News @ M-Media

Category: ဘာသာပြန်

  • တရုတ်နှင့် အိန္ဒိယတို့ဆုံတွေ့ရာ ဗမာပြည် (သို့) အာရှ၏ အချက်အချာ (WHERE CHINA MEETS INDIA) စာအုပ်မိတ်ဆက်

    ဇူလိုင် ၂၈ ၊ ၂၀၁၅
    M-Media

    တရုတ်နှင့် အိန္ဒိယတို့ဆုံတွေ့ရာ ဗမာပြည် (သို့) အာရှ၏အချက်အချာ
    (WHERE CHINA MEETS INDIA; BURMA AND THE NEW CROSSROADS OF ASIA)
    ခေတ်သစ်မြန်မာပြည်ဟာ အာရှမှာမည်သို့အရေးပါသည့်အခန်းကဏ္ဍကပါဝင်လာနိုင်သည်ကိုသိလိုသူတိုင်း မဖြစ်မနေဖတ်ရှုသင့်သည့်စာအုပ်အဖြစ် ဆရာသန့်မြင့်ဦးရေးသည့် Where China Meets India မြန်မာဘာသာပြန်ကို ကို M-Media စာဖတ်ပရိတ်သတ်များအတွက် မိတ်ဆက်ပေးလိုက်ပါတယ်။ မူရင်းအင်္ဂလိပ်ဘာသာနဲ့ရေးသားထားပြီး မြန်မာဘာသာဖြင့် ဖတ်ရှုလိုသူများအတွက် WHERE CHINA MEETS INDIA ကို “မြန်မာသည် အာရှ၏ ဂိမ်းချိန်ချာလော” အမည်ဖြင့် ဆရာနိုင်ဦး ကဘာသာပြန်ထားပါသည်။

    IMG_0025

    (ဆရာနိုင်ဦး၏အမှာမှ)
    ပြင်ပကမ္ဘာကြီးအကြောင်း နကန်းတစ်လုံးမျှမကြားဘူး၊ မမြင်ဘူးပါပဲနှင့် ကျနော်တို့ ဗမာတွေ ခြေပစ်လက်ပစ် အိပ်မောကျခဲ့သည်မှာ နှစ်ကြိမ်နှစ်ခါ တိုင်လေပြီ။ သက်ဦးဆံပိုင် အာဏာရှင်တွေ၊ ပဒေသရာဇ်ဘုရင်တွေ လက်အောက်မှာ တစ်ကြိမ်နှင့် ဆိုးယုတ်သော စစ်အာဏာရှင်များလက်အောက်တွင် တစ်ကြိမ် ပေါင်းနှစ်ကြိမ်။

    ခေတ်ကမ္ဘာကြီးနှင့် ပတ်သတ်၍ ဗမာတွေ အကြားအမြင်၊ ဗဟုသုတမရှိ။ မြန်မာပြည်အပြင်ဘက် ရောက်ဖူးပေါက်ဖူး၍ ကြားသိနားလည်ခဲ့ကြသော ဆရာကောင်းတို့က ခေတ်နှင့်လျော်ညီသော အုပ်ချုပ်ရေး၊ စီးပွားရေး ပြုပြင်ပြောင်းလဲမှုတွေ လုပ်ဖို့ အကြံပေးသည့်တိုင် ဘုန်းကြီးစာလောက်သာ တတ်သည့် ဘုရင့်အသိုင်းအဝိုင်းက ပြက်ရယ်ပြုခဲ့သည်။ ပြည်သူလူထုဆိုသည်ကလည်း နီးရာဓား ကြောက်ရသည်။ “ခြေနှစ်ချောင်းလည်း မကယ်နှင့် မင်းလှေမျောလည်း မဆယ်နှင့် ” ဆိုသလို တိုင်းရေးပြည်ရေးနှင့် ဖာသာလဝါနေတတ်ကြသည်။ “အလှူပေးသူဌေးဖြစ်၊ နတ်ပြည်ရောက် ” ဆိုသလိုသော အယူစွဲ ဥခွံလေးကိုပင် ကမ္ဘာလုပ်နေလာခဲ့ကြရာ ဗြုန်းဆို တစ်ပြည်လုံး အင်္ဂလိပ်လက်အောက်ရောက်သွားခါမှ အိပ်ရာက လန့်နိုးခဲ့ကြသည်။ ဗြိတိသျှ ကိုလိုနီခေတ် မရောက်မီအထိ ကိုယ့်တစ်အိမ်ထောင် ဝမ်းစာဖူလုံဖို့လောက်သာ စိုက်ပျိုးစားသောက်တတ်သည်ဖြစ်၍ ဗမာတွေမှာ အုပ်ချုပ်ရေးပညာမရှိ၊ စက်မှုအတတ်ပညာမရှိ၊ ကုန်ကုန်ပြောရလျှင် တရုတ်၊ ကုလားတွေလိုပင် ဈေးပင် မရောင်းတတ်။ နိုင်ငံတကာနှင့် ယှဉ်သော ကူးသန်းရောင်းဝယ်ရေးကို နားမလည်။ ပိုဆိုးသည်က ကုန်သည်ပွဲစားအလုပ်အကိုင်ကိုပင် အထင်သေးအမြင်သေး ရှိတတ်ကြသည်။ ဒီတော့ သဘာဝကျစွာပင် ဗြိတိသျှအုပ်ချုပ်ရေးအောက်မှာ ဗမာတွေကျွန်ဖြစ်ခဲ့ကြသည်။

