News @ M-Media

Category: ဘာသာပြန်

  • ရိုက်တာ အထူး အစီရင်ခံချက် – မွတ်စလင် ဆန့်ကျင်ရေး ဘုန်းကြီးများကို အစိုးရမှ တရားဝင် အမွှန်းတင်

    မူရင်းဆောင်းပါးရှင် – အန်ဒရူး အရ်၊စီ မာရှယ်
    ကိုယ်ရေးအကျဉ်း (http://blogs.reuters.com/andrew-rc-marshall)
    ဖြည့်စွက်သတင်းပေးပို့မှု – မင်းဇေယျာဦး၊ တည်းဖြတ် – ဘီလ် တာရန့် နှင့် မိုက်ကယ် ၀ီလျံ
    ရိုက်တာ  Special Report  ( http://www.reuters.com/article/2013/06/27/us-myanmar-969-specialreport-idUSBRE95Q04720130627)

    ဘာသာပြန် – သာကီထက်ကောင်း
    တည်းဖြတ် – အမ်-မီဒီယာ

    Buddhist monk Wirathu, leader of the 969 movement, greets other monks as he attends a meeting on the National Protection Law at a monastery outside Yangon
    Buddhist monk Wirathu (C), leader of the 969 movement, greets other monks as he attends a meeting on the National Protection Law at a monastery outside Yangon June 27, 2013.
    Credit: REUTERS/Soe Zeya Tun

    ရန်ကုန်၊ ရိုက်တာ။    ။ ၉၆၉ ဟုကျော်ကြားသော မြန်မာဗုဒ္ဓအစွန်းရောက်လှုပ်ရှားမှုမှာ အခြေခံလူတန်းစားတစ်ရပ်လုံးအတွက်ယုံကြည်ချက် အဖြစ် မိမိဖာသာ ရုပ်လုံးဖော်လျက်ရှိ၏။ ၄င်း၏အမာခံခေါင်းဆောင်ကြီး ဦးဝီရသူသည် မွတ်စ်လင်မ်ဆန့်ကျင်ရေး အကြမ်းဖက်မှု အတွက် စစ်အစိုးရဟောင်းမှ ထောင်သွင်း အကျဉ်းချခြင်း ခံခဲ့ရသူ ဖြစ်သလို  ယင်းဘုန်းတော်ကြီးက မိမိကိုယ်ကို “ဗမာဘင်လာဒင်” ဟု ခေါ်ဝေါ်ခဲ့ဖူးသည်။

    ၉၆၉ ၏ မူလမြစ်ဖျားခံရာကို ရိုက်တာသတင်းထောက်များမှ ခြေရာခံကြည့်သောအခါ တစ်ခါက မြန်မာပြည်၏အာဏာရှင်စနစ်၏ အရာရှိတစ်ဦးမှ စတင်ခဲ့ကြောင်း တွေ့ရသည်။  ယနေ့ ပြုပြင်ပြောင်းလဲရေးအစိုးရသည်လည်း ယင်းအာဏာရှင်စနစ် မျိုးဆက်ဟောင်းမှ တိုက်ရိုက်ဆင်းသက်လာခြင်းဖြစ်သည်။ ယခုတွင်မူ ၉၆၉ လှုပ်ရှားမှုတွင် အထက်တန်းအစိုးရအရာရှိများ၊ သြဇာရှိဘုန်းတော်ကြီးများသာမက နိုဗယ်လ်ဆုရှင် ဒေါ်အောင်ဆန်းစုကြည်၏ အတိုက်အခံနိုင်ငံရေးပါတီ NLD မှ အဖွဲ့ဝင်တစ်ချို့ပင်လျှင် ထောက်ခံပါဝင်နေကြပေသည်။

    ဦးဝီရသူမှ မွတ်စ်လင်မ်တို့၏ဆိုင်များကို သပိတ်မှောက်ရန်အပြင် ဘာသာခြားတို့နှင့်ထိမ်းမြားမှုပိတ်ပင်ဖို့ကိုပါ ဗုဒ္ဓဘာသာဝင်တို့အား နှိုးဆော်လျက်ရှိသည်။ သူသည် ဗလ်ီများကို “ရန်သူ့စစ်စခန်းများ”ဟု ခေါ်ဝေါ် သမုတ် နေပေသည်။ သူ့အားကြည်ညိုသူများအနက် သာသနာရေးဝန်ကြီးဌာနလည်း အပါအ၀င် ဖြစ်သည်။

    “ ဦးဝီရသူရဲ့ဟောကြားချက်များဟာ မေတ္တာတရားကို ဖော်ကျူးခြင်း နဲ့ ဘာသာတရားများအကြားနားလည်မှုထားရှိရေး အကြောင်းတွေသာဖြစ်တယ်။ ဘာသာရေးအကြမ်းဖက်မှုဖြစ်လာအောင် သူကလှုံ့ဆော်နေတယ်ဆိုတာ မဖြစ်နိုင် ပါဘူး ” ဟု သာသနာရေးဝန်ကြီး ဦးဆန်းဆင့်က နိုင်ငံတကာမီဒီယာများနှင့် ပထမဆုံး အင်တာဗျူးလုပ်စဉ် ရိုက်တာသတင်းဌာနသို့ ပြောကြားခဲ့သည်။

    မြန်မာစစ်တပ်၌ ဒုတိယဗိုလ်ချုပ်ကြီးဖြစ်ခဲ့သော ဦးဆန်းဆင့်သည် ၉၆၉ သံဃာများမှဦးဆောင်၍ မွတ်စ်လင်မ်တို့၏ စီးပွားရေးလုပ်ငန်းများအား သပိတ်မှောက်နေခြင်းကို မှားယွင်းချွတ်ချော်မှုဟု မမြင်သည့်အလား “ ကျွန်တော်တို့ဟာ ဈေးကွက် စီးပွားရေးစံနစ်ကို ကျင့်သုံးနေပါတယ်။ ဘယ်သူမှ ဒါကို တားလို့မရပါဘူး။ ဒီစံနစ်က ၀ယ်ယူသူများအပေါ်မှာပဲ မူတည်ပါတယ် ” ဟု ဆိုသည်။

    သမ္မတဦးသိန်းစိန်သည်လည်း ၉၆၉ အပေါ် ပျော့ပြောင်းသည့်သဘောထားကို ပြသလာနေသည်။ သမ္မတရုံးကမူ ထိုကိစ္စနှင့်ပတ်သတ်၍ တစ်စုံတစ်ရာမှတ်ချက်ပေးပြောဆိုဖို့ ငြင်းဆိုခဲ့ပါသည်။ ထိုလှုပ်ရှားမှုနှင့်ပတ်သက်သောအငြင်းပွားဖွယ်များ ကြီးထွားလာသောအခါ တုန့်ပြန်ချေပသောအားဖြင့် ပြီးခဲ့သည့်တနင်္ဂနွေနေ့က “ ၉၆၉ သည် ငြိမ်းချမ်းရေးသင်္ကေတ ” ဖြစ်ကြောင်း၊  ဦးဝီရသူသည် ဗုဒ္ဓ၏သားတော်ဖြစ်ကြောင်း ဖော်ပြပါရှိသည့် ကြေညာချက်ကို သမ္မတရုံးမှ ထုတ်ပြန်ခဲ့သည်။

    ဦးဝီရသူနှင့် အခြားသော ဘုန်းကြီးများမှာ မြန်မာနိုင်ငံအနှံ့အပြားတွင် ဖြစ်ပျက်ခဲ့သည့် လူမျိုးရေးအဓိကရုဏ်းများနှင့် နီးနီးကပ်ကပ်စပ်ဆက်နေပေသည်။ ရာစုနှစ်တစ်ဝက်နီးပါး အုပ်ချုပ်ခဲ့သည့် အာဏာရှင်အုပ်ချုပ်ရေးအောက်၌ မွတ်စ်လင်မ်ဆန့်ကျင်ရေးမှာ တအုံနွေးနွေးဖြစ်နေခဲ့သည်။ သို့သော် ၂၀၁၁ ခုနှစ်၊ မတ်လတွင် စစ်တပ်တစ်ပိုင်းလူထုတစ်ပိုင်း အစိုးရမှအာဏာရလာပြီးမှ အပြင်းထန်ဆုံးတိုက်ခိုက်မှု ဖြစ်ပွားလာသည်။

    ယမန်နှစ်က ရခိုင်ပြည်နယ်၌ နှစ်ကြိမ်တိုင် ဖြစ်ပွားခဲ့သောအဓိကရုဏ်းတွင် အနည်းဆုံး လူ ၁၉၂ ဦးသေဆုံးခဲ့ပြီး၊ တစ်သိန်းလေးသောင်းအထိ အိုးမဲ့အိမ်မဲ့ဖြစ်ခဲ့ရသည်။ ထိုသူတို့ထဲမှအများစုမှာ ဌာနီမဲ့ ရိုဟင်ဂျာမွတ်စ်လင်မ်များ ဖြစ်ကြသည်။ ရိုက်တာ၏ စုံစမ်းမှု တစ်ခုကဆိုသည်မှာ ပြီးခဲ့သည့်အောက်တိုဘာလအတွင်း မွတ်စ်လင်မ်တို့အား စံနစ်တကျပြင်ဆင် တိုက်ခိုက်ရာ၌ ဗုဒ္ဓဘာသာဘုန်းတော်ကြီးများမှလှုံ့ဆော်ပေးခဲ့သော ရခိုင်အမျိုးသားရေးဝါဒီတို့က ဦးဆောင်ခဲ့ကြသည်။ ရံဖန်ရံခါ ဒေသတွင်းရှိလုံခြုံရေးတပ်ဖွဲ့ ၀င်များကလည်း ပါဝင်ကူညီပေးခဲ့ကြသည်ဟု ဆို၏။

    ယခုနှစ် မတ်လအတွင်း မြန်မာနိုင်ငံအလယ်ပိုင်း မိတ္ထီလာမြို့အကြမ်းဖက်မှု၌ လူ ၄၄ ဦးထက်မနည်း သေကြေကာ တစ်သောင်းသုံးထောင် အိုးမဲ့အိမ်မဲ့ ဖြစ်ပွားခဲ့သည်။ ယခုတစ်ကြိမ်တွင်လည်း ဒုက္ခသည်အများစုမှာ မွတ်စ်လင်မ်များ ဖြစ်နေပြန်သည်။ ရိုက်တာ၏ ဧပြီလမှတ်တမ်း တင် ချက်တွင် သွေးဆူနေသော ဗုဒ္ဓဘာသာဝင်လူရမ်းကားတို့ကို သံဃာများဦးဆောင်လိုက်သည့်နောက်မှာမှ သတ်ဖြတ်မှုများ ဖြစ်ပွားခဲ့ကြောင်း ဖော်ပြထားသည်။ မေလတွင်လည်း မြန်မာနိုင်ငံ မြောက်ပိုင်း လားရှိုး မြို့၌ ဗုဒ္ဓဘာသာလူရမ်းကားတို့သည် မွတ်စ်လင်မ်ရပ်ကွက်များကို မီးရှို့ဖျက်ဆီး အကြမ်းဖက်ခဲ့ပြန်သည်။ သို့ဖြင့် တိုင်းပြည်တစ်ခုလုံး မငြိမ်သက်မှုသတင်းများ ကျယ်ပြန့်လာတော့သည်။

    ၉၆၉ နံပါတ်သည် ဗုဒ္ဓ၊ ဓမ္မ၊ သံဃာ့ဂုဏ်တော်များကို ရည်ညွှန်းထားခြင်းဖြစ်၍ ပင်ကိုသဘာဝအားဖြင့် အန္တရာယ်ဖြစ်စေသောအရာ မဟုတ်။ သို့ရာတွင် ၉၆၉ ဘုန်းကြီးတို့သည် သွေးချောင်းစီးမွတ်စ်လင်မ်ဆန့်ကျင်ရေးလှိုင်းတံပိုး အတွက် စိတ်ဓာတ်မှိုင်းတိုက်လျက်သာရှိနေသောကြောင့် မြန်မာနိုင်ငံ၏ အရှိန်တက်စ ပြန်လည်ပြုပြင်ရေး လုပ်ငန်းစဉ်အား နှင်ထုတ်တွန်းဖယ်ရာရောက်သွားစေသည်။ နာမည်ကျော် ၉၆၉ ဘုန်းကြီးနောက်တစ်ဦးဖြစ်သော ဦးဝိမလဘိဝံသ ကလည်း မွတ်စ်လင်မ်တို့အား လှောင်အိမ်ထဲမှသားကောင်တို့ကို သုတ်ချီရန် ၀င်ရောက်လာသော ကျားအဖြစ် ခိုင်းနှိုင်းနေလေ့ရှိသည်။ “ စည်းကမ်းချက်မပြဋ္ဌာန်းယင် လူမျိုးနဲ့ဘာသာ ကွယ်ပျောက်သွားမယ်။ နိုင်ငံကိုပင်လျှင် ဆုံးရှုံးသွားနိုင်တယ် ” ဟု မကြာသေးမီက တရားပွဲတစ်ခုတွင် သူက ပြောကြားခဲ့သည်။

    မြန်မာနိုင်ငံတွင် နိုင်ငံတော်ဘာသာ ဟူ၍ တရားဝင် မရှိ။ သို့သော် အစဉ်အဆက်အုပ်ချုပ်သူများက ဗုဒ္ဓဘာသာအား ထိပ်တန်းတင်ဦးစားပေးကြသည်။ မွတ်စ်လင်မ်တို့သည် နိုင်ငံ့လူဦးရေ၏ ၄ ရာခိုင်နှုန်း(ခန့်မှန်း)သာရှိပြီး နိုင်ငံသား သန်း ၆၀ ၌ ဗုဒ္ဓဘာသာဝင်မှာ ၉၀ ရာခိုင်နှုန်း အထိ ရှိနေသည်။ သို့ပင်သို့ငြား စစ်အုပ်ချုပ်ရေးကာလအတွင်း သာသနာရေး ၀န်ကြီးဌာနအတွင်း၌ ဗုဒ္ဓဘာသာအတွက် အထူးသီးသန့်ဌာနတစ်ခုကိုလည်း ထပ်မံတိုးချဲ့ခဲ့သည်။

    Wimala Biwuntha shows a 969 logo during the introduction speech ceremony in a monastery in Yangon
    Wimala Biwuntha shows a 969 logo during the introduction speech ceremony in a monastery in Yangon Credit: REUTERS/Soe Zeya Tun

    အသုံးချ ဓားစာခံများ

    မြန်မာ့နိုင်ငံရေးတွင် ဘုန်းတော်ကြီးတို့သည် အခန်းကဏ္ဍများစွာတွင် ဆက်စပ်ပါဝင်နေသည်။ ၂၀၀၇ ခုနှစ်က စစ်အုပ်ချုပ်ရေးကို ဆန့်ကျင်ပြီး ဒီမိုကရေစီကိုထောက်ခံသော ရွှေဝါရောင်တော်လှန်ရေးတွင် သံဃာများသည် အဓိကအခန်းကဏ္ဍမှ ပါဝင်ခဲ့ကြသည်။ လက်ရှိသမ္မတဦးသိန်းစိန်နှင့်သူ့အစိုးရအဖွဲ့ဝင် ထိပ်တန်းအရာရှိများအပါအ၀င် စစ်ဗိုလ်ချုပ်များက သူတို့အား နှိပ်ကွပ်ခဲ့ကြသည်။ ယခု ဦးသိန်းစိန်၏ ပြုပြင်ပြောင်းလဲရေးမျှော်မှန်းလုပ်ငန်းစဉ်လမ်းညွှန်ချက်၌ လွတ်လပ်စွာပြောဆိုခွင့်နှင့် စုရုံးခွင့် ပေးထားလေရာ ပြည်တွင်းရှိ ၅ သိန်းဝန်းကျင် သံဃာတော်များမှာ (လက်လွတ်စပယ်ပြောဆိုဖို့) လွတ်လပ်ရေးရကြတော့သည်။ ဆန္ဒရှိသလို နေရာတိုင်းသို့ ဗုဒ္ဓတရားတော်သာမက ၉၆၉ လမ်းစဉ်သင်ကြားရေးအတွက် သွားလာနိုင်ကြတော့သည်။

    သံဃာတော်တို့သည် မြန်မာနိုင်ငံ၏ ဖူးငုံပွင့်စ ဒီမိုကရေစီစံနစ်၌ ၂၀၁၅ ခုနှစ်အထွေထွေရွေးကောက်ပွဲအတွက် ခါတော်မှီနိုင်ငံရေးအင်အားစုအဖြစ် ပေါ်ထွက်လာသည်။ ၄င်းတို့၏ အသစ်သော လွှမ်းမိုးနိုင်မှုအင်အားမှာ လျှို့ဝှက်ကြံစည်ထားသည့် သီဝရီတစ်ခုအား ပေါ်ထွက်လာစေ၏။ ယင်းသီဝရီမှာ ယခင် စစ်အုပ်စုတွင်းရှိ အမျက်သိုအမာခံတို့က ၉၆၉ လှုပ်ရှားမှုအား ကိုင်တွယ်ထိန်းချုပ်ထားပြီး ပြန်လည်ပြုပြင်တည်ဆောက်ခြင်းကို လမ်းချော်စေရန် ရ့ည်စူးပြီး တည်ငြိမ်ငြိမ်းချမ်းရေး ပျက်ပြားစေဖို့ လုပ်ဆောင်ကြရုံသာမက ဒေါ်စုကြည်၏ NLD ပါတီအား ရွေးကောက်ပွဲ၌ အနိုင်မရစေဖို့လည်း တားဆီးနေကြသည်ဟူ၏။

    ဤအတွေးကို ခိုင်မာစေဖို့ရန် အထောက်အထား မရှိသော်လည်း အစိုးရအာဏာပိုင်အချို့ကမူ ယင်းအချက်ဖြစ်နိုင်ဖွယ်ရှိနေကြောင်း ပြောနေကြပေသည်။

    “ တစ်ချို့သူတွေက ပြန်လည်ပြုပြင်တည်ဆောက်ရေးလုပ်ဖို့ စိတ်အားထက်သန်ကြတယ်။ ပြုပြင်ရေးကို မလိုချင်သူ အချို့လည်း ရှိနေကြတယ်။ ဒါကြောင့် အကြမ်းဖက်ဖြစ်ရပ်နဲ့ပတ်သက်ပြီး ပြုပြင်ပြောင်းလဲမှုကိုမလိုလားသူအချို့ပါဝင်ပတ်သက်နိုင်ပါတယ် ” ဟု သမ္မတဦးသိန်းစိန်၏အနီးကပ်အကြံပေးနှစ်ဦးအနက် တစ်ဦးဖြစ်သူ ဦးစိုးသိန်းမှ ရိုက်တာသတင်းဌာနသို့ ပြောပြခဲ့သည်။

    ၉၆၉ ကို သြဇာကြီးမားသော အမာခံအုပ်စုဝင်များမှ ကိုင်တွယ်ထိန်းချုပ်ထားခြင်း မဟုတ်လျှင်ပင် – ရာထူးရာခံကြီးမားသူများနှင့်အောက်ခြေအလွှာများထဲမှ ကျယ်ပြန့်သော ထောက်ခံ ကျားကန်မှု ရှိနေသည်မှာ အမှန်ဖြစ်၏။ ထိုအလွှာထဲတွင်မူ ၉၆၉ လှုပ်ရှားမှုမှာ သစ္စာခံပမာ စွဲမြဲနေပြီး ကြီးထွားလာလျက်ရှိသည်။

    အာဏာပိုင်များမှ မျက်နှာလွှဲခဲပစ်ထောက်ခံမှုပေးထားကြောင်း ၉၆၉ ဘုန်းတော်ကြီး ဦးဝိမလ၏ အောက်ပါစကားအရ သိရှိနိုင်သည်။ “ အမျိုးဘာသာသာသနာကို ကာကွယ်ဖို့ ဟောပြောခွင့်ကိုပေးထား ကတည်းက ဘုန်းကြီးတို့ကို ထောက်ခံနေတယ်လို့တွေးမိတယ် ”။

    ရန်ကုန်ကိုယ်စားပြု မြန်မာမွတ်စလင်အဖွဲ့အစည်း ကလည်း ထိုအတိုင်း သဘောမျှလျက်ရှိသည်။ မွတ်စလင်ကျောင်း ဆရာတစ်ဦးဖြစ်သူ ဦးမျိုးဝင်းမှ “ မွတ်စ်လင်မ်ဆန့်ကျင်ရေးလုပ်ရပ်တွေက ကြီးထွားလာနေတယ်။ အစိုးရဖက်ကလည်း တားမြစ်ခြင်း မရှိဘူး ” ဟု ဆိုပြီး ၉၆၉ ကို Ku Klux Klan (အမေရိကန်နိုင်ငံရှိ လက်ယာစွန်းရောက် လျှို့ဝှက်အကြမ်းဖက်လှုပ်ရှားရေးဂိုဏ်း) နှင့်ခိုင်းနှိုင်းပြခဲ့၏။

    သာသနာရေးဝန်ကြီး ဦးဆန်းဆင့်က ၄င်းလှုပ်ရှားမှုမှာ နိုင်ငံတော်မှ တရားဝင်ထောက်ပံ့ပေးထားခြင်းမရှိ ဟု ဆိုသော်လည်း “သူတို့ဟောပြောနေတာက ပြဿနာတွေကို ဖန်တီးနေတာမဟုတ်ဘူးလို့ ကျွန်တော် ထင်ပါတယ် ” ဟူ၍ ဦးဝီရသူ နှင့်  ယုံကြည်ချက်တူသူ အပေါင်းအပါဘုန်းကြီးများကို ကာကွယ်ပေးခဲ့သည်။

