News @ M-Media

Author: Ko Lay

  • ယူအေအီး၏ တစ်နှစ်တာအကောင်းဆုံး ကလေးထိန်းဆုကို ဖိလစ်ပိုင်အမျိုးသမီး ရရှိ

    ယူအေအီး၏ တစ်နှစ်တာအကောင်းဆုံး ကလေးထိန်းဆုကို ဖိလစ်ပိုင်အမျိုးသမီး ရရှိ

    ဒီဇင်ဘာ ၁၄၊ ၂၀၁၈
    M-Media

    ၂၀၁၈ ခုနှစ်အတွက် Best Nanny ဆု ရရှိခဲ့သည့် ရိုစီဗီလာ

    – အာရပ်စော်ဘွားများပြည်ထောင်စု (ယူအေအီး)နိုင်ငံရဲ့ ၂၀၁၈ ခုနှစ်အတွက် အကောင်းဆုံး ကလေးထိန်းဆု Best Nanny ဆု ကို ဒူဘိုင်းမှာ အလုပ်လုပ်နေတဲ့ အသက် ၃၉ နှစ်အရွယ် ဖိလစ်ပိုင် ကလေးထိန်းက ရရှိခဲ့ပါတယ်။

    ရိုစီဗီလာဆိုသူဖြစ်ပြီး ယူအေအီးမှာ ကလေးထိန်းလုပ်လာတာ ၁၇ နှစ်ရှိပြီ ဖြစ်ပါတယ်။

    ကလေးငယ် ၁ နှစ်အရွယ်မှ ခင်ပွန်းဖြစ်သူက သူ့ကို ထားသွားခဲ့ပြီးတဲ့နောက် အိပ်ယာထဲလဲနေတဲ့ မိဘတွေနဲ့ ညီအစ်ကိုမောင်နှမ ၉ ယောက်တဲ့အတွက် ရုန်းကန်းရတာကြောင့် ရိုစီဟာ ယူအေအီးမှာ ကလေးထိန်းအလုပ် လုပ်ကိုင်ဖို့ ရွေးချယ်လိုက်တာ ဖြစ်ပါတယ်။

    ၀င်ရောက်ယှဉ်ပြိုင်တဲ့ ကလေးထိန်းတွေထဲမှာ အလုပ်ရှင်ရဲ့မိသားစုကို ဂရုစိုက်မှု၊ ကလေးတွေ ဉာဏ်ရည်ဖွံ့ဖြိုးလာအောင် သင်ကြားပြသပေးနိုင်မှု၊ ကလေးတွေအပေါ် ဂရုစိုက်မှု၊ ကလေးတွေ အန္တရာယ်ကင်းအောင်၊ ကျန်းမာရေးကောင်းအောင်၊ အဟာရပြည့်ဝအောင် စောင့်ရှောက်နိုင်မှု၊ ဇာတိက မိသားစုကို ပြန်လည်စောင့်ရှောက်မှု စတဲ့အချက်တွေကို အခြေခံကာ ကျွမ်းကျင်သူတွေက စီစစ်ရွေးချယ်ခဲ့ကြတာဖြစ်ပြီး ရိုစီဟာ ဆုကြေးငွေ ဒီရ်ဟမ် ၇ သောင်း (ဖိလစ်ပိုင်ပီဆို ၁ သန်း) ရရှိမှာ ဖြစ်ပါတယ်။

    အသက် ၁၇ နှစ်အရွယ် သမီးကို တက္ကသိုလ်ထားရဖို့ရှိနေတဲ့ ရိုစီက ငွေကြေးလိုအပ်နေတဲ့အချိန်မှာ ဒီဆုကို ရလိုက်တဲ့အတွက် ၀မ်းသာမိတယ်လို့ ပြောကြားခဲ့ပါတယ်။