    အင်္ဂလိပ်တွေက လိုချင်တာ ယူသွားကြသည်။ ယူလို့မရတော့သည့်အဆုံးမှ ဟောင်းလောင်းပက်လက်ဖြစ်ကျန်ခဲ့သော ဗမာပြည်ကို ဗမာတွေလက်ထဲထည့်ပေးခဲ့သည်။ ဗမာပြည်ကို ဗမာတွေလက်ထဲပြန်ရောက်ပေမယ့် အသိပညာနုံနည်းသော ဗမာတွေနှင့် လွတ်လပ်ရေး မထိုက်တန်။ လုကြယက်ကြနှင့် အတ္တတွေ ပွတ်တိုက်မိရာက တစ်ပြည်လုံး ပြည်တွင်းစစ်မီးကြီး တောက်လောင်ခဲ့ရာက စစ်အာဏာရူးလူတစ်စုလက်ထဲ ပြန်ရောက်သွားပြီး အမှောင်ထဲမှာ ဗမာတွေ နောက်တစ်ကြိမ် နှစ် (၅၀) ကျော် အိမ်မောကျခဲ့ပြန်ပါသည်။

    Thant Myint U
    စာရေးသူ ဆရာသန့်မြင့်ဦး

    ယခုအိပ်ရာက နိုးလေပြီ။ သို့ပေမယ့် ပထမတစ်ကြိမ်တုန်းကလို ပြင်ပကမ္ဘာကြီးနှင့် ဘွားကနဲ့ တွေ့လိုက်ရချိန်မှာ ဗမာတွေမှာ ခြေဗလာ၊ လက်ဗလာနှင့် ရင်ဆိုင်ဖို့အသင့်မရှိ။ ကမ္ဘာနှင့်ယှဉ်ဖို့ အသိပညာ၊ အတတ်ပညာတွေမွဲပြာနေဆဲ။ ပထမအကြိမ် ပြင်ပကမ္ဘာကြီးနှင့် ဗမာတွေ ပက်ပင်းတိုးခဲ့ချိန်နှင့် ယခုတစ်ကြိမ်သည်လုံးဝမတူတော့။ ယခုတစ်ကြိမ် စိန်ခေါ်မှုတွေက ယခင်ကထက် အဆပေါင်းများစွာ ပြင်းထန်သည်။ နည်းပညာဆိုတာတွေကို အသာထား။ ပထဝီဝင်အခင်းအကျင်းတို့သည်ပင် များစွာပြောင်းလဲသွားလေပြီ။ ယခင်က မြန်မာနှင့် အိမ်နီးချင်းနိုင်ငံတွေကြား လူတိုးမပေါက်နိုင်သော မြိုင်သေလာအထပ်ထပ်နှင့် လျှိုကြီး ချောက်ကြီး တောင်တန်းကြီးတွေ ကမ္ဘာခြားသလို ခြားနေခဲ့ပါသော်လည်း ယခုမူ လူဦးရေပေါက်ကွဲလာသည်နှင့်အမျှ နိုင်ငံတို့၏ နယ်နမိတ်စည်းရိုးတွေ ထိကပ်လာသည်။ အချို့နေရာတွေဆိုလျှင် မထင်ရှားတော့၊ ဝါးသွားလေပြီ။ ဤသို့ ဤနှယ် ဖြစ်ပေါ်ပြောင်းလဲမှုတို့ပင် နောက်ဆက်တွဲရလာဒ်အဖို့မှာလည်း နှစ်စွန်းနှစ်ဆွယ်ရှိသည်ဟု ဆိုသည်။ ဖြစ်ပေါ်လာသော အနေအထားအသစ်တို့ကို မြန်မာတို့အနေနှင့် နိုင်ငံရေးအရ တစ်စည်းတစ်လုံးတည်းနှင့် ကိုင်တွယ်နိုင်ပါမူ တစ်တိုင်းတစ်ပြည်လုံးအတွက် ရတနာပုံကိန်းဆိုက်နိုင်ပါသော်လည်း ယခင်လို အတ္တမာန်မာနတွေနှင့် အာဏာရူး၊ ဥစ္စာရူး ရူးနေကြဦးမည်ဆိုလျှင်ကား အင်္ဂလိပ်ကျွန်ဇာတ်သွင်းခံရသည်ထက် ကိုယ်ကျိုးနည်းဖွယ်ရှိကြောင်း ဆရာသန့်မြင့်ဦး၏ ယခုစာအုပ်တွင် ရှာဖွေတွေ့နိုင်ပါသည်။ (ဆရာနိုင်ဦး အမှမှ)