    ဒေသခံအာဏာပိုင်များကမူ ထိုလှုပ်ရှားမှုအား ရပ်တည်ကူညီပေးလျက်ရှိနေသည်။ ၉၆၉ ရုပ်ပုံမှာ ယခုတွင် မြန်မာပြည်၌ သတိထားမိဖို့ အလွယ်ဆုံးတံဆိပ်တစ်ခု ဖြစ်လို့နေပေပြီ။ ၄င်း ၉၆၉ တံဆိပ်ကို ဗုဒ္ဓဘာသာဝင်ရှေးဟောင်းဧကရာဇ်တစ်ပါးဖြစ်သည့် အာသောကမင်းကြီးကို ကိုယ်စားပြုထားသော ခြင်္သေ့လေးကောင်ပုံပါဝင်ကာ မြန်မာဂဏန်းသင်္ချာပုံစံဖြင့် ၉၆၉ ကို ရေးသားထားကာ ၂၄ ပစ္စည်းစက်ဝိုင်းဖြင့် ၀ိုင်းရံထားသည်။

    ထိုအမှတ်တံဆိပ်ပါ စတစ်ကာများကိုလည်း တရားပွဲများတွင် အခမဲ့ဝေငှလျက်ရှိသည်။ ၄င်းကို ဆိုင်များ၊ အိမ်များ၊ အငှားယာဉ်များ နှင့် မြန်မာတို့အထွဋ်အမြတ်အထားဆုံး ရွှေတိဂုံစေတီ၏ အမှတ်တရလက်ဆောင်ပစ္စည်းဆိုင်များ၌ ကပ်ထားကြသည်။ မတည်ငြိမ်မှုဖြစ်ပွားခဲ့သမျှနေရာဒေသများတွင်လည်း ၄င်းတံဆိပ်ကို မမြင်ချင်အဆုံး ဖြစ်နေသည်။

    ယင်းသင်္ကေတကို အာဏာပိုင်အချို့က အထူးလေးစားကြောင်းတွေ့ရသည်။ မွတ်စ်လင်မ်ဆန့်ကျင်ရေးဖြစ်ပွားခဲ့သော ပဲခူးတိုင်းတရားရုံးတစ်ခုတွင်  ကွမ်းယာဆိုင်မှ ၉၆၉ တံဆိပ်ခွာယူခဲ့သော မွတ်စ်လင်မ်တစ်ဦးကို ထောင်ဒဏ် ၂ နှစ် ချမှတ်ခဲ့သည်။ မြန်မာနိုင်ငံ၏ကိုလိုနီခေတ်ရာဇသတ်ဥပဒေတစ်ခုဖြစ်သော “သာသနာတော်အားညှိုးနွမ်းစေမှု ” ဖြင့် စီရင်ခဲ့ခြင်းဖြစ်သည်။

    ဘူမိနက်သန်

    ၉၆၉ လှုပ်ရှားမှုသည် ဘာသာရေးယုံကြည်ချက်ကို အစကောက်၍ နိုင်ငံတော်နှင့် နွှယ်ခဲ့သည်။ ဘာသာရေးအသိုင်းအ၀ိုင်းပြင်ပ၌ ယခုအခါ လူအများမေ့လျော့နေပြီဖြစ်သော ဘုန်းကြီးလူထွက်၊ အစိုးရအရာရှိနှင့် စာများစွာရေးခဲ့သူ ဦးကျော်လွင်၏ တီထွင်ချက်ကို (မိမိတို့ ကူးယူအသုံးချနေခြင်းဖြစ်ကြောင်း) ဦးဝိမလ၊ ဦးဝီရသူ နှင့် အခြား ၉၆၉ သံဃာများမှ ရည်ညွှန်းဖော်ပြကြပေသည်။

    မြန်မာအာဏာရှင်ဟောင်းများက ၁၉၈၈ ခုနှစ်၊ ဒီမိုကရေစီအရေးအခင်းအား ရက်စက်စွာ နှိပ်ကွက်ပြီးနောက် ဗုဒ္ဓအယူ ဦးစားပေးထွန်းကားပြန့်ပွားရေးအတွက် ဦးကျော်လွင်ကို လက်သပ်မွေးခဲ့သည်။ ရဟန်းသံဃာများအပါအ၀င် လက်နက်မဲ့ ဆန္ဒပြသူများကို စစ်တပ်မှ ပစ်ခတ်ခဲ့ရာ ထောင်ချီပြီး ဒဏ်ရာရသေကြေပျက်စီးခဲ့ရသည်။ နောင်သောအခါ မိမိတို့၏  မုန်းတီးရွံရှာမှုကိုပြသသောအားဖြင့် သံဃာတော်များသည် ၀ါတွင်းသုံးလလုံးလုံး စစ်အာဏာပိုင်မိသားစုတို့၏ လှူဖွယ်ဝတ္ထုများအား လက်ခံရန်  ငြင်းဆိုခဲ့ကြသည်။

    ၄င်းနောက်တွင် စစ်တပ်သည် ပုန်ကန်သူဘုန်းတော်ကြီးများအား အနုနည်းဖြင့်ကိုင်တွယ်ရန် နှင့် ၄င်းတို့၏သိက္ခာဆည်ရန် (၄င်းတို့မှ ရွေးချယ်ခံထားအပ်သော အဖွဲ့ဝင်များသာပါဝင်သည့် သံဃာအဖွဲ့အစည်းဆန်သော စိတ်ကြိုက်) ဗုဒ္ဓဘာသာပုံစံမျိုးဖြင့် ကိုင်တွယ်ဖြေရှင်းခဲ့သည်။ သံဃာများကို မှတ်ပုံတင်စေပြီး ၄င်းတို့၏ လှုပ်ရှားဆောင်ရွက်မှုများမှာ ကန့်သတ်ထိန်းချုပ်ခံရသည်။ နိုင်ငံပိုင်မီဒီယာမှလည်း စစ်ဗိုလ်ချုပ်များမှ ဘုန်းတော်ကြီးကျောင်းများ မွမ်းမံခြင်းကို လှည့်ပတ်ကြည့်ရှုခြင်း သို့မဟုတ် ကျောင်းထိုင်များအား အလှူပေးအပ်ခြင်းအကြောင်းများကို နေ့စဉ်လိုလို ထုတ်လွှင့်တင်ပြခဲ့သည်။

    ၁၉၉၁ ခုနှစ်တွင် သာသနာရေးဝန်ကြီးဌာနအတွင်း သာသနာ့စည်ပင်ပြန့်ပွားရေးဌာနခွဲတစ်ခုကို ဖန်တီးကာ ဦးကျော်လွင်အား ဌာနမှူးအဖြစ် ခန့်အပ်ခဲ့သည်။ Sasana ဆိုသည်မှာ ထေရ၀ါဒနှင့်ဆက်နွယ်နေသော ပါဠိဘာသာအရ သာသနာကို ဆိုလိုခြင်းဖြစ်ပြီး မြန်မာပြည်တွင် ထိုစကားလုံးသည် ဗုဒ္ဓဘာသာဆိုသည့်စာလုံးနှင့်ဖလှယ်၍ အသုံးပြုနိုင်ပေသည်။ နောက်တစ်နှစ်တွင် သာသနာ့စည်ပင်ပြန့်ပွားရေးဌာန Department for the Promotion and Propagation of Sasana – DPPS မှ “ဗုဒ္ဓဘာသာဝင်ကောင်းတစ်ဦးအဖြစ် နေထိုင်နည်း”စာအုပ်ကို ပုံနှိပ်ထုတ်ဝေခဲ့၏။ ဦးကျော်လွင်၏ သန့်စင်ထုတ်နုတ်ထားသည့် လက်ရာများအနက်တစ်ခုဖြစ်သည်။ ၂၀၀၀ ခုနှစ်၌ ယင်းစာအုပ်ကိုပင် “အကောင်းမြတ်ဆုံးဗုဒ္ဓ၀ါဒီ”အမည်ဖြင့် ထပ်မံထုတ်ဝေသောအခါ ယင်းစာအုပ်မျက်နှာဖုံးတွင် ၉၆၉ အမှတ်တံဆိပ်အား  အစောဆုံးဖော်ပြထားသည်ကို တွေ့ခဲ့ရသည်။

    ဦးကျော်လွင်သည် ၁၉၉၂ ခုနှစ်တွင် အနားယူခဲ့သည်။ လက်ရှိဌာနမှူးမှာ စစ်အရာရှိဟောင်းတစ်ဦးဖြစ်သော ဦးခိုင်အောင်ဖြစ်သည်။ ဦးကျော်လွင်ကွယ်လွန်ပြီးနောက် ၄င်း၏ဇနီးနှင့်သားတို့မှာ ရန်ကုန်မြို့လယ်ရှိ သူပိုင်အိမ်၌ပင် နေထိုင်နေဆဲဖြစ်သည်။ အိမ်၏ဧည့်ခန်းနံရံကပ်စင်တွင် ဦးကျော်လွင်၏စာအုပ်များ စီတန်းထားပြီး၊ ဘုန်းတော်ကြီးနှင့်ဝိပဿနာတရား လမ်းညွှန်သူဘ၀က မှတ်တမ်းတင်ထားသည့် ဓာတ်ပုံများကို မှန်ဘောင်သွင်းလျက် တွေ့ရသည်။ ဦးကျော်လွင်နှင့် ဗိုလ်ချုပ်မှူးကြီးခင်ညွန့်တို့ အတူတစ်ကွ စကားဖောင်ဖွဲ့ရယ်မောနေသည့် နောက်ထပ် ဓာတ်ပုံတစ်ခုကိုလည်း တွေ့ရသည်။ ဦးခင်ညွန့်သည် စစ်ထောက်လှမ်းရေး ဦးစီးချုပ်နှင့် မြန်မာနိုင်ငံ၏ အရေးအကြီးဆုံးသူတစ်ဦးအနက်မှ တစ်ဦး ဖြစ်ခဲ့ဖူးသည်။

    ဦးကျော်လွင်၏ သားဖြစ်သူ မော်တော်ကားသွင်းကုန်လုပ်ငန်းရှင် အောင်လွင်ထွန်း(၃၈ နှစ်)မှ ပြောကြားသည်မှာ သူ့ဖခင်သည် အခြားသော စစ်ခေါင်းဆောင်များနှင့် အနီးကပ်ဆက်ဆံရေးရှိခဲ့ပြီး မြန်မာ့ဝါအရင့်ဆုံး ဗိုလ်ချုပ်ကြီးစောမောင်မှ သူ့အား “အကောင်းမြတ်ဆုံး ဗုဒ္ဓ၀ါဒီ”စာအုပ်ကို ရေးသားရန် ပုဂ္ဂိုလ်ရေးအရ ညွှန်ကြားခဲ့သည်ဟု ဆိုသည်။ အာဏာရှင်ဟောင်း ဦးသန်းရွှေနှင့်လည်း မကြာခဏတွေ့ဆုံ၍ ဘာသာရေးကိစ္စဆွေးနွေးခဲ့သည်။ ဦးသန်းရွှေသည် ၂၀၁၁ ခုနှစ်၊ မတ်လတွင် အနားယူပြီးချိန်မှစ၍ ယနေ့တိုင်လူမြင်ကွင်းမှ ကွယ်ပျောက်နေသည်။

    “အကောင်းမြတ်ဆုံး ဗုဒ္ဓ၀ါဒီ” စာအုပ်မှာ အရောင်းမရှိတော့သဖြင့် အောင်လွင်ထွန်းမှ ပြန်လည်ပုံနှိပ်ရန်စီစဉ်လျက်ရှိသည်။ သူသည် ယနေ့ခေတ် ၉၆၉ လှုပ်ရှားမှုနှင့်တစ်ကွ မွတ်စ်လင်မ်ဆန့်ကျင်ရေးသပိတ်ကို ထောက်ခံသူတစ်ဦးဖြစ်သည်။  “အခုချိန်မှာ လူတော်တော်များများက ဒီစာအုပ်ကို မေးမြန်းနေကြတယ်။ ၉၆၉ လှုပ်ရှားမှုဟာ ကျွန်တော်တို့ဘာသာကို ကာကွယ်ပေးတဲ့ စည်းရိုးတံတိုင်းတစ်ခုနဲ့ အလားသဏ္ဍာန်တူပါတယ် ” ဟု သူက ဆိုခဲ့သည်။

    ဦးကျော်လွင်၏ဇနီး(အမည်မဖော်လို – ၆၅ နှစ်)ကလည်း ၉၆၉ အား ထောက်ခံအားပေးလျက်ရှိသည်။ မွတ်စ်လင်မ်နှင့် ထိမ်းမြားသော ဗုဒ္ဓဘာသာဝင်များကို မင်္ဂလာအခမ်းအနားတွင် ဗုဒ္ဓရုပ်ပုံအား ခြေဖြင့်နင်းရန် ခိုင်းစေကြောင်း၊ ၄င်းအပြင် တိရစ္ဆာန်တို့အား လှီးဖြတ်ခြင်းဓလေ့သည် မွတ်စ်လင်မ်တို့အား လွယ်လင့်တကူ လူသတ်လာအောင် လမ်းကြောင်းပေးခြင်း ဖြစ်ကြောင်း သူမက ပြောဆိုလေ့ရှိခဲ့သည်။

    DPPS ဌာနအကြီးအကဲဖြစ်စဉ်ကာလအတွင်း ဦးကျော်လွင် တွေ့ဆုံခဲ့သည့် သံဃာတစ်ဦးမှာ ယဉ်ကျေးမှုမြစ်ဖျားခံရာမြို့အဖြစ် ထင်ရှားသည့် မန္တလေးမြောက်ဖက်ရှိ ကျောက်ဆည်မြို့မှ ၀ိစိတ္တာ ဘိဝံသ ဖြစ်သည်။ သူ့အား ဦးဝီရသူ ဟု ပို၍ လူသိများကြပြီး ယခုအခါ (အမုန်းတရား) မီးခိုးမှိုင်းတိုက်မှုအပြင်းထန်ဆုံး ၉၆၉ အဖွဲ့ခေါင်းဆောင်တစ်ဦးဖြစ်နေ၏။

    ဦးဝီရသူ နှင့် ဦးကျော်လွင်တို့သည် ၁၉၉၂ ခုနှစ်တွေ့ဆုံမှုနောက်ပိုင်း ထိတွေ့ဆက်ဆံမှု မပြတ်ခဲ့ပေ။ “ အခြားသူတွေ မလုပ်ရဲတဲ့  သာသနာ့ကာကွယ်ရေးနဲ့ထွန်းကားရေးကို သူ လုပ်နေတယ် ” ဟုဆိုကာ ဖခင်ဦးကျော်လွင်က ဦးဝီရသူအား ကြည်ညိုမှုကြီးမားခဲ့ကြောင်း သားဖြစ်သူ အောင်လွင်ထွန်း၏အဆိုအရ သိရသည်။

    ဦးကျော်လွင်သည် ၂၀၀၁ ခုနှစ်၊ အသက် ၇၀ ၌ ကွယ်လွန်သည်။ ၄င်းနှစ်မှာပင် ဦးဝီရသူက ၉၆၉ အကြောင်း စတင် ဟောပြောပြီး၊ မွတ်စ်လင်မ်ဆန့်ကျင်ရေးအကြမ်းဖက်မှု နက်နက်ရှိုင်းရှိုင်းပင် တိုးပွားလာကြောင်း U.S.State Department မှ အစီရင်ခံ တင်ပြထားသည်။ ၂၀၁၁ ခုနှစ်၊ မတ်လတွင် အာဖဂန်နစ္စတန်၊ ဘာမီယန်ရှိ ဗုဒ္ဓရုပ်ပွားတော်များကို တာလီဘန်များ ဖျက်ဆီးခြင်း၊ စက်တင်ဘာလတွင် အမေရိကန်၌  အလ်ကိုင်ဒါ၏တိုက်ခိုက်ခြင်းများကြောင့် မွတ်စ်လင်မ် ဆန့်ကျင်ရေးလှုပ်ရှားမှုများ ပိုမိုထကြွလာခဲ့သည်။

    ၂ နှစ်ကြာပြီးနောက် မွတ်စ်လင်မ်ဆန့်ကျင်ရေး လက်ကမ်းစာစောင်များဖြန့်ဝေကာ ကျောက်ဆည်အရေးအခင်း ဖြစ်ပွားစေမှုဖြင့် ဦးဝီရသူအား ဖမ်းဆီးထိန်းသိမ်းပြီး ထောင်ဒဏ် ၂၅ နှစ် ချမှတ်ခဲ့သည်။ ဗုဒ္ဓဘာသာဝင်လူရမ်းကားတစ်စုမှ မွတ်စ်လင်မ် ၁၀ ဦးထက်မနည်း သတ်ဖြတ်ခဲ့ကြောင်း တရားဝင်သတင်းထုတ်ပြန်ခဲ့၏။

    ၄င်းမှာ ၉၆၉ ၏ ပထမဆုံး သွေးချောင်းစီးစေခြင်းတည်း။

    ၉၆၉ နှင့် ၇၈၆

    ဦးဝီရသူကား ၂၀၁၁ တွင် နိုင်ငံရေးအကျဉ်းသားလွတ်ငြိမ်းချမ်းသာခွင့်ဖြင့် ထောင်မှလွတ်လာခဲ့သည်။ ယင်းမှစ၍ ကိုယ့်ကိုကိုယ် ဘင်လာဒင်ဟု ကင်ပွန်းတပ်ထားသည့် ဦးဝီရသူမှာ ၉၆၉ နောက်ခံနှင့် စစ်ရိပ်စစ်ငွေ့သန်းနေသောမျက်နှာပိုင်ရှင် ဖြစ်လာပေတော့သည်။ ဤအတောအတွင်းမှာပင် ၉၆၉ လှုပ်ရှားမှုကြီးက မြန်မာပြည်ဝယ် ပထမဆုံး ဗုဒ္ဓဘာသာဝင်များဟု မိမိတို့ဖာသာ ဂုဏ်ယူလေ့ရှိကြသည့် လူများနေထိုင်ရာ ပင်လယ်ကမ်းခြေနှင့် ထိစပ်နေသည့် မွန်ပြည်နယ်တွင် ဘုန်းကြီးများ၏ သာသနာ့ အင်အား ကို မောင်းနှင်လျက် ရှိနေပေတော့သည်။

    ပြီးခဲ့သည့်နှစ် အဓိကရုဏ်းများဖြစ်ကတည်းက ၄င်း ၉၆၉ တို့သည် နိုင်ငံအနှံ့ ကွန်ယက်ကြီးတစ်ခုကို ဖွဲ့စည်းခဲ့သည်။ မွန်ပြည်နယ်မြို့တော်ဖြစ်သည့် မော်လမြိုင်တွင် မွတ်စလင်မ်ပိုင် အဝေးပေးကားလိုင်းကို ဆန့်ကျင်သပိတ်မှောက်ရာ၌ ၉၆၉ တို့ ဦးဆောင်ခဲ့သည်။ ထိုသည်မှာစ၍ ၉၆၉တို့၏ နိုင်ငံအနှံ့ ဆန့်ကျင်ဆန္ဒပြမှုတို့မှာ ၄င်း၏ ဗဟိုချက်မ (ရယ်ရွယ်ချက်) ဖြစ်လာပေတော့သည်။

    မြန်မာနိုင်ငံသည် ၁၉၄၈ ခုနှစ် ဗြိတိသျှတို့ထံမှ လွတ်လပ်ရေးရယူနိုင်ခဲ့ပြီးနောက် အဆင့်မြင့်အုပ်ချုပ်ရေးနေရာများတွင် မွတ်စ်လင်မ်တို့ကို တွေ့ခဲ့ကြရသည်။ ၁၉၆၂ ခုနှစ် စစ်တပ်မှ အာဏာသိမ်းပြီး၊ အရာရှိရာထူးများ၌ မွတ်စ်လင်မ်တို့အား မခန့်အပ်ခြင်း၊ ခန့်အပ်ခံရသူများကိုလည်း ရာထူးတိုးမြှင့်မပေးခြင်းတို့ပြုလုပ်လာသည့်အခါ အခြေအနေအပြောင်းအလဲ ဖြစ်သွားခဲ့သည်။ မွတ်စ်လင်မ်တို့သည် စီးပွားရေးလုပ်ငန်းများကို လွှမ်းမိုးခြယ်လှယ်ထားသည်၊ ရရှိလာသည့်အမြတ်အစွန်းကို အသုံးပြု၍ ဗလီဝတ်ကျောင်းများကို တည်ဆောက်ကြသည်၊ ဗုဒ္ဓဘာသာဝင် အမျိုးသမီးများကို ငွေဖြင့်ဝယ်ယူ သိမ်းပိုက်ကာ အစ္စလာမ့်တရားကိုဖြန့်ချိကြသည် ဟူသော အစွဲကို လူသိများထင်ရှားလာအောင် စစ်တပ်ကသွတ်သွင်းဖြန့်ချိခဲ့ကြ၏။

    မွတ်စ်လင်မ်စီးပွားရေးအပေါ် လက်ရှိသပိတ်မှောက်မှုနှင့်စပ်လျဉ်း၍ ထိုသည့်အချက်များက ၄င်းသပိတ်မှောက်သူများအဖို့ (၄င်းတို့၏လုပ်ရပ်များအတွက်) တရားမျှတနေကြောင်း သဘောရရှိပေသည်။ ၉၆၉ နောက်လိုက်နှင့်ရှေ့နေတစ်ဦးဖြစ်သူ မဇာနည်ဝင်းထွန်း(၃၁ နှစ်) က မွတ်စ်လင်မ်တို့သည် ဗုဒ္ဓဘာသာဝင်တို့၏စီးပွားရေးကို အချိန်အတန်ကြာကပင် ဖယ်ကြဉ်ထားခဲ့ကြကြောင်း နှင့် “ ကျွန်မတို့က စပြီး သပိတ်မှောက်ခဲ့တာ မဟုတ်ဘူး၊ သူတို့က စလုပ်ခဲ့တာ။ ဒါကြောင့် ကျွန်မတို့က သူတို့ရဲ့နည်းလမ်းကို ပြန်အသုံးချလိုက်တာဘဲ ” ဟူ၍ ပြောပြခဲ့၏။

    ထိုသို့ ပြောပြခြင်းအားဖြင့် သိရသည်မှာ သူမက ၇၈၆ နံပါတ်အား ညွှန်းဆိုလိုက်ဖြစ်ကြောင်းပင်။ တောင်အာရှသားမွတ်စ်လင်မ်များက မိမိတို့၏နေအိမ်နှင့်လုပ်ငန်း များတွင် ယင်းနံပါတ်ကို ဖော်ပြထားလေ့ရှိကြသည်။ ၄င်းသည် “ အလွန်တရာ စာနာထောက်ထားတော်မူသော အနန္တကရုဏာတော်ရှင် အလ္လာဟ်အရှင်မြတ်၏ နာမံတော်ဖြင့် (အစပြုပါ၏) ” ဟူသော ဗျာဒိတ်စကားရပ်အား ကိန်းဂဏန်းဖြင့် ကိုယ်စားပြုထားခြင်းသာဖြစ်သည်။ သို့သော် ဂဏန်းနံပါတ်၌ အစွဲကြီး အကျကောက်တတ်လေ့ရှိသည့် မြန်မာနိုင်ငံမှ ဗုဒ္ဓဘာသာဝင်များက ထိုနံပါတ်သုံးခုပေါင်းလဒ်သည် ၂၁ ဖြစ်သဖြင့်၊ ၂၁ ရာစုတွင် မွတ်စ်လင်မ်တို့မှ ကမ္ဘာကြီးကို ကြီးစိုးလွှမ်းမိုးရန် ကြံစည်ချက်တစ်ရပ်ဟု ပြောဆိုလျက်ရှိသည်။

    ဗုဒ္ဓဘာသာဝင်အချို့မှ ၄င်းစကားအပေါ် အဘယ်ကြောင့် ယုံကြည်စွဲမြဲသွားသည်ကို နားလည်နိုင်စေမည့် အခြေအနေများ ရှိ်ပါ၏။ ဥပမာ – ဘာသာရေးဆိုင်ရာနှင့်အစားအသောက်ဆိုင်ရာထုံးတမ်းဓလေ့ရ မွတ်စလင်မ်များအနေဖြင့် ဗုဒ္ဓဘာသာစားသောက်ဆိုင် များသို့ အမြဲတစေ သွားရောက်လေ့မရှိခြင်း၊ မွတ်စလင်မ်များသည် အငယ်စားနှင့် အလတ်စား စီးပွားရေးလုပ်ငန်းများကို ထိန်းချုပ်လုပ်ကိုင်နေခြင်း များဖြစ်သည်။ ရန်ကုန်မြို့၌ အဆောက်အဦးများပြန်လည်တည်ဆောက်ရေးခေတ်ထနေသော ယခုအခါသမယတွင် Naing Group ၊ Motherland ၊ Fatherland စသော မွတ်စ်လင်မ်ပိုင်ဆောက်လုပ်ရေးကုမ္ပဏီများက ကျော်ကြားထင်ရှားလာမှုများလည်း ရှိနေသည်။

    မည်သို့ပင်ဆိုစေကာမူ အကြီးမားဆုံး ဆောက်လုပ်ရေးသဘောတူညီချက်တို့ပါဝင်နေသည့် ဒေါ်လာ ဘီလီယံ သန်းနှင့်ချီသော ရင်းနှီးမြုပ်နှံမှု ပရောဂျက်များအား လက်ဝါးကြီးအုပ်ထားသူများမှာ အာဏာရှင်စစ်အုပ်စုဟောင်းတို့နှင့် ဆက်နွှယ်နေသူများ သာ ဖြစ်နေပေသည်။ ထိုသူတို့အားလုံးမှာ ဗုဒ္ဓဘာသာဝင်များသာ ဖြစ်ကြသည်။

    အဆောက်အဦပြီးစီးသွားလျှင် ၉၆၉ နောက်လိုက်များမှ တိုက်ခိုက်လာမည်ကို ကြောက်ရွံ့၍ ရန်ကုန်မြောက်ပိုင်းခရိုင်ရှိ ဗုဒ္ဓဘာသာဝင်များသည် မွတ်စ်လင်မ်ပိုင်ဆောက်လုပ်ရေးကုမ္ပဏီများနှင့်ပြုလုပ်ထားသော ကန်ထရိုက်စာချုပ်ကို ဖျက်သိမ်းလိုက်ရကြောင်း သိရသည်။ ဤသည်ကို လက်ရှိအာဏာရ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ၏ လွှတ်တော်ကိုယ်စားလှယ် ဦးရွှေမောင် ပြောကြားခဲ့ခြင်းဖြစ်သလို ၄င်းက ဆက်လက်၍ “ မြို့နယ်တစ်ခုကနေ နောက်ထပ်မြို့နယ်တွေဆီ ဒီကိစ္စမျိုး ကူးစက်သွားမှာကို ကျွန်တော် စိုးရိမ်မိပါတယ် ” ဟု ပြောကြားခဲ့သည်။

    မလုံခြုံသော ဘ၀များ

    ၉၆၉ နောက်လိုက် မဇာနည်ဝင်းထွန်းအဖို့ မွတ်စ်လင်မ်များကိုဖယ်ကြဉ်ခြင်းမှာ လူမျိုးစုငြိမ်းချမ်းရေးအတွက် သေချာသော နည်းလမ်းတစ်ခုဖြစ်သည်ဟု ခံယူထားသည်။ မွတ်စ်လင်မ်ရွှေဆိုင်ပိုင်ရှင်တစ်ဦး နှင့် ဗုဒ္ဓဘာသာဝင်ရွှေရောင်းသူအကြား အငြင်းပွားရာမှ စတင်ပေါ်ပေါက်သော မိတ္ထီလာအကြမ်းဖက်မှုကို သူမက ထောက်ပြ၍ ဤသို့ပြောဆိုခဲ့သည်။ “ တကယ်လို့ သူတို့တွေသာ ကိုယ့်လူမျိုးအချင်းချင်းဆိုင်ကနေ ၀ယ်ယူခဲ့ယင် ဒီပြဿနာဖြစ်ပွားလာခဲ့မှာ မဟုတ်ဘူး ”။

    ခွဲခြားဆက်ဆံမှုသာလျှင် လူမျိုးရေး ပဋိပက္ခအတွက် အဖြေဖြစ်သလို ယင်းသည် အမျိုးသားရေးမူဝါဒကို ထင်ဟပ်စေကြောင်း သူမက တရားသေ လက်ခံထား၏။ ရခိုင်ပြည်နယ် နှင့် မြန်မာနိုင်ငံအလယ်ပိုင်းဒေသများတွင် အကြမ်းဖက်မှုဖြစ်ပွားပြီးနောက် အိုးမဲ့အိမ်မဲ့ ဖြစ်သွားရသော မွတ်စ်လင်မ်စုစုပေါင်း ၁၅၃,၀၀၀ အနည်းဆုံးရှိနေကြသည်။ အများစုမှာ လုံခြုံရေးတပ်ဖွဲ့ဝင်များမှ ထိန်းသိမ်းထားသောဒုက္ခသည်စခန်းများ၌ ရောက်နေပြီး မိမိတို့၏မူလဘ၀အခြေအနေသို့ ပြန်လှည့်နိုင်ရန်မျှော်လင့်ချက် မရှိသလောက် ဖြစ်နေပေသည်။

    ထင်ရှားသည့် ဘုန်းတော်ကြီးများထဲမှ အနည်းငယ်သာ ၉၆၉ လှုပ်ရှားမှုအား လူသိရှင်ကြား ဝေဖန်ရဲကြသည်။ ဖေ့စ်ဘွတ်အသုံးပြုသူအချို့က ၉၆၉ စတစ်ကာကပ် အငှားယာဉ်များကို မစီးရန် လှုံ့ဆော်ကြသည်။ မိတ္ထီလာသွေးချောင်းစီးမှုဖြစ်ချိန်မှစတင်ပြီး ရန်ကုန်လမ်းဘေးဈေးသည်အချို့မှ ၉၆၉ ဗီစီဒီခွေများကို ချင့်ချိန် ရောင်းချမှုပြုလာကြသည်။ တနည်းအားဖြင့် လူအများ၏ တုန့်ပြန်မှု နုတ်ပိတ်ခံရခြင်းလည်း ဖြစ်သည်။

    မွန်ဘုန်းကြီး ဦးဝိမလသည် အခြားသံဃာတော်များ၏ ဝေဖန်မှုအပေါ် “ ကောင်းတဲ့အလုပ်ကို တားမြစ်ဖို့ သူတို့ မကြိုးစားသင့်ဘူး ” ဟု အရေးမပါသည့်သဘောဖြင့် ပြန်လည်ပြောကြားခဲ့သည်။ ဇွန်လလယ်ပိုင်းက ရန်ကုန်မြို့အနီးတွင် ကျင်းပသော ရာနှစ်ချီသည့် သံဃာများတက်ရောက်သည့် အစည်းအဝေးသို့ သူနှင့် ဦးဝီရသူတို့ တက်ရောက်ခဲ့၏။

    ယင်းအစည်းအဝေးတွင် ဗုဒ္ဓဘာသာအမျိုးသမီးများအား မွတ်စ်လင်မ် အမျိုးသားများနှင့်အိမ်ထောင်မပြုစေရေးအဆိုတစ်ရပ်ကို ဦးဝီရသူမှ တင်သွင်းသည်။ ဦးဝီရသူ၏ပိတ်ပင်တားမြစ်ချက်အဆိုကို ဦးဓမ္မပီယမှ ထောက်ခံခဲ့ပြန်သည်။ ယင်းကား ၉၆၉ သည် သြဇာတိက္ကမရှိသည့် သံဃာထုသို့ ထိုးဖောက်ဝင်ရောက်ခြင်း ပြယုဂ်လည်းမည်ပေသည်။ ဦးဓမ္မပီယသည် အာရှဒေသတွင်းရှိ အခြားဗုဒ္ဓဘာသာတက္ကသိုလ်ကြီးများနှင့်ချိတ်ဆက်ထားသော ရန်ကုန်မြို့၊ အပြည်ပြည်ဆိုင်ရာ ထေရ၀ါဒဗုဒ္ဓဘာသာ သာသနာပြုတက္ကသိုလ်မှ အမေရိကန် ပညာရေးသင်ယူဖူးသည့် ပရော်ဖက်ဆာ ဆရာတော်ကြီးဖြစ်သည်။

    ဦးဓမ္မပီယက ၉၆၉ အား ငြိမ်းချမ်းသောလှုပ်ရှားဆောင်ရွက်မှုဖြစ်၍ မြန်မာလူမျိုးတို့ကို အပြောင်းအလဲကာလရှိ မငြိမ်သက်မှုများမှ လွတ်မြောက်စေမည်ဟု ဖော်ပြလိုက်သည်။ “ ဘုန်းကြီးတို့အတွက် ၉၆၉ ပြဿနာကို
    ပြဿနာလို့ မသတ်မှတ်ဘူး။ ဗုဒ္ဓဘာသာဟာ ငြိမ်းချမ်းရေးနဲ့ သဟဇာတဖြစ်ရေးလမ်းစဉ်တွေထဲ ထာဝစဉ် ရှင်သန်သွားမှာဖြစ်တယ် ” ဟု ရိုက်တာသို့ပြောကြားခဲ့သည်။

    ဒီအရပ်မှာ ဗလီ အလိုမရှိ

    ၉၆၉ နှင့်အပြိုင် ကြီးကြီးကျယ်ကျယ်လှုပ်ရှားနိုင်သည်မှာ NLD ပါတီတစ်ခုတည်းသာဖြစ်သည်။ ၄င်းတို့နှစ်ခု ပတ်သက်မှုမှာ ထိပ်တိုက်ဆန့်ကျင်မှုရှိသလို အပြန်အလှန်အသုံးချမှုမျိုးလည်း ရှိနေသည်။ NLD ပါတီနှင့် ဒေါ်စုကြည်၏အတွင်းစည်း၌ မွတ်စ်လင်မ်တို့မှ စိုးမိုးခြယ်လှယ်ထားကြောင်း ဦးဝီရသူ၏ ပြောကြားချက် မတ်လနှောင်းပိုင်းတွင် YouTube ရောက်ရှိခဲ့သည်။ “ဘယ်မြို့ဘယ်ဒေသက NLD ရုံးကိုကြည့်ကြည့် မုတ်ဆိတ်တွေကို တွေ့ရပါလိမ့်မယ် ”။ ဦးဝိမလ၏နောက်လိုက်တို့က ဒေါ်စုကြည်သည် ဘာသာရေး ကိုင်းရှိုင်း သော်လည်း မိမိတို့အိမ်ရှိ သူမ၏ဓာတ်ပုံများကို ဖယ်ရှားလိုက်ပြီ ဖြစ်ကြောင်း၊ ယမန်နှစ် ရခိုင်ပြည်နယ်အကြမ်းဖက်မှု၌ ဗုဒ္ဓဘာသာဝင်များဖက်မှ ကာကွယ်ပြောဆိုပေးမှုမရှိသည့်အပေါ် ဆန္ဒပြခြင်းဖြစ်ကြောင်း ရိုက်တာသို့ ပြောကြားခဲ့သည်။ ဒေါ်စုကြည်၏ နှုတ်ဆိတ်နေခဲ့ခြင်းက မွတ်စ်လင်မ်တို့ကိုလည်း အမျက်ထွက်စေခဲ့သည်။

    ရန်ကုန်မြို့တွင် NLD အဖွဲ့ဝင်များသည် ၉၆၉ ၏ လက်ဝေခံအလုပ်များလုပ်နေကြောင်း မြန်မာမွတ်စ်လင်မ်အဖွဲ့အစည်းက စွပ်စွဲထားသည်။ NLD ပါတီ၏ပြောခွင့်ရပုဂ္ဂိုလ် ဦးဥာဏ်ဝင်းကလည်း “ တစ်ချို့ NLD ပါတီဝင်တွေက ၉၆၉ ထဲမှာ ပါဝင်နေတာတော့အမှန်ဘဲ။ ဒါပေမယ့် ပါတီဝင်တွေရဲ့ လွတ်လပ်မှုနဲ့အခွင့်အရေးကို NLD က ၀င်ရောက်စွက်ဖက်မှာ မဟုတ်ပါဘူး။ လူမှုရေးနဲ့ပတ်သက်လို့ သူတို့ဆန္ဒအတိုင်း လုပ်ခွင့်ရှိပါတယ် ” ဟု ပြောဆိုခဲ့သည်။

    အငှားယာဉ်မောင်းဖြစ်သူ မင်းသက်လင်း (၃၆ နှစ်) သည်လည်း ထိုအခွင့်အရေးအတိုင်း ပြုလုပ်သည်။ သူ့ကား၏ ရှေ့ဖက်၊ နောက်ဖက်မှန်များပေါ်တွင် ၉၆၉ စတစ်ကာများ ကပ်ထား၏။ သူသည် မွတ်စ်လင်မ်ဆန့်ကျင်ရေးဖြင့် ကျော်ကြားသော အလုပ်သမားအများစုနေရာ ရန်ကုန်တိုင်း ၊ သာကေတမြို့နယ်၏ NLD ခေါင်းဆောင်တစ်ဦးလည်း ဖြစ်သည်။

    ဖေဖော်ဝါရီလတုန်းက သာကေတရှိ ဗုဒ္ဓဘာသာဝင်များသည် မင်းသက်လင်း၏အိမ်အနီးမှ အစ္စလာမ်ဘာသာရေးကျောင်း တစ်ခုကို ဗလီဝတ်ကျောင်းအဖြစ် တိတ်တဆိတ် ပြောင်းလဲဆောက်လုပ်နေသည်ဟုဆိုကာ ဖြိုချခဲ့ကြသည်။ အဆောက်အဦး ဖြိုချဖျက်ဆီးနေချိန်အထိ အဓိကရုဏ်းထိန်းသိမ်းရေး ရဲတို့ကို တာဝန်ချပေးထားခဲ့သည်။

    နောက်တစ်လအကြာ ဦးဝိမလနှင့်မွန်ဘုန်းကြီး ၂ ဦးတို့သည် သာကေတသို့ရောက်လာပြီး ၉၆၉ တရားပွဲ ၃ ရက် ကျင်းပပြုလုပ်ခဲ့သည်။ ဗုဒ္ဓဘာသာဝင်များထံဝေငှသော “ဓမ္မဆေးဝါး” အမည်တပ်လှုံ့ဆော်စာရွက်ထဲတွင် “ တိုက်ခိုက်မှုကို မစွန့်လွှတ်နှင့် ” ဟု တွန်းအားပေးထားသည်ကို တွေ့ရ၏။ ယခုသော် ထိုစာသင်ကျောင်းအား ချိတ်ပိတ်ထားပြီး ရဲများဖြင့် အစောင့်ချထားသည်။ “ ဒီမှာ ဗလီရှိနေတာကို လူတွေက မလိုလားဘူး ” ဟု မင်းသက်လင်းက ဆိုသည်။

    သူ၏ စကားအရ ၉၆၉ လှုံ့ဆော်ရေးတေးသီချင်းဖြစ်သည့် “ဘာသာရေး သွေးအမြဲတစေ တအုံ့နွေးနွေး ဖြစ်နေဖို့” ဆိုသည်မှာ သောသောညံသွားခဲ့သည်ဟုဆိုသည်။ အနီးရှိ ဘုန်းတော်ကြီး စာသင်ကျောင်းကလည်း ကျောင်းသားများကိုလက်ခံစဉ် ထိုသီချင်းအား ဖွင့်ထားခဲ့ပေသည်။

    ( သာကီထက်ကောင်း )

    ရိုက်တာ သတင်းဌာမှ  Special Report Myanmar gives official blessing to anti-Muslim monks ကို သာကီထက်ကောင်း မှ မြန်မာလိုဘာသာပြန်ဆိုပါသည်။

  • မြန်မာပြည် မိုဘိုင်းဖုန်းတင်ဒါအနိုင်စာရင်းက ဘာသာရေးဒေါသူပုန်ထမှုကို ဖြစ်စေခဲ့

    M-Media
    ဇွန်လ ၂၉ ရက်၊ ၂၀၁၃
    နယူးယောက်တိုင်းမ်စ်ပါ သောမတ်ဖူလာ၏ ဆောင်းပါး ကို မြန်မာပြန်ပါသည်။

    Myanmar-mobile-phoneမြန်မာအစိုးရက ကြာသပတေးနေ့မှာ တယ်လီဖုန်းဆက်သွယ်ရေးအော်ပရေတာ အတွက် နိုင်ငံခြားကုမ္ပဏီနှစ်ခုကို တင်ဒါအနိုင်ပေးခဲ့ပါတယ်။ တိုင်းပြည်ရဲ့ ကမ္ဘာကိုဖွင့်လှစ်လိုက်တဲ့ (မျက်နှာစာ) မှာ မှတ်တိုင်သစ်စိုက်ထူလိုက်သလိုပါပဲ။ ဒါပေမယ့် အဲဒီမှတ်တိုင်ကို ဘာသာရေးမုန်းတီးမှုက ချက်ချင်းပဲ ပုတ်သိုးအောင် လုပ်ပြစ်လိုက်တယ်။

    ဗုဒ္ဓဘာသာ အခြေခံအမျိုးသားရေးဝါဒလှုပ်ရှားမှု ကို ခေါင်းဆောင်တဲ့သူ တစ်ဦးဖြစ်တဲ့ ရဟန်းတစ်ပါးက တယ်လီဖုန်းတင်ဒါအောင်မြင်တဲ့ ကုမ္ပဏီ စာရင်း ကြေညာအပြီးမှာပဲ ကုမ္ပဏီနှစ်ခုထဲက တစ်ခုကို သပိတ်မှောက် ဖို့ ဆော်သြခဲ့ပါတယ်။ ဘာကြောင့်လဲဆိုတော့  အဲဒီကုမ္ပဏီက မွတ်စလင် တိုင်းပြည် ကာတာအခြေဆိုက် ကုမ္ပဏီ ဖြစ်နေလို့ပါပဲ။

    ၉၆၉ လှုပ်ရှားမှုခေါင်းဆောင် ဘုန်းကြီးဦးဝိမလက – “အစိုးရမှာ ဒီလောက်တောင်ရွေးစရာနဲလား၊ သူတို့ဘာလို့ဒီမွတ်စလင်ကုမ္ပဏီကိုမှ (တင်ဒါ)အနိုင်ပေး ရတာလဲ” လို့ ကြာသပတေးနေ့က တင်ဒါကြေညာအပြီး တယ်လီဖုန်းနဲ့ အင်တာဗျူးတဲ့အခါ ဖြေကြားခဲ့တာပါ။

    ကွာလတီနိမ့်ပါးလှတဲ့ မိုဘုန်းတယ်လီဖုန်းဆက်သွယ်ရေးကို အဆင့်မြှင့်တည်ဆောက်ပေးဖို့နဲ့ တယ်လီဖုန်းအော်ပရေတာလုပ်ပိုင်ခွင့် ၁၅နှစ် ကန်ထရိုက် ကို အော်ရီဒိုးကုမ္ပဏီက နော်ဝေကုမ္ပဏီ တယ်လီနော်နဲ့အတူ အနိုင်ရရှိခဲ့တာပါ။

