Category: ဘာသာပြန်

မြန်မာနိုင်ငံက မျှော်လင့်ချက် ကင်းမဲ့နေရှာသည့် အခိုင်းခံ ရိုဟင်ဂျာကလေးငယ်များ

အောက်တိုဘာ၊ ၁၉
M-Media
ဘာသာပြန်ဆိုသူ- မင်းသိုက်

မောင်းတော၊ မြန်မာ (AP)။ ။အသက် ၁၀ နှစ်အရွယ်ကလေးငယ်သည် တောင်ပေါ်သို့ ကျောက်တုံးများအပြည့်ပါသည့်ပုံးများကို သယ်ဆောင်ကာ ကြိုးစားပမ်းစားတက်နေရသည်။ သူ့သူငယ်ချင်းများအရှေ့တွင်တော့ အားခဲမာန်တင်းထားသော်လည်း သူ့မျက်ဝန်းတွင်တော့ မျက်ရည်စများ စွတ်စိုနေသည်။ သူ့ခန္ဓာကိုယ်တစ်ခုလုံး၌ ယားယံမှုကိုခံစားနေရပြီး၊ သူ့ထံအဖျားဝင်နေကြောင်း နှင့် အလေးအပင်များသယ်ထမ်းရသဖြင့် မူးဝေနေကြောင်း သူက ဆိုသည်။

“ ဒီအဖြစ်ကို ကျွန်တော် ရွံမုန်းပါတယ် ” ဟု အဏ္ဏ၀ါ စာဒတ် (Anwar Sardad) က ဆိုသည်။ သူသည် သူ့မိသားစုအား ထောက်ပံ့ရမည်ဆိုသည်ကို သိပါ၏။ သို့ပေမင့် အစိုးရ၏ဆောက်လုပ်ရေးလုပ်ငန်းခွင်ထက် အခြားနည်းလမ်းဖြင့်လုပ်ကိုင်မှုကိုသာ လိုလားလျက်ရှိပါသည်။ “ ကျွန်တော်သာ မွတ်စ်လင်မ် မဟုတ်ခဲ့ရင် ဒီလိုမျိုးဘ၀ကို ဖြတ်သန်းရမှာမဟုတ်ဘူး ” ဟု သူက ဆက်ပြောပြသည်။

ဗုဒ္ဓဘာသာ ကြီးစိုးသည့် လူဦးရေ သန်း ၆၀ ရှိ နိုင်ငံအတွင်း ဆယ်စုနှစ်များစွာ စစ်အုပ်ချုပ်ရေးအား အဆုံးသတ်မှုအတွက် ချီးမွှမ်းခံခဲ့ရသော်လည်း အဏ္ဏ၀ါကဲ့သို့ ရာထောင်ချီသည့် ရိုဟင်ဂျာကလေးငယ်များသည် တိုင်းပြည်ထဲတွင် မျှော်လင့်ချက်ကင်းမဲ့လျက်ရှိသည်။

မွတ်စ်လင်မ်လူ့အဖွဲ့အစည်းသည် အချိန်အတော်ကြာ ခွဲခြားဆက်ဆံမှုကို ခံခဲ့ရပြီး၊ လူ့အခွင့်အရေးအုပ်စုများက ကမ္ဘာအတွင် အဆိုးဝါးဆုံးဟု ဆိုစမှတ်ပြုထားကြသည်။ သို့သော်လည်း ရခိုင်ပြည်နယ်သည် နိုင်ငံ၏ ရိုဟင်ဂျာ ၁ သန်းတွင် ၈၀ ရာခိုင်နှုန်းထိ နေထိုင်နေသောဒေသဖြစ်သည်။ ယခုသော် ကလေးငယ်များအတွက် ပညာရေး၊ အစာရေစာ နှင့် ကျန်းမာရေး စောင့်ရှောက်မှုဆိုင်ရာလိုအပ်ချက်များသည် စစ်အုပ်ချုပ်ရေးကာလထက်ပင် ဆိုးရွားသောအခြေအနေသို့ ရောက်ရှိနေ၏။ တစ်နေ့လျှင် တစ်ဒေါ်လာသာရရှိရေးအတွက် အလုပ်ကြမ်းလုပ်ကိုင်ရန်မှအပ သူတို့ထံ မည်သည့်ရွေးချယ်မှုမျှ မရှိပေ။

နိုင်ငံခြားသားသတင်းထောက်များ လုံးဝမရောက်ဖူးသေးသောနေရာသို့ The Associated Press (AP သတင်းဌာန) မှ ရောက်ရှိခဲ့ပါသည်။ ရိုဟင်ဂျာများအား တွေ့ဆုံမေးမြန်းသော အခါ ဒေသခံအာဏာပိုင်များသည် သင်္ကာမကင်းစွာဖြင့် တင်းတင်းမာမာ တုံ့ပြန်ခဲ့ကြသည်။ ရဲများနှင့်တွေ့ဆုံရန် ခေါ်ယူခံရသည်။ သတင်းထောက်များမှာ ထပ်ကြပ်မကွာ နောက်ယောင်ခံလိုက်ခြင်းခံရသည်။ ၄င်းအပြင် ကလေးငယ်များ အပါအ၀င် တွေ့ဆုံမေးမြန်းပြီးသောသူများကိုလည်း ခြိမ်းခြောက်အကြပ်ကိုင်မှုများ ပြုလုပ်ကြလေသည်။

လွန်ခဲ့သော ၁၅ လကတည်းက လူမျိုးရေးအကြမ်းဖက်မှုဖြင့် ဖရိုဖရဲဖြစ်ခဲ့သော နိုင်ငံအတွင်း ဤနေရာသည် မွတ်စ်လင်မ် အကြမ်းဖက်သူများက ဗုဒ္ဓဘာသာဝင်များအား သတ်ဖြတ်ခဲ့သည့်နေရာဟု ဆိုကြသည်။ သို့သော် အဖြစ်အပျက်များကို ပြောင်းပြန်ဖော်ကျူးထားသည့် အဓိပ္ပာယ်ထွက်နေကြောင်း လေ့လာမှုများက ဖော်ပြသည်။ ယခုနေရာသည် နိုင်ငံအ၀ှန်းသေဆုံးသူ ၂၄၀ အတွင်းမှ ၁၀ ယောက်သာ သေဆုံးခဲ့သောနေရာဖြစ်သော်လည်း လူမျိုးတစ်စုလုံးမှာ ခရီးသွားလာခွင့်ကို တင်းကြပ်ခြင်းများ၊ အခြားသီးသန့်မူဝါဒများအားဖြင့် အပြစ်ပေးခံနေရသည့် တစ်ခုတည်းသောဒေသဖြစ်သည်။

မဒ်ရဆာ (Madrassas) ဟုခေါ်သော မွတ်စ်လမ်ကျောင်းများသည် အပိတ်ခံထားရပြီး ကလေးငယ်များသည် အစိုးရကျောင်းများအတွင်းသို့ တွန်းပို့ခြင်းခံခဲ့ရသည်။ ပြည်နယ် လူဦးရေ၏ ၉၀ ရာခိုင်နှုန်း နီးပါးရှိ ရိုဟင်ဂျာတို့မှာ မိမိနားမလည်သည့် ဘာသာစကားဖြင့် ဗုဒ္ဓဘာသာဝင် ဆရာများဖြင့် သင်ကြားစေခြင်းခံရသည်။

ယမန်နှစ်အကြမ်းဖက်မှု၌ ဘုန်းတော်ကြီးတစ်ဦးအသတ်ခံရသည့် ဘဂုဏ်းနား ဆိုသော ရွာငယ်လေးတွင် သေးငယ်သော အစိုးရကျောင်း၌ လက်ခံထားသော ကလေးငယ်ဦးရေ ၁၂၅၀ နီးပါးရှိသည်။ မူကြိုကျောင်းသားအရွယ် မှ ၈တန်းကျောင်းသားအရွယ်ထိ ထိုကျောင်းလေးအတွင်း၌ ကျောင်းသားများအကြား လမ်းလျှောက်ဖို့ပင် မလွယ်ကူလောက်အောင် ပြည့်ကျပ်နေခဲ့သည်။

“ ကျွန်တော်တို့ဆရာများက သင်ပုန်းပေါ်မှာ စာတွေအများကြီးတော့ရေးပါတယ်။ ဒါပေမယ့် ကျွန်တော်တို့ကို အဲဒါတွေ ဘယ်လိုဖတ်ရမလဲဆိုတာတော့ မသင်ပေးကြဘူး။ ဒီလိုကျောင်းမျိုးမှာ သင်ကြားတတ်မြောက်ဖို့ အရမ်းကိုခက်ခဲပါတယ် ” ဟု အသက် ၈ နှစ် အရွယ် အဏ္ဏ၀ါ စဂျခ် (Anwar Sjak) က ဆိုသည်။

ကျောင်းထဲတွင် အစိုးရခန့်ဆရာ ၁၁ ယောက်သာရှိပြီး၊ ဆရာတစ်ဦးလျှင် ကလေးငယ် ၁၁၄ ယောက်အား သင်ကြားရသည်။ သတင်းထောက်များ ကျောင်းသို့သွားရောက်လေ့လာသောနေ့တွင် ၄င်းတို့သည် ကျောင်း၏ ပုံမှန်အခြေအနေအား မပြသခဲ့ကြပေ။

ရိုဟင်ဂျာစောင့်ရှောက်ရေးစေတနာ့ဝန်ထမ်းများသည် ကျောင်းအတွင်း ငြိမ်သက်မှုရှိစေရန် ထိန်းသိမ်းပေးနေကြပြီး၊ လူတစ်ဦးသည် လက်ထဲတွင်ကြိမ်လုံးကိုင်၍ အမှိုက်များပြည့်နေသည့် ကွန်ကရစ်ကြမ်းပြင်အား ရိုက်ကာ ဆိတ်ငြိမ်စွာနေကြစေသည်။ ကလေးအနည်းငယ်မျှသာ ခုံ သို့မဟုတ် စားပွဲများ ရှိကြ၏။ အတော်များများသည် အချင်းချင်း စကားပြောနေကြသလို၊ ဗလာကျင်းဖြစ်နေသော မှတ်စုစာအုပ်များကို လှန်လျောနေကြသည်။ ထို့အတူ သူတို့ကျောင်းထဲ ၀င်ရောက်လာကြသော သူစိမ်းများအား ငေးမောလျက်သာရှိနေကြသည်။

“ ဖြစ်ချင်တာဖြစ်ခွင့်ရမယ်ဆိုရင် ကျွန်တော်ကြီးလာတဲ့အခါ ဆရာဝန်တစ်ဦးဖြစ်ချင်တယ်။ ဘာကြောင့်လည်းဆိုတော့ ကျွန်တော်တို့မိသားစုထဲမှာ တစ်စုံတစ်ယောက် နေမကောင်း ဖြစ်လာတိုင်း ဆေးရုံကိုသွားရင် ၀န်ထမ်းတွေက ကျွန်တော်တို့အပေါ် ဂရုမစိုက်ကြဘူး။ ကျွန်တော် အဲဒါကို အလွန်ခံပြင်းပါတယ်။ ဒါပေမယ့် အစိုးရက ခွင့်ပြုမှာမဟုတ်လို့ ကျွန်တော့်ရည်မှန်းချက် ဘယ်တော့မှ ဖြစ်မလာနိုင်ဘူးဆိုတာ ကျွန်တော်သိပါတယ် ” ဟု တတိယတန်းကျောင်းသား အဏ္ဏ၀ါက ဆိုသည်။

မြန်မာနိုင်ငံတွင် ရိုဟင်ဂျာများအား ဆေးကျောင်းတက်ရောက်ခွင့် မပေးချေ။ ရခိုင်ပြည်နယ်မြောက်ပိုင်းတွင် တက္ကသိုလ်များ မရှိ။ ၄င်းပြင် ရိုဟင်ဂျာများအား ထိုဒေသပြင်ပ ဘယ်ကိုမှ ထွက်ခွာခွင့် မပေးသည်မှာ ဆယ်စုနှစ်တစ်ခုမက ကြာမြင့်ခဲ့ပြီဖြစ်သည်။ ခြွင်းချက်အဖြစ် ရိုဟင်ဂျာတစ်ချို့အား ပြည်နယ်မြို့တော်စစ်တွေ၌ စာသင်ကြားခွင့် ခွင့်ပြုထားခြင်းသည်လည်း လွန်ခဲ့သောနှစ် သွေးချောင်းစီးမှု၏နောက် နိဋ္ဌိတံခဲ့ပြီ ဖြစ်သည်။

“ ကျွန်တော်တို့ကို သူတို့ စာသင်မပေးချင်ကြဘူး။ ကျွန်တော်တို့ကို (မွတ်စ်လင်မ်တွေကို ချိုးနှိမ်ခေါ်ဆိုတဲ့ အသုံးအနှုန်းဖြစ်တဲ့) ကုလား လို့ခေါ်ကြတယ်။ မင်းတို့ဟာ တန်းတူနိုင်ငံသားတွေမဟုတ်ဘူး၊ ဒါကြောင့် မင်းတို့ ဘာပညာမှရှိစရာမလိုအပ်ဘူး လို့ သူတို့ကပြောလေ့ရှိပါတယ် ” ဟု ပင်လယ်ကမ်းခြေရွာလေးဖြစ်သော မြင်းလွတ်ရွာမှ ရိုဟင်ဂျာကလေးငယ်များအတွက် ကိုယ်ပိုင်စာသင်ခန်းလေးအား မိမိနေအိမ်တွင် ဖွင့်လှစ်ထားသူ အသက် ၂၅ နှစ်အရွယ် စိုယဒ် အလမ် (Soyed Alum) က ပြောပြသည်။

နှစ်စဉ်နှစ်တိုင်း ထောင်ချီသော ရိုဟင်ဂျာများသည် ရခိုင်ပြည်နယ်မြောက်ပိုင်းကို စွန့်လွှတ်ကာ၊ အခြားနိုင်ငံများ၌ ခိုလှုံသူဒုက္ခသည်အနေနှင့် နေထိုင်ခွင့်ရရေးမျှော်လင့်ချက်ဖြင့် အန္တရာယ်များသော ပင်လယ်ခရီးကို သွားကြသည်။ ရိုဟင်ဂျာအများစုပါဝင်သည့် လူပေါင်း ၂၅၀,၀၀၀ ကို အဓမ္မအိုးအိမ်စွန့်စေသော မကြာသေးမှီက ဖြစ်ပျက်ခဲ့သည့် ဘာသာရေးအကြမ်းဖက်မှုများကြောင့် ထိုသို့ပြုကြခြင်းဖြစ်သည်။ ဤလ မုတ်သုံရာသီအကုန် ပင်လယ်ပြင်ငြိမ်သက်ချိန်စတင်သည်နှင့် အကြီးမားဆုံးစွန့်စားခန်းတစ်ခု စတင်ကြလိမ့်မည်ဟု လူ့အခွင့်အရေးလှုပ်ရှားသူများက တွက်ဆထားကြောင်း သိရသည်။

ရိုဟင်ဂျာများသည် ရခိုင်ပြည်နယ်မြောက်ပိုင်းတွင် ရာစုနှစ်များစွာ နေထိုင်လာခဲ့သူများဖြစ်သည်။ သို့သော် ယခုအခါ ယင်းနေရာတွင် နေထိုင်နေသူအချို့မှာကား အိမ်နီးချင်းနိုင်ငံဖြစ်သော ဘင်္ဂလားဒေ့ရ်ှမှ လတ်တစ်လော ပြောင်းရွှေ့ဝင်ရောက်လာကြသူများဟု အချို့ သမိုင်းပညာရှင်များက ဆိုသည်။ သူတို့အားလုံးမှာ နိုင်ငံသားအဖြစ်မှ ငြင်းပယ်ခံရသဖြင့် နိုင်ငံမဲ့လူသားများဘ၀သို့ ရောက်နေရသည်။

“ သူတို့ဟာ တရားမ၀င် ခိုးဝင်နေထိုင်သူများဖြစ်တယ် ” ဟု ပြည်နယ်အာဏာပိုင်တစ်ဦးဖြစ်သူ ဗိုလ်ချုပ် လှသိန်းက တင်းမာစွာပြောကြားသည်။

သူတို့ကို နိုင်ငံသားဖြစ်ဖို့ တားမြစ်ခံရသလို၊ နိုင်ငံ့ဝန်ထမ်းအဖြစ်လည်း တာဝန်ထမ်းဆောင်ခွင့် မပေးချေ။ မည်သည့် ရိုဟင်ဂျာကိုမှ မွေးစာရင်း မထုတ်ပေးခဲ့သည်မှာ ၁၉၉၀ နှစ်များအလယ်ပိုင်းကာလကတည်းကပင်ဖြစ်သည်။ မိဘ နှစ်ပါးသည် တရားဝင်လက်ထပ်ထားခြင်းမရှိပါက သို့တည်းမဟုတ် ၄င်းတို့လူမျိုးတစ်စုတည်းပေါ်တွင်သာ ပြဋ္ဌာန်းထားသော တစ်မိသားစုတွင် ကလေး ၂ ဦးသာယူရေးမူဝါဒထက် ပိုယူပါက ယင်းရိုဟင်ဂျာ ကလေးငယ်များသည် “ ပယ်ဖျက်စာရင်း (Blacklist) ” ၀င်အဖြစ် သတ်မှတ်ခံထားရသဖြင့် သူတို့အတွက် အခြေခံရပိုင်ခွင့်လေးများပင် မခံစားကြရပေ။

အာဏာပိုင်များသည် လျစ်လျူရှုပစ်ပယ်မှုမှသည် အမှန်းတရားအဆင့်သို့ ပြောင်းလဲလာကြသည်။
AP ၏ ခရီးစဉ်အား ကူညီပေးရန်အတွက် ဗဟိုအစိုးရမှ လုံခြုံရေးထည့်ပေးသူသည် ဘာလို့များ ဒီလို “ ခွေးတွေ ” နဲ့ တွေ့ဆုံမေးမြန်းဖို့ စိတ်အားထက်သန်နေကြရတာလဲ ဟူ၍ပင် မေးမြန်းခဲ့သည်။ ရိုဟင်ဂျာမိန်းကလေးငယ်များသည် အဖွဲ့သား၏ကားမှန်များအတွင်း စောင်းငဲ့ကြည့်ရှု့ကြသောအခါ ယင်းလုံခြုံရေးပေးရန်လိုက်ပါလာသူမှ နှမချင်းမစာနာ ရုန့်ရင်းရိုင်းစိုင်းသောအသုံးအနှုန်းများဖြင့် ဆဲဆိုတုံပြန်ခဲ့သည်။

အစိုးရမှ ရိုဟင်ဂျာကလေးငယ်များကို ပေးအပ်သည့်အရာမှာ အလုပ်ခိုင်းစေခြင်း တစ်ခုသာ ရှိနေ၏။ သူတို့သည် အသက် ၁၀ နှစ်မျှသာ ရှိနေသော်လည်း ဆောက်လုပ်ရေးဝန်ကြီးဌာနမှ တစ်နေ့တွင် ၁၀၀၀ ကျပ် (တစ်ဒေါ်လာ) ပေး၍
၈ နာရီကြာအထိ နေပူပြင်းပြင်းအောက်တွင် ကျောက်တုံးများကို ကောက်ယူသယ်ထမ်းခိုင်းနေကြပေသည်။

နံနက်စောစော ရွာများသို့လာရောက်သောာထရပ်ကားကြီးများဖြင့် အိပ်ချင်မပြေသေးသည့် ရိုဟင်ဂျာ ယောင်္ကျားကလေးများကို တင်ဆောင်သွားကာ မြစ်ကမ်းနံဘေးသို့ ဖြန့်ကျက်နေရာချပေးကြသည်။
“ တွေ့လား၊ သူတို့က အလုပ်လုပ်လိုချင်ကြတာပါ ” ဟု လေးမိုင်၏ အုပ်ချုပ်ရေးမှူး ဦးလှမိုးက ဆိုသည်။
ထိုနေ့ နေ့လည်ပိုင်းလောက်တွင် သူသည် တွေ့ဆုံမေးမြန်းခြင်းခံရသော ကလေးငယ်များအား သူ၏ရုံးသို့ခေါ်ယူခဲ့သည်။ AP ၏ လုံခြုံရေးအတွက်ဟု သူကဆိုခဲ့သည်။ သို့သော်လည်း မိမိတို့အား မေးမြန်းဖြေကြားသည်များကို ပြန်လည်ပြောပြရန် ၄င်းက ခြိမ်းခြောက်တောင်းဆိုခြင်း ဖြစ်သည်ဟု ကလေးငယ်များက ဆိုသည်။

ထိုကလေးငယ်များထဲတွင် အဏ္ဏ၀ါ စာဒတ် ဆိုသော အသက် ၁၀ နှစ်အရွယ် ကျောက်သယ်သူလည်း ပါဝင်သည်။ နံနက် ၈ နာရီမှ ညနေ နေ၀င်ချိန်အထိ သူ၏ အမွှာအစ်ကို နှင့် အခြားသော ကောင်လေး ၅၊ ၆ ယောက် နှင့်အတူ မြစ်ထဲမှ ကျောက်တုံးများအား တောင်ကုန်းပေါ်သို့ သယ်ပို့ရသော အလုပ်ကြမ်းကို လုပ်ဆောင်ရသည်။ သူတို့မှာ ကလေးငယ်များ ဆိုသည်ထက် မြီးကောင်ပေါက်များကဲ့သို့ ထင်မြင်စရာဖြစ်နေကြသည်။ သူတို့ထံ ရယ်မောခြင်း မရှိ။ သူတို့၏ ခြေလှမ်းတိုင်းသည် ကြမ်းတမ်းမာကြောပြီး ဆုံးဖြတ်ချက်ပြည့်နှက်နေသည်။ သူတို့၏ခွန်အားကိုလည်း တစ်ရွေးသားမှ အထိခိုက်မခံကြပေ။

အဏ္ဏ၀ါသည် ပင်ပန်းနေသည့်တိုင် အလုပ်ကို ခပ်သွက်သွက်လုပ်ကိုင်သည်။ သူ့သူငယ်ချင်းများကိုပင် ပုံးများ သယ်ကူလိုက်သေး၏။ ကလေးငယ်များအဖို့ ပင်ပန်းကြမ်းတမ်းသည့်အလုပ်ဖြစ်သော်လည်း ၄င်းတို့နှင့်၎င်းတို့မိသားစု၏ စားသောက်ရေးအတွက် အထောက်အကူရစေသည်။ ဥရောပ လူမှုကယ်ဆယ်ရေး နှင့် အရပ်ဖက်စောင့်ရှောက်ရေးဌာန (European Commission Humanitarian Aid and Civil Protection Department) မှထုတ်ပြန်ခဲ့သော ယမန်နှစ်စာရင်းအရ နိုင်ငံ၏အကြီးမားဆုံး အာဟာရချို့တဲ့မှုနှုန်းကို အများဆုံးတွေ့ရသည်မှာ ထိုဒေသပင်ဖြစ်သည်။ ထိုချို့တဲ့မှုသည် စိတ်ပိုင်းဆိုင်ရာကိုရော ရုပ်ပိုင်းဆိုင်ရာကိုပါ ပြင်းထန်သည့်ဆိုးကျိုး သက်ရောက်စေပါသည်။