    “မြန်မာသည် အာရှ၏ ဂိမ်းချိန်ချာလော” – စာအုပ်မှ ကောက်နှုတ်ချက်

    တရုတ်နိုင်ငံ၏ စက်မှုထုတ်ကုန်လုပ်ငန်းများ ကြီးထွားလာသည်နှင့်အမျှ တစ်နေ့ထက်တစ်နေ့ လောင်စာစွမ်းအင်များ ပို၍ လိုအပ်လာနေသည်။ သို့ဖြစ်သည်နှင့်အညီ တရုတ်ပြည်၏ လောင်စာလိုအပ်မှုကို လက်တလောဖြည့်ပေးနေသည်မှာ အာဖရိကနှင့် အရှေ့အလယ်ပိုင်း ရေနံတွင်းများမှဖြစ်ပြီး ၎င်းနေရာမှ ရေနံတို့ကို သင်္ဘောများဖြင့် ဝယ်ယူရာတွင် မလက္ကာ ရေလက်ကြားကို ဖြတ်၍ စင်္ကာပူမှတဆင့် တရုတ်ပြည်သို့ရောက်ရှိလာခြင်းဖြစ်ရာ ဤတွင် တရုတ်မဟာဗျူဟာ လေ့လာရေးသမားများ ရတတ်ပွေစရာအခြေအနေတစ်ခုမှာ “မလက္ကာ ရေလက်ကြား” ဖြစ်လေသည်။ မလက္ကာရေလက်ကြားသည် အမေရိကန်တို့ ထိန်းချုပ်မှုအောက်တွင်ရှိနေသဖြင့် အကယ်၍ တစ်နေ့နေ့တစ်ချိန်ချိန် အမေရိကန် (သို့) အိန္ဒိယနှင့် မိမိတို့ ကတောက်ကဆဖြစ်ခဲ့သော် ရန်သူစစ်သင်္ဘောတို့က မလက္ကာရေလက်ကြားကို အသာလေးပိတ်လိုက်၍ ရေနံတင်ပို့မှုကို ဖြတ်တောက်လိုက်ရုံနှင့် မိမိတို့ စင်းစင်းကြီးသေသွားနိုင်သည်ကို တရုတ်ခေါင်းဆောင်တွေကောင်းကောင်းသိသည်။ တရုတ်ပြည်အတွက် မလက္ကာရေလက်ကြားသည် အရေးပါနေသလို ခြေပစ်လက်ပစ်လည်း မှီခို၍မရ။ ဤသဘောကို တရုတ်သမ္မတ ဟူကျင်တောင်က မလက္ကာ ဒိုင်လမာ (The Mellacca Dilemma) ဟု ဝိဂြိုဟ်ပြုခဲ့ရာ ယခုမူ ဗမာပြည်ကို ထုတ်ချင်းခတ်လျက် ရခိုင်ကမ်းလွန်သဘာဝဓာတ်ငွေ့နှင့် ရေနံတို့ကို တရုတ်ပြည်အနောက်ဘက်ခြမ်း ဖွံ့ဖြိုးမှု နောက်ကျကျန်နေသော ဒေသများအထိ ကဲ့ယူနိုင်ပြီဖြစ်၍ မလက္ကာ အကျပ်အတည်းကို ဖြေရှင်းပြီးဖြစ်သလို တရုတ်ပြည် အနောက်ခြမ်း ဖွံ့ဖြိုးရေးအတွက်လည်း တံခါးပွင့်သွားပြီဖြစ်ပါ၏။ (စာ ၁၆ဝ – ၁၆၁ မှ)