    “ကျွန်မအလိုအပ်ဆုံးအချိန်မှာ ဒီဆုကို ရရှိခဲ့တာ ဖြစ်ပါတယ်။ ပထမဆုံးက ကျွန်မသမီးက ကောလိပ်တက်ရတော့မယ့်အတွက် ဒီငွေဟာ ကောလိပ် ၄ နှစ်စာအတွက် လုံလောက်သွားပါပြီ။ ဒုတိယအနေနဲ့ အိမ်ရှင်က ဖိလစ်ပိုင်မှာ ကျွန်မအတွက် ကုန်စုံဆိုင်လေးတစ်ဆိုင် တည်ပေးထားတယ်။ အဲဒီအတွက် ကြွေးပူလေးတွေ ဆပ်ရမယ်။ နောက်ဆုံးကတော့ ကျွန်မနဲ့ ကျွန်မသမီး အေးအေးဆေးဆေး နေလို့ရအောင် အိမ်လေးတစ်လုံး ဒီပိုက်ဆံနဲ့ဆောက်မယ်။ သူမနဲ့ ခွဲခွာခဲ့ရတဲ့အချိန်တွေအတွက် အတိုးချပြီး အဲဒီအိမ်လေးမှာ ကုန်ဆုံးမှာပါ”

    ရိုစီက ဒူဘိုင်းဟာ သူမရဲ့ဇာတိဖြစ်နေပြီး အလုပ်ရှင်တွေအပေါ်မှာ တွယ်တာကာ အလုပ်ကိုလည်း ချစ်မြတ်နိုးကြောင်း၊ အလုပ်ရှင်တွေဟာ ကြင်နာကြပြီး မိသားစုလိုဖြစ်နေကြောင်း၊ အိမ်နဲ့အဝေးမှာ ကျွန်မကို ဂရုစိုက်တဲ့ နွေးထွေးတဲ့ မိသားစုမျိုး ရနေတဲ့အတွက် ကံကောင်းကြောင်း ရိုစီက ထည့်သွင်းပြောဆိုခဲ့ပါတယ်။

    ယူအေအီးရဲ့ Best Nanny ဆုကို ဘဏ္ဍာရေးလုပ်ငန်းတစ်ခုဖြစ်တဲ့ Rise က ပြီးခဲ့တဲ့နှစ်မှာ စတင်ချီးမြှင့်ခဲ့တာဖြစ်ပြီး ၂၀၁၇ ခုနှစ်ကလည်း အသက် ၄၅ နှစ်အရွယ် ဖိလစ်ပိုင် ကလေးထိန်း မီလာနီ မာနန်ဆာလာက ရရှိခဲ့ပါတယ်။

    ရိုစီကတော့ ကျန်းမာရေးကောင်းတဲ့အချိန်အထိ ဒူဘိုင်းမှာ ကလေးထိန်းအဖြစ် ဆက်လက် လုပ်ကိုင်သွားမယ်လို့ ပြောကြားခဲ့ပါတယ်။

    Ref : Khaleej Times

  • ဆီးရီးယားအရှေ့ပိုင်းရှိ IS ၏ နောက်ဆုံးခြေကုပ်ကို ကာ့ဒ်တပ်ဖွဲ့ ပြန်သိမ်းနိုင်

    ဆီးရီးယားအရှေ့ပိုင်းရှိ IS ၏ နောက်ဆုံးခြေကုပ်ကို ကာ့ဒ်တပ်ဖွဲ့ ပြန်သိမ်းနိုင်

    ဒီဇင်ဘာ ၁၃၊ ၂၀၁၈
    M-Media

    – ဆီးရီးယားနိုင်ငံအရှေ့ပိုင် ဒီအက်ဇိုရ်ပြည်နယ်မှာ IS အကြမ်ဖက်သမားတွေ သိမ်းပိုက်ထားတဲ့ နောက်ဆုံးမြို့ကို ကာ့ဒ်တပ်ဖွဲ့ရဲ့ မဟာမိတ် SDF အဖွဲ့က ဒီနေ့မနက်မှာ ပြန်လည် သိမ်းယူနိုင်ခဲ့ပါတယ်။

    ဟာဂျင်မြို့ဖြစ်ပြီး ကာ့ဒ်တွေဦးဆောင်တဲ့ ဆီးရီးယားလက်နက်ကိုင်အဖွဲ့က စက်တင်ဘာ ၁၀ ရက်နေ့ကတည်းက စတင် တိုက်ခိုက်ခဲ့တာ ဖြစ်ပါတယ်။ ပြီးခဲ့တဲ့ရက်ပိုင်းအတွင်း တိုင်းပွဲတွေ ပိုမိုပြင်းထန်လာခဲ့ပြီး မနေ့မှာတော့ လက်ကျန် IS အဖွဲ့ဟာ မြို့ရဲ့အစွန်မှာ ပိတ်မိသွားခဲ့ပါတယ်။