ရခိုင်ပြည်နယ်မြောက်ပိုင်းတွင် လူမှုကယ်ဆယ်ရေးအဖွဲ့အစည်းများ၏လုပ်ပိုင်ခွင့်မှာ အကြီးအကျယ်ကန့်သတ်ခံထားရသည်။ ပစ်ပယ်ခံနေရာများတွင် ကာကွယ်ဆေးထိုးမှု မရှိသောကြောင့် ကလေးငယ်များသည် မည်သသည့်ရောဂါမဆို အလွယ်တကူ ဖြစ်ပွားနိုင်ချေရှိနေသည် ဟု မြန်မာနိုင်ငံအတွင်း ယင်းဒေသ၌ ၁၅ နှစ်ကြာ တာဝန်ယူလာသူ နယ်စည်းမခြားဆရာဝန်များအဖွဲ့ (Doctors Without Borders) ၏ ဒုဦးစီးမှူး ဗစ်ကီ ဟော့ကင်းစ် (Vickie Hawkins) က ဆိုသည်။

အကယ်၍ ရိုဟင်ဂျာကလေးငယ်များသည် စိုးရိမ်ဖွယ်ကျန်းမာရေးအခြေအနေဖြင့် ကြုံတွေ့ရပါက သူတို့သည် ဆေးရုံသို့ တက်ရောက်နိုင်ခြင်း အလျဉ်းမရှိကြပေ။ အဘယ်ကြောင့်ဆိုသော် သူတို့၏မိသားစုသည် စစ်ဆေးရေးဂိတ်များမှတောင်းဆိုသော လာဘ်ငွေများအား မပေးနိုင်ကြသလို၊ စစ်တွေသို့ကူးသန်းသွားလာခွင့်ကိုလည်း ပိတ်ပင်ခံထားရ၍ဖြစ်သည်။

အသက် ၁၀ နှစ်အရွယ် ရိုဟင်ဂျာကလေးငယ် မုဟမ္မဒ် သွိုင်ယုဗ် (Mohamad Toyoob)သည် ဆေးဝါးကုသခွင့်ကို ရရှိခဲ့သော်လည်း ဆရာဝန်များညွှန်ကြားထားသော ခွဲစိပ်မှုကိုတော့ မပြုလုပ်နိုင်ခဲ့ပေ။ ကလေးငယ်သည် ရှပ်အင်္ကျီကို မ,တင်လိုက်ပြီး သူ့ဝမ်းဗိုက်ညာဘက်ခြမ်းကို ဖိနှိပ်ပြကာ၊ လွန်ခဲ့သော ၃ နှစ်ခန့်ကပင် ထိုနေရာ၌ စူးစူးရှရှ နာကျင်နေလေ့ရှိကြောင်းကို “ ဘာဖြစ်မှန်း ကျွန်တော် မသိဘူး။ အထဲမှာ တစ်ခုခုရှိနေသလို ခံစားနေရတာပဲ ” ဟု သူက ပြောပြသည်။ သူမှသိမ်းဆည်းထားသော ဆေးစစ်တမ်းတစ်ခုတွင် ၀မ်းဗိုက်တွင်းအစိုင်အခဲ ဟုသာရေးသားထားပြီး မေးခွန်းသင်္ကေတများစွာ ခြစ်ထားသည်ကို တွေ့ရ၏။ မုဟမ္မဒ်ပြသခဲ့သော ဆရာဝန်များသည် ဆေးကိရိယာမပြည့်စုံသည့် အစိုးရဆေးရုံမှဖြစ်ပြီး၊ အသက်ကယ် ခွဲစိတ်ကုသမှုကို လုပ်ဆောင်နိုင်စွမ်းမရှိကြပေ။ ထိုခွဲစိတ်မှုအား ပြုလုပ်နိုင်ရန် သူသည် သွားလာရေးကန့်သတ်ထားသည့် စစ်တွေမြို့ သို့မဟုတ် ဘင်္ဂလားဒေ့ရှ်သို့သွားရောက်ရမည်ဖြစ်သည်။ သူ့မိသားစုက လာဘ်ငွေ တနင့်တပိုးကို ပေးဆောင်နိုင်ပါက သူသည် ဘင်္ဂလားဒေ့ရ်ှသို့ထွက်သွားနိုင်မည် ဖြစ်သော်လည်း ဌာနီပြန်လာရန်မူ လွယ်ကူမည် မဟုတ်တော့ပေ။

အခြားအခက်အခဲတစ်ခုမှာ ငွေကြေးပင်ဖြစ်သည်။ အဘယ်ကြောင့်ဆိုသော် သူ့မိသားစုထံ၌ သူ၏ ကျန်းမာရေးစားရိတ်နေနေသာသာ ခွဲစိတ်ကုသရန်အတွက်ပင် ငွေကြေး မလုံလောက်။ သူသည် အိတ်အတွင်းသို့လက်နှိုက်ကာ အနီ၊ ပန်းရောင်၊ အ၀ါ နှင့် အပြာနုရောင် ဆေးလုံးလေးများပါရှိသော ပလစ်စတစ်အိတ်ငယ်လေး နှစ်ခုကို ထုတ်ယူလိုက်သည်။ ၄င်းသည် တစ်ရက်စာဖြစ်၍ ဆေးဖိုး ၂၀၀ ကျပ် (ဆင့် ၂၀) စာမျှသာ ရှိ၏။ ထိုပိုက်ဆံအားရရှိရန် မုဟမ္မဒ်သည် ရွာမှ အခြားကလေးငယ်များနှင့်အတူ မြစ်ကမ်းနံဘေးတွင် ကျောက်တုံးများကို ခက်ခဲပင်ပန်းစွာ ထမ်းနေရရှာသည်။ ရံဖန်ရံခါ ထိုပင်ပန်းမှုများကြောင့် နာကျင်မှုပိုမို ဆိုးရွားလာသည်ဟု သူက ဆိုသည်။

“ ကျွန်တော့်အဖေဟာ အကြမ်းဖက်မှုများအပြီးမှာ အလုပ်ပြုတ်သွားတယ်။ သူ အလုပ်လုပ်နေတုန်းကတော့ ကျွန်တော်တို့ တတ်နိုင်ပါတယ်။ အခုတော့ ကျွန်တော်တို့မှာ ဘာမှ မရှိတော့ဘူး။ ကျွန်တော်လည်း ကိုယ့်ကိုယ်ကို ကရုစိုက်ဖို့သာ ရှိပါတော့တယ်ခင်ဗျာ ” ။

** အယ်ဒီတာမှတ်ချက် **
ဤအကြောင်းသည် ဆယ်စုနှစ်များစွာ စစ်အုပ်ချုပ်ရေးလက်အောက်မှလွတ်မြောက်လာပြီးနောက် ကာလရှည်ထီးတည်းရှိနေခဲ့သည့် မြန်မာနိုင်ငံ၏ တံခါးဖွင့်မှု နှင့် ဖြစ်စဉ် အပြောင်းအလဲရှိမရှိကို AP သတင်းဌာနက တစ်နှစ်ပတ်လုံး သုံးသပ်ဖော်ပြချက်ဇာတ်လမ်းရှည် “ ပြောင်းလဲမှု၏ ပုံတူကားချပ် ” (Potraits of Change) မှ တစ်စိတ်တစ်ပိုင်းသာ ဖြစ်ပါသည်။

AP သတင်းဌာတွင် ဖော်ပြခဲ့သော ဆောင်းပါးရှင် ROBIN McDOWELL၏ Rohingya kids in Myanmar: hard labor, bleak lives ဆောင်းပါးကို ‘မင်းသိုက်’ ဘာသာပြန်ဆိုပါသည်။

October 19, 2013
လူနည်းစုဝင်တို့ကို အရာပေး အလေးထားရမည့် မြန်မာပြည် (ဘာသာပြန် ဆောင်းပါး)

အောက်တိုဘာ၊ ၁၆
M-Media

မြန်မာနိုင်ငံ၏အသွင်ကူးပြောင်းမှုသည် လက်ခံဖွယ်ရာရှိ၏။ သို့သော် မွတ်စ်လင်မ်လူ့အဖွဲ့အစည်းအပေါ် အကြမ်းဖက်မှုများက ၄င်းအား အရောင်စွန်းထင်းစေ၏။ ဤဆိုးဝါးသော တိုက်ခိုက်မှုတို့သည်ုမြန်မာပြည်၏ သွေးနုသားနု ဒီမိုကရေစီအတွက်သော်လည်းကောင်း၊ နိုင်ငံ၏ပုံရိပ်အတွက်သော် လည်းကောင်း ဒေသတွင်းနှင့်နိုင်ငံတကာ အသိုင်းအ၀ိုင်း အလယ်၌ ဧကန်ပင် အန္တရာယ်တစ်ရပ်ဖြစ်လာစေသည်။

ယခုသီတင်းပတ်အတွင်း အကြမ်းဖက်မှုဖြစ်ပွားခဲ့သော ရခိုင်ပြည်နယ်သို့ သမ္မတဦးသိန်းစိန် ရောက်စဉ်က “ ပြီးခဲ့တဲ့ ပြဿနာတွေကြောင့် ဖြစ်ပေါ်လာတဲ့ ဆုံးရှုံး နစ်နာမှုများကို ပြန်လည် ထူထောင်ရေးကြိုးစားနေချိန်မှာ အဓိကရုဏ်းတွေ ထပ်မံ မဖြစ်ပွားဖို့ အရေးကြီးပါတယ်။ ရခိုင်ပြည်နယ် အစိုးရအနေနဲ့ ပြီးခဲ့တဲ့ အရေးအခင်းတွေ အပေါ် သင်ခန်းစာယူပြီး ပဋ်ိပက္ခရှောင်လွဲနိုင်ရေး အတွက် လူထုနဲ့ ပူးပေါင်းဆောင်ရွက်ဖို့ လိုအပ်ပါတယ် ” ဟု ပြောကြားခဲ့သည်။

ဆောင်ရွက်ရမည့်လိုအပ်ချက် များစွာရှိနေသေး၏။ အကောင်းဆုံး လေ့ကျင့်မှုနှင့် အသုံးချကိရိယာများအသုံးပြု၍ ရဲဝန်ထမ်းတို့၏စွမ်းရည်မြှင့်တင်ရန်မှာလည်း အရေးပါသောကိစ္စ တစ်ခုဖြစ်သည်နှင့်အညီ လိုအပ်သည့် အပြောင်းအလဲတို့ကို ပြင်ပရှိ ကျွမ်းကျင်သူနှင့် ပူးပေါင်းကူညီချက် ပါဝင်မှ အရှိန်မြှင့်တင်နိုင်ပေမည်။

သို့သော် ဤပြဿနာများအားဖြေရှင်းနိုင်သည့်နည်းလမ်းမှာ မြန်မာပြည်၏မြို့ရွာတိုင်း၌ တွေ့မြင်နိုင်ပေသည်။ ပြည်တွင်း မွတ်စ်လင်မ်လူ့အသိုင်းအ၀ိုင်းသည် မြို့အများစု နှင့် ရွာပေါင်းများစွာတွင် ပြန့်ကျဲလျက် ရှိနေကြ၏။ သို့သာမက မြန်မာမွတ်စ်လင်မ်တို့သည် နိုင်ငံ့စီးပွားရေးနှင့် အကျွမ်းဝင် အသားကျနေသည်မှာ ကြာညောင်းလှချေပြီ။ စီးပွားဖြစ်ထွန်းရာ မြို့တစ်မြို့ နယ် တစ်နယ် အကြမ်းဖက်မှုကြောင့် ဖျက်ဆီးခံရလျှင် ငွေကြေးလည်ပတ်မှုကဏ္ဍမှာ ထိခိုက်ချက်ကြီးမားကြာရှည် တတ်၏။ ဥပမာ – မိတ္ထီလာ မွတ်စ်လင်မ် လူ့အဖွဲ့အစည်းအပေါ် တိုက်ခိုက်မှုများက ဈေးကွက်များ ဆုတ်ယုတ် နိမ့်ကျသွားခြင်း၊ လာရောက်လည်ပတ်သူ မရှိတော့ခြင်း၊ ပုံမှန်ငွေးကြေး လည်ပတ်မှု စံနစ် ပြတ်တောက်သွားခြင်းတို့ ဖြစ်ရသည်။

ဗုဒ္ဒဘာသာဗ မာလူမျိုးကြီး ၀ါဒထွက်ပေါ်ခြင်း နှင့် သံဃာဦးဆောင်သော ၉၆၉ အဖွဲ့၏သြဇာကြီးထွားလာခြင်း သည် ဘာသာပေါင်းစုံရောပြွမ်းရှိနေသည့်လူထုအတွက် အန္တရာယ်ဆိုး တစ်ရပ်ပင်ဖြစ်သည်။ ယင်း ၉၆၉ အဖွဲ့မှာ မွတ်စ်လင်မ်တို့၏စီးပွားရေးလုပ်ငန်းများကို သပိတ်မှောက်ရန်၊ ၄င်းတို့နှင့် မသင့်မြတ်ကြရန် တစိုက်မတ်မတ် လှုံ့ဆော်ဟောပြောနေကြသည်။ နိုင်ငံ၏ စစ်အုပ်ချုပ်ရေးနှ စ်များစွာအတွင်း အခြေခိုင်လာခဲ့သည့် ပရမ်းပတာဖြစ်မှု နှင့် အမျက်ဒေါသတို့အား ညစ်ညမ်းသော လှုပ်ရှားမှုတစ်ရပ်ကို သုံး၍ ပြည်တွင်း လူနည်းစုတစ်စု အပေါ် ဦးတည်နေခြင်း လမ်းကြောင်းမှ ဖယ်ခွာရန်၊ ဒီမိုကရေစီနည်းကျ သဟဇာတဖြစ်စွာ တိုင်းပြည် စီးပွားဖြစ်ထွန်းစေမည့် အကျိုးပြုအမြင် တစ်ရပ်ဖက်သို့ ရှေ့ရှုရန် လိုအပ်နေပေပြီ။

မြန်မာအတွက် GPS မြင့်မားရေး ခြေလှမ်းများ
————————————————-
မြန်မာနိုင်ငံအနေနှင့် အမျိုးသားစီးပွားရေးဝါဒ အဖြစ်ဟန်ဆောင်ထားသည့် အမုန်းတရား သွတ်သွင်းဟောပြောလှုံ့ဆော်နေခြင်းကို တရားဝင် ပယ်ဖျက်လိုက်ရန်လည်း လိုအပ်နေသည်။ ယင်းသို့ ဖော်ထုတ်ပြောဆိုနေချက်သည် ဒီမိုကရေစီစံနစ်နှင့်ဆန့်ကျင်သည်၊ အကြမ်းဖက်မှုကိုအားပေး၍ မတည်ငြိမ်မှုဖြစ်စေကာ စီးပွားရေးဖွံ့ဖြိုး တိုးတက်မှုအား ဖြိုလဲနေပေသည်။ ကျွမ်းကျင်မှု၊ ဘာသာစကားများ၊ အရင်းအနှီး၊ ပင်ကိုယ်တီထွင်စွမ်းရည်များတွင် လိုအပ်ချက်ကြီးမားနေသော အသာစီးရလူတို့အား အားပေးနေခြင်းထက် လူမျိုးဘာသာ ယဉ်ကျေးမှုစုံ သဟဇာတကျကျ ပါဝင်တည်ရှိသော ပွင့်လင်းမြင်သာလူ့အဖွဲ့အစည်းက – သီးသန့်စီရှိနေသည့် လူ့အရင်း အမြစ်စွမ်းအားများ တပေါင်းတစည်းတည်း ဖြစ်ပေါ်လာစေသည်။

အရှေ့တောင်အာရှနှင့်နိုင်ငံတကာအသိုင်းအ၀ိုင်း၌ အခြားသောအကြောင်းအရာများထက် မြန်မာမွတ်စ်လင်မ်တို့အပေါ် ထားရှိသည့်ဆက်ဆံရေးကို ပိုမိုစောင့်ကြည့်ခံနေရ၏။ အကြောင်းမှာ မြန်မာနိုင်ငံသည် အရှေ့တောင်အာရှ အားကစားပြိုင်ပွဲ၏အိမ်ရှင် နှင့် အာဆီယံအသင်း ဥက္ကဌနေရာကို ရယူဆောင်ရွက်ရတော့မည်။ ကမ္ဘာ့အာရုံသည် မြန်မာနိုင်ငံ၏ အားကစားသမားများ၊ အာဏာပိုင်များ၊ သံတမန်များအပေါ်၌သာမက လက်ရှိဖြစ်တည်ဆဲ အုပ်ချုပ်ရေးစံနစ်နှင့် နိုင်ငံရေး အခင်းအကျင်းများအပေါ်တွင်လည်း စူးစိုက်လာကြမည်ဖြစ်သည်။ နိုင်ငံတစ်နိုင်ငံမှ ၄င်း၏လူနည်းစုဝင်များ အပေါ်ထားရှိသည့် ဆက်ဆံရေးသည် ထိုတိုင်းပြည်၏ ဒီမိုကရေစီစံနှုန်းပင်ဖြစ်၏။ ၂၀၁၁ ခုနှစ်၊ မတ်လ အရပ်သားဦးဆောင် အစိုးရကိုဖန်တီးလိုက်ချိန်မှ စ၍ မြန်မာပြည်၏ ပွင့်လင်းနွေးထွေးမှုမှာ နိုင်ငံတကာ၏ အကဲခတ်မှုအနေအထားသစ်သို့ တအုံနွေးနွေးရောက်ရှိနေသည်။ အလားတူစွာပင် ဒီမိုကရေစီစံနစ်၊ မူဝါဒများ၊ လူ့အခွင့်အရေး၊ တရားဥပဒေစိုးမိုးရေးတို့နှင့် ပတ်သက်၍ အပြည်ပြည်ဆိုင်ရာ အဆင့်အတန်းနှင့် သတ်မှတ်ချက်များအပေါ် စွဲမြဲ လိုက်နာလာရန်ကိုလည်း အကြီးအကျယ် မျှော်လင့်ထားကြ၏။

ယမန်နှစ် ဇွန်လ မြောက်ပိုင်းရခိုင်ပြည်နယ်မှစတင်လိုက်သည့် ဘာသာရေးအကြမ်းဖက်မှု ပြန့်ပွားလာရာတွင် အာဏာပိုင်များသည် ကျူးလွန်ပါဝင်သူများကို ထိရောက်ပွင့်လင်းမြင်သာစွာ အရေးယူမှုမရှိသောကြောင့် ကမ္ဘာတစ်ဝှန်းကလည်း စိုးရိမ်ခဲ့ကြသည်။ ဒေသခံလုံခြုံရေးဝ န်ထမ်းတို့မှ ဒေါသထွက်နေသည့် လူအုပ်ကို လောက်လောက်လားလား ထိန်းသိမ်းနိုင်စွမ်း မရှိခဲ့။ သံဃာတစ်ပါးအား သတ်ဖြတ်မှုကို မဆိုထားနှင့် ဈေးဆိုင်အချင်းများမှုကိုပင် မကိုင်တွယ်နိုင်ကြပေ။ တရားဥပဒေစိုးမိုးမှုအပေါ် အယုံအကြည်ကင်းမဲ့လာခြင်းက မိမိတို့ဖာသာ စီရင်ခြင်းကို အလျဉ်မပြတ်သော အကျိုးဆက်ဆိုးများနှင့် အတူ ပြည်သူတို့အကြား ဖြစ်ပေါ်စေခဲ့သည်။

အာဏာပိုင်တို့သည် လူမျိုးဘာသာမခွဲခြားပဲ နိုင်ငံသားတိုင်းကိုကာကွယ်ပေးခြင်း၊ အကြမ်းဖက်ကျူးလွန်သူများအား ရပ်တန့်စေခြင်း စသည်တို့ဖြင့် ဥပဒေမဲ့လုပ်ရပ်များအပေါ် နိုင်နင်းစွာထိန်းသိမ်းရမည့်အစား ရာဇ၀တ်မှုဆိုင်ရာဥပဒေအားလျစ်လျူရှုလျက် လိုအပ်သည့်နေရာတွင် အခွင့်အာဏာနှင့်အင်အားကို လုံးဝနီးပါးအသုံးမပြုခဲ့ခြင်းကလည်း အကျိုးဆက်ဆိုးရွားခြင်း၏ အကြောင်းတစ်ရပ်ဖြစ်သည်။

ရဲဌာနများသည် အဆင့်များစွာ၌ ပေါ့လျော့ပျက်ကွက်သည်ကား မှန်၏။ သို့သော် ဤသို့ ဖြစ်ကတတ်ဆန်းတုန့်ပြန်မှုမှာ ထိပ်ပိုင်းဆိုင်ရာအဆင့်မှပင် အစပြုနေ၏။ သမ္မတဦးသိန်းစိန်အနေနှင့် အသိတရားမဲ့ရမ်းကားမှုများကို လုံးဝ သည်းခံတော့မည် မဟုတ်ဟု ကြေငြာ ထားခဲ့၏။ ကြေငြာချက်၏နောက်တွင် မြန်မာပြည်သူ အပေါင်း၏လုံခြုံရေးကို ဦးစားပေးသောအားဖြင့် ပြတ်သားသော အမိန့်များနှင့်တစ်ကွ အာဏာကိုတည်စေမည့် ဆောင်ရွက်ချက်များကို အလွန်အကျွံအင်အားသုံးဖြိုခွဲမှုမပြုပဲ လုပ်ဆောင်ရန် လိုအပ်နေသည်။

မန္တလေး နှင့် စစ်ကိုင်းတိုင်းမှဖြစ်ရပ်အချို့မှာ ကြိုတင် သတင်းရရှိထားသော်လည်း ရဲဝန်ထမ်းများအပါအ၀င် အာဏာပိုင်များ၏ တုန့်ပြန်မှုသည် အချိန်နှင့်တစ်ပြေးညီ ဖြစ်မလာခဲ့။ ပုံစံတူစော်ကားမှု၊ ဖြစ်ရပ်၊ အရောင်းအ၀ယ် အငြင်းပွားမှုတို့ဖြင့် စတင်လိုက်သော လူထုအကြားပြဿနာများကို တပြုံတမ ပျက်စီးမှုများနှင့်လူသေဆုံးမှုများ မဖြစ်လာစေဘဲ တမဟုတ်ချင်း ကိုင်တွယ်ညွှန်ကြားလိုက်ရမည်ဖြစ်သည်။

မြန်မာခေါင်းဆောင်တို့သည် ရှင်းလင်းပြတ်သားရန်၊ ရဲတပ်ဖွဲ့တို့ကို မလှုပ်သာအောင်ထိန်းချုပ်မထားရန် လိုအပ်သည်။ တစ်ချိန်တည်းမှာပင် ပြည်တွင်းရှိ နိုင်ငံရေးနှင့် ဘာသာရေးခေါင်းဆောင်တို့သည်လည်း မိမိ၏ပြောဆိုချက်များ အပေါ် အလေးထားဆင်ခြင်ရပါမည်။ အကယ်၍ မြန်မာနိုင်ငံသည် ဤအချက်များကို ဆက်လက် ကျူးလွန် မှားယွင်းနေပါက ပြည်သူပြည်သားတိုင်း နစ်နာဆုံးရှုံးပေတော့မည်။ အဘယ်ကြောင့်ဟူမူ အကြမ်းဖက်မှု၊ မတည်ငြိမ်မှု၊ တစ်ယူသန်မှုနှင့်ပြည့်နှက်နေသော တိုင်းပြည်တစ်ပြည်၌ (သဘောရိုးဖြင့်) လာရောက်လည်ပတ်လိုသူ၊ ရင်းနှီးမြှုပ်နှံလိုသူ မရှိ၍ဖြစ်၏။

