ဇန်န၀ါရီ ၁၇၊ ၂၀၁၅
M-Media
– သွေးလွန်တုပ်ကွေးနှင့်ဆင်တူကာ ခြင်မှတဆင့်ကူးစက်တတ်သော ရောဂါတစ်မျိုးဖြစ်သည့် ဇီကာဗိုင်းရပ်ပိုး ကူးစက်မှုနှစ်ခုကို တွေ့ရှိခဲ့တယ်လို့ အီကွေဒေါက သောကြာနေ့က ကြေငြာလိုက်ပါတယ်။
စောစောပိုင်းက ဒီဗိုင်းရပ်စ်ပိုးကူးစက်သူ ၄ ဦးကို တွေ့ခဲ့ရတယ်လို့ အီကွေဒေါအာဏာပိုင်တွေက ကြေငြာခဲ့ဖူးပြီး ဗိုင်းရပ်စ်ပျံ့နှံရာ လက်တင်အမေရိကနဲ့ ကာရစ်ဘီယန်ဒေသတို့ကနေ ပြန်လာတဲ့လူတွေမှာ တွေ့ခဲ့ရတာဖြစ်ပါတယ်။ ဒါပေမယ့် အခုအကြိမ်မှာတော့ အီကွေဒေါမြေမှာ ပထမဆုံး ကူးစက်တာဖြစ်တယ်လို့ ဗိုင်းရပ်စ်ပျံ့နှံ့မှု စောင့်ကြည့်ရေးအဖွဲ့က တာဝန်ရှိသူ အမျိုးသမီး ဗရောနီကာ အက်စ်ပီနိုဆာက ပြောကြားခဲ့ပါတယ်။
“ဓာတ်ခွဲစစ်ဆေးမှုအဖြေတွေအရ ဒီနိုင်ငံတွင်းမှာဖြစ်တဲ့ ပထမဆုံး ကူးစက်မှုဖြစ်ကြာင်း အတည်ပြုနိုင်ခဲ့ပါပြီ။ ဆိုလိုတာက အီကွေဒေါနယ်နိမိတ်ထဲမှာ ခြင်ကတဆင့် အဲ့ဒီဗိုင်းရပ်စ်ကူးစက်ခံနေရပြီ ဖြစ်ပါတယ်” လို့ သူမက သတင်းစာ ရှင်းလင်းပွဲမှာ ပြောကြားခဲ့ပါတယ်။
ဇီကာပိုးဟာ ကူးစက်ပြီးတစ်ပတ်အတွင်းမှာ အဖျားတက်လာခြင်း၊ အရေပြားမှာ အနီရောင်အစက်အပြောက်များဖြစ်ပေါ်လာခြင်း၊ အဆစ်အမြစ်နာကျင်ခြင်းနဲ့ သူငယ်အိမ်ယောင်ကိုင်းခြင်းတို့ စတဲ့လက္ခဏာများ ဖြစ်ပေါ်လာနိုင်ပါတယ်။ သို့သော် ကိုယ်ဝန်ဆောင်အမျိုးသမီးတွေမှာ ဖြစ်ရင်တော့ ဗိုင်းရပ်စ်ပိုးဟာ သန္ဓေသားကိုပါကူးစက်နိုင်ပြီး ဦးနှောက်ပျက်စီးကာ သေဆုံးစေနိုင်ပါတယ်။
ခြင်မှတဆင့်ပေါက်ဖွားတဲ့ ဇီကာဗိုင်းရပ်စ်ဟာ သန္ဓေသားကိုပါကူးစက်နိုင်တာကြောင့် အမေရိကန်ပြည်ထောင်စုမှာ ကိုယ်ဝန်ဆောင်အမျိုးသမီးတွေကို ဘရာဇီးအပါအ၀င် နိုင်ငံပေါင်း ၁၄ နိုင်ငံခန့်ကို မသွားဖုိ့တားမြစ်ထားပါတယ်။
Ref: AFP