    IS တိုက်ခိုက်ရေးသမားတွေဟာ လူထုနဲ့ ရောနှောနေပြီး သူတို့ထံကနေ နယ်မြေတွေ ပြန်သိမ်းလိုက်ပေမယ့် တိတ်တဆိတ် လှုပ်ရှားနေတဲ့အဖွဲတွေ ဆက်လက်အားကောင်းနေဆဲ ဖြစ်ပါတယ်။

    ဒီအက်ဇိုမြို့မှာ ပြည်သူ ၂၅၅၀၀၀ လောက် အိုးအိမ်စွန့်ခွာ ထွက်ပြေးခဲ့ရပြီး လက်ရှိ ဆီးရီးယားအစိုးရစစ်တပ် ထိန်းချုပ်ထားတဲ့ ဒေသတွေမှာ နေထိုင်နေရပါတယ်။

    IS အကြမ်းဖက်အဖွဲ့ဟာ ရေနံကြွယ်ဝတဲ့ ဒီအက်ဇိုရ်ပြည်နယ်ကို ၂၀၁၄ ခုနှစ်မှာ သိမ်းပိုက်ပြီး ဆီးရီးယားစစ်တပ်က ပြည်နယ်ရဲ့ အဓိကမြို့တွေကို ပြီးခဲ့တဲ့နှစ်မှာ ပြန်လည် ရယူနိုင်ခဲ့ပါတယ်။

    Ref: Aljazeera

  • မြန်မာနိုင်ငံ၏ စီးပွားရေးကဏ္ဍအပေါ် ဥရောပလုပ်ငန်းရှင်များက ယုံကြည်မှု ပိုမိုကျဆင်း

    မြန်မာနိုင်ငံ၏ စီးပွားရေးကဏ္ဍအပေါ် ဥရောပလုပ်ငန်းရှင်များက ယုံကြည်မှု ပိုမိုကျဆင်း

    ဒီဇင်ဘာ ၁၄၊ ၂၀၁၈
    M-Media

    – ဥရောပကုမ္ပဏီတွေဟာ မြန်မာနိုင်ငံမှာ စီးပွားလုပ်ငန်း လုပ်ဆောင်ဖို့အတွက် ယုံကြည်မှု ပိုမိုကျဆင်းလာတယ်လို့ Myanmar Times သတင်းစာက မနေ့မှာ ဖော်ပြပါတယ်။

    မြန်မာနိုင်ငံက ဥရောပ ကုန်သည်ကြီးများအသင်းရဲ့ နောက်ဆုံးပြုလုပ်တဲ့ စစ်တမ်းကောက်ယူမှုမှာ ဥရောပကုမ္ပဏီတွေ မြန်မာနိုင်ငံရဲ့ စီးပွားရေးအနေအထားကို ယုံကြည်မှု ကျဆင်းတဲ့ ရာခိုင်နှုန်းဟာ ၈၁ ရာခိုင်နှုန်း ရှိလာခဲ့ပြီး ၂၀၁၇ ခုနှစ်က ၇၆ ရာခိုင်နှုန်း၊ ၂၀၁၆ ခုနှစ် ၆၇ ရာခိုင်နှုန်းတွေထက် မြင့်တက်လာခဲ့ပါတယ်။

    NLD ဦးဆောင်တဲ့ အစိုးရဟာ ၂၀၁၆ ခုနှစ်မှာ အာဏာရယူခဲ့တာဖြစ်ပါတယ်။ အခုနှစ်အတွင်း မြန်မာနိုင်ငံမှာ ရင်းနှီးမြှုပ်နှံထားတဲ့ ဥပရောကုမ္ပဏီတွေရဲ့ ၃၇ ရာခိုင်နှုန်းသာ အကျိုးအမြတ်ရခဲ့တယ်လို့ စစ်တမ်းကောက်ယူမှုမှာ ဖော်ပြထားပါတယ်။ ကုမ္ပဏီတွေရဲ့ အဓိက အတားအဆီးတွေက ပြည်တွင်းလုပ်ငန်းတွေကို
    ကာကွယ်ဖို့အတွက် နိုင်ငံရပ်ခြား လုပ်ငန်းတွေကနေ အခွန် အများအပြားကောက်တဲ့ ကာကွယ်ရေးဝါဒ၊ လူမျိုးကြီးစီးပွားရေးစနစ်တွေ ဖြစ်တယ်လို့ စစ်တမ်းက ဆိုပါတယ်။