သို့တစေလည်း မြန်မာပြည်သည် ဤအပြောင်းအလဲများအား မှန်ကန်အောင်ပြုလုပ်နိုင်ပါလျှင် ရွှေတံဆိပ်များ၊ ချီးမွှမ်းမှုများ၊ ကမ္ဘာလှည့်ခရီးသွားများ၊ ရင်းနှီးမြှုပ်နှံမှုများကိုသာမက နိုင်ငံ၏နယ်နမိတ်အတွင်း ငြိမ်းချမ်းရေးနှင့်တည်ငြိမ်ရေးကိုပါ အောင်မြင်စွာရရှိခံစားနိုင်မည်မှာ မလွဲတည်း။

** Jim Della-Giacoma ရေးသားသော CNN ၏ အထူးဆောင်းပါး Myanmar must embrace minorities ကို “ မြင့်မိုရ်မောင်မောင် ” မှ ဆီလျော်အောင်ပြန်ဆိုရေးသားသည်။
ဆောင်းပါးရှင်၏ အမြင်ဖော်ပြချက်သာ ဖြစ်ပါသည်။

Jim Della-Giacoma သည် International Crisis Group ၏ အာရှအစီအစဉ် ဒါရိုက်တာ ဖြစ်သည်။ သူ၏ ‘The Dark Side of Transition: Violence against Muslims in Myanmar’ အမည်ရှိ ရေးသားချက်အား အောက်တိုဘာ ၁ ရက်နေ့က ဖော်ပြခဲ့သည်။

October 16, 2013
တိုင်းရင်းသားတော်လှန်ရေးများ ချုပ်ငြိမ်းလိုပါလျှင် (ဒေါက်တာ မောင်ဇာနည်)

မူရင်းဆောင်းပါးရှင် – ဒေါက်တာ မောင်ဇာနည်
သာကီ ထက်ကောင်း ဆီလျော်အောင် ဘာသာပြန်ပါသည်။
M-Media

Photo-Myanmar Peace Monitor, Oxford Analytica

မြန်မာစစ်ခေါင်းဆောင်တို့သည် တိုင်းရင်းသားတော်လှန်ရေးများနှင့်ပတ်သက်၍ ငြိမ်းချမ်းမှုကို ရေရှည်ထိန်းသိမ်းထားလိုဟန် မရှိချေ။

ကားလ်မာ့ခ်စ်(Karl Marx) က သူ၏ ကွန်မြူနစ်ပါတီဝါဒကျမ်း(၁၈၄၈ ခုနှစ်)တွင် “ လက်ရှိကာလအထိဖြစ်တည်နေသော လူ့အဖွဲ့အစည်း သမိုင်းသည် လူတန်းစားများ၏ တိုက်ပွဲသမိုင်း ဖြစ်နေ၏ ” ဟု ရေးသားထား၏။ ယင်းသို့သော သုံးသပ်ချက်မှာ မြန်မာ့ပြည်တွင်းရေး ပဋိပက္ခများရှိ တိုင်းရင်းသား လူတန်းစားတို့၏ အရေးပါမှုနှင့် ချိန်ထိုးကြည့်ပါက တစ်ဝက် တစ်ပျက်သာ မှန်ကန်ခြင်းရှိ၏။ ယခုအခါ ဤတိုင်းရင်းသားများ၏ လူမှုဘ၀ အရေးအရာတို့သည် နိုင်ငံရေး ကစားကွက်လေလောဟု ပညာရှင်များစွာ အဖို့ စဉ်းစားစရာဖြစ်လာသည်။ ကရင်၊ ကချင်၊ မွန်၊ ရှမ်း နှင့် အခြား တိုင်းရင်းသားတို့မှာ AK-47 သို့မဟုတ် M16 လက်နက်များ ကိုင်စွဲ၍ ဆက်လက် တိုက်ပွဲဝင်ရသည့် လမ်းကြောင်းသို့ရောက် ရှိနေသည်။ ၂၀၀၅ ခုနှစ်မှ စ၍ သူတို့သည် ရန်ကုန်နှင့်နေပြည်တော်ရှိ ၄င်းတို့၏ တစ်ယူသန် ရန်သူ့ခြေဖျားအောက်မှ တစ်ဖက်သတ်အနိုင်ယူ ၀န်းရံထားမှုကို အားမတန်မာန်လျှော့ ခံယူနေရပေသည်။

၁၉၄၈ ခုနှစ်လွတ်လပ်ရေးကာလကပင် တိုင်းရင်းသားလက်နက်ကိုင်စစ်ပွဲများမှာ အဆက်မပြတ် ကြိုကြားကြိုကြား ပွင့်အံဖြစ်ပေါ်နေခဲ့သည်။ ဗမာလူမျိုး မဟုတ်ဆိုသောအမြင်၊ ပြည်သူ့အရေးနှင့်စစ်ရေး နှစ်မျိုးလုံးတွင် ဗမာလူမျိုးတို့ လွှမ်းမိုးကြီးစိုးထားသည့် အစိုးရမှ သက်ဆိုင်ရာပြည်နယ်တို့၏ သဘာဝ အရင်းအမြစ်များကို ချုပ်ကိုင်ထားခြင်း၊ တန်းတူညီမျှ အခွင့်အာဏာအားငြင်းပယ်မှုတို့က ယင်းစစ်ပွဲတို့၏မောင်းခလုတ် ဖြစ်သွားစေခဲ့သည်။ မြန်မာနိုင်ငံသည် ဗြိတိသျှကိုလိုနီခေတ် ကာလအတိုင်း စစ်တပ်၏ အရေးပါမှုကို ထိပ်တန်းတင်ဆဲ။ ကွာခြားသည်မှာကား စစ်ဗိုလ်ချုပ်များက ၄င်းတို့၏လက်ဝါးကြီးအုပ် အုပ်ချုပ်ရေးကို ရာစုနှစ်တစ်ဝက် လွန်သည်အထိ လက်ဝေခံထားကြသည်။ ဗြိတိသျှတို့အုပ်စိုးခဲ့စဉ်က မြန်မာနိုင်ငံသည် “ကမ္ဘာ့ဆန်အိုးကြီး” အဖြစ် ကမ္ဘာ့ပို့ကုန်ထက်ဝက်မျှ ထုတ်လုပ်တင်ပို့ခြင်းဖြင့် ၀င်ငွေကောင်းမွန်ခဲ့သည်။ မြန်မာဗိုလ်ချုပ်ကြီးများ လက်ထက်တွင်မူ မြန်မာနိုင်ငံကို ပလိုင်းပေါက်နှင့် ဖားကောက်ဘ၀သို့ တွန်းပို့လိုက်သည်။ ၄င်းမှာ ကမ္ဘောဒီးယား၏မျိုးသုဉ်း သတ်ဖြတ်မှုခေတ်လွန် အခြေအနေထက်ဆိုးသော အနေအထားဖြစ်နေ၏။

ဗိုလ်ချုပ်နေ၀င်း လက်အောက်ခံဖြစ်စေ ဗိုလ်ချုပ်မှူးကြီးသန်းရွှေ လက်အောက်ခံဖြစ်စေ စစ်အာဏာပိုင်တို့သည် တိုင်းရင်းသားတော်လှန်ရေးများနှင့် ပတ်သက်၍ ငြိမ်းချမ်းမှုနှင့် မျှတမှုကို ရေရှည်ထိန်းသိမ်းထားလိုဟန် မရှိချေ။ ငြိမ်းချမ်းရေး သဘောတူညီမှုများ၌ အမြဲတစေ အာဏာရှင်ဆန်ဆန် ပြုမူလာခဲ့ကြသည်။ စစ်အာဏာသိမ်းကာ စစ်အုပ်ချုပ်ရေး အုတ်မြစ်ချပြီးနောက် တစ်နှစ် ၁၉၆၃ ခုနှစ်တွင် ဗိုလ်ချုပ်နေ၀င်းသည် ဗမာမဟုတ်သည့် တိုင်းရင်းသားတော်လှန်ရေးအုပ်စုများကိုသာမက ဗမာကွန်မြူနစ်လက်နက်ကိုင် အုပ်စုနှင့် အသက်မပါသော ငြိမ်းချမ်းရေးဆွေးနွေးပွဲများကို လူသိရှင်ကြား ပြုလုပ်ခဲ့သည်။ အမြင်မတူညီသည့် အချို့အုပ်စုများ လက်ခံလာသည့်အခါ ရန်ကုန်အစိုးရသည် ၄င်းတို့အပေါ် လူရာမသွင်းသောမူဝါဒဖြင့် ဆက်ဆံခဲ့ကြသည်။ ဗမာမဟုတ်သော တိုင်းရင်းသားလူ့အဖွဲ့အစည်းများအပေါ် ဗဟိုအစိုးရ၏အာဏာတည်မြဲရန် ဗိုလ်ချုပ်သန်းရွှေမှ စစ်အင်အားစုထံ အဖန်တလဲလဲ ညွှန်ကြားခဲ့ပြန်သည်။ ၄င်းမှာ ငြိမ်းချမ်းရေးနှင့်ပြန်လည်သင့်မြတ်ရေးအတွက် မဟုတ်သည့်အပြင် ဗြိတိသျှကိုလိုနီအုပ်ချုပ်ရေး စံနစ်၏အစိတ်အပိုင်း တစ်ရပ်ဖြစ်နေသည်။

“ အမျိုးသားညီညွတ်ပေါင်းစည်းရေးကို အောင်မြင်သည်အထိ တည်ဆောက်ကြဖို့၊ ပြည်ထောင်စုပြိုကွဲစေမည့် အတွေးအမြင်အယူအဆ မှန်သမျှကို ရှောင်ကြဉ်ကြဖို့ တိုက်တွန်းမှာကြားလိုပါတယ် ” ဟု စစ်တပ်ဆေး တက္ကသိုလ်စာသင်ခန်းမတစ်ခုတွင် သူက ပြောကြားခဲ့သည်။

သို့အားဖြင့် လွတ်လပ်ရေးရပြီး နှစ်ပေါင်း ၆၀ ကျော်လာသည့်တိုင်အောင် လက်နက်ကိုင်ပဋိပက္ခများကို သက်ဆိုးရှည်နေစေခဲ့သည်။ နေပြည်တော်ကိုဆန့်ကျင်သည့် လက်နက်ကိုင်အဖွဲ့အစည်း ၂၁ ဖွဲ့တို့သည် ၂၀၁၁ ခုနှစ်၊ ဇန္န၀ါရီလမှစ၍ အင်အားအရရော နိုင်ငံရေးအနေအထားပါ ထင်ထင်ရှားရှားအပြောင်းအလဲဖြစ်ကုန်၏။ ကချင်၊ ချင်း၊ ၀၊ နာဂတောင်တန်းဒေသများ၊ အခြားဒေသတို့နှင့်သီးခြားဖြစ်နေသော ရခိုင်ကမ်းမြှောင်ဒေသတစ်ခွင်၌ ပဋိပက္ခများ ပိုမို ကျယ်ပြန့်လာသည်။

ရှမ်းပြည်တပ်မတော်(SSA)၊ ကရင်နီအမျိုးသားတိုးတက်ရေးပါတီ၊ မွန်ပြည်သစ်ပါတီ နှင့် ကရင်အမျိုးသားတပ်ပေါင်းစု အပါအ၀င် လက်နက်ကိုင်တိုင်းရင်းသားအုပ်စုများသည် မိုင် ၁၅၀၀ မျှရှည်လျားသော ထိုင်း-မြန်မာနယ်စပ်တစ်လျှောက်၌ ဆက်လက်တပ်စွဲဖြန့်ကျက်ထားကြ၏။ ၄င်းဧရိယာမှာ အရှေ့ဖျားရှိ ရှမ်းတောင်တန်းမှသည် ထိုင်းနိုင်ငံမြောက်ဖက်နယ်စပ် ကရင်နီဒေသ၊ ၄င်း၏အောက်ဖက် တနင်္သာရီကမ်းရိုးတန်းအပြင် ထိုင်းနိုင်ငံ၏ Tak နှင့် Kanchanburi ပြည်နယ်များနှင့်ကပ်လျက် သံလွင်မြစ်တစ်ဖက်ကမ်းရှိ ကရင်နယ်ပယ်များအထိ ကျယ်ပြန့်သည်။

ဗမာမဟုတ်သည့်လူ့အဖွဲ့အစည်းများသည် နိုင်ငံ့လူဦးရေ ပမာဏ၏ သုံးပုံတစ်ပုံခန့်ရှိနေကြသည်။ လွတ်လပ်ရေး ရရှိသွားခြင်းက မိမိတို့မှာ ဗြိတိသျှအုပ်စိုးမှုမှ လွတ်မြောက်၍ ဗမာလူများစု၏ ဖျစ်ညှစ် ဆုပ်ကိုင်မှုအတွင်း တဖန် ကျရောက်သွားသည်ဟု အမြင်ရှိနေကြ၏။ ကွင်းလုံးကျွတ်လွတ်လပ်ရေး မရခင်က ကိုယ်ပိုင် အုပ်ချုပ်ခွင့်ရ ပြည်ထောင်စုမြန်မာနိုင်ငံဖြစ်ပေါ်ရေး၏ ပင်မ အသက်ဖြစ်သော – မိမိညီနောင် တိုင်းရင်းသားများကို ယဉ်ကျေးမှု၊ အာဏာ နှင့် လူမျိုးရေးတွင် တန်းတူညီမျှမှု ရှိစေမည်ဟု ကတိက၀တ် ပေးခဲ့ကြသည်။ သို့သော် လူထုနှင့်စစ်တပ် နှစ်ရပ်လုံးရှိ အမျိုးသားရေး ၀ါဒီများက လွတ်လပ်ရေးရပြီး ကာလတွင် ဤအခြေခံစည်းမျဉ်းကို ချိုးဖျက်ခဲ့ကြသည်။ သီးခြားအုပ်ချုပ်ခွင့်၊ ကိုယ်ပိုင် ဥပဒေပြဋ္ဌာန်းခွင့်ကို သဘောတူထားလင့် ကစား ၄င်းတို့မှာ လူတစ်စုတည်း၏ အကျိုးအမြတ်ကိုသာဖြစ်ထွန်းစေသည့် နိုင်ငံတော်ဖွဲ့စည်းပုံ အသစ်အား အဓမ္မ လက်ခံစေခြင်း ခံလိုက်ရပေ၏။

၁၉၄၇ အခြေခံဥပဒေတွင် လွတ်လပ်ရေးရပြီးနောက် ရှမ်းနှင့် ကရင်နီတို့ကို ၁၀ နှစ် အစမ်းကျင့်သုံးစေမည့် ကိုယ်ပိုင်အုပ်ချုပ်ခွင့် အပါအ၀င် လက်နက်ကိုင် တိုင်းရင်းသားတို့၏ အဓိက ရည်ရွယ်ချက်များမှာ မြန်မာပြည်ထောင်စု ဟူသော ခေါင်းစဉ်အောက်ဝယ် မှေးမှိန်ခဲ့ရသည်။ သို့သော် ၁၉၈၀ ခုနှစ်များအလွန်မှစတင်ကာ နိုင်ငံအတွင်းအပြင်ဖွံ့ဖြိုးရေးက တိုင်းရင်းသားတို့၏မူလခံစားခွင့်ကို ပြန်လည်ရယူရန် တွန်းအားပေးခဲ့ပေသည်။ နိုင်ငံပြင်ပရှိ ပထ၀ီနိုင်ငံရေးတန်းညှိခြင်းများ အနက် လက်နက်ကိုင်ဗမာပြည် ကွန်မြူနစ်အဖွဲ့ကို တိုက်ထုတ်ရန် မြန်မာစစ်တပ်အတွက် အနောက်တိုင်း၏ စစ်အေးကာလ ကျားကန်ထောက်ပံ့မှုက မြန်မာနိုင်ငံ၌ ပြည်တွင်း စစ်ဖြစ်ပွားမှုကို သက်ဆိုးရှည်စေခဲ့သည့် အကြောင်းတစ်ရပ်ဖြစ်သည်။ သမိုင်းကြောင်း ရန်သူဖြစ်သော ထိုင်းနိုင်ငံ၏ နိုင်ငံရေး အငြိုး နှင့် စီးပွားရေးစားကျက်လုခြင်းများ၊ ၁၉၇၀ နှစ်များအတွင်း ဗမာပြည်ကွန်မြူနစ် ပါတီအား စစ်ရေးနှင့်အယူအဆအရ ခိုင်မာစွာ ထောက်ပံ့ခြင်း၊ မအောင်မြင်သော ဆိုရှယ်လစ် စစ်အုပ်ချုပ်ရေးကာလ အတွင်း ပြည်တွင်းမှောင်ခိုဈေးကွက်၊ နယ်စပ်ဖြတ်ကျော် မှောင်ခို လုပ်ငန်းများတို့ကြောင့် မြန်မာနိုင်ငံသည် ကမ္ဘာ့အကြီးမားဆုံး ဘိန်းဖြူထုတ်လုပ်သည့် တိုင်းပြည်တစ်ခု ဖြစ်လာခဲ့၏။

ပဋိပက္ခများအကြား မြန်မာတိုင်းရင်းသားတို့၏စီးပွားရေးအခြေအနေမှာ ကုန်ထုတ်လုပ်ခြင်းအပေါ် ထိန်းချုပ်ရန် အားထုတ်မှုများ၊ လုပ်အားခ အငြင်းပွားမှုများ၊ အလုပ်အကိုင် အခြေအနေများကြောင့် မျှတမှု ကင်းမဲ့နေသည်။ တိုးတက်ဖို့အလားအလာ နည်းပါးလျက်ရှိသည်။ စင်စစ်၌ အကြောင်းတရားမှန်မှာ ဤစစ်ပွဲများပင် ဖြစ်သည်။ ယခုအခါ ဗိုလ်ချုပ် မျိုးဆက်သစ်များအောက်ဝယ် မတရား အမြတ်ကြီးစား အာဏာပိုင်တို့သည် စီးပွားဖြစ်ထွန်းရာ သို့မဟုတ် အချက်အခြာကျရာ နယ်မြေများကို ၄င်းတို့၏ လိုအပ်ချက်အရ အကြွင်းမဲ့ထိရောက်စွာ ခြယ်လှယ်ထား လိုကြပေသည်။ KIA နှင့် KNU ကဲ့သို့သော တိုင်းရင်းသားတော်လှန်ရေး အုပ်စုများအဖို့ ဘေဂျင်းနှင့် ဘန်ကောက်ထံမှ ပြည်ပ အထောက်အပံ့များ ခန်းခြောက် ကုန်သဖြင့် အခြေအနေ ဆိုးရွားနေဆဲဖြစ်ရသည်။ တိန့်ရှောင်ဖိန်လက်ထက် အိမ်နီးချင်း အင်အားကြီး တရုတ်နိုင်ငံ (နှင့်) ကာကွယ်ရေး ဦးစီးချုပ် ဗိုလ်ချုပ် ချောင်ဗာလစ် ယုံချိုင်ယု လက်ထက် ထိုင်းစစ်တပ်တို့သည် ၁၉၈၀ ပြည့်လွန်နှစ်များကတည်းကပင် ရန်ကုန်အား ထိန်းချုပ်ရန် ဆုံးဖြတ်ခဲ့ကြသည်။

သယံဇာတများကိုနှိုက်ယူမည့်စီးပွားရေးဆက်ဆံမှု၊ လက်နက်အရောင်းအ၀ယ်၊ နယ်စပ် ကုန်သွယ်ရေးတို့ကို အသုံးချလျက် အာဆီယံအတွင်း ဈေးကွက် ဖန်တီးရေးအလို့ငှာ အပြန်အလှန် စီးပွားရေးပူးပေါင်းလုပ်ဆောင်ကို အစီအစဉ် တကျ ဖော်ဆောင်လာခဲ့ကြသည်။

နယ်စပ်ဒေသများအပါအ၀င် တိုင်းရင်းသား နယ်ပယ်တို့မှာ နိုင်ငံ့နယ်မြေ စုစုပေါင်း၏ ၆၀ ရာခိုင်နှုန်းအထိ ရှိနေသည်။ စစ်အေးခေတ်လွန် ရည်မှန်းချက်သစ်အတွက် မဟာဗျူဟာအရ – စီးပွားရေးအရ ယင်းဒေသများတွင် စစ်ပွဲအများအပြား ဖြစ်လာအောင် ခင်းကျင်းထားခြင်းဟု ဆိုရလိမ့်မည်။ ယင်းဒေသများ၌ ၀င်ငွေ စီးကြောင်းဖြစ်သည့် မြေပေါ်မြေအောက် သဘာဝ သယံဇာတများ တည်ရှိနေ၍ဖြစ်၏။ ဗမာ မဟုတ်သည့် အခြား တိုင်းရင်းသား အပေါ်ထားရှိသော စစ်တပ်၏ လူမျိုးကြီးဝါဒအား အဆုံးသတ် မသတ်ကို တပ်အပ် မသိရှိနိုင်သေး။ လန်ဒန်၊ ပဲရစ်၊ ဇူးရစ်ခ်ျ၊ နယူးယော့ခ်၊ တိုကျို၊ ဆိုးလ် အစရှိသော စွန့်ဦးဖက်စပ်အရင်းရှင်နှင့် ရင်းနှီးမြှုပ်နှံသူတို့၏ အမြင်၌လည်းကောင်း၊ ဥရောပ သမဂ္ဂနှင့် ၄င်းအခြေပြုဖွံ့ဖြိုးရေးအေဂျင်စီများ၏ အမြင်၌လည်းကောင်း မြန်မာနိုင်ငံရှိ စစ်မက်ဇုံများက ဗျူဟာမြောက်နေရာများဖြစ်ကြောင်း၊ နိုင်ငံတကာ စီးပွားရေး အကျိုးအမြတ်ဖြင့် မြေရိုင်းနယ်သစ်များအား ထွင်းဖောက်နိုင်ချေရှိသေးကြောင်း တွေ့မြင်လာကြသည်။ တစ်ချိန်တည်းမှာပင် စစ်အေးကာလ အာဆီယံရှိ တရုတ်ကွန်မြူနစ်ဆန့်ကျင်ရေး အုပ်စုက ဗဟိုထိန်းချုပ်မှုဖြင့်လည်ပတ်နေသော တရုတ်နှင့် ဈေးကွက်ယှဉ်ပြိုင်သူများအဖြစ် အသွင်ကူးပြောင်းနေသည်။ တောင်အာရှ နှင့် အရှေ့တောင်အာရှ ပေါင်းကူးနယ်မြေ တစ်ခုဖြစ်နေသည့် မြန်မာနိုင်ငံသည် အာဆီယံ၏မဟာစီးပွားရေး အကွက်အကွင်းအတွက် လက်မလွှတ်နိုင်ဖွယ် အချက်အခြာဒေသ ဖြစ်လျက်ရှိပေသည်။
ပြင်ပနိုင်ငံများ၏ စီးပွားရေး အခွင့်အလမ်းများ ကြီးမားလှသည်ဖြစ်၍ ပဋိပက္ခအကြား နစ်မြုပ်နေသည့် မြန်မာလူ့ အဖွဲ့အစည်းများကို ငြိမ်းချမ်းရေး၊ အမျိုးသားပြန်လည် သင့်မြတ်ရေး၊ အခြေခံလူ့ အခွင့်အရေး နှင့် ကိုယ်ပိုင်အုပ်ချုပ်ခွင့်အလားအလာ ကဲ့သို့ နိုင်ငံရေးတိုးတက်မှု ဖြစ်ထွန်းစေလိုကြသည်မှာ ရှည်ရှည်ဝေးဝေးစဉ်းစားနေစရာပင် မလိုအပ်တော့ချေ။ သာဓကအားဖြင့်ဆိုရသော် လွန်ခဲ့သော ၂၅ နှစ်ခန့်တွင် အာရှဖွံ့ဖြိုးရေး ဘဏ်၏အဆိုအရ အာဆီယံမှဆောင်ရွက်ဆဲ အစီအမံများအတွက် ဒေါ်လာ ၅၅၀ ဘီလီယံကို အနောက်တိုင်း အုပ်စုတို့၏ကျောထောက်နောက်ခံဖြင့် ရရှိခဲ့၏။ အရှေ့တောင် အာရှတစ်ခွင်၌ တစ်ခုတည်းသော စွမ်းအင်ဈေးကွက်ကြီး ဖန်တီးနိုင်ရန် အလို့ငှာဖြစ်သည်။ ယင်းဈေးကွက်သစ်တွင် မြန်မာနိုင်ငံကဲ့သို့ စက်မှုစီးပွား အနိမ့်ကျဆုံးသောဒေသတွင်းမှ လျှပ်စစ်ဓာတ်အားကို ထုတ်လုပ်ပြီး စက်မှုစီးပွား အရှိန်အဟုန်ကောင်းလာသော တရုတ်နှင့်ထိုင်းသို့ တင်ပို့မည်ဖြစ်သည်။ လတ်တစ်လောဆွေးနွေးချက်များအောက်ရှိ အလားတူ လျာထားချက် ၂၄ မျိုးမှ မမှန်းဆနိုင်သည့် အကျိုးစီးပွားကို မျှော်မှန်းထားကြသည်။

