမီးယားဒေသမှာ မနေ့က နှစ်ဖက်စစ်တပ် အပြန်အလှန် ဖြစ်ပွားမှုတွေကြောင့် ပါကစ္စတန်ဘက်က အရပ်သားတွေ သေဆုံးခဲ့သလို၊ အိန္ဒိယဘက်က စစ်သားတွေလည်း ဒဏ်ရာရခဲ့ပါတယ်။

တိုက်ခိုက်မှုတွေဟာ နယ်နမိတ် ထိန်းချုပ်မျဉ်း Line of Control နားမှာ ဖြစ်ပွားတာဖြစ်ပြီး ပါကစ္စတန်က ထိန်းချုပ်ထားတဲ့ ကက်ရ်ှမီးယားအခြမ်းက ကော့တ်လီခရိုင်မှာ အမျိုးသမီးတစ်ဦး၊ သူမရဲ့ ကလေးနှစ်ဦး အပါအ၀င် စုစုပေါင်း ၄ ဦး သေဆုံးခဲ့ကာ ၇ ဦး ဒဏ်ရာရခဲ့တယ်လို့ ပါကစ္စတန် ဆေးဘက်ဆိုင်ရာ တာဝန်ရှိသူတွေက ပြောကြားခဲ့ပါတယ်။

အိန္ဒိယမီဒီယာတွေက နှစ်ဖက် တိုက်ခိုက်မှုအတွင်း စစ်သား အနည်းဆုံး ၇ ဦး ဒဏ်ရာရတယ်လို့ ဖော်ပြခဲ့ပါတယ်။

အိန္ဒိယတိုက်လေယာဉ်တွေဟာ မနေ့က Line of Control ကိုကျော်ကာ ပါကစ္စတန်ဖက်ခြမ်းကို ၀င်ရောက် ဗုံးကြဲခဲ့ပါတယ်။ စစ်သွေးကြွစခန်းတွေကို ပစ်မှတ်ထားတဲ့ အဲဒီတိုက်ခိုက်မှုမှာ စစ်သွေးကြွတွေ တော်တော်များများ သေဆုံးခဲ့တယ်လို့ အိန္ဒိယက ထုတ်ပြန်ခဲ့ပြီး ပါကစ္စတန်ကတော့ ဒီဗုံးကြဲမှုကြောင့် လူသေဆုံးမှု၊ အဆောက်အဦး ထိခိုက်ပျက်ဆီးမှုတွေ မရှိဘူးလို့ ဆိုပါတယ်။

အခုလအစောပိုင်းက အိန္ဒိယထိန်းချုပ်ထားတဲ့ ကက်ရ်ှမီးယားဒေသမှာ ပြည်သူ့စစ် ၄၂ ဦး သေဆုံးခဲ့တဲ့ အသေခံဗုံးခွဲတိုက်ခိုက်မှုတစ်ခု ဖြစ်ပွားခဲ့ပြီးတဲ့နောက် ပါကစ္စတန်နဲ့ အိန္ဒိယနိုင်ငံတို့အကြား တင်းမာမှုတွေ မြင့်တက်လာခဲ့ပါတယ်။ ပါကစ္စတန်အခြေစိုက် သူပုန်အဖွဲ့ Jaish-e-Mohammed (JeM) က ဗုံးခွဲမှုဟာ သူတို့လက်ချက်လို့ ထုတ်ပြန်ခဲ့ပြီး အိန္ဒိယက ဒီကိစ္စမှာ ပါကစ္စတန် ပါဝင်နေတယ်လို့ စွပ်စွဲခဲ့ပါတယ်။ ပါကစ္စတန်ဖက်က ဒီစွပ်စွဲချက်တွေကို ငြင်းဆိုပါတယ်။

မနေ့က အိန္ဒိယရဲ့ လေကြောင်းတိုက်ခိုက်မှုဟာ ‘နမော်နမဲ့နိုင်ပြီး လုပ်ကြံဖန်တီးတဲ့’ တိုက်ခိုက်မှုမျိုးဖြစ်တယ်လို့ ပါကစ္စတန်ဖက်က တုန့်ပြန်ခဲ့ပါတယ်။ ဒီတိုက်ခိုက်မှုပြီးတဲ့နောက် အိန္ဒိယနဲ့ ပါကစ္စတန်က ၀န်ကြီးချုပ်တွေဟာ ထိပ်တန်းအရာရှိတွေနဲ့ အရေးပေါ်အစည်းအဝေး ပြုလုပ်ခဲ့ပါတယ်။

ပါကစ္စတန်ဝန်ကြီးချုပ် အင်မရန်းခန်းဟာ တိုင်းပြည်ရဲ့ နျူလက်နက်ကို ကိုင်တွယ်တဲ့ National Command Authority အဖွဲ့နဲ့ အစည်းအဝေးပြုလုပ်ဖို့လည်း ရှိနေပါတယ်။

နျူလက်နက်တွေကို ပိုင်ဆိုင်ထားကြတဲ့ အိန္ဒိယနဲ့ ပါကစ္စတန်တို့ဟာ ကက်ရ်ှမီးယားဒေသ ပိုင်ဆိုင်မှုအတွက် နှစ်ကြိမ်တိုင်တိုင် စစ်ပွဲဖြစ်ပွားခဲ့ပြီး ပြီးခဲ့တဲ့နှစ်တွေမှာလည်း အပြန်အလှန်ပစ်ခတ်မှုတွေ ဖြစ်ပွားခဲ့ပါတယ်။

Ref: Aljazeera

February 27, 2019
မလေးရှားက ပြည်တွင်းဖြစ် ပထမဆုံး ‘ကားပျံ’ ကို ၂၀၁၉ ခုနှစ်အတွင်း ထုတ်ပြမည်

ဖေဖော်ဝါရီ ၂၇၊ ၂၀၁၉
M-Media

မလေးရှား၏ ပထမဆုံး ကားဘရန်း Proton

– ပြည်တွင်းက နည်းပညာနဲ့ ဖန်တီးထုတ်လုပ်ထားတဲ့ နိုင်ငံရဲ့ ပထမဆုံး ‘ကားပျံ’ ကို အခုနှစ်အတွင်း ဈေးကွက်မှာ မိတ်ဆက်ဖို့ စီစဉ်နေတယ်လို့ မလေးရှား စွန့်ဦးတီထွင်မှုဆိုင်ရာ ၀န်ကြီး ဒါတွတ်ဆရီ ရဒ်ဇူအန် မိုဟာမက် ယူစွဖ်က ဒီကနေ့မှာ ပြောကြားလိုက်ပါတယ်။

အဲဒီ ကားပျံဟာ အန္တရာယ်ကင်းပြီး သင့်လျော်တဲ့ အမြန်နှုန်းနဲ့ အနိမ့်ပျံသန်းနိုင်မှာဖြစ်ကြောင်း၊ လက်ရှိမှာ နမူနာတစ်စီးကို ထုတ်လုပ်ထားပြီးဖြစ်ကြောင်း ၀န်ကြီးက ပြောပါတယ်။

“ကျွန်တော်တို့မှာ နည်းပညာရှိတဲ့အတွက် ဒီနှစ်အတွင်း အမှန်တကယ် ထုတ်ပြနိုင်မှာပါ။ ဘယ်လောက်မြန်မြန် ထုတ်ပြမလဲဆိုတာပါပဲ။ နမူနာကားအတွက် ရင်းဂစ် တစ်သန်းလောက် ကုန်ကျခဲ့ပါတယ်”

ကားပျံထုတ်လုပ်ရေးစီမံကိန်းဟာ ပြည်သူတွေကို နည်းပညာအသစ်တွေအကြောင်း လှုံ့ဆော်ပေးမယ့် အစိုးရအစီအစဉ်တွေထဲက တစ်ခုဖြစ်ပြီး၊ လေကြောင်းနယ်ပယ်၊ ဒရုန်းနဲ့ လူမဲ့ယာဉ်တွေ၊ မော်တော်ယာဉ်ကဏ္ဍတွေမှာ တိုင်းပြည်အတွင်းက လုပ်နိုင်စွမ်းကို ထိထိရောက်ရောက် အသုံးပြုဖို့ ရည်ရွယ်ကြောင်းလည်း ၀န်ကြီးက ထည့်သွင်း ပြောဆိုခဲ့ပါတယ်။

ကားပျံစီမံကိန်းဟာ ၀န်ကြီးချုပ် မဟာသီယာမိုဟာမက်ရဲ့ ပြည်တွင်းဖြစ် တတိယမြောက် ကားဘရန်းတစ်ခု ဖန်တီးရေးနဲ့ မသက်ဆိုင်ဘူးလို့ မိုဟာမက် ယူစွဖ်က ဆိုပါတယ်။ လက်ရှိမှာ Proton နဲ့ Produa တို့ဟာ မလေးရှားရဲ့ ပြည်တွင်းဖြစ် ကားဘရန်းတွေ ဖြစ်ပါတယ်။

မလေးရှားဟာ ကုန်ပစ္စည်း လက်လီဖြန့်ချီသူတွေရဲ့ ငွေပေးချေမှု၊ ဈေးကွက်ချဲ့ထွင်မှု၊ ဘဏ္ဍာရေးဝန်ဆောင်မှု၊ အချက်အလက် သိမ်းဆည်းမှု စတာတွေကို ဒစ်ဂျစ်တယ်ပြောင်းမယ့် Growth Malaysia စီမံကိန်းကိုလည်း လုပ်ဆောင်နေပါတယ်။

Ref: The Star

February 26, 2019
ယောဂနှင့် တရားထိုင်ခြင်းက အိပ်မရမှုပြဿနာကို ဖြေရှင်းနိုင်သည်ဟု အမေရိကန်သုတေသနတစ်ခု ဖော်ပြ

ဖေဖော်ဝါရီ ၂၆၊ ၂၀၁၉
M-Media

– အမေရိကန်နိုင်ငံမှာ အိပ်စက်မှုပြဿနာရှိတဲ့သူတွေ ထက်ဝက်နီးပါးလောက်ဟာ တရားထိုင်တာ၊ ယောဂကျင့်တာလို ကျင့်စဉ်တွေနဲ့ ကိုယ်ရောစိတ်ပါ ကျန်းမာအောင် ဆောင်ရွက်လာကြတယ်လို့ ဆေးဘက်မဂ္ဂဇင်း Sleep Medicine က သုတေသန စာတမ်းတစ်ခုမှာ ဖော်ပြထားပါတယ်။

၂၀၁၇ ခုနှစ်အတွင်း အမေရိကန်နိုင်ငံတစ်ဝှမ်း အရွယ်ရောက်ပြီးသူပေါင်း ၂၆၇၄၂ ဦးကို ကောက်ယူခဲ့တဲ့စစ်တမ်းအရ ၄၉ ရာခိုင် နှုန်းလောက်ဟာ အိပ်မရတဲ့ပြဿနာနဲ့ ကြုံတွေ့နေရတယ်ဆိုတာ တွေ့ခဲ့ရပါတယ်။

အဲဒီအထဲမှာ ၃၀ ရာခိုင်နှုန်းက သူတို့ဟာ ရုပ်-နာမ် လေ့ကျင့်ခန်းတွေ လုပ်ဆောင်ကာ ဒီပြဿနာကို ဖြေရှင်းတယ်လို့ ပြောကြားခဲ့ပြီး၊ အိပ်စက်မှုပြဿနာမရှိတဲ့သူတွေရဲ့ ၁၈ ရာခိုင်နှုန်းလောက်လည်း ဒီလိုလေ့ကျင့်ခန်းတွေ လုပ်ဆောင်တာကို တွေ့ရပါတယ်။

အိပ်မရတဲ့သူတွေ အများစု လုပ်ဆောင်တာက ယောဂကျင့်စဉ်ဖြစ်ပြီး၊ ဘာသာရေးဆိုင်ရာ တရားထိုင်မှု၊ ရိုးရိုးတရားထိုင်မှုတွေကိုလည်း လုပ်ဆောင်နိုင်ပါတယ်။

အိုင်အိုဝါပြည်နယ် Maharishi တက္ကသိုလ်က ကျန်းမာရေးဆိုင်ရာ ကျွမ်းကျင်သူ ဆန်ဖို့ဒ် နီဒစ်ခ်ျက အိပ်မပျော်တဲ့ရောဂါကို ကုစားဖို့အတွက် အများဆုံးပြုလုပ်တဲ့ တရားထိုင်မှု နှစ်ခုရှိတယ်လို့ ပြောကြားခဲ့ပါတယ်။ တစ်ခုက ဂါထာမန္တန်တွေကို ရွတ်ဖတ်ရတဲ့ တရားထိုင်နည်းဖြစ်ပြီး နောက်တစ်ခုက လေ့ကျင့်ခန်းနဲ့ ယောဂကျင့်စဉ်ကို ပေါင်းစပ်ထားတဲ့ နည်းလမ်း ဖြစ်ပါတယ်။

နီဒစ်ခ်ျက ဒီနည်းလမ်းနှစ်ခုစလုံးဟာ အိပ်စက်မှုအရည်အသွေးနဲ့ ပမာဏတွေကို ပိုမိုကောင်းမွန်စေတယ်လို့ ဆိုပါတယ်။

“နောက်ဆုံးတစ်ခုက အစားအသောက်ပုံစံကို ပြောင်းလဲပစ်တာ ဖြစ်ပါတယ်။ နေ့ခင်းဘက်မှာ အစာခြေစွမ်းအားဟာ ညဖက်ထက် ကောင်းတာကြောင့် နေ့လည်စာ များများစားတာမျိုးဟာ အာယုဝီဒ သဘောတရားအရ အိပ်စက်ခြင်းရဲ့ အရည်အသွေးအပေါ် သိသာတဲ့ သက်ရောက်မှု ရှိပါတယ်”

အိပ်မပျော်တဲ့ဝေဒနာကို ခံစားရသူတွေဟာ ထိုက်ကျိကစားပြီး ကုစားတာမျိုးရှိပေမယ့် ပမာဏ အရမ်းနည်းတယ်လို့ Sleep Medicine က စာတမ်းမှာ ဖော်ပြထားပါတယ်။

၂၀၁၇ ခုနှစ်က လုပ်ခဲ့တဲ့ အဲဒီသုတေသနဟာ အိမ်မပျော်သူတွေကို ဘယ်လိုနည်းလမ်းနဲ့ ကုစားနိုင်မလဲဆိုတာကို ဖော်ထုတ်ဖို့ ရည်ရွယ်လုပ်ဆောင်တာ မဟုတ်ပေမယ့် ဒီဝေဒနာခံစားရသူတွေရဲ့ ကုစားမှုနည်းလမ်းတွေကို လေ့လာမှုမှာ တွေ့ခဲ့ရပါတယ်။

Ref: Reuters

February 26, 2019