    “ဥပမာအားဖြင့် အစိုးရဟာ အာမခံဈေးကွက် ဖွင့်ပေးမယ်လို့ မနှစ်က ကတိပြုခဲ့တာမျိုးကို မဖြည့်ဆီးနိုင်တာပါ” လို့ Myanmar Times က ဖော်ပြထားပါတယ်။

    ပြည်တွင်းထုတ်လုပ်သူတွေကို သာသာထိုးထိုး ကာကွယ်ပေးတဲ့ လူမျိုးကြီး စီးပွားရေးဝါဒကို ဆေးဝါးနဲ့ အဖျော်ယမကာ လုပ်ငန်းတွေမှာ တွေ့ရပါတယ်။ ကုမ္ပဏီဥပဒေသစ်ကို ပြဌာန်းတာ၊ ဘဏ်လုပ်ငန်းမှာ ထိန်းချုပ်မှုလျှော့ချပေးတာတွေကို အစိုးရက လုပ်ဆောင်ခဲ့ပေမယ့် မြန်မာကျပ်ငွေ တန်ဖိုးကျဆင်းတာ၊ အရည်အသွေးပြည့်မီတဲ့ လုပ်သားအင်အားရှားပါးတာ၊ ဥပဒေရေးရာ မတည်ငြိမ်မှုတွေက နိုင်ငံခြား ရင်းနှီးမြှုပ်နှံသူတွေရဲ့ အဓိက စိုးရိမ်မှုတွေ ဖြစ်ပါတယ်။

    ရခိုင်ပြည်နယ်က လူသားချင်း စာနာထောက်ထားမှုဆိုင်ရာ အကြပ်အတည်းနဲ့ ရိုဟင်ဂျာ သိန်းနဲ့ချီ ဘင်္ဂလားဒေ့ရ်ှဖက်ကို ထွက်ပြေးခဲ့ရတာတွေကလည်း ရင်းနှီးမြှုပ်နှံသူတွေရဲ့ စိတ်ဝင်စားမှုကို လျှော့ကျစေပါတယ်။

    ဥရောပသမဂ္ဂဟာ မြန်မာနိုင်ငံက သွင်းကုန်တွေအပေါ် အခွန်ကင်းလွတ်ခွင့် ပေးထားတာကို ဖျက်သိမ်းဖို့ စဉ်းစားနေပြီး ဒီလိုသာ ဆောင်ရွက်မယ်ဆိုရင် မြန်မာနိုင်ငံရဲ့ အထည်ချုပ်လုပ်ငန်းကို ဆိုးဆိုးဝါးဝါး ထိခိုက်လာနိုင်ပြီး ဆိုးရွားနေတဲ့ တိုင်းပြည်ရဲ့ စီးပွားရေးဟာ ပိုမို ဆိုးရွားလာနိုင်ပါတယ်။

    Ref: Asia Times

  • ပါကစ္စတန်သမိုင်းတွင် အကြီးမားဆုံးရင်းနှီးမြှုပ်နှံမှု ဆော်ဒီပြုလုပ်မည်

    ပါကစ္စတန်သမိုင်းတွင် အကြီးမားဆုံးရင်းနှီးမြှုပ်နှံမှု ဆော်ဒီပြုလုပ်မည်

    ဒီဇင်ဘာ ၁၃၊ ၂၀၁၈
    M-Media

    – ဆော်ဒီက မိမိတို့နိုင်ငံမှာ ပြုလုပ်ဖို့ အဆိုပြုထားတဲ့ ရင်းနှီးမြှုပ်နှံမှုတွေဟာ နိုင်ငံသမိုင်းမှာ အကြီးမားဆုံး ရင်းနှီးမြှုပ်နှံမှု ဖြစ်လာလိမ့်မယ်လို့ ပါကစ္စတန်စီးပွားရေးဝန်ကြီး အာဆဒ် အူမာရ်က မနေ့မှာ ပြောကြားလိုက်ပါတယ်။

