Author: Ko Lay

မေ ၁၈၊ ၂၀၁၈
M-Media

စကားနားမထောင်လျှင် ကဒါဖီကဲ့သို့ဖြစ်မည်ဟု ကင်ဂျုံအွန်ကို ထရမ့် သတိပေး
==================
နျူလက်နက်ကို စွန့်လွှတ်မယ်ဆိုရင် ကင်ဂျုံအွန် အာဏာဆက်ရှိနေဖို့အတွက် အာမခံပြီး၊ ဒီလိုမှမဟုတ်ရင်တော့ လစ်ဗျားခေါင်းဆောင် ကဒါဖီလိုကံကြမ္မာမျိုး ကြုံရမယ်လို့ အမေရိကန်သမ္မတ ဒေါ်နယ်ထရမ့်က သတိပေးလိုက်ပါတယ်။ ကန်-တောင်ကိုရီးယား စစ်ရေးလေ့ကျင်မှု ဆက်လုပ်မှာကို ဆန့်ကျင်တဲ့အနေနဲ့ မြောက်ကိုရီးယားဟာ ဗုဒ္ဓဟူးနေ့မှာလုပ်ဖို့ စီစဉ်ထားတဲ့ ကိုရီးယားနှစ်နိုင်ငံ အဆင့်မြင့်အစည်းအဝေးကို ရပ်ဆိုင်းပြီး လာမယ့်လ ထရမ့်နဲ့ တွေ့ဖို့ကိစ္စကိုလည်း ဖျက်သိမ်းမယ်လို့ ခြိမ်းခြောက်ခဲ့တာပါ။ ထရမ့်ကတော့ သူနဲ့တွေ့မယ့် အစီအစဉ် အောင်မြင်မယ်ဆိုရင် ကြီးမားတဲ့ ကာကွယ်မှုမျိုး ရမယ်လို့ ဆိုပါတယ်။

မလေးဝန်ကြီးချုပ်ဟောင်းအိမ်မှ တန်ဖိုးကြီးပစ္စည်း အများအပြား သိမ်းဆည်းရမိ
================
ဝန်ကြီးချုပ်ဟောင်း နာဂျစ်ရာဇတ် ပိုင်ဆိုင်တဲ့ အဆင့်မြင့်ကွန်ဒိုတိုက်ခန်းမှာ မနေ့ကပြုလုပ်တဲ့ ရှာဖွေမှုအတွင်း ရာနဲ့ချီတဲ့ အမျိုးသမီးလက်ကိုင်အိတ်တွေ၊ ငွေသားအမျိုးမျိုး၊ လက်ဝတ်ရတနာ၊ အခြားတန်ဖိုးရှိပစ္စည်းတွေနဲ့ နာရီတွေ ထည့်ထားတဲ့ အိတ် ၇၀ ကျော်လောက် ရှာဖွေရှိခဲ့တယ်လို့ မလေးရှားရဲတပ်ဖွဲ့က သတင်းထုတ်ပြန်ခဲ့ပါတယ်။ မနေ့က နာဂျစ်နဲ့ ဆက်နွယ်တဲ့ နေရာ ၆ ခုကို ရဲတပ်ဖွဲ့ဟာ အချိန်အတော်ကြာ ၀င်ရောက်ရှာဖွေခဲ့တာပါ။ နာဂျစ်ရဲ့ရှေ့နေက ဒီရှာဖွေမှုဟာ 1MDB ခြစားမှုကိစ္စနဲ့ ဆက်နွယ်တယ်လို့ ပြောကြားခဲ့ပါတယ်။

e-cigarette ပေါက်ကွဲမှုကြောင့် အမေရိကန်တွင် အမျိုးသားတစ်ဦး သေဆုံး
==============
ဖလော်ရီဒါပြည်နယ်မှာ တာလ်မဒ်ဂီ ဒီအီလီယာဆိုတဲ့ အမျိုးသားတစ်ဦးဟာ အီးစီးကရက် ပေါက်ကွဲမှုကြောင့် သေဆုံးခဲ့ပြီး အမေရိကန်မှာ အဲဒီလိုကိစ္စကြောင့် ပထမဆုံး သေဆုံးမှုလည်း ဖြစ်ပါတယ်။ ဒီအီလီယာရဲ့ တိုက်ခန်းမှာ မေလ ၅ ရက်နေ့က မီးလောင်မှုဖြစ်တဲ့အတွက် မီးသတ်သမားတွေဟာ အခန်းကိုဖျက်ကာ ၀င်ရောက်ငြှိမ်းသက်ခဲ့ရပါတယ်။ အလောင်းခွဲစိပ်စစ်ဆေးမှုအရ အီးစီးကရက် ပေါက်ကွဲမှုကြောင့် ဒီအီလီယာရဲ့ ဦးခေါင်းခွံကို ထိခိုက်ကာ သေဆုံးခဲ့ပြီး၊ မီးလောင်တာကလည်း ပေါက်ကွဲမှုနောက်ဆက်တွဲဖြစ်တယ်လို့ ရဲတပ်ဖွဲ့က ပြောကြားခဲ့ပါတယ်။

အီရန်အပေါ် အမေရိကန်၏ ပိတ်ဆို့မှုကို တားဆီးရန် ဥရောပ လုပ်ဆောင်မည်
================
အီရန်အပေါ် အမေရိကန်က ထပ်မံပြုလုပ်တဲ့ ပိတ်ဆို့မှုတွေကို ဥရောပ ကုမ္ပဏီတွေ၊ တရားရုံးတွေက လိုက်နစရာမလိုမယ့် ဥပဒေတစ်ခုကို ဥရောပကော်မရှင်က ပြဌာန်းဖို့ လုပ်ဆောင်နေပါတယ်။ ပြီးခဲ့တဲ့တစ်ပတ်မှာ သမ္မတထရမ့်က ၂၀၁၅ အီရန်နဲ့ နျူသဘောတူညီချက်ကနေ နှုတ်ထွက်ကြောင်း ကြေငြာခဲ့ပြီး အီရန်အပေါ် ပိတ်ဆို့မှုတွေ ပြန်လုပ်ဖို့လည်း စီစဉ်နေပါတယ်။ သဘောတူညီချက်မှာပါဝင်နေတဲ့ ဥရောပသမဂ္ဂကတော့ သူတို့အနေနဲ့ ဒီကတိက၀တ်ကို စောင်ထိန်းသွားမယ်လို့ ပြောကြားထားပါတယ်။ ဥရောပကော်မရှင်ဥက္ကဌ ဂျန်ကလုဒ် ဂျန်ကာက အမေရိကန်ရဲ့ ပိတ်ဆို့မှုတွေကနေ ဥရောပကုမ္ပဏီတွေကို ကာကွယ်ပေးဖို့ လိုအပ်တယ်လို့ ပြောကြားခဲ့ပါတယ်။

Ref: CNA, Aljazeera