နယ်ခံတိုင်းရင်း နှင့် လက်နက်များ

လွန်ခဲ့သောနှစ်ပေါင်း ၂၀၀ ကျော်ကပင် မြန်မာနိုင်ငံကို မဟာဗျူဟာမြောက်ဒေသအဖြစ် ပြည်ပအင်အားစုများက အမြင်ထားရှိခဲ့ကြ၏။ အရှေ့တောင်အာရှ စီးပွားရေးအတွက် တရုတ်နှင့် အိန္ဒိယဖက်သို့လမ်းပေါက်သော နောက်ဖေး တံခါးအဖြစ်လည်းကောင်း၊ ဖက်ဆစ် ဂျပန်အတွက် စစ်ဆင်နေရာအဖြစ်လည်းကောင်း၊ ဥရောပစီးပွားရေး အင်အားစုများအတွက် အချက်အခြာကျ ဆိပ်ကမ်းဒေသအဖြစ်လည်းကောင်း၊ သယံဇာတသိုက်ကြီးနှင့်ဈေးကွက် သစ်ဖော်ဆောင်နိုင်သည့် အကွက်အကွင်းအဖြစ်လည်းကောင်း အမြင် အသီးသီး ရှိနေခဲ့ကြ၏။ ၁၉၆၂ ခုနှစ် စစ်အာဏာသိမ်းချိန်မှ ဦးနေ၀င်း၏ အာဏာရှင်စံနစ် ကျဆုံးသော ၁၉၈၈ ခုနှစ်ထိ ယင်းနယ်နမိတ်များကို စစ်ခေါင်းဆောင်များမှ တိုက်ရိုက် ထိန်းချုပ်မှုအားဖြင့်လည်းကောင်း၊ ကိုယ်ပိုင်လွတ်လပ်ရေးကြိုးပမ်းသူ တိုင်းရင်းသား အဖွဲ့တို့ကို တိုက်ခိုက်ခြင်းအားဖြင့် လည်းကောင်း စည်းရိုးခတ်ထားခဲ့သည်။ ယင်း စစ်အေးခေတ်ကာလအတွင်း ထိုင်း၊ အိန္ဒိယ နှင့် တရုတ်ကဲ့သို့ အိမ်နီးချင်း အင်အားစုများက ဆန့်ကျင်ရေးအုပ်စုတို့နှင့် မဟာမိတ်ဖွဲ့ခဲ့သည် သို့မဟုတ် ကိုယ်စီအကျိုးအမြတ်ဖလှယ်နိုင်ရေး အတွက် ထောက်ပံ့ကူညီခဲ့ကြသည်။

တိုင်းရင်းသား လက်နက်ကိုင်တော်လှန်ရေးကား တရုတ်နှင့်ထိုင်းတို့၏တန်ပြန်ဗျူဟာမှထွက်ပေါ်လာသော မိမိတို့၏အတိုင်းအဆမဲ့ဆုံးရှုံးနစ်နာမှုများကို ပြန်လည်ရယူရေးရည်ရွယ်ချက် ဖြစ်သည်။ ယခုသော် KIA ကဲ့သို့ တရားဝင်ဆန့်ကျင်ရေးအင်အားစုများ၊ ၀ပြည်နယ်ညီညွတ်ရေးတပ်ကဲ့သို့ ကနဦးပိုင်းမူးယစ်ဆေးဝါး ထုတ်လုပ်ကုန်ကူးသူအဖွဲ့များက အစိုးရနှင့် အပစ်အခတ်ရပ်စဲရေးကို ရွေးချယ်ခဲ့ကြသည်။ ဗန်ကောက် နှင့် ဘေဂျင်းက ၄င်းတို့ကိုအသုံးချလျက် ဆန့်ကျင်ရေး ဗျူဟာသစ်ကို အစားထိုးခဲ့ပေသည်။ ထိုင်းနိုင်ငံအနေနှင့် မူးယစ်ဆေးဝါးဇုံများမှ ၀င်ငွေဖြောင့်နေသည်။ သို့သော် မူးယစ်ဆေး လုပ်ငန်းနှင့်ကင်းရှင်းနေခဲ့သည့် KNU နှင့် ကရင်နီအမျိုးသားတိုးတက်ရေးပါတီ၊ SSA အုပ်စု စသည့်အဖွဲ့များမှာမူ လက်ရှိတွင် တမဟုတ်ချင်းရေပန်းစားလာသော အစိုးရ၏အပစ်အခတ်ရပ်စဲရေးထက် လက်နက်စွဲကိုင်တော်လှန်ရေးလမ်းကြောင်းကို ဆက်လျှောက်ရန် ဆုံးဖြတ်ထားကြ၏။ ယင်း အပစ်အခတ်ရပ်စဲရေး ဟူသည်မှာ ငြိမ်းချမ်းရေးနှင့်ပြန်လည်သင့်မြတ်ရေးဖက်ကို ရှေ့ရှုဆင်ယင်သည့် ခြေလှမ်းမျိုးမဟုတ်၊ တိုင်းရင်းသားများအကြား လိုလျှင်လိုသလို ခွဲခြားအုပ်ချုပ်ခြင်းမူဝါဒ၏ အစိတ်အပိုင်း တစ်ရပ်သာဖြစ်သည်ဟု သူတို့မှ အမြင်ရှိကြသည်။

၎င်းတို့အဖို့ ထိုင်း၊ တရုတ်အစိုးရတို့နှင့် ရေရှည်ဆက်ဆံရေးမှာ ရုတ်ခြည်းဖြတ်တောက်ခံရ၏။ စစ်အေးခေတ်အလွန်တွင် စီးပွားရေးအခြေပြု ဦးတည်ချက်အသစ်ဖြစ်လာသည်၌ ထိုအချက်ကို ပို၍ရှင်းလင်းသွားစေသည်။ နှစ်ဖက်မျှ အကျိုးဖြစ်ထွန်းသော သဘာဝသယံဇာတနှင့် စွမ်းအင်စီးကြောင်း၊ ဈေးကွက်သစ်များ ခိုင်မာရေး ဟူသည့် စီးပွားရေးဖွံ့ဖြိုးမှုဆိုင်ရာ အယူအဆနှင့် လိုဘများက တစ်စစဖြင့် တိုင်းရင်းသားအာဏာပိုင်များအပေါ် ထင်ထင်ရှားရှား လွှမ်းမိုးလာသည်။ တစ်ယူသန် ဆိုရှယ်လစ်စံနစ်ကိုထူထောင်ခဲ့သော ဦးနေ၀င်းနှင့်၎င်း၏အမွေခံတို့သည် စစ်တပ်မှလွဲ၍ မည်သည့်အရပ်သား မည်သည့်အုပ်စုကိုမျှ စိတ်ချယုံကြည်မှု မထားရှိခဲ့ချေ။ သို့ဖြစ်ရာ ဦးနေ၀င်း၏ တစ်ပါတီဆိုရှယ်လစ် စံနစ်ပြိုလဲလေသော အခါ အကျင့်ပျက်ခြစားမှု၌အရိုးစွဲနေသည့် စစ်အရာရှိတိုင်းက ဆိုရှယ်လစ်စံနစ်မှဖယ်ခွာပြီး အရင်းရှင်စံနစ်သို့ဦးတည်ခြင်းကို ပို၍၀မ်းသာ အားရဖြစ်ခဲ့ကြသည်။ ၁၉၈၈ သွေးမြေကျ အရေးအခင်းပြီးသည်နှင့် မျိုးဆက်သစ်ဗိုလ်ချုပ်အုပ်စုများသည် နိုင်ငံပြန်လည် ထူထောင်ရေး နှင့် ဘဏ္ဍာဖြည့်တင်းရေး နည်းတစ်ရပ်အနေဖြင့် တံခါးဖွင့် ၀ါဒကျင့်သုံးရန် ဆုံးဖြတ်ခဲ့ကြသည်။

တံခါးဖွင့်ခြင်း၏နောက်ကွယ်တွင်

၁၉၈၈ ခုနှစ်၊ ဒီဇင်ဘာလတွင် ထိုင်းကာကွယ်ရေးဦးစီးချုပ် ချောင်ဗာလစ် ယုံချိုင်ယု လက်အောက်ခံစစ်တပ်နှင့် အနီးကပ် ဆက်ဆံရေးရှိသော ထိုင်းကုမ္ပဏီ ၃၅ ခုကို ဒေါ်လာသန်း ၁၂၀ တန်ကြေးရှိ သစ်ထုတ်လုပ်ခွင့် သဘောတူ စာချုပ်ချုပ်ခြင်းဖြင့် နိုင်ငံ၏ အရင်းရှင် လမ်းသစ်ကို အဆောတလျင် စတင်လိုက်သည်။ ရှေ့ဆက်၍ ကျောက်မျက်နှင့် ငါးဖမ်းခွင့်ပေးခဲ့သည်သာမက ထိုင်း-မြန်မာနယ်စပ် ကုန်သွယ်ရေးကိုလည်း ဖွင့်လှစ်ခဲ့၏။ မြန်မာ့ဈေးကွက် လိုအပ်ချက်ထက်ကျော်လွန်ကာ ကျွန်းသစ်၊ သတ္ထု၊ လယ်ယာနှင့်စိုက်မျိုးထွက်ကုန် တင်သွင်းခွင့်ကို တရုတ်မှ ရရှိခဲ့ပြန်သည်။ နိုင်ငံတကာစီးပွားရေးတံခါးဖွင့်ဟမှုမှာ မြန်မာ ဗိုလ်ချုပ်တို့၏ ပင်တိုင်ဆုံးဖြတ်ချက်များသာ ဖြစ်၏။ စီးပွားရေးခံစားခွင့်၊ အောင်မြင်မှု၊ အပြည်ပြည်ဆိုင်ရာ မိတ်ဖက်သစ်၊ လူတန်းစားအခြေခံ ပြည်တွင်းနိုင်ငံရေး တို့အားဖြင့် လှိမ့်ဝင်လာသော အကျိုးအမြတ်အားလုံးမှာ စစ်တပ်ကောင်းကျိုး သက်သက်သာ ဖြစ်ရလေသည်။

၁၉၈၈ ခုနှစ်တွင် အစိုးရပြိုလဲသော်လည်း စစ်တပ်၏အခန်းကဏ္ဍက အရေးပါအရာရောက်နေဆဲသာ။ တဖန် နယ်စပ်တစ်ကြောရှိ လက်နက်ကိုင်တိုင်းရင်းသားအဖွဲ့ ၂၀ ခန့်နှင့် ညီညွှတ်မှု တည်ဆောက်ရေးကို ပြည်တွင်းမြန်မာ လူများစုအားဦးဆောင်နေသော ဒေါ်အောင်ဆန်းစုကြည်၏အလျင် လက်ဦးမှုရယူရန် စစ်ခေါင်းဆောင်များက ဆုံးဖြတ်ခဲ့ကြသည်။ ၁၉၈၉ နှင့် ၁၉၉၉ ခုနှစ်ကာလအတွင်း အတိုက်အခံတိုင်းရင်းသား အုပ်စုများအနက် ၁၇ ဖွဲ့မှာ စစ်အစိုးရနှင့် အပစ်အခတ်ရပ်စဲရေး သဘောတူညီလိုက်ကြသည်။ ဤသဘောတူညီချက်များမှာ တိုးတက်ဖွံ့ဖြိုးရေးကိုသာမက တိုင်းရင်းသားခေါင်းဆောင်တို့၏ကိုယ်ကျိုးစီးပွား လမ်းကြောင်းဖြောင့်ဖြူးစေမည်ဟု အကြောင်းပြခဲ့ကြသည်။

ဤကာလအတွင်း အတိုက်အခံတိုင်းရင်းသားအုပ်စုများအတွက် လက္ခဏာသုံးရပ် ဖြစ်ပေါ်လာသည်။

ပထမအချက်မှာ – ကျားကန်ပေးထားသည့်အိမ်နီးချင်းနိုင်ငံများမှ စစ်ရေးနှင့်အယူအဆဆိုင်ရာ အထောက်အပံ့များ ဆုံးရှုံးသွားသည်။ ၄င်းနောက် စစ်မြေပြင်၌ KIA အပေါ် အသာစီးရမှုများရှိလာသည်။ ဤအချက်က စစ်အစိုးရ၏အမာခံရန်သူများအဖို့ အပစ်အခတ်ရပ်စဲရေး သဘောတူချက်အား လက်မခံဖွယ်ဖြစ်ရသည်။

ဒုတိယအချက်မှာ – အတိုက်အခံခေါင်းဆောင်များသည် မိမိတို့၏ကိုယ်ပိုင်နယ်မြေများ၌ စီးပွားရေးလုပ်ကိုင်ခွင့်အထူးအခွင့်အရေးပေးထားရာ အလျင်အမြန် ကြွယ်ဝချမ်းသာလာကြသည်။ ၄င်းသဘောတူညီချက်များက အတိုက်အခံတိုင်းရင်းသားလူ့အဖွဲ့အစည်းများအတွင်း လူတန်းစားသစ်တစ်ရပ်ကို ဖြစ်ပေါ်အမြစ်တွယ်လာစေသည်။ သို့ဖြင့် အဖွဲ့အုပ်စုများအကြား အက်ကြောင်းထစေခြင်းဖြင့် စစ်အာဏာပိုင်များ အမြတ်ထွက်ခဲ့သည်။

တတိယအချက်မှာ – သွေးကွဲမှုမျက်နှာစာနှစ်ရပ် ဖြစ်ပေါ်လာစေသည်။ စစ်အစိုးရ ဆန့်ကျင်သည့် လက်နက်ကိုင် တိုင်းရင်းသား အုပ်စုများအကြားရှိ သွေးကွဲမှု (နှင့်) အောင်မြင်နေသော အတိုက်အခံခေါင်းဆောင် ဒေါ်အောင်ဆန်းစုကြည်၊ NLD ပါတီ နှင့် အပစ်အခတ်ရပ်စဲထားသော အုပ်စုများအကြားရှိ သွေးကွဲမှုတို့ ဖြစ်ကြသည်။

၁၉၈၈ အရေးအခင်းဖြိုခွဲမှုကိစ္စကတည်းက အနောက်တိုင်းသည် မြန်မာနိုင်ငံအား ရှုံ့ချကာ နှစ်ပေါင်း ၂၀ မျှ ပိတ်ဆို့ခဲ့သည်။ ၄င်းနောက်တွင် မြန်မာ့စီးပွားရေးနှင့်နိုင်ငံရေးပုံဟန်များကြောင့် အနောက်တိုင်း၏စိတ်ဝင်စားမှုကို ဗိုလ်ချုပ်များမှ ရယူနိုင်ခဲ့ပြီး၊ အာရှဒေသစီးပွားရေးအခွင့်အလမ်းနှင့်ကမ္ဘာ့ရေနံကော်ပိုရေးရှင်းများအားဖြင့် ဟောင်းလောင်းပေါက် နိုင်ငံ့ဘဏ္ဍာတွင်းထဲ ဒေါ်လာဘီလီယံများစွာ ဖြည့်သွင်းပေးနိုင်ခဲ့သည်။ နေပြည်တော်မှလည်း ပြည်တွင်းရှိ တော်လှန်သူများ၊ သဘောထားကွဲလွဲသူများနှင့်ဆက်ဆံရေးဗျူဟာကို အစီအစဉ်ပြောင်းလဲလိုက်လေသည်။ ၁၉၈၉ ခုနှစ်မှသည် ယခုနှစ်အစောပိုင်းအထိ အတိုက်အခံဗမာများကို ချေမှုန်းနေရာမှ ဗမာမဟုတ်သည့် လက်နက်ကိုင်တိုင်းရင်းသားအဖွဲ့များနှင့် ယာယီအပစ်အခတ်ရပ်စဲရေးပြုလုပ်ခြင်းဖြင့် အနားသတ်ခဲ့သည်။

ယခုသော် နေပြည်တော်၏ငြိမ်းချမ်းရေးစည်းမျဉ်းအတိုင်းလက်ခံရန် ငြင်းဆိုသည့် အပစ်အခတ်ရပ်စဲမှု သဘောတူထားသောအဖွဲ့ဖြစ်စေ ဆက်လက်ရှင်သန်နေသောအဖွဲ့ဖြစ်စေ မည်သည့်တိုင်းရင်းသားအုပ်စုကိုမဆို အပြီးတိုင်ချေမှုန်းရန် ဗိုလ်ချုပ်များက ဆုံးဖြတ်ထားပေသည်။ ၂၀၀၉ ခုနှစ်၊ သြဂုတ်လတွင် ကိုးကန့်ဒေသရှိ အပစ်အခတ် ရပ်စဲထားသောဒေသခံ တရုတ်တိုင်းရင်းသားအဖွဲ့- မြန်မာအမျိုးသားဒီမိုကရက်တစ်တပ်ပေါင်းစုအား တိုက်ခိုက်ခဲ့သည်။ ကိုးကန့်လူမျိုး ၃ သောင်းခန့်မှာ ဒုက္ခသည်များအဖြစ် တရုတ်နိုင်ငံတွင်းသို့ တိမ်းရှောင်ခဲ့ရသည်။ ၂၀၁၁ ခုနှစ်၊ ဇွန်လတွင် စစ်အာဏာပိုင်များသည် KIO နှင့် ၁၇ နှစ်တာ အပစ်အခတ်ရပ်စဲရေးသဘောတူညီချက်ကို ချိုးဖောက်၍ ကချင်ပြည်နယ် ဧရာဝတီမြစ်ပေါ်ရှိ တရုတ်-မြန်မာ ရေအားလျှပ်စစ်စီမံကိန်းဒေသများမှ KIO တပ်ဖွဲ့များမှန်သမျှကို ရှင်းလင်းခဲ့ပြန်သည်။

တစ်ကျော့ပြန်ဗျူဟာ

စစ်အာဏာရှင်တို့၏ ဤဗျူဟာလမ်းကြောင်းသစ်သည် ၂၀၁၀ ခုနှစ်၊ နိုဝင်ဘာလ ရွေးကောက်ပွဲနောက်တွင် ချမှတ်ကျင့်သုံးခဲ့ခြင်းဖြစ်သည်။ ၄င်း၌ ဗမာလူများစုတို့အတွက် နိုင်ငံရေးလွတ်လပ်ခွင့်အပေါ် ကန့်သတ်လိုက်ခြင်းလည်း ပါဝင်သည်။ ရွေးကောက်ပွဲမတိုင်မီနှင့်နောက်ပိုင်း ဗမာမဟုတ်သည့် တိုင်းရင်းသားတို့၏အသံများ ပိုမိုမှေးမှိန်သွားစေရန် နှင့် ၄င်းအုပ်စုများအတွင်းအပြင်၌ နိုင်ငံရေးသဘောထားအက်ကြောင်း ဆက်လက်ကြီးထွားလာစေရန် ယင်းဗျူဟာက ဆောင်ကြဉ်းထားသည်။ ၁၉၉၃ ခုနှစ်နှင့် ၂၀၀၈ ခုနှစ်အတွင်း အပစ်အခတ်ရပ်ဆိုင်းထားသည့်အုပ်စုများနှင့် ဗမာမဟုတ်သည့်အခြားတိုင်းရင်းသားကိုယ်စားလှယ်တို့အား ကိုယ်ပိုင်အုပ်ချုပ်ခွင့် ဟူသော မက်လုံးဖြင့် အမျိုးသားလွှတ်တော်ထဲ ဆွဲသွင်းခဲ့၏။ သို့သော် လွှတ်တော်သည် စစ်တပ်၏ ၂၀၀၈ အခြေခံဥပဒေအောက်မှ စည်းမျဉ်းနှင့်လမ်းညွှန်ချက်များကို ချမှတ်ကျင့်သုံးအသက်သွင်းနေပေသည်။

လက်တွေ့တွင် ၄င်းတို့၏ရည်မှန်းချက်များနှင့်အရေးအရာများကို စစ်တပ်နှင့်၎င်း၏စိတ်ကြိုက် ရွေးချယ်ကိုယ်စားလှယ်များက လျစ်လျူရှုထားခဲ့ကြ၏။ သို့သာမက ၂၀၁၀ ရွေးကောက်ပွဲ အကြိုကာလများ၌ အပစ်အခတ်ရပ်စဲအုပ်စုများ (၄င်းတို့နှင့်ဆက်နွှယ်နေသည့် ခေါင်းဆောင်များ)အား ၀င်ရောက် ယှဉ်ပြိုင်ခွင့်ကို ဗဟိုစစ်ဌာနချုပ်မှ ငြင်းဆန်ခဲ့သည်။ ၀နယ်မြေ နှင့် အခြားအပစ်အခတ်ရပ်စဲဒေသများတွင် တရားဝင်မဲပေးခွင့်ရှိသူအများအပြားကို စစ်အစိုးရမှ မဲထည့်ခွင့်မပြုခဲ့ချေ။ လုံခြုံရေး အားနည်းသည်ဟူသော အကြောင်းပြချက်ဖြင့် ထိုနယ်ပယ်များ၌ ရွေးကောက်ပွဲကို မကျင်းပရန် ညွှန်ကြားခဲ့သည်။