    မနေ့က မြို့တော် အစ္စလာမ်မာဘတ်မှာပြုလုပ်တဲ့ အခမ်းအနားတစ်ခုမှာ ၀န်ကြီးက ဒီလိုပြောကြားလိုက်တာဖြစ်ပြီး အသေးစိတ်ကို မကြာခင် ထုတ်ပြန်ကြေငြာသွားမယ်လို့လည်း ဆိုပါတယ်။

    “လက်ခံ၊ လက်မခံက ကျွန်တော်တို့ရဲ့သဘောထားပါ။ နောက်တစ်ပတ် အစိုးရအဖွဲ့ အစည်းအဝေးမှာ အတည်ပြုဖို့ ရှိပါတယ်။ အဲဒီနောက် ကြေငြာချက် ထုတ်ပြန်သွားမှာပါ”

    ဆော်ဒီ အိမ်ရှေ့မင်းသား မိုဟာမက် ဘင် ဆလ်မန်က ဒီကိစ္စကို အမြန်ဆုံးဆောင်ရွက်ဖို့အတွက် အခြားသူတွေထံကနေ သူ့ကို တိုက်တွန်းနေတယ်လို့လည်း အူမာရ်က ပြောကြားခဲ့ပါတယ်။

    ပါကစ္စတန်ဟာ လက်ရှိမှာ အကြွေးပြဿနာနဲ့ ရင်ဆိုင်နေရပြီး နိုင်ငံတကာ ငွေကြေးရန်ပုံငွေအဖွဲ့ IMF ကနေ ချေးငွေယူဖို့ ဆွေးနွေးမှုတွေ ပြုလုပ်နေပါတယ်။

    ပါကစ္စတန်ဝန်ကြီးချုပ် အင်မရန်းခန်းဟာ အာဏာရပြီးတဲ့နောက်ပိုင်း ဆော်ဒီအာရေဗျကို နှစ်ကြိမ်တိုင်တိုင် သွားရောက်ခဲ့ပြီး ငွေရေးကြေးရေးကိစ္စတွေ၊ စီးပွားရး ပူးပေါင်းဆောင်ရွက်မှုကိစ္စတွေကို ဆွေးနွေးခဲ့ကြပါတယ်။

    Ref: Dawn

  • ဟာဘီဘွရ်ရဟ်မန် (သို့) အမှောင်လောကမှာ အလင်းပေးနေသည့် မွတ်စလင်တရားဟောဆရာ

    ဟာဘီဘွရ်ရဟ်မန် (သို့) အမှောင်လောကမှာ အလင်းပေးနေသည့် မွတ်စလင်တရားဟောဆရာ

    ဒီဇင်ဘာ ၁၃၊ ၂၀၁၈
    M-Media

    ဟာဘီဘွရ်ရဟ်မန် တရားဟောနေစဉ်

    – မစ်ဖ်သာအင် အန်အမ် မောင်လာနာ ဟာဘီဘွရ်ရဟ်မန်ဟာ သာမန် တရားဟောဆရာတစ်ယောက် မဟုတ်ပါဘူး။

    သံပုရာခြမ်းဦးထုတ်အစား သူဟာ ၁၉၈၀ ပြည့်နှစ်တွေက ခေတ်စားခဲ့တဲ့ ဂျာဗားရိုးရာခေါင်းပေါင်းကို ၀တ်ဆင်ထားပါတယ်။ သူရဲ့ တရားဟောကြားမှုတွေဟာ ဗလီတွေမှာမဟုတ်ဘဲ နိုက်ကလပ်တွေမှာ ဖြစ်ပါတယ်။

    ကမ္ဘာ အစ္စလာမ်ဘာသာဝင်အများဆုံးရှိရာ အင်ဒိုနီးရှားနိုင်ငံမှာ မကောင်းမှုဒုစရိုက်တွေအပေါ် သည်းမခံနိုင်မှု မြင့်တက်လာတဲ့အချိန် ဟာဘီဘွရ်ရဟ်မန်က သူဟာ ကလပ်တွေ၊ ဘားတွေမှာ အလုပ်လုပ်နေတာကြောင့် ပတ်ဝန်းကျင်အသုံးအ၀ိုင်းရဲ့ နှာခေါင်းရှုတ်မှုကို ခံနေရသူတွေရဲ့ ဘာသာသာသနာကို ဆက်လက်ရှင်သန်အောင် လုပ်ပေးနေတာဖြစ်တယ်လို့ ပြောပါတယ်။

