Category: ကျန်းမာရေးနှင့်ဆေးပညာ

စက်တင်ဘာ ၂၄၊ ၂၀၁၆
M-Media

– အမေရိကန် အမျိုးသားကျန်းမာရေးဌာနမှ တီထွင်ထုတ်လုပ်ထားသည့် ဇီကာကာကွယ်ဆေး ၂ မျိုးအား မျောက်များတွင် ပြုလုပ်ခဲ့သည့် စမ်းသပ်စစ်ဆေးမှုတွင် ကူးစက်မှုမရှိအောင် ကာကွယ်ပေးနိုင်သည်ကို တွေ့ရှိခဲ့ရသည်ဟု သုတေသနပညာရှင်များက ကြာသာပတေးနေ့တွင် ပြောကြားလိုက်သည်။

ကာကွယ်ဆေး ၂ မျိုးအနက် တစ်ခုဖြစ်သည့် VRC5288 မှာ လုံခြုံစိတ်ချ၍ ထိရောက်မှုရှိမရှိကို လူသားများတွင် အစောပိုင်းကတည်းက စမ်းသပ်ထားပြီး၊ ဇီကာပျံ့ပွားသော နိုင်ငံများတွင် ဒုတိယအဆင့် စမ်းသပ်မှုကို လာမည့်နှစ်တွင် စတင်နိုင်မည်ဟု Science ဂျာနယ်တွင် ဖော်ပြထားသည်။

ဒုတိယမြောက် ကာကွယ်ဆေး VRC5283 ကိုမူ လူသားတွင် စမ်းသပ်ရန် အချိန်အတိအကျ သတ်မှတ်ရခြင်း မရှိသေးပေ။

ယခုသုတေသနပြုမှုတွင် စမ်းသပ်ဆဲ ဇီကာဆေးဝါးများကို မျောက်များတွင် မတူညီသော အချိန်အဆ အမျိုးမျိုးဖြင့် ထိုးသွင်းခဲ့ပြီး ၂ ကြိမ်ထိုးသွင်းမှုမှာ ဇီကာဗိုင်းရပ်စ်ပိုးနှင့် ထိတွေ့မည့် မျောက်များအား ကာကွယ်ရာတွင် ထိရောက်မှုရှိသည်ကို တွေ့ခဲ့ရခြင်းဖြစ်သည်။

Ref : CNA

စက်တင်ဘာ ၂၁၊ ၂၀၁၆
M-Media

– ကောလိပ်ကျောင်းသားများအနက် အင်တာနက်စွဲလမ်းခြင်းက အခြားသော စိတ်ကျန်းမာရေးပြဿနာများ ရှိနေသည်ဆိုသော အချက်ပြမှုဖြစ်သည်ဟု ကနေဒါနိုင်ငံက ပြုလုပ်ခဲ့သည့် လေ့လာမှုတစ်ခုအရ သိရသည်။

သုတေသီများမှာ အွန်တာရီယိုမြို့ရှိ McMaster တက္ကသိုလ်မှ ကျောင်းသား ၂၅၄ ယောက်ကို လေ့လာခဲ့ခြင်းဖြစ်ပြီး ၁၉၉၈ ခုနှစ်က တီထွင်ခဲ့သော အင်တာနက်စွဲလမ်းမှုစစ်ဆေးသည့် ကိရိယာ (IAT) အပြင် ၎င်းတို့၏ ကိုယ်ပိုင် တိုင်းတာမှု နည်းလမ်းများကိုလည်း အသုံးပြုခဲ့ကြသည်။

စောင့်ကြည့်မှုနည်းလမ်းအသစ်အရ ကျောင်းသား ၃၃ ယောက်မှာ အင်တာနက်စွဲလမ်းမှုရောဂါရနေပြီး ကျောင်းသား ၁၀၇ ယောက်သည် ဆိုးဆိုးရွားရွား အင်တာနက်စွဲလမ်းနေသည့် အခြေအနေနှင့် ကြုံတွေ့နေရသည်ကို တွေ့ရှိခဲ့ရသည်။

ဒေါက်တာ ဗန် အမေရီဂျင်ခေါင်းဆောင်သော အဆိုပါ လေ့လာမှုအဖွဲ့က ကျောင်းသားများ၏ စိတ်လိုက်မာန်ပါဖြစ်ခြင်း၊ စိတ်ကျခြင်း၊ ကြောင့်ကျခြင်းနှင့် စိတ်ဖိစီးမှု စသည့် စိတ်ရောဂါလက္ခဏာများကို လေ့လာခဲ့ပြီးနောက် အင်တာနက်စွဲလမ်းသူများမှာ ၎င်းတို့၏ နေ့စဉ်ဘ၀ စိတ်ပိုင်းဆိုင်ရာနှင့်ပတ်သက်သည့် ကိစ္စများတွင် ထိန်းချုပ်နိုင်ခြင်းမရှိကြောင်း၊ စီမံကိန်းရေးဆွဲမှုနှင့် စီမံခန့်ခွဲမှုတို့တွင်လည်း ပြဿနာများ ဖြစ်တတ်ကြောင်း တွေ့ရှိခဲ့ရသည်။

“အင်တာနက်ကို အလွန်အကျွံသုံးစွဲတာဟာ စိတ်ပိုင်းဆိုင်ရာ ရောဂါတွေ ပြင်းထန်မှု၊ လျော့နည်းမှုကို အသွင်ပြောင်း ပုံဖျက်ပေးနိုင်တဲ့ အခြေအနေပါ။ ပြီးတော့ စိတ်တိုတတ်တဲ့ အပြုအမူနဲ့ စိတ်စွဲလမ်းခြင်းတွေနဲ့လည်း စက်ဆပ်မှု ရှိနေပါတယ်” ဟု ဒေါက်တာ ဂျန် ဘူအစ်တလာက ပြောကြားခဲ့သည်။

ယခုလေ့လာမှုမှာ အင်တာနက်အသုံးပြုမှုနှင့် စိတ်ကျန်းမာရေးတို့အကြား ဆက်နွယ်မှုကိုသာ တွေ့ရှိခဲ့ပြီး အသေးစိတ်သိရှိရန်အတွက် ထပ်မံလေ့လာမှုများ လိုအပ်နေသည်။ သို့သော်လည်း စိတ်ကျန်းမာရေး ဆရာဝန်များအတွက် လူနာများအား ချဉ်းကပ်မှုနည်းလမ်းအသစ်ကို ပေးအပ်နိုင်မည်ဖြစ်သည်။

Ref : IINA