News @ M-Media

Category: ဘာသာပြန်

  • မာလာလာ၏ ကုလသမဂ္ဂ မိန့်ခွန်းပြောကြားချက် အပြည့်အစုံ

    M-Media
    ဇူလိုင်လ ၁၄ ရက်၊ ၂၀၁၃
    အောင်သန်းလွင် (BCSc) မြန်မာပြန်သည်။

    970405_600072260027647_681066384_aအစွန်းရောက်တာလီဘန်တို့ရဲ့ လက်ချက်နဲ့ ဦးခေါင်းမှာ သေနတ်ဒဏ်ရာ ရရှိခဲ့တဲ့ အမျိုးသမီးအခွင့်အရေးနဲ့ ပညာသင်ကြားခွင့်အတွက် ကြိုးပမ်းသူ မာလာလာဟာ ဇူလိုင် ၁၂ ရက်နေ့က သူမရဲ့ (၁၆) နှစ်မြောက်မွေးနေ့မှာ ကမ္ဘာ့ကုလသမဂ္ဂဌာနချုပ်မှာ မိန့်ခွန့်ပြောကြား ခဲ့တာဖြစ်ပါတယ်။

    ဂုဏ်သရေရှိ ကုလသမဂ္ဂ အထွေထွေ အတွင်းရေးမှုး မစ္စတာ ဘန်ကီမွန်း၊ ကမ္ဘာလုံးဆိုင်ရာ ပညာရေး ကုလသမဂ္ဂသံတမန် မစ္စတာ ဂေါ်ဒန် ဘရောင်း၊ လေးစားရပါသော လူကြီးမင်းများနှင့် ချစ်ခင်လေးစားရသော အစ်ကို၊ ညီအစ်မများရှင် … အတ်စလာမ်မိုအလိုင်း ကွမ်း(ဘုရားရှင်ထံ မှ ငြိမ်းအေးခြင်း သက်ရောက်ပါစေ)

    အချိန်အတော်ကြာပြီးတဲ့နောက် ခုလိုထပ်မံ စကားပြောခွင့်ရတာဟာ ကျွန်မအတွက် ဂုဏ်ယူစရာပါပဲ။ ခုလို ဂုဏ်သရေရှိ လူကြီးမင်းများနဲ့ အတူရှိခွင့်ရတာဟာ ကျွန်မအတွက် တကယ့်ကို ဂုဏ်သရေရှိတဲ့ နေ့တစ်ပါပဲ။ ဒါကြောင့် ဒီနေ့မှာ အမျိုးသမီး ပါကစ္စတန် ဝန်ကြီးချုပ်ဟောင်း ဘနာဇီ ဘူတိုရဲ့ ခြုံလွှာကို ဝတ်ဆင် ထားပါတယ်။ ကျွန်မရဲ့ စကားကို ဘယ်က စပြောရမှန်း မသိပါဘူး။ လူတွေက ကျွန်မကို ဘာပြောစေချင်လဲဆိုတာလဲ မသိပါဘူး။ ဒါပေမယ့် ပထမဆုံးအနေနဲ့ ဘုရားသခင်ကို ကျေးဇူးတင်ကြောင်း ပြောချင်ပါတယ်။ ဘုရားသခင် ရှေ့မှောက်မှာတော့ လူသားအားလုံးဟာ တန်းတူညီမျှမှုရှိပါတယ်။ ကျွန်မအမြန်သက် သာပျောက်ကင်းဖို့နဲ့ ဘဝအသစ်တစ်ခု ပြန်စနိုင်အောင် ကူညီပေးခဲ့တဲ့သူတွေအားလုံးကိုလည်း ကျေးဇူးတင်ပါတယ်။ များစွာသောလူတွေ ဟာ ကျွန်မ မယုံကြည်နိုင်လောက်အောင်ကို ကျွန်မအတွက် ချစ်ခြင်းမေတ္တာပြသခဲ့ကြပါတယ်။ ကမ္ဘာအနှံ့က ထောင်ပေါင်များစွာသော ကျန်းမာစေကြောင်း ဆန္ဒမွန်တွေနဲ့ လက်ဆောင်တွေ ရရှိခဲ့ပါတယ်။ သူတို့အားလုံးကိုကျေးဇူးတင်ပါတယ်။ အပြစ်ကင်းတဲ့ စကားလုံးတွေနဲ့ ကျွန်မကို အားပေးခဲ့တဲ့ ကလေး ငယ်တွေ ကို ကျေးဇူး တင်ပါတယ်။ ဆုတောင်းဝတ်ပြုမှုတွေနဲ့ ကျွန်မကို အားဖြည့်ပေးခဲ့တဲ့ လူကြီးတွေကိုလည်း ကျေးဇူးတင်ပါတယ်။ ပါကစ္စ တန် ဆေးရုံက ဝန်ထမ်းတွေ၊ ဆရာဝန်တွေ၊ သူနာပြုတွေ၊ အင်္ဂလန်နဲ့ အာရပ်စော်ဘွားများပြည်ထောင်စု(UAE) က အစိုးရတွေ၊ ကျွန်မ ကျန်းမာရေးကောင်းပြီး ခွန်အားပြန်ရလာအောင် ကူညီခဲ့တဲ့သူတွေ အားလုံးကို ကျေးဇူးတင်ပါတယ်။

    1069385_600071950027678_190887564_n

    ကျွန်မဟာ ကုလသမဂ္ဂအထွေထွေအတွင်းရေးမှုး ဘန်ကီမွန်းရဲ့ ကမ္ဘာလုံးဆိုင်ရာ ပညာတတ်မြောက်ရေး စဦးကြိုးပမ်းမှုနဲ့ ကမ္ဘာလုံးဆိုင်ရာ ကုလသမဂ္ဂ ပညာရေးသံတမန် ဂေါ်ဒန်ဘရောင်း၊ ကုလသမဂ္ဂဥက္ကဌ ဖြစ်သူ ဗာ့ခ် ဂျရမစ်ခ် တို့ကို အပြည့်အဝထောက်ခံပါတယ်။ ပညာရေးမှာ သူတို့ဆက်လက်ဦးဆောင် မှုအတွက်လည်း ကျေးဇူးတင်ပါတယ်။ သူတို့ဟာ ကျွန်မတို့အားလုံးပါဝင်တဲ့ ဒီပညာရေးအတွက် အမှန်တကယ်ဖြစ်မြောက်လာအောင် လုပ်ဆောင်သွားမှာဖြစ် ပါတယ်။ ချစ်ခင်ရပါသော အစ်ကို အစ်မများရှင် …  ဒီတစ်ခုကို အမှတ်ရပေးပါ။ “မာလာလာနေ့” ဟာ ကျွန်မ တစ်ဦးတည်းအတွက် မဟုတ်ပါဘူး။ ဒီနေ့ဟာ သူတို့ရဲ့အခွင့်အရေးတွေအတွက် သူတို့ရဲ့ အသံကို ထုတ်ဖော်ခဲ့ကြတဲ့ အမျိုးသမီးတိုင်းအတွက်၊ လူငယ် ယောက်ျားလေး၊ မိန်းကလေး တိုင်း အတွက်ပဲဖြစ်ပါတယ်။

    ကမ္ဘာမှာ ရာနဲ့ချီတဲ့ လူသားအရေး လှုပ်ရှားသူတွေ၊ လူမှုရေးဆောင်ရွက်ကြသူတွေရှိကြပါတယ်။ သူတို့ဟာ သူတို့အခွင့်အရေးတစ်ခု တည်း အတွက် ပြောဆို လှုပ်ရှားနေကြတာမဟုတ်ပါဘူး။ သူတို့ဟာ အားလုံးရဲ့ပန်းတိုင်ဖြစ်တဲ့ ငြိမ်းချမ်းမှု၊ ပညာရေးနဲ့ တန်းတူညီမျှမှု  ရှိရေးတို့အတွက် ရုန်းကန်လှုပ်ရှား ကြိုးပမ်းအား ထုတ်နေကြတာဖြစ်ပါတယ်။ အကြမ်းဖက်သမားတွေဟာ ထောင်ပေါင်းများစွာသော လူတွေကို သတ်ဖြတ်ခဲ့ကြပြီး သန်းနဲ့ချီတဲ့လူတွေကို ဒဏ်ရာအနာ တရဖြစ်စေခဲ့ပါတယ်။ ကျွန်မဟာ သူတို့ထဲက တစ်ယောက်ပါပဲ။ ဒါကြောင့်ဒီနေ့ အဲ့ဒီလိုလူတွေထဲက မိန်းကလေး တစ်ယောက်အနေနဲ့ဒီမှာ ကျွန်မရပ်စ ကားပြောရတာပါပဲ။ ကျွန်မတစ်ဦးတည်းအတွက်ပြောတာလည်း မဟုတ်ပါဘူး။ ထုတ်မပြောတဲ့ သူတွေအတွက် လည်း ကြားနိုင်ရအောင် ကျွန်မပြောရခြင်းဖြစ် ပါတယ်။ သူတို့ရဲ့ရပိုင်ခွင့် အခွင့်အရေးတွေအတွက်၊ ငြိမ်းချမ်းစွာနေခွင့် အခွင့်အရေးအတွက်၊ ဂုဏ်သိက္ခာရှိစွာ ဆက်ဆံခံရရေးအတွက်၊ တန်းတူညီမျှ အခွင့်အရေးအတွက်၊ ပညာသင်ကြားခွင့်ရရေး အခွင့်အရေးအတွက် စတာတွေအတွက် ကြိုးစား အားထုတ်သူတွေအားလုံး ကိုယ်စားပြောရတာဖြစ်ပါတယ်။

    သူငယ်ချင်းတို့ … ၂ဝ၁၂ ခုနှစ် အောက်တိုဘာလ ၉ ရက်နေ့မှာ တာလီဘန်တွေဟာ ကျွန်မဦးခေါင်းရဲ့ ဘယ်ဘက်ကိုသေနတ်နဲ့ ပစ်ခတ်သွားခဲ့ပါ တယ်။ ကျွန်မရဲ့ သူငယ်ချင်းကိုလည်း ပစ်ခတ်ခဲ့ပါတယ်။ သူတို့ဟာ ကျည်ဆံတွေက ကျွန်မတို့ကို တိတ်ဆိတ်သွားစေခဲ့ မယ်လို့ တွေးထင်ခဲ့ပါတယ်။ ဒါပေမယ့် သူတို့ ထင်သလိုမဟုတ်ခဲ့ပါဘူး။ သူတို့ထင်ခဲ့တဲ့ တိတ်ဆိတ်မှုတွေ အစား ထောင်ပေါင်းများစွာသော အသံတွေပေါ်ထွက်လာခဲ့ပါတယ်။ အကြမ်းဖက်သမားတွေ ဟာ ကျွန်မတို့ရဲ့ ရည်ရွယ်ချက်ကို ပြောင်းလဲအောင်၊ ရပ်တံ့အောင် လုပ်နိုင်မယ်လို့ ထင်မြင်ခဲ့ကြပါတယ်။ ဒါပေမယ့် ကျွန်မဘဝမှာ အားနည်း မှုတွေ၊ ကြောက် ရွံ့မှုတွေ၊ မျှော်လင့်ချက်မဲ့မှုတွေသာသေဆုံးခဲ့ပြီး ကျွန်မကတော့ မပြောင်းမလဲဆက်ရှိနေပါတယ်။ ခွန်အားတွေ၊ စွမ်းအားတွေနဲ့ ရဲစွမ်း သတ္တိတွေသာ မွေးဖွားလာခဲ့ပါတယ်။ ကျွန်မဟာ ဒီမာလာလာပါပဲ။ ကျွန်မရဲ့ ရည်မှန်းချက်တွေလည်း အရင်ကအတိုင်း ပဲ။ ကျွန်မရဲ့ မျှော်လင့် ချက်တွေ လည်း ဒီအတိုင်းပဲ။ ကျွန်မရဲ့ စိတ်ကူးတွေလည်း အရင်အတိုင်း အတူတူပဲ။ ချစ်ခင်ရသော အစ်မ အစ်ကိုတို့ … ကျွန်မက ဘယ်သူကိုမှ ဆန့်ကျင်လိုတဲ့ သဘောမရှိပါဘူး။ ဒီမှာခုလို စကားပြောရတာဟာလည်း တာလီဘန်နဲ့ အခြားအကြမ်းဖက် သမားတွေကို ပုဂ္ဂိုလ်ရေးဆိုင်ရာ လက်စားချေဖို့ဆိုတဲ့ရည်ရွယ် ချက်မျိုးဆိုတာလည်းမရှိပါဘူး။ ကျွန်မဒီမှာ စကားပြောရတာဟာ ကလေးတိုင်းပညာ သင်ကြားခွင့် ရရှိရေး အတွက်ပဲဖြစ်ပါတယ်။ ကျွန်မဟာ တာလီဘန်တွေနဲ့ အခြားအကြမ်းဖက်သမားတွေရဲ့ သားသမီးတွေအတွက် ပညာ သင်ကြား ခွင့်ရရေးကိုလည်း လိုချင်ပါတယ်။ ကျွန်မကို ပစ်ခတ်ခဲ့တဲ့  တာလီဘန်တွေကိုလည်း မမုန်းပါ။

    1005095_600072080027665_351890974_n

    ကျွန်မလက်ထဲသေနတ်ထည့်ပေးပြီး ကျွန်မကို ပစ်ခတ်ခဲ့တဲ့ တာလီဘန်တွေ ရှေ့မှာရပ်နေမယ်ဆိုရင်တောင်မှ ကျွန်မပစ်ခတ်လိမ့်မှာမဟုတ်ပါဘူး။ ဒီကြင်နာ သနားမှုဟာ ကြင်နာသနားတတ်တဲ့ တမန်တော် မုဟမ္မဒ် ၊ ခရစ်တော် ယေရှု နဲ့ မြတ်ဗုဒ္ဓတို့ဆီက ကျွန်မသင်ယူခဲ့တာပါ။ ဒီအမွေအနှစ်ကို မာတင်လူသာ ကင်း၊ နလ်ဆင် မန်ဒဲလား၊ မိုဟမ္မဒ်အလီဂျင်းနားတို့ ထံကလည်း ထပ်ဆင့်အမွေအဖြစ်နဲ့ ကျွန်မရရှိခဲ့ပါတယ်။

    ဒါဟာ ကျွန်မသင်ယူခဲ့ရတဲ့ ဂန္ဓီကြီး၊ ဘာချာခန်း၊ မာသာ ထရီဆာတို့ ရဲ့ အကြမ်းမဖက် အဟိံသ မေတ္တာဝါဒသဘောတရားလည်းလည်းဖြစ်ပါတယ်။ ဒါ့အပြင်ဒါဟာ ကျွန်မအဖေနဲ့ အမေထံက သင်ယူခဲ့ရတဲ့ ခွင့်လွှတ်တတ်မှုလည်းဖြစ်ပါတယ်။ ဒါ့ကြောင့် ကျွန်မရဲ့ အတွင်းသဏ္ဍန် စိတ်ဝိညာဉ်ကိုက ငြိမ်းအေးဖို့နဲ့ လူတိုင်းကို ချစ်ခင်ဖို့တိုက်တွန်းနေပါတယ်။

    ချစ်ခင်လေးစားရသော အစ်မ၊ အစ်ကိုတို့ ကျွန်မတို့ဟာ အမှောင်ကိုမြင်မှ အလင်းရောင်ရဲ့ အရေးပါအရာရောက်မှုကို သတိရကြတယ်။ ကျွန်မတို့ တိတ် ဆိတ်ကြရတဲ့အခါမှပဲ ကျွန်မတို့ အသံတွေရဲ့ အရေးပါ အရာရောက်မှုကို သိရတယ်။ ဖျက်ဆီးတဲ့ သေနတ်တွေကို မြင်မှပဲ ကလောင်တံနဲ့ စာအုပ်ရဲ့ အရေးပါမှုကို သိကြရတယ်။ ပညာရှိတွေပြောကြတာက ” ကလောင်သွားသည် ဓားသွားထက်ထက်၏” ။ ဒါဟာအမှန်ပါပဲ။ အစွန်းရောက် အကြမ်း ဖက်သမားတွေဟာ စာအုပ်နဲ့ ကလောင်တံတွေကို ကြောက်ကြပါတယ်။ ပညာရေးရဲ့ စွမ်းပကားက သူတို့ကို ကြောက်လန့်တုန်လှုပ်သွားစေတယ်။ သူတို့ ဟာ အမျိုးသမီးတွေကို ကြောက်ကြပါတယ်။ အမျိုးသမီးတွေရဲ့ ထုတ်ဖော်တဲ့အသံစွမ်းအားကို သူတို့ကြောက်ကြတယ်။ ဒါ့ကြောင့်ပဲ ကတ်တားခရိုင် မှာ အပြစ်မဲ့တဲ့ ကျောင်းသား ၁၄ ယောက်လောက်ကို သူတို့သတ်ခဲ့တာပေါ့။ ဒါ့ကြောင့်သူတို့ဟာ အမျိုးသမီးဆရာမတွေကို သတ်ခဲ့ကြတယ်။ ဒါကြောင့်ပဲ သူတို့ဟာ ကျောင်းတွေကို ဖောက်ခွဲ ဖျက်စီးကြတယ်။ အကြောင်းက သူတို့ဟာ အပြောင်းအလဲနဲ့ သာတူညီမျှမှုတွေ ကျွန်မတို့ လူအဖွဲ့အစည်းထဲကို ယူဆောင်လာမှာကို ကြောက်ကြလို့ပဲ။ ကျွန်မတို့ကျောင်းက လူငယ်လေးတစ်ဦးကို ဂျာနယ်လစ် တစ်ယောက်ကမေးတာကို အမှတ်ရမိပါတယ်။ “တာလီဘန်တွေဟာ ဘာလို့ပညာရေးကို ဆန့်ကျင်ရတာလဲ ?” လူငယ်လေးက စာအုပ်ကို ညွှန်ပြပြီး မဆိုင်းမတွဖြေလိုက်တာက “တာလီဘန်တွေဟာ စာအုပ်ထဲမှာ ဘာတွေရေးထားလဲဆိုတာ သူတို့မသိဘူး။”

    တာလီဘန်နဲ့ အကြမ်းဖက်သမားတွေဟာ ကျောင်းသွားတဲ့သူတွေကို အယူ အစွဲကြီးကြီးနဲ့ ဘုရားကပဲ သေနတ်နဲ့ချိန်ရွယ်ထားလိမ့်မယ် လို့လွဲမှားစွာ ထင်နေမြင်နေကြတယ်။ သူတို့ဟာ အစ္စလာမ်သာသနာကို သူတို့ကိုယ်ကျိုး တစ်ခုတည်းအတွက်နဲ့ လွဲမှားစွာအသုံးချနေကြတယ်။ ပါကစ္စတန် ဟာ ငြိမ်းချမ်း မှုကိုချစ်ခင်တဲ့၊ ဒီမိုကရေစီနိုင်ငံတစ်ခုဖြစ်ပါတယ်။ အာဖဂန်က ပထန်လူမျိုးတွေဟာ သူတို့သားသမီးတွေအတွက် ပညာရေးကို လိုလားကြပါတယ်။ ပညာရေးဟာ အဓိကဖြစ်သလို ကလေးတိုင်း ပညာသင်ကြားခွင့်ရရေးဟာ သူတို့ရဲ့ တာဝန်နဲ့ဝတ္တရားပဲဖြစ်ပါ တယ်။ ငြိမ်းချမ်းမှု ကတော့ ပညာရေးအတွက် လိုအပ်မှုတစ်ခုပဲဖြစ်ပါတယ်။ ကမ္ဘာ့နေရာ အနှံ့အပြားမှာ အထူးသဖြင့် ပါကစ္စတန်နဲ့ အာဖဂန် တို့မှာ အကြမ်းဖက်မှုတွေ၊ စစ်ပွဲတွေနဲ့ ပဋိပက္ခတွေကြောင့် ကလေးငယ်တွေဟာ ပညာရေးအတွက် ကျောင်းတွေကို သွားလာခွင့်မရကြပါဘူး။ ကျွန်မတို့ဟာ ဒီစစ်ပွဲတွေကို တကယ်ပဲ စိတ်ကုန်လှပါပြီ။ အမျိုးသမီးနဲ့ ကလေးငယ်တွေဟာ ကမ္ဘာအနှံ့မှာ အမျိုးမျိုးပဲ ခံစားနေကြရပါတယ်။

    အိန္ဒယမှာဆိုရင် အပြစ်မဲ့တဲ့ ဆင်းရဲတဲ့ ကလေးငယ်တွေဟာ ကလေးလုပ်သားတွေရဲ့ သားကောင်တွေဖြစ်နေပါတယ်။ နိုင်ဂျီးရီးယား မှာ ကျောင်းပေါင်း များစွာ ဖျက်ဆီးခံရတယ်။ အာဖဂန်က လူတွေဟာ အစွန်းရောက်တွေရဲ့ ဆိုးကျိုးသက်ရောက်မှုကို ခံစားနေရတယ်။ အမျိုးသမီးငယ်လေးတွေဟာ အိမ်ဖော်လို အလုပ် မျိုးတွေလုပ်ကိုင်နေရပြီး ငယ်ငယ်ရွယ်ရွယ်နဲ့ အတင်းအဓမ္မ လက်ထပ်ထိမ်းမြားခံကြရတယ်။ ဆင်းရဲမှု၊ အသိဉာဏ်ပညာမဲ့မှု၊ တရားမျှတခြင်းကင်းမဲ့မှု၊ မျက်ကန်းမျိုးချစ်ဝါဒတွေနဲ့၊ လူ့အခြေခံအခွင့်အရေး ချိုးဖောက်မှုတွေဟာ အမျိုးသား၊ အမျိုးသမီး နှစ်ဖက်လုံးမှာ တွေ့ကြုံရတဲ့ အဓိကပြဿနာတွေပဲဖြစ်ပါတယ်။

    ဒီနေ့တော့ ကျွန်မဟာ အမျိုးသမီးနဲ့ မိန်းကလေးငယ်တွေရဲ့ အခွင့်အရေးနဲ့ပတ်သက်ပြီး အထူးအလေးပေးပြောချင်ပါတယ်။ အကြောင်းက သူတို့ဟာ အခွင့်အရေးအချိုးအဖောက် အခံရဆုံးဖြစ်လို့ပါပဲ။ တစ်ချိန်ကတော့ အမျိုးသမီးအရေး လှုပ်ရှား တက်ကြွသူတွေဟာ သူတို့အခွင့်အရေး အတွက် အမျိုးသားတွေကို အကူအညီတောင်းခဲ့ကြပါတယ်။ ဒါပေမယ့် အခုအချိန်မှာတော့ ကျွန်မတို့ဟာ ကိုယ်တိုင်လုပ်ယူကြတော့မှာပါ။ ဒါပေမယ့် အမျိုးသားတွေကို အမျိုးသမီးအခွင့် အရေးအတွက် မပြောမဆိုဘဲနေကြဖို့ ဆိုလိုတာမဟုတ်ပါဘူး။ အမျိုးသမီးတွေကိုလည်း လွတ်လပ်စွာနဲ့ သူတို့အခွင့်အရေးအတွက် သူတို့ကိုယ်တိုင်လည်း ပါဝင်ကြိုးစားကြဖို့ အလေးပေးချင်တာပါ။ ဒါ့ကြောင့် အစ်မ၊ အစ်ကိုတို့…အခုအချိန်ဟာ ကျွန်မတို့အသံတွေကို မြှင့်တင်ကြရမယ့် အချိန်ပဲဖြစ်ပါတယ်။ ဒါ့ကြောင့် ကမ္ဘာ့ခေါင်းဆောင်တွေကိုလည်း ငြိမ်းချမ်းပြီး သာယာဝပြောစေမယ့် နည်းဗျူဟာ စည်းစနစ်တွေ ချမှတ်ကြဖို့ တောင်းဆိုချင်ပါတယ်။ ကမ္ဘာ့ခေါင်းဆောင်တွေကို အမျိုးသမီးနဲ့ ကလေးငယ်တွေရဲ့ အခွင့်အရေးနဲ့ပတ် သတ်ပြီး ကာကွယ်ပေးကြဖို့ တောင်းဆိုပါတယ်။ အမျိုးသမီးတွေ ရဲ့အခွင့်အရေးနဲ့ ဆန့်ကျင်တဲ့လုပ်ရပ်တွေကို လက်မခံနိုင်ပါဘူး။