    “နိဗ္ဗာန်တို့၊ ငရဲတို့အကြောင်းကို ကျွန်တော် သိပ်မပြောဘူးဗျ။ ဒါတွေက သူတို့ သိပြီးသားတွေလေ။ ဘ၀ရဲ့တောင်းဆိုမှု၊ အလုပ်လိုအပ်ချက်၊ ဘ၀ရှင်သန်ဖို့ လိုအပ်မှုတွေက သူတို့ကို ဒီအလုပ်တွေထဲ တွန်းပို့ကြတယ်။ သူတို့ကို ကောင်းတယ်ဆိုးတယ်လို့ ဝေဖန်ပိုင်းခြားခွင့် ကျွန်တော့်မှာမရှိဘူး။ ဘယ်လိုဘ၀ရောက်ရောက် သူတို့ ဘုရားသခင်ကို မေ့မသွားဖို့ ကျွန်တော် ဒီမှာ လာပြီး ကူညီပေးနေတာ”

    ဟာဘီဘွရ်ရဟ်မန်ဟာ ယိုဂျာကားတားမှာ အစ္စလာမ့် ဓမ္မသင်တန်းကျောင်းတစ်ခုကိုလည်း ဖွင့်လှစ်ထားပါတယ်။ ကလပ်တွေနဲ့ အမှောင်လောကတွေမှာ ဒီလိုတရားသွားဟောတာဟာ အစ္စလာမ်သာသနာကို စော်ကားမှုဖြစ်တယ်လို့ ရှေးရိုးစွဲအုပ်စုတွေက ဝေဖန်ကြပါတယ်။

    ပြီးခဲ့တဲ့နှစ်တွေအတွင်း အင်ဒိုနီးရှားနိုင်ငံမှာ ဘားတွေ၊ ကလပ်တွေကို သဘောထားတင်းမာတဲ့ အစ္စလာမ့်မစ်အုပ်စုတွေက ၀င်ရောက်စီးနင်းတာ၊ လိင်လုပ်သားတွေ၊ ဖျော်ဖြေရေးလုပ်ငန်းတွေမှာ အလုပ်လုပ်တဲ့ လိင်တူချစ်သူတွေကို ပစ်မှတ်ထား တိုက်ခိုက်တာတွေ မြင့်တက်လာခ့ပါတယ်။

    မစ်ဖ်သာအင် အန်အမ် မောင်လာနာ ဟာဘီဘွရ်ရဟ်မန်

    အင်ဒိုနီးရှားဟာ ကမ္ဘာမှာ အစ္စလာမ်ဘာသာဝင်အများဆုံးရှိရာ နိုင်ငံဖြစ်ပြီး ဗုဒ္ဓဘာသာဝင်၊ ခရစ်ယာန်ဘာသာဝင်နဲ့ အခြား ဘာသာရေးလူနည်းစုတွေလည်း အတိုင်းအတာတစ်ခုအထိ ရှိနေပါတယ်။ ဒါပေမယ့် အစ္စလာမ်သာသနာကို သဘောထားတင်းမာတဲ့ပုံစံ ကျင့်သုံးမှုတွေကြောင့် ဘာသာရေးမစွက်တဲ့ အင်ဒိုနီးရှားမှာ သည်းခံနိုင်စွမ်း လျော့ကျလာသလားဆိုတဲ့ စိုးရိမ်မှုတွေလည်း မြင့်တက်လာခဲ့ပါတယ်။

    ဂျကာတာရဲ့ မြို့တော်ဝန်ဟောင်းဖြစ်တဲ့ တရုတ်လူမျိုး ခရစ်ယာန်ဘာသာဝင်ဟာ သူ့ရဲ့ မိန့်ခွန်းမှာ အစ္စလာမ်ဘာသာကို စော်ကားတဲ့ စကားတွေ ပြေဆိုတယ်လို့ စွပ်စွဲခံရပြီး ပြီးခဲ့တဲ့နှစ်မှာ သာသနာညှိုးနွမ်းစေမှုနဲ့ ထောင်ချခံခဲ့ရပါတယ်။