    တရုတ်နှင့် ပတ်သတ်၍ မြန်မာတို့အမြင်တွင် ဒရောသောပါးနှင့် စိမ့်ဝင်လာမည့် ဧရာမလှိုင်းလုံးကြီးတစ်ခုလို ဖြစ်လာခဲ့ကြရာ ထိုအမြင်မှခွာကြည့်လိုက်လျှင်မူ တရုတ်သည် မြန်မာစစ်အာဏာပိုင်တို့နှင့် ဆွေမျိုးပေါက်ဖော်လုပ်နေသလို တစ်ဘက်တွင်လည်း မြောက်ကိုရီးယားနှင့် ဆူဒန်တို့လို လူဆိုးလူမိုက်လူရမ်းကား အစိုးရမျိုးနှင့်လည်း ပရောပရီလုပ်၍ အိန္ဒိယနှင့် ယှဉ်ပြိုင်ရမည့် ဂရိတ်ဂိမ်းကြီးအတွက် အကွက်ချလျက်ရှိရာ တရုတ်မြန်မာဆက်ဆံရေးကို အမှန်တကယ် တွန်းအားပေးနေသော အင်အားတို့သည်ကား ဘယ်အရာတွေဖြစ်နိုင်ပါသနည်း။ တရုတ်နှင့်ပတ်သတ်၍ ဒေသတွင်း အကဲဖြတ်ချက်များက အဘယ်နည်း။ တရုတ်ပြည်အနားသတ်နယ်နိမိတ်သမိုင်းနှင့် ယူနန်ဒေသ အနေအထားကို လုံးလုံးလျားလျား ဘေးဖယ်ထားလို့ရပါသလား

    ဘေဂျင်းမှ ယူနန်ဒေသမြို့တော် ကူမင်းသို့ လေကြောင်းနှင့်သွားလျှင် တရုတ်ပြည် ကုန်းတွင်းပိုင်းနှင့် ကွေ့ကောက်ရစ်ခွေနေသော တောင်စဉ်အထပ်ထပ်ကို ကျော်၍ (၃) နာရီမျှ သွားရသော ခရီးဖြစ်ပါသည်။ ယူနန်သည် မြန်မာနှင့် ကပ်လျက် တည်နေရုံမက ဧရိယာနှင့် လူဦးရေပါ မတိမ်းမယိမ်းရှိသော ပြည်နယ်တစ်ခုဖြစ်သလို ဘင်္ဂလားပင်လယ်အောင်သို့ မောင်းနှင်မည့် တရုတ်၏ အင်ဂျင်တစ်လုံးလည်းဖြစ်ပါ၏။ ( စာ – ၁၆၅ မှ )

    အိန္ဒိယနှင့် ကျွန်ုပ်တို့သည် မည်သည့်အခါကမျှ သူစိမ်းသူပြင် ဆန်ခဲ့ကြသူတွေမဟုတ်၊ ရှေးအတိတ်တုန်းကပင် အဆက်အဆံရှိခဲ့ရာ ကျွန်ုပ်၏ မိဘများ မွေးဖွားသော (၁၉၃ဝ) ကျော်နှစ်များတွင် မြန်မာသည် အိန္ဒိယအင်ပါယာ၏ အစိတ်အပိုင်းတစ်ခုအဖြစ်တည်ရှိနေပြီး၊ ကျွန်ုပ်၏ အဖိုးဖြစ်သူကား (၁၉) ရာစုနှောင်းပိုင်းတွင် ကာလကတ္တား တက္ကသိုလ်၌ ပညာသင်ကြားခဲ့ရာ အဖိုး၏ စာကြည့်ခန်းထဲတွင် ချိတ်ထားသော မဟတ္တမဂန္ဒီနှင့် ပဏ္ဍိတ်နေရူးတို့၏ ရုပ်ပုံတို့ကို ကျွန်ုပ်ငယ်ငယ်က ကြည့်ခဲ့ဖူးသည်ကို ယခုအထိမှတ်မိနေသေးသည်။