    နိုင်ငံတိုင်းမှာရှိတဲ့အစိုးရတွေအနေနဲ့ ကလေးငယ်တိုင်းအတွက် အခမဲ့ မဖြစ်မနေ ပညာရေးကို ဖြည့်ဆည်းပေးကြဖို့တောင်းဆိုပါတယ်။ နိုင်ငံတိုင်းက အစိုးရတွေအနေနဲ့ အကြမ်းဖက်မှုတွေနဲ့ ကြောက်လန့်ဖွယ်ဆူပူမငြိမ်မသက်မှုတွေကို ငြိမ်းအေးအောင် လုပ်ကြဖို့တောင်းဆိုပါတယ်။ ကလေး ငယ်တွေကို ရက်စက်ကြမ်းကြုတ်မှုတွေနဲ့ အန္တရာယ်ပေးမှုတွေကနေ အကာအကွယ်ပေးကြပါ။ တိုးတက်ပြီးနိုင်ငံတွေအနေနဲ့လည်း အမျိုးသမီး ပညာရေးအခွင့်အရေးအတွက် တိုးတက်ဆဲကမ္ဘာ့ အခြားနေရာတွေအထိ ဖြန့်ကျက် အကူအညီပေးကြဖို့တောင်းဆိုပါတယ်။ အဖွဲ့အစည်းတွေအနေနဲ့ နားလည်သည်းခံကြဖို့၊ လူတန်းစား၊မျိုးနွယ်၊ဘာသာအယူဝါဒ၊ အသားအရောင်၊ လိင်ကွဲပြားမှုတွေနဲ့ဆိုင်တဲ့ အာဃာတ တွေကို ဖယ်ရှားကြဖို့၊ အားလုံးအောင်မြင်တိုးတက်တက်ပြီး လွတ်လပ်တဲ့အခြေအနေကိုဖန်တီးကြဖို့ တောင်းဆိုချင်ပါတယ်။ ကျွန်မတို့အထဲက တစ်ဝက်လောက် က နောက်ကိုပြန်လှည့်နေရင် ကျွန်မတို့အောင်မြင်ကြမှာမဟုတ်ပါဘူး။ ကမ္ဘာအနှံ့က ကျွန်မရဲ့ ညီအစ်မတွေကိုပြောချင်တာက သတ္တိရှိကြပါ၊ မိမိအတွင်းက ခွန်အားကို အားကိုး အသုံးချကြပါ။ ဒါ့အပြင် မိမိတို့ရဲ့ အခွင့်အရေးပြည့်ဝတဲ့ အနာဂတ်အလားအလာကို သတိတရရှိကြပါ။

    ချစ်ခင်ရသောအစ်ကို အစ်မတို … ကျွန်မတို့ဟာ ကလေးငယ်တိုင်းရဲ့ အနာဂတ်ထွန်းလင်းတောက်ပဖို့ ကျောင်းတွေနဲ့ ပညာရေးကိုအလိုရှိပါတယ်။ ကျွန်မတို့ဟာ ကျွန်မတို့ရဲ့ ငြိမ်းချမ်းတဲ့ ပညာရေး ပန်းတိုင်ကို ဆက်လက်ချီတက်ကြမှာပါ။ ဘယ်သူမှ ကျွန်မတို့ကို ရပ်တံ့နိုင်မှာမဟုတ်ပါဘူး။ ကျွန်မတို့ရဲ့ အခွင့်အရေးတွေအတွက် ပြောကြားမယ်။ ကျွန်မတို့ရဲ့ အသံတွေနဲ့အတူ ပြောင်းလဲမှုတွေ ဖြစ်လာရမယ်။ ကျွန်မတို့ရဲ့ စကားလုံးတွေရဲ့ ခွန်အားနဲ့ စွမ်းပကားကို ကျွန်မတို့ယုံကြည်မှုရှိပါတယ်။ ကျွန်မတို့စကားလုံးတွေဟာ ကမ္ဘာကြီးကိုပြောင်းလဲနိုင်ပါတယ်။ အကြောင်းက ကျွန်မတို့ အားလုံးဟာ အတူတကွဖြစ်ကြပြီး ပညာရေးအတွက် အားလုံးစုစည်းကြလို့ပါပဲ။ ကျွန်မတို့ရဲ့ ရည်မှန်းချက်အောင်မြင်ဖို့အတွက် အသိဉာဏ် ပညာ ဗဟုသုတလက်နက်နဲ့ ကျွန်မတို့ကိုယ်ကို စွမ်းအားမြှင့်တင်ရပါမယ်။ အဲ့ဒီနောက် အတူတကွစုစည်းမှုနဲ့ ကျွန်မတို့ကိုယ်ကို ဒိုင်းသဖွယ်အကာအကွယ်ရှိနေရပါမယ်။

    ချစ်ခင်ရသော အစ်ကို အစ်မတို့ … သန်းပေါင်းများစွာသောလူတွေဟာ ဆင်းရဲမှု၊ တရားမျှတခြင်းကင်းမဲ့မှု နဲ့ မသိနားမလည်မှုတွေရဲ့ ဆိုးကျိုးတွေခံ စားနေရတယ်ဆိုတာ မေ့မထားကြပါနဲ့။ သန်းနဲ့ချီတဲ့ ကလေးငယ်တွေဟာ သူတို့နေရမယ့် ကျောင်းတွေရဲ့ပြင်ပကို ရောက်နေကြ ရတယ်ဆိုတာ မမေ့ပါနဲ့။ ကျွန်မတို့ အစ်ကိုတွေ အစ်မတွေဟာ ထွန်းလင်းငြိမ်းချမ်းတဲ့ အနာဂတ်တစ်ခုကို စောင့်မျှော်နေကြတယ်ဆိုတာ မမေ့ပါနဲ့။

    ဒါ့ကြောင့် စာမတတ်မှုပပျောက်ရေး၊ ဆင်းရဲ့မှုပပျောက်ရေးနဲ့၊ အကြမ်းဖက်ဝါဒတွေပပျောက်ရေးစတဲ့ ခန်းနားထယ်ဝါတဲ့ ကြိုးပမ်းအား ထုတ်မှုကိုပြုလုပ်ကြပါစို့။ အစွမ်းထက် လက်နက်ဖြစ်တဲ့ စာအုပ်နဲ့ ကလောင်တံတွေကို ကောက်ယူကြမယ်။ ကလေးတစ်ယောက်၊ ဆရာတစ်ယောက် စာအုပ်တစ်အုပ်နဲ့ ကလောင်တံတစ်ချောင်းက ကမ္ဘာကိုပြောင်းလဲနိုင်တယ်။ ပညာရေးက တစ်ခုတည်းသော အဖြေဖြစ်တယ်။ ပညာရေးသည်သာ ပထမ။ ကျေးဇူးတင်ပါတယ်။

     

  • ကျောခိုင်းခံရတဲ့ မြန်မာပြည်က စုပြုံသတ်ဖြတ်မှု (ဘာသာပြန် သတင်းဆောင်းပါး အစအဆုံး)

    ဇူလိုင်-၁၁၊ ၂၀၁၃
    ဘာသာပြန်- မြင့်မိုရ်မောင်မောင်
    မူရင်းဆောင်းပါး- The Japan Times

    miketelar

    ဖုန်တွေသဲတွေဖုံးလွှမ်းနေတဲ့ ဦးခေါင်းခွံ အပိုင်းအစတွေ၊ သွားတွေတွဲလျက်ရှိနေသေးတဲ့ မေးရိုးတစ်စုံရဲ့ အကျိုးအပဲ့တွေ၊ ၀ါးရင်းတုတ်နဲ့ရိုက်နှက်တိုက်ခိုက်ခံရပြီး မြေပေါ်လဲကျခိုက် အရှင်လတ်လတ်ဓာတ်ဆီလောင်းမီးရှို့ခံလိုက်ရတဲ့ ရုပ်အလောင်းတွေ လဲလျောင်းနေကြပါတယ်။

    မြန်မာပြည်အလယ်ပိုင်း၊ မိတ္ထီလာမြို့ပေါ်၊ မတ်လ နံနက်ခင်းမှာ ဘုန်းတော်ကြီးတစ်ပါးသတ်ခံရတယ်ဆိုပြီး ဗုဒ္ဓဘာသာလူအုပ်စုတွေ ဒေါသပေါက်ကွဲသွားကြတယ်။ ကယ်တင်နိုင်ပါလျက်နဲ့ ဓားစားခံဖြစ်သွားသူများကတော့ အစဉ်အလာရှိတဲ့အစ္စလာမ့်ကျောင်းတစ်ကျောင်းက ဆရာနဲ့ကျောင်းသားတွေ ဖြစ်သွားခဲ့တယ်။ သူတို့ဟာ အဲ့ဒီအမှုနဲ့ ဘာမှမသက်ဆိုင်ကြတဲ့ မွတ်စ်လင်မ်တွေပါ။

    သူတို့ရဲ့ရှင်သန်မှုနောက်ဆုံးအချိန်ပိုင်းလေးမှာ ရဲတပ်ဖွဲ့ဝင်တွေကို စေလွှတ်ပြီး ကယ်ဆယ်စေခဲ့တယ်။ သူတို့ဟာ မီးလောင်နေတဲ့ကျောင်းဝင်းအတွင်းမှာ ရှိနေပြီး ဒေါသထွက်နေတဲ့လူအုပ်ကြီးက ၀ိုင်းရံထားတာ ခံနေရတယ်။ ကြောက်ရွံ့တုန်လှုပ်စွာနဲ့ ခေါင်းပေါ်လက်တွေတင်လို့ ထွက်လာကြတဲ့အခါ လမ်းပေါ်မှာအသင့်ရပ်စောင့်နေတဲ့ ထရပ်ကားလေးစင်းပေါ် တက်စေခဲ့တယ်။

    လမ်းတစ်ဝက်မှာတင် အဖြစ်အပျက်တစ်ခု ဖြစ်ပွားသွားတယ်။ မြန်မာနိုင်ငံရဲ့ စစ်အုပ်ချုပ်ရေးခေတ်လွန် ခေါင်းဆောင်များက ဒီမိုကရေစီရောင်နီသစ်ထွန်းလင်းရမယ်လို့ ကတိက၀တ်ပြုလိုက်တဲ့ နှစ်နှစ်ကျော်ကာလအတွင်း အရှေ့တောင်အာရှမှာ အမှောင်မိုက်ဆုံးနေ့ရက်များထဲက တစ်ရက်ပါဘဲ။ ဆယ်ကျော်သက်အများစုပါဝင်နေတဲ့ မွတ်စ်လင်မ် ၃၆ ဦးကို ရဲတွေ၊ ဒေသအာဏာပိုင်တွေရဲ့မျက်စေ့ရှေ့မှာတင် ခုတ်သတ်လှီးဖြတ်ခဲ့ကြတယ်လေ။ တာဝန်ရှိသူများက တားမြစ်ခြင်း အလျဉ်း မရှိခဲ့ကြဘူး။

    ကာကွယ်မှုနဲ့တရားမျှတမှု မခံစားရဘဲ လူနည်းစုဘာသာရေးအုပ်စုဝင်တွေအပေါ် လျစ်လျူရှုခဲ့တဲ့ ဒီအဖြစ်အပျက်က -ပြုပြင်ပြောင်းလဲရေးကတိက၀တ်ဟာ အပေါ်ယံသက်သက်သာဖြစ်ကြောင်း ပြသလိုက်တာပါဘဲ။

    ဗုဒ္ဓဘာသာဝင်တွေ လွှမ်းမိုးကြီးစိုးနေတဲ့ ဒီတိုင်းပြည်က သမ္မတဟာ သေဆုံးသူတွေနဲ့ပတ်သက်ပြီး ၀မ်းနည်းကြောင်းပြောဆိုနှစ်သိမ့်ဖို့ မိတ္ထီလာကို လုံးဝ မလာရောက်ခဲ့ပေဘူး။ ဒီကုန်းစောင်းတွေရဲ့တစ်ဖက်ခြမ်းက ရုပ်အလောင်းပုံတွေနဲ့ပတ်သက်ပြီး အထောက်အထားစုဆောင်းဖို့၊ အခင်းဖြစ်နေရာကို ကြိုးတားထိန်းသိမ်းဖို့ ရဲဌာနက ဆောင်ရွက်ပြုလုပ်ခြင်း မရှိကြပါဘူး။ ကျောင်းသားတွေကို သေတဲ့အထိ ရိုက်နှက်ခုတ်ဖြတ်ပြီး မီးရှို့ခဲ့တဲ့ ဒုစရိုက်သား တွေဟာ တစ်ဦးတစ်ယောက်တည်းက ကျူးလွန်တာမဟုတ်ကြောင်း အွန်လိုင်းပေါ်က ဗီဒီယိုကလစ်ပ် တွေက သက်သေ အဖြစ် ရှိနေကြပါတယ်။

    တရားမျှတမှုကင်းမဲ့ခြင်းဟာ ဗုဒ္ဓဘာသာဝင်တွေအကြား လွတ်လပ်စွာ ဒုစရိုက်ကျူးလွန်ဖို့၊ အကြမ်းဖက်မှု ပိုမို တိုးပွားလာဖို့ လမ်းကြောင်းပေးနေခြင်းသာဖြစ်တယ်ဆိုပြီး နိုင်ငံတကာလူ့အခွင့်အရေးအဖွဲ့များက ဆိုပါတယ်။ မြန်မာနိုင်ငံဟာ ပြန်လည်ပြုပြင်ရေးကို အားသွန်ခွန်စိုက်လုပ်မဲ့အစား အုပ်ချုပ်ရေးကဏ္ဍအားလုံးမှာ ဗုဒ္ဓဘာသာဝင်ဗမာလူမျိုးတွေရဲ့အာဏာသြဇာ တည်မြဲရေး၊ လွှမ်းမိုးချုပ်ကိုင်ရေးသာလျှင် အလေးထားနေတယ်ဆိုတဲ့ အရှိတရားကို လှစ်ဟပြသနေခြင်း ဖြစ်တယ်။

    “ မြန်မာနိုင်ငံမှာရှိနေတဲ့ ဥပဒေစည်းမျဉ်းအားလုံးဟာ ဗုဒ္ဓဘာသာဝင်တွေရဲ့အကျိုးအတွက်သာ ဖြစ်နေကြတယ်။ မွတ်စ်လင်မ်တွေအတွက် တရားမျှတမှုဖြစ်အောင် ဆောင်ရွက်ပေးထားတာမျိုး လုံးဝ မရှိတာကို ကျွန်မတို့သိပါတယ် ” လို့ မသီတာက ပြောပြပါတယ်။ မသီတာရဲ့ခင်ပွန်းက မိတ္ထီလာမှာ အသတ်ခံရသူများအနက် တစ်ဦးဖြစ်ပါတယ်။ အခြားသော ရှင်သန်လွတ်မြောက်လာခဲ့သူများအတိုင်း မိမိရဲ့နာမည်ရင်းကို မဖော်ပြဖို့ သူမက မေတ္တာရပ်ခံထားခဲ့တယ်။ ဘာကြောင့်လဲဆိုတော့ သက်ဆိုင်ရာက သိရှိတာနဲ့ ခေါ်ယူနှိပ်စက်ပြစ်ဒဏ်ချမှာကို စိုးကြောက်နေရလို့ပါဘဲ။

    မတ်(၂၁) စုပြုံသတ်ဖြတ်မှုအကြောင်းကို လုံးစေ့ပတ်စေ့ပြောပြနိုင်ဖို့အတွက် ရှင်သန်လွတ်မြောက်လာသူ ၇ ဦး အပါအ၀င် မျက်မြင်သက်သေ ၁၀ ဦးနဲ့ ဆက်သွယ်တွေ့ဆုံခဲ့ပါတယ်။ လုံခြုံရေးဆိုတဲ့အကြောင်းရင်းကြောင့် သူတို့ နေအိမ်ပြင်ပမှာ ဆုံစည်းခဲ့ကြရတယ်။

    မြို့ခံလူတစ်ချို့ရဲ့ရိုက်ကူးတင်ပြထားတဲ့ နေ့ရက်၊ အချိန်မှတ်တမ်းပါ ဗီဒီယိုကလစ်ပ်တွေ၊ လူထုမီဒီယာမှတ်တမ်းတွေ၊ ဒါဇင်နဲ့ချီတဲ့ဓာတ်ပုံတွေ၊ ပြည်တွင်းအာဏာပိုင်များရဲ့ ကွင်းဆင်းစစ်ဆေးချက်နဲ့သတင်းအချက်အလက်တွေကို ဘေးချလို့ အေပီသတင်းဌာနက သူတို့ရဲ့ထွက်ဆိုချက်တွေကို အပြန်ပြန်အလှန်လှန်စိစစ်သုံးသပ်အတည်ပြုခဲ့ပါတယ်။

    စုပြုံသတ်ဖြတ်ကြတဲ့နေ့မတိုင်မှီ တစ်ရက်အလို မင်္ဂလာဇေယုံအစ္စလာမ့်စာသင်ကျောင်းဘော်ဒါဆောင်ကသူတွေဟာ အရုဏ်မတက်ခင် အမှောင်ထုထဲကပျံ့လွင့်လာတဲ့ ၀တ်ပြုရေးဖိတ်ခေါ်သံကို ကြားခဲ့ကြရပါသေးတယ်။

    မတ်လ ၂၀ ရက်၊ ဗုဒ္ဓဟူးနေ့။ အိပ်မှုန်စုံမွှားကျောင်းသား ၁၂၀ ဦးက မိမိရဲ့မျက်လုံးတွေကို ပွတ်သပ်ပြီး၊ နှစ်ထပ်ကျောင်းဆောင်ကြီးရဲ့ကြမ်းပြင်မှာ ကန့်လန့်ဖြတ်ခင်းထားတဲ့ ဖျာချပ်တွေပေါ်ကနေ ထလာကြတယ်။

    မိတ္ထီလာမွတ်စ်လင်မ်ရပ်ဝန်းထဲက ရိုးရိုးစင်းစင်းကျောင်းဝင်းနံရံများရဲ့နောက်ကွယ်မှာ ပုံရိပ်တစ်ခု ရှိနေတယ်။

    အဲ့ဒီကျောင်းတက်ရောက်နေတဲ့ ဒေသတစ်ခွင်က ကျောင်းသားလေးတွေဟာ တစ်နေ့ကျယင် အစ္စလာမ့်ပညာရှင် သို့မဟုတ် ဓမ္မကထိက ဖြစ်လာလိမ့်မယ်ဆိုတဲ့ ကလေးမိဘများရဲ့ မျှော်လင့်ချက်ပါဘဲ။

    HimayatulIslamMadrasahComputerroom2
    ကျောင်းသားနှင့် ဆရာ ၄၀ ကျော် အသတ်ခံခဲ့ပြိး မီးရှို့ဖျက်ဆီးခံခဲ့ရသည့် မင်္ဂလာဇေယုံ အစ္စလာမ်ဘာသာရေး စာသင်ကျောင်း ကွန်ပျူတာခန်း ၊အဆိုပါကျောင်းသည် ဘာသာရေးစာ နှင့်ခေတ်ပညာ ရပ်များကို တွဲဖက် သင်ကြားနေသည့် ကျောင်းဖြစ်သည်။ (လွန်ခဲ့သည့် ၃ နှစ်ကျော် ၂၀၁၀ ခုနှစ် ဖေဖော်ဝါရီလတွင် ရိုက်ကူးထားသည့် ဓါတ်ပုံဖြစ်ပါသည်)

    ကျောင်းထဲမှာ ဘောလုံးကစားကွင်းတစ်ခု၊ ဗလီဝတ်ပြုဆောင်တစ်ခု နဲ့ ဆရာ ၁၀ ဦး ရှိတယ်။ လုံခြုံထိန်းသိမ်းမှု နဲ့ စည်းကမ်းကောင်းလှတယ်လို့ ကျော်ကြားတဲ့ ကျောင်း တစ်ကျောင်းဖြစ်တယ်။ စည်းကမ်းကြီးပေမယ့် ကြင်နာတတ်တဲ့ မုတ်ဆိတ်အမျှင်တန်းပိုင်ရှင် ကျောင်းအုပ်ဆရာကြီးက ကလေးတွေကို တစ်ပတ်တစ်ကြိမ်သာ ပြင်ပထွက်ခွင့် ပေးတတ်ပါတယ်။ မိတ္ထီလာမြို့နေ လူပေါင်း တစ်သိန်းထဲက သုံးပုံတစ်ပုံဟာ မွတ်စ်လင်မ်တွေပါ။ ဗုဒ္ဓဘာသာဝင်များနဲ့လည်း ငြိမ်းချမ်းချစ်ခင်စွာ အတူနေထိုင်မှု ရှိခဲ့ကြတယ်။ (မြန်မာပြည်တပြည်လုံးမှာတော့ မွတ်စလင်မ် လူဦးရေဟာ စုစုပေါင်းလူဦးရေရဲ့ ၅% ရှိမယ်လို့ ခန့်မှန်းကြပါတယ်။)

    သို့သော်လည်း ယမန်နှစ်၊ ဇွန်လမှာ တစ်ကြိမ် နဲ့အောက်တိုဘာလမှာတစ်ကြိမ် အနောက်ပိုင်းရခိုင်ပြည်နယ်အတွင်း လူပေါင်း ရာဂဏန်းလောက် သတ်ဖြတ်ခံရပြီး တစ်သိန်းလေးသောင်းကျော် ဌာနီပျောက်အိုးအိမ်မဲ့ဘ၀ရောက်စေခဲ့တဲ့ တိုက်ခိုက်မှုဖြစ်ပွားပြီးတဲ့နောက် မွတ်စ်လင်မ်တွေမှာ စိုးရိမ်မှုဝင်ရောက်လာလို့ သတိထားတဲ့အနေနဲ့ အဲ့ဒီကျောင်း (မဒရဆာ)ကို နှစ်ကြိမ်တိုင်တိုင် ယာယီပိတ်ပေးခဲ့သေးတယ်။

    ရုန်းရင်းဆန်ခတ်မှုရဲ့သားကောင်အဖြစ် ရိုဟင်ဂျာမွတ်စ်လင်မ်တွေကို ရည်ရွယ်ခဲ့ခြင်းဖြစ်တယ်။ သူတို့ဟာ မြန်မာနိုင်ငံမှာ ဘိုးစဉ်ဘောင်ဆက်နေထိုင်လာသူဖြစ်သည့်တိုင်အောင် ဗုဒ္ဓဘာသာဝင်များစွာက သူတို့အပေါ် ဘင်္ဂလားဒေ့ရ်ှနိုင်ငံက ခိုးဝင်လာသူများရယ်လို့ အမြင်ထားရှိနေကြတယ်။ ဘုန်းတော်ကြီးများဦးဆောင်တဲ့ ၀ါဒဖြန့်လှုပ်ရှားမှုတစ်ရပ်ကြောင့် မွတ်စ်လင်မ်အားလုံးဟာ ဗုဒ္ဓယဉ်ကျေးမှုရဲ့ရန်သူများအဖြစ် အမြင်ရောထွေးလို့ မုန်းတီးစိတ်ဝင်ရောက်လာခဲ့ကြတယ်။