    ဗလီက ၀တ်ပြုဖို့ နှိုးဆော်တဲ့အသံဟာ ကျယ်လွန်းတယ်လို့ ဝေဖန်တဲ့ တရုတ်ဗုဒ္ဓဘာသာ အမျိုးသမီးတစ်ဦးကိုလည်း သဘောထားတင်းမာတဲ့အုပ်စုတွေက သာသနာစော်ကားတယ်လို့ စွပ်စွဲခဲ့ပြီးတဲ့နောက် သြဂုတ်လမှာ ထောင်ဒဏ် ၁၈ လ ချမှတ်ခံခဲ့ရပါတယ်။

    ဟာဘီဘွရ်ရဟ်မန်အနေနဲ့ တရားဟောာကြာမှုနဲ့ပတ်သက်ပြီး သတ်မှတ်ထားတဲ့ စည်းမျဉ်းဥပဒေတွေကို လိုက်နာဖို့ လိုအပ်တယ်လို့ အင်ဒိုနီးရှား အစ္စလာမ်သာသနာ့ပညာရှင်များကောင်စီ အဖွဲ့ဝင်တွေက ပြောကြားကြောင်း အင်ဒိုနီးရှားမီဒီယာတွေက ဖော်ပြကြပါတယ်။

    Boshe VVIP နိုက်ကလပ်က မန်နေဂျာဖြစ်သူ ယူဒစ် စတီဗန်နီက နိုက်ကလပ်ဟာ တရားဟောဖို့ မသင့်တော်ဘူးဆိုတဲ့ ပြောကြားမှုတွေကို လက်မခံဘူးလို့ ပြောကြားခဲ့ပါတယ်။

    “ကျွန်မအမြင်ကတော့ ဒါဟာ နေရာတစ်ခုပါပဲ။ အသိပညာပေးတယ်ဆိုတာကို ဘယ်နေရမှာမဆို လုပ်လို့ရပါတယ်”

    တစ်နာရီခွဲကြာမြင့်တဲ့ တရားကို နားထောင်ခဲ့တဲ့ နိုက်ကလပ် အလုပ်သမားတွေက သူတို့အနေနဲ့ ဟာဘီဘရ်ရဟ်မန်ရဲ့ အာဝဇ္ဇန်းရွှင်မှုကို ကြိုက်နှစ်သက်တယ်လို့ ဆိုပါတယ်။

    “ကျွန်မတို့ ဒီလိုအလုပ်မျိုး လုပ်နေပေမယ့် ကျွန်မတို့မှာ ဘာသာတရားရှိတယ်။ ကောင်းတာတွေကိုပဲ ကျွန်မတို့ လုပ်ချင်ပါတယ်” လို့ အသက် ၂၇ နှစ်အရွယ် ၀န်ထမ်းအမျိုးသမီးက ပြောကြားခဲ့ပါတယ်။

    အခြားအခန်းတစ်ခုမှာ အသက် ၂၅ နှစ်အရွယ် စားပွဲထိုးတစ်ယောက်ဟာ ပုဝါဆောင်းပြီး ဘုရားဝတ်ပြုနေပါတယ်။ ဟဘီဘွရ်ရဟ်မန်ရဲ့ တရားက အလုပ်နဲ့ပတ်သက်ပြီး ခံစားရမှုအတွက် အားဆေးဖြစ်တယ်လို့ ဆိုပါတယ်။

    “သူငယ်ချင်းတွေက ကျွန်မအလုပ် မကောင်းဘူးလို့ပြောတယ်။ ဒါပေမယ့် ဒီလိုဝေဖန်မှုတွေကို ကျော်ဖြတ်နိုင်ဖို့အတွက် တရားက အင်အားဖြစ်စေပါတယ်”

    Ref: CNA

    (Channel News Asia သတင်းဌာနတွင် ဖော်ပြထားသည့် Muslim preacher defies conservatism to preach in Indonesia nightclubs ဆောင်းပါးကို လေးမောင်က ဆီလျော်အောင် ဘာသာပြန်ဆိုသည်)