    လူဦးရေရဲ့ ၁၀ ရာခိုင်နှုန်းအောက်သာ မိုဘိုင်းသုံးစွဲနေရတဲ့ မြန်မာပြည်အတွက်တော့ တယ်လီဖုန်းကွန်ယက်က တကယ့်ကို လိုအပ်ချက်ကြီးပါ။ ကမ္ဘာ့အဆင်း ရဲဆုံးနိုင်ငံတွေမှာတောင် မိုဘိုင်းဖုန်းတွေက နေရာအနှံ့တွင်ကျယ်နေတဲ့အချိန်မှာ ဒီလို ၁၀ ရာခိုင်နှုန်းအောက်ဆိုတဲ့ ပမာဏကတော့ သတိပြု မိလောက်အောင် နည်းပါးလွန်းလှပါတယ်။ မြန်မာပြည်ရဲ့အိမ်နီးချင်းတွေဖြစ်တဲ့ လာအိုမှာတော့ မြန်မာလိုပဲ ဆင်းရဲမှုနှုန်း ဆိုးဆိုးဝါးဝါးရှိနေတာတောင် မိုဘိုင်းဖုန်းထိုးဖောက်နေရာယူထားမှုက ၈၇ ရာနှုန်းတောင်ရှိနေပါတယ်။

    လူထုရဲ့ ၉၀ ရာခိုင်နှုန်းက ဗုဒ္ဓဘာသာတွေဖြစ်နေတယ်၊ အဲဒီမှာမှ မွတ်စလင်ဆန့်ကျင်ရေး အမုန်းတရားကြီးထွားဖို့ ဟောပြောလှုံဆော်မှုတွေကြောင့် ပိတ်ပင်ဟန့်တားမှုမဲ့နေတဲ့ မင်းမဲ့စရိုက်ဆန်ရန်လိုတတ်တဲ့ လူအုပ်စုကြီးကလည်း ရှိနေပြန်သေးတယ်။ အဲဒီလိုအခြေအနေမျိုးမှာ အော်ရီဒိုးကို တယ်လီဖုန်း တင်ဒါပေးလိုက်တော့ ဒေါသူပုန်ထစရာ ဖြစ်ကုန်တော့တာပေါ့။

    အစိုးရရဲ့ တင်ဒါအောင်တဲ့သူတွေစာရင်းဖေ့စ်ဘွတ်ပေါ်ရောက်လာတော့ အရေးတယူပြုလုပ်ထိုက်တဲ့ မှတ်ချက်တွေလည်း စုပြုံထွက်ပေါ်လာတော့ တာပဲ။ တစ်ယောက်ကတော့ “အိုမိုင်ဂေါ့၊ ဘာကြောင့်၊ ဘာကြောင့်၊ ဘာကြောင့် မွတ်စလင်ကုမ္ပဏီ (ကိုပေးလိုက်ရတာလဲ)” လို့ မှတ်ချက်ရေးခဲ့ သလို နောက် တစ်ယောက်ကတော့ “အော်ရီဒိုးအလိုမရှိ” လို့ ရေးထားပါတယ်။

    အစိုးရကတော့ အရှေ့အလယ်ပိုင်း၊ အာဖရိကမြောက်ပိုင်းနဲ့ အရှေ့တောင်အာရှမှာ လုပ်ငန်းဆောင်ရွက်နေတဲ့ အော်ရီဒိုးကို သူတို့ကိုယ်တိုင် ရွေးချယ် လိုက်တဲ့အပေါ်မှာ ရပ်တည်ခဲ့ပါတယ်။ “သူတို့က စင်ကာပူမှာ ကောင်းမွန်တဲ့ တယ်လီဖုန်းဝန်ဆောင်မှုစနစ် ပေးနေတယ်၊ ကျွန်တော်တို့ သူတို့ကို လိုင်စင်ပေးခဲ့တဲ့နေရာမှာ သူတို့ရဲ့ ၀န်ဆောင်မှုတွေပေါ်မှာ အခြေခံပြီး ရွေးခဲ့တာပါ” လို့ အစိုးရပြောခွင့်ရ ဦးရဲထွဋ်က တယ်လီဖုန်းနဲ့ ဖြေကြားပေးခဲ့ပါတယ်။

    ၉၆၉ လှုပ်ရှားမှုခေါင်းဆောင်တွေ ပြီးခဲ့တဲ့လတွေတုန်းက မွတ်စလင်ပိုင် ဈေးဆိုင်တွေ၊ မွတ်စလင်ပိုင် ကုမ္ပဏီတွေနဲ့ ပတ်သတ်မှုရှိနေတယ်လို့ သူတို့ကိုယ် တိုင် ပြောဆိုသတ်မှတ်တဲ့ ထုတ်ကုန် ပစ္စည်းတွေကို သပိတ်မှောက်ဖို့ လှုံဆော်ခဲ့ကြပါတယ်။ ဗုဒ္ဓဘာသာရဲ့ ၀ိသေသတွေ ခြိမ်းခြောက်ခံနေရ တယ်လို့ ၉၆၉ လှုပ်ရှားသူတွေက ဆိုသလို ဗုဒ္ဓဘာသာဝင်တွေနဲ့ မွတ်စလင်တွေ လက်ထပ်ထိမ်းမြားခြင်းကိုလည်း ပိတ်ပင်ဖို့ အဆိုပြုကြပါတယ်။

    ဗုဒ္ဓဘာသာ မင်းမဲ့စရိုက်ဆန် လူရမ်းကားအုပ်စုတွေဟာ ပြီးခဲ့တဲ့ နှစ်အတွင်း မွတ်စလင် ၂၀၀ ကျော်ကို သတ်ဖြတ်ခဲ့သလို မွတ်စလင်အများစုပါဝင်တဲ့ လူပေါင်း ၁သိန်းခွဲကျော်ကို အိုးမဲ့အိမ်မဲ့ဖြစ်စေခဲ့ပါတယ်။

    အရှင်ဝီရသူကို “ဘုရားသားတော်”၊ (၉၆၉) လှုပ်ရှားမှု၏ ၀ိညာဉ်ရေးခေါင်းဆောင်လို့ ခေါ်ဆိုထားတဲ့ ကြေညာချက်ထုတ်ပြန်ခဲ့တဲ့ သမ္မတဦးသိန်းစိန် ကတော့ တနင်္ဂနွေနေ့တုန်းက ၉၆၉ လှုပ်ရှားမှုကို ကောင်းချီးပေးခဲ့ပါတယ်။

    ၉၆၉ လှုပ်ရှားမှုရဲ့ သပိတ်မှောက်ဆန္ဒပြတာတွေဟာ ဘယ်လောက်ထိအရာရောက်သလဲဆိုတာ မြင်တွေ့ရတော့မှာပါ။ စစ်အုပ်ချုပ်ရေးအောက်မှာ ဆယ်စုနှစ် များစွာအထီးကျန်ခဲ့ရတဲ့ မြန်မာနိုင်ငံကို ၅၅ သန်းသောပြည်သူတွေအတွက်ရည်စူးပြီး သစ်လွင်တဲ့ လွတ်လပ်ခြင်းဆီသို့ အသွင်ပြောင်းနေတဲ့နေရာမှာ ဒီတယ် လီဖုန်းဆက်သွယ်ရေးလိုင်စင်က အရေးပါအရာရောက်တဲ့ သင်္ကေတဖြစ်လို့နေပါတယ်။

    ပါလီမန်မှာ တယ်လီဖုန်းကန်ထရိုက်ကြေညာဖို့ရက်ကို တယ်လီဖုန်းဘီလ် (bill) နဲ့ပတ်သတ်ပြီး ဥပဒေပြဌာန်းနိုင်ရန် ဆွေးနွေးမှုတွေပြီးတဲ့ အထိ နောက် ဆုတ်ဖို့ ဗုဒ္ဓဟူးနေ့မှာ ဆန္ဒမဲပေးခဲ့ကြပါသေးတယ်။ ဒါပေမယ့် အစိုးရကတော့ ကန်ထရိုက်အနိုင်ရစာရင်းကို ကြေညာခဲ့ပါတယ်။ သမ္မတဦးသိန်းစိန်ကတော့ (ပါလီမန်က) မဲခွဲဆုံးဖြတ်ခွင့်ရှိသူတွေကို ၂၀၁၅ ရွေးကောက်ပွဲမတိုင်မီ ရလဒ်တစ်ခုထွက်လာအောင် လုပ်ဆောင်ကြဖို့ အလိုရှိနေသလို အဲဒီရလဒ်ကလည်း တိုင်းပြည်ရဲ့ စီးပွားရေးအရ ထိန်းချုပ်မှုတွေ လျော့ပါးအောင်နဲ့ ဒီမိုကရေစီအသွင်ကူးပြောင်းရေး စတာတွေမှာ ထိရောက်အကျိုးရှိတဲ့ ရလဒ်ဖြစ်ဖို့လည်း သမ္မတက အလိုရှိနေပါတယ်။

    မြန်မာပြည်လွန်ခဲ့တဲ့သုံးနှစ် စစ်အစိုးရလက်အောက်မှာ ရှိနေစဉ်က မိုဘုန်းဖုန်းဆိုတာ ချမ်းသာသူတွေအတွက်သာ ဖြစ်ခဲ့ပါတယ်။ တယ်လီဖုန်းကန် ထရိုက် မှာတော့ လျင်မြန်တဲ့ ရလဒ်တစ်ခုဖြစ်လာဖို့ တိုက်တွန်းထားပါတယ်၊ ဥပမာ – ဒီတယ်လီဖုန်းဝန်ဆောင်မှုက တစ်နှစ်အတွင်းမှာတင် လူဦးရေရဲ့ လေးပုံဆီ ကို ရောက်ရမယ်၊ ငါးနှစ်အတွင်းမှာ လူဦးရေထက်ဝက်က ဆယ်လ်လူလာဒေတာလို့ခေါ်တဲ့ တယ်လီဖုန်းကနေ နိုင်ငံတကာကွန် ယက်ဆက်သွယ်မှုတွေ လုပ်နိုင်နေစေရမယ်၊ လူဦးရေရဲ့ လေးပုံသုံးပုံက အသံအသုံးပြုဆက်သွယ်ရေး ပြုလုပ်နိုင်ပြီးဖြစ်ရမယ်။

    ကြီးမားတဲ့ ရင်းနှီးမြှုပ်နှံမှုလိုအပ်ချက်အရ ဒေါ်လာဘီလီယံနဲ့ချီလိုအပ်ချက်က မြန်မာအတွက် အဓိကအချက်ဖြစ်တဲ့အပေါ်မှာ အော်ရီဒိုးကုမ္ပဏီနဲ့ တယ်လီနော် ကုမ္ပဏီတို့ကတော့ ငွေကြေးပိုင်းမှာ ပြောစရာမရှိဘူးလို့ လေ့လာသူတွေက ဆိုပါတယ်။

    အော်ရီဒိုးရဲ့ ဥသျှောင် ရှိတ်ခ်အဗ္ဗဒွလ္လာဟ် ဘင် မုဟမ္မဒ် ဘင် ဆအုဒ်အလ်ဆာနီကတော့ မြန်မာပြည်သည် မိမိတို့ကုမ္ပဏီအတွက် သော့ချက်ဈေးကွက် ဆို တာ သံသယပွားစရာမလိုပါဘူးလို့ ကြာသပတေးနေ့က ထုတ်ပြန်တဲ့ အစီရင်ခံစာမှာ ဖော်ပြခဲ့ပါတယ်။

  • ဗုဒ္ဓမြန်မာတို့အတွင်းမှ အစွန်းရောက် လှိုင်းတံပိုး (ဘာသာပြန်)

    ဇွန်-၂၀၊၂၀၁၃
    The New York Time
    မူရင်း ဆောင်းပါးရှင်-
    ဘာသာပြန်ဆိုသူ- သာကီထက်ကောင်း

    Bisku Wirathu - Time

    မြန်မာနိုင်ငံတွင် ရော့ခ်စတား တစ်ဦးလို နောက်လိုက်များစွာရှိသော ဗုဒ္ဓဘာသာဘုန်းတော်ကြီး အရှင်ဝီရသူသည် အစဉ်အလာ အတိုင်း ဘုရားရှိခိုးခြင်း အမှုကို ဆောင်ရွက်ပြီးစီးလေသော အခါ ထောင်ချီပရိတ်သတ်ရှေ့၌ မိန့်မိန့်ကြီး ထိုင်ချလိုက်ပါ၏။ ၄င်းနောက် သူကိုယ်တိုင်“ရန်သူ” ဟု သမုတ်ထားသည့် နိုင်ငံတွင်းရှိ မွတ်စ်လင်မ်လူနည်းစုအပေါ်  အမူအယာကဲကဲ ဟန်ပါပါဖြင့် အမုန်းတရား စတင်ဟောပြောပါတော့သည်။

    “ ဒကာ ဒကာမတို့အနေနဲ့ မေတ္တာတရား စာနာမှုတရား အပြည့်အ၀ ရှိနိုင်ပါတယ်။ ဒါပေမယ့် ခွေးရူးတစ်ကောင်ရဲ့ နံဘေးမှာ ကောင်းကောင်းအိပ်စက်နိုင်မှာ မဟုတ်ဘူး ” ဟု မွတ်စ်လင်မ်တို့ကို ရည်ညွှန်းပြောဆိုခဲ့သည်။

    နှစ်နာရီအကြာ ဟောပြောပွဲပြီးသည့်နောက် “ သူတို့ဟာ ပြဿနာကောင်တွေဖြစ်နေလို့ ဦးဇင်းက သူတို့ကို ပြဿနာကောင်တွေလို့ ခေါ်ဆိုတာ။ ဦးဇင်းကို အစွန်းရောက်ဗုဒ္ဓဘာသာဝင်တစ်ဦးအဖြစ် သတ်မှတ်ခေါ်ဝေါ်တာကို ဦးဇင်း ဂုဏ်ယူတယ် ” ဟု အရှင်ဝီရသူမှ သတင်းထောက်တစ်ဦးအား ပြောကြားလိုက်သည်။

    ဒလိုင်းလားမား၏ အတ္တပယ်ရေးစကားရပ်များကြောင့်လည်းကောင်း၊ ဗုဒ္ဓနည်းကျဘာဝနာစီးဖြန်းမှု လူကြိုက်များလာခြင်း ကြောင့် လည်းကောင်း၊ အရှေ့တောင်အာရှရှိ ပို့စ်ကဒ်ဓာတ်ပုံ လှလှပပများ ဖြစ်လာစေမည့် တင့်တယ်သည့်ရှုခင်းများကြောင့် လည်းကောင်း၊ ရောင်နီတက်ချိန် ဖိနပ်မပါခြေဗလာဖြင့် နီညိုရောင်သင်္ကန်းရုံ သံဃာများအား ရွာသားတို့မှ ဆွမ်းလောင်းလှူပုံမြင် ကွင်း တို့ကြောင့် လည်းကောင်း  ဗုဒ္ဓဘာသာအား အလွန်နှူးညံ့သိမ်မွေ့သည့်ပုံရိပ်အဖြစ် ကမ္ဘာက ရှုမြင်ထားကြသည်။

    သို့ငြားလည်း လွန်ခဲ့သည့်တစ်နှစ်ကျော်မှစ၍ ဗုဒ္ဓဘာသာဝင်မြန်မာများ၏ ဓားတရမ်းရမ်း သောင်းကျန်းဖျက်ဆီးမှု ပုံရိပ်များ၊ အရှင်ဝီရသူကဲ့သို့ဘုန်းတော်ကြီးများ၏ အမုန်းပွားအမျက်သို ဟောပြောချက်များက မြန်မာနိုင်ငံတွင် အစွန်းရောက်ဗုဒ္ဓ၀ါဒ အရှိန်မြင့်တက်လာကြောင်း မီးမောင်းထိုးပြသလျက်ရှိပေသည်။ ထို့အပြင် ဆယ်စုနှစ်များစွာစစ်အုပ်ချုပ်ရေးပြီးနောက် ရရှိလာသည့် လွတ်လပ်မှုမှာ ပို၍ ပရမ်းပတာဖြစ် အကျည်းတန်လာကြောင်းလည်း လှစ်ဟပြသနေပေသည်။ တယူသန် ဗုဒ္ဓဘာသာဝင်လူအုပ်များမှ မွတ်စ်လင်မ်ဦးရေ ၂၀၀ ထက်မနည်းကို သတ်ဖြတ်လိုက်ကြပြီ၊ မွတ်စ်လင်မ်အများစုပါဝင်သော လူပေါင်း တစ်သိန်းခွဲကျော်ကို အိုးမဲ့အိမ်မဲ့ ဖြစ်စေခဲ့ပြီ။

    ဖျက်ဆီးသောင်းကျန်းမှု၏ မည်သည့်ကဏ္ဍမှာမှ မိမိ မပါဝင်ကြောင်း အရှင်ဝီရသူက ငြင်းဆိုလျက်ရှိသည်။ သို့သော် သူ၏ မွတ်စ်လင်  ဆန့်ကျင်ရေးဟောပြောမှုများက အကြမ်းဖက်မှုကိုပေါက်ဖွားလာစေကြောင်း သူ၏ဝေဖန်အပုပ်ချမှုများ၌ ပေါ်လွင်နေပေသည်။

    မွတ်စ်လင်မ်တို့၏ရောင်းကုန်များကို သပိတ်မှောက်ခြင်းအပါအ၀င် လွန်ခဲ့သောနှစ်က စတင်ခဲ့သည့် ၀ါဒဖြန့်မှု မှာ မြန်မာလူ့အဖွဲ့အ စည်း၏အောက်ခြေအဆင့်တိုင် နိုင်ငံနှင့်အ၀ှန်း ကျယ်ပြန့်ကြီးထွားလာသည်။ ယင်းဝါဒဖြန့်ချက်သည်  တိုင်းပြည်အနှံ့ မပြတ် တမ်း ဟောပြောခြင်းအားဖြင့် ပျံ့နှံ့လွှမ်းမိုးလျက်ရှိသည်။ ထိုသို့လွှမ်းမိုးစေဖို့  ဒီဗီဒီအခွေများဖြင့် မုန်းတီးရေးတရားများကို အလှမ်းကျယ်စွာဖြန့်ချိသည်။ ဤလှုပ်ရှားမှုနှင့်ဆက်နွှယ်ပတ်သက်နေသော ဗုဒ္ဓဘာသာဘုန်းတော်ကြီးကျောင်းများ လည်း နိုင်ငံတစ် ၀ှမ်းရှိ ဗုဒ္ဓဘာသာဝင်ကလေးငယ် ၆ သောင်းအတွက် တနင်္ဂနွေဘာသာရေးသင်တန်း ဖွင့်လှစ်နေကြ၏။

    အမုန်းတရားဖြင့်ပြည့်နှက်နေသည့် အပြောအဟောများမှာ မြန်မာနိုင်ငံ၏ဒီမိုကရေစီလမ်းကြောင်းအား ခြိမ်းခြောက်လျက် ရှိသည်။ တိုင်းပြည်မြို့ရွာများ၏လုံခြုံဘေးကင်းရေးအပေါ်  အစိုးရ၏စွမ်းဆောင်မှုနှင့်ပတ်သက်၍မူ အဓိကမေးခွန်းမှာ ဗုဒ္ဓဘာသာဝင်အများစုရှိသည့်တိုင်းပြည်တွင် ဗုဒ္ဓဘာသာဝင်များအား ထိန်းသိမ်းလိုခြင်းဆန္ဒရှိမရှိဆိုသည်ပင်။

    သတ်ဖြတ်ခြင်းများမှာ ဒေသတွင်းမှကျော်လွန်လျက် မွတ်စ်လင်မ်နိုင်ငံများတွင် ဂယက်ရိုက်နေပြီ ဖြစ်၏။ စစ်အုပ်ချုပ်ရေးမှ ဒီမိုကရေစီ သို့ ငြိမ်းချမ်းစွာအသွင်ကူးပြောင်းလိမ့်မည်၊ သမိုင်းတွင်လိမ့်မည် ဟူသော နိုင်ငံတကာ၏ မျှော်လင့်ချက် အမြင် မှာေ၀၀ါးမှေးမှိန် ခဲ့လေပြီ။ မွတ်စ်လင်မ်တို့အား စော်ကားနှိပ်စက်မှုကို လက်စားချေသောအားဖြင့် ပြီးခဲ့သည့် မေလက ဂျကာတာရှိမြန်မာသံရုံးကို ဗုံးခွဲ ရန်ကြံစည်ခဲ့ရာ မိမိတို့မှ ကာကွယ်တားဆီးနိုင်ခဲ့သည် ဟု အင်ဒိုနီးရှားအာဏာပိုင်များက ပြောကြားခဲ့ကြသည်။

    ထိလွယ်ရှလွယ်လှသော အကူးအပြောင်းကာလအတွင်း လူထုထုတ်ဖော်မှုများ၌ ကန့်သတ်မှုလျှော့ပေးထားခြင်းကို အမြတ်ထုတ် လျက်၊ အစွန်းရောက်လှုပ်ရှားမှု၏ နောက်ကွယ်ခေါင်းဆောင်ဖြစ်သူ အရှင်ဝီရသူသည် လွတ်လပ်စွာပြောဆိုခွင့် နှင့် ထိပါးစော် ကားပြောဆိုမှုအကြားမှ လမ်းကြောင်းတစ်ခုကို အသုံးချနေခြင်းဖြစ်သည်။ လက်ရှိ စစ်တပ်တစ်ပိုင်းအရပ်သားတစ်ပိုင်းအစိုးရမှ သူ့အား အာဃာတမီးမွှေးမှုကြောင့် ထောင်ဒဏ် ၈ နှစ်ချမှတ်ခဲ့ဖူးသည်။ ယမန်နှစ်က ရာဂဏန်းရှိနိုင်ငံရေးအကျဉ်းသားများ ကို လွတ်ငြိမ်းခွင့်ပေးရာတွင် သူလည်း ညှပ်ပါလွတ်မြောက်လာခဲ့၏။