သမိုင်းကြောင်းတစ်လျှောက် ဗြိတိသျှကိုလိုနီတို့သည် ပြည်မတိုင်းရင်းသား(အထူးသဖြင့် ဗမာလူများစု) နှင့် ချင်း၊ ကချင်၊ ရှမ်း၊ ကရင်နီ စသော တောင်တန်းဒေသသားတို့ မပေါင်းစည်းနိုင်စေရန် စီမံထားခဲ့သည်။ ယနေ့စစ်တပ်သည်လည်း ဗမာလူမျိုးနိုင်ငံရေးသမား၊ အတိုက်အခံများနှင့် ဗမာမဟုတ်သူတို့ သွေးစည်းသွားစေမည့် မည်သည့်ကြိုးပမ်းချက်ကိုမဆို တားဆီးထားခြင်းဖြင့် “ ခွဲခြားအုပ်ချုပ်ရေး ” ဟူသော ကိုလိုနီစံနစ်ဟောင်းကိုပင် တစ်ကျော့ပြန် အသက်သွင်းနေပေသည်။ ဒေါ်စုကြည်သည် နေအိမ် အကျယ်ချုပ်မှလွတ်မြောက်လာပြီး များမကြာမီ တိုင်းရင်းသားပေါင်းစုံ၏ အကျိုးစီးပွားကို အခြေတည်သည့် ဖက်ဒရယ်အစိုးရစံနစ်အား ထူထောင်ရန် စတင်လုံးပန်းခဲ့သည်။ နိုဝင်ဘာလ လယ်ပိုင်းက ဒေါ်စုကြည်သည် စစ်တပ်နှင့် တိုင်းရင်းသားများပြဿနာကိုထောက်ပြပြီး အထပ်ထပ်တင်ပြသော်လည်း – လူနည်းစုတိုင်းရင်းသား အုပ်စုများမှ သူမ၏ ရင်ကြားစေ့ရေးကြိုးပမ်းချက်ကို ထောက်ခံကြိုဆိုကြသော်လည်း နေပြည်တော်က ဥပေက္ခာပြုထားခဲ့သည်။

သြဂုတ်လတွင် သမ္မတဦးသိန်းစိန်က မိမိ၏အရပ်သားတစ်ပိုင်းအစိုးရသည် ငြိမ်းချမ်းရေးနှင့် ရင်ကြားစေ့သင့်မြတ်ရေး ဖော်ဆောင်မည့် အစိုးရ ဟု ကြေညာလျက် လက်နက်ကိုင်အတိုက်အခံတိုင်းရင်းသား အုပ်စုများထံသို့ ငြိမ်းချမ်းရေးစကားကို ကမ်းလှမ်းခဲ့သည်။ လက်နက်ကိုင်အဖွဲ့အစည်းအားလုံးကို နေပြည်တော်ရှိ ဗဟိုအစိုးရထက် ဒေသဆိုင်ရာအာဏာပိုင်များနှင့်ထိတွေ့ဆက်ဆံမှုပြုကြရန်သာ တိုက်တွန်းခြင်းက ထူးခြားနေပေသည်။ “ တိုင်းရင်းသား လူမျိုးစုငြိမ်းချမ်းရေးနှင့် ရင်ကြားစေ့သင့်မြတ်ရေး ” ဟူသည်မှာ ဒေသဆိုင်ရာနှင့်ဒေသတွင်း အုပ်စုများဆိုင်ရာကိစ္စသာ ဖြစ်ကြောင်း (နိုင်ငံတော်နှင့် မသက်ဆိုင်သလို) မီးစိမ်းပြလိုက်သည့် စစ်အစိုးရ၏ရပ်တည်ချက်အစီအမံသစ်တစ်ရပ်ကို ပြက်ပြက်ထင်ထင် တွေ့မြင်လိုက်ရလေသည်။ သို့တစေ စစ်တပ်၏နိုင်ငံရေးစည်းဝိုင်းအတွင်း အလုပ်လုပ်ရန် သဘောတူသော တိုင်းရင်းသားပါတီများအဖို့တော့ ထိုခေါင်းစဉ်မှာ အကောင်းဆုံးအနေအထားဖြစ်နေပေသည်။

ပါလီမန်လွှတ်တော်ပိုင်းဆိုင်ရာစာရင်းဇယားကိုကြည့်လိုက်ပါကလည်း ထူးခြားနေပြန်၏။ လွှတ်တော်အမတ်နေရာ အားလုံးအနက် စစ်တပ်၏ ပါဝင်မှုက ၂၅ ရာခိုင်နှုန်းအထိ ရှိနေ၏။ စစ်အစိုးရ လက်အောက်ခံ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ(USDP) တစ်ခုတည်းက အမတ်နေရာ ၁၁၅၄ တွင် ၈၈၃ နေရာ (၇၆.၅ ရာခိုင်နှုန်း) အထိရယူထား၏။ ဗိုလ်ချုပ်နေ၀င်း၏ စစ်အစိုးရဟောင်းမှ ဆင်းသက်သည့် တိုင်းရင်းသားစည်းလုံးညီညွတ်ရေးပါတီက ၆၃ နေရာဖြင့် ဒုတိယအဆင့်၌ ရှိနေသည်။ ဗမာ မဟုတ်သည့် တိုင်းရင်းသားလူ့အဖွဲ့အစည်းများအပေါ် တစညပါတီ၏ သဘောထားကလည်း USDP ထက် မလျော့ပါလေ။ စစ်အစိုးရ၏ လွှမ်းမိုးခြင်းမခံရသော ဗမာမဟုတ်သည့်တိုင်းရင်းသား ပါတီနှစ်ခုသာရှိ၏။ ၄င်းတို့မှာ ရှမ်းတိုင်းရင်းသားများဒီမိုကရက်တစ်ပါတီ(SNDP) နှင့် ရခိုင်အမျိုးသားတိုးတက်ရေး ပါတီ(RNDP) တို့ဖြစ်ကြသည်။ SNDP က အမတ်နေရာ ၅၇ နေရာ၊ RNDP မှ ၃၅ နေရာ အသီးသီး ရရှိထားကြ၏။ သို့သော် ၄င်းတို့၏ မျှော်လင့်ချက် နှင့် အရေး ကိစ္စများသည်လည်း စစ်တပ်မှ မှတ်တမ်းတင်မှုသာရှိပြီး အရေးတယူဆောင်ရွက်ပေးခြင်း မရှိပါလေ။

မြန်မာဗိုလ်ချုပ်များအတွက် စိတ်လှုပ်ရှားစရာနေ့ရက်များ ဖြစ်လာပေပြီ။ လက်ရှိတွင် ၄င်းတို့မှ လက်ခံထားသည့် ပြည်တွင်းပြည်ပ သာမက တိုင်းပြည်၏စီးပွားရေးနှင့်ပညာရှင်အသိုင်းအ၀ိုင်း၏ထောက်ခံမှုကိုရရှိနေသော ၄င်းတို့၏အနီးကပ်ဆုံးရန်သူ ဒေါ်စုကြည်နှင့်NLD အား ရှုံးနိမ့်ခဲ့လျှင် နေပြည်တော်၏နှစ်ပါးသွားအစီအစဉ်မှာ အပြောင်းအလဲ ဖြစ်ရပေတော့မည်။ ဤအတောအတွင်း တရုတ်ကိုမလိုလားသော အနောက်တိုင်းနှင့်အာဆီယံ၏ စီးပွားရေးနှင့်အစီအမံများမှာ ဗိုလ်ချုပ်များ၏အကြိုက်ဖက်သို့ စုဆုံလျက်ရှိနေ၏။ တစ်ခါ တောင်တရုတ်ပင်လယ်မှ အာဆီယံအဖွဲ့ဝင်နိုင်ငံများ အထူးသဖြင့် ကျွန်းနိုင်ငံအုပ်စုတို့သည် အနောက်တိုင်း(အလားတူ ၀ါရှင်တန်)နှင့် ကျယ်ကျယ်ပြန့်ပြန့် လက်တွဲညီညီ ပွဲခင်းနေခြင်းမှာ မိမိတို့၏အင်အားနှင့်ဓနကြီးထွားမှုအပေါ် ချိန်ခွင်လျှာညှိနေခြင်းဟု တရုတ်မှ မပြောဆိုယုံတမယ် ဖြစ်နေ၏။ မြန်မာဗိုလ်ချုပ်များ ပီကင်း၏ဗျူဟာစက်ကွင်းဖက်သို့ ထပ်မံမယိမ်းယိုင်သွားအောင် အာဆီယံနှင့်ဝါရှင်တန်နှစ်ရပ်လုံးမှ တူညီစွာ အာရုံထားနေပုံရ၏။ တိုင်းရင်းသားတော်လှန်ရေးများ ပွင့်အံလာခဲ့စဉ်ကတည်းက နှစ်ပေါင်း ၆၀ အတွင်း ယခုအချိန်သည် စစ်တပ်အဖို့ ဗမာမဟုတ်သည့်အတိုက်အခံအဖွဲ့အစည်းများနှင့် ငြိမ်းချမ်းရေးစာချုပ်ချုပ်ဆိုလိုက်ရန် ပထမဆုံးအကြိမ်အဖြစ် အကောင်းဆုံးအနေအထား၌ ရောက်နေပါသည်။ လူနည်းစုဝင်များ၏အခွင့်အရေးပေးရန်မှာ မငြင်းသာတော့လေပြီ။

** ဆောင်းပါးရှင် မောင်ဇာနည်သည် Free Burma Coalition (1995-2004) ၏ တည်ထောင်သူဖြစ်ပြီး၊ London School of Economics ၏ Department of International Development ၌ ၂၀၁၁-၁၃ ဧည့်သည်တော်အဖွဲ့ဝင် တစ်ဦးဖြစ်၏။ မြန်မာနိုင်ငံနှင့်စပ်လျဉ်း၍ သူရေးသားသည့် စာအုပ်တစ်အုပ်ကို ယေးလ်တက္ကသိုလ်မှ များမကြာမီ ပုံနှိပ်ထုတ်ဝေတော့မည် ဖြစ်ပါသည်။

( ဤဆောင်းပါးသည် စာရေးသူ၏ကိုယ်ပိုင်အမြင်များဖြစ်ပြီး အလ်ဂျဇီးရား၏အာဘော် မဟုတ်ပါ )
မောင်ဇာနည်၏ Neutralising Myanmar’s ethnic rebellions ဆောင်းပါးကို “ သာကီ ထက်ကောင်း ” မှ ဆီလျော်အောင် ပြန်ဆိုရေးသားသည်။

http://www.aljazeera.com/indepth/opinion/2011/12/201112193521860555.html

October 7, 2013
မြန်မာနိုင်ငံ၌ အပစ်အခတ်ရပ်စဲမှု အဘယ်ကြောင့် မအောင်မြင်သနည်း ?

M-Media
အောက်တိုဘာ ၇၊ ၂၀၁၃

လွန်ခဲ့သည့်နှစ် အစိုးရဖက် ရင်ကြားစေ့သူများမှ သဘောတူညီချက်များပြုလုပ်ခဲ့သော လူမျိုးစုတော်လှန်ရေးအုပ်စု ၆ ခုကျော်အနက် ကချင်လွတ်လပ်ရေးတပ်မတော်(KIA) မှာ တစ်မျိုးတစ်ဖုံ ထူးခြားသည့် အခန်းကဏ္ဍ၌ ပါဝင်နေပေသည်။ အောက်လွှတ်တော်အမတ် ဦးအောင်သောင်း ၏လက်ထောက်အရာရှိမှာ ဖီဆန်သူအုပ်စုခေါင်းဆောင်ဖြစ်ကြောင်းတွေ့ရသဖြင့် ဦးအောင်သောင်းသည် ငြိမ်းချမ်းရေးချိုးဖောက်သူအဖြစ် များမကြာသေးမီက ရာထူးမှအနားပေးခြင်း ခံခဲ့ရသည်။ ကချင်အာဏာပိုင်များနှင့် ၅ ကြိမ်ထက်မနည်း အဆင့်မြင့်ဆွေးနွေးမှုပြုလုပ်ခဲ့သော်လည်း မည်သည့် အဖြေမှ မရရှိခဲ့။ ထို့ပြင် ရှေ့တန်းစစ်မျက်နှာပြင်သို့ စစ်ကူထပ်မံစေလွှတ်လိုက်ခြင်းက အပစ်အခတ်ရပ်စဲရေး အလားအလာကိုဆိုးဝါးသွားစေခဲ့သည်။

သဘောတူညီချက်အား ချိုးဖောက်၍ ချိန်ခါမရွေး ပဋိပက္ခပြန်လည်စတင်လာနိုင်သည့်အနေအထားကြောင့် ကချင်တို့သည် အစိုးရအား အယုံအကြည်ကင်းမဲ့နေသည်ဟု သတင်းများကဆိုသည်။ လက်ရှိ ငြိမ်းချမ်းရေးဖော်ဆောင်မှု ကာလအတွင်း လက်တွေ့မျက်တွေ့ ကြုံဆုံရသည့် အချက်များကြောင့်အပစ်အခတ်ရပ်စဲရေးသဘောတူညီချက်အား လက်မှတ်ထိုးရန် စိတ်အားထက်သန်မှု မရှိကြချေ။ အပစ်အခတ်ကို ရပ်စဲရမည်၊ ၄င်းနောက် နိုင်ငံရေးဆွေးနွေးမှုဖြင့် အဖြေရှာမည်၊ ထို့နောက်တွင်မှ စီးပွားရေးဖွံ့ဖြိုးမှုဖက်သို့ ဦးတည်ရမည် ဆိုသော ဦးအောင်သောင်း၏ တောင်းဆိုချက်သုံးရပ်မှာ လက်ခံနိုင်စရာမရှိ ဖြစ်နေသည်။

ကချင်ပြည်သူများအကြား ၁၉၉၄ ခုနှစ် အပစ်အခတ်ရပ်စဲရေးသဘောတူညီမှုမှာ ရွှေရည်စိမ်ပြည်နယ်ဖွံ့ဖြိုးရေး အသွင်ဆောင်ရန် သာဖြစ်ကြောင်း၊ ၃၃နှစ်တာတော်လှန်ရေးကာလသည် သဲထဲရေသွန်ဖြစ်သွားကြောင်း မြင်တွေ့ခဲ့ကြသည်။ လှိမ့်ဝင်လာသည့် ရင်းနှီးမြှုပ်နှံမှုလုပ်ငန်းများမှာ သဘာဝပတ်ဝန်းကျင်နှင့်တစ်ကွ သတ္ထု၊ ကျွန်းသစ်နှင့် ရေအားလျှပ်စစ် ထုတ်ယူနိုင်သော အရင်းမြစ်ပေါကြွယ်လှသည့် ဒေသ၀န်းကျင်အား ပျက်ပြားစေနိုင်သော အချက်ပေးသံဖြစ်လာ၏။ တိုက်ပွဲများ၊ အဓမ္မချွေးတပ်ဆွဲခြင်း နှင့် လိင်ပိုင်းဆိုင်ရာစော်ကား မှုများ လျော့နည်း လာသည့်တိုင်တိုးတက်ဖွံ့ဖြိုးရေးစီမံကိန်းများကြောင့် လူပေါင်းများစွာ နေရာရွှေ့ပြောင်းခဲ့ကြရသည်။ ယင်းရှုံ့ချဖွယ်ရာကိစ္စများသည် ပဋိပက္ခနှစ်ကာလများထက်ပင် ပိုပြီး ခံစားချက်ပြင်းထန်သွားတတ်ပေ၏။

“ ဖွံ့ဖြိုးရေးစီမံကိန်းတွေအကောင်အထည်ဖော်ပြီး ကချင်ပြည်နယ်က သဘာဝသယံဇာတတွေကို တစ်ပြုံတစ်ကျင်း ထုတ်ယူနေခြင်းဟာ ဒေသခံပြည်သူများရဲ့ဘ၀ကို မြှင့်တင်ရာမရောက်တဲ့အပြင် ပိုမိုဆိုးရွားသွားစေပါတယ် ” ဟု ကချင်အခြေစိုက် အရပ်ဖက်ဆိုင်ရာ လူ့အဖွဲ့အစည်း တစ်ရပ်ဖြစ်သော Kachin Development Networking Group (KDNG) မှ ပြောဆိုသည်။

အစောပိုင်းကာလ အပစ်အခတ်ရပ်စဲရေး နှင့် ဒေသတွင်းတည်ငြိမ်မှုဖော်ဆောင်ရေးကို နေပြည်တော်အား အဓိကတွန်းတိုက်မောင်းနှင်ခဲ့သည်မှာ အိမ်နီးချင်း တရုတ်နိုင်ငံဖြစ်၏။ ၁၉၈၈ ခုနှစ်က ဘေဂျင်းသည် မြန်မာအစိုးရဟောင်းနှင့် အထူးကျွမ်းဝင်သောဆက်ဆံရေးတစ်ရပ်ကို ထူထောင် ခဲ့သည်။ ထိုနှစ်တွင်ပင် နှစ်ဖက်အစိုးရသည် ကချင်ပြည်နယ်မှ အဖိုးတန် ကျွန်းသစ်နှင့်ကျောက်စိမ်းကို တရုတ်ပြည်သို့ အကန့်အသတ်မဲ့တင်သွင်းနိုင်သည့် ကုန်သွယ်ရေးနားလည်မှုစာချွန်တစ်ရပ်ကို လက်မှတ်ရေးထိုးခဲ့ကြသည်။

ဘေဂျင်းသည် KIA ကိုလည်း လက်နက်ကိုင်လမ်းစဉ်မှစွန့်လွှတ်ရန် ဖိအားပေးခဲ့သည်။ လွန်ခဲ့သောနှစ်များစွာကတည်းက မြန်မာစစ်တပ်အားဆန့်ကျင်ရေး၌ ထောက်ခံကျားကန်ပေးခဲ့သည့်အနေအထားမှ ထင်ရှားစွာ ကျောခိုင်းခွာထုတ်ခဲ့သည်။
၁၉၈၀ ခုနှစ်များနောက်ပိုင်း တရုတ်ပြည်အပြောင်းအလဲဖြစ်ပြီးနောက် နိုင်ငံခြားဆက်ဆံရေးမူဝါဒ၌“အယူအဆအပေါ် ပကတိတရားဖုံးလွှမ်းရေး” ဟူသောလမ်းကြောင်းကို ကျင့်သုံးလာကြောင်း တွေ့ရသည်။ သို့ဖြစ်ရာ မိမိတို့၏ဈေးကွက်ဝေစုရရှိရေး၊ သယံဇာတများနှင့်စွမ်းအင်ရင်းမြစ်ပေါကြွယ်လာရေးအတွက် မြန်မာအစိုးရနှင့်ခိုင်မာအားကောင်းသည့်ဆက်ဆံရေးထူထောင်ရန်အလို့ငှာ တော်လှန်ရေးအုပ်စုများ အား ထောက်ပံ့ကျားကန်နေမှုကို လျှော့ချလိုက်ခြင်းဖြစ်သည်။

ဖွံ့ဖြိုးရေးလော ဆုတ်ယုတ်ရေးလော

မြန်မာနိုင်ငံတွင်းရှိ ဖွံ့ဖြိုးတိုးတက်ရေးအမည်ခံထားသော ပါရာဒိုင်းများမှာ မည်မျှအထိ ပျက်စီးဆုတ်ယုတ်စေကြောင်း ကချင်ပြည်နယ်ဖြစ်ရပ်များက သက်သေခံနေပေသည်။ ၁၉၉၀ ခုနှစ်တွင် တရုတ်ပြည်က အမေရိကန်ဒေါ်လာ ၁.၄ ဘီလီယံကို အတိုးမဲ့ချေးငွေအဖြစ် မြန်မာနိုင်ငံအား ပေးလိုက်ပြီးဖြစ်သည်။ ယင်းချေးငွေအများစုမှာ ကချင်ပြည်နယ်၏အခြေခံအဆောက်အဦများ ဖွံ့ဖြိုးတိုးတက်ရေး၌ အသုံးချစေရန်ဖြစ်၏။ သို့မှသာ သစ်ချောထည်၊ကျောက်စိမ်းများအပါအ၀င် သယံဇာတတို့မှာ နယ်စပ်ကိုဖြတ်၍ ကုန်စည်စီးဆင်းမှု ချော့မွေ့သွားမည်ဖြစ်သည်။ (၂၀၁၀-၁၁ ဘဏ္ဍာရေးနှစ်တွင် မြန်မာပြည်အတွင်း တရုတ်ပြည်ရင်းနှီးမြှုပ်နှံမှုစုစုပေါင်း၏ လေးပုံတစ်ပုံမှာ ကချင်ပြည်နယ်၌ ပြုလုပ်ခဲ့ကြောင်း ခန့်မှန်းချက်တစ်ရပ်က ဆိုသည်)။

သို့သော် သစ်ခုတ်ခြင်း၊ သစ်ချောထုတ်လုပ်ခြင်းနှင့်စပ်လျဉ်း၍လူမှုဝန်းကျင်ဆိုင်ရာစည်းကမ်းချက်များကို ၁၉၉၀ ခုနှစ်များအစောပိုင်းကာလအထိ မသတ်မှတ်ခဲ့ချေ။ ထိုစဉ်က သယံဇာတထုတ်ယူမှုအပေါ် တင်းကြပ်စွာထိန်းချုပ်မှုသည်စစ်အစိုးရ၏စီးပွားရေး ရည် မှန်းချက်များနှင့် ၀ိရောဓိ ဖြစ်နေခဲ့သည်။ ၁၉၈၈ ခုနှစ် ဒီမိုကရေစီအရေးအခင်း၌ စစ်တပ်အသုံးစားရိတ်မြှင့်တင်ရန်ကြိုးပမ်းချက်များကြောင့် နယ်စပ်ဒေသရှိ သယံဇာတများအပေါ် တန်ဖိုးထားရန် မသိမြင်နိုင်ခဲ့တော့ချေ။

သို့သာမက ကချင်ပြည်နယ်အတွင်း သစ်ထုတ်လုပ်မှုပမာဏကိုလည်း ကန့်သတ်မထားခဲ့ပါလေ။ သစ်ကုန်သွယ်မှုနှင့်ပတ်သက်ပြီး ဗဟိုအစိုးရဖက်မှစောင့်ကြည့်နိုင်ရေး နှင့် အခွန်ငွေရရေးအတွက် ရန်ကုန်ဆိပ်ကမ်းမှ တင်ပို့ရန် ဟူ၍သာ ညွှန်းဆိုသတ်မှတ်ခဲ့သည်။ သို့သော် သဘာဝပတ်ဝန်းကျင်စောင့်ကြည့်ရေးအဖွဲ့ Global Witness ၏ ၂၀၀၃ ခုနှစ်တင်ပြချက်အရ မြန်မာနိုင်ငံမှ တရုတ်ပြည်သို့ဝင်ရောက်သည့် ၉၈ % သော သစ်များအနက် အများစုမှာ နယ်စပ်ဒေသမှ တရားမ၀င်တင်ပို့ခဲ့ခြင်းဖြစ်သည်ဟု ဆိုသည်။ ယင်းအကျိုးအမြတ်များကို အကျင့်ပျက်ထိပ်တန်း အာဏာပိုင်များ၊ အစိုးရနှင့်KIA နှစ်ဖက်စလုံးနှင့်သင့်မြတ်သော မှောင်ခို ဒုစရိုက်သားများမှ အညွန့်ခူးခဲ့ ဖွယ်ရှိကြောင်း ထိုအစီရင်ခံစာက ဖော်ပြထား၏။

KIA သည်လည်း လက်ပိုက်ရပ်ကြည့်နေသူများထဲ မပါဝင်ပါ။ ၁၉၉၄ သဘောတူညီချက်နှင့်အတူ မိမိတို့၏ ကိုယ်ပိုင် အခြေခံ အဆောက်အဦးဆိုင်ရာ စီမံကိန်းများ စတင်သောအခါဝယ် ထိုကိစ္စများနှင့်ပတ်သက်ပြီး အငြင်းပွားဖွယ် ဖြစ်လာတော့သည်။ ၁၉၉၇ ခုနှစ်တွင် ရေအားလျှပ်စစ် ထုတ်ယူရန် မာလိချောင်း နှင့် ဒါဘက်မြစ်အပေါ် ဆည်တမံနှစ်ခုကို တရုတ်ကုမ္ပဏီ Jinxin အား တည်ဆောက်စေခဲ့သည်။ စီမံကိန်းရံပုံငွေရရှိရေးအတွက် KIA ထိန်းချုပ်ဧရိယာအတွင်း ယင်းကုမ္ပဏီအား သစ်ထုတ်လုပ်ခွင့်ကိုပါ ပေးခဲ့သည်။ ၄င်းမှ ဒေါ်လာ သန်းချီ၍ အကျိုးအမြတ်ရရှိခဲ့၏။ ထိုစဉ်က Jinxin သည် ကချင်ပြည်နယ်၏ အကြီးမားဆုံး သစ်ထုတ်လုပ်သည့်ကုမ္ပဏီ တစ်ခုဖြစ်ခဲ့သည်။

ယင်းရံပုံငွေများသည် KIA ထဲမှ ထိပ်တန်းအဆင့်ဝင်တို့၏လက်ထဲ စီးဝင်သွားသည်ဟု လူသိများလှပေသည်။ အဖွဲ့အစည်းမှာမူ အခြေခံဖွံ့ဖြိုးရေး နှင့် လူမူရေးကဏ္ဍများအတွက် ရံပုံငွေလုံလုံလောက်လောက်ရရှိအောင် မနည်းရုန်းကန်ခဲ့ကြရ၏။ (ယင်းအဖွဲ့အစည်းသည် နောင်သောအခါ ကချင်ပြည်နယ် အနောက်ပိုင်းဒေသကြီး၏ ဒေသခံ အာဏာပိုင်များ ဖြစ်လာခဲ့သည်)။

ဒေသတွင်း အလွန်အကျွံသစ်ထုတ်လုပ်ခြင်း၏ဆိုးကျိုးက အသံမဲ့စွာ တစ်စစ ကြီးထွားလာသည်။ ကုမ္ပဏီများသည် ၀င်ငွေရွှင်လှသည့် ခြေကုပ်သစ် တစ်ရပ်ရရှိသွားရာ ၁၉၉၄ ခုနှစ်နောက်ပိုင်း သစ်ထုတ်လုပ်ရေးသည် အချိန်တိုတိုအတွင်း ကျယ်ပြန့်သွား၏။ သို့သော် ဒေသခံတို့၏ အစစ်အမှန် အကျိုးခံစားခွင့်များမှာ အကြွင်းမဲ့ကွက်လပ်အဖြစ် ကျန်ရစ်နေလေသည်။ အရှေ့တောင်အာရှ၏ အကြီးမားဆုံးဘေးမဲ့တော နှင့် ကမ္ဘာ့နောက်ဆုံး ကျားသတ္တ၀ါမျိုးစိတ်တို့ရှင်သန်ရာဒေသဖြစ်သည့် ကချင်ပြည်နယ်မြောက်ပိုင်း ဟူးကောင်းချိုင့်ဝှမ်းအတွင်း ရှိ တောတောင်နှင့်စိုက်ပျိုးမြေ ဧကပေါင်း ၂ သိန်းကျော်မှာ ၂၀၀၇ ခုနှစ်တွင် ဇီဝလောင်စာများအတွက် သစ်ခုတ်ခြင်းကြောင့် ပြောင်သလင်းခါသွားပါသည်။ ယင်းလုပ်ငန်းရှေ့ဆက်နိုင်ရန် ရွာပေါင်း ၁၀၀ ခန့်ကို တပ်ပိုင်ဒေသတစ်ခုအတွင်း ရွှေ့ပြောင်းစေခဲ့သည်။ လွန်လေပြီးသောပဋိပက္ခဖြစ်စဉ်မှာပင်လျှင် ထိုမျှလောက်အထိ နစ်နာဆိုးဝါးမှုမျိုး မရှိခဲ့ချေ။

၁၉၉၀ ခုနှစ်များကာလအလယ်ပိုင်းတွင် တအုံတကျင်းသစ်ထုတ်လုပ်မှုမှာ တစ်စစဖြင့် အန္တရာယ်ပိုကြီးသွားစေကြောင်း တရုတ်မှ သိမြင်ခဲ့သည်။ ၁၉၉၈ ခုနှစ် တရုတ်ပြည်ယန်စီမြစ်ရေလျှံခြင်းကြောင့် လူပေါင်း ၄ ထောင်ကျော် သေကြေပြီးပျက်စီးဆုံးရှုံးမှု တန်ဖိုး ဒေါ်လာ ၂၅ ဘီလီယံအထိ ရှိခဲ့သည်။ သစ်တောပြုန်းတီး၍ မြေပြိုနေခြင်းသည် အရေးပေါ်ပြဿနာတစ်ရပ် ဖြစ်လာသည်။ တရုတ်ပြည်တွင်း လူမှုအဖွဲ့အစည်းများ၏ သစ်ထုတ်လုပ်မှုဆန့်ကျင်ရေးကို ထိရောက်စွာလုပ်ဆောင်ချက်ကြောင့် မြန်မာဖက်သို့ အကြီးစား စီမံကိန်းများ ခြေဆန့်နေခြင်းအပေါ် ဘေဂျင်းကို ဖိအားပေးနိုင်ခဲ့သည်။

တစ်ချိန်က သစ်တောများ ဖုံးလွှမ်းစိမ်းစိုခဲ့သော ကျောက်စိမ်းနယ်မြေ ဖားကန့်သည်လည်း အချိန်ကြာလာသည်နှင့် အမျှ တောင်ကတုံးများ ဖြစ်သွားလေရာ ၂၀၀၉ နှင့် ၂၀၁၀ နှစ်နှစ်လုံး ရေလွှမ်းမိုးမှု ခံခဲ့ရသည်။ ၂၀၀၉ ခုနှစ်အတွင်း သေဆုံးသူ အရေအတွက် ၇၀ ကျော်ရှိခဲ့ပြီး၊ ၂၀၁၀ အစီရင်ခံချက်၌ တွင်းသားပေါင်း ၁၀၀၀ ၀န်းကျင် သေကြေပျက်စီးရသည်ဟု ဆိုသည်။ အနီးရို ဥရုမြစ်ကမ်းပါးပွင့်ထွက်၍ ကုန်းတွင်းပိုင်းသို့စီးဝင်ကာ ရေလျှံလွှမ်းမိုးကုန်သောကြောင့်ဖြစ်၏။ ပျက်သုဉ်းပစ္စည်းအစုအပြုံများ က သဘာဝရေသွားရေလာစံနစ်ကို ပျက်စီးစေသည်ဟု ကျွမ်းကျင်သူများက ဆိုသည်။

ကချင်ပြည်နယ်ရှိ မြန်မာစစ်တပ်တည်ရှိရာ နှင့် KIA ပိုင်နက်ဝန်းကျင်ဒေသအတွင်း အပစ်အခတ်ရပ်စဲရေးကိစ္စ ရုတ်ခြည်း ဖြစ်ပေါ်လာသည်။ ထိုနေရာများ၌ တူးဖော်ရေး လုပ်ငန်းသစ်များအပေါ် မြန်မာအစိုးရမှ မျက်စေ့ကျလာခဲ့ကြသည်။ တိုက်ခိုက်ရေးကို အဆုံးသတ်စေမည့်အစား ငြိမ်းချမ်းရေးကာလသည် နှစ်ဦးနှစ်ဖက်စလုံး လူသူလက်နက်အင်အား
အကြီးအကျယ် ထုတ်လုပ်ဖြည့်ဆည်းမှု၊ အရေးပါသောဗျူဟာမြောက်နေရာများတွင် အခိုင်အမာ တပ်စွဲမှု ပြုလုပ်ရန်အတွက် ဦးတည်သွားစေသည်။ သို့ဖြစ်ရာ ထိုအနေအထားအရ စစ်မက်ကို အပြီးတိုင်အဆုံးသတ်ရေး မဖြစ်နိုင်တော့ဘဲ အပစ်အခတ်ရပ်စဲရေးက အသက်ငင်နေပါတော့သည်။

သာဓကအားဖြင့် KIA ပိုင်နက်မှ ၃၂ ကီလိုမီတာမျှသာကွာဝေးသော ဗန်းမော်တွင် ၁၉၉၄ နှင့် ၂၀၀၃ ခုနှစ်အတွင်း အစိုးရ တပ်ဖွဲ့များစွာကို တပ်စခန်း ၄ ခုမှ ၁၂ ခုဖြစ်လာသည်အထိ သုံးဆတိုး၍ တပ်စွဲစေခဲ့သည်။ ရေအားလျှပ်စစ်စီမံကိန်းလုပ်ငန်းခွင်ဒေသများ နှင့် ဖားကန့်တစ်ဝိုက် သတ္ထုတူးဖော်ရေးလုပ်ငန်းများအား ကာကွယ်ရန် မကြာခဏ စေလွှတ်ခဲ့ကြသည်။

ဒေသခံပြည်သူတို့၏ဝေမျှအကျိုးခံစားခွင့်မှာ နတ္ထိ

ဤဒေသများ၌ တပ်စွဲဖြန့်ကျက်လာမှုက ဒေသခံပြည်သူများအပေါ် ၀န်ထုပ်ဝန်ပိုး ကြီးမားစေခဲ့သည်။ ကချင်ပြည်နယ် ဒေသတွင်း စီးပွားရေးမှာလည်း တိုတောင်းလှသည့် ကာလတစ်ရပ်ဝယ် သိသိသာသာ ပြောင်းလဲသွားခဲ့ရ၏။ ၁၉၉၄ သဘောတူချက် အရ ဖားကန့်ဒေသကျောက် စိမ်းတွင်းများထိန်းချုပ်ထားမှုကို KIA မှ ဖြေလျော့လိုက်သောအခါ အစိုးရကျောထောက်နောက်ခံလုပ်ငန်းများ ၀င်ရောက်လာလျက် တူးဖော်ထုတ်လုပ်မှုကို အတိုင်းထက်အလွန် ပြုလုပ်ခဲ့လေသည်။

သတ္ထုတူးဖော်ရေးကဏ္ဍသည် တစ်နိုင်စာလုပ်ငန်းငယ်လေး ရာပေါင်းများစွာကို အထောက်အကူပြုနေရာမှ ကုမ္ပဏီကြီး ၃၀ ၏ သြဇာလွှမ်းမိုးမှုကိုခံရသော အသွင်ပုံဟန်သို့ ကူးပြောင်းသွားခဲ့သည်။ ယင်းကုမ္ပဏီကြီးတို့သည် တရုတ်ပြည် နှင့် မြန်မာပြည်တွင်းရွှေ့ပြောင်း လုပ်သား များ စွာကို ခေါ်ယူကာ တွင်းခြေအထိဆင်း၍ လုပ်ကိုင်စေခဲ့သည်။

အလုပ်နှင့်မသက်ဆိုင်သည့်ကဏ္ဍများကိုလည်း အကြပ်ကိုင် လုပ်ဆောင်စေခဲ့သည်။ ၄င်းတို့အထဲဒေသခံကချင်များလည်း ပါဝင်ကြသည်။ လက်ရှိထိပ်တန်းအဆင့်ဝင် Northern Star Trading ကဲ့သို့သော ကုမ္ပဏီများက စစ်တပ်နှင့်တရုတ်တူးဖော်ရေးကုမ္ပဏီများကို အနီးကပ်ဆက်ဆံမှုအားဖြင့် မြန်မာ့သတ္ထုတူးဖော်ရေးလုပ်ငန်း၌လက်ဝါးကြီးအုပ်ထားလျက်ရှိသည်သာမက တူးဖော်ရေးနယ်မြေများ အတွင်း ၀င်ရောက်နိုင်ခွင့်ကိုပါ ဆုံးဖြတ်နိုင်သူများအဖြစ် အခွင့်ထူးခံများ ဖြစ်နေကြလေသည်။ လွတ်လပ်သောစီမံကိန်းများ၌ ရာဇ၀တ်မှုဆိုင်ရာစည်းကမ်းချက်များကိုပင်လျှင် ထုတ်ပြန်ဆောင်ရွက်လာသည်။ ၄င်းတို့၏ကိုယ်ကျိုးစီးပွား ထိခိုက်စေသည်ဟုထင်မြင်သူတို့အား လုံခြုံရေးအကြောင်းပြချက်ထုတ်၍ မြန်မာစစ်တပ်ဖြင့် ဖမ်းဆီးစေခြင်း၊ နှင်ထုတ်စေခြင်းများကို ပြောင်ပြောင်တင်းတင်း ကျင့်သုံးလျက်ရှိ၏။

စစ်တပ်အင်အားတိုးမြှင့်ဖြည့်ဆည်းခြင်းနှင့်အတူ ကချင်ပြည်နယ်တွင်း ရင်းနှီးမြှုပ်နှံမှုလုပ်ငန်းစဉ်မှာ လူနည်းစုတိုင်းရင်းသားတို့၏လူမှု အဆောက်အဦးအား အစိပ်စိပ် အမြွာမြွာ ဆွဲဖြဲလိုက်သကဲ့သို့ ဖြစ်နေချေသည်။ ဖားကန့်ဒေသတွင် အာဏာမဲ့နှင့်အလုပ်လက်မဲ့ သူတို့အကြား မူးယစ်ဆေးဝါးသုံးစွဲမှု ကျယ်ပြန့်များပြားလားခြင်းက သာဓကတစ်ရပ်ပင်။

“ ဘိန်းရှူနိုင်တဲ့၊ စိတ်ကြွဆေးဝယ်ယူရရှိနိုင်တဲ့ ဘိန်းခန်းတွေက တူးဖော်ရေးအသိုင်းအ၀ိုင်းထဲမှာ နေရာအနှံ့ပါဘဲ။ စခန်းချတဲ့နေရာကနေ မလှမ်းမကမ်းလောက်သာလျှောက်ရတဲ့ တဲလေးတွေမှာတော့ ဘိန်းဖြူရောင်းနေကြတယ်။ ဖားကန့်ဒေသတစ်ခုလုံးမှာ အဲ့ဒီလိုတဲစခန်းမျိုး ၅၀ လောက်ရှိမယ်လို့ ခန့်မှန်းရပါတယ် ” ဟု Kachin News Group ၏ သတင်းတင်ပြချက်၌ တွေ့ရ၏။

လိင်ဖျော်ဖြေရေးလုပ်ငန်းကလည်း ပွင့်အံကြီးမားလာသည်။ မိမိနေအိမ်မှထွက်ပြီး တူးဖော်ရေးလုပ်ငန်းတွင် ရက်သတ္တပတ်ပေါင်းများစွာ သွားရောက်လုပ်ကိုင်သော်လည်း မိသားစုဝင်ငွေ လုံလောက်စွာမထောက်ပံ့နိုင်သူတို့၏ ဇနီးများ၊ သမီးများက ထိုကဏ္ဍ၌ ဦးဆောင်နေကြ၏။ သို့ဖြင့် ယခုအခါ ကချင်ပြည်နယ်သည် မြန်မာနိုင်ငံတွင် HIV/AIDS ကူးစက်ပြန့်ပွားမှုအမြင့်မားဆုံး နယ်ပယ်တစ်ခုအဖြစ် စာရင်းဝင်လာသည်။ ( KIA ၏ အပစ်အခတ်ရပ်စဲရေးနယ်နမိတ်အတွင်း HIV/AIDS ကူးစက်မှုမှာ တစ်နိုင်ငံလုံး၏ ပျမ်းမျှနှုန်းထက် ၁၆ ဆခန့် များပြားနေကြောင်း အရပ်ဖက်ဆိုင်ရာလူ့အဖွဲ့အစည်းတစ်ရပ်က ဆိုသည်။ ယင်းသို့ဖြစ်ခြင်းမှာ ၂၀၀၈ ခုနှစ်တွင် ဒေသတွင်းသို့ ကူညီရေးလုပ်သားများဝင်ရောက်ခွင့်ကို အစိုးရမှပိတ်ပင်လိုက်ခြင်းအကြောင်းကလည်း အပါအ၀င်ဖြစ်သည်ဟု သိရ၏)။

ကချင်ပြည်နယ်ဖွံ့ဖြိုးရေးပြဿနာမှာ လတ်တစ်လောတွင် ရေအားလျှပ်စစ်ထုတ်လုပ်ရေးဖက်သို့ ကူးပြောင်းသွားသည်။ ရေအရင်းအမြစ် ပိုင်ဆိုင်မှုနှင့်စပ်လျဉ်း၍ KIA နှင့် အစိုးရအကြား အငြင်းပွားမှု ဖြစ်လာသည်။ လွန်ခဲ့သော ၁၇ နှစ်က သဘာဝရင်းမြစ်များကို အမြတ်ထုတ်နေသော တရုတ်ကျောထောက်နောက်ခံ ဒါးပိန်ဆည်နှင့်ပတ်သက်ပြီး ၂၀၁၁ ခုနှစ် ဇွန်လ၌ တိုက်ခိုက်မှုဖြစ်ပွားရသည်။ အလားတူကိစ္စများလည်း မထင်မှတ်ဘဲဖြစ်ပေါ်လာရာ ယမန်နှစ်မှစ၍မြစ်ဆုံစီမံကိန်း၏ပြဿနာဆက်တိုက်ဖြစ်ပွားမှုက အနည်း ဆုံး တရုတ် လုပ်သားတစ်ဦးကို သေဆုံးစေခဲ့သည်။

၁၉၉၄ ခုနှစ်ကတည်းက စွမ်းအင်ထုတ်လုပ်မှုအကြီးစားစီမံကိန်းအပေါ် ကချင်လူထု၏မကြေနပ်ချက် မြင့်မားနေခဲ့၏။ ထိုစဉ်က ပြည်နယ်၏အဖိုးတန်မြေယာ အများအပြားမှာ နိုင်ငံရေးဖလှယ်မှုကုန်စည်ပစ္စည်းအဖြစ် အသွင်ပြောင်းခဲ့ရ၏။ ဒေသခံအင်အားစုကို ဖွံ့ဖြိုးကြီးထွားလှသည့်စီမံကိန်းများ၌ ထည့်သွင်းပါဝင်စေရန် အကြီးအကျယ် ပျက်ကွက်ခဲ့သဖြင့် ယခုသော် မြစ်ဆုံစီမံကိန်းအား ရပ်ဆိုင်းထားရဆဲ အနေအထား ဖြစ်သွားလေသည်။ ၄င်းမှ ထွက်ရှိသောစွမ်းအင် စုစုပေါင်း၏ ၉၀ % မှာ တရုတ်ပြည်သို့တင်ပို့ရန် လျာထားခဲ့ခြင်းလည်း အကြောင်းတစ်ရပ်ဖြစ်၏။

သတ္ထုတွင်းများပိုင်ဆိုင်မှုကို KIA မှ အစိုးရလက်သို့ လွှဲအပ်ပေးလိုက်ခြင်းက ဒေသခံများအဖို့ အထိနာစေခဲ့သည်။ Northern Star ကဲ့သို့ ကုမ္ပဏီများနှင့် စာချုပ်ချုပ်ဆိုခြင်းမရှိသော လုပ်သားတို့မှာ တူးဖော်ရေးနယ်ပယ်အတွင်း ၀င်ရောက်ခွင့်ကို ပိတ်ပင်ခံရသည်။ လုပ်ခွင့်ရရှိသူများကလည်း သတ္ထုတွင်း ၀န်ကြီးဌာနအား ၅၀ % အထိ အခွန်ဆောင်နေရကြောင်း KDNG က ဆိုသည်။

ကချင်ပြည်နယ်ဖြစ်ရပ်သည် Karen National Union (KNU) ၊ Shan State Amy (SSA) တို့အပါအ၀င် အခြားလက်နက်ကိုင် တိုင်းရင်းသား အုပ်စုများအတွက် သတိကြီးစွာထားရမည့် သင်ခန်းစာတစ်ရပ်ကို ပေးကမ်းနေပါသည်။ ထိုအဖွဲ့များကလည်း အစိုးရနှင့် အပစ်အခတ်ရပ်စဲရေး သဘောတူညီထားကြပြီးဖြစ်နေသည်။ များမကြာသေးခင် နော်ဝေအစိုးရမှ ငြိမ်းချမ်းရေးရံပုံငွေထူထောင်ပေးလိုက်သောအဖွဲ့အပါအ၀င် ကြားဝင်စေ့စပ်သူများက ၄င်းတို့အား “တိုးတက်ဖွံ့ဖြိုးရေး အတွက် ငြိမ်းချမ်းရေးဖြင့် လမ်းခင်းပေးမည်” ဟူသော ကတိက၀တ်များဖြင့် လက်နက်ကိုင် လမ်းစဉ် စွန့်လွှတ်လိုက်ရန် ဆွယ်တရားဟောလျက်ရှိနေကြ၏။

ယင်းကမ်းလှမ်းချက်များမှာ ဥရောပသမဂ္ဂ၏ ပိတ်ဆို့မှုများကိုလတ်တစ်လောဆိုင်းငံ့ရေး ဟူသောအချက်နှင့်အတူ ကျယ်လောင်လာခြင်းဖြစ်သည်။ သယံဇာတပေါကြွယ် လှသည့် နယ်စပ်ဒေသများ၌ အနောက်တိုင်း၏ရင်းနှီးမြှုပ်နှံမှု လမ်းကြောင်းရရှိရေးအတွက် ဖြစ်တန်ရာ၏။ ကချင်ပြည်နယ်သည် ယင်းလမ်းကြောင်းထဲ နစ်မြုပ်သွားခဲ့ပေပြီ။ ၄င်းတို့သည် မြန်မာအစိုးရ၏တိုးတက်ဖွံ့ဖြိုးရေးရုပ်လုံးဖြစ်သော အလွဲသုံးစားပြုချက် နှင့် ဆုတ်ယုတ်နိမ့်ကျသွားစေခြင်းတို့ကြောင့် တိုက်ခိုက်ရေးလမ်းကြောင်းကိုသာ ရွေးချယ်ရန် ဆုံးဖြတ်တော့မည်လောဟု တွေးမြင်မိပေသည်။

မြန်မာနှင့်အရှေ့တောင်အာရှရေးရာသုတေသီ အလွတ်တန်းဂျာနယ်လစ် Francis Wade ၏ Why ceasefires fail in Myanmar ဆောင်းပါးကို သာကီထက်ကောင်း မှ ဆီလျော်အောင် ပြန်ဆိုရေးသားသည်။

မူရင်းဆောင်းပါးရှင်၏လက်ရာများကို The Guardian ၊ Al Jazeera English ၊ Asia Times Online နှင့် News Internationalist တို့တွင် တွေ့မြင်နိုင်ပါသည်။

October 7, 2013
မြန်မာ့ကိုယ်ပျောက် ကျောက်စိမ်း၏ ဒေါ်လာ ၈ ဘီလီယံ အိပ်မက်ဆိုး (ဘာသာပြန်- Special Report)

အောက်တိုဘာ၊ ၁၊ ၂၀၁၃
M-Media
မြင့်မိုရ်မောင်မောင် ဘာသာပြန်ဆိုသည်။

မိမိလက်မှာကိုင်ထားဆဲ လက်တစ်ဝါးစာကျောက်စိမ်းကို ညစ်ထေးထေးရာဘာစနဲ့ ပွတ်တိုက်လို့ တစ်ညတာ အချိန်ကုန်လွန်ခဲ့ပြီ။ အဲ့ဒါဟာ သူ့ကို အပုံအပင် ကြွယ်ဝချမ်းသာစေလိမ့်မယ်လို့ တင်ထွန်းက မျှော်လင့်နေတယ်။ ဒီလိုအဖြစ်မျိုးလည်း ရှိနေခဲ့တယ်လေ။

“ ယမန်နှစ်က ကျပ် သန်း ၅၀ တန်တဲ့ ကျောက်ကို ကျွန်တော် ရရှိခဲ့တယ် ” လို့ မြန်မာနိုင်ငံအနောက်မြောက်ပိုင်း ကျောက်စိမ်းတူးဖော်ရေးတောင်ကုန်းဟောင်းတွေတစ်ကြော လမ်းလျှောက်ယင်း သူက ပြောပြခဲ့တယ်။ အဲ့ဒီကျောက်ဟာ ဒေါ်လာ ၅ သောင်းနီးပါးရရှိပြီး အသက် ၃၈ နှစ်အရွယ် တင်ထွန်းအတွက် မိမိဇာတိကျေးရွာမှာ ကိုယ်ပိုင်အိမ်ကိုယ်ပိုင်မြေနဲ့ ဖြစ်သွားစေတဲ့အပြင် ပိုလျှံစေခဲ့ပါတယ်။

တင်ထွန်းလို အချိန်တိုတိုအတွင်း မထင်မှတ်ပဲ ရှာတွေ့ရရှိသွားသူများကတော့ အလွန်အင်မတန် နည်းပါးပါတယ်။ စက်ရုံထောင်ထုတ်လုပ်နေတဲ့ မြန်မာစစ်တပ်၊ ကျောက်စိမ်းသည်းခြေကြိုက်တရုတ်ပြည်နဲ့ ချိတ်ဆက်ထားတဲ့ ကုမ္ပဏီတွေကသာ တစ်အုံတစ်ကျင်း ထုတ်ယူသွားကြပြီး မတန်တဆ ကြွယ်ဝချမ်းသာကုန်ကြတာပါဘဲ။

ကျောက်စိမ်းအားလုံးရဲ့ထက်ဝက်လောက်ဟာ တရားမ၀င်လမ်းကြောင်းထဲကရောင်းချမှု ဖြစ်နေတယ်။ အခွန်လုံးဝမဆောင်ဘဲ ဒါမှမဟုတ် ဟန်ပြအခွန်ဆောင်ချက်လောက်နဲ့ နယ်စပ်ကနေ တရုတ်ပြည်ထဲ ရောက်ကုန်ကြတယ်။ နိုင်ငံတော်အကျိုးမြတ်မှာ ဒေါ်လာဘီလီယံနဲ့ချီပြီး ဆုံးရှုံးသွားစေတယ်။ ရာစုနှစ်ဝက်လောက် စစ်အာဏာရှင်စံနစ်ကြောင့် ကျိုးပဲ့ကြေမွနေတဲ့ နိုင်ငံကို ပြန်လည်တည်ဆောက်ရေးမှာ ဒီငွေတွေ အသုံးပြုရမှာဖြစ်တယ်။

တရားဝင်စာရင်းဇယားများအရ ဒေါ်လာဘီလီယံများစွာ ပျောက်ဆုံးနေတယ်လို့ ဆိုပါတယ်။ ၂၀၁၁ ဧပြီ – ၂၀၁၂ မတ် ကာလအတွင်း မြန်မာနိုင်ငံက ကျောက်စိမ်းကို ကီလိုဂရမ် ၄၃ သန်းအထိ ထုတ်လုပ်ခဲ့တယ်။ တစ်ကီလိုကို ဒေါ်လာ ၁၀၀ နှုန်းနဲ့အကြမ်းဖျင်းဖြစ်သလိုတွက်ကြည့်ယင် တန်ကြေးက ဒေါ်လာ ၄.၃ ဘီလီယံရှိနေပါပြီ။ ဒါပေမယ့် တရားဝင်ကျောက်စိမ်းတင်ပို့မှုမှာ ဒေါ်လာ ၃၄ သန်းမျှသာ စာရင်းရှိနေပါတယ်။

တရုတ်ပြည်ရဲ့ တရားဝင်စာရင်းအင်းတွေကလည်း ပဟေဠိလုပ်ထားတုန်းပါဘဲ။ မြန်မာပြည်ကကျောက်စိမ်းတွေကို ဘယ်ရွေ့ဘယ်မျှအထိ တင်သွင်းကြောင်း တရုတ်နိုင်ငံအနေနဲ့ အများသိသတင်းထုတ်ပြန်မှု ပြုလေ့မရှိပါဘူး။ သို့သော်လည်း ကျောက်မျက်ရတနာနဲ့သတ္ထုပစ္စည်းဆိုင်ရာ တရားဝင်သွင်းကုန်တွေထဲမှာ ကျောက်စိမ်းက အပါအ၀င် တစ်ခုဖြစ်ပြီး ၂၀၁၂ မှာ ဒေါ်လာ ၂၉၃ သန်းအထိ တန်ကြေးရှိတယ်လို့ဆိုနေပေမယ့် ဒေါ်လာဘီလီယံများစွာ တန်ကြေးရှိတဲ့ မြန်မာ့ကျောက်စိမ်းတွေ ဘယ်ရောက်ကုန်ပြီလဲဆိုတာ ရှင်းပြလို့မရနိုင်အောင်ဖြစ်နေရတယ်။

ဒီလို ဓနပြုန်းတီးမှုက မြန်မာနိုင်ငံအတွက် စိန်ခေါ်ချက် ပိုမိုကြီးထွားစေပါတယ်။ ရေနံ၊ ကျွန်းသစ်၊ အဖိုးတန်သတ္ထုများ အပါအ၀င် သဘာဝသယံဇာတပေါကြွယ်လှပြီး ဆင်းရဲတွင်းနက်လှတဲ့နိုင်ငံမှာ လက်နက်စွဲကိုင်ပဋိပက္ခ သက်ဆိုးရှည်လာလေ အာဏာချုပ်ကိုင်ထားတဲ့ ပုဂ္ဂိုလ်တွေ၊ အုပ်စုတွေကို ဆထက်ထမ်းပိုး ကြွယ်ဝလာစေလေ ဖြစ်လို့နေပါတယ်။ ဖားကန့်မှာရှိနေတဲ့ မြန်မာ့သတ္တုတွင်းလုပ်ငန်းတည်ရှိတဲ့နေရာဆီ ရိုက်တာသတင်းဌာနမှ ကြုံတောင့်ကြုံခဲ ရောက်ရှိခဲ့တယ်။ တော်လှန်သူလူမျိုးစုတွေနဲ့စစ်တပ်တို့ ပြဿနာဖြစ်နေတဲ့ အဲ့ဒီဒေသမှာ ဥပဒေစိုးမိုးမှု မရှိကြောင်း တွေ့ရတယ်။ ဒါ့အပြင် တရုတ်ပြည်မကြီးက တရုတ်ကုန်သည်များကလည်း ဘိန်းစွဲနေတဲ့ လက်ကိုင်ဒုတ်များနဲ့အတူ ခေါင်းပုံဖြတ်နေကြတာ တွေ့ခဲ့ရတယ်။ အဲ့ဒီလက်ကိုင်ဒုတ်တွေက ကျောက်စိမ်းရှာဖွေရရှိရေး အတွက် ရှင်လျက်နဲ့သေပေးနေရသူတွေပါ။

မြန်မာသတ္ထုတွင်းဝန်ကြီး ဦးမြင့်အောင်က ကျောက်စိမ်းထုတ်လုပ်ရေးလုပ်ငန်းနဲ့လူမှုရေးရာတွေမှာ ပျောက်ဆုံးနေသော ငွေသန်းပေါင်းများစွာနဲ့ပတ်သက်လို့ ရိုက်တာက စာရေးမေးမြန်းတဲ့အပေါ် ဖြေကြားမှု မရှိပါဘူး။

ပြန်လည်ပြုပြင်ရေးအစိုးရတက်လာချိန် ၂၀၁၁ ခုနှစ် မတ်လကစပြီး မြန်မာနိုင်ငံဟာ မိမိရဲ့စီးပွားရေးမျှော်လင့်ချက်ကို ပြည်ပရင်းနှီးမြှုပ်နှံမှုနဲ့အကူအညီတွေပေါ်မှာ အားထားလာခဲ့တယ်။ ဒါပေမယ့် စီးပွားရေးကျွမ်းကျင်ပညာရှင်အချို့က မြန်မာနိုင်ငံရဲ့ကြွယ်ဝမှုနဲ့ညီညွတ်မှုက ထုတ်ဖော်ပြောဆိုချက်တွေထက် ကုန်ကြမ်းကရရှိတဲ့အကျိုးအမြတ်တွေအပေါ် မူတည်နေပါတယ်လို့ ဆိုကြတယ်။

တရားမ၀င်ပြည်ပပို့မှုအပါအ၀င် ကျောက်စိမ်းရောင်းချခြင်းအားလုံးနဲ့ပတ်သက်ပြီး ခိုင်မာတဲ့အချက်အလက် အချို့ရှိနေပါတယ်။ မြန်မာနိုင်ငံအရပ်သားတစ်ပိုင်းအစိုးရကို အကြံပေးအဖွဲ့တစ်ခုဖြစ်တဲ့ The Harvard Ash Center ဆီမှာ အကောင်းဆုံး အချက်အလက်တွေ ရရှိထားပါတယ်။

ဒီနှစ်အတွင်း ဒီဒေသဆီ သုတေသီတွေကို ပို့လွှတ်ပြီးတဲ့နောက်မှာ The Harvard Ash Center က ဇူလိုင်လအတွင်း အစီရင်ခံစာတစ်စောင်ကို ထုတ်ပြန်ရာမှာ ၂၀၁၁ ခုနှစ်က မြန်မာ့ကျောက်စိမ်းရောင်းချမှုတန်ဖိုး ဒေါ်လာ ၈ ဘီလီယံ ၀န်းကျင်ရှိတယ်လို့ ဆိုထားတယ်။ အဲ့ဒီပမာဏဟာ သဘာဝဓာတ်ငွေ့ရောင်းချမှုအမြတ်အစွန်းထက် ၂ ဆကျော် များပြားနေပြီး၊ ၂၀၁၁ ခုနှစ် GDP ရဲ့ ၆ ပုံ ၁ ပုံ နီးပါးရှိနေတာကို တွေ့ခဲ့ရတယ်။

“ အစိုးရဖက်က လုပ်ဆောင်ပေးတာ ဘာမှကို မရှိကြောင်း တွေ့ရတယ်။ တူးဖော်ရေးတွင်းတွေကို သိမ်းယူထားတဲ့ အာဏာပိုင်ထဲမှာ လူထုထောက်ပံ့ရေးခေတ်မှီစံနစ်တစ်ရပ်ရှိဖို့ လိုအပ်နေတယ် ” လို့ အစီရင်ခံစာ တွဲဖက်ရေးသားသူ David Dapice က ရိုက်တာကို ပြောပြခဲ့ပါတယ်။

ကိုယ်ပျောက်ကျောက်စိမ်းများ
———————————
တရုတ်လူမျိုးတွေက ကျောက်စိမ်းရဲ့အလှအပနဲ့အမှတ်လက္ခဏာတွေပေါ်မူတည်ပြီး ဈေးကောင်းပေးတတ်တာ နှစ်ထောင်ပေါင်းများစွာကတည်းကပါပဲ။ ကျောက်စိမ်းကိုလက်ဝတ်ရတနာအဖြစ် ဆင်ယင်ခြင်းက ကံကောင်းခြင်း၊ ဥစ္စာတိုးပွားကြွယ်ဝခြင်း နဲ့ သက်ရှည်ကျန်းမာခြင်းကို သယ်ဆောင်လာပေးတယ်လို့ အတော်များများ ယုံကြည်ယူဆကြတယ်။ တရုတ်ရဲ့ချဉ်ခြင်းကြောင့် မြန်မာကျောက်စိမ်းအပေါ် ရင်းနှီးမြှုပ်နှံမှုဖြစ်လာစေတဲ့ အဓိကအကြောင်းတစ်ချက်လို့ ဆိုရမှာပါ။ “ ရွှေကအဖိုးတန်တယ်။ သို့သော် ကျောက်စိမ်းက တန်ဖိုးမဖြတ်နိုင် ” လို့ တရုတ်ရှေးစကားပုံတစ်ခု ရှိနေတယ်။

ကျောက်စိမ်းက တန်ကြေးမြင့်ပစ္စည်းဖြစ်သော်လည်း သယ်ဆောင်ရတာ လွယ်ကူတယ်။
“ ရောင်းချပွဲနဲ့ပြတိုက်ဆီရောက်တဲ့ကျောက်စိမ်းတွေကိုသာ သူတို့ အမြင်ခံကြပါတယ် ” လို့ အသက် ၅၃ နှစ်အရွယ် ကျောက်စိမ်းကုန်သည် ဦးတင်စိုးက နေပြည်တော်ကျောက်မျက်ရတနာခင်းကျင်းပြသရောင်းချပွဲကို ရည်ညွှန်းပြီးပြောဆိုခဲ့တယ်။

ကျန်ရှိသမျှတွေအဖို့ မြန်မာစစ်တပ်ပိုင်နက်ကနေဖြစ်စေ၊ ကချင်လွတ်လပ်ရေးတပ်မတော် – Kachin Independence Army (KIA) နယ်မြေကနေဖြစ်စေ သက်ဆိုင်ရာအကျိုးအတွက် တရုတ်ပြည်ကို ထရပ်ကားနဲ့ အတုံးအရုန်း တိတ်တဆိတ် တင်ပို့တာခံရတယ်။ ဘေဂျင်းအခြေစိုက် အာဏာပိုင်ကျောထောက်နောက်ခံဖြစ်တဲ့ တရုတ်ကျောက်စိမ်းကုန်သွယ်ရေးအဖွဲ့ကြီး All China Jade Trade Association ဟာ အင်တာဗျူးအတွက် မေတ္တာရပ်ခံမှုကို အကြိမ်ကြိမ် ရှောင်လွှဲနေခဲ့တယ်။

ကချင်ပြည်နယ်ထဲရှိတဲ့ ဖားကန့်ဟာ တရုတ် နဲ့ အိန္ဒိယနိုင်ငံအကြားမှာ မဟာဗျူဟာမြောက်နယ်မြေအဖြစ် တည်ရှိနေပါတယ်။ အဲ့ဒီလို အရည်အသွေးရော အရေအတွက်ပါ ထွက်ရှိတဲ့ဒေသဆိုလို့ ကမ္ဘာ့ဘယ်နေရာမှာမှ မရှိပါဘူး။ တိုင်းပြည်ဘဏ္ဍာတိုးဖို့ မြေလွှာကိုဖွင့်လှစ်စို့ လို့အဓိပ္ပာယ်သက်ရောက်တဲ့စာတန်းတွေကို ဖားကန့်မြို့၊ သတ္ထုတွင်းဝန်ကြီးဌာနရုံးပြင်ဖက်တွေမှာ တွေ့ကြရပါလိမ့်မယ်။

တကယ်တမ်းကျတော့ အရည်အသွေးမြင့်မားလှတဲ့ မြန်မာ့သဘာဝသယံဇာတကနေ နိုင်ငံကို အကျိုးဖြစ်ထွန်းစေတဲ့ အခန်းကဏ္ဍဆိုလို့ မဆိုစလောက်လေးသာ တွေ့နေရတယ်။ ဖားကန့်သွားတဲ့လမ်းက ချိုင့်ခွက်ချိုင့်ပေါက်တွေဆိုယင် လေးဘီးယက်ကားဘီးတွေထက်တောင် ကြီးမားနေပါတယ်။ မိုးတွင်းကာလမှာ ကချင်ပြည်နယ်မြို့တော် မြစ်ကြီးနားကနေ ၁၁၀ ကီလိုမီတာ(၆၈ မိုင်)သာကွာဝေးတဲ့ ဖားကန့်ကိုရောက်ဖို့ ကိုးနာရီကျော်ကြာမြင့်ရတယ်။

ဖားကန့်မှာ ဗမာလူမျိုးမဟုတ်သူများကို အရာရှိအဖြစ်ခန့်အပ်ထားတာမျိုးက တကယ့်ကို ရှားရှားပါးပါးပါပဲ။ ဒါပေမယ့် ဗမာလူမျိုးမဟုတ်တဲ့ အငှားယာဉ်မောင်းသမားတွေကတော့ ပေါများလှတယ်။ သူတို့ဟာ တရုတ်ကုန်သည်များကို မတန်တဆဈေးနှုန်းနဲ့ ဖားကန့်ကို ပို့ဆောင်ပေးကြတယ်။ ရဲတပ်သားတွေ၊ စစ်တပ်စစ်ဆေးရေးဂိတ်တွေကို မလိုအပ်ဘဲ လာဘ်ပေးဖြတ်သန်းနေကြရလို့ ဈေးနှုန်းခေါင်ခိုက်နေခြင်းဖြစ်ပါတယ်။ ဖားကန့်လမ်းကြောတင်းကြပ်ရခြင်းက လုံခြုံရေးအရဆိုပြီး အာဏာပိုင်တွေက အကြောင်းပြကြတယ်။ ဖားကန့်လမ်းကြောကိုထိန်းချုပ်နိုင်ဖို့ မြန်မာစစ်တပ် နဲ့ KIA တို့က အပြိုင်အဆိုင်ကြိုးပမ်းနေတာ ကာလကြာရှည်ခဲ့ပါပြီ။ အဲ့ဒီလမ်းကြောမှာ မြေမြှုပ်မိုင်းတွေရှိတယ်လို့လည်း ဆိုကြတယ်။ အဲ့ဒီလိုတင်းကြပ်မှုများဟာ များပြားလှတဲ့ အလုပ်သမားသေဆုံးမှုတွေ၊ စံချိန်တင်ဘိန်းစွဲမှုတွေ၊ HIV ကူးစက်ပြန့်ပွားမှု စတဲ့ မြန်မာနိုင်ငံက လုပ်ငန်းခွင်လုပ်သားတွေနဲ့ သူတို့ရဲ့လူမှုဘ၀အနေအထားဆိုင်ရာ အချက်အလက်အမှန်ကို ဆန်းစစ်လို့မရအောင် ဖြစ်စေပါတယ်။

ကချင်ပြည်နယ်ထဲမှာ ကျောက်စိမ်းနဲ့ပဋိပက္ခကြားက ထင်ရှားတဲ့ချိတ်ဆက်မှုတွေကိုလည်း တွေ့ရတယ်လို့ မြန်မာနိုင်ငံဆိုင်ရာ ကုလသမဂ္ဂအထက်တန်းအရာရှိဟောင်း သုတေသီ Richard Horsey က ဆိုပါတယ်။ စစ်တပ်နဲ့ KIA တို့ရဲ့ ၁၇ နှစ် အပစ်အခတ်ရပ်စဲရေးကိစ္စဟာ ၂၀၁၁ ခုနှစ် ဇွန်လအတွင်း တိုက်ခိုက်မှုများကြောင့် အဆုံးသတ်သွားခဲ့တယ်။ စစ်ပြေးဒုက္ခသည်ဦးရေ တစ်သိန်းကျော်လာခဲ့ပါပြီ။

“ နှစ်ဖက်နှစ်ဝ လက်ထဲမှာရှိနေကြတဲ့ ဧရာမ အကျိုးအမြတ်တွေကို ပဋိပက္ခထဲမှာ အသုံးချနေကြတယ်။ လွှမ်းမိုးခြယ်လှယ်ရေးအတွက် ထောက်ပံ့နေကြတယ်။ ဒါက ငြိမ်းချမ်းတဲ့စီးပွားရေးကို ရေရှည်တည်တံ့အောင် တည်ဆောက်ဖို့အတွက် အလွန်ရှုပ်ထွေးနောက်ကျိသွားစေတာပါဘဲ ” လို့ Horsey က ဆိုခဲ့တယ်။

မြန်မာနိုင်ငံကိုစိုးမိုးအုပ်ချုပ်နေတဲ့ စစ်အာဏာရှင်တွေရဲ့အမြတ်ထုတ်နေမှုကို ဖြတ်တောက်သောအားဖြင့် ၂၀၀၈ ခုနှစ်မှာ အမေရိကန်ပြည်ထောင်စုက မြန်မာ့ကျောက်စိမ်း၊ ပတ္တမြား နဲ့ အခြားကျောက်မျက်ရတနာတင်သွင်းမှုကို ပိတ်ပင်ခဲ့တယ်။ ဒါပေမယ့် ဒီပိတ်ပင်ချက်က မထိရောက်ခဲ့ဘူး။ အိမ်နီးချင်းတရုတ်ပြည်အတွက် ၀ယ်လိုအားမြင့်မားသွားစေခဲ့တယ်။ မြန်မာနိုင်ငံပြုပြင်ပြောင်းလဲရေးအစိုးရတက်လာတဲ့နောက်မှာတော့ စီးပွားရေးနဲ့နိုင်ငံရေးပိတ်ဆို့မှုအတော်များများကို အမေရိကန်က ရုပ်သိမ်းခြင်း သို့မဟုတ် ဆိုင်းငံ့စောင့်ကြည့်ခြင်း ပြုလုပ်ခဲ့တယ်။ အဲ့ဒီထဲမှာ ကျောက်စိမ်းနဲ့ပတ္တမြား ပိတ်ပင်ချက်ကတော့ မပါဝင်ပါဘူး။ ဥပဒေမဲ့မြန်မာကျောက်စိမ်းထုတ်လုပ်မှုဟာ စစ်အုပ်ချုပ်ရေးကာလအတိုင်းသာ ရှိနေဆဲသာဖြစ်နေတယ်လို့ အိမ်ဖြူတော်က သြဂုတ်လ ၇ ရက်မှာ ပြန်လည်သုံးသပ်ခဲ့တယ်။ ဒီလှုပ်ရှားဆောင်ရွက်မှုတွေဟာ လူ့အခွင့်အရေးချိုးဖောက်မှုကိုသော်လည်းကောင်း၊ မြန်မာနိုင်ငံရဲ့ပြုပြင်ပြောင်းလဲရေးလုပ်ငန်းစဉ်ကို ဖြိုလဲမှုသော်လည်းကောင်း အားပေးအားမြှောက်ပြုလုပ်နေတယ် ဆိုပြီး အမေရိကန်ကျောက်မျက်ဌာနက ပြောဆိုခဲ့တယ်။

