မတ် ၃၀၊ ၂၀၂၀
M-Media
-တုပ်ကွေးပျောက်ဆေး Avigan ကို ကိုရိုနာဗိုင်းရပ်စ် ကုသဆေးအဖြစ် အတည်ပြုတော့မယ်လို့ ဂျပန်ဝန်ကြီးချုပ် ရှင်ဇိုအာဘေးက ပြောကြားလိုက်ပါတယ်။
၂၀၁၄ ခုနှစ်မှာ Fujifilm ကုမ္ပဏီက ထုတ်လုပ်ပြီး တုပ်ကွေးပျောက်စေဖို့ ရည်ရွယ်တဲ့ Avigan ဆေးဟာ COVID-19 ကုသရာမှာ ထိရောက်မှုရှိတယ်လို့ တရုတ်အစိုးရ ကျန်းမာရေးအာဏာပိုင်အဖွဲ့က မတ်လ ၁၇ ရက်နေ့မှာ ထုတ်ပြန်ခဲ့ပါတယ်။
မတ်လ ၂၀ ရက်နေ့မှာ အင်ဒိုနီးရှားသမ္မတ ဂျိုကိုဝီဒိုဒိုက သူတို့အစိုးရဟာ ဂျပန်နိုင်ငံကနေ Avigan ဆေး သန်းနဲ့ချီတင်သွင်းသွားမယ်လို့ ပြောကြားခဲ့ပါတယ်။ အီတလီမှာလည်း ဒီဆေးကို စမ်းသပ်သုံးစွဲနေသလို၊ ထိုင်းနိုင်ငံက ဆေးရုံတွေမှာလည်း ကိုရိုနာဗိုင်းရပ်စ် ကုသရာမျာ အခြားဆေးဝါးတွေနဲ့အတူ ဒီဆေးကို အသုံးပြုနေပါတယ်။
ဂျပန်ဝန်ကြီးချုပ် ရှင်ဇိုအာဘေးက COVID-19 ကြောင့် ထိခိုက်လာတဲ့ စီးပွားရေးကို ကျားကန်ဖို့အတွက် ဘဏ္ဍာရေးဆိုင်ရာ ကူညီထောက်ပံ့မှုတွေ၊ အခွန်လျှော့ပေါ့မှုတွေအပါအဝင် ပြောင်းလဲမှုအချို့ လုပ်ဆောင်သွားမယ်လို့ မနေ့ပြောကြားခဲ့ပါတယ်။
မိမိတို့ဟာ အတိမ်းအစောင်းမခံတဲ့အခြေအနေတစ်ခုကို ရောက်ရှိနေပြီး ရေရှည်တိုက်ရမယ့် တိုက်ပွဲအတွက် ပြင်ဆင်ထားဖို့ လိုကြောင်း သူ့ရဲ့ ရုပ်သံမိန့်ခွန်းမှာ ပြောကြားခဲ့သလို၊ Avigan ကို COVID-19 ကုသဆေးအဖြစ် အတည်ပြု သတ်မှတ်ဖို့ ရှိတယ်လို့လည်း ဆိုပါတယ်။
Ref: Nikkei Asian