    လူ့အခွင့်အရေးအဖွဲ့တစ်ခု၏မှတ်တမ်းများအရ သူ၏လတ်တလောဟောပြောမှုများတွင်လည်း မတ်လ၊ မိတ္ထီလာမြို့မှ ကျောင်းနေ ကလေးငယ်များနှင့်အခြားမြို့ခံမွတ်စ်လင်မ်တို့၏ ဖြစ်ရပ်ဆိုးကြီးကို (၉၆၉) ခွန်အားထုတ်ဖော်မှုဟု မှတ်တမ်းတင်ခဲ့သည်။ သူက “ တ ကယ်လို့ ဦးဇင်းတို့ ပျော့ညံ့နေရင် ဒီတိုင်းပြည်က မွတ်စ်လင်မ်တိုင်းပြည် ဖြစ်သွားမယ် ” ဟု ပြောခဲ့သည်။

    ဗုဒ္ဓဘာသာဝင်တို့သည် မြန်မာနိုင်ငံ၌ ဘေးမသီရန်မခ ရှိနေကြ၏။ လူဆယ်ဦးတွင် ကိုးဦးမှာ ဗုဒ္ဓဘာသာဝင်များ ဖြစ်ကြသည်။ စီး ပွားရေးလောက၏ထိပ်တန်းနေရာများ၊ အုပ်ချုပ်ရေး၊ စစ်တပ် နှင့် ရဲဌာနများ၌ရှိသူ အားလုံးနီးပါးမှာ ဗုဒ္ဓဘာသာဝင်များသာဖြစ်ကြ၏။ လူဦးရေ ၅၅ သန်းရှိမြန်မာနိုင်ငံတွင် မွတ်စ်လင်မ်လူနည်းစုမှာ ၄ ရာခိုင်နှုန်းမှ ၈ ရာခိုင်နှုန်းအထိသာ ရှိပြီး၊ ကျန်လူနည်းစုဝင်များမှာ အများအားဖြင့် ခရစ်ယာန်နှင့်ဟိန္ဒူဘာသာဝင်များ ဖြစ်ကြောင်း ခန့်မှန်းထားကြ၏။

    အလွန်နည်းပါးသည့်လူဦးရေပမာဏဖြစ်သော်ငြား မိမိဖာသာ အမျိုးသားသူရဲကောင်းဟု အမည်ပေးထားသော အရှင်ဝီရသူက မွတ်စ်လင်မ်တို့သည် ဗုဒ္ဓဘာသာဝင်များထက် ကလေးများစွာ ပိုယူ၍ ဗုဒ္ဓဘာသာပိုင်မြေများကို ၀ယ်ယူခြင်းဖြင့် ဗုဒ္ဓဘာသာအား ခြိမ်းခြောက်နေသည်ဟု ဆိုလျက်ရှိသည်။ ဗြိတိသျှကိုလိုနီခေတ်က မွတ်စ်လင်မ်အများစု ပါဝင်သည့် အိန္ဒိယသားများကို အရာရှိများ၊ စစ်သည်များအဖြစ် ခေါ်သွင်းလာခြင်း ဟူသော တစ်ဖက်စောင်းနင်း သမိုင်းအပိုင်းအစများအား အခါအားလျော်စွာ ဆွဲယူအ သုံးပြုနေလေသည်။ သူဖြန့်ချိနေသည့် ပြင်းထန်သော အမျိုးသားရေးအကြောင်းတရားများမှာ အခြားတိုင်းနိုင်ငံများရှိ ဗုဒ္ဓဘာသာဝင်တို့ကို အလန့်တကြား ဖြစ်သွားစေသည်။

    မတ်လအကြမ်းဖက်မှုများနောက်တွင် ဒလိုင်းလားမား က ဘာသာရေးအမည်ကိုသုံး၍ သတ်ဖြတ်ခြင်းမှာ မကြံစည်ကောင်းသည့် အမှုဖြစ်ကြောင်းပြောကြားခဲ့ပြီး၊ တရားတော်အတွက် ဗုဒ္ဓမြတ်စွာမျက်နှာတော်ကို ထောက်၍ ဗုဒ္ဓဘာသာဝင်မြန်မာများအနေနှင့် ဆင်ခြင်တုံတရားထား ရှိကြရန် တိုက်တွန်းခဲ့သည်။

    အိမ်နီးချင်း ထိုင်းနိုင်ငံမှ ဗုဒ္ဓဓမ္မပညာရှင်တစ်ဖြစ်လဲ ထင်ရှားသောဘုန်းတော်ကြီးဖြစ်သူ ဖရာ့ ပိုင်ဆာ့လ် ဗီဆာလို (Phra Paisal Visalo) က မြန်မာ အစွန်းရောက်ဘုန်းကြီးများမှ ထုတ်ဖော်ချပြနေသော “ ငါတို့ နှင့် သူတို့ ” အယူအဆမှာ ဗုဒ္ဓ၀ါဒနှင့် သဟဇာတမဖြစ်ကြောင်း မှတ်ချက်ပြု ခဲ့သည်။ သို့သော် သူအပါအ၀င် မြန်မာပြည်ပြင်ပမှ ဗုဒ္ဓဘာသာဝင်ခေါင်းဆောင်တို့၏ ဝေဖန်တိုက်တွန်းချက်များသည် ဟုတ်တိပတ်တိ အရာမရောက်ခဲ့ကြောင်း ၀မ်းနည်းစကားဆိုခဲ့သည်။ သူက ဆက်လက်၍ “ မြန်မာဘုန်းတော်ကြီးများဟာ တော်တော့်ကို သီးခြားဆန်လာတယ်။ ကမ္ဘာတစ်ဝှန်းမှာရှိနေကြတဲ့ ဗုဒ္ဓဘာသာဝင်များနဲ့လည်း ပတ်သက်ဆက်နွှယ်မှု မရှိသလောက် ဖြစ်နေတယ် ” ဟု ပြောခဲ့သည်။

    မြန်မာဘုန်းတော်ကြီးများသည် သီရိလင်္ကာနိုင်ငံနှင့်သာ ပတ်သက်မှုများပြားနေသည်။ ထိုနိုင်ငံသည် သမိုင်းကြောင်းအရ လူမျိုးရေးပြဿနာများဖြင့် အလွန်အကျည်းတန်ခဲ့သည်။ မြန်မာဘုန်းတော်ကြီးနှင့်ရဟန်းသံဃာတို့သည် သီရိလင်္ကာရှိ လူများစုဆင်ဟာလီအတွင်းမှ ဗုဒ္ဓဘာသာဘုန်းတော်ကြီး များ၏ တစ်ယူသန်နိုင်ငံရေးမှိုင်းမိလျက်ရှိနေသည်။

    မြန်မာနိုင်ငံတွင်တော့ သွေးခွဲမှုပိုမိုကြီးထွားလာပြီး မွတ်စ်လင်မ်ဆန့်ကျင်ရေးဟောပြောမှုနှင့်လှုပ်ရှားမှု၌ ဆရာထက် တပည့်က လက်စောင်းပိုထက် လာတော့သည်။

    အကြမ်းဖက်မှုပွင့်ထွက်လာခြင်း ၊ သြဇာညောင်းနေသည့်အမုန်းတရားဝါဒဖြန့်ခြင်းတို့နှင့်အတူ စိတ်ပျက်ဖွယ်အကောင်းဆုံးအချက် မှာ ရွှေ ၀ါရောင်တော်လှန်ရေးဆရာတော်အချို့မှ ထိုသည်တို့တွင်ပါဝင်ခေါင်းဆောင်နေခြင်းဖြစ်သည်။ ၂၀၀၇ ခုနှစ် ရွှေဝါရောင်တော်လှန်ရေးကို စစ်အုပ် ချုပ်ရေးကိုဆန့်ကျင်ရန် ဗုဒ္ဓဘာသာဘုန်းတော်ကြီးများမှ ငြိမ်းချမ်းစွာ ဦးဆောင်ဆင်နွှဲခဲ့ကြ၏။

    ယခုလအစောပိုင်းတွင် ဤအရေးနှင့်စပ်လျဉ်း၍ မွတ်စ်လင်မ်အုပ်စုများမှစီစဉ်သော တွေ့ဆုံမှုတစ်ခု၌ ကျောင်းထိုင်ဆရာတော်တစ်ဦးဖြစ်သူ အရှင်ဥာဏနိက (၅၅ နှစ်)မှ “ ဒီအကြမ်းဖက်မှုမျိုးဖြစ်လာဖို့ ဘယ်တုန်းကမှ မျှော်လင့်မထားခဲ့ဘူး။ ၂၀၀၇ ခုနှစ်တုန်းက တို့တစ်တွေဟာ ငြိမ်းချမ်းရေး နှင့် ရင်ကြားစေ့သင့်မြတ်ရေးအတွက်သာ ကြွေးကြော်ခဲ့ကြတာပါ ” ဟု ပြောကြားခဲ့သည်။ (အရှင် ဟူသည် မြန်မာ ဘုန်းတော်ကြီးများ၏ အမည်ရှေ့တွင် လေးစားသမှုဖြင့် တပ်ခေါ်သည့်အသုံးအနှုန်းဖြစ်သည်)။ ရန်ကုန်မြို့၊ ဘုန်းတော်ကြီးစာသင်ကျောင်းဆ ရာတော်တစ်ဦး ဖြစ်သော အရှင်ဆန္ဒ၀ရ ကလည်း နိုင်ငံတွင်းရှိသံဃာများတွင် အစွန်းရောက်သူ နှင့် မျှတသူ ဟူ၍ နှစ်ခြမ်းကွဲနေသည်မှာ အင်အားထက်ဝက်စီခန့်ရှိသည်ဟု သုံးသပ်သွားခဲ့သည်။ သူက မိမိသည် အလယ်အလတ်လမ်းစဉ်သမားဟု သတ်မှတ် ထား၏။ သို့သော်လည်း လူအဖွဲ့အစည်းအတွင်း၌ မွတ်စ်လင်မ်များ အပေါ်ရှိသည့်သံသယများ နက်ရှိုင်းနေသဖြင့် “မွတ်စ်လင်မ်တို့၏လူဦးရေသည် အလွန်လျင်မြန်စွာ တိုးပွားနေသဖြင့် မိမိသည် မွတ်စ်လင်မ် တို့ကို ကြောက်ရွံကြောင်း” ဟု ပြောဆိုခဲ့သည်။

    အိမ်နီးချင်း ဘင်္ဂလားဒေ့ရ်ှနိုင်ငံမှတဆင့် လူဦးရေပေါက်ကွဲလာသည်ဟူသော လူအချို့၏ဖော်ပြချက်ကို မှီပြီး အရှင်ဝီရသူကလည်း ယင်းစိုးရိမ်စိတ်ကို ပုံကြီးချဲ့လျက်ရှိသည်။ လူဦးရေ တစ်သန်းခန့်ရှိပြီး ဌာနီမဲ့ရိုဟင်ဂျာမွတ်စ်လင်မ် လူမျိုးစုအနက်အချို့သည် ဘင်္ဂလားဒေ့ရ်ှဖက် မှပြောင်းရွှေ့အခြေချ လာသည်ဟုဆိုကာ မြန်မာနိုင်ငံတွင် မုန်းတီးချိုးနှိမ်လိုမှု ကြီးမားကျယ်ပြန့်နေသည်။ ယမန်နှစ်က မြန်မာနိုင်ငံအနောက်ပိုင်း ရခိုင်ပြည်နယ်တွင် ဗုဒ္ဓဘာသာဝင်နှင့်ရိုဟင်ဂျာတို့အကြား ဖြစ်ပွားခဲ့သောပြဿနာသည် မြန်မာ့လူ့အဖွဲ့အစည်းအတွင်းသို့ စိမ့်ဝင်လာခဲ့ပြီးနောက်ဝယ် နိုင်ငံတစ်ခွင် အကြမ်းဖက်မှုများ ပွင့်အံလာခဲ့သည်။ ၄င်းတို့သည် မိမိ၏အတွေးအမြင် မှန်ကန်ကြောင်း ထောက်ပြနေသကဲ့သို့ဖြစ်သည်ဟု အရှင်ဝီရသူမှ ပြောသည်။ လူတို့ကိုပြောကြားလေ့ရှိသည့် သူ၏ လက်စွဲစကားမှာ “ ငါတို့မြေမှာနေ၊ ငါတို့ရေကိုသောက်၊ ငါတို့ကိုကျေးဇူးကန်းသူများ ” ဟူ၍ ဖြစ်သည်။

    “ လိုအပ်ပါလျှင် ငါတို့အရိုးစည်းရိုးထိုး၍ ကာကွယ်သင့်ကကာကွယ်ရမည် ” ဟူသောဆောင်ပုဒ်ကိုထုတ်သော်လည်း ၄င်း၌ မွတ်စ်လင်မ်များ ဟု ပြောင်ပြောင်တင်းတင်း ဖော်ပြခြင်း မရှိချေ။ သို့သော် မွတ်စလင်မ်တို့ကိုပင် ရည်ညွှန်းသည်ဟု အရှင်ဝီရသူက ဆိုသည်။ သူ့ဟောပြောချက် လက်ကမ်း စာစောင်၌ “ မြန်မာတို့သည် ယဉ်ကျေးမှုအားလုံးကို အမြစ်လှန်မည့် အန္တရာယ်အကြီးဆုံး နှင့် ကြောက်စရာအကောင်းဆုံး အဆိပ်နှင့် ကြုံတွေ့နေရသည် ” ဟူ၍ မွတ်စ်လင်မ်တို့အား ပုံဖော်ထား၏။

    မြန်မာနိုင်ငံမှလူအများစုသည် ခိုင်လုံသောသက်သေသာဓက မရှိသော်လည်း ထင်မြင်ယုံကြည်နေကြသည်မှာ –  ၂၀၁၅ ရွေးကောက်ပွဲအောင်နိုင် မှုကို မျှော်မှန်းထားသော နိုင်ငံတွင်းရှိ အမာခံဗုဒ္ဓဘာသာအုပ်စုများက အရှင်ဝီရသူ၏ အမျိုးသားရေးလှုပ်ရှားမှုအား ကကြိုးတန်ဆာအဖြစ်အသုံးချလို၍ သူနှင့် မဟာမိတ်ဖွဲ့ထားခြင်းဖြစ်သည် ဟူ၏။ ယင်းသို့ ချိတ်ဆက်မှုမျိုး အလျဉ်းမရှိကြောင်း အရှင်ဝီရသူက ငြင်းဆိုထားသည်။

    သို့သော် အစိုးရပိုင်းက သူ့အား စိုးစဉ်းမျှပင် မထိန်းကွပ်ဘဲ ဇက်လွှတ်ပေးထားလေသည်။ အရှင်ဝီရသူ တောင်ကြီးသို့ ရောက်စဉ်က ယာဉ်ထိန်းရဲများ သည် သူ၏ယာဉ်တန်းအတွက် လမ်းရှင်းပေးရသည်အထိ ပြုလုပ်ပေးခဲ့ကြသည်။

    စည်းရုံးရေးခရီးစဉ်တစ်ခုအနေနှင့် ဘုန်းကြီးကျောင်းတစ်ကျောင်းသို့ရောက်လာရာတွင် သူသွားရာလမ်းတလျှောက် သူ့အားဦးချသူလူအုပ်များ အကြားမှ သူ့နောက်လိုက်များသည် တန်းစီဖြတ်သန်းသွားခဲ့ကြသည်။

    အရှင်ဝီရသူ၏လှုပ်ရှားမှုကို ၉၆၉ ဟုအမည်ပေးထားပြီး ၄င်းမှာ ဗုဒ္ဓ၊ ဓမ္မ၊ သံဃ၏ဂုဏ်တော်များကို ဂဏန်းသင်္ကေတဖြင့် ကိုယ်စားပြုထားသည်ဟု သံဃာများက ဆိုကြသည်။

    ၉၆၉ နံပါတ်ဖြင့်ပုံဖော်ထားသည့်အမှတ်တံဆိပ် စတစ်ကာများမှာ နိုင်ငံတစ်ဝှန်း နေရာအနှံ့ရှိ ကား၊ ဆိုင်ကယ် နှင့် ဆိုင်များတွင် မမြင်ချင်မှ အဆုံး ဖြစ်နေသည်။ တဖန် ထပ်တိုးလှုပ်ရှားမှုအဖြစ် ဘာသာခြားတို့နှင့်လက်ထပ်ခြင်းကို ပိတ်ပင်ရေးအတွက် လူထု၏ထောက်ခံ လက်မှတ်ကောက်ယူမှု ပြုလုပ်နေသည့်အပြင်၊ ရှောင်ကြဉ်ရမည့် မွတ်စ်လင်မ်တံဆိပ်နှင့်ဆိုင်များစာရင်းပါ လက်ကမ်းစာစောင်များကိုလည်း တရားပွဲတွင် ဖြန့်ဝေလျက်ရှိသည်။

    ရန်ကုန်မြို့၏အရှေ့တောင်ဖက်တွင်တည်ရှိပြီး လူမျိုးဘာသာယဉ်ကျေးမှုစုံရှိသည့် မော်လမြိုင်မြို့တွင် ၉၆၉ လှုပ်ရှားမှု နှင့် ချိတ်ဆက်ထားသော ဘုန်းတော်ကြီးကျောင်းတစ်ခုသည် ကလေးငယ်များအတွက် ဗုဒ္ဓဘာသာသင်ရိုးတစ်ခုကို ပြဋ္ဌာန်းလိုက်သည်။ ယင်းသင်တန်းကို တနင်္ဂနွေ ဓမ္မသင်တန်းဟု ခေါ်ကြသည်။ ၄င်းဒေသရှိကျောင်းထိုင်ဘုန်းကြီးများက  ၄င်းတို့၏လှုပ်ရှားမှုကို ဗုဒ္ဓဘာသာပြန်လည်ရှင်သန်ရေး ဟုဆိုကာ ရုပ်လုံးဖော်ရန်ကြိုးစားနေကြသည်။
    “ အမျိုးဘာသာသာသနာ မကွယ်ပျောက်ဖို့က အရေးကြီးဆုံးအချက်ဖြစ်တယ် ” ဟု မြို့ပြင်ရှိ မြစေတီနန်းဦးကျောင်းတိုက်မှဆရာတော် အရှင်ဇာသိလက ပြောဆိုခဲ့သည်။

    ယင်းလှုပ်ရှားဆောင်ရွက်မှုမှာ မည်သည့်အန္တရာယ်အငွေ့အသက် မပါဝင်ဟု ဆိုသော်လည်း မွတ်စ်လင်မ်အများအပြားကမူ စိုးရိမ်မကင်း ဖြစ်လျက်ရှိ သည်။

    အရှင်ဝီရသူမှ တောင်ကြီးမြို့တွင်း ဟွန်းသံတညံညံဆိုင်ကယ်အစီး ၆၀ ပါဝင်သည့် ယာဉ်တန်းကြီးဖြင့် မလှည့်လည်မီ နှစ်နာရီအလိုတွင် မြို့မဈေးကြီးရှိမွတ်စ်လင်မ်ဆိုင်ရှင်တစ်ဦးဖြစ်သူ ထွန်းထွန်းနိုင်သည် အရောင်းအ၀ယ် ခေတ္တရပ်ဆိုင်ပြီးဖြစ်ကြောင်း ပြောဆိုခဲ့ပေသည်။
    “ ကျွန်တော် တော်တော့်ကို ထိတ်လန့်နေပါပြီ။ မလိုအပ်ဘဲ အပြင်ကိုလုံးဝမထွက်ဖို့ ကလေးတွေကို ကျွန်တော်တို့ မှာကြားပြောဆိုနေရပါတယ် ”။

    ( သာကီထက်ကောင်း )

    The New York Time တွင် ဖော်ပြခဲ့သည့် ၏  Extremism Rises Among Myanmar Buddhists ဆောင်းပါးကို သာကီထက်ကောင်း ဆီလျော်အောင် ဘသာပြန်ဆိုပါသည်။

  • မြန်မာပြည်မှ စရိုက်ဆိုးများ အတွက် ‘အမျိုးသားလုံခြုံရေး’ စကားသည် ခိုင်လုံသော အကြောင်းပြချက် မဟုတ်

    ဇွန်-၇ ၊၂၀၁၃
    M-Media
    မြင့်မိုရ်မောင်မောင် ဘာသာပြန်ဆိုသည်

    min_zin_rohingye_edited

    ပြီးခဲ့သည့်လတွင် ရခိုင်ပြည်နယ်ဒေသ အာဏာပိုင်များက ရိုဟင်ဂျာ မွတ်စ်လင်မ်များကို ဇနီးတစ်ဦးသာယူရန် နှင့် ကလေးနှစ်ဦးထက် ပိုမယူရန် တားမြစ် ပိတ်ပင်ခဲ့ပါသည်။ သောင်းနှင့်ချီသောပြည်သူတို့မှာ လူမျိုးရေးပြဿနာကြောင့် ပြောင်းရွှေ့မှုခံရသည့်ကြားမှ ယင်းအနောက်ပိုင်းပြည်နယ်မှ အရာရှိများသည် လူသိနည်း မှေးမှိန်နေခဲ့သော ကန့်သတ်ချက်အား ပြန်လည် အသက်သွင်းကာ လတ်တစ်လော နိုင်ငံရေးအနေအထား အပေါ်တုန့်ပြန်သောအားဖြင့် ပြန်၍ အတည်ပြုခဲ့ကြသည်။

    အင်္ဂါနေ့တစ်ရက်က ရာပေါင်းများစွာ ရခိုင်လူမျိုးတို့သည် လမ်းမပေါ်ထွက် ထိုပိတ်ပင်ချက်အား ထောက်ခံခဲ့ကြသည့်အပြင် ပြည်နယ်တစ်ခုလုံး၌ ဥပဒေအဖြစ်ပြဋ္ဌာန်းရန်အထိ မြန်မာအစိုးရကို တွန်းအားပေးခဲ့ကြသည်။

    ယင်းစည်းမျဉ်းကိုထောက်ခံသော ဆန္ဒပြခေါင်းဆောင် သာပွင့်မှ “ ကျွန်တော်တို့ဟာ သူတို့ရဲ့လူဦးရေကို စောင့်ကြည့်စစ်ဆေးထိန်းချုပ်ဖို့ လိုအပ်ပါတယ် ” ဟု ဧရာဝတီသို့ ပြောကြားသည်။ မွတ်စ်လင်မ်ဦးရေ ၉၄ ရာခိုင်နှုန်း ရှိသည်ဟုဆိုသော ရခိုင်ပြည်နယ်၏ မြို့နယ်နှစ်ခုတွင် ထိုအချက်ကို လက်တွေ့ကျင့်ဆောင်လျက်ရှိသည်။

    ၄င်းကြေငြာချက်က ရုပ်ပိုင်းနှင့်စိတ်ပိုင်းဆိုင်ရာ စိတ်ပျက်ဖွယ် ငြင်းခုံမှု အမြောက်အများ ဖြစ်ပေါ်လာစေသည်။ ထိုမူဝါဒသည် မြန်မာနိုင်ငံကို နိုင်ငံတကာမှ အထူးအာရုံစိုက်နေချိန်၌ ကနဦးကပင် ရိုဟင်ဂျာ ဆန့်ကျင်ရေးလှုပ်ရှားမှုအား ကြိုးကိုင်ရန်ကြိုးစားနေသည့် နိုင်ငံရေးသမား အချို့အတွက် အကျိုးအမြတ်ထွက်စေသည်။ ဤအမြင်များ ကြီးထွားလာသည်နှင့်အမျှ အကြမ်းဖက်မှုကို လျှော့ချနိုင်မည်ဟု တွက်ဆကြသည်။

    ရိုဟင်ဂျာလူဦးရေကို ထိန်းချုပ်ခြင်းသည် အမျိုးသားလုံခြုံရေး ကိစ္စတစ်ခုဖြစ်ကြောင်း တားမြစ်ချက်ထောက်ခံအားပေးသူများက ဆိုကြသည်။ ၄င်းသည် လူ့အခွင့်အရေးထက် ပို၍ဦးစားပေးရမည့်အရေးဟု ၄င်းတို့မှ ယုံကြည်နေကြသည်။ ယင်းကန့်သတ်ချက်ပေါ် ရပ်တည်ထောက်ခံသူများက တရုတ်နိုင်ငံ၏ ကလေးတစ်ဦး မူဝါဒ၊ ဗီယက်နမ်နိုင်ငံ၏ ကလေးနှစ်ဦးမူဝါဒ စသည်များကို လိုရာဆွဲဥပမာပေးကြသည်။ ထိုတိုင်းပြည်များသည် ထိုမူဝါဒများကို မိသားစု စီမံကိန်းအတွက် ရွေးချယ် ကျင့်သုံးခြင်းသာဖြစ်ကြောင်း မသိမြင်ကြဘဲ နှိုင်းယှဉ်တင်ပြလိုက်ခြင်း ဖြစ်ပေသည်။ တိုင်းပြည်တစ်ခုလုံး၏ လူဦးရေထိန်းချုပ်သည့် အကြောင်းရင်းကို  ရခိုင်ဥပဒေက လူနည်းစုလေး တစ်ခုအတွက် ပစ်မှတ်ထားအသုံးချသည်မှာ လုံးလုံးလျားလျား မလုပ်အပ်ချေ။ ( ရိုဟင်ဂျာတို့သည် မြန်မာတစ်နိုင်ငံလုံး လူဦးရေ၏ ၁ ရာခိုင်နှုန်းမျှသာရှိကြောင်း ခန့်မှန်းရသည်။)

    ထောက်ခံကြသူများက “အမျိုးသားလုံခြုံရေး”ဟု အသံကောင်းဟစ်ကြသော်လည်း ထိုအချက်၏ သဘောသဘာဝအား ရှင်းလင်းစွာ အဓိပ္ပာယ်ဖွင့်ဆိုခြင်း မရှိပေ။ အမျိုးသား လုံခြုံရေးအတွက် အဓိကပြဿနာ တစ်ခုမှာ တရားမ၀င်ခိုးဝင်လာမှုများဖြစ်ခြင်း၊ ခိုးဝင်သူများပြားလာလျှင် ပြည်နယ်ချည့်နဲ့ပြိုကွဲသွားနိုင်ခြင်း ဟူ၍ အထင်ကရ ထောက်ခံပံ့ပိုးသူတစ်ဦးမှ ဆိုသည်။ သို့သော် ထူးဆန်းလှသည်မှာ တစ်ချိန်ကလည်း ပြဿနာတစ်ခုအဖြစ် တည်ရှိနေခဲ့သော ရွှေ့ပြောင်းအခြေချ တရုတ်လူမျိုးများ အပေါ်တွင်မူ ထိုကလေးနှစ်ယောက်မူဝါဒကို အဆိုမပြုကြ၊ အသုံးမချကြချေ။ ဤအချက်ကို ထောက်ရှု၍ တရားမ၀င်အခြေချမှုသည် ၄င်းတို့၏စိုးရိမ်မှု အစစ်အမှန်ဖြစ်ကြောင်း မှတ်ချက်ပေးရန် လားလားမျှမဖြစ်နိုင်တော့ပါ။

    သို့ဆိုလျှင် ပြဿနာအစစ်ကား အဘယ်အရာပါနည်း ? တရားမ၀င်အခြေချမှု သို့မဟုတ် ယဉ်ကျေးမှုကွဲပြားမှု မဟုတ်ပါ။ စင်စစ်၌ အစ္စလာမ်အားကြောက်ရွံ့နေသည့်ရောဂါ သာဖြစ်သည်။ ဤတားမြစ်ကန့်သတ်ချက်ကို ထောက်ခံကြများက ဗုဒ္ဓဘာသာမြန်မာများ၏ကြီး စိုးလွှမ်းမိုးမှုအား ကာကွယ် ထိန်းသိမ်းလိုခြင်းသာဖြစ်သည်။ သို့ရာတွင် ၄င်းတို့ သတိလွတ်နေသည့် အမှန်တရားမှာ မြန်မာနိုင်ငံသည် ဘာသာ၊လူမျိုး၊ ယဉ်ကျေးမှုပေါင်းစုံဖြင့် ဖွဲ့စည်းတည်ဆောက်ထားသည့် တိုင်းပြည်ဖြစ်ပြီး၊ ဘာသာလူမျိုးမခွဲ နိုင်ငံသားတိုင်းကို တန်းတူညီမျှ အခွင့်အရေးပေးမှသာ ဆက်လက် ရှင်သန်ရပ်တည်နိုင်မည့် အချက်ဖြစ်သည်။ ရိုဟင်ဂျာလူဦးရေ ကြီးထွားမှုက ဗုဒ္ဓဘာသာဝင်တို့၏ အခွင့်အရေးများကို ကျိုးပျက်စေလိမ့်မည်ဟူသော အကျိုးမဲ့အဖြေကိုသာ အမြင်ရှိနေကြသည်။ ထို့ကြောင့် မူဝါဒ၏ အကျိုးဆက်အားဖြင့် ဖယ်ကြဉ်မှုနှင့်အကြမ်းဖက်မှုကို တရားဝင်ပြုခွင့်ရသွားခြင်းဖြစ်သည်။ စင်စစ်သော် နိုင်ငံတော်/အမျိုးသား လုံခြုံရေးနှင့် ကာကွယ်ရေးကဏ္ဍမှာ နိုင်ငံတော်(စစ်တပ်)ထက် မည်သူမျှပိုပြီး လုပ်ကိုင် ဆောင်ရွက်ခွင့် မရှိချေ။ ရိုဟင်ဂျာများကို ရှင်းထုတ်ရေးအတွက် သူတို့သည် နိုင်ငံတော်အကျိုး/ ကယ်တင်ခြင်း ခေါင်းစဉ်အောက်မှ အလွန်စက်ဆုပ်ဖွယ်ကောင်းသော ခေါင်းဆောင်ထံ အာဏာပြန်လည် လွှဲပြောင်းရောက်ရှိမည် ကိုလည်းကောင်း၊ မိမိတို့၏ နိုင်ငံရေး သဘောတရား မကြေညက်မှုကိုလည်းကောင်း သတိမထားကြတော့ချေ။

    ဤအတွက်အကောင်းဆုံးဥပမာသည် ၉၆၉ လှုပ်ရှားမှုဖြစ်သည်။ ၄င်းသည် ဗုဒ္ဓဘာသာဝင် တစ်မျိုးတည်း၏ အခွင့်ထူးကို ကာကွယ်စောင့်ရှောက်ရန် သွေးဆွနေသည့် တရားမ၀င် ဗုဒ္ဓဘာသာဝင်အုပ်စုတစ်စုဖြစ်ကာ ကလေးနှစ်ဦးကန့်သတ်ရေးကို အပြင်းအထန် ရပ်တည်နေကြလေ၏။ ယင်းအုပ်စုသည် ရိုဟင်ဂျာလူမျိုး နှင့် နိုင်ငံတွင်းရှိ ရိုဟင်ဂျာ မဟုတ်သူ အခြားမွတ်စ်လင်မ်များကို ကွဲပြားအောင် မခွဲခြားတတ်ကြ။ မွတ်စ်လင်မ်တို့၏စီးပွားရေးလုပ်ငန်းများကို ဆန့်ကျင်သပိတ်မှောက်ရန် လှုံ့ဆော်ကြသည့်အပြင် လက်ကမ်းစာစောင်များ၊ ဘာသာရေးအမည်ခံတရားပွဲများ၊ ဒီဗီဒီများ၊ facebook ရေးသားချက်များအပါအ၀င် မွတ်စ်လင်မ် ဆန့်ကျင်ရေးဝါဒဖြန့်မှိုင်းတိုက်လျက်ရှိကြသည်။ ထို့ကြောင့် လက်ရှိကာလ မွတ်စ်လင်မ်ဆန့်ကျင်ရေး အကြမ်းဖက်မှုများမှာ ဤအုပ်စု၏ သွေးထိုးမီးမွှေးမှုအဖြစ် ပြောဆိုကြခြင်းဖြစ်သည်။

    မြန်မာ့နိုင်ငံရေးခေါင်းဆောင်များက နိုင်ငံတကာအသိုင်းအ၀ိုင်းအား ချွေးသိပ်ခြင်းဖြင့် အမြတ်ထုတ်နိုင်မည့် သဘောထားကြီးပြခြင်း နှင့် မွတ်စ်လင်မ် ဆန့်ကျင်ရေး ရပ်တည်ချက် အကြား ချိန်ခွင်လျှာညှိရန် ပြုလုပ်လာကြသည်။

    ပမာဆိုရသော် သမ္မတဦးသိန်းစိန်၏ပြောခွင့်ရပုဂ္ဂိုလ်သည် ယင်းကလေးနှစ်ဦး မူဝါဒသည် နိုင်ငံတော်၏ထုတ်ပြန်ချက် မဟုတ်ကြောင်း ပယ်ချခဲ့သည်။ ကျွန်ုပ်တို့မှဆောင်ရွက်သွားမည် မဟုတ်ဟု သတင်းဌာနသို့ ပြောကြားခဲ့သည်။ နိုင်ငံတကာ၏လ က်ခံမှုနှင့်ပူးပေါင်းဆောင်ရွက်မှု အလွန်အမင်း လိုအပ်လျက်ရှိသော အစိုးရသည် အနာဂတ် လူဦးရေ မူဝါဒအား ချမှတ်ရာတွင် အပြည်ပြည်ဆိုင်ရာ စံချိန်စံညွှန်းများနှင့် ကိုက်ညီအောင် အမြန်ဆုံး သုံးသပ်ရပါတော့မည်။ အတိုက်အခံဒေါ်အောင်ဆန်းစုကြည်သည်လည်း ဤအရေးကို အလေးအနက်ထားကာ သတိဖြင့် “ တကယ်လို့(ဒီမူဝါဒကို) ထုတ်ပြန်ခဲ့တာမှန်ယင် ဒါဟာ ဥပဒေကိုဆန့်ကျင်နေတာပါဘဲ ” ဟု ထိန်းသိမ်းပြောဆိုသွားခဲ့သည်။ ငြိမ်းချမ်းရေး နိုဗယ်လ်ဆုရှင်တစ်ဦးဖြစ်သူ ဒေါ်အောင်ဆန်းစုကြည်မှာ လူနည်းစု အခွင့်အရေးများအား ကာကွယ်မှုမရှိခဲ့သည့်အတွက် ဝေဖန်ခံနေရသည်။

    ရပ်တည်ချက်အသီးသီး နောက်ကွယ်မှ နိုင်ငံရေး သို့မဟုတ် ကိုယ်ကျင့်တရားအတွေးအမြင်များက အဓိက မကျပါ။ အရေးကြီးသည်မှာ အစိုးရအာဏာပိုင်အဆင့်တိုင်းက မိမိ၏နိုင်ငံသားတိုင်းကို ကျောသားရင်သားမခွဲခြားဘဲ တန်းတူ အခွင့်အရေးရရှိအောင် ခိုင်မာပြတ်သားစွာ ကာကွယ်သွားရန်ဖြစ်သည်။

    နိုင်ငံတကာအသိုင်းအ၀ိုင်း၏ အသိအမှတ်ပြုထောက်ခံလာရန် လိုအပ်နေသည်။ လူနည်းစုမွတ်စ်လင်မ် အုပ်စုတစ်စုအပေါ် ကလေးနှစ်ဦးသာယူရန် အဓမ္မပြဋ္ဌာန်းခြင်းသည် ခွဲခြားနှိမ့်ချဆက်ဆံမှု၊ ၄င်းပြင် အခြေခံလူ့အခွင့်အရေးကို ချိုးဖောက်မှု ဖြစ်ကြောင်း ကမ္ဘာ့ကုလသမဂ္ဂမှ ပြောဆိုသည်။ “ တစ်ဖက်သတ်ချိုးနှိမ်ကန့်သတ်သည့် မျိုးဆက်ပွားမူဝါဒ ” အား မည်သည့်နည်းနှင့်မျှလက်မခံနိုင်ကြောင်း အမေရိကန်မှလည်း ထုတ်ဖော်အသိပေးလိုက်သည်။

    အာဏာရပြုပြင်ပြောင်းလဲရေးအုပ်စု နှင့် အတိုက်အခံအုပ်စုများ နှစ်ဖက်စလုံး နှလုံးသွင်းအပ်သည်မှာ ဒီမိုကရေစီနည်းစဉ်၌ ပါဝင်သော ဒီမို ၏ အဓိပ္ပာယ် သတ်မှတ်ချက်သည် နိုင်ငံသားဝါဒဖြင့်နိုင်ငံတော်ကိုတည်ဆောက်သူများ ဟူ၍ ဖြစ်ပါသည်။ ဒီမိုကရေစီ၏ အဓိကအခြေခံအချက်သည် အမျိုးသားလုံခြုံရေး ဟူသည့် အကြောင်းအရာနှင့် လားလားမျှ မသက်ဆိုင်ပါ။

    မည်သည့် ဒီမိုကရေစီအပြောင်းအလဲကာလအတွက်ဖြစ်စေ နိုင်ငံတော်အစိုးရအနေနှင့် အရေးအပါဆုံး ဖွင့်ဆိုဖော်ပြရမည့် မေးခွန်းကြီးနှစ်ရပ်ရှိနေပေသည်။
    ၁။ မည်သူတို့သည် နိုင်ငံတော်၏နိုင်ငံသားများ ဖြစ်ကြသနည်း၊ နိုင်ငံသား ဥပဒေအား မည်သို့သတ်မှတ်ကြမည်နည်း ?
    ၂။ ဤမေးခွန်းများအား သမမျှတအောင်ဆောင်ရွက်ခြင်းအပေါ်မူတည်၍ မြန်မာနိုင်ငံ၏အကူးအပြောင်းကြားကာလအား သမိုင်းက မည်သို့ ဆုံးဖြတ်ပြောင်းလဲပေးလိုက်မည်နည်း ?

     

    ** Foreignpolicy တွင် မင်းဇင် ရေးသားသည့် National security is no excuse for bad behavior (in Burma)  ဆောင်းပါးကို မြင့်မိုရ်မောင်မောင် ဆီလျော်အောင် ဘာသာပြန်ဆိုပါသည်။

  • အစွန်းရောက် အမျိုးသားရေးဝါဒရဲ့ အကျည်းတန်စက်ကွင်း (ဘာသာပြန် ဆောင်းပါး)

    M-Media
    မြန်မာပြန်ဆိုသူ – မြင့်မိုရ်မောင်မောင်

    မတ်လနှောင်းပိုင်းအထိ မြန်မာပြည်အလယ်ပိုင်းတစ်ကြော မွတ်စ်လင်မ်ဆန့်ကျင်ရေးအကြမ်းဖက်မှုလှိုင်းလုံးတွေ ရိုက်ခတ်ပြီးတဲ့နောက်မှာ ၈၈ မျိုးဆက်ခေါင်းဆောင်များဖက်က အရေးပါတဲ့စကားတစ်ရပ်ဆိုလာတယ်။ မတ်လ ၂၉ ရက် သတင်းစာရှင်းလင်းပွဲတစ်ခုမှာ “ ဆူပူသောင်းကျန်းမှုတွေက ဗုဒ္ဓဘာသာဝင်နဲ့မွတ်စ်လင်မ်တွေအကြား အပြန်အလှန် ပဋိပက္ခကို ကိုယ်စားမပြုပါဘူး။ စံနစ်ကျကျလေ့ကျင့်ပြင်ဆင်ထားတဲ့ အကြမ်းဖက်သမားတွေက သွတ်သွင်းခဲ့ကြတယ် ဆိုတာ ထင်ရှားလွန်းပါတယ် ” လို့ မင်းကိုနိုင်က ပြောခဲ့တယ်။

    အလားတူ ခါးသည်းလှတဲ့ သင်ခန်းစာတစ်ရပ်ကို ၁၉၉၀ နှစ်များကာလတုန်းက ကျွန်တော်ကိုယ်တိုင် ဘော့စ်နီးယားမှာ ရရှိနားလည်ခဲ့ပါတယ်။ မျိုးနွယ်သန့်စင်ရေး (တစ်နည်း) မျိုးဖြုတ်သုတ်သင်မှုဆိုတာ လျှပ်တစ်ပြက်ထပေါက်ကွဲတတ်တဲ့ လူရမ်းကားတစ်စု သို့တည်းမဟုတ် အချင်းချင်းမုန်းတီးနေတဲ့ အခြေခံလူတန်းစားတွေက ဘယ်တော့မှ မလုပ်တတ်ကြပေဘူး။ စံနစ်တကျလေ့ကျင့်ပြင်ဆင်ပေးထားပြီး လက်နက်ပစ္စည်းတွေဆင်ယင်ပေးထားတဲ့ စစ်တပ်ဆန်ဆန်(ပြည်သူ့စစ်)အုပ်စုများရဲ့ လုပ်ဆောင်ချက်မျိုးသာ ဖြစ်လေ့ရှိပါတယ်။ သူတို့ရဲ့လုပ်ငန်းစဉ်က ဘာလဲ။ သူတို့နဲ့ တိုက်ရိုက်ချိတ်ဆက်နေတဲ့ အင်အားစုတွေ၊ အာဏာပိုင်တွေနဲ့ သူတို့ရဲ့တွဲဖက်နိုင်ငံရေး သမားတွေကို လှစ်ဟမပြဘဲ အောက်တန်းကျကျလုပ်ကိုင်ဆောင်ရွက်ဖို့ဘဲ ဖြစ်တယ်။

    မြန်မာပြည်ထဲဖြစ်ပျက်နေသမျှကို ယခင် ယူဂိုဆလားဗီးယားမှာဖြစ်ခဲ့တာမျိုးနဲ့ အခြေခံကျကျ ရှင်းပြနိုင်ဖို့မလွယ်ဘူး။ ဒါပေမယ့် ယူဂိုဆလားဗီးယားနိုင်ငံဟောင်းထဲက စစ်ရေးဆန်ဆန် အုပ်စု(စံနစ်တကျလေ့ကျင်ပြင်ဆင်ပေးထားတဲ့ အကြမ်းဖက်သမားတွေ)ရဲ့ အခန်းကဏ္ဍတွေ၊ သူတို့နဲ့စစ်တပ် ကိုင်းကျွန်းမှီ ကျွန်းကိုင်းမှီဖြစ်တဲ့ လမ်းကြောင်းတွေဟာ မြန်မာပြည်သူတွေ အားလုံး အဖို့ တုန်လှုပ်စရာ သတိပေးချက်တစ်ခုပါဘဲ။ သူတို့ဟာ အစိုးရထဲကဖြစ်ဖြစ်၊ လွှတ်တော်ထဲကဖြစ်ဖြစ်၊ အတိုက်အခံထဲကဖြစ်ဖြစ်၊ မီဒီယာထဲကဖြစ်ဖြစ်၊ လူမှုအဖွဲ့အစည်းထဲကဖြစ်ဖြစ် ဒီအခြေအနေ အတိုင်းဖြစ်နေတယ်။

    မျိုးနွယ်အုပ်စုသန့်စင်ဖယ်ရှားရေးဆိုတာ အလွန်ရှုပ်ထွေးသွားအောင် တွက်ချက်ပြင်ဆင်စီစဉ်ထားတဲ့ စစ်ဆင်ရေးတစ်မျိုးပါ။ အချို့အချို့သောနိုင်ငံတော် အဆင့်တွေကနေ ဗျူဟာနည်းကျကျ ပါဝင်ပတ်သက်မှု မရှိဘဲ ဒီလိုကိစ္စ ဖြစ်ပွားလာစရာအကြောင်း မရှိပါဘူး။ အမျိုးသားရေးဝါဒီ ပညာရှင်တွေ၊ ကိုယ့်ဖက်ကိုယ်ယက်အစွန်းရောက် ဘာသာရေးခေါင်းဆောင်တွေ၊ မျက်ကန်းမျိုးချစ်မီဒီယာတွေကလည်း ဒီအခန်းကဏ္ဍမှာ အလိုတူအလိုပါတွေ ဖြစ်ကြတယ်။ အာဏာရှင်ခေတ်လွန်နိုင်ငံတစ်ခုရဲ့ မြင်သာသော၊ မမြင်သာသော သြဇာကြီးလက်ကိုင်တုတ်တွေဖြစ်လို့ အလွယ်တကူ ထိန်းချုပ်မရတတ်ကြဘူး။

    မြန်မာပြည်ကတုန်လှုပ်ဖွယ်ဖြစ်ရပ်များအတွက် ဘယ်သူတွေမှာတာဝန်ရှိသလဲဆိုတာ ကျွန်တော် မသိဘူး။ ယခင်က ယူဂိုဆလားဗီးယားနိုင်ငံအဖြစ်ကိုအခြေခံပြီး နှိုင်းယှဉ်ထောက်ပြဖို့ ကျွန်တော် မစွမ်းသာဘူး။ သို့ပင်သို့ငြားလည်း ယူတတ်မယ်ဆိုယင် တူညီတဲ့သင်ခန်းစာတွေ၊ သတိပေးချက်တွေတော့ ရှိနေပါတယ်။

    အမျိုးသားရေးဝါဒီဆိုတာ အာဏာရှင်စံနစ်ရဲ့ နောက်ဆုံးခံစစ်ကြောင်းတစ်ခု

    ဒီမိုကရေစီလောကတစ်ခုလုံးရဲ့ ပထမဆုံးပင်မကျောရိုးက လူ့အုပ်စုအသီးသီးရဲ့ ပတ်သက်ဆက်ဆံမှုတွေ ဖြစ်တယ်။ နိုင်ငံရေးပွင့်လင်းလာခြင်းနဲ့အတူ အဖိနှိပ်ခံ၊ ခွဲခြားနှိမ့်ချ ဆက်ဆံခံရတဲ့ အုပ်စုများရဲ့ ပရိဒေ၀တွေ၊ တောင်းဆိုမှုတွေက လူ့မြင်ကွင်းမှာ ပေါ်လွင်လာလေ့ရှိတယ်။ ပါတီစုံစံနစ်၊ မီဒီယာလွတ်လပ်မှု၊ လွတ်လပ်စွာအသင်းအဖွဲ့ ထူထောင်နိုင်ခြင်း တို့ကြောင့်ဖြစ်တယ်။ ဒီတောင်းဆိုချက်၊ နစ်နာချက်များစွာက ခံစားချက်ပြင်းတဲ့အမျိုးသားရေးဝါဒကို မီးမွှေးပေးတယ်။ မီးမွှေးခံရတဲ့အမျိုးသားရေးဝါဒက ဒီမိုကရေစီနည်းကျ အသိတရားထွက်ပေါ်လာရေးအတွက် ဧရာမ ဖိအားကြီးတစ်ရပ် ဖြစ်သွားစေတယ်။

    miketae lar case3
    မိတ္ထီလာ အကြမ်းဖက်မှုဖြစ်ချိန် အမျိုးသားရေး အမည်ခံ လှုံဆော်မှုများ –
    Screen Shot Credit Lu Cifer FB

    ဒီမိုကရေစီဖြစ်ထွန်းမှုအပေါ် အန္တရာယ်ဖြစ်သွားစေမယ့် နောက်ထပ်အမျိုးသားရေးဝါဒတစ်မျိုး ရှိနေတယ်။ နေရာအတော်များများမှာရှိတဲ့ အစွန်းရောက် အမျိုးသားရေး ၀ါဒကိုကြည့်လိုက်ယင် တစ်ချိန်ကအာဏာရှင် အသိုင်းအ၀ိုင်းရဲ့ နောက်ဆုံးခံစစ်ကြောင်းဖြစ်နေတာကို တွေ့ရလေ့ရှိတယ်။ ယူဂိုဆလားဗီးယားနိုင်ငံဟောင်းက ကွန်မြူနစ်ပါတီ အုပ်ချုပ်ရေး သက်ဆိုးရှည်အောင် စလိုဘိုဒန် မီလိုစီဗစ်က အမျိုးသားရေးဝါဒနဲ့ ဘယ်လိုဆွဲဆန့်ခဲ့တယ် – ပြည်သူတွေရဲ့ဒဏ်ခတ်မှု ဘာဖြစ်ခဲ့တယ်ဆိုတဲ့အကြောင်း ကျွန်တော် ပြောပါရစေ။

    ယူဂိုဆလားဗီးယားဟာ ဆိုဗီယက်လက်အောက် ခံစစ်စစ် မဟုတ်ပေမယ့် ကွန်မြူနစ်နိုင်ငံတစ်ခုပါ။ ၁၉၈၉ ခုနှစ်အတွင်း ဗဟိုဥရောပနဲ့အရှေ့ဥရောပမှာ ကွန်မြူနစ်ဝါဒပြိုလဲခြင်းနဲ့အတူ ယူဂိုဆလားဗီးယားထဲက မလောက်မလား ကွန်မြူနစ်အုပ်ချုပ်မှုဟာလည်း ဆက်လက်ဆုပ်ကိုင်ထားလို့ မဖြစ်တော့တဲ့အခြေအနေရောက်သွားပါတယ်။

    ကွန်မြူနစ်အုပ်စုတွေက ယေဘူယျအားဖြင့် အကြောင်းနှစ်ရပ်ကို ထိပ်တိုက်ရင်ဆိုင်ဖို့ အလွန်သွေးကြောင်လေ့ရှိတယ်။ ပထမတစ်ချက်ကတော့ ဒီလိုပါ။ မိမိတို့ရဲ့ဦးဆောင်မှု အခန်းကဏ္ဍကို စွန့်လွှတ်ခြင်း နဲ့ မိမိကိုယ်ကို ဆိုရှယ်လစ် (လူထုနဲ့တစ်သားတည်းဖြစ်တဲ့)အုပ်စုအဖြစ် အသွင်ပြောင်းယူခြင်း ဖြစ်တယ်။ သူတို့တစ်တွေဟာ ဒီမိုကရေစီနည်းကျ ယှဉ်ပြိုင်အရွေးခံမှုကို လက်ခံကောင်းလက်ခံမယ်။ ပထမဆုံးရွေးကောက်မှုတွေမှာ အကြီးအကျယ် ရှုံးနိမ့်နိုင်ချေကိုလည်း ရင်ဆိုင်ကောင်းရင်ဆိုင်နိုင်မယ်။ ယှဉ်ပြိုင်မှုအနေနဲ့ အဓမ္မ၀ါဒီဟောင်းတွေဟာ မိမိရဲ့ကိုယ်ပိုင်ရာထူးရာခံတွေကို ဖယ်ရှားလို့ ပြိုင်ဖက်ဗျူဟာရှင်တွေအဖြစ် ရပ်တည်ကောင်းရပ်တည်လာပါမယ်။ တစ်ချိန်တည်းမှာဘဲ ပထမဆုံး လွတ်လပ်ပြီးတရားမျှတတဲ့ရွေးကောက်ပွဲမှာ အုပ်စုသစ်ပါတီသစ်တွေကို ဆန္ဒမဲထည့်ဝင်သူတွေအပေါ် များမကြာမီ ငြိုးတေးစိတ်ကွက်လာကြတယ်။ အဲ့ဒီနောက် ဆိုရှယ်လစ် အသွင်ပြောင်း (အာဏာရှင်)ကွန်မြူနစ်ဟောင်းတွေက လက်ခွဲအရံအုပ်စုတွေဖန်တီးပြီး ဒီမိုကရေစီအပြောင်းအလဲအလွန် ဒုတိယ သို့မဟုတ် တတိယရွေးကောက် ပွဲတွေမှာ ပြန်လည်အောင်မြင်ရေးအတွက် အခွင့်အလမ်းကောင်းတစ်ခုကို ဖော်ဆောင်ကြတယ်။

    ဥရောပကွန်မြူနစ်တိုင်းပြည်များစွာမှာ ဖြစ်ပေါ်ခဲ့တဲ့ စပ်ကူးမတ်ကူးအပြောင်းအလဲကာလကို ကြည့်ရှုလေ့လာကြည့်ယင် ဒီပုံအတိုင်းဖြစ်ခဲ့တာချည်းပါဘဲ။

    နောက်ထပ်အချက်တစ်ခုကတော့ ဒီလိုပါ။ (အာဏာရှင်)ကွန်မြူနစ်အုပ်စုတွေဟာ ရတဲ့နည်းလမ်းနဲ့ အာဏာသြဇာကို အာသာငမ်းငမ်းဖက်တွယ်ထားလေ့ရှိကြတယ်။ စလိုဘိုဒန် မီလိုစီဗစ်နဲ့ သူ့ရဲ့ ဆာဗီးယားကွန်မြူနစ်ပါတီက ဒီလမ်းကြောင်းကိုလျှောက်ခဲ့ကြတယ်။ ကွန်မြူနစ်ဝါဒဆိုတာကတော့ အငွေ့ပျံပျောက်ကွယ်သွားပေမယ့် စံနစ်တကျ ဖွဲ့စည်းပြင်ဆင်ထားတဲ့ သူတို့ရဲ့ ယန္တရားကတော့ တည်ရှိနေဆဲပါ။ စီးပွားရေး၊ မီဒီယာ၊ စစ်တပ်၊ ရဲ၊ ထောက်လှမ်းရေး စတဲ့ ကဏ္ဍများအပေါ်မှာလည်း ချုပ်ကိုင်ထားမြဲဖြစ်တယ်။

    အတိုက်အခံတွေအပေါ် ဆယ်စုနှစ်များစွာ ဖိနှိပ်ခဲ့ကြတဲ့ – စက်ရုံမှူးတွေ၊ လယ်ယာနဲ့စိုက်ပျိုးရေးစီမံသူတွေ၊ ဘဏ်အုပ်ချုပ်သူတွေ၊ ကုန်သွယ်ရေး အကြီးအကဲတွေ၊ ပြည်တွင်းရေဒီယိုနဲ့ရုပ်မြင်သံကြားကို ကိုင်တွယ်ညွန်ကြားသူတွေ၊ စစ်တပ်ကဗိုလ်ချုပ်တွေ၊ ရဲမှူးရဲချုပ်တွေ၊ ထောက်လှမ်းရေးအေးဂျင့်တွေက မိမိတို့အပေါ်ဖြစ်ပေါ်လာမယ့် အပြောင်းအလဲတွေကို သေလုမတတ်ကြောက်ရွံ့ကြတယ်။ မီလိုစီဗစ်ကလည်း သူတို့တစ်တွေ ဆက်လက်ရှင်သန်ဖို့၊ သြဇာအာဏာတည်မြဲနေဖို့ သီးသန့်လမ်းကြောင်းတစ်စ ဖော်ထားပေးခဲ့တယ်။ အဲ့ဒီလူတွေအားလုံးကလည်း တစ်နွယ်ငင် တစ်စင်ပါ ကောက်ကောက်ပါအောင် လိုက်ခဲ့ကြတယ်။

    တစ်ချိန်က အခွင့်ထူးခံ အထက်တန်းနဲ့အလယ်အလတ်တန်းရာထူးပိုင်ရှင်တွေ၊ ဗျူဟာရှင်တွေရဲ့ ကိုယ်ကျိုးစီးပွားကာကွယ်မှုများက ပါတီစုံရွေးကောက်ပွဲမှာ လုံလောက်တဲ့မဲများကို မရစေတော့ဘူး။ နိုင်ငံတော်အာဏာကဏ္ဍတိုင်းမှာ သူတို့ရဲ့ထိန်းချုပ်မှုစံနစ်ကလည်ပတ်နေဆဲဖြစ်သော်လည်း ပြည်သူတွေကို မဲဆွယ်နိုင်ဖို့ ပုံရိပ်ကောင်းတွေ၊ အမြင်ကောင်းတွေ တစ်စုံတစ်ရာမှ မရှိကြတော့ဘူး။ ဒီတော့ အလွယ်ကူဆုံး နဲ့ အထိရောက်ဆုံး နည်းလမ်းသစ်ကတော့ အကြံကုန်ဂဠုန်ဆားချက်မယ့် အမျိုးသားရေးဝါဒကို အသုံးပြုကြပါတော့တယ်။

    rakhine case 2012
    ၂၀၁၂ ဇွန်လအတွင်း ရခိုင် အကြမ်းဖက်မှု စတင်ဖြစ်ပွားချိန် နိုင်ငံတော်သမ္မတရုံး ညွန်ကြားရေးမှုး၏ FB စာမျက်နှာမှ မဟုတ်မမှန် လှုံဆော်ခဲ့မှုများ
    မှတ်ချက်- အဆိုပါအချက်အလက်များ အားလုံး ပြန်ဖျက်သွားပြီဖြစ်သည်။
    Screen Shot Credit -Maung Khin FB

    အမျိုးသားရေးဝါဒီပညာရှင်များ နဲ့ မျိုးချစ်မီဒီယာ အခန်းကဏ္ဍ

    သမ္မတနဲ့အာဏာရပါတီနောက်ကွယ်ကလူတွေကို စုစည်းနိုင်ဖို့အတွက် အကြောက်တရားနဲ့အာဃာတတရားဝန်းကျင် တစ်ခုကို ဖန်တီးဖို့လိုအပ်တယ်လေ။ ပထမဆုံး လှုပ်ရှားမှုခြေလှမ်းကတော့ အမာခံ အရံ တပ်သားတွေပါဘဲ။ သူတို့ဟာ ဆယ်စုနှစ်များစွာ လက်သပ်မွေးခြင်းခံထားရသလို ၊ မီဒီယာနဲ့လူ့ဝန်းကျင်အတွင်း ထိန်းချုပ် စိုးမိုးထားဆဲဖြစ်ကြတဲ့ အမျိုးသားရေးဝါဒီပညာတတ်/ပညာရှင်တွေ နဲ့ ဘာသာရေးခေါင်းဆောင်တွေဖြစ်ကြတယ်သူတို့ကို ဇက်လွှတ်ပေးလိုက်ကြတဲ့အခါ တစ်ချိန်က ဖိနှိပ်ညှင်းဆဲခံထားရတဲ့ပြည်သူများက မထင်မှတ်ဘဲ အာရုံပြောင်းသိမ်းသွင်းခံကြရတော့တယ်။ သူတို့ရဲ့ အမျိုးသားရေးနဲ့ဘာသာရေးဆိုင်ရာယုံကြည်ချက်တွေဟာ ရုပ်မြင်သံကြားမှာ ရုတ်တရက်ပေါ်ပေါက်လာကြတယ်။ လူထုတရားပွဲတွေ လုပ်စေတယ်။ အငြင်းပွားစရာဖြစ်မယ့် အကြောင်းတွေ၊ စာတွေကို ပုံနှိပ်မီဒီယာကနေတစ်ဆင့် ရေးသားဖော်ပြစေတယ်။ သူတို့တစ်တွေဟာ အဓိကအားဖြင့် အတိတ်သမိုင်းဟောင်းက မကြေလည်မှုတွေ၊ ခံစားချက်တွေ၊ “ ငါတို့ခံရတဲ့မတရားမှုနဲ့ကျူးလွန်မှုမှန်သမျှဟာ တခြားသူ(လူမျိုးခြား)တွေကြောင့် ”ဆိုတဲ့စကားမျိုးတွေကိုသာ မရိုးအီနိုင်အောင် တသွင်သွင်ပြောဆိုကြတယ်။

    သူတို့လိုချင်နေတဲ့ ၀န်းကျင်တစ်ခုက လူ့ဘောင်အဖွဲ့အစည်းထဲမှာ ခေါင်းထောင်လာပါတော့တယ်။ မျက်ကန်းမျိုးချစ်ဝါဒဆိုတာ အခြားသူတွေအပေါ် မိမိတို့ရဲ့ကိုယ်ပိုင် အမျိုးသားရေးအမြင်ကို တစ်ဖက်သတ် လက်ခံအောင် လုပ်နေခြင်းသာဖြစ်တယ်။ အခြားသူများဆီမှာလည်း သမိုင်းကြောင်းတွေ၊ နာကြည်းမှုတွေ၊ စာပေပညာရှင်တွေ၊ ကိုယ်ပိုင်အမှတ်သညာ/ဖြစ်တည်မှုကိုထိန်းသိမ်းသူတွေ ကိုယ်စီကိုယ်ငှ ရှိနေတာချည်းဘဲဖြစ်တယ်။ ထို့နည်းတူ အာဏာရှင်ခေတ်လွန် ဒီမိုကရေစီရွေးကောက်ပွဲအတွက် ကိုယ်ပိုင်အတွေးအမြင်နဲ့ နိုင်ငံရေးသမားတွေလည်း ရှိနေကြတာပါဘဲ။

    အတိတ်သမိုင်းဟောင်းက မကြေလည်မှုတွေ၊ ခံစားချက်တွေ၊ ဂုဏ်ထယ်မှုတွေ၊ “ ငါတို့ခံခဲ့ရတဲ့ မတရားမှုနဲ့ကျူးလွန်မှုမှန်သမျှဟာ တခြားသူ(လူမျိုးခြား)တွေကြောင့် ”ဆိုတဲ့စကားမျိုးတွေဟာ လူထုကြားထဲ အတိုင်းထက်အလွန် အောင်မြင်တွင်ကျယ်သွားကြတယ်။ ဘာဖြစ်လို့လဲဆိုတော့ မီဒီယာကနေ အသစ်အဆန်းပုံစံနဲ့ အရှိန်အဟုန်ပြင်းပြင်း ပမာဏကြီးကြီး တင်ပြဖော်ဆောင်လိုက်လို့ဖြစ်တယ်။ ဒီလိုလုပ်ကြံတိုက်ခိုက်မှုတွေကို လူထုတွေအနေနဲ့ ကြိုတင်ပြင်ဆင်မထားနိုင်ခဲ့ကြဘူး။ သူတို့ဟာ ရှေးရိုးစွဲမှိုင်းသွင်းမှုထဲမှာ အသားကျနေရာကနေ ခေတ်သစ်မီဒီယာမျိုးစုံရဲ့ဆွဲဆောင်မှုတွေကြောင့် တမဟုတ်ချင်း နိုင်ငံရေးဆင်လုံးဖြစ်တဲ့ မျက်ကန်းမျိုးချစ်လှောင်အိမ်ထဲ ရောက်မှန်းမသိ သက်ဆင်းရောက်ရှိသွားပါတော့တယ်။

    အစွန်းရောက်အမျိုးသားရေးဝါဒီအုပ်စုများကို ပိုမိုအင်အားကြီးလာအောင် လွှတ်ထားကြတယ်။ သူတို့ထဲက အချို့ကို ထောက်လှမ်းရေးအေးဂျင့်ဟောင်းတွေနဲ့ ဦးဆောင်စေခဲ့တယ်။ သူတို့ရဲ့မှိုင်းသွင်းမှုကို မပြောသာတော့တဲ့အဆင့်အထိ တိုးမြှင့်ကြီးထွားစေတယ်။ ခွေးပေါက်လေးတွေကို ဟောင်လာအောင်လုပ်ပြီး အသံကျယ်သထက်ကျယ်အောင် လွှတ်ပေးထားတာက အာဏာရှင်စံနစ်ဖက်ပြန်လှည့်လိုတဲ့ အမျိုးသားရေးဝါဒီတွေရဲ့ လုပ်ထုံးလုပ်နည်းပါဘဲ။ ဒါမှ လူမျိုးစုအမျိုးမျိုးကြားမှာ မယုံကြည်မှုတွေ၊ သံသယတွေ ဖွံ့ထွားအမြစ်တွယ်လာမှာကိုးဗျ။

    miketae lar case
    မိတ္ထီလာ အကြမ်းဖက်မှုဖြစ်ချိန် လှုံဆော်ရေး သတင်းဆိုဒ်များ လူထုကို သွေးထိုးလှုံဆော်ခဲ့ပုံ
    Screen Shot Credit Lu Cifer FB

    ညစ်စုတ်တဲ့ မုဒိမ်းမှုကို မောင်းခလုတ်အဖြစ် အသုံးချမယ်

    ဒါတွေအားလုံးသုံးရုံနဲ့ ရွေးကောက်ပွဲမှာနိုင်ဖို့ မလုံလောက်သေးဘူး။ တမြည့်မြည့်နဲ့မမေ့နိုင်တဲ့ဒဏ်ရာ ပေးတဲ့နည်းကို ထပ်သုံးဖို့လိုအပ်နေတယ်။ ဒီတော့ ညစ်စုတ်လွန်းတဲ့ အကျည်းတန်လွန်းတဲ့ ရွံစရာကောင်းတဲ့ ဖြစ်ရပ်တွေကို အသုံးချမှာပေါ့။ အဲ့ဒီလိုအရာတွေကို မီဒီယာကနေတစ်ဆင့် အပြန်တလဲလဲ ထုတ်လွှင့်ဖော်ပြပါမှ ပိုဆိုးတဲ့ကိစ္စတွေ ဖြစ်လာမယ် မဟုတ်လား။ ဒီလိုနဲ့ ပုံမှန်အသိရှိသူတွေ၊ ဆင်ခြင်ဥာဏ်ထားသူတွေ၊ သမမျှတတဲ့လူတွေပင်လျှင် အမှန်တရားကို မျက်ကွယ်ပြုလာပြီး ကာကွယ်ရေးဆိုပြီး အုပ်စုဖွဲ့လာကြတော့တယ်။ အဲ့ဒီအခါမှာ ကိုယ်နဲ့မတူ ကိုယ့်ရန်သူအဖြစ်သဘောထားပြီး တစ်ပါးသူတွေကို သတ်ဖြတ်ဖို့၊ အိုးအိမ်တွေကို မီးလောင်တိုက်သွင်းဖို့ ၀န်မလေးကြတော့ဘူးလေ။

    ဆာဗီးယားရွာသား Djordje Martinovic ကို မုဒိမ်းကျင့်တယ်ဆိုတဲ့ ကိစ္စဟာ မီလိုစီဗစ်ရဲ့ကျော်ကြားမှုကို ပိုမိုအားဖြည့်ပေးလိုက်ယုံသာမက သူ့နောက်ကွယ်ရှိ ဆာဗီးယားလူမျိုး အားလုံးနီးပါးကိုလည်း စည်းရုံးပြီးသား ဖြစ်သွားခဲ့တယ်။ စွပ်စွဲသတင်း လွှင့်ခဲ့ပုံက ကိုဆိုဗို အယ်လ်ဘေးနီးယန်း အစွန်းရောက်များက အဲ့ဒီဆာဗီးယားရွာသားကို ဖမ်းဆီးခေါ်ဆောင်သွားပြီး ဘီယာပုလင်းတစ်လုံးနဲ့ သူ့ကို မဖွယ်မရာ မုဒိမ်းကျင့်ခဲ့တယ် လို့ဆိုတယ်။ ထုတ်ပြလိုက်တဲ့ဇာတ်လမ်းတစ်ခုလုံးမှာ ညစ်စုတ်ရွံရှာမှုများနဲ့ပြည့်နှက်နေခဲ့ပြီး အဖြစ်မှန်ကိုတော့ ယနေ့ထက်ထိ ဘယ်သူမှ မသိခဲ့ကြဘူး။ ဒါပေမယ့် ဆာဗီးယားမျိုးချစ်တွေ၊ အမျိုးသားရေးဝါဒီတွေရဲ့ မီဒီယာတွေမှာတော့ အယ်လ်ဘေးနီးယန်းလူမျိုးတွေဟာ ဆာ့ဘ်တွေကို အန္တရာယ်ပေးနေတဲ့ အကြွင်းမဲ့ဒုစရိုက်သားတွေ အဖြစ် ရုပ်လုံးဖော်ခဲ့ကြတယ်။

    ကိုဆိုဗိုက မီလိုစီဗစ်ရဲ့ ခွဲခြားနှိမ့်ချ ဆက်ဆံရေးမူဝါဒတွေကို အပြည်ပြည်ဆိုင်ရာဝေဖန်ချက်က ပြည်တွင်းရောပြည်ပပါ အန္တရာယ်ဝိုင်းရံနေပါပေါ့လား ဆိုပြီး ဆာ့ဘ်အများစုရဲ့ ရင်ထဲကိုစူးဝင်သွားခဲ့တယ်။ နိုင်ငံရေးလောကထဲမှာ မီလိုစီဗစ်ရဲ့ပေါ်လစီကို ဝေဖန်ရဲတဲ့သူ မည်သူ့ကိုမဆို အမျိုးသားသစ္စာဖောက်/နိုင်ငံ့သစ္စာဖောက် လို့ တံဆိပ်တပ်ခဲ့ကြတယ်။ ဒီမိုကရေစီယှဉ်ပြိုင်မှု သို့မဟုတ် ဒီမိုကရေစီဆွေးနွေးဝိုင်းတွေဟာ ဒီအမြင်တွေအကြား ခေါင်းမပြူဝံ့တော့ဘူး။ “သူတို့ ” နဲ့ “ငါတို့” ဆိုတာဘဲ ကျန်ရစ်တော့တယ်။ “ငါတို့”ဆိုတာက အဲ့ဒီနိုင်ငံခေါင်းဆောင်များနောက်ကွယ်က မဝေဖန်မသုံးသပ်ကြတဲ့ (အထက်ပါ အချက်တွေကို မျက်စေ့မှိတ်ယုံလိုက်ကြတဲ့) လူတွေအားလုံးကို ဆိုလိုခြင်းဖြစ်တယ်။

    စစ်တပ်နဲ့ပြည်သူ့စစ် အခန်းကဏ္ဍ မရှိမဖြစ်လိုတယ်လို့ ထင်မြင်စေတယ်

    မျိုးဖြုတ်သုတ်သင်ရှင်းလင်းရေးမှာ တရားဝင်စစ်တပ် နဲ့ တရားမ၀င်စစ်တပ်တို့ရဲ့ အပြန်အလှန်ဆက်နွှယ်ပတ်သက်မှုက အဓိကဇာတ်ကောင်ပါဘဲ။ ၂၀ ရာစုနှောင်းပိုင်း ဥရောပ ရာဇ၀င်ထဲက တုန်လှုပ်ဖွယ် ဒီ အဖြစ်သနစ်ဟာ ထာဝစဉ် တိုက်ခိုက် သတ်ဖြတ်နေခဲ့ကြတဲ့ ရှေးဟောင်း ဗော်လကန်မျိုးနွယ်အုပ်စုအချင်းချင်းအကြားက ရန်ငြိုးကြောင့်ထွက်ပေါ်လာခြင်းဖြစ်တယ်လို့  နိုင်ငံခြားသုတေသီများက အလွယ်တကူ ကောက်ချက်ချခဲ့ကြတယ်။ သို့သော် ခရိုအေးရှားမှာဖြစ်တဲ့ မျိုးဖြုတ်သုတ်သင်ရေးမှာတော့ ဒီအချက်နဲ့ ကြောင်းကျိုးညီညွတ်မှု မရှိတာတွေ့ရတယ်။ နောက်တော့ ကိုဆိုဗို နဲ့ ဘော့စ်နီးယားမှာ အစုလိုက်အပြုံလိုက်သတ်ဖြတ်မှု ဖြစ်ပွားခဲ့တယ်။ ဒီအကြောင်းရင်းနဲ့ဆန့်ကျင်လို့ မျိုးဖြုတ်သုတ်သင်ရှင်းလင်းရေးဆိုတာ အလွန်အင်မတန် ကျိုးကြောင်းကျနအောင် စီစဉ်ထားတဲ့- အကွက်ချစီမံထားတဲ့- သေသေချာချာပြင်ဆင်ထားတဲ့ အားထုတ်ဆောင်ရွက်ချက်တစ်ခု ဖြစ်ပါတယ်။ ထင်ရှားပေါက်ရောက်လာတဲ့ အခြားအခြားသော လူ့အဖွဲ့အစည်းဝင်ကို ပစ်မှတ်ထားပြီး ဗြောင်ကျကျ ရက်စက်မှုတွေ ကျူးလွန်ကြမယ်၊ ပိုင်ဆိုင်မှုရယ်လို့ မကျန်ရစ်အောင် နေအိမ်တွေကို မီးလောင်တိုက်သွင်းမယ် ဒါမှမဟုတ် ဖြိုလဲဖျက်ဆီးကြမယ်။ “သူတို့”ရဲ့ ဘာသာရေး၊ ယဉ်ကျေးမှု နဲ့ သမိုင်းဝင်အထောက်အထားတွေ တစ်စမကျန်ဖို့ မြေမြုပ်ပစ်မယ်၊ အဲ့ဒီမြေပေါ်မှာ “ငါတို့”ရဲ့ဟာတွေပဲ ကျန်ရှိနေရမယ်၊ “ငါတို့”ရဲ့ ပိုင်နက်သာဖြစ်ရမယ်။ ဒါဟာ မျိုးဖြုတ်သုတ်သင်ခြင်းပါဘဲ။

    တရားဝင်စစ်တပ်က ကျားကန်ပေးထားတဲ့ တရားမ၀င်စစ်တပ်တွေကို စံနစ်တကျ လက်နက်တပ်ဆင်ပေးထားတယ်။ ထောက်လှမ်းရေးအရာရှိဟောင်းတွေ၊ ကြေးစားစစ်သားတွေ၊ အကျဉ်းထောင်ကနေတမင်လွှတ်ပေးထားတဲ့ ဒုစရိုက်ကောင်တွေ၊ အတွေးတိမ်တဲ့လူငယ်တွေနဲ့ ရောစပ်ဖွဲ့စည်းပေးထားကြတယ်။

    ဒီလိုစစ်တပ်မျိုးကို သတ်ဖြတ်ခြင်း၊ မီးရှို့ဖျက်ဆီးခြင်းမှာ မပါဝင်ရလို့ လမ်းကြောင်းချပေးထားတယ်။ ဒါကလည်း အစပိုင်းမှာပါဘဲ။ လုံခြုံရေးနဲ့ကာကွယ်ရေးအတွက်၊ တည်ငြိမ်အောင်ထိန်းသိမ်းရေးအတွက် ဖွဲ့စည်းပေးတာလို့ ပြောဆိုလေ့ရှိတတ်ကြတယ်။ အမှန်တကယ်တမ်းကျတော့ စစ်တပ်ရဲ့အခန်းကဏ္ဍဟာ စစ်ရေးအရ မဟာဗျူဟာကျတဲ့ နေရာတွေကိုထိန်းချုပ်ရတယ်၊ လမ်းကြောင်းတွေနဲ့အခြားအရေးကြီးအရင်းအမြစ်တွေရဲ့လုံခြုံရေးကို တာဝန်ယူရတယ်။ ကျူးကျော်နယ်ချဲ့လာသူတွေကို တားဆီးပိတ်ဆို့ရမယ် စသဖြင့် အကန့်အသတ်ရှိနေတယ်။ တရားမ၀င်စစ်တပ်တွေကျတော့ လွတ်လွတ်လပ်လပ် လှုပ်ရှားလို့ရနေတယ်လေ။ သူတို့ဟာ သူတို့ဦးတည်ထားတဲ့ လူနည်းစုတွေအပေါ် လက်နက်ကိုင်တွယ်ခွင့်၊ စုရုံးခွင့် ပိတ်ပင်လို့ရတယ်။ လူပေါင်းများစွာကို စီမံကိုင်တွယ်ခွင့်ရှိနေတယ်။ နောက်ဆုံးအဆင့်အနေနဲ့ ပိုင်နက်လုံခြုံရေးအကြောင်းပြချက်နဲ့ “သူတို့”ဆိုတာကို လက်စတုန်းရှင်းထုတ်တဲ့အထိ လုပ်ခွင့်ရကြတယ်။

    အဲ့ဒီတရားမ၀င်စစ်တပ်အုပ်စုတွေက အောက်တန်းကျစွာလုပ်ဆောင်ကြလေတိုင်း စစ်တပ်၊ အစိုးရ နဲ့ သမ္မတ မီလိုစီဗစ်တို့က မိမိတို့မှာ တာဝန်မရှိကြောင်း၊ မိမိတို့အနေနှင့် အခြေအနေကိုထိန်းသိမ်းပေးရန်သာ တတ်စွမ်းနိုင်ကြောင်း အပြည်ပြည်ဆိုင်ရာအသိုင်းအ၀ိုင်းနဲ့ပြည်တွင်း“ပရိသတ်”ကို အခါခပ်သိမ်း ပြောဆိုနေလေ့သာရှိခဲ့တယ်။ သူတို့အဆိုအရ နှိပ်စက်ခံရသူတွေက မိမိကိုယ်ကို ခုခံကာကွယ်တဲ့အတွက် တိုက်ခိုက်မှုပိုမိုအရှိန်မြှင့်တက်လာရတယ်တဲ့လေ။

    အချိန်တန်တဲ့အခါ မုဒိမ်းမှု၊ သတ်ဖြတ်မှုတွေနဲ့ထွင်လုံးဆင်ထားတဲ့ ဇာတ်လမ်းတွေ မလိုအပ်တော့ဘူး။ သူတို့လိုချင်တဲ့ ဖြစ်စဉ်ဟာ အမှန်တကယ်အကောင်အထည်ပေါ်လာပြီး ထိန်းမနိုင်သိမ်းမရပွင့်အံလာတယ်။ “ငါတို့”အင်အားစုက “သူတို့”အပေါ် သွေးပျက်ဖွယ်ကျူးလွန်မှုတွေ လုပ်ဆောင်ကြတယ်။ “သူတို့” နဲ့“တခြားသူတွေ”ကလည်း ရေရှည်မှာ ငုံ့ခံလို့ မဖြစ်နိုင်တော့တဲ့အခါ မိမိကိုယ်ကိုကာကွယ်ရေးအတွက် “ငါတို့”အပေါ် အလားတူ တန်ပြန်လုပ်ဆောင်လာကြတော့တယ်။ ပြည်တွင်းက မျိုးချစ်၊ အမျိုးသားရေးမီဒီယာတွေက “ငါတို့အုပ်စု”တွေရဲ့ တစ်ဖက်သတ်အကြမ်းဖက်မှုတွေအကြောင်း ဘယ်တော့မှ မဖော်ပြခဲ့ကြဘူး။ “တခြားသူတွေ”ရဲ့ အပြစ်တွေကိုတော့ မတုန့်မဆိုင်းအလွန်မြန်ဆန်စွာ တင်ပြလေ့သာရှိခဲ့ကြတယ်။ ဒီအခြေအနေက စိုးရိမ်သောကနဲ့အမျက်ဒေါသကို ပိုမို ကြီးထွားလာစေပြီး၊  (“ငါတို့” လို့ မှိုင်းမိသွားတဲ့ ပြည်သူတွေကို)  “ကာကွယ်ခြင်း”ခေါင်းစဉ်နဲ့ “တခြားသူတွေ”ကို မောင်းထုတ်ကြအောင်၊ သွေးချောင်းစီးသတ်ဖြတ်စေအောင် တွန်းပို့လိုက်ခြင်းသာဖြစ်တယ်။

    ဒါဟာ ဆယ်စုနှစ်တစ်ခုအတွက် ယခင်ယူဂိုဆလားဗီးယားနိုင်ငံတစ်ဝှန်း အစွန်းရောက်အမျိုးသားရေးဝါဒကို လှိမ့်သွင်းခဲ့တဲ့နည်းလမ်းပါဘဲ။ အဲ့ဒီခေတ်မှာ မီလိုစီဗစ်နဲ့အပေါင်းအပါတစ်စုဟာ ၁၉၉၀၊ ၁၉၉၂ နဲ့ ၁၉၉၇ ရွေးကောက်ပွဲ တွေမှာ အတားအဆီးမရှိ အောင်မြင်ခဲ့ပြီး သမ္မတနေရာအတွက် ပြဿနာမပေါ်ခဲ့ဘူး။ ဆယ်နှစ်ကျော် အာဏာဆုပ်ကိုင်မှု အတွက် ပေးဆပ်လိုက်ရတာကတော့ နိုင်ငံပြိုကွဲခြင်း နဲ့ ရန်ငြိုးစစ်ပွဲကြီး ၄ ခုဘဲ ဖြစ်ပါတယ်။ လူ့အသက် နှစ်သိန်းကျော် ဆုံးရှုံးခဲ့တယ်။ ထောင်နဲ့ချီတဲ့ရွာတွေ ပြာပုံဘ၀ရောက်ခဲ့တယ်။ မြို့ပြကြီးတွေမှာ ကျည်ခွံတွေဖုံးလွှမ်းခဲ့တယ်။ သန်းနဲ့ချီတဲ့သူတွေ နယ်မြေစွန့်ရတယ်။ အိုးမဲ့အိမ်မဲ့ဖြစ်ခဲ့တယ်။ စီးပွားရေး အဖတ်ဆည်မရအောင် ပျက်စီးသွားခဲ့တယ်။

    အဆုံးသတ်မှာတော့ ၂၀၀၀ ခုနှစ်ရွေးကောက်ပွဲမှာ သူခိုးကြီးထပ်လုပ်ဖို့ကြိုးစားခဲ့တဲ့ မီလိုစီဗစ်ကို ဆာဗီးယားလူငယ်တန်ပြန်လှုပ်ရှားမှုအဖွဲ့( Serbian youth movement Otpor ) နဲ့ စုပေါင်းအတိုက်အခံအင်အားစုက ပြင်းပြင်းထန်ထန် ဖြုတ်ချနိုင်ခဲ့တယ်။ လူမဆန်အောင်ပြစ်မှုကျူးလွန်ခဲ့တဲ့ စစ်ရာဇ၀တ်ကောင်အဖြစ် နိုင်ငံတကာခုံရုံးတင်ခဲ့ကြတယ်။ စီရင်ချက်မချခင်မှာဘဲ သူ့အခန်းကျဉ်းလေးထဲမှာ သူ့အကုသိုလ်နဲ့သူ နှလုံးရပ်ပြီး နိဂုံးချုပ်သွားခဲ့တယ်။

    ဗော်လကန်ရဲ့သားသတ်သမားကြီး မီလိုစီဗစ် နဲ့ သမ္မတဦးသိန်းစိန်ကို နှိုင်းယှဉ်ချိန်ထိုးတာမဟုတ်ကြောင်း နားလည်မှု မလွဲမှားဖို့ ကျွန်တော်ပြောလိုပါတယ်။ ကျွန်တော် ဝေမျှပေးချင်တဲ့ အချက်က လူမျိုးစုရှင်းလင်းသန့်စင်ရေးတို့၊ မျိုးဖြုတ်သုတ်သင်မှုတို့ဆိုတာ အပြန်အလှန်အကြမ်းဖက်မှုအဆက်မပြတ်ဖြစ်ပွားရာကနေ ပွင့်ထွက်လာတတ်တဲ့ အရာမျိုး မဟုတ်ကြောင်း သိစေချင်တာဖြစ်တယ်။ မြန်မာနိုင်ငံရှိ မွတ်စ်လင်မ်အားလုံးအထိ ခြုံလွှမ်းဦးတည်လာနေတဲ့ မျိုးဖြုတ်သုတ်သင်မှုဆိုတာမျိုးဟာ “စိတ်ဓာတ်စစ်ဆင်ရေး”အားဖြင့် အဆင့်မြင့်မြင့် ကြိုတင်ကြံစည်ခဲ့တာဖြစ်ပြီး၊ နိုင်ငံတော်ရဲ့ထိပ်သီးယန္တရားတစ်ချို့ ပါဝင်ပတ်သက်မှုမရှိဘဲနဲ့ ဘယ်လိုမှဖြစ်ပေါ်လာစရာအကြောင်းမရှိဘူး ဆိုတာပါဘဲ။

    အချိန်မလွန်ခင် အစွန်းရောက်အမျိုးသားရေးဝါဒရဲ့အကျည်းတန်စက်ကွင်းကို ချိုးဖျက်ဖို့ဆိုတာ မင်းကိုနိုင်နဲ့၈၈မျိုးဆက် တို့လို့ သတ္တိကောင်းတဲ့၊ တာဝန်ယူရဲတဲ့ လူထုခေါင်းဆောင်များနဲ့တင် မလုံလောက်ပါဘူး။ လူမှုအဖွဲ့အစည်းတွေ၊ လေးစားလက်ခံအပ်တဲ့ပုဂ္ဂိုလ်တွေ၊ သမျှတအမြင်ရှိတဲ့ဘာသာရေးခေါင်းဆောင်တွေ၊ ယုံကြည်စိတ်ချရတဲ့မီဒီယာတွေ၊ အတိုက်အခံတွေအားလုံး လက်တွဲညီညီနဲ့ အကြမ်းဖက်မှုကို တန်ပြန်ဆန့်ကျင်သွားရမှာဖြစ်တယ်။ ကာကွယ်တားဆီးရမှာဖြစ်တယ်။ အဆုံးသတ်အားဖြင့် မိမိနိုင်ငံနယ်နမိတ်အတွင်း အလားတူအဖြစ်မျိုး ထပ်မံမဖြစ်ပွားတော့အောင် အစိုးရပိုင်းနဲ့နိုင်ငံတော်အာဏာပိုင်တွေသာလျှင် အဓိကတာဝန်ယူရမှာ ဖြစ်ပါတယ်။ ဒါ့အပြင် လှုံ့ဆော်နေကြတဲ့ တရားဝင်၊ တရားမ၀င် အင်အားစုအားလုံးအပေါ် ထိရောက်ပြတ်သားတဲ့ အရေးယူမှုကို အမြန်ဆုံးပြုလုပ်ဆောင်ရွက်ပြီး အဆုံးသတ်ရတော့မှာ ဖြစ်ပါတယ်။
    ***  ဆောင်းပါးရှင် Igor Blazevic သည် ဘော့စနီးယားနိုင်ငံသားတစ်ဦး၊ ချက်နိုင်ငံအခြေစိုက်လူ့အခွင့်အရေးလှုပ်ရှားသူ တစ်ဦး၊ ထိုင်းနိုင်ငံ အခြေစိုက် မြန်မာ့လူ့အခွင့်အရေးနှင့် ပညာရေးဦးဆောင်မှုအဖွဲ့ဒါရိုက်တာတစ်ဦးဖြစ်သည်။  ***

    ဧရာဝတီ အင်္ဂလိပ်ပိုင်းသတင်းဆိုဒ်တွင် ဆောင်းပါးရှင်Igor Blazevic ဖော်ပြခဲ့သည့်  The Vicious Cycle of Extreme Nationalism ဆောင်းပါးကို မြင့်မိုရ်မောင်မောင် မှ ဆီလျော်အောင် မြန်မာပြန်ဆိုပါသည်။