    မတ်လ ၂၀ ရက်နေ့ ကျောင်းစတက်ချိန်မှာတော့ ကျောင်းသားတွေအကြား သတင်းအချို့ကြားသိပြောဆိုနေကြတယ်။ မြို့တစ်ဖက်ခြမ်းက မွတ်စ်လင်မ်ရွှေဆိုင်ပိုင်ရှင်တစ်ဦး နဲ့ ဗုဒ္ဓဘာသာဝင်ရွှေရောင်းသူတို့ အချင်းများရာကနေ ရာဂဏန်းရှိ လူအုပ်ဟာ ဆိုင်ကိုဖျက်ဆီးမီးရှို့တဲ့ အကြောင်းကိစ္စပါ။

    အဲ့ဒီနေ့ နေ့လည်ကျတော့ မွတ်စ်လင်မ်အမျိုးသားတစ်စုက ဆိုင်ကယ်တစ်စီးပေါ်ပါလာတဲ့ ဘုန်းတော်ကြီးတစ်ပါးကို ဆွဲချပြီး မီးရှို့သတ်ဖြတ်လိုက်တယ်လို့ဆိုတယ်။ အဲ့ဒီနောက် ဗုဒ္ဓဘာသာဝင်လူရမ်းကားတွေက အတုန့်အလှည့်အားဖြင့် မွတ်စ်လင်မ်တွေရဲ့ဆိုင်တွေ၊ လုပ်ငန်းတွေကို ဦးတည်ဖျက်ဆီးပါတော့တယ်။ မြို့ပေါ်မှာ ဗလီ ၁၃ လုံးရှိတဲ့အနက် ၁၂ လုံး ဖျက်ဆီးခံလိုက်ရတယ်။

    HimayatulIslamMadrasah2
    ကျောင်းသားနှင့် ဆရာ ၄၀ ကျော် အသတ်ခံခဲ့ရသည့် မင်္ဂလာဇေယုံ အစ္စလာမ်ဘာသာရေး စာသင်ကျောင်း အပြင်ပိုင်း အစိတ်အပိုင်း မြင်ကွင်းတခု (လွန်ခဲ့သည့် ၃ နှစ်ကျော် ၂၀၁၀ ခုနှစ် ဖေဖော်ဝါရီလတွင် ရိုက်ကူးထားသည့် ဓါတ်ပုံဖြစ်ပါသည်)

    မင်္ဂလာဇေယုံမှာ ဆရာတစ်ချို့ စာသင်တာ ရပ်ဆိုင်းပြီး အတန်းအားလုံးကို ဖျက်သိမ်းလိုက်တယ်။
    ကျောင်းသားတွေဟာ ကျောင်းဆောင် ဒုတိယထပ်ဆီကို အပြေးအလွှားသွားရောက်ပြီး ပြူတင်းပေါက်တွေကနေ တုန်လှုပ်စွာ နဲ့ ငေးမောကြည့်ရှုနေကြတယ်။ လေထုထဲမှာ မည်းနက်နေတဲ့ မီးခိုးမှိုင်းလုံးတွေ အလိပ်လိုက် တက်လာနေတဲ့ မြင်ကွင်းကိုပေါ့။

    နှစ်နာရီကြာပြီးတဲ့နောက် ညဥ့်စာစားသောက်ချိန်  စားသောက်ဆောင်ထဲမှာ ဆရာတစ်ဦးရဲ့ငိုရှိုက်သံ ဖုံးလွှမ်းသွားတယ်။
    မီးလောင်ကျွမ်းတဲ့ သူ့မိသားစုအိမ်လေးထဲမှာ သူ့မိဘနှစ်ပါးလုံး ပါသွားခဲ့လို့ပါဘဲ။ ကျောင်းသားတစ်ချို့ဟာ မျိုမကျနိုင်တော့တဲ့ အစားအစာကို တွန်းဖယ်လိုက်ကြကုန်တယ်။

    အပူရှိန်ပြင်းကောင်းကင်ထဲ နေမင်းကြီး မ၀င့်တ၀င် ငုပ်လျှိုးချိန်မှာ ဗုဒ္ဓဘာသာဝင်အစိုးရအရာရှိတစ်ဦးက ကျောင်းဆောင်အ၀င်ဝဆီ ရောက်လာပြီး ကျောင်းအုပ်ကို သူ့အနားခေါ်ယူလိုက်တယ်။

    “ ခင်ဗျားရဲ့ကျောင်းသားတွေကို ဒီကနေ ခေါ်ထုတ်သွားပါ။ သူတို့ကို ဖွက်ထားဖို့လိုပြီ။ လူရမ်းကားတွေ ဒီညဥ့် လာလိမ့်မယ် ” လို့ သတိပေးပြောကြားလိုက်တယ်။

    နေ၀င်ဆည်းဆာဝတ်ပြုချိန်ရောက်တော့ ကျောင်းအုပ်က ကျောင်းသားအားလုံးကို မှာကြားတယ်။ မိမိတို့ရဲ့အဖိုးတန် ပစ္စည်း၊ ငွေကြေး၊ မှတ်ပုံတင်တွေသိမ်းဆည်းပြီး ထွက်ခွာသွားကြဖို့ပါ။ ဒါ့အပြင် မွတ်စ်လင်မ်အဖြစ် သိရှိသတိထားမိစေမယ့် ဗလီဦးထုပ်၊ ၀တ်စုံ နဲ့ အဆောင်အယောင်မှန်သမျှ မဆင်ယင်ကြဖို့ကိုပါ ခိုင်းစေခဲ့တယ်။

    ဘာကြောင့်လဲဆိုတာ ပြောစရာမလိုတော့တဲ့အတွက် ရှင်းပြမနေတော့ဘူး။

    အမှောင်ထုကြီးစိုးလာတဲ့အခါ သူတို့ဟာ တစ်မျှော်သာသာနေရာက ၀က်လန်တောလို့ခေါ်တဲ့ မြက်ပင်ရှည်ဗွက်တောထဲကို အသံမထွက်အောင် တိတ်တဆိတ် သွားရောက်ပုန်းအောင်းခဲ့ကြတယ်။ မြက်ပင်ရှည်များက ဒုက္ခသည်ကျောင်းသားအားလုံးကို ဖုံးလွှမ်းထားခဲ့တယ်။

    သူတို့အများစုက ကျောင်းသားနဲ့ဆရာတွေဖြစ်ကြတယ်။ ဒါပေမယ့် အမျိုးသမီးနဲ့ကလေးငယ်အပါအ၀င် လူ ၁၀ ဦးကျော်လည်း သူတို့နဲ့အတူ လိုက်ခဲ့တယ်။ အဲ့ဒီထဲမှာ ကျောင်းသားဆရာတွေရဲ့အမျိုးတွေလည်း ပါသလို ကိုယ့်အိမ်ကိုယ့်ယာမှာမနေရဲအောင် ထိတ်လန့်တဲ့လူတစ်ချို့လည်း ပါဝင်တယ်။

    သူတို့အားလုံး စကားတစ်ခွန်းတစ်ပါဒမှ မပြောဆိုကြဘဲ ရွှံ့ညွှန်ထဲမှာ ထိုင်နေခဲ့ကြတယ်။

    သိပ်မကြာခင်မှာဘဲ ဒါဇင်နဲ့ချီတဲ့ ရာဂဏန်းရှိ လူအုပ်ကြီးက ကျောင်းရှေ့ကိုရောက်လာကြပြီး မကြားဝံ့မနာသာ ဟစ်အော်သံတွေကြားရတယ်။ သူတို့ရဲ့ဒေါသတွေ အရှိန်တက်ဆူပွက်နေကြတယ်။

    ကျောင်းရှေ့မှာ အသံဗလံတွေ ဆူညံပွက်လောရိုက်ပြီးနောက် လူအုပ်ကြီးဟာ ကျောင်းထဲ ၀င်သွားကြတယ်။ တံခါးတွေကို ဆောင့်ကန်ပြီး ပြူတင်းပေါက်တွေကို ရိုက်ချိုးဖျက်ဆီးသံတွေ ကြားလိုက်ရတယ်။

    မြက်တောထဲကအမှောင်ထုမှာ ရှဖီးအ် လို့ခေါ်တဲ့ဆရာတစ်ယောက် အစာအိမ်နာတဲ့ဒဏ် ခံနေရတယ်။ ဇနီးသည်ယူလာတဲ့ ပရုပ်ဆီလေးပွတ်ပြီး ဗိုက်ကို တင်းတင်းကြပ်ကြပ်ဖိကိုင်ထားတဲ့ကြားက စိတ်လှုပ်ရှားစွာနဲ့ ခပ်တိုးတိုးလေး ပြောလိုက်တယ်။

    “ ငါတို့ကို သူတို့ တွေ့သွားယင် မလွယ်ဘူး။ ငါ ထမပြေးနိုင်တော့တာ မင်းသိပါတယ်နော် ”။

    သုံးနှစ်သား ကလေးကိုလက်ထဲပွေ့ချီထားတဲ့ဇနီးဖြစ်သူ မသီတာက “ မစိုးရိမ်ပါနဲ့။ ကျွန်မတို့အတူရှိနေကြမယ်။ ကျွန်မ ရှင့်ကို ဘယ်တော့မှ ထားခဲ့မှာ မဟုတ်ဘူး ” လို့ အားပေးရှာပါတယ်။

    ရှည်လျားတဲ့ညဥ့်တာအတွင်းမှာ ကျောင်းကြီး မီးလောင်ပြာကျသွားတယ်။

    mingalar zayyone
    အကြမ်းဖက် မီးရှို့ဖျက်ဆီးခံရပြီးနောက် မင်္ဂလာဇေယုံ အစ္စလာမ့်ဘာသာရေးစာသင်ကျောင်း ..
    Photo-AP

    နံနက် ၄ နာရီ။ ဗုဒ္ဓဘာသာဝင်တို့ရဲ့ တုံးခေါက်သံထွက်လာချိန်မှာပေါ့။ လူရမ်းကားအုပ်စုဟာ မြက်တောနားရောက်လာပြီး လက်နှိပ်ဓာတ်မီးနဲ့ထိုးရှာကြတယ်။ ဗုဒ္ဓဘာသာဝင်အချို့က လက်လုပ်မီးကွင်းတွေကို ခြုံအုပ်ထဲ ပစ်သွင်းကြတယ်။ “ ကုလားတွေ၊ ထွက်လာခဲ့ကြစမ်း ” လို့ မွတ်စ်လင်မ်တွေအပေါ် ချိုးနှိမ်ဖိနှိပ်တဲ့စကားလုံးနဲ့သူတို့ ဟစ်အော်နေကြတယ်။

    မွတ်စ်လင်မ်တွေဟာ အနီးနားက မွတ်စ်လင်မ်လူချမ်းသာလုပ်ငန်းရှင်တစ်ဦးပိုင်အိမ်ဝင်းဆီ ပြေးကြတယ်။ တစ်ချို့က ၀ါးကပ်စည်းရိုးကို ချိုးဖြဲပြီး ပြေးဝင်သွားကြတယ်။ လူရမ်းကားအုပ်စုတွေက ထပ်ကြပ်မကွာ လိုက်လာကြတယ်။

    မသီတာဟာ မိမိရဲ့နောက်က ကလေးငယ်တစ်ဦးရဲ့ စူးစူးဝါးဝါး အော်သံကိုကြားလိုက်ရတယ်။ အဲ့ဒီကောင်လေးဟာ သူ့လက်ကိုင်ဖုန်းလေးနဲ့ သူ့မိခင်ကို ခေါ်ယူဖို့ကြိုးစားနေတာပါ။ ဆက်မပြေးနိုင်တော့လို့ စက္ကန့်ပိုင်းလောက် ရပ်နားလိုက်မိတာလေ။

    မင်္ဂလာဇေယုံဆီ အရုဏ်အလင်း စတင်သက်ရောက်လာချိန်။ အသက် ၂၁ နှစ်အရွယ် လူကောင်ထွားထွား အေးအေးဆေးဆေးနေတတ်တဲ့ ကျောင်းသားလေး မောင်ကိုကိုဟာ ကျောင်းဝင်းရဲ့ခြံစည်းရိုးကြားထဲကနေ ချောင်းကြည့်လိုက်တော့ တုန်လှုပ်မိန်းမောသွားရှာတယ်။ ပြင်ပကလူတွေ မီးကွင်းတွေ၊ တုတ်တွေ ဆွဲကိုင်လို့ တိုက်ခိုက်ဖို့ပြင်နေကြတာကိုး။

    မတ်စောက်တဲ့ကုန်းစောင်းဘေးကလမ်းပေါ်မှာ စုရုံးနေကြတာ လူတစ်ရာကျော်လောက်ရှိမယ်။ အဲ့ဒီကုန်းစောင်းဟာ နဂိုကတည်းကရှိနေခဲ့ပေမယ့် ခုအချိန်မှာတော့ သူတို့ဟာ ဧရာမဒယ်အိုးတစ်ခုထဲ ရောက်နေသလိုဖြစ်တဲ့အတွက် ထွက်မပြေးနိုင်အောင် ပိတ်မိသွားရပါပြီ။

    မောင်ကိုကိုအဖို့ ပါးပြင်နှစ်ဖက်ကနေ သွေးတွေစိမ့်ထွက်လာသလားလို့တောင် ခံစားမိပြီး အားအင်တွေ ဆုတ်ယုတ်ကုန်တယ်။ “ ငါတို့ဟာ တိရစ္ဆာန်တွေလို ပိတ်လှောင်ခံရပြီ ” လို့ အတွေးဝင်လာလေရဲ့။

    ကျောင်းသားအချို့က သွေးရူးသွေးတန်းနဲ့ မိဘတွေ၊ ရဲတွေကို အကူအညီတောင်း အော်ဟစ်ခေါ်ယူကုန်ကြတယ်။ တစ်ချို့ကတော့ ကျယ်ကျယ်လောင်လောင် ကြွေးကြော်မှုတွေ ပြုကြတယ်။ ကျန်သူတွေကတော့ ပြင်ပကလူရမ်းကားတွေ ပစ်သွင်းလာတဲ့ ခဲလုံးတွေကနေ မိမိကိုယ်ကိုကာကွယ်နိုင်ဖို့ သစ်သားဗီရို စတဲ့ ရရာပစ္စည်းတွေကို ရွှေ့တွန်းနေရာချကုန်ကြတယ်။

    နံနက် ၇း၃၀ နာရီလောက်မှာ အတိုက်အခံဥပဒေသမားဖြစ်တဲ့ ဦးဝင်းထိန် ရောက်လာတော့ အဓိကရုဏ်းနှိမ်နှင်းရေး ရဲတပ်ဖွဲ့ဝင် အတော်များများကို ခေါင်းစွပ်တွေနဲ့တစ်ကွ တွေ့ရတယ်။ လုံထိန်းတွေမှာ ရိုင်ဖယ်သေနတ်တွေ၊ မီးခိုးရောင် ဒိုင်းလွှားတွေ ပါတယ်။ ဗုဒ္ဓဘာသာဝင်လူအုပ်ကြီးကို မွတ်စ်လင်မ်တွေဆီ မရောက်အောင် ကြားထဲမှာ တန်းစီပြီး ထိန်းသိမ်းထားကြတယ်။

    အနီးအနားမှာရပ်ကြည့်နေတဲ့ ရဲဌာနအုပ်နဲ့ခရိုင်မှူးကို ဦးဝင်းထိန် တွေ့ခဲ့ရတယ်။ မြက်တောအုပ်အစွန်မှာ မွတ်စ်လင်မ် ရုပ်အလောင်းနှစ်ခုကိုလည်း မြင်လိုက်ရတယ်။ နောက်ထပ် ၄၅ မိနစ်အကြာကျတော့ လူအုပ်ကြီးထဲက အမျိုးသားတွေဟာ ခြုံပုတ်ထဲကနေ ကျောင်းသားငါးဦးထက်မနည်း ဆွဲထုတ်လာတယ်။ နေ့ခင်းကြောင်တောင်ကြီးမှာ တစ်ဦးချင်းစီကို မသေမချင်း ရိုက်နှက်ခုတ်ပိုင်းနေကြတာကို သွေးပျက်စဖွယ် တွေ့လိုက်ရပါတော့တယ်။

    ရဲအရာရှိတွေဟာ အခင်းဖြစ်နေရာနဲ့ ခြေလှမ်းအနည်းငယ်အကွာအဝေးမှာ ခံစားချက်ကင်းမဲ့တဲ့မျက်နှာနဲ့တစ်ကွ အရုပ်တွေလို ရပ်နေခဲ့ကြတယ်။ လူအုပ်ကြီးကလည်း ရောမခေတ် လူသတ်ကွင်းကပရိသတ်တွေလို ၀ိုင်းဝန်းသြဘာပေးနေခဲ့တယ်။

    အမျိုးသမီးတစ်ယောက်က “ သူတို့ကို အပြတ်သာရှင်းပစ် ” လို့ အော်ဟစ်တယ်။ နောက်တစ်ဦးကလည်း “ သူတို့အားလုံးကို သတ်သာသတ်။ ငါတို့အားလုံး ဗမာ့သတ္တိပြရမယ် ” လို့ ဟစ်ကြွေးပြန်တယ်။

    ဦးဝင်းထိန်မှာ ပျို့အန်တော့မတတ် ခံစားလိုက်ရတယ်။ ရက်စက်ကြမ်းကြုတ်လှတဲ့ စစ်အုပ်ချုပ်ရေးအောက်မှာ ဆယ်စုနှစ် နှစ်ခု အကျဉ်းကျနှိပ်စက်ခံခဲ့ရသည့်တိုင်အောင် ဒီလိုအဖြစ်မျိုး လုံးလုံးလျားလျား မတွေ့မြင်ခဲ့ဖူးလို့ဖြစ်တယ်။

    ဒါနဲ့ သူက မွတ်စ်လင်မ်တွေကို အသက်ချမ်းသာခွင့်ပေးကြဖို့ လူတွေကို ဖြောင်းဖျတဲ့အခါ လူရမ်းကားအုပ်စုတွေက သူ့အပေါ် အန္တရာယ်ပြုမတတ်ဖြစ်ကြတယ်။ ဗုဒ္ဓဘာသာဝင်တစ်ယောက်ကဆိုယင် “ သူတို့ကို ကာကွယ်ဖို့ ခင်ဗျား ဘာလို့ကြိုးစားနေရတာလဲ။ ဘာလဲ – ခင်ဗျားက မွတ်စ်လင်မ်တွေကိုချစ်မြတ်နိုးနေသူလား ” ဆိုပြီး တူးတူးခါးခါးကို ပြောဆိုလာတယ်။ ရဲအရာရှိတစ်ယောက်က ဦးဝင်းထိန်ကို ရှောင်စေလိုက်တယ်။

    ခဏတဖြုတ်နေပြီးတဲ့အခါ ဘုန်းတော်ကြီးတစ်ပါးနဲ့အတူ ရဲတပ်ဖွဲ့ဝင် လေးဦး ရောက်လာကြတယ်။ ပိတ်မိနေတဲ့ မွတ်စ်လင်မ်တွေကို လမ်းလျှောက်ထွက်လာပြီး ကုန်းစောင်းပေါ်က ရဲကားတွေဆီ ကာကွယ်ပို့ဆောင်ပေးဖို့ဖြစ်တယ်။

    “ ငါတို့ မင်းတို့ကို ကာကွယ်ပေးမယ်။ ဒါပေမယ့် ကျောင်းသားတွေအနေနဲ့ ကြွေးကြော်တာကို ရပ်လိုက်ပါ။ ခဲလုံး၊ တုတ် စတဲ့ လက်နက်တွေကို လွှတ်ချလိုက်ပါ ” လို့ အရာရှိတစ်ဦးက ပြောဆိုတယ်။

    ဆရာတွေက ဘာဆက်လုပ်မလဲလို့ အငြင်းအခုံ ဖြစ်ကြတယ်။ ဘေးကြပ်နံကြပ်အချိန်ဆိုတာ သူတို့ နားလည်ကြတယ်။
    လူအုပ်ကြီးက ၀ါးလုံးရှည်ကိုမီးစာတွေနဲ့တွဲရှို့လို့ စည်းရိုးကိုကျော်ပြီး ပစ်သွင်းနေကြတယ်။ ဧရာမမီးခြစ်ဆံလိုမျိုးပေါ့။ ကျောင်းဝင်းကြီးမှာ လိမ္မော်မီးတောက်တွေ ထတောက်လာပြီး မည်းနက်တဲ့မီးခိုးလုံးတွေ လေထုထဲ လိပ်တက်လာကြပြီ။

    အဲ့ဒီနောက် မွတ်စ်လင်မ်တွေဟာ စစ်အကျဉ်းသားတွေလို ခေါင်းပေါ်လက်တင်လို့ ကိုယ်စီထွက်လာခဲ့ကြရတယ်။

    စားတော့ဝါးတော့မတတ် ၀ိုင်းရံနေကြတဲ့လူတန်းကြီးကြားက ဖုန်ထူလမ်းကျဉ်းလေးအတိုင်း သူတို့ကို ရဲတွေ ဦးဆောင်ခေါ်ထုတ်သွားတယ်။ ချက်ခြင်းဆိုသလို လမ်းပိတ်ထားဖို့ အသင့်စောင့်ဆိုင်းနေကြတဲ့ ဒေါသအိုး ဗုဒ္ဓဘာသာဝင်လူတစ်စုက သူတို့ကို ခဲတွေနဲ့ဝိုင်းပစ်ခဲ့ကြတယ်။

    နောက်က တသီတတန်းကြီးလိုက်လာကြသူများဟာ ငရဲခန်းအစောင့်တွေလား မှတ်ရတယ်။ မပြေးလိုက်နဲ့- အမိဖမ်းမယ်၊ မလဲကျလိုက်နဲ့ – ပြန်ထလာနိုင်မှာမဟုတ်ဘူး၊ မရပ်လိုက်နဲ့- အသက်ပျောက်သွားမယ် ဆိုတဲ့ သွေးပျက်စရာကောင်းလွန်းတဲ့စည်းမျဉ်းတွေကြားကနေ တန်းစီထွက်လာရသလိုပါဘဲ။

    ရဲတွေကို သေနတ်ကို မိုးပေါ်ထောင်လို့ အချက်ပေါင်းများစွာ ပစ်ဖောက်နေပေမယ့်လည်း လူအုပ်ကတော့ တိုက်ခိုက်နေခဲ့ကြတယ်။ ဆရာတစ်ဦးမြေပေါ်လဲကျသွားတယ်။ တုန်လှုပ်ချောက်ခြားနေတဲ့ ကျောင်းသားများက သူ့ခန္ဓာကိုယ်ပေါ် တက်နင်းလျှောက်လှမ်းသွားရတဲ့အခါ သူ့မျက်နှာတစ်ခုလုံး မြေကြီးထဲ ပြားပြားဝပ်ထားခဲ့ရတယ်။

    သူငယ်ချင်းတစ်ဦးရဲ့နဖူးကို ထွန်ခြစ်တစ်ခုထိမှန်သွားတာ တွေ့ရတော့ မောင်ကိုကိုဟာ သူ့ကို ဆွဲထူဖို့ကြိုးစားတော့ ဒါးကိုင်ထားတဲ့ အမျိုးသားငါးဦးက သူ့ကိုမြေပေါ်ဆွဲချလိုက်တယ်။ အဲ့ဒီနောက် လူအုပ်ကြီးက သူ့ကိုဓားတွေနဲ့ အနောက်ကနေ ၀ိုင်းခုတ်ကြတယ်။ သူ့ကျောပြင်မှာ ဓားဒဏ်ရာနက်နက် ခြောက်ချက်ရသွားပြီး သူ့အင်္ကျီအ၀ါရောင်လေး သွေးတွေရွှဲရွှဲစိုသွားကုန်တယ်။ လဲကျသွားပြီး မှောင်အတိကျသွားခဲ့တယ်(မေ့မြောသွားခဲ့တယ်)။

    ရဲအရာရှိတစ်ဦးရဲ့မျက်နှာကို ခဲတစ်လုံးလာမှန်တော့ မတော်တဆ သေနတ်မောင်းဖြုတ်မိသွားတယ်။ ဗုဒ္ဓဘာသာဝင် လူရမ်းကားတစ်ဦးရဲ့ခြေထောက်ကို ထိမှန်သွားခဲ့တယ်။ အဲ့ဒီသေနတ်သံက မောင်ကိုကို့ကို သတိရလာစေတယ်။ မသေသေးဘူးဆိုတာသိတာနဲ့ ကုန်းရုန်းထပြီး ရှေ့လူအုပ်နောက် အမြန်ပြေးလိုက်ခဲ့ရပါတယ်။

    ထရပ်ကားတွေဆီသွားရာလမ်းတစ်ဝက်မှာ ဗုဒ္ဓဘာသာဝင်လူအုပ်အကြားထဲ မောင်းသွင်းခံရတယ်။ ရဲတွေက မွတ်စ်လင်မ် တွေကို မြေပြင်ပေါ် ဆောင့်ကြောင့်ထိုင်ခိုင်းကြတယ်။

    လူအုပ်ကြီးက သူတို့ကို ၀ိုင်းဝန်းလှောင်ပြောင်ဆဲဆိုပြီး ပါးရိုက်ကြတယ်။ သူတို့ရဲ့ဦးခေါင်းတွေကို အမျိုးသမီးအများအပြားက အဓမ္မ၀ပ်တွားစေပြီး ဗုဒ္ဓဘာသာဝင်တွေ လက်အုပ်ချီရှိခိုးဦးချသလို လုပ်ခိုင်းခဲ့ကြတယ်။ သူတို့တစ်တွေဟာ အစ္စလာမ်က မစားရလို့တားမြစ်ထားတဲ့ဝက်သားတွေကို မွတ်စ်လင်မ်တို့ရဲ့ ပါးစပ်ထဲ ထိုးထည့်ခဲ့ကြသေးတယ်လို့ လူ့အခွင့်အရေးကျွမ်းကျင်သူများမှ စုစည်းကောက်ယူထားတဲ့ သက်သေထွက်ချက်ထဲမှာ ဖော်ပြထားပါတယ်။

    ကျောင်းသားတစ်ဦးရဲ့ဦးခေါင်းကို အမျိုးသားတစ်ဦးက မော်တော်ဆိုင်ကယ်အိပ်ဇောပိုက်နဲ့လွှဲရိုက်တယ်။ နောက်လူတစ်ဦးက ဆိုင်ကယ်ချိန်းကြိုးနဲ့ ထပ်ရိုက်ပြီး၊ တတိယလူက ရင်ဘတ်ကို ဓားနဲ့ထိုးချလိုက်တယ်။

    “ သူတို့ကို ဒီမှာ မသတ်နဲ့။ သူတို့ဝိညာဉ်တွေ ဒီနေရာမှာ စွဲပြီး မကျွတ်ဘဲနေလိမ့်မယ်။ သတ်ချင်ယင် လမ်းပေါ်ရောက်မှ သတ်ကြ ” ဆိုပြီး ဘုန်းကြီးတစ်ဦးက အဲ့ဒီလူတွေကိုအော်ငေါက်ခဲ့တယ်။

    အမျိုးသမီးနဲ့ကလေးတွေကို ၀ိုင်းရံပြီး အယင်ခေါ်ထုတ်သွားဖို့ ဘုန်းကြီးတွေက ရဲတွေကို ခိုင်းစေခဲ့တယ်။ မသီတာက သူ့ခင်ပွန်းကိုဆွဲထုတ်ဖို့ငြင်းဆန်တဲ့အခါ ဗုဒ္ဓဘာသာဝင်အမျိုးသားတစ်ယောက်က သူ့မျက်နှာကို လက်ဝါးနဲ့တွန်းဖယ်ပြီး ခွဲထုတ်လိုက်တယ်။ နောက်လူတစ်ဦးက သုံးနှစ်အရွယ်သူမရဲ့သားကလေးကို ကြမ်းတမ်းစွာ ဖျစ်ညှစ်ခဲ့လို့ သူမက “ သူနို့စို့အရွယ်ပဲ ရှိသေးတယ်။ သူ့ကိုလွှတ်ပေးပါ ” လို့ အော်ဟစ်ပြီး ဆွဲပြေးခဲ့ရတယ်။

    ရုန်းရင်းဆန်ခတ်ရှုပ်ထွေးနေချိန်မှာ ဗုဒ္ဓဘာသာဝင်အမျိုးသမီးတစ်ဦးက မသီတာရဲ့ဆယ်ကျော်သက်ရွယ်သမီးနှစ်ဦးကို ကမန်းကတန်းဆွဲခေါ်ထုတ်သွားတယ်။ မေတ္တာကရုဏာနဲ့ သူမအိမ်ကို ခေါ်ယူသွားပြီး စောင့်ရှောက်ပေးထားခဲ့တယ်။ ရက်အတန်ကြာတဲ့နောက် သူမနဲ့သမီးနှစ်ဦးတို့ဟာ အန္တရာယ်ကင်းစွာနဲ့ ပြန်လည်ဆုံစည်းနိုင်ခဲ့ကြပါတယ်။

    မသီတာနဲ့အတူ အမျိုးသမီးနဲ့ကလေးတွေ ၁၀ဦးလောက်က တောင်ကုန်းပေါ်တက်နေကြချိန်မှာ တုတ်တရမ်းရမ်းနဲ့ ၀ိုင်းရံနေတဲ့လူအုပ်ကြီးကို လုံထိန်းရဲတွေက လက်ချည်းဗလာနဲ့ တွန်းထုတ်နေကြလေရဲ့။ အေပီသတင်းဌာနရဲ့ မှတ်တမ်းဗီဒီယိုတစ်ခုမှာ လူတစ်ဦးက “ မလုပ်ကြနဲ့။ အဲ့ဒီထဲမှာ ကလေးတွေလည်း ပါနေတယ် ” လို့ လူအုပ်ကြီးကို ဟစ်အော်တားဆီးတာ တွေ့ရတယ်။

    ဒါပေမယ့် အကြမ်းဖက်မှုက ဆက်ဖြစ်နေခဲ့တယ်။

    ဗုဒ္ဓဘာသာဝင်တွေက ၀က်လန်တောကို ဆက်ရှင်းကြတယ်။ အရွတ်ခန်း လို့ခေါ်တဲ့ ပိန်ပိန်ပါးပါး အသက် ၁၇ နှစ်အရွယ် ကျောင်းသားလေးကို မြက်ခင်းပြင်ပေါ် ဆွဲထုတ်လာကြတယ်။ ဗီဒီယိုမြင်ကွင်းတစ်ခုမှာ အမည်မသိလူငယ်နှစ်ဦးထက်မနည်း ပါဝင်ကြောင်း တွေ့ရတယ်။ အဲ့ဒီထဲက ဘောလုံးဝါသနာအိုး မိတ္ထီလာမြို့ခံတစ်ဦးဟာဆိုယင် တုတ်ရှည်တွေ၊ သွေးစွန်းဓားတွေကိုင်ဆောင်ထားတဲ့ လူကိုးဦးက ၂၄ ချက်အထိ ရိုက်နှက်ထိုးခုတ်ခဲ့တယ်။ ဘုန်းကြီးတစ်ဦးက ငါးချက်တိတိ ပါဝင်လက်စွမ်းပြခဲ့တယ်။

    ကျောင်းသားလေးကို သတ်ဖြတ်နေစဉ် ပွဲကြည့်ပရိသတ်ဗုဒ္ဓဘာသာဝင်တစ်ဦးက ကုန်းစောင်းပေါ်ကနေ “ ကြည့်ကြပါဦး၊ ဟိုမှာ ဟိုမှာ ” လို့ အော်ဟစ်ခဲ့တယ်။ “ ရဲတွေက အဲ့ဒီနေရာကို ဆင်းသွားကြပေမယ့် ဘာမှ မဆောင်ရွက်ပေးခဲ့ကြဘူး ”။

    သူမရဲ့ခင်ပွန်းကို မသီတာ နောက်ဆုံးမြင်တွေ့လိုက်ရပုံက ဒီလိုပါ။ ခင်ပွန်းသည် ရှဖီးအ်ဟာ ရဲတွေရဲ့ဘေးမှာ မျှော်လင့်တကြီးရပ်စောင့်နေတဲ့ သူမရှိရာ တောင်ကုန်းလမ်းအတိုင်း ခက်ခက်ခဲခဲ တက်လာနေခဲ့တယ်။ သူ့တစ်ဖက်တစ်ချက်မှာ ဆရာနှစ်ဦးက ထိန်းကိုင်ထားပေးနေကြတယ်။ ရှဖီးအ်ရဲ့မျက်နှာက သွေးဆုတ်ဖြူရော်နေပါပြီ။ ခြေကုန်လက်ပန်းကျနေပြီး လွတ်လမ်းမမြင်နိုင်ရှာတော့ပါဘူး။ အဲ့ဒီအခိုက်မှာ သူမတို့နဲ့ သူတို့အကြား တောင်စောင်းမှာ လူအုပ်ကြီး ဖုံးလွှမ်းသွားခဲ့တယ်။ တောင်ကုန်းတစ်ဖက်ခြမ်းကနေ “ ကုလားတွေကိုသတ်၊ တစ်ယောက်မှ ချန်မထားနဲ့ ”၊  “ သူတို့ကိုအပြတ်ရှင်းပစ်၊ သူတို့ဟာ အယုတ်တမာတွေဘဲ ” ဆိုတဲ့ အမုန်းတရားဖုံးလွှမ်းနေတဲ့ အော်သံတွေကိုသာ မသီတာ ကြားလိုက်ရပါတော့တယ်။

    အဲ့ဒီအောက်ဖက် အချို့နေရာမှာ ကျောင်းသားအများအပြားက အလွတ်ရုန်းထွက်ပြေးခဲ့ကြတယ်။ သူတို့ကို လူအုပ်တွေက လိုက်ဖမ်းခဲ့ကြတယ်။

    လူတစ်ဦးက အသက် ၁၄ နှစ်အရွယ် အဗူဗကရ်ရဲ့ပါးစောင်းကို ၀ါးရင်းတုတ်နဲ့ မနားမနေဆက်တိုက် ရိုက်နှက်ခဲ့တယ်။ နောက်တစ်ဦးက နှစ်ဖက်ချွန်ဓားမြှောင်နဲ့ ခြေထောက်နောက်ပိုင်းကို ထိုးခွဲဖြတ်တောက်နေခဲ့တယ်။ ဒီအဖြစ်တစ်ရက်အကြို ညစာစားချိန်မှာ ငိုကြွေးခဲ့တဲ့ ကျောင်းဆရာ အာရိဖ်ကိုတော့ နောက်တစ်ယောက်က အဖန်တလဲလဲ ရိုက်နှက်နေခဲ့တာ မြေပြင်ပေါ်လဲကျသွားတဲ့အထိပါဘဲ။

    တောင်ကုန်းရဲ့နှစ်ဖက်စလုံးမှာ ရဲတွေက ဘာမှမလှုပ်မရှား ရပ်ကြည့်နေခဲ့ကြတယ်။ တောင်စောင်းအောက်ဖက်မှာ သူတို့နဲ့အတူထိုင်နေတဲ့ ချာတိတ်လေးတစ်ယောက်က အပေါ်ကိုမော့ကြည့်လိုက်တော့ အရာရှိတစ်ယောက်က ကလေးရဲ့ခေါင်းကိုဖိချပြီး “ မင်းမျက်လုံး အပေါ်လှန်မကြည့်နဲ့ ” ကို အော်ငေါက်ခဲ့တယ်။

    အသား မီးလောင်ကျွမ်းတဲ့အနံ့တွေ ရလာတော့ မသီတာဟာ အနီးမှာရပ်နေတဲ့ ရဲအရာရှိခြေကိုဖက်ပြီး “ အစ်ကိုရေ။ လုပ်ပါဦး။ ဘာတွေဖြစ်ကုန်ပြီလဲ။ ကျေးဇူးပြုပြီး …….. ” လို့ဆိုတဲ့အခါ အရာရှိက “ ဒီမိန်းမ၊ ပါးစပ်ပိတ်ထားစမ်း၊ ခေါင်းကိုငုံ့ထား၊ မင်းတို့ပါ ဒီနေရာမှာတင် သေသွားနိုင်တယ်ဆိုတာ မသိဘူးလား ” လို့ ဖြေကြားလိုက်ပါတယ်။

    အခြေအနေအနည်းငယ်ငြိမ်သက်သွားတော့မှ ဒါဇင်နဲ့ချီတဲ့ ရဲတပ်သားတွေက တောင်ထိပ်ပေါ်နောက်ဆုံးကျန်မွတ်စ်လင်မ်တွေကို ကာကွယ်ဖို့ အင်အားဖြည့်ရောက်လာခဲ့တယ်။ ပြီးတော့ သူတို့ကို ထရပ်ကားတွေပေါ် တင်ဆောင်သွားကြတယ်။

    သူတို့ကို ခေါ်ထုတ်သွားချိန်မှာ မိမိဟာ မိတ္ထီလာကို ဘယ်တော့မှ ပြန်မလာအပ်တော့ကြောင်း မောင်ကိုကို သိလိုက်ပါတယ် “ ကျွန်တော်တို့ကို အလ္လာဟ်အရှင်မြတ် ကယ်တင်လိုက်လို့သာ အသက်ရှင်ကျန်ရစ်ခဲ့တာပါ ”။

    ရှည်လျားတဲ့အိပ်မက်ဆိုးကနေလွတ်မြောက်လာသူများကို ရဲဌာနတစ်ခုဆီပို့ဆောင်ခဲ့ကြတယ်။ ရေတောင်းသောက်တဲ့အခါ အရာရှိတစ်ဦးမက သူတို့ကို ရေတိုက်ကြတယ်။

    ရှင်သန်ကျန်ရစ်တဲ့ မွတ်စ်လင်မ် ၁၂၀ ဦးထဲမှာ ကျောင်းသား ၉၀ နဲ့ ဆရာလေးဦး ပါဝင်တယ်။ သူတို့ဟာ အခြားမြို့က မိသားစုဆွေမျိုးတွေနဲ့ ပြန်လည်မဆုံစည်းမှီအထိ ရဲစခန်းမှာ ရက်အတန်ကြာနေထိုင်ခဲ့ကြတယ်။

    မိသားစုဝင်တွေ၊ သက်သေတွေနဲ့ မေးမြန်းစိစစ်ပြီးတဲ့နောက် စုစုပေါင်း ကျောင်းသား ၃၂ ဦးနဲ့ဆရာလေးဦး သေဆုံးခဲ့တယ်လို့ ကျောင်းအုပ်ဆရာကြီးက ဆိုပါတယ်။

    ကယ်ထုတ်ရေးအတွက် အမိန့်ထုတ်ခဲ့တဲ့ ပြည်နယ်လုံခြုံရေးမှူး ကာနယ် အောင်ကျော်မိုးက လမ်းခုလတ်မှာ လူ ၁၀ ဦး သို့မဟုတ် ၁၅ ဦး သေဆုံးရတယ်လို့ ဆိုတယ်။ ဒါပေမယ့် အေပီသတင်းဌာနကရရှိထားတဲ့ ဗီဒီယိုမှတ်တမ်းတွေအရ အဲ့ဒီအဆိုနဲ့ ဆန့်ကျင်လို့နေပါတယ်။ သတ်ဖြတ်မှုပြီးတဲ့နောက် အမည်မဖော်လိုသူမျက်မြင်သက်သေများက ဒေသတွင်းလှည့်လည်ရိုက်ကူးခဲ့တဲ့ မှတ်တမ်းတွေပါ။ ဗီဒီယိုမှတ်တမ်းနှစ်ခုထဲမှာတင် လူအသေအပျောက် ၂၈ ဦးအထိ ပါဝင်နေပါတယ်။ ရုပ်အလောင်းအများစုရဲ့လက်တွေဟာ မိုးပေါ်ထောင်နေပြီး မီးလောင်ကျွမ်းထားတာတွေ့ရတယ်။ လူတစ်ဦးဆိုယင် ခေါင်းဖြတ်ခံထားရတယ်။

    ရုပ်အလောင်းတစ်ခုအနီးလူတွေဖြတ်သန်းသွားလာရာမှာ “ ဟေ့။ ဒါက ကလေး(ရဲ့အလောင်း)လား ” လို့ တစ်ယောက်က မေးတယ်။ နောက်လူတစ်ယောက်က “ ဘယ်ကလာ။ အဲ့ဒါ ပိုင်းဖြတ်ခံထားရတာလေ ” လို့ ရယ်ပြောပြောခဲ့တဲ့အသံတွေကို ဗီဒီယိုရိုက်ချက်တွေထဲမှာ ကြားရပါတယ်။

    အဲ့ဒီနေ့က ရဲတွေကိုင်တွယ်ထားကြတဲ့ သေနတ်တွေ၊ ရိုင်ဖယ်တွေကို လူရမ်းကားအုပ်စုတွေကိုင်တွယ်ထားကြတဲ့ သာမန်အသုံးအဆောင်လက်နက်တွေက ယှဉ်နိုင်စွမ်း မရှိကြပါဘူး။ ဒါပေမယ့် လူ ၁၀၀ ကျော်ကို ကယ်ထုတ်တဲ့အချိန်မှာ ဒါဇင်နဲ့ချီတဲ့သတ်ဖြတ်မှုကြီးကို မတားမြစ်ခဲ့ကြဘူး။

    “ သူတို့ဆီမှာ စိတ်နှစ်ခွဖြစ်နေတာကို ကျွန်တော်တို့ သိလိုက်ရပါတယ်။ တစ်ချို့ဟာ ကျွန်တော်တို့ကို ကယ်တင်ဖို့ ကြိုးစားကြတယ်။ ဒါပေမယ့် နောက်ဆုံးမှာတော့ သူတို့အားလုံး ကျွန်တော်တို့သေမှာကိုဘဲ စောင့်ကြည့်ခဲ့တာပါ ” လို့ ကျောင်းအုပ်ဆရာကြီးက ဆိုပါတယ်။

    ဥပဒေသမား ဦးဝင်းထိန်က အကြောင်းရင်းနှစ်ရပ်ရှိနိုင်ခဲ့ကြောင်း သုံးသပ်တယ် “ ရဲတွေဟာ အထက်ကပစ်မိန့် လုံးဝ မရတာ ဖြစ်မယ်။ ဒါမှမဟုတ် ဘာဆိုဘာမှမလုပ်ဖို့ အထက်က အမိန့်ရောက်နေတာ ဖြစ်ချင်ဖြစ်ပါလိမ့်မယ် ”။

    Aung Kyaw Moe Mdy
    ရဲတွေရဲ့ဆောင်ရွက်ချက်အပေါ် အားရကျေနပ်တယ်လို့ ဆိုခဲ့တယ်။ ဒါပေမယ့် “ အသေးစိတ်လိုက်မမေးပါနဲ့။ ဒါဟာ မသင့်လျော်ပါဘူး။ ဘာကြောင့်လဲဆိုတော့ ဒါက ၀တ္ထုရေးနေတာမဟုတ်ဘူး၊ ရုပ်ရှင်ရိုက်နေတာမဟုတ်ဘူး။ ခင်ဗျားတို့ သိစရာမလိုဘူး ” Photo-AP
    မန္တလေးတိုင်း ဒေသကြီး လုံခြုံရေးဝန်ကြီး ဗိုလ်မှူးကြီးအောင်ကျော်မိုး

    ဒေသလုံခြုံရေးမှူး ဦးအောင်ကျော်မိုးကတော့ အထက်ကပစ်မိန့်ပေးထားတယ်လို့ အတိုက်အခံဆိုပါတယ်။ သို့ပေမင့် ရဲတွေ မပစ်ခတ်ရတာက ပစ်လိုက်လို့ရှိယင် လူအုပ်ရဲ့ဒေါသကို ဆွလိုက်သလိုဖြစ်ပြီး အခြေအနေ ပိုမိုဆိုးရွားသွားနိုင်တယ်လို့ သူက ပြောတယ်။

    ဆက်လက်ပြီးတော့လည်း “ အခင်းဖြစ်တဲ့နေရာဆီ ရဲတပ်သား ၂၀၀ ကို စေလွှတ်ခဲ့တယ်။ လူအုပ်ကြီးက သူ့တို့ထက် အဆမတန် အင်အားများပြားနေခဲ့တယ်။ မွတ်စ်လင်မ်တွေ သေကြေရတာက တစ်ချို့လူတွေ ထွက်ပြေးကြလို့ဖြစ်တယ်။ သူတို့က ခြေဦးတည့်ရာ တကွဲတပြားပြေးကြတော့ ကျွန်တော်တို့တပ်သားတွေက လူတစ်ဦးချင်းနောက်ကို မလိုက်နိုင်ခဲ့ကြဘူး။ ကျန်တဲ့သူတွေကို စောင့်ရှောက်နေတဲ့အပေါ် သူတို့ သတိထားမိဖို့ကောင်းတယ်။ လက်တွေ့ရင်ဆိုင်မှုတွေမှာ အချို့ကိစ္စတွေက ရှင်းပြရသိပ်ခက်ပါတယ် ” လို့ ရှင်းလင်းပါတယ်။

    ဦးအောင်ကျော်မိုးနဲ့ မိနစ် ၅၀ အကြာ အင်တာဗျူးခဲ့ရာမှာ သူက ရဲတွေရဲ့ဆောင်ရွက်ချက်အပေါ် အားရကျေနပ်တယ်လို့ ဆိုခဲ့တယ်။ ဒါပေမယ့် “ အသေးစိတ်လိုက်မမေးပါနဲ့။ ဒါဟာ မသင့်လျော်ပါဘူး။ ဘာကြောင့်လဲဆိုတော့ ဒါက ၀တ္ထုရေးနေတာမဟုတ်ဘူး၊ ရုပ်ရှင်ရိုက်နေတာမဟုတ်ဘူး။ ခင်ဗျားတို့ သိစရာမလိုဘူး ” လို့ ငါးကြိမ်တိုင်တိုင် ဒေါသသံနဲ့ ပြောခဲ့တယ်။

    မိတ္ထီလာအကြမ်းဖက်မှုအတွက် ပထမဆုံး အရေးယူစီရင်ခံလိုက်ရတာက ဗုဒ္ဓဘာသာဝင်လူရမ်းကားတွေ မဟုတ်ဘဲ မွတ်စ်လင်မ်တွေ ဖြစ်နေခဲ့တယ်။

    ဧပြီလ ၁၁ ရက်မှာ ရွှေဆိုင်ပိုင်ရှင်နဲ့ဝန်ထမ်းနှစ်ဦးကို တရားရုံးတစ်ခုက ခိုးမှု၊ အနာတရဖြစ်စေမှုနဲ့ ထောင်ဒဏ် ၁၄ နှစ် ပြစ်ဒဏ်ပေးခဲ့တယ်။ မေလ ၂၁ ရက်မှာ အဲ့ဒီတရားရုံးကပဲ မွတ်စ်လင်မ် ၇ ဦးကို အခင်းစတင်ဖြစ်ပွားတဲ့နေ့က ဘုန်းကြီးသတ်မှုကိစ္စနဲ့ ထောင်ဒဏ် ၂ နှစ်ကနေ တစ်သက်တစ်ကျွန်းအထိ အသီးသီး စီရင်ချက်ချခဲ့ပြန်တယ်။

    တရားခံရှေ့နေ ဦးဥာဏ်မြင့်အဆိုအရ ဇွန်လ ၂၈ ရက်မှာတော့ ဗုဒ္ဓဘာသာဝင်တစ်ဦးကို မိတ္ထီလာမြို့တွင်း မွတ်စ်လင်မ် တစ်ဦးကို သတ်ဖြတ်မှုနဲ့ ထောင်ဒဏ် ၇ နှစ်ချမှတ်ခဲ့တယ်။ ဗုဒ္ဓဘာသာဝင် ၁၄ ဦးကို မင်္ဂလာဇေယုံသတ်ဖြတ်မှုနဲ့ပတ်သက်ပြီး ဖမ်းဆီးထိန်းသိမ်းထားတယ်။ အချို့ဟာ လူသတ်မှုနဲ့အကျုံးဝင်သော်လည်း ဒီနေ့ထက်ထိ စီရင်ချက် မချမှတ်သေးကြောင်း “ တရားမျှတမှုကို အချိန်က သက်သေပြမှာပါ။ တရားရုံးတွေက ဘယ်အုပ်စုကိုမှ မျက်နှာမလိုက် အစွဲမထားဘဲ အမှုကို စစ်ဆေးစီရင်နေပါတယ် ” လို့ သူက ပြောပြပါတယ်။

    လုံခြုံရေးအကြီးအမှူး ဦးအောင်ကျော်မိုး က ဖမ်းဆီးထိန်းသိမ်းထားသူအားလုံးဟာ မိတ္ထီလာဒေသခံတွေ ဖြစ်တယ် ဆိုတာကလွဲလို့ အသေးစိတ်ပြောကြားမှု မရှိပါဘူး။ အခြား ဘယ်ရဲတပ်ဖွဲ့ဝင်ကမှလည်း လိုလိုလားလား ထုတ်ဖော်ပြောကြားမှု မရှိတာကိုတွေ့ကြရပါတယ်။

    အခြားသောမြို့တွေမှာလည်း အလားတူအတိုင်း စီရင်နေကြပါတယ်။

    ဧပြီလအတွင်း ဥက္ကံမြို့နယ်က ရွာပေါင်းများစွာကို ဗုဒ္ဓဘာသာဝင်လူရမ်းကားတွေ မီးရှို့ဖျက်ဆီးမှုမှာလည်း ပထမဆုံး စီရင်ချက်ချခံလိုက်ရသူကတော့ သာသနာကိုစော်ကားမှုနဲ့စတင်စွပ်စွဲခံရတဲ့ မွတ်စ်လင်မ်အမျိုးသမီးတစ်ဦးပါ။ သူမက ကိုရင်ငယ်လေးတစ်ဦးရဲ့ သပိတ်ကို သွားတိုက်မိတာပါ။ အဲ့ဒါဟာ မတော်တဆမှုသက်သက်သာဖြစ်တယ်လို့ မွတ်စ်လင်မ်များက ဆိုကြပါတယ်။

    ဒါတင်မကသေးဘူး။ မေလအတွင်း လားရှိုးမြို့ပေါ် ဗုဒ္ဓဘာသာဝင်တို့ရဲ့အကြမ်းဖက်ဖျက်ဆီးတိုက်ခိုက်မှုမှာလည်း ပထမဆုံးစီရင်ချက်ချခံရသူက မွတ်စ်လင်မ်အမျိုးသားတစ်ဦး ဖြစ်တယ်။ သူဟာ ဗုဒ္ဓဘာသာဝင်အမျိုးသမီးတစ်ဦးကို ဓာတ်ဆီလောင်းမီးရှို့ပြီး ဆိုးဆိုးဝါးဝါးလောင်ကျွမ်းစေခဲ့ရာမှ သောင်းကျန်းမှု စတင်ဖြစ်ပွားလာခဲ့တယ်။

    ဥက္ကံမှာရော လားရှိုးမြို့မှာပါ အနည်းဆုံး မွတ်စ်လင်မ်တစ်ဦး သတ်ဖြတ်ခံလိုက်ရသော်လည်း ဒီနေ့ထက်ထိ ဘယ်သတ်ဖြတ်သူကိုမှ အရေးယူစီရင်ခြင်း မရှိသေးပါဘူး။

    မိတ္ထီလာစုပြုံသတ်ဖြတ်မှုအပြီး အနည်းဆုံး နှစ်ရက်နဲ့တစ်ပိုင်းအထိ ရုပ်အလောင်းများကို ပုံပျက်ပန်းပျက် စွန့်ပစ်ထားကြတယ်။ အဲ့ဒီနောက်မှ အစိုးရဖက်က အလုပ်သမားတွေကို လွှတ်ပြီး နေရာရွှေ့စေခဲ့တယ်။ တစ်ချို့ကိုတော့ အမှိုက်ကားနဲ့တင်ဆောင်သွားကြတယ်။ ရုပ်ကလာပ်တွေကို မိတ္ထီလာသုသာန်ကြီးဆီကို ယူဆောင်သွားကြတယ်။ အဲ့ဒီကို ရောက်တဲ့အခါကျပြန်တော့လည်း ညစ်ပတ်နေတဲ့မြေနီကွင်းပြင်ထဲမှာ ကားတာယာတွေ၊ ဓာတ်ဆီတွေကိုသုံးပြီး မီးရှို့ကြပြန်တယ်။ ခွေးတွေဝင်တိုးစရာ ပြာပုံဘ၀ ရောက်သွားခဲ့ရတယ်။

    ရုပ်အလောင်းတွေကို သက်ဆိုင်ရာသားချင်းတွေဆီလက်ပြောင်းပေးမှာ မဟုတ်ဘူး၊ ဘာဖြစ်လို့လဲဆိုတော့ မခွဲခြား မမှတ်မိနိုင်လောက်အောင် ဆိုးဆိုးဝါးဝါး မီးလောင်ကျွမ်းထားလို့ဖြစ်တယ် ဆိုပြီး အာဏာပိုင်တွေက ပြောကြားတယ်။ ဒါပေမယ့် သူတို့ကို မေးမြန်းပြောဆိုမှုအလျဉ်းမရှိခဲ့တဲ့အပြင် အစ္စလာမ့်ထုံးဓလေ့အရ ကောင်းမွန်ကျနစွာ မြှုပ်နှံသင်္ဂြိုလ်ခွင့်လည်း မပေးခဲ့ကြပါဘူးလို့ အသတ်ခံရသူတို့ရဲ့မိသားစုဝင်များက ဆိုပါတယ်။

    ဘယ်မွတ်စ်လင်မ်မိသားစုကမှ သင်္ချိုင်းကို မသွားရဲကြသလို ၀ိုင်းဝန်းသတ်ဖြတ်တဲ့နေရာဆီကိုလည်း ခြေဦးမလှည့်ရဲကြပါဘူး။

    ဗလာခြေကျင်းနဲ့အမျိုးသမီးတစ်ဦး ရေတွင်းတစ်ခုနံဘေးမှာ အ၀တ်လျှော်နေခဲ့တယ်။ အဲ့ဒီနေရာမှာ မီးကျွမ်းနေတဲ့ ရုပ်အလောင်းတွေကို စုပုံချထားတာကို တွေ့လိုက်တော့ ဘာတွေဖြစ်ကုန်ပါလိမ့်ဆိုပြီး တအံ့တသြဖြစ်သွားတယ်။ သူမ ရှိမနေခဲ့လို့ မသိလိုက်ရဘူးလေ။ သူငယ်ချင်းဖြစ်သူက “ ဘာကစဖြစ်တာလဲ ပြောပြလိုက်။ ရွှေဆိုင်အကြောင်း၊ ဘုန်းကြီး အသတ်ခံရတဲ့အကြောင်းတွေ ပြောပြလိုက် ” လို့ ဆိုပါတယ်။ မမြင့်ဟာ ခေါင်းကိုခါရမ်းလိုက်ပြီး တောင်ကုန်းထိပ်ဖက်ကို မ၀ံ့မရဲကြည့်လို့ “ ဒီအရိုးတွေက ငါနဲ့ဘာမှ မပတ်သက်ဘူးနော် ” လို့ ဆိုလိုက်လေရဲ့။

    ကျောင်းအုပ်ဆရာကြီးက မျဉ်းပြာလိုင်းပါတဲ့စာရွက်တစ်ရွက်ကို သူ့အိတ်ကပ်ထဲက ထုတ်ယူလိုက်တယ်။ အဲ့ဒီစာရွက်ပေါ်မှာ သေဆုံးသွားသူတွေရဲ့ နာမည်၊ အသက်နဲ့ ဇာတိနေရပ်တွေကို ရေးသားထားတယ်။

    သူ့ကျောင်းသားတွေကို ၀က်လန်တောထဲ သွားခိုလှုံဖို့ ဆုံးဖြတ်ခဲ့တာ၊ အိပ်မက်ဆိုးအဖြစ်တွေ ကြုံရတာနဲ့ပတ်သက်လို့ မဟုတ်ဘဲ သတ်ဖြတ်ခံရချိန်မှာ မကယ်တင်နိုင်လိုက်တဲ့အတွက် သူ့မှာ စိတ်ထိခိုက်လျက် ရှိနေပါတယ်။  အရိုက်ခံရပြီး မြေပေါ်လဲကျကုန်တဲ့အချိန်မှာ အများစုက မသေဆုံးကြသေးဘူးလို့ သူက ပြောပြတယ်။

    “ အဲ့ဒီအချိန်လေးမှာ လူအုပ်ကြီးကိုနောက်ပြန်ဆုတ်အောင် တစ်စုံတစ်ယောက်သာ ရောက်လာခဲ့ပြီး သူတို့ကို သွားယူလို့ဆေးရုံပို့ပေးနိုင်ခဲ့ယင် သူတို့ အသက်ရှင်နိုင်ကြမှာပါ ” ဆိုပြီး ပြောပြရှာပါတယ်။

    ရှင်သန်ကျန်ရစ်ခဲ့တဲ့ ကျောင်းသား ၉၀ ကျော်ကို အဆင့်မရှိ လိမ်ညာမှုတွေ မလုပ်ကြဖို့၊ မတရားအပြစ်ပေးမှုကို ကြောက်ရွံ့ပြီး ၀န်ခံထွက်ဆိုတာမျိုး မလုပ်ကြဖို့ သူက မှာကြားထားပါတယ်။ သူ့အတွေးအာရုံထဲမှာ ကျောင်းသားတွေကို ပြန်လည်စုစည်းမယ်၊ တစ်နေရာရာမှာ ကျောင်းကိုပြန်လည်တည်ဆောက်မယ် ဆိုပြီး ………………….။ ဒါပေမယ့်လည်း အချိန်မရွေး နေရာမရွေးမှာ ဒီလိုတစ်ဖက်သတ်အကြမ်းဖက်မှုတွေ ထပ်ဖြစ်လာမှာကိုတော့ အထူးစိုးရိမ်နေမိတာတော့ အမှန်ပါဘဲ။

    “ ဒီမြန်မာနိုင်ငံရဲ့ဘယ်နေရာမှာများ လုံခြုံဘေးကင်းနိုင်မှာလဲ ?  ငါတို့ကို ဘယ်သူ ကာကွယ်ပေးမှာလဲ ” လို့ ပြောပါတယ်။

    မတ်လ ၂၁ ရက်တုန်းက ကျောင်းသားတွေကို ပြန်လည်ခုခံတိုက်ခိုက်မှုမလုပ်ဖို့ ထိန်းသိမ်းတိုက်တွန်းခဲ့တာ ကျောင်းအုပ်ဆရာကြီးကိုယ်တိုင်ပါ။ ခုတော့ သူက ဒီလို တိုးတိတ်စွာ ဆိုရပါပြီ။

    “ နောက်တစ်ကြိမ်သာ ထပ်ဖြစ်လာယင် ငါတို့ ကိုယ့်ကိုယ်ကို ကာကွယ်ရတော့မယ်။ ဘာဖြစ်လို့လဲဆိုတော့ ဘယ်သူမှ လာပြီးကာကွယ်ပေးမှာမဟုတ်မှန်း ငါတို့သိသွားရလို့ပါဘဲ ”။

    ရုပ်သံကြည့်လိုလျှင်=>https://www.youtube.com/watch?v=nfpQzf-mC_k&list=PLrN3vEHYCFKJ-4jvIsEhOqJd1eddiBaiJ&index=7

    http://www.japantimes.co.jp/ တွင် ဖော်ပြခဲ့သည့် ဆောင်းပါးရှင် TODD PITMAN ၏  No Justice For Muslims Massacred By Myanmar Buddhists ဆောင်းပါးကို ” မြင့်မိုရ်မောင်မောင်”  ဆီလျော်အောင် မြန်မာလိုပြန်ဆိုပါသည်။

  • တကျော့ပြန် တက်ဘုန်းကြီး (The Mad Monks of Myanmar)

    ဇူလိုင်-၉၊၂၀၁၃
    မူရင်းဆောင်းပါးThe Diplomat
    ဘာသာပြန်- မြင့်မိုရ်မောင်မောင်

    ယနေ့မြန်မာပြည်မှာ အရှိန်မြှင့်နေတဲ့ မွတ်စ်လင်မ်ဆန့်ကျင်ရေး ၉၆၉ လှုပ်ရှားမှုနဲ့ပတ်သက်ပြီး ဒီပလိုမက် thedipplomat.com အဖွဲ့က တိကျမှန်ကန်တဲ့ဓာတ်ပုံ အထောက်အထား တစ်ချို့ကို သုံးလို့ ဓာတ်ပုံဆောင်းပါး – photo essay တစ်ပုဒ် တင်ဆက်လိုက်ပါတယ်။

    ၉၆၉ လှုပ်ရှားမှုရဲ့ မီးမွှေးခြင်းကြောင့် မွတ်စ်လင်မ်ဆန့်ကျင်ရေးလှိုင်းဂယက် ကြီးထွားမြင့်တက်လာရတဲ့ တိုင်းပြည်ဟာ မြန်မာနိုင်ငံ ဖြစ်နေပါတယ်။ ဒီဂဏန်းနံပါတ်က ဗုဒ္ဓဘာသာရဲ့ရတနာသုံးပါးဖြစ်တဲ့ ရှင်တော်ဗုဒ္ဓရဲ့ ဂုဏ်တော် ၉ ပါး၊ ဓမ္မဂုဏ်တော် ၆ ပါး၊ သံဃာ့ဂုဏ်တော် ၉ ပါး ဆိုတဲ့ ဂုဏ်တော်ပေါင်း ၂၄ ပါးကို အခြေတည်ထားတယ်လို့ ဆိုကြတယ်။

    ဗုဒ္ဓဘာသာဝင်အများစုပါဝင်နေတဲ့ မြန်မာအမျိုးသားရေးဝါဒီတွေရဲ့ဖန်တီးမှုကြောင့် ဒီဂဏာန်းနံပါတ်က ဘာသာရေးအရ ခွဲခြားရာသင်္ကေတ အသွင်ဆောင်လာပါတယ်။ ချိုးနှိမ်ဆက်ဆံမှု နဲ့ အကြမ်းဖက်မှု နှစ်မျိုးလုံးဆီ ဦးတည်သွားစေခဲ့တယ်။ သမ္မတဦးသိန်းစိန်လက်အောက်ရှိ အစိုးရပင်လျှင် မွတ်စ်လင်မ်ဆန့်ကျင်ရေးအတွက် ရပ်တည်ပေးနေရော့သလားလို့ အငြင်းပွားစရာ ဆောင်ရွက်ချက်တွေရှိနေပါတယ်။ လူနည်းစုရိုဟင်ဂျာမွတ်စ်လင်မ်တွေကို နိုင်ငံကနေ ဖယ်ထုတ်လိုမှု ကနေ အဲ့ဒီလူမျိုးစုတစ်ရပ်တည်းအပေါ်မှာ ကလေးနှစ်ဦးသာယူစေတဲ့ လက်မခံချင်စရာမူဝါဒ ကိစ္စတွေအထိ ဖြစ်တယ်။

    တိုင်းပြည်ရဲ့ပင်မလမ်းကြောင်းထဲမှာ ဒီလှုပ်ရှားမှုကို လက်သိပ်ထိုးလက်ခံလာတာနဲ့အမျှ ဗုဒ္ဓဘာသာဝင်သံဃာတစ်ဦးဖြစ်တဲ့ အရှင်ဝီရသူဟာ ကျော်စောထင်ရှားလာပြီး၊ တရားမ၀င်နိုင်ငံ့ခေါင်းဆောင်နေရာကို တမဟုတ်ချင်း ရောက်လာပါတော့တယ်။ နီညိုရောင်သင်္ကန်းနဲ့ ဦးဝီရသူရဲ့ပုံဟာ ဇူလိုင်လထုတ် တိုင်းမ်မဂ္ဂဇင်းမျက်နှာဖုံးပေါ် “The Face of Buddhist Terror” စာသားနဲ့အတူ ဖော်ပြခံရတယ်။ ဒါကို မြန်မာပြည်က လူတော်တော်များများကို ဒေါသထွက်စေခဲ့တယ်။ တစ်ဆက်တည်းမှာဘဲ ဒီတိုင်းပြည်ထဲက ဘာသာရေးတင်းမာမှုတွေကို နိုင်ငံတကာက အာရုံထားနေကြောင်း သိမြင်သွားခဲ့ကြတယ်။

    004-inside969-443x295

    ဒီဆောင်းပါးမှာပါတဲ့ ပထမဆုံးဓာတ်ပုံဟာ နိုင်ငံတကာသတင်းခေါင်းကြီးပိုင်းရောက် ဦးဝီရသူကို မန္တလေးက သူ့ကျောင်းတိုက်မှာ ထောက်ခံသူများက ကြိုဆိုနေကြတဲ့ပုံပါ။ သူဟာ လူမှုကွန်ရက်တွေအပေါ် ၉၆၉ လှုပ်ရှားမှုကို ထင်ထင်ရှားရှား မြှင့်တင်သူဖြစ်လို့ “မြန်မာဘင်လာဒင်” ဆိုပြီး အဖန်တလဲလဲ ဖော်ပြခံရသူ ဖြစ်တယ်။ ၉၆၉ နံပါတ်ကို နိုင်ငံတစ်ဝှန်းက လမ်း၊ အငှားယာဉ်၊ ဆိုင်ခန်းအ၀င်ဝ နဲ့ ကွမ်းယာဆိုင် အစရှိတဲ့ နေရာတိုင်းမှာ တွေ့နိုင်ပါတယ်။ ဂဏာန်းနံပါတ်တွေအပေါ် အစွဲကြီးလှတဲ့နိုင်ငံမှာ ဗုဒ္ဓ၀ါဒ နဲ့ ဗုဒ္ဓသွန်သင်မှုကို ပြန်လည်ဖော်ဆောင်ရေး ဆိုပြီး ဒီနံပါတ်နဲ့ ကိုယ်စားပြုဖော်ဆောင်လိုက်တာလို့ ဆိုကြတယ်။ ဒါပေမယ့် လက်တွေ့မှာကျတော့ လူတွေကို ဦးနှောက်ဆေးကြောပြီး ဘာသာရေးအာဃာတ နဲ့ အစွန်းရောက်မှုဖြစ်အောင် မောင်းနှင်နေတဲ့ ယန္တရားတစ်ခုသာ ဖြစ်တဲ့အတွက် ကျယ်ကျယ်ပြန့်ပြန့် ရှုတ်ချမှု ခံရခြင်း ဖြစ်တယ်။
    006-inside969-
    “ တကယ်လို့ မြန်မာတွေအနေနဲ့ ငြိမ်းငြိမ်းချမ်းချမ်းနေလိုရင် ဗုဒ္ဓဘာသာဝင်တွေနဲ့မွတ်စ်လင်မ်တွေကို သီးသန့်စီ နေခိုင်းမှရမယ် ” လို့ ကျွန်တော်တို့ သတင်းဌာနကို ဦးဝီရသူက ပြောခဲ့ပါတယ်။ သင်္ကန်းခြုံထားတဲ့သံဃာ ဦးဝီရသူကို ရှေးဟောင်းမင်းနေပြည်တော် မန္တလေးမြို့က သူ့ရဲ့ မစိုးရိမ်ကျောင်းတိုက်မှာ ကျွန်တော်တို့ တွေ့ဆုံစဉ်က သူဟာ စာမေးပွဲတစ်ခုကို ကြီးကြပ်နေချိန် ဖြစ်တယ်။

    သူ့ရဲ့ရုံးခန်းဧည့်ဆောင်နံရံပေါ်မှာ သူ့ရဲ့ဧရာမပုံတူပန်းချီကားကို ချိတ်ဆွဲထားတယ်။ အပြင်ဖက်မှာတော့ ထိုင်းနိုင်ငံ တောင်ပိုင်း ဒေသ နှင့် – မြန်မာနိုင်ငံ အနောက်ပိုင်း ရခိုင်ပြည်နယ် (လူမျိုးရှင်းလင်းရေးလုပ်ခံနေရတဲ့ လူနည်းစုရိုဟင်ဂျာမွတ်စ်လင်မ်နေထိုင်ရာ ဒေသ) က  ဗုဒ္ဓဘာသာဝင်တွေ ရဲ့ လောင်ကျွမ်းထားတဲ့ ရုပ်အလောင်းပုံကို ဖော်ပြထားတဲ့ ပလပ်စတစ်ကားချပ်တွေကို တွေ့ရပါတယ်။

    နာမည်ဆိုးနဲ့ကျော်ကြားနေတဲ့ အဲ့ဒီသံဃာတော်ဟာ သူ့အသက် ၄၆ နှစ်ထက်ကို အရွယ်တင်နုပျိုနေပါတယ်။ သူက အေးတိအေးစက် လေပြည်လေးနဲ့ဒီလိုဆိုပါတယ် “ မွတ်စ်လင်မ်တွေက ပင်ကိုယ်အားဖြင့် ဆိုးသွမ်းကြတယ်။ သတ္တ၀ါတွေကို သတ်ဖြတ်ဖို့ (တမန်တော်)မုဟမ္မဒ်က သူတို့အပေါ် ညွှန်ကြားထားတယ်လေ။ အစ္စလာမ်ဆိုတာ သူခိုးတွေရဲ့ ဘာသာဖြစ်တယ်။ သူတို့ဟာ ငြိမ်းချမ်းရေးကို မလိုလားကြဘူး ”။

    သူ့ရဲ့မတည်ငြိမ်တဲ့ ပရမ်းပတာလူမျိုးကြီးစကားတွေက YouTube နဲ့ အင်တာနက်လူမှုကွန်ယက်တွေပေါ်မှာ အလွန်ပဲ ပျံနှံ့နေပါတယ်။ လူထောင်ပေါင်းများစွာ ကလည်း တွေ့မြင်ကြည့်ရှုထားကြပြီးဖြစ်ပါတယ်။ ၂၀၀၃ ခုနှစ်က မွတ်စ်လင်မ် ဆန့်ကျင်ရေး အမုန်းတရားလှုံ့ဆော်ချက်အတွက် သူဟာ ထောင်ဒဏ် ၂၅ နှစ် ချမှတ်ခံရတယ်။ ၂၀၁၀ ခုနှစ် နိုင်ငံရေး အကျဉ်းသားတွေကို လွတ်ငြိမ်းချမ်းသာခွင့်ပေးစဉ် အတူရောပြီး လွတ်မြောက်လာခဲ့တယ်။ ၂၀၁၁ ခုနှစ်၊ မတ်လကစလို့ အာဏာရလာတဲ့ စစ်တပ်တစ်ပိုင်းအရပ်သားတစ်ပိုင်းအစိုးရက နိုင်ငံရေးပြုပြင်ပြောင်းလဲမှုတွေကို အများအသိအမှတ်ပြုအောင် ဆောင်ရွက်ခဲ့တယ်။ အဲ့ဒီဖော်ဆောင်မှုတွေထဲက လွတ်လပ်စွာ သွားလာပြောဆိုခွင့်နဲ့အတူ ဦးဝီရသူက ပြန်လည်ခေါင်းထောင်လာခဲ့တယ်။

    010-inside969
    မန္တလေးမြို့ ဂျွန်းဗလီတွင် အစ္စလာမ်ဘာသာရေးစာသင်ကြားနေသော မွတ်စလင်မ် ကလေးငယ်များ

    မြန်မာနိုင်ငံရဲ့တရားဝင်ထုတ်ပြန်ချက်အရ နိုင်ငံ့လူဦးရေ ၅၅ သန်းမှာ အစ္စလာမ်ဘာသာဝင်များက ၄ ရာခိုင်နှုန်းသာ ရှိတယ်တဲ့။ ဒါပေမယ့် ၉၆၉ အဖွဲ့သားများစွာကတော့ ၂၄ ရာခိုင်နှုန်းအထိ ရှိနေတယ်လို့ ဆိုကြတဲ့အခါ မခန့်မှန်းတတ်အောင် ဖြစ်သွားရတယ်။ မြန်မာနိုင်ငံဟာ နိုင်ငံတကာက အစ္စလာမ်နိုင်ငံများရဲ့ လျှို့ဝှက်ကြံစည်မှု သားကောင်ဘ၀ ရောက်နေရပါတယ်ဆိုပြီး အဲ့ဒီအဖွဲ့သားတွေဆီမှာ အသိသွင်းခံထားကြရတယ်။ သူတို့အမြင်ရှုထောင့်မှာ လူနည်းစု မွတ်စ်လင်မ်တွေက ဆော်ဒီအာရေဗျတွေလို နိုင်ငံများထံကနေ စာနာထောက်ပံ့ရေးရံပုံငွေတွေ မရိုးသားတဲ့နည်းနဲ့ရယူနိုင်ဖို့ အဓိကရုဏ်းဖြစ်လာအောင် အကွက်ချဖန်တီးလိုက်တာပါတဲ့။ အောက်ဖော်ပြပါစကားက ဒီသဘောကို ဖော်ပြနေပါတယ်။

    “ ခင်ဗျားတို့က ရေခဲပြင်ရဲ့အစွန်းအစ(အပေါ်ယံ)ကိုသာ မြင်နေကြတာကိုး။ ဒီမှာရှိတဲ့မွတ်စ်လင်မ်တွေကို အာရပ်နိုင်ငံ ၅၈ ခုထက်မက ကျောထောက်နောက်ခံပြုပေးထားကြတယ်။ သူတို့ကိုပိုက်ဆံပေးနေကြတဲ့ နိုင်ငံတွေ များသထက် များပြားလာနေတယ် ”။

    017-inside969
    မိတ္ထီလာမြို့တွင် အကြမ်းဖက်ဖျက်ဆီးခံလိုက်ရတဲ့ နေအိမ်မှအပျက်အစီးများ ရှင်းလင်းနေသည့် မွတ်စလင်မ်တဦး

    မြန်မာမွတ်စ်လင်မ်ကွန်ရက်ရဲ့ပြောရေးဆိုခွင့်ရှိသူ ဦးမျိုးဝင်းရဲ့အဆိုအရ – မွတ်စ်လင်မ်တွေဟာ မြန်မာနိုင်ငံလူဦးရေ စုစုပေါင်းရဲ့ ၈ % ကနေ ၁၀ % အတွင်းမှာသာရှိတဲ့အကြောင်း မွတ်စ်လင်မ်အဖွဲ့အစည်းများက ခန့်မှန်းထားကြတယ်။ သူအိမ်ပြန်ရောက်ပြီး သုံးလအလွန်မှာ လူ ၄၄ ဦး(အများစု မွတ်စ်လင်မ်) အသက်ဆုံးရှုံးရတဲ့ ပထမဆုံး တိုက်ခိုက်မှု ဖြစ်ပွားခဲ့တယ်။ အဲ့ဒီအကြမ်းဖက်မှုကြီးအတွင်း မိတ္ထီလာမြို့ရဲ့ရပ်ကွက်တွေဟာ မြေပုံထဲကနေ ဖယ်ရှားခံလိုက်ရတယ်။ မီးလောင်ကျွမ်းပျက်စီးနေတဲ့ ကွင်းပြင်တွေအဖြစ်သာ ကျန်ရစ်ခဲ့ရတယ်။

    018-inside969
    မိတ္ထီလာမှ အကြမ်းဖက်မီးရှို့ခံရသည့် အိမ်မှ မီးလောင်ပျက်ဆီးသွားသော အစ္စလာမ်ဘာသာအကြောင်း အူရဒုဘာသာဖြင့် ရေးသားထားသည့် စာအုပ်အပိုင်းအစ

    သုံးရက်အတောအတွင်းမှာပဲ အဆောက်အဦ ၈၂၀ ထက်မနည်း ဖျက်ဆီးခံရတယ်လို့ လူ့အခွင့်အရေးစောင့်ကြည့်လေ့လာမှုအဖွဲ့က ဆိုပါတယ်။ သစ်ပင်တွေဟာလည်း မီးလောင်ကျွမ်း၊ တစ်ချိန်ကရှိခဲ့တဲ့ အိမ်တွေဟာလည်း အုတ်တုံးနဲ့သံတိုသံစ ပင်လယ်ပြင် အသွင်ဆောင်နေပါတော့တယ်။ ဗလီဝတ်ကျောင်းတွေကလည်း ခုချိန်ထိ ပြန်လည် မဖွင့်လှစ်နိုင်ကြသေးဘူး။ ရဲဝန်ထမ်းတွေရဲ့ တင်းကြပ်တဲ့ကာကွယ်မှုအောက်က ဒုက္ခသည်စခန်း ၅ ခုမှာ ဒုက္ခသည်ပေါင်း တစ်သောင်းနှစ်ထောင်လောက် အကွဲကွဲအပြားပြား ရှိနေကြဆဲ။ မေလကုန်ပိုင်းကျတော့ အဲ့ဒီ အရေးအခင်းမှာ ပါဝင်ပတ်သက်တယ်ဆိုပြီး မွတ်စ်လင်မ် ၇ ဦးကို ကြီးလေးတဲ့ပြစ်ဒဏ် ချမှတ်စီရင်ခဲ့ကြတယ်။ (အဲ့ဒီအချိန်အထိ) ဗုဒ္ဓဘာသာဝင် တစ်ဦးကိုမှ အရေးယူတာ မတွေ့ခဲ့ရဘူး။ အဲ့ဒီနေ့မှာဘဲ လုံခြုံရေးပေးထားတဲ့ ဒေသတွင်းက မွတ်စ်လင်မ်လူ့အဖွဲ့အစည်းတွေကို ပထမဦးဆုံးအကြိမ် ပြန်ခွင့်ပြုလိုက်တယ်။ မိမိတို့နေရပ်က အပျက်အစီးတွေရှင်းလင်းဖို့ရယ်၊ အဖျက်ဆီးမခံရတဲ့အရာတွေ ပြန်လည် ရယူနိုင်ဖို့အတွက်ပေါ့။

    030-inside969

    ဗုဒ္ဓဘာသာဝင်နဲ့မွတ်စ်လင်မ်တို့အကြား ကြီးထွားလာတဲ့ ပဋိပက္ခကို အဖြေရှာရေးဆိုပြီး ရန်ကုန်မြို့ဆင်ခြေဖုံးရဲ့ ဘုန်းတော်ကြီးကျောင်းတစ်ခုမှာ သံဃာတော် အပါး ၂၀၀ ကျော်ပါဝင်တဲ့အစည်းအဝေးတစ်ရပ် ပြုလုပ်ခဲ့ကြတယ်။ ဦးဝီရသူ (အလယ်ပုံ) နဲ့ ဦးဝိမလ(၀ဲဖက်)က ခေါ်ယူစုရုံးခဲ့တာဖြစ်တယ်။ အဲ့ဒီစည်းဝေးပွဲဟာ ပဋိပက္ခဆိုင်ရာများကို အဖြေရှာကြိုးပမ်းခြင်းဆိုတာထက် များမကြာမီ အစိုးရဆီတင်ပြမယ့် ဘာသာခြားထိမ်းမြားမှုပိတ်ပင်ရေးဆိုတဲ့ ၉၆၉ လှုပ်ရှားမှုတစ်ရပ်ကို ထပ်တိုးလုပ်ဆောင်ဖို့သာ ဖြစ်နေတယ်လို့ ပြည်တွင်း၊ ပြည်ပမီဒီယာများက ဆိုပါတယ်။

    စင်္ကာပူက ဥပဒေပြဋ္ဌာန်းချက်ကိုမှီးပြီး မွတ်စ်လင်မ်အမျိုးသားများ နဲ့ ဗုဒ္ဓဘာသာဝင်အမျိုးသမီးများ ထိမ်းမြားရေးကို ပိတ်ပင်တားမြစ်စေလိုတဲ့ ဥပဒေပြုဖို့ စီမံချက်တစ်ခုပါ။ ဥပဒေကြမ်းမှာဖော်ပြထားတာက မွတ်စ်လင်မ်တွေအဖို့ အဲ့ဒီလို ပေါင်းဖက်ချင်ယင် သက်ဆိုင်ရာဒေသအာဏာပိုင်များရဲ့ ခွင့်ပြုချက်ကို ရယူရမယ်လို့ ဆိုထားပါတယ်။

    “ မွတ်စ်လင်မ်အမျိုးသားတွေက သူတို့ရဲ့မျိုးပွားရေးအတွက် ဆင်းရဲတဲ့ဗုဒ္ဓဘာသာအမျိုးသမီးတွေရဲ့မေတ္တာကို ရယူတဲ့နည်းနဲ့ ကြိုးပမ်းနေကြတယ်။ သူတို့ ကလေးတွေ အများကြီး မွေးကြလို့ သူတို့လူဦးရေ အဆမတန် များပြားလာတယ်။ အလွှမ်းမိုးမခံရအောင် မိမိကိုယ်ကိုကာကွယ်ဖို့ တာဝန်ရှိတယ် ” ဆိုပြီး ဦးဝိမလ (၄၁ နှစ်)က အဲ့ဒီ ဥပဒေမူကြမ်းကို ထောက်ခံပြောဆိုခဲ့တယ်။

    046-inside969-
    မန္တလေးမြို့မှ တရားပွဲတခုတွင်

    ဦးဝီရသူရဲ့နောက်လိုက်များဟာ မီးရောင်တွေ၊ အပြင်အဆင်တွေ ခမ်းခမ်းနားနားရှိတဲ့နေရာမှာ သူ့မိန့်ခွန်းကို စုရုံးနားဆင်ခဲ့ကြတယ်။ သူ့ဟောပြောမှုကို ပိတ်ကားကြီးတစ်ချပ်နဲ့လည်း တစ်ပြိုင်တည်း ထုတ်လွှတ်ပြသထားပါသေးတယ်။ သူ့ဟောပြောမှုဟာ ၂ နာရီနီးပါးကြာမြင့်ပြီး၊ ဟောပြောချက်ရဲ့ ၇၀ % လောက်က မွတ်စ်လင်မ်ဆန့်ကျင်ရေးများသာဖြစ်တဲ့အကြောင်း တက်ရောက်သူတစ်ဦးက The Diplomatic ကို ပြောပြခဲ့ပါတယ်။

    ဦးဝီရသူမှ ဟောပြောနေစဉ်မှာပဲ မကွာဝေးလွန်းလှတဲ့ ဓမ္မသာလခန်းမမှာ ပြည်တွင်းအဖွဲ့အစည်းနဲ့လူမှုအဖွဲ့အစည်းလှုပ်ရှားသူအများအပြားက ငြိမ်းချမ်းရေးခြေလှမ်းတစ်ရပ်အတွက် စုစည်းနေခဲ့ကြတယ်။ ဘာသာပေါင်းစုံက လူပေါင်း ၂၀၀၀ နီးပါးတက်ရောက်လာကြပြီး ဘာသာတရားအချင်းချင်း အပြန်အလှန်နားလည်မှုဆိုင်ရာ ပြောကြားချက်များကို နာယူခဲ့ကြလေရဲ့။

    လွန်ခဲ့တဲ့ ရက်သတ္တပတ် အလျင်က ဘာသာရေးအကြမ်းဖက်မှုကောလဟလတွေကြောင့် မိဘတွေက ကလေးတွေကို စာသင်ကျောင်းတွေကနေ ပြန်ခေါ်သွားခဲ့ကြတယ်။ အဲဒါကြောင့် ပဋိပက္ခများကြိုတင်တားဆီးရေးကော်မတီက ကနဦးခြေလှမ်းကို စတင်ဦးဆောင်ခဲ့တာပါ။

    Photo Credit-The Diplomat

    **thedipplomat တွင်ဖော်ပြထားသည့် The Mad Monks of Myanmar ဆောင်းပါးကို(မြင့်မိုရ်မောင်မောင်) ဆီလျော်အောင် မြန်မာလိုပြန်ဆိုပါသည်။

  • တရုတ်ပြည်၊ စင်းကျန်းနယ်မှ မျိုးဖြုတ်သုတ်သင်မှု (ဘာသာပြန် ဆောင်းပါး)

    ဇူလိုင်- ၅ ၊ ၂၀၁၃
    M-Media

    ဘာသာပြန်- မြင့်မိုရ်မောင်မောင်

    “ တရုတ်ပြည်က လုပ်ရပ်တစ်ချို့ဟာလည်း မျိုးဖြုတ်သုတ်သင်မှု အသွင်ဆောင်နေပါတယ်။ အဲ့ဒါကို Genocide ကလွဲပြီး ဖော်ပြလို့ရတဲ့ တခြားစကားလုံး မရှိဘူး ” လို့ တူရကီဝန်ကြီးချုပ် သွိုင်ယစ်ဘ် အာဒိုဂန် ဆိုလိုက်ပါတယ်။ ၂၀၀၉ ခုနှစ်၊ ဇူလိုင် ၅ ရက် အရေးအခင်းကာလအတွင်း စင်းကျန်းပြည်နယ်သားတွေအပေါ် ဆက်ဆံပြုမူခဲ့တဲ့ တရုတ်အာဏာပိုင်များရဲ့ ပေါ်လစီကို ရည်ညွှန်းပြောဆိုခြင်းဖြစ်တယ်။

    Arguing Genocide in Xinjiang

    စင်းကျန်းနယ်၊ ဥဂါးရ်ပြည်သူတွေအပေါ် ၂၀၀၉ ကိုင်တွယ်မှုနဲ့ပတ်သက်ပြီး အလားတူမှတ်ချက်မျိုးကို သမိုင်းကြောင်းအရ ပြန်ကောက်ကြည့်ယင် မျိုးဖြုတ်သုတ်သင်မှုဟာ လွန်ခဲ့တဲ့ နှစ်ပေါင်း ၆၀ ကျော်ကတည်းက စတင်ခဲ့တာပါ။

    ၁၉၄၈ ခုနှစ် ကွန်ဗင်းရှင်း၊ အခန်း ၂၊ မျိုးဖြုတ်သုတ်သင်မှုဆိုင်ရာကာကွယ်ရေးနှင့်အရေးယူခြင်းကဏ္ဍမှာ မျိုးဖြုတ်သုတ်သင်မှု – Genocide ကို “ နိုင်ငံသား သို့မဟုတ် လူမျိုးစု သို့မဟုတ် လူမျိုးနွယ် သို့မဟုတ် ဘာသာရေး အုပ်စုတစ်ရပ်ရပ်အပေါ် တစ်စိတ်တစ်ပိုင်းဖြစ်စေ၊ သိမ်းကျုံး၍ဖြစ်စေ ပျက်စီးအောင် ရည်ရွယ်ဆောင်ရွက်ခြင်း ” ဆိုပြီး အဓိပ္ပာယ်ဖွင့်ဆိုထားပါတယ်။

    တစ်ဆက်တည်းမှာဘဲ အဲ့ဒီရည်ရွယ်ဆောင်ရွက်မှု အထမြောက်စေတဲ့ အခြေအနေနှစ်ရပ်ကိုလည်း ဖော်ပြထားပါတယ်။
    (က) အုပ်စုတစ်စုရဲ့ဘ၀အနေအထားတွေအပေါ် တစ်စိတ်တစ်ပိုင်းဖြစ်စေ အားလုံးကိုဖြစ်စေ တမင်သက်သက်အားဖြင့် ရုပ်ပိုင်းအရ ပျက်စီးဆုံးရှုံးအောင် တွက်ချက်ကြံဆောင်တာ
    (ခ) အုပ်စုဝင်တွေကို သတ်ဖြတ်တာ

    တရုတ်နိုင်ငံကို လူမျိုးအနွယ်ဝင်အုပ်စု ပေါင်း ၅၆ မျိုးနဲ့ ဖွဲ့စည်းတည်ထောင်ခဲ့တာဖြစ်တယ်။ အစိုးရရဲ့စာရင်းဇယားအရ တရုတ်ပြည်လူဦးရေ သန်း ၁၂၀0 အနက် ၉၁.၆ % က ဟန်လူမျိုးတွေဖြစ်တယ်။ လူနည်းစုဝင် ဥဂါးရ်မွတ်စ်လင်မ်တွေက ပဉ္စမမြောက် လူဦးရေအများဆုံး နဲ့ ၈.၅ သန်းဝန်းကျင် ရှိကြတယ်လို့ ၂၀၀၀ ခုနှစ် နောက်ဆုံးကောက်ယူစာရင်းအရ သိရတယ်။

    ကီလိုမီတာ ၁.၆၆ သန်းပတ်လည်ကျယ်ဝန်းတဲ့ စင်းကျန်းနယ်မှာ ဒုတိယအကြီးဆုံး ရေနံသိုက်ကြီးရှိတယ်။ တန်ချိန်ပေါင်း ၂၇.၄ သန်းကို ထုတ်လုပ်ပေးနိုင်တယ်။

    ၂၀၁၀ ခုနှစ်အတွင်း သဘာဝဓာတ်ငွေ့တန်ချိန်ပေါင်း သန်း ၆၀ အထိ ထုတ်နိုင်ခဲ့တယ်လို့ ခန့်မှန်းကြတယ်။ သတ္ထုအမျိုးအစားပေါင်း ၁၃၈ မျိုးထဲက – တန်ချိန်ပေါင်း ၂.၁၈ ထရီလီယံ ကျောက်မီးသွေးသိုက်ကို ပိုင်ဆိုင်တဲ့ဒေသပါ။

    ပထ၀ီဝင်အနေအထားအရ သယံဇာတပေါကြွယ်ပြီး၊ အကြီးဆုံး တာရင်မ်မြစ်ကြီးအပါအ၀င် ဒေသတွင်းမှာ မြစ်ပေါင်း ၃၀၀ ကျော်နဲ့ အကြီးမားဆုံး ရေကြည်ကန်အပါအ၀င် ရေကန်ကြီးပေါင်း ၁၀၀ ရှိတယ်။ ရေခံမြေခံကောင်းပြီး ကျယ်ဝန်းလှတဲ့အတွက် စိုက်ပျိုးရေးထုတ်ကုန်မျိုးစုံကိုလည်း ပြည်ပကို တင်ပို့နိုင်ကြတယ်။

    ထပ်ဆိုရယင် မွန်ဂိုလိယား၊ ရုရှ၊ ကာဇက်စတန်၊ ကာဂျစ္စတန်၊ တာဂျီကစ္စတန်၊ အာဖဂန်နစ္စတန်၊ ပါကစ္စတန်၊ အိန္ဒိယ နိုင်ငံရှစ်ခုနဲ့ နယ်နမိတ်ချင်းထိစပ်နေတဲ့အတွက်လည်း တရုတ်ပြည်ကုန်းတွင်းပိုင်းအတွက် အဓိကပြူတင်းပေါက်တစ်ခု ဖြစ်နေတယ်။

    ဖော်ပြထားမှုတွေအပါအ၀င် အခြားသောအချက်အလက်များကြောင့် စင်းကျန်းပြည်နယ်ဟာ တရုတ်ကွန်မြူနစ်အစိုးရ အဖို့ အလွန်အရေးပါတဲ့ မဟာဗျူဟာဒေသလို့ ဆိုရပါမယ်။ ဒါကြောင့် ၁၉၄၈ ခုနှစ်ကတည်းကစပြီး နိုင်ငံရေး၊ ယဉ်ကျေးမှု၊ ဘာသာရေး၊ လူဦးရေတိုးပွားနှုန်း အပါအ၀င် အရာအားလုံးကို တစ်ဖက်စွန်းရောက် မူဝါဒတွေချမှတ်လို့ ကြမ်းတမ်းပြင်းထန်တဲ့အရေးယူခြင်းနဲ့အတူ ငြိမ်ဝပ်အောင် ကိုင်တွယ်ထိန်းချုပ်ထားခဲ့တာဖြစ်တယ်။

    ကွန်မြူနစ်နိုင်ငံထဲ တစ်သားတည်းကျအောင် သွတ်သွင်းမရတဲ့ အဓိကအတားအဆီးကြီးတစ်ရပ်က မားမားမတ်မတ် ရှိနေတယ်။ အဲ့ဒါကတော့ ဥဂါးရ်လူမျိုးစုတို့ရဲ့ တမူထူးခြားကွဲပြားလှတဲ့ ယဉ်ကျေးမှု ပါဘဲ။ ဒီဒေသက အစ္စလာမ်သာသနာကို အေဒီ ၆၇၅ ကတည်းက ထိတွေ့မှုရှိလာခဲ့တဲ့အတွက် ဥဂါးရ်ယဉ်ကျေးမှုဟာ အလွန်ခိုင်မာအမြစ်တွယ်ထားပြီး ဖြစ်တယ်။

    ချင်မင်းဆက် တရုတ်မန်ချုးအင်ပါယာက အရှေ့တာကစ္စတန်ကို ၁၈၈၄ ခုနှစ်မှာ အဓမ္မကျူးကျော်သိမ်းပိုက်ပြီး စင်းကျန်း(ရှင်းကျန်း) အဖြစ် အမည်ပြောင်းလိုက်တယ်။ အဲ့ဒီအချိန်ကစပြီး တရုတ်တို့ရဲ့ဒေသတစ်ခုလုံးကိုထိန်းချုပ်လိုမှုအပေါ် ဥဂါးရ်တို့ရဲ့ခုခံမှုဟာ မကြာခဏဆိုသလို ဖြစ်ပေါ်နေခဲ့တာပါဘဲ။ ၁၉၄၄ ခုနှစ်မှာတည်ထောင်လိုက်တဲ့ အရှေ့တာကစ္စတန်သမ္မတနိုင်ငံကို ပီကင်းက ဖြိုလဲနိုင်လိုက်တဲ့ အချိန်အထိ ဖြစ်ပွားခဲ့ရတယ်။

    ၁၉၄၉ ခုနှစ်ကစပြီး ဟန်တရုတ်တွေဟာ ၆ % ကနေ ၄၀ %အထိ တိုးပွားခဲ့တယ်လို့ ၂၀၀၁ ခုနှစ် တရားဝင်စာရင်းက ဆိုတယ်။ ဒေသတွင်း လူဦးရေကို အပြောင်းအလဲလုပ်ဖို့အတွက် တရုတ်အစိုးရက ဟန်လူမျိုးတွေကို ဒီဒေသထဲ အစီအစဉ်ရှိရှိ သွတ်သွင်းခဲ့တယ်။ ပြီးတော့ စင်းကျန်းကနေ ဥဂါးရ်တွေကို မောင်းထုတ်နိုင်ရေးအတွက် ဘ၀ရပ်တည်မှု အခြေအနေတွေကို ခက်ခဲကြမ်းတမ်းအောင် ဖန်တီးခဲ့ကြတယ်။

    ရုပ်ပိုင်းဆိုင်ရာချည့်နဲ့အောင် ပျက်ရာပျက်ကြောင်း တမင်ကြံစည်မှုများ
    —————————————————————————
    ပြောင်းဝင်လာကြတဲ့ ဟန်လူမျိုးတွေဟာ သွားလာရေး၊ အိုးအိမ် နဲ့ အာမခံကိစ္စတွေမှာ အမြဲလိုလို အခမဲ့ခံစားခွင့် ရကြတယ်။ ဒါ့အပြင် အလုပ်အကိုင်ရှာဖွေဖို့နဲ့စီးပွားရေးလုပ်ကိုင်နိုင်ဖို့ အစိုးရဖက်က ကူညီပေးကြတယ်။ စင်းကျန်းရဲ့ မြို့တော် အူရွမ်ကီ မှာရှိတဲ့ အစိုးရလက်အောက်အလုပ်သမားဌာနမှ ကြေငြာချက်တစ်ခုကိုကြည့်လိုက်ပါ “ ရုံးတွင်း ၀န်ထမ်းတစ်ဦး အလိုရှိသည်၊ အသက် ၁၈ မှ ၄၀ နှစ်အတွင်းဖြစ်ရမည်၊ အထက်တန်းအောင်လက်မှတ်ရပြီးသူ ဖြစ်ရမည်၊ ဟန်လူမျိုးများအတွက်သာ ” တဲ့။ (LATimes, July 11)

    စင်းကျန်းမှာ ဥဂါးရ်လူမျိုးအလုပ်သမား ၁.၅ သန်းလောက်က အလုပ်လက်မဲ့ ဖြစ်နေကြတယ်။ Amnesty ရဲ့ ၂၀၀၉ ခုနှစ်၊ ဧပြီလအစီရင်ခံစာအရ တရုတ်ပြည်ဥဂါးရ်တိုင်းရင်းနွယ်တွေဟာ ဟာရှာ hashar အမည်ရှိ စံနစ်တစ်ခုအောက်မှာ ဒုက္ခရောက်ကြရတယ်။ လယ်သမားမိသားစုအိမ်တိုင်းက တစ်ဦးစီကို လုပ်ခမရရှိတဲ့ စိုက်ပျိုးရေး၊ အခြေခံတည်ဆောက်ရေး နဲ့ အခြားအများပြည်သူဆိုင်ရာလုပ်ငန်းခွင်ထဲ အတင်းအဓမ္မ ပို့ဆောင်ခဲ့ကြတယ်။ ရံဖန်ရံခါ တစ်နှစ်အတွင်း အကြိမ်ကြိမ် ခိုင်းစေခံကြရတယ်။

    လုပ်အားခ တစ်ပြားမှမရ၊ နေစရာအခန်း သို့မဟုတ် တန်းလျားအဆောင် မပေးတဲ့အပြင် ကိုယ့်စားရိတ်နဲ့ကိုယ် အကုန်ကျခံသွားလာစေခဲ့တယ်။ မြေကွက်လပ်ဟင်းလင်းပြင်မှာ အိပ်စက်ကြရတယ်၊ အသင့်စားခေါက်ဆွဲတွေကို အလုပ်ကြမ်းလုပ်တဲ့နေ့ရက်တွေကလွဲပြီး ဘာမှမစားသောက်ကြရဘူးလို့ လူများစွာက ဆိုပါတယ်။ (Amnesty)

    ရှိပါသေးတယ်။ လူမှု-စီးပွားဆိုင်ရာ ဘက်ညီမျှတမှု ရှိမနေတာကိုလည်း အချက်တစ်ရပ်အဖြစ် ထင်ထင်ရှားရှား တွေ့ရတယ်။ စင်းကျန်းမှာ လာပြီးအခြေစိုက်တဲ့ ဟန်တရုတ်လူမျိုးတွေထက် ဥဂါးရ်လူမျိုးတွေက ပျမ်းမျှအားဖြင့် ဘ၀ပြေလည်မှု ၁၀ နှစ်စာလောက် ကျန်ရစ်နေခဲ့တာပါဘဲ။ (Human Rights Watch)

    “ အစိုးရက ဥဂါးရ်လူမျိုးတွေကို သူတို့ရဲ့ကျွန်အဖြစ် ဇာတ်သွင်းချင်နေကြတယ်။ ကျွန်တော်တို့လူမျိုးတွေ ကွယ်ပျောက်သွားဖို့ကိုလည်း သူတို့က လိုလားနေကြတယ် ” ဟု အူရွမ်ကီရှိ အထည်ကုန်သည်တစ်ဦးက Christian Science Monitor ကို ပြောကြားခဲ့ပါတယ်။ (CSMonitor)

    ဘာသာရေးရပ်တည်မှုအား တိုက်ခိုက်ခြင်း

    စင်းကျန်းမှာရှိတဲ့ ဟန်လူမျိုးတွေအပေါ် စီးပွားရေးမျက်နှာသာပေးမှုဆိုတာလည်း ဥဂါးရ်လူမျိုးစုရဲ့ဘာသာရေး၊ ယဉ်ကျေးမှုလွတ်လပ်ခွင့်တွေကို ကြမ်းကြမ်းတမ်းတမ်း ချုပ်ခြယ်မှုနဲ့အတူ ဒွန်တွဲထားကြတယ်။

    ဥဂါးရ်တွေရဲ့လူမျိုးရေးရပ်တည်ချက်ထဲမှာ အစ္စလာမ့်အရောင်က ခိုင်ခိုင်မာမာရှိနေကြောင်း သိတဲ့အတွက် အစ္စလာမ်ကို အမြစ်လှန်နိုင်အောင် တရုတ်အစိုးရက အပြင်းအထန် ဖြိုလဲနေခြင်းဖြစ်တယ်။ သီးခြားရပ်တည်လိုသူများလို့ အစိုးရက မိမိဖာသာတွေးထင်ထားသူများအတွက် ဘာခြေကုပ်မှမရှိအောင် ရည်ရွယ်တာလေ။

    အဖွဲ့အစည်းကနေ လူပုဂ္ဂိုလ်တစ်ဦးချင်းအဆင့်အထိ ဘာသာရေးနှိပ်ကွက်မှုတွေ ပြုလုပ်စေတယ်။

    ၂၀၀၁ ခုနှစ်၊ အောက်တိုဘာလမှာ စာသင်ကျောင်းတစ်ကျောင်းနဲ့ကပ်လျက်တည်ရှိတဲ့ ဗလီဝတ်ကျောင်းတစ်ခုကို မခိုင်မာတဲ့ အကြောင်းပြချက်နဲ့ ကော်ဇောစက်ရုံအဖြစ် ပြောင်းလဲ ပစ်လိုက်ကြောင်း စင်းကျန်းက ဥဂါးရ်တွေအပေါ် ဘာသာရေးဖိနှိပ်မှုနဲ့စပ်လျဉ်းပြီး HRW အစီရင်ခံစာက ဖော်ပြခဲ့တယ်။

    တစ်နှစ်လွန်ပြီးနောက် စင်းကျန်းတရုတ်အာဏာပိုင်များက ဒေသတွင်းမှာ ဗလီဝတ်ကျောင်းဆောက်လုပ်ခွင့် အလျဉ်းမရှိတော့ဘူးလို့ တရားဝင်ပိတ်ပင်လိုက်ပါတယ်။ နောက်တစ်ဆင့် တက်ပြီး ရာနဲ့ချီတဲ့ ဘာသာရေးကျမ်းဂန်တွေ၊ တိတ်ခွေတွေကို သိမ်းယူခဲ့ယုံမက ဘာသာရေးအဆောက်အဦးတွေကိုလည်း ရှင်းလင်းဖျက်ဆီးလိုက်ကြတယ်။

    အစိုးရ၀န်ထမ်းမွတ်စ်လင်မ်များဟာ ၀တ်ပြုခြင်း၊ ဥပုသ်သီလစောင့်ခြင်း စတဲ့ ဘာသာရေးကျင့်ရပ်တစ်ခုခုကို ပြုလုပ်တာနဲ့ အလုပ်ပြုတ်ဖို့သေချာသလောက် ဖြစ်သွားရတဲ့အထိပါဘဲ။ ဒါဟာ စင်းကျန်းက မွတ်စ်လင်မ်တွေရဲ့ နေ့တစ်ဓူဝဘ၀ဖြတ်သန်းမှုကို လှစ်ဟပြသနေခြင်းဖြစ်တယ်။

    သောကြာနေ့မှာဆိုယင် မွတ်စ်လင်မ်ကျောင်းသူကျောင်းသားတွေကို ကျောင်းထဲကပေး မထွက်ဘဲ ကျောင်းထဲမှာသာ နေ့လည်စာ စားခိုင်းတယ်။ သောကြာနေ့ဝတ်တက်မှု မလုပ်နိုင်အောင် တားဆီးပိတ်ပင်တဲ့ အဓမ္မမှုတစ်ခုပေါ့။ တစ်ခါ အသက် ၁၈ နှစ်အောက် မွတ်စ်လင်မ်ကလေးငယ်တွေကို ဗလီဝတ်ကျောင်းသွားခွင့် မပြုဘူး။ ဘာသာရေးပညာသင်ကြားခွင့်လည်း မပေးကြဘူးလို့ Amnesty အစီရင်ခံစာက ဖော်ပြခဲ့တယ်။

    စင်းကျန်းဥဂါးရ်ပြည်နယ်ဥပဒေ အခန်း ၁၄ မှာ ထည့်သွင်းထားတဲ့ လူနည်းစုပြည်နယ်များအားကာကွယ်ရေး(နှိပ်ကွက်ရေး)ဥပဒေပါစည်းမျဉ်းများဟာ တရုတ်ပြည်တွင်းထဲမှာလည်း အကောင်အထည်ဖော်ခဲ့ကြတယ်။ အဲ့ဒါကတော့ – မိဘတွေ၊ တရားဝင်အုပ်ထိန်းသူတွေဟာ လူနည်းစုဝင်ကလေးတွေကို ဘာသာရေးဆောင်ရွက်မှုများမှာ ပါဝင်ခွင့် မပြုရဘူး ဆိုတဲ့အချက် ဖြစ်တယ်။

    ၂၀၀၉ ခုနှစ်မှာထုတ်ပြန်တဲ့ Amnesty နောက်ထပ်အစီရင်ခံစာထဲမှာ ယူနန်ပြည်နယ်၊ ဟွေ(မွတ်စ်လင်မ်)ရပ်ဝန်းထဲ နေထိုင်ပြီး ပညာသင်ကြားနေကြတဲ့ အသက် ၈ နှစ်က ၁၄ နှစ်ကြားကလေးတွေကို ရဲတွေက ဖမ်းဆီးပြီး ပိုင်ကျားဟူ အကျဉ်းထောင်ထဲ ထိန်းသိမ်းချုပ်နှောင်လိုက်ကြတယ်။ တတ်စွမ်းနိုင်တဲ့မိဘများက တစ်ဦးကို ဒေါ်လာ ၃၁၄၀ နဲ့ ရွေးယူတဲ့အတွက် ကလေးငယ် ၁၀ ဦးလွတ်မြောက်သွားတယ်။ ငွေပေးမရွေးယူနိုင်ကြတဲ့ မိဘများကိုတော့ ဘာသာရေးအလုပ်ကို တရားမ၀င်ဆောင်ရွက်မှုနဲ့ သူတို့ကလေးတွေကို စီရင်သွားမယ့်အကြောင်း ပြောကြားခဲ့တယ်လို့ ဖော်ပြထားပါတယ်။ (Amnesty)

    စင်းကျန်းပြည်နယ်တောင်ပိုင်းက မွတ်စ်လင်မ်အမျိုးသမီးတွေဟာ ဦးခေါင်းခြုံလွှာ(ဟိဂျာ့ဗ်)ကို စွန့်ဖို့ ငြင်းဆန်ယင် တရုတ်အာဏာပိုင်များက ဒဏ်ငွေ ဒေါ်လာ ၃၆၀ ပေးဆောင်ခိုင်းတယ်လို့ ပြည်တွင်းသတင်းဌာနများက ဆိုပါတယ်။ အဲ့ဒီ ဒဏ်ငွေပမာဏဟာ ဥဂါးရ်လယ်သမားတစ်ဦးရဲ့ ငါးနှစ်စာဝင်ငွေနဲ့ ညီမျှနေပါတယ်။ (uygur.org)

    လူမျိုးစုဝင်များအား သတ်ဖြတ်ခြင်း

    နျူကလိယတိုးမြှင့်ဖော်ဆောင်ရေးအစီအစဉ်အရ တရုတ်အာဏာပိုင်များဟာ စင်းကျန်းနယ်၊ လော့ပ်နူးရ်မှာ ၁၉၆၄ ခုနှစ်ကတည်းက နျူကလိယစမ်းသပ်မှု ၄၃ ကြိမ် လုပ်ဆောင်ခဲ့ပြီးဖြစ်တယ်။ ၁၉၈၀ ခုနှစ်တိုင်အောင် ဟင်းလင်းပြင်လေထုထဲစမ်းသပ်မှုက ၂၃ ကြိမ်အထိရှိခဲ့တယ်။ ဗဟိုကွန်မြူနစ်အစိုးရက ဒီစမ်းသပ်မှုတွေ အဆုံးသတ်ပြီဖြစ်ကြောင်း ၁၉၉၆ ခုနှစ်မှာ ကြေငြာခဲ့တယ်။ (GreenPeace)

    လေထုဟင်းလင်းပြင်အတွင်း နျူကလိယစမ်းသပ်ခြင်းက ကင်ဆာရောဂါ၊ အင်္ဂါမစုံကလေးငယ်မွေးဖွားမှု နဲ့ အချိန်မတန်မီ မီးဖွားပြီး အသေမွေးဖွားမှုတို့ကို ဖြစ်ပေါ်ပြန့်ပွားစေပါတယ်။

    ၁၉၆၄ ခုနှစ်ကတည်းက လော့ပ်နူးရ် (Lop Nor)မှာ တရုတ်တွေရဲ့စမ်းသပ်မှုကြောင့် ပေါ်ထွက်လာတဲ့ ရေဒီယိုသတ္တိကြွမှု ပမာဏ ကို ” Radioactive Heaven and Earth ” စာအုပ်မှာ အသေးစိပ်ဖော်ပြထားပါတယ်။ အဲ့ဒီစာအုပ်ကို ၁၉၉၁ ခုနှစ်က နျူကလိယစစ်ပွဲတားဆီးရေး (Prevention of Nuclear War – IPPNW) အတွက် နိုင်ငံတကာရူပဗေဒပညာရှင်များမှ ရေးသားထုတ်ဝေခဲ့ကြတာပါ။

    Lop Nur ဒေသထဲ လေထုအတွင်း နျူကလိယစမ်းသပ်မှုကြောင့် ထွက်ရှိလာတဲ့ ပလူတိုနီယံ-၂၃၉ အလေးချိန်ပမာဏဟာ စုစုပေါင်း ၄၈ ကီလိုဂရမ်နီးပါးရှိတယ်လို့ ခန့်မှန်းထားကြတယ်။ ပလူတိုနီယံ-၂၃၉ တစ်ဂရမ်ရဲ့ အပုံတစ်သန်းပုံတစ်ပုံလောက် ရှူရှိုက်မိတာနဲ့ ကင်ဆာရောဂါဖြစ်လာနိုင်ကြောင်း IPPNW ကဆိုထားတယ်။

    ဒါ့အပြင် စထရွန်တီယမ်-၉၀ ယူနစ်ပေါင်း ၁.၃ သန်းကလည်း လေထုထဲ ပျံ့နှံ့သွားပြီဖြစ်တယ်။ စထရွန်တီယမ်-၉၀ က အရိုးထဲအထိ ၀င်ရောက်ပြီး လူ့ခန္ဓာကိုယ်ထဲ ခိုအောင်းလို့ ကာလအတန်ကြာအောင် ရေဒီယိုသတ္တိကြွမှုကို ဖြစ်ပေါ်စေတတ်ပါတယ်။

    အပြင်းစား ရိုက်ချိုးချက်

    ၁၉၉၆ ခုနှစ်မှာ တရုတ်ဗဟိုအစိုးရက မိမိတို့ခွင့်မပြုတဲ့ ဘာသာရေးဆောင်ရွက်ချက်တွေ နဲ့ (မိမိဖာသာထင်မြင်သတ်မှတ်ထားတဲ့) သီးခြားဆန်မှုထောက်ခံသူတွေကို ပစ်မှတ်ထားဦးတည်ပြီး ပြင်းပြင်းထန်ထန် ကျယ်ကျယ်ပြန့်ပြန့် ရိုက်ချိုးမယ့်အကြောင်း ကြေငြာခဲ့တယ်။ အဲ့ဒီ ကမ်ပိန်းအမည်က “Strike Hard” (Yan Da) လို့ ခေါ်တယ်။

    စင်းကျန်းမှာ ဘာသာရေးနဲ့ယဉ်ကျေးမှုရေးရာများအပေါ် အစိုးရရဲ့တင်းကြပ်ကန့်သတ်မှုများကို ယီနင်းမြို့ခံများစွာက ငြိမ်းချမ်းစွာ ကန့်ကွက်ဆန္ဒပြခဲ့ကြတယ်။ ၁၉၉၇ ခုနှစ် ဖေဖော်ဝါရီလအတွင်းမှာပါ။ ဒါပေမယ့် လုံခြုံရေးတပ်ဖွဲ့ဝင်တွေက ရက်ရက်စက်စက်တုန့်ပြန်ခဲ့ကြတယ်။ လက်နက်မဲ့ဆန္ဒပြသူတွေကို ပစ်ခတ်ခဲ့ကြရာမှာ တရားဝင်မှတ်တမ်းများအရ လူ ၁၀ ဦးသေဆုံးပြီး ၁၉၈ ဦးဒဏ်ရာရခဲ့တယ်။ လူပေါင်း ၅၀၀ အထိ အဖမ်းခံလိုက်ရတယ်။

    ၂၀၀၀ ခုနှစ်၊ စက်တင်ဘာလမှာ ထိပ်တန်းခေါင်းဆောင်ဖြစ်တဲ့ Zhu Rongji က တရုတ်ပြည်ရဲ့ညီညွတ်ရေး နဲ့တည်ငြိမ်ရေးထိပါးမှုအန္တရာယ်တွေကို ရင်ဆိုင်ဖို့အတွက် စင်းကျန်းနယ်ထဲမှာ “သံလက်သီး”တစ်လုံးပစ်သွင်းဖို့ လိုအပ်လာပြီဆိုပြီး ကြေငြာခဲ့တယ်။

    ၂၀၀၈ ခုနှစ်မှာ ဥဂါးရ်ခွဲထွက်ရေးသမားတွေရှိနေတယ်ဆိုတဲ့ မတရားစွပ်စွဲချက်နဲ့ အာဏာပိုင်များက ဥဂါးရ်လူမျိုးတွေကို ရှင်းလင်းဖို့ အကြမ်းကိုင်လုပ်ရပ်များစွာကို ဆက်တိုက်ကျူးလွန်ခဲ့ကြတယ်။ သြဂုတ်လ ၁၄ ရက်နေ့မှာ စင်းကျန်းဥဂါးရ်ဒေသ တရုတ်ကွန်မြူနစ်ပါတီအတွင်းရေးမှူး ၀မ်လီကွမ်းက “သေခြင်းနဲ့ရှင်ခြင်း ကြိုက်ရာရွေး”ဆိုပြီး ကြေငြာခဲ့တယ်လို့ Amnesty ရဲ့ ၂၀၀၉ ခုနှစ် ဧပြီလအစီရင်ခံစာမှာ ဖော်ပြထားတာတွေ့ရတယ်။

    ၂၀၀၉ ခုနှစ်၊ ဇူလိုင်လ ၅ ရက်မှာတော့ ဥဂါးရ်လူမျိုးတွေက တစ်ဖက်၊ ဟန်လူမျိုးနဲ့ရဲတပ်ဖွဲ့ဝင်တွေကတစ်ဖက် တိုက်ခိုက်မှုတွေ ဖြစ်ပွားလာခဲ့တယ်။ သေဆုံးသူ ၁၈၆ ဦး၊ ဒဏ်ရာရသူ ၁၆၀၀ နဲ့ ဖမ်းဆီးထိန်းသိမ်းခံရသူ ၁၄၀၀ ဦး အထိ ရှိခဲ့တယ်။

    တရုတ်အစိုးရအနေနဲ့ ဒေသတွင်းမှာ အကြမ်းဖက်ဝါဒတွေ ထိုးဖောက်ဝင်ရောက်လာမှာကို စိုးရိမ်နေရပြီဖြစ်တယ်။ နိုင်ငံသားတွေရဲ့အခွင့်အရေးကို အပြည့်အ၀ကာကွယ်ပေးဖို့ နဲ့ တရားဥပဒေစိုးမိုးဖို့ ကိုင်တွယ်သွားရပါမယ်။

    တစ်ပြိုင်နက်တည်းမှာဘဲ အရှေ့တာကစ္စတန် ဖြစ်တဲ့ စင်းကျန်းနယ်မှာ ကိုယ်ပိုင်ယဉ်ကျေးမှု နဲ့ ဘာသာရေးကျင့်သုံးခွင့်ကို ဥပဒေပြုပေးရပါမယ်။

    တရုတ်ရဲ့ထိန်းချုပ်မှုအောက်မှာရှိနေလင့်ကစား စင်းကျန်းဥဂါးရ်ကိုယ်ပိုင်အုပ်ချုပ်ခွင့်ရဒေသ အဖြစ် တရားဝင် အသိအမှတ်ပြုရမှာပါ။ အပြည်ပြည်ဆိုင်ရာလူ့အခွင့်အရေးနဲ့အညီ လွတ်လပ်စွာယုံကြည်ကိုးကွယ်ခွင့်၊ ပြည်သူမှ အစိုးရကို ရွေးချယ်တင်မြှောက်ခွင့်၊ ဒေသနှင့်လိုက်လျောညီထွေဖြစ်မယ့် ကိုယ်ပိုင်ဥပဒေပြုခွင့် ရှိရပါလိမ့်မယ်။

    “ ငါနဲ့မတူ ငါ့ရန်သူ ” စံနစ်ဟာ အကြမ်းဖက်မှုကိုသာ ပိုမို မွေးဖွားလာစေပါတယ်။ သံလက်သီး သို့မဟုတ် အပြင်းစား ရိုက်ချိုးချက် ပေါ်လစီဟာ တာရှည်ရပ်တည်နိုင်မှာ မဟုတ်ပေဘူး။

    အရှေ့တာကစ္စတန်မှာ  မျိုးဖြုတ်သုတ်သင်မှုကိစ္စက နိုင်ငံတကာသဘောတူညီချက် ရှေ့မှောက်မှာပင် ကာလကြာရှည်ဖြစ်ပွားနေခဲ့ပြီးပါပြီ။ ဒါကို အဆုံးသတ်လိုက်ဖို့ အချိန်တန်ပါပြီလို့ အာဒိုဂန်က မှတ်ချက်ပြုသုံးသပ်ပြောဆိုလိုက်ပါတယ်။

    **  အီဂျစ်ပညာရှင် အဗ်ဒလ် ရဟ်မာန် ရာ့ရ်ှဒန် (Abdelrahman Rashdan) ရေးသားသော Arguing Genocide in Xinjiang (East Turkestan) ဆောင်းပါးကို မြင့်မိုရ်မောင်မောင် မှ ဆီလျော်အောင် မြန်မာပြန်ဆိုပါသည်  **

    Ref: OnIslam

  • လူနည်းစုဝင် မြန်မာမွတ်စ်လင်မ်တို့မှ ရင်ဆိုင်နေရသော စိုးထိတ်မှု နှင့် မယုံစားရဲမှု (ဘာသာပြန် ဆောင်းပါး)

    မူရင်းဆောင်းပါးရှင်-  Thomas Fuller (နယူးယော့ခ်တိုင်းမ်)
    ဘာသာပြန်- သာကီထက်ကောင်း
    M-Media

    ပိန်းပိတ်အောင်မှောင်မိုက်နေဆဲ ရန်ကုန်ညဥ့် ……. မလောက်မငသော လျှပ်စစ်ဓာတ်အားဖြင့် လမ်းဘေးမီးတိုင်များက လင်းချည်တစ်ခါ မှောင်ချည်တစ်လှည့် မြို့တော်ရန်ကုန်ဝယ် မွတ်စ်လင်မ်အမျိုးသားတစ်စုမှ နံနက်အရုဏ်ချိန်အထိ မိမိတို့၏ ၀န်းကျင်အတွက် လမ်းကြားလမ်းမြှောင်များကိုပါ အလွတ်မပေးဘဲ စောင့်ကြပ်ကင်းစောင့်နေကြ၏။

    muslim-minority-confronts-fear-and-mistrust
    Credit: Adam Dean for The New York Times

    အရေးပေါ်ကင်းလှည့်စောင့်ကြပ်ရေးအစီအစဉ်တစ်ခုအတွက် စုစည်းထားသည့် ကင်းသမား ၁၃၀ အနက်မှ လူ ၆ ဦးနှင့်အတူရှိနေသော လုပ်ငန်းရှင် ဦးညီညီသည် ပလပ်စတစ်ကုလားထိုင်တစ်လုံးပေါ်ထိုင်လျက် “ ကျွန်တော်တို့ရဲ့ လုံခြုံရေးအတွက် သက်ဆိုင်ရာက အာမခံချက် မပေးနိုင်ကြဘူးဗျာ ” ဟု ညည်းငြူလေသည်။

    လူများစုဗုဒ္ဓဘာသာဝင်များနှင့် ဆယ်စုနှစ်အမြောက်အများ ငြိမ်းချမ်းစွာအတူယှဉ်တွဲနေထိုင်ခဲ့ကြသော မွတ်စ်လင်မ်တို့မှာ ယခုသော် နောက်ထပ်ရန်ပြုတိုက်ခိုက်မှု မည်သည့်အချိန်ရောက်လာဦးမည်နည်းဟု အလျဉ်မပြတ် စိုးတထိတ်ထိတ် ရှိနေကြပေပြီ။ လွန်ခဲ့သောတစ်နှစ်ကျော်မှစ၍ သွေးဆူနေသော ဗုဒ္ဓဘာသာလူရမ်းကားအုပ်စုများက နိုင်ငံအတွင်း အကြမ်းဖက်မှုများကို ဆက်တိုက်ကျူးလွန်နေခြင်းက မိမိဝန်းကျင်ထံ အကြမ်းဖက်မှုဆိုက်ရောက်လာလျှင် မိမိတို့ ကိုယ်တိုင်သာကာကွယ်ရမည့်အသိအား သင်ကြားပေးလိုက်သည်။

    “ ကျွန်တော်တို့ကို ရဲတွေက ကာကွယ်ပေးမယ်လို့ ကျွန်တော် မထင်ဘူး ” ဟု ဦးညီညီမှ ရင်ဖွင့်၏။

    အလွှာစုံပါဝင်သော အမျိုးသားအဖွဲ့တစ်ခုမှ သစ်သားဒုတ်များ၊ သံပိုက်များကို မနီးမဝေးတွင် အရံသင့်ဆောင်ထားပြီး လူစိမ်းမှန်သမျှအား သံသယဖြင့် စောင့်ကြည့်နေရသည့် လုံခြုံရေးကင်းစောင့်အစီအစဉ်သည် မြန်မာနိုင်ငံရှိ ဗုဒ္ဓဘာသာဝင် နှင့် မွတ်စ်လင်မ်တို့အကြားဆက်ဆံရေးမှာ မည်မျှဆိုးရွားနေကြောင်း ဖော်ပြရာ သင်္ကေတ တစ်ရပ် ဖြစ်လို့နေပါသည်။

    ၅၅ သန်းရှိ နိုင်ငံ့လူဦးရေ၌ ၉၀ % သည် ဗုဒ္ဓဘာသာဝင်များဖြစ်ပြီး မွတ်စ်လင်မ်တို့မှာ ၄-၈ % အတွင်းသာရှိသည်ဟု ဆိုသည်။

    ဗြိတိသျှကိုလိုနီခေတ်ကာလကတည်းက ရန်ကုန်မြို့သည် လူမျိုးဘာသာယဉ်ကျေးမှုစုံယှဉ်တွဲနေထိုင်သော မြို့တစ်မြို့ ဖြစ်သည်။ ဗုဒ္ဓဘာသာဝင်တို့သည် မွတ်စ်လင်မ်၊ ခရစ်ယာန်၊ ဟိန္ဒူတို့နှင့် လက်ပွန်းတတီး နေထိုင်ခဲ့ကြသည်။ ဗလီ ၀တ်ကျောင်းတော်များ နှင့် ဘုရားစေတီများမှာ အရိပ်ချင်းပင် ထပ်နေခဲ့ပေသည်။

    ယခုသော်ကား လူ့အဖွဲ့အစည်းနှစ်ရပ်စလုံးအကြားတွင် စိုးရိမ်ထိတ်လန့်ခြင်း နှင့် သံသယ တည်းဟူသော အရောင်ဆိုးမှုကို ခံနေရပါသည်။

    တစ်နှစ်ကျော်အတွင်း မွတ်စ်လင်မ်ဦးရေ ၂၀၀ ခန့်အသက်ဆုံးရှုံးစေခဲ့သော အကြမ်းဖက်ခြင်း၏အရင်းအမြစ်ကို ကိုလိုနီခေတ်၏ဆိုးမွေတစ်စိတ်တစ်ပိုင်း၌ တွေ့ရ၏။ ထိုစဉ်က မြန်မာနိုင်ငံသို့ အိန္ဒိယသားများသည် ၀န်ထမ်းများ၊ စစ်သည်များအဖြစ် ရောက်လာခဲ့ကြသည်။ ၄င်းတို့အနက်အများစုမှာ မွတ်စ်လင်မ်များဖြစ်ကြသည်။ ထိုအချက်ကို ဗုဒ္ဓဘာသာမြန်မာတို့အတွင်း အာဃာတ ထားခဲ့ကြသည်။

    လတ်တစ်လောကာလများတွင် အစွန်းရောက်ဘုန်းတော်ကြီးများက ၄င်းသမိုင်းဆိုင်ရာမကြေလည်မှုအား ပြန်လည်တည်ဆောက်ကာ – မွတ်စ်လင်မ်တို့သည် ဗုဒ္ဓဘာသာဝင်များထက် ကလေးများပြားသဖြင့် ဗုဒ္ဓဘာသာဝင်တို့အား အင်အားဆုတ်ယုတ်စေသည် ဟူ၍ စိုးရိမ်ထိတ်လန့်မှုကို သွတ်သွင်းလျက်ရှိသည်။

    တစ်ချိန်က နိုင်ငံအကြီးဆုံးမြို့တော်ဖြစ်သည့် ရန်ကုန်မှာ အကြမ်းဖက်မှုများနှင့် အတော်အတန် လွတ်ကင်းနေဆဲ။ သို့သော် မကြီးကျယ်လှသည့်ပဋိပက္ခအနည်းငယ်ရှိခဲ့သဖြင့် စိုးရိမ်မှုကို ပိုမိုတိုးပွားစေပြီး၊ ဗုဒ္ဓဘာသာ နှင့် မွတ်စ်လင်မ် အသိုင်းအ၀ိုင်းနှစ်ရပ်စလုံးထံ၌ တိုက်ခိုက်မှုများဖြစ်ပွားတော့မည့်အလား ကောလဟလ ထုတ်လွှင့်ခြင်းလည်း ရှိနေသည်။

    မတ်လတွင် ဗုဒ္ဓဘာသာဝင်လူရမ်းကားတို့မှ မိတ္ထီလာမြို့အား ချေမွဖျက်ဆီးလိုက်သည့်ကာလနောက်ပိုင်း ထရပ်ကားနှစ်စီးအပြည့်နှင့်လူအချို့သည် ဦးညီညီ၏ နယ်မြေ၀န်းကျင်အတွင်း လှည့်ပတ်ကာ ညဥ့်ကင်းစောင့်နေသူများကို လေးခွဖြင့် ပစ်ခတ်ရန်စခဲ့ကြသည်။

    မွတ်စ်လင်မ်အချို့မှာ မလေးရှားသို့လည်းကောင်း၊ စင်္ကာပူသို့လည်းကောင်း နည်းလမ်းရှာ၍ အလွတ်ရုန်းသွားခဲ့ကြပြီ။ မွတ်စ်လင်မ်ပိုင်စီးပွားရေးလုပ်ငန်းများမှာလည်း ဗုဒ္ဓဘာသာဝင်ဖောက်သည်များ လျော့ပါးလာနေသည်။  နိုင်ငံ့ထိပ်တန်းခေါင်းဆောင်အချို့၏ ကောင်းချီးသြဘာပေးခြင်းခံရသော ၉၆၉ လှုပ်ရှားမှုသည် မွတ်စ်လင်မ်တို့၏ထုတ်ကုန်ပစ္စည်းများနှင့်လုပ်ငန်းများကို သပိတ်မှောက်ရန်၊ ဘာသာခြားများကို လက်ထပ်ထိမ်းမြားခြင်းမပြုရန် အပြင်းအထန် လှုံ့ဆော်လျက်ရှိနေသည်။

    ထိုလှုပ်ရှားမှုက အကြမ်းဖက်မှုများတွင် မိမိတို့ မပါဝင်ကြောင်း ဆိုလေ့ရှိသော်လည်း ၄င်းတို့၏ အမုန်းသွတ်သွင်းတရားများဟောပြောခြင်းကြောင့် သွေးချောင်းစီးသတ်ဖြတ်မှုများဖြစ်ပေါ်လာစေသည်ဟု ဝေဖန်ချက်များ ရှိနေသည်။

    (ဆူးလေ)စေတီတော်၊ ခရစ်ယာန်ဘုရားကျောင်း၊ ဟိန္ဒူဘုရားကျောင်းတစ်ခုစီနှင့် အကွာအဝေးအနည်းမျှ ၀ိုင်းရံတည်ရှိနေသော ဘန်ဂါလီဗလီ၏ ဂေါပကအဖွဲ့ဝင်တစ်ဦးဖြစ်သူ ထုတ်ကုန်သွင်းကုန်လုပ်ငန်းပိုင်ရှင် ဦးမောင်မောင်မြင့်က “ ဒီအဖြစ်မျိုးကို ကျွန်တော့်တစ်သက်မှာ ဒီတစ်ကြိမ်ဘဲ ကြုံဖူးသေးတယ် ” ဟု ပြောပြခဲ့သည်။ လူ့အဖွဲ့အစည်းများအကြား မယုံစားရဲ ဖြစ်နေကြသည်ကို သူက အထူးရည်ညွှန်းပြောဆိုခြင်းဖြစ်သည်။

    မိမိဘ၀တစ်လျှောက်လုံး မြန်မာလူမျိုးအဖြစ်ခံယူလာခဲ့ပြီးနောက်မှာမှ (မိမိတို့မွတ်စ်လင်မ်များမှာ) သစ္စာဖောက်ခံရသည်ဟု ခံစားရကြောင်း၊ စစ်အုပ်ချုပ်ရေးကာလအတွင်း နိုင်ငံရေးအပြောင်းအလဲအတွက် ဖြစ်ရပ်နှစ်ကြိမ်ထက်မနည်း အတိုက်အခံပြုဆန္ဒပြသူများနှင့် မွတ်စ်လင်မ်တို့မှ လက်တွဲခဲ့ကြသည့်အကြောင်းကို ဦးမောင်မောင်မြင့်က ဤသို့ပြောပြခဲ့၏။
    “ ကျွန်တော်တို့တစ်တွေ အမေရိကန်သံရုံးရှေ့ဖက်ကို ချီတက်သွားပြီး ဒီမိုကရေစီသာအလိုရှိကြောင်း ကြွေးကြော်ခဲ့ကြတယ်။ ကျွန်တော်တို့မျှော်လင့်တာက ဘ၀ရေးရာ ပိုမိုငြိမ်းချမ်းဖို့ပါ။ ဒီလိုဖြစ်လာဖို့ ကျွန်တော်တို့ မမျှော်လင့်ခဲ့ကြပါဘူး ”။
    မီးရှို့ဖျက်ဆီးမှုမှကာကွယ်ရန် လုံခြုံရေးကင်မရာတပ်ဆင်ထားပြီးဖြစ်သော ထိုဗလီဝတ်ကျောင်းတော်၏ တတိယထပ်၌ သောကြာဝတ်ပြုမှုအပြီး အင်တာဗျူးလုပ်စဉ် သူမှ ပြောပြခဲ့ခြင်းဖြစ်သည်။

    ယခု မြန်မာနိုင်ငံအား အုပ်ချုပ်နေသည်မှာ အမည်ခံအရပ်သားအစိုးရ ဖြစ်၏။ ၄င်းတို့က ရန်ငြိုးဟောင်းကို လွတ်လပ်မှုအသစ်ဖြင့် ချဲ့ကားလျက်ရှိ၏။

    အကြမ်းဖက်မှုအများအပြားကို ပြည်တွင်းပြည်ပသိအောင် ခေါင်းကြီးပိုင်း၌ တင်ကြသော်လည်း မကြီးမားသည့်ဖြစ်အင်များကိုမူ တင်ပြခြင်း မရှိကြချေ။ ရန်ကုန်၊ လှိုင်မြစ်တစ်ဖက်ကမ်းရှိ လှိုင်သာယာမြို့နယ်တွင် ဖေဖော်ဝါရီလအတွင်း ဗုဒ္ဓဘာသာဝင်လူတစ်စုမှ ဦးခင်မောင်ဌေး (၅၉ နှစ်) ၏ ကုန်စုံဆိုင်အား တိုက်ခိုက်ဖျက်ဆီးခဲ့သည့် အလားတူဖြစ်အင်မျိုးမှာ သတင်း၌ ဖော်ပြခြင်း မခံကြရ။ ဦးခင်မောင်ဌေးမှာ ရပ်ကွက်လူကြီးတစ်ဦးဖြစ်ပြီး၊ အခြေအနေ ဆိုးဝါးလာတော့မည်ကို သူ၏ ဗုဒ္ဓဘာသာဝင်မိတ်ဆွေအချို့မှ သတိပေးခဲ့ကြ၏။ ထို့ကြောင့် ရဲစခန်းသို့ ဖုန်းဆက်ရာ “ မပူပါနဲ့၊ ဘာပြဿနာမှ မဖြစ်ပါဘူး ” ဟု  ပြန်လည်ဖြေကြားခဲ့ကြသည်။

    ယင်းဗုဒ္ဓဘာသာဝင်လူသွမ်းအုပ်စုမှ တိုက်ခိုက်ကြသောအခါ ရဲတပ်ဖွဲ့ဝင်များ ရောက်ရှိလာသော်လည်း လူစုခွဲခြင်းကို ဆောင်ရွက်ပေးခြင်း မရှိသဖြင့် ဆိုင်ခန်းအဖျက်ခံရပြီး ဆိုင်းတွင်းရှိပစ္စည်းအားလုံး ဆုံးရှုံးသွားရသည်။ သူလည်း နေအိမ်ကို စွန့်ခွာပြီး ရန်ကုန်မြို့လယ်ရှိ ဆွေမျိုးသားချင်းများထံ ဒုက္ခသည်အဖြစ် သွားရောက်ခိုလှုံလိုက်ရသည်။ မိမိနေရာဟောင်းသို့  ပြန်သွားနေရန်ကြိုးစားသော်လည်း သူ၏ဖောက်သည်ဟောင်းများတစ်ချို့ပါဝင်သော နယ်ခံတို့က သူ့အား “ အိန္ဒိယကို ပြန်သွား၊ ဘင်္ဂလားဒေ့ရ်ှကို ပြန်သွား ” ဆိုပြီး အော်ဟစ် ခြိမ်းခြောက်ခဲ့သည်ဟု ဆိုသည်။

    အကြမ်းဖက်မှုများအတွင်း မွတ်စ်လင်မ်များ တိုင်းပြည်မှထွက်သွားရန် ကြံစည်ပြောဆိုချက်သည် မိမိကိုမိမိ မြန်မာများအဖြစ် ထာဝစဉ် မှတ်ယူလာသော မွတ်စ်လင်မ်များစွာအား စိတ်ထိခိုက်သွားစေသည်။ ဦးခင်မောင်ဌေး၊ သူ့ဖခင် နှင့် သူ့အဖို့တို့အားလုံးမှာ မြန်မာပြည်ဖွားများသာ ဖြစ်ကြသည်။

    မြန်မာမွတ်စ်လင်မ်တို့သည် မတူကွဲပြားသည့် လူမျိုးနွယ်၊ အသွင်အပြင်အမျိုးမျိုးဖြင့် ပေါင်းစပ်ဖွဲ့စည်းထားသော လူ့အဖွဲ့အစည်းဖြစ်သည်။ လူ့အဖွဲ့အစည်းဝင်အချို့၌ အမျိုးသမီးများက ခေါင်းမြီးခြုံကြပြီး အမျိုးသားများက မုတ်ဆိတ် ထားကြသည်။ သို့ရာတွင် ထိုအချက်က မြန်မာ့လူ့အဖွဲ့အစည်းဝင်နှင့် ကွဲပြားခြားနားအောင် ပြုလုပ်လိုက်သကဲ့သို့ ဖြစ်သွားသည်ဟု ဆိုကြသည်။

    မိမိ၏ဖောက်သည် ၉၀ % ခန့်မှာ ဗုဒ္ဓဘာသာဝင်များပင်ဖြစ်၏။ သို့သော် ဤနှစ်အစောပိုင်းမှစ၍ ၄င်းတို့အနက် အတော်များများမှာ ရောက်မလာကြတော့။ ၄င်းမှာ ပထမဆုံး ချိုးနှိမ်ခွဲခြားဆက်ဆံခံရမှုအဖြစ် မိမိမှ ခံစားခဲ့ရသည်ဟု ဦးခင်မောင်ဌေးက ပြောခဲ့သည်။

    မြန်မာနိုင်ငံရှိ ဗုဒ္ဓဘာသာဝင်များသည် မွတ်စ်လင်မ်တို့အပေါ် မနှစ်မြို့မှုကို မကြာခဏဆိုသလို ထုတ်ဖော်ပြောဆိုတတ်ကြသည်။

    ရန်ကုန်မြို့မှ အောင်မြင်သောစားသောက်ဆိုင်တစ်ဆိုင်၏ ပိုင်ရှင်ဖြစ်သူ ဦးစိုးညီညီ က မိမိသည် မွတ်စ်လင်မ်များကို လုပ်သားအဖြစ်ခန့်အပ်ခြင်းမှ များသောအားဖြင့် ရှောင်ကြဉ်လေ့ရှိကြောင်း “ သူတို့ရဲ့စိတ်သဘောထား၊ သူတို့ရဲ့ ဟန်အမူအရာ၊ သူတို့ရဲ့အကျင့်စရိုက်တွေက ကျွန်တော်တို့နဲ့ အလွန်ကွာခြားနေပါတယ် ” ဟူ၍ ဆိုသည်။ သူ၏ လုပ်သား ၁၈၀၀ အနက် ကားရပ်နေရာအစောင့် နှင့် အအေးဖျော်သူ နှစ်ဦးသာ မွတ်စ်လင်မ်ဝန်ထမ်းများ ဖြစ်ကြသည်။

    မြေယာရောင်းဝယ်မှုလုပ်ငန်းတွင်လည်း အဆောက်အဦပိုင်ရှင် ဗုဒ္ဓဘာသာဝင်တို့က မွတ်စ်လင်မ်တို့အား တိုက်ခန်းများ ရောင်းချပေးလိုခြင်း မရှိကြချေ။ “ တကယ်လို့ မွတ်စ်လင်မ်မိသားစုတစ်စုကို အခန်းတစ်ခန်းရောင်းပေးလိုက်ယင် အဆောက်အဦတစ်ခုလုံးရဲ့ဈေးနှုန်းကျဆင်းသွားလိမ့်မယ် ” ဟု ဦးစိုးညီညီကပင် ပြောပြခဲ့၏။ အိန္ဒိယမှ ဓာတ်ငွေ့မီးဖိုများ တင်သွင်းရောင်းချသူ ဦးမြင့်သိန်းက အကြမ်းဖက်မှုများနှင့်ပတ်သက်ပြီး မိမိ၏ကလေးငယ်တို့အား နားလည်အောင် ရှင်းပြရန် မလွယ်ကူပါဟု ဆိုကာ ဤသို့ ပြောကြားပါတော့သည်။

    “ ဒီတုန်လှုပ်ဖွယ်ကိစ္စတွေ မကြားမိစေအောင် ကျွန်တော် အတတ်နိုင်ဆုံး ကြိုးစားခဲ့ပေမယ့် သူတို့ ကြားသိသွားခဲ့တယ်။ ဒီနိုင်ငံကိုစွန့်ခွာဖို့ ကျွန်တော့်အနေနဲ့ တစ်သက်နဲ့တစ်ကိုယ် မစဉ်းစားခဲ့ဖူးပါဘူး။ ဒါပေမယ့် ဒီလိုရှေ့ဆက်ဖြစ်ပျက်နေမှုကြားမှာ ကလေးတွေကို မနေထိုင်မရှင်သန်စေချင်တော့ဘူးဗျာ ”။

     

    **  အမေရိကန်ပြည်ထောင်စုမှ ၂၀၁၃ ခုနှစ်၊ ဇူလိုင်လ ၃ ရက်ထုတ် နျူးယော့ခ်တိုင်းမ် မဂ္ဂဇင်းတွင်  ဖော်ပြလိုက်သော Myanmar’s Muslim Minority Confronts Fear and Mistrust ဆောင်းပါးကို သာကီထက်ကောင်းမှ မြန်မာလိုဆီလျော်အောင်ပြန်ဆိုသည်။ မူရင်း ဆောင်းပါးရှင်မှာ သောမတ်စ်ဖူလာ ( Thomas Fuller ) ဖြစ်သည်။ **