    ထိုနည်းတူ ဗြိတိသျှအင်ပါယာအတွင်းမှ မြန်မာပြည်၏သမိုင်းပုံပြင်တို့ကိုလည်း ငယ်စဉ်ကပင် စိတ်ဝင်တစားဖတ်ရှုခဲ့ရာမှ ကင်းဘရစ်တက္ကသိုလ်ရောက်သည့်အခါ ဗြိတိသျှသမိုင်းဆရာတို့၏ သင်ကြားပြသမှုအောက်တွင် သမိုင်းဘာသာရပ်ဖြင့် ဘွဲ့ရသည်အထိ ရာဇဝင် အမျှင်တန်းခဲ့ပါ၏။

    မိဘများမွေးရပ်မြေသို့ တစ်ခေါက်တစ်ကြိမ် ပြန်ရောက်သည့်အခါများတွင်လည်း ကျွန်ုပ်မိသားစုဝင်များအပါအဝင် ထိုစဉ်က မျိုးဆက်ဟောင်းများထံတကူးတကသွားရောက်တွေ့ဆုံခဲ့ရာတွင် အများစုမှာ ထိုခေတ်ထိုအခါက ပညာတတ်တွေပီပီ အပြောအဆိုအလေ့အထတို့မှာ အင်္ဂလိပ်ဘာသာစကားနှင့် အသားကျနေကြရာ ကိုလိုနီအမွေအနှစ်ကား (၁၉၈ဝ) လွန်ကာလများအထိ ရှိနေဆဲဖြစ်ပါ၏။ (စာ – ၂၇၇ မှ)

    မြန်မာမှသည် ဘာလီကျွန်းအထိ ဒေသတစ်လျှောက်ကို အနောက်တိုင်းပညာရှင်တို့က Father India ဟု အမှတ်ရှိခဲ့သလို အရှေ့တောင်အာရှ၏ အိန္ဒယဇာတ်အသွင်းခံရသောနိုင်ငံများဟူ၍လည်း ရည်ညွှန်းတတ်ကြရာ အဓိကအကြောင်းတရားမှာ အိန္ဒိယ၏ စာပေ၊ ယဉ်ကျေးမှု၊ ဗေဒင်လက္ခဏာ၊ ဆေးကျမ်း ၊ နက္ခတ္တဗေဒနှင့် ပဒေသရာဇ် အုပ်ချုပ်ရေးအယူအဆအတွေးအခေါ်တို့က ဆိုခဲ့ပါဒေသတစ်ခုလုံးကို ရာစုနှစ်ပေါင်းများစွာ လွှမ်းမိုးခဲ့သည်ဆိုသော အဓိပ္ပာယ်ဖြစ်သည်။ ယနေ့တိုင်လည်း ရှေးဟောင်းအိန္ဒိယ၏ အထွေထွေယဉ်ကျေးမှု အမွေအနှစ်တို့ကို နယ်ပယ်တိုင်းတွင် တွေ့မြင်နိုင်ရာ မြန်မာ၊ ထိုင်း ၊ လာအို ၊ ကမ္ဘောဒီးယားနိုင်ငံတို့တွင်မူ ဗုဒ္ဓဘာသာသည် လူအများစုကိုးကွယ်ရာဖြစ်၍ အင်ဒိုးနီးရှား၊ ဘာလီကျွန်းနေ လူဦးရေ၏ (၉၀) ရာခိုင်နှုန်းသည် ဟိန္ဒီများဖြစ်ပြီး အစ္စလာမ်ဘာသာသည်ပင် အိန္ဒိယမှတစ်ဆင့်ရောက်လာခြင်းဖြစ်သည်။ (စာ -၂၈၈ မှ)