နိုင်ငံခြားကုမ္ပဏီတွေကို ကျောက်စိမ်းတူးဖော်ထုတ်လုပ်ခွင့် မပြုထားဘူး။ သို့ပင်သို့ငြားလည်း သတ္ထုတူးဖော်ရေးဟာ နိုင်ငံတော်ကဏ္ဍလို့ပြောသည့်တိုင် ကချင်ပြည်နယ်ထဲက ကျောက်မျက်ကုန်သည်တွေနဲ့ အခြားလုပ်ငန်းရှင်တွေရဲ့အဆိုအရ ဖားကန့်မှာ ဗြောင်ကျကျလက်သိပ်ထိုးလုပ်ငန်း ၂၀ ထဲကအများစု သို့မဟုတ် အကြီးဆုံးလုပ်ငန်းစဉ်များကို ပိုင်ဆိုင်နေတာက တရုတ်ကုမ္ပဏီတွေ၊ သူတို့ရဲ့ လက်အောက်ခံတွေဖြစ်ကြောင်း သိရတယ်။ “ အာဏာပိုင်အစိုးရဆီ အကျိုးအမြတ်တစ်စိတ်တစ်ဒေသ ရောက်ရှိတာတော့ အမှန်ပါပဲ။ ဒါပေမယ့် အများစုကတော့ တရုတ်ပြည်မိသားစုတွေ၊ အာဏာရှင်ဟောင်းမိသားစုဝင်တွေရဲ့ အိတ်ထောင်ထဲ စီးဝင်နေတာပါ ” လို့ ဖားကန့်သတ္ထုတူးဖော်ရေး ထိပ်တန်းကချင်ကုမ္ပဏီကြီး Jadeland Myanmar ရဲ့ဥက္ကဌ Yup Zaw Hkawng က ပြောပြခဲ့ပါတယ်။

အခြား အကျိုးခံစားနေရသူများကတော့ တစ်နိုင်ငံလုံးအကြောက်ရဆုံးစစ်တပ်ရဲ့ ရင်းနှီးမြှုပ်နှံမှုလက်တံရှည်ကြီး မြန်မာဦးပိုင်လိမီတက် (UMEHL)၊ Max Myanmar ဥက္ကဌ ဦးဇော်ဇော် ကဲ့သို့ စစ်အာဏာရှင်ဟောင်းတို့ရဲ့အကျိုးတူ ပူးပေါင်းသူ ခေါင်းပုံဖြတ်အမြတ်ကြီးစား မြန်မာများသာ ဖြစ်နေကြပါတယ်။

တရုတ်နှောင်ကြိုး
——————
တူးဖော်ရေးကုမ္မဏီကြီးများကို စစ်သားတွေက စောင့်ကြပ်ပေးထားကြတယ်။ သူတို့ဟာ အချိန်ပိုင်းကျောက်ရှာသမားတို့ကို ခြောက်လှန့်သောအားဖြင့် မကြာခဏ လေထဲ သေနတ်ဖောက်လေ့ရှိကြတယ်။ ကျောက်ကောက်သမားတစ်ဦးဖြစ်တဲ့ တင်ထွန်းက “ သူတို့ကို တွေ့တာနဲ့ ကျွန်တော်တို့ သေပြေးရှင်ပြေးပြေးကြတာပဲဗျ ” လို့ ပြောပြခဲ့တယ်။

လုပ်ငန်းစဉ်တွေနဲ့ပတ်သက်ပြီး ဦးပိုင်က ပြတ်ပြတ်သားသား ရေငုံနှုတ်ပိတ်နေနေပါတယ်။ “ ကျွန်တော်တို့ကို ဒုက္ခလာမပေးနဲ့တော့။ ခင်ဗျားတို့ ဒီနေရာကိုလာပြီး ကျွန်တော်တို့အထက်ပိုင်းနဲ့တွေ့ဖို့သာ တတ်နိုင်ကြမယ်။ ဒါက စစ်တပ်ကုမ္ပဏီဖြစ်လို့ တစ်ချို့ကိစ္စတွေကို လျှို့ဝှက်ထားရတယ် ” လို့ ရန်ကုန်မြို့ဦးပိုင်ရုံးချုပ်၊ လူ့အရင်းအမြစ်ဌာနမှူး ဗိုလ်ကြီးမြင့်ဦးက ပြောဆိုပါတယ်။

တရုတ်ကုမ္ပဏီတွေက စစ်တပ်အကူအညီနဲ့ သဘာဝသယံဇာတကို ထင်တိုင်းကြဲစေနေတဲ့ဖြစ်စဉ်ဟာ မြန်မာနိုင်ငံထဲ အသားကျနေတဲ့အပြင် နက်နက်ရှိုင်းရှိုင်းအငြင်းပွားဖွယ်ရာကိစ္စလည်း ဖြစ်လို့နေပါတယ်။

ပြီးခဲ့တဲ့နှစ်ကစတင်ခဲ့တဲ့ မြန်မာနိုင်ငံအနောက်မြောက်ပိုင်းမှာရှိတဲ့ လက်ပံတောင်းကြေးနီသတ္တုတွင်းပြင်ပမှာ ဆန္ဒပြကန့်ကွက်မှုတွေ ဖြစ်ပွားခဲ့တယ်။ ရဲတပ်ဖွဲ့တွေရဲ့ အကြမ်းဖက်နှိမ်နှင်းမှုကို ခံလိုက်ရတယ်။ စီမံကိန်းကို ကိုင်တွယ်ထားသူနှစ်ဦးကတော့ ဦးပိုင် (UMEHL) နဲ့ မြန်မာဝမ်ပေါင် (Myanmar Wanbao) ဖြစ်တယ်။ Myanmar Wanbao ဟာ တရုတ်နိုင်ငံမြောက်ပိုင်းစက်မှုလုပ်ငန်းကော်ပိုရေးရှင်းက လက်နက်ပစ္စည်းထုတ်လုပ်ရေးရဲ့ လက်ခွဲတစ်ခုပါ။ သူတို့ နှစ်ဦးဟာ မြန်မာအစိုးရအတွက် ၄ % ချန်ပြီး ကျန်တဲ့အကျိုးအမြတ်ကို ဆတူခွဲယူကြပါတယ်။ ပြည်သူလူထုရဲ့ အမျက်ကိုဖြေချဖို့ ဇူလိုင်လမှာ စာချုပ်အသစ်တစ်ခုကို ပြန်လည်ချုပ်ဆိုခဲ့ကြတယ်။ အမြတ်အစွန်းရဲ့
၅၁ % ကို အစိုးရအတွက် ၊ ၃၀ % ကို ဦးပိုင်အတွက်၊ ၁၉ % ကို ၀မ်ပေါင်အတွက်ဆိုပြီး သဘောတူညီလိုက်ကြတယ်။

ကျောက်စိမ်းကုန်သွယ်ရေးအပေါ်တရုတ်ရဲ့လွှမ်းမိုးထားမှုဟာ မြန်မာ့သယံဇာတပြုန်းတီးခြင်းနဲ့ပတ်သက်ပြီး မကျေနပ်မှု ဆက်လက်ကျယ်ပြန့်နေဦးမှာဖြစ်တယ်။ ကချင်ပြည်နယ် ဧရာဝတီမြစ်ဖျားမှာ ဒေါ်လာ ၃.၆ သန်းတန် ဆည်တာတမံတစ်ခုက တရုတ်ဦးဆောင်အစီအစဉ်တစ်ရပ်နဲ့ တည်ဆောက်ခဲ့တယ်။ အဲ့ဒီကထုတ်လုပ်မဲ့ လျှပ်စစ်ဓာတ်အားအများစုကိုတော့ ယူနန်ပြည်နယ်ထဲ ပို့မှာဖြစ်တယ်။ ဒါပေမယ့် လူထုအော်သံ စီညံလာခဲ့တော့ ၂၀၁၁ ခုနှစ်မှာ သမ္မတဦးသိန်းစိန်က အဲ့ဒီစီမံကိန်းကို ရပ်ဆိုင်းထားစေခဲ့တယ်။

ဇွန်လက နေပြည်တော်မှာ နှစ်ပတ်တာကျင်းပတဲ့ ကျောက်မျက်ရတနာရောင်းချပွဲမှာ ကျောက်စိမ်းနဲ့ကျောက်မျက်တွေကို ဒေါ်လာ ၂.၆ သန်းအထိ စံချိန်တင်ရောင်းချနိုင်ခဲ့တယ်။ ဒါပေမယ့် ၂၀၁၁ ခုနှစ် တရားဝင်ရောင်းချမှုရဲ့ ၂၀ % ရာခိုင်နှုန်းသာ အမြတ်ခွန်စာရင်းထဲရောက်လာတယ်။ ပြပွဲပြင်ပက တရားမ၀င်ရောင်းချမှုကိုပါ ထည့်သွင်းမယ်ဆိုယင် မြန်မာ့ကျောက်စိမ်းအားလုံးရဲ့ ၇ % သာ အမြတ်ခွန်အကျိုးသက်ရောက်နေကြောင်း Harvard ရဲ့တွက်ချက်မှုက ဆိုနေပါတယ်။

အခြားတစ်ဖက်မှာတော့ သတ္ထုတူးဖော်ရေးကုမ္ပဏီတွေအတွက် ၀င်ငွေစီးကြောင်း အလွန်အင်မတန် မြင့်မားနေလျက်ရှိတယ်။ တရားဝင်ရောင်းချမှုစာရင်းဇယားဖြစ်တဲ့ တစ်တန်ကို ဒေါ်လာ ၁၂၆,၀၀၀ နဲ့နှိုင်းစာယင် သူတို့ရဲ့ ထုတ်လုပ်မှုကုန်ကျစားရိတ်ဟာ တစ်တန်ကို ဒေါ်လာ ၄၀၀ မျှသာ ရှိတယ်လို့ အစီရင်ခံချက်က ဆိုပါတယ်။

“ ကချင်နဲ့ မြန်မာတစ်နိုင်ငံလုံးအတိုင်းအတာအရ သဘာဝသယံဇာတအကျိုးအမြတ်ကို ဒေသခံလူထုတွေနဲ့အတူ သာတူညီမျှရယူခံစားမှု မရှိသေးသရွေ့ နိုင်ငံရေးတည်ငြိမ်မှုနဲ့ငြိမ်းချမ်းရေးကို အကောင်အထည်ဖော်နိုင်မှာ မဟုတ်ဘူး ” ဆိုပြီး သုတေသီ Horsey က ပြောဆိုလိုက်ပါတယ်။

စိတ်ကြိုက်ဘက်လိုက်အမိန့်များ
————————————
ဖားကန့်မှာရှိတဲ့ စိတ်ကြိုက်အမိန့်တွေကို တရုတ်ပြည်ကုန်သည်များက ငွေကြေးနဲ့ဖုံးလွှမ်းထားပါတယ်။ သူတို့ဟာ ဖားကန့်လက်ဖက်ရည်ဆိုင်များမှာ ကျောက်ဝိုင်းစားပွဲခင်းပြီး ကျောက်စိမ်းများကို ၀ယ်ယူနေကြတယ်။ ကျောက်ဝိုင်းများကို ဒိုင်ခံလှုပ်ရှားနေသူများကတော့ လောက်ပန်း(သူဋ္ဌေး)တွေဖြစ်ပြီး အများအားဖြင့် တရုတ်လူမျိုးများဖြစ်ကြတယ်။ သူတို့က တင်ထွန်းလို ကျောက်ကောက်သမားတွေ ရံဖန်ရံခါ တွင်းသားတွေဆီကနေ ၀ယ်ယူလေ့ရှိတယ်။

ကျောက်ကောက်သမားတွေဟာ အကြွင်းအကျန်လေးသာ ရကြတာပါ။ တူးဖော်ရေးကုမ္ပဏီတွေ စွန့်ပစ်တဲ့ တောင်ပုံရာပုံ ဖြုန်းမြေတွေအကြား ဖြတ်သန်းကျင်လည် ရှာဖွေကြတယ်။ အထူးသဖြင့် မိုးတွင်းကာလရေတိုက်စားမှုကြောင့် မြေပြိုချိန်မှာ သူတို့တစ်တွေအဖို့ အလွန်အန္တရာယ်ကြီးမားပါတယ်။ “ အဲ့ဒါမျိုးကြုံယင် တစ်ကြိမ်မှာ လူ ၁၀ သို့မဟုတ် ၂၀ အထိ ပါဝင်သွားတတ်ကြတယ်။ သူတို့အလောင်းကို ပြန်မတူးနိုင်တဲ့အခါမျိုးလည်းရှိပါတယ်။ ဘာဆက်လုပ်ရမှန်းလည်း ကျွန်တော်တို့ မသိကြပါဘူး ” လို့ ဗန်းမော်ကလာပြီးကျောက်ကောက်နေတဲ့ အသက် ၃၀ အရွယ် ထူးအောင်က ပြောပြတယ်။

၂၀၀၂ ခုနှစ် တူးဖော်ရေးဒေသ ရေလွှမ်းမိုးစဉ်က အနည်းဆုံး လူတစ်ထောင်လောက် သေဆုံးရတယ်။ “ လူတွေ သေရတာက ဖြစ်ရိုးဖြစ်စဉ်ပါ။ ဒါပေမယ့် ကုမ္ပဏီတွေက သိသိကြီးနဲ့ ကာကွယ်ဖို့၊ လုပ်ငန်းကိုဆိုင်းငံ့ဖို့ ပျက်ကွက်နေကြပါတယ် ” လို့ Jadeland Myanmar ဥက္ကဌ Yup Zaw Hkawng က ရိုက်တာကို ပြောပြခဲ့တယ်။

ဖားကန့်လူဦးရေတိုးပွားလာတာနဲ့အမျှ ဘိန်းထုတ်လုပ်မှုလည်း မြင့်မားကြီးထွားလာတယ်။ မြန်မာနိုင်ငံဟာ အာဖဂန်နစ္စတန်ပြီးယင် ကမ္ဘာ့ဒုတိယမြောက် ဘိန်းအများဆုံးထုတ်လုပ်တဲ့ တိုင်းပြည် ဖြစ်တယ်။ ကချင်ပြည်နယ်မှာ ဘိန်းဖြူတွေက အလွန်ဈေးချိုပြီး ကျယ်ကျယ်ပြန့်ပြန့် အလွယ်တကူရရှိနိုင်တဲ့အခါ ဖားကန့်လုပ်သားထုထဲ အလွန် အလုပ်ဖြစ်နေပါတယ်။

ကျောက်ကောက်သမား/တွင်းသားထက်ဝက်လောက်က ဘိန်းဖြူစွဲနေသူတွေပါ။ ကျန်သူများက ဘိန်းစိမ်း သို့မဟုတ် အရက်သေစာကို မှီဝဲကြတယ်။ အဲ့ဒါတွေ ကင်းလွတ်တဲ့လူဆိုလို့ မရှိသလောက် ရှားပါတယ် လို့ ဒေသခံ NLD ခေါင်းဆောင်တဖြစ်လဲ ကျောက်စိမ်းကုန်သည်ဖြစ်တဲ့ အသက် ၅၃ နှစ် အရွယ် ဦးတင်စိုးက ပြောပြပါတယ်။

ဖားကန့်မှာ မူးယစ်ဆေးသုံးသူစာရင်း တရားဝင်ရယူဖို့ မလွယ်လှပါဘူး။ ဆေးစွဲသူအများစုနဲ့အလုပ်အတူတူလုပ်နေရတဲ့ ပြည်ပကူညီရေးလုပ်သားအနည်းငယ်ကလည်း တစ်စုံတစ်ရာမှတ်ချက်ပေးဖို့ ငြင်းဆိုကြတယ်။ မြန်မာအစိုးရနဲ့ဆက်ဆံရေးမှာ စိတ်ကွက်ငြိုငြင်ခံရမှာစိုးလို့ပါဘဲ။ ဒါပေမယ့် မူးယစ်ဆေးထိုးသွင်းသူများရဲ့ ၄၀ % ခန့်ဟာ HIV ရောဂါပိုးရှိနေသူတွေဖြစ်တယ်။ ဒါက ပျမ်းမျှနှုန်းရဲ့ ၂ ဆ ဖြစ်နေတယ်လို့ ကျန်းမာရေးဝန်ထမ်းများထံမှ သိခွင့်ရခဲ့ပါတယ်။

၁၉၉၂ ခုနှစ်က ဖားကန့်ကိုရောက်လာတဲ့ စိုးမိုး(၃၉ နှစ်)ဟာ ၃ နှစ်နေပြီးတော့ ဘိန်းဖြူသောက်သုံးလာတယ်။ အဲ့ဒီနောက် ဆေးထိုးသွင်းတဲ့အဆင့်ကို ရောက်ခဲ့တယ်။ သူ့ရှာဖွေမှုက သူ့ရဲ့ဆေးသုံးစွဲမှုအတွက် ဖြစ်နေပါပြီ။

“ ကျွန်တော် ဆေးသုံးထားယင် ပိုပြီး တက်ကြွပျော်ရွှင်လာတယ်။ အလုပ်ကောင်းကောင်းလုပ်နိုင်တယ်။ ကြိမ်ဖန်များစွာ သွားရောက်ဝယ်ယူသုံးစွဲတဲ့နေရာမှာ လူရာနဲ့ချီပြီးရှိကြတယ်။ ပွဲလမ်းသဘင်အလား ရှုပ်ထွေးစည်ကားလှပါတယ်။ အဖမ်းခံရမှာကို မကြောက်ရွံ့ပါဘူး။ ရောင်းချသူတွေက ရဲတွေကို ငွေပေးလွှတ်လိုက်စမြဲပဲလေ ” ဆိုပြီး သူက ရှင်းပြတယ်။

ရွေ့လျားနေတဲ့ တောင်တန်းများ
————————————
လွန်ခဲ့တဲ့ နှစ် ၂၀ က ဖားကန့်ဟာ KIA ရဲ့ ချုပ်ထိန်းမှုအောက်မှာရှိခဲ့တယ်။ ကျောက်ကောက်သမားတွေအနေနဲ့ အနည်းအကျဉ်းမျှသာ ဆက်ကြေးပေးခဲ့ရတယ်။ သံပေါက်ချွန်းကိုင် လူ ၄ ဦးစီလောက်သာ မြေကွက်ငယ်လေးမှာနေပြီး ကျောက်ရှာထွက်တာရှိတယ်။ ၁၉၉၄ ခုနှစ် အပစ်အခတ်ရပ်စဲမှုနောက်ပိုင်းမှာ ဖားကန့်နယ်အများစုက အစိုးရထိန်းချုပ်မှုအောက်ရောက်ခဲ့တယ်။ မြေကော်စက်၊ မြေတူးစက်၊ ထရပ်ကားရာပေါင်းများစွာနဲ့ ကျယ်ကျယ်ပြန့်ပြန့် နေ့ရောညပါ တူးဖော်မှုတွေ လုပ်လာတယ်။ အခုဆိုယင် တောင်တစ်လုံးတစ်လုံးကို သုံးလလောက်သာ မြင်တွေ့ခွင့် ရနိုင်တော့တယ် ” လို့ မြစ်ကြီးနားက Myanmar Gems and Jewellery Entrepreneurs Association (MGJEA) အဖွဲ့သား Yitnang Ze Lum ကပြောပြတယ်။

ကချင်စီးပွားရေးသမားများစွာတို့ဟာ အရင်းအနှီး၊ နည်းပညာ မလိုက်နိုင်တော့တဲ့အတွက် အဲ့ဒီ လုပ်ငန်းခွင်ကနေ ခွာတော်မူခဲ့ကြရတယ်။ မြန်မာနိုင်ငံအနှံ့က ကချင်လူမျိုးမဟုတ်တဲ့လုပ်သားများဟာ အလုပ်အကိုင်ရရှိဖို့ နဲ့ ကြွယ်ဝ ချမ်းသာဖို့မျှော်လင့်ချက်တွေနဲ့ ပုံအောရောက်ရှိလာခဲ့ကြတယ်။

ပဋိပက္ခမီးတောက် ပြန်လည်စတင်တော့ ၂၀၁၂ နှစ်လယ်လောက်မှာ တူးဖော်ရေးတွေ ပိတ်လိုက်တယ်။ KIA တွေ ရှိမယ်ထင်တဲ့နေရာတွေကို မြန်မာစစ်တပ်က ဗုံးကြဲခဲ့ကြတယ်။ ဖားကန့်လမ်းတစ်လျှောက်မှာလည်း KIA ဖက်က လက်စားချေ ခြုံခိုတိုက်ခိုက်မှုတွေ ပြုလုပ်ကြတယ်။ ယမန်နှစ် ကျောက်စိမ်းထုတ်လုပ်မှု ကီလိုဂရမ် ၄၃.၁ သန်းကနေ ၂၀၁၂/၁၃ ဘဏ္ဍာရေးနှစ်မှာ ကီလိုဂရမ် ၁၉.၀၈ သန်းအထိ ကျဆင်းသွားခဲ့တယ်။ ဒါပေမယ့် မေလအတွင်း အစိုးရက ကချင်တော်လှန်ရေးသမားတွေနဲ့ အပစ်အခတ်ရပ်စဲဖို့ အားထုတ်လာတဲ့အခါ ဖားကန့်တူးဖော်ရေးလုပ်ငန်းတွေကို မိုးရာသီအကုန် အောက်တိုဘာလမှာ ပြန်လည်ဖွင့်လှစ်နိုင်ကောင်းတယ်လို့ ကုန်သည်အချို့က ခန့်မှန်းထားကြတယ်။

အခြေအနေအနေအထား မတည်ငြိမ်သေးပေမယ့်လည်း ဆီအပြည့်ဖြည့်ထားတဲ့ယာဉ်များနဲ့ ပိတ်ကြပ်လျက်ရှိပြီး ကျောက်စိမ်းများကလည်း ထွက်နေတုန်းဖြစ်တယ်။ အခုလို တူးဖော်ပုံနှုန်းအတိုင်းဆိုယင် နောက်ဆယ်နှစ်အတွင်း ကျောက်စိမ်းတွေ ကုန်ခမ်းသွားတော့မယ်လို့ Yitnang Ze Lum က ဆိုပါတယ်။

မြစ်ကြီးနားမှာရှိတဲ့ အမည်မဖော်လိုသူ ထိပ်တန်းကျောက်မျက်ကုန်သည်ကြီးတစ်ဦးက ရိုက်တာကို ဒီလို စကားပါးလိုက်ပါတယ်။

“ မိမိပြည်နယ်ထဲက သယံဇာတတွေ ထုတ်ယူခံနေရခြင်းအပေါ် ကချင်လူမျိုးတိုင်းက ထိခိုက်နာကျင်စွာ ခံစားနေရတယ်။ ဒါပေမယ့်လည်း ကျွန်တော်တို့အနေနဲ့ သူတို့တားဆီးနိုင်စွမ်း မရှိတော့ဘူးဗျ ”။

( မြစ်ကြီးနားမှ Andrew R.C. Marshall ၏ သတင်းပေးပို့ချက်၊ ဖားကန့်မှ မင်းဇေယျာဦး၏ သတင်းပေးပို့ချက်၊ ဘေဂျင်းမှ Ben Blanchard ၏ သတင်းပေးပို့ချက်များအား အခြေခံလျက် ရိုက်တာအထူးအစီရင်ခံသတင်းအဖြစ် ရေးသားသော Myanmar old guard clings to $8 billion jade empire သတင်းဆောင်းပါးကို မြင့်မိုရ်မောင်မောင် မှ ဆီလျော်အောင် မြန်မာပြန်ဆိုသည် )

Photo-Credit: REUTERS/Minzayar

October 1, 2013