    Where China meets India

  • “အကြမ်းဖက်မှု” စကားလုံးဟာ မွတ်စလင်တွေ အတွက်ပဲလား

    “အကြမ်းဖက်မှု” စကားလုံးဟာ မွတ်စလင်တွေ အတွက်ပဲလား

    ဇူလိုင် ၈ ၊ ၂၀၁၅
    M-Media
    .feaabb83-e601-4260-b8f2-aaa49de726d2
    – “ကျွန်တော်တို့တိုင်းပြည်ရဲ့ အကြမ်းဖက်သမိုင်းကို ဒီလောက် ကြောက်စရာ ပဲတင့်ထပ်ခဲ့ပေမယ့် ချာလ်စတန် သေနတ်ပစ်မှုကို “အကြမ်းဖက်မှု” အဖြစ် သတ်မှတ်ဖို့ မီဒီယာ ဌာနတွေက တွန့်ဆုတ်ခဲ့ကြပါတယ်။ အမေရိကန်စတိုင် အကြမ်းဖက်ဝါဒ ဆိုတာ နိုင်ငံရေးအာဏာမှာ ပထမဆုံး အစိတ်အပိုင်း တစ်ခု ဖြစ်လာတဲ့ လွတ်မြောက်ခါစ လူမည်းတွေရဲ့ လှုပ်ရှားမှုနဲ့ လွတ်လပ်မှုကို ကန့်သတ်ဖို့ကနေ အစပြုတာဖြစ်ပါတယ်” လို့ နယူးယောက်တိုမ်းစ်သတင်းစာရဲ့ ဆောင်းပါးရှင် ဘရစ်ဘန်းနက်က ရေးသားခဲ့ပါတယ်။
    .
    ဘန်းနက်ဟာ ချာလ်စတန်က သမိုင်းဝင်ခရစ်ယာန် ဘုရားကျောင်းမှာ လူမည်း ၉ ဦးအသတ်ခံလိုက်ရတာကို “အကြမ်းဖက်မှု” လုပ်ရပ်အဖြစ် ဘာ့ကြောင့် မဖြစ်မနေ သတ်မှတ် ရမယ်ဆိုတာနဲ့ ပတ်သက်ပြီး စောဒကတက်ခဲ့တဲ့ မရေတွက်နိုင်တဲ့ ဝေဖန် ဆန်းစစ်သူ၊ ဆောင်းပါးရှင်တွေထဲက တစ်ဦးလည်းဖြစ်ပါတယ်။

    နယူးယောက်တိုင်းမ်စ်က ဆောင်းပါး တစ်ခုမှာ ချားလ်စ် အမ် ဘလိုးဆိုသူ ဆောင်းပါးရှင်ကလည်း အဲဒီလူသတ်မှုအတွက် ၀န်ခံခဲ့တဲ့ လူသတ်သမားကို ရည်ညွှန်းပြီး ဒီလိုရေးပါတယ်။

    “(ဒိုင်လန်) ရုဖ်ဟာ လူမျိုးရေးအမုန်းတရားနဲ့ အစွန်းရောက်သွားတဲ့ လူငယ်တစ်ယောက်ဖြစ်ပြီး လူမျိုးရေးစစ်ပွဲ ဖြစ်စေချင်တဲ့၊ ကနဦးပစ်ခတ်မှုမှာ လူ ၉ ယောက်ကို တစ်ပြိုင်တည်း သတ်ခဲ့တဲ့သူ တစ်ယောက်လည်း ဖြစ်ပါတယ်။ ဒါဟာ အကြမ်းဖက်ဝါဒ မဟုတ်ဘူးဆိုရင် ကျွန်တော်တို့ဟာ ဒီစကားလုံးကို အဓိပ္ပါယ်ပြန်ဖွင့်ဖို့ လိုပါတယ်”

    ဂျီလာနီ ကော့ဘ် ဆိုသူက “၁၈၇၁ Ku Klux Klan အက်ဥပဒေက အမေရိကန်ရဲ့ အကြမ်းဖက်ဝါဒ တိုက်ဖျတ်ရေး ဥပဒေဟာ ဥပဒေဆိုင်ရာ အခြေခံ အကြောင်းအရင်းတွေရှိပြီး၊ ဒါတွေက လူမည်းတွေရဲ့ အခွင့်အရေးနဲ့စပ်လျဉ်းပြီး ဖက်ဒရယ်ဥပဒေကို မလေးစားမလိုက်နာမှုအတွက် Klan အဖွဲ့ဝင်တွေကို တရားစွဲဆိုဖို့ သမ္မတ အူလစ်ဆက် အက်စ် ဂရန့်ကို ကျယ်ကျယ်ပြန့်ပြန့် လုပ်ပိုင်ခွင့်ပေးထားတယ်” လို့ ထောက်ပြခဲ့ပါတယ်။

    ထင်ရှားသည့် အထောက်အထားများ
    ————————————
    နောက်ထပ် ပိုပြီးသက်ဆိုင်တဲ့ အချက်တစ်ခုက မကြာသေးမီက ထုတ်ပြန်ခဲ့တဲ့အစီရင်ခံစာ တစ်ခုမှာ “၉/၁၁ တိုက်ခိုက်မှုပြီး ကတည်းက လူဖြူလူမျိုးကြီးဝါဒီတွေ၊ တယူသန် အစိုးရဆန့်ကျင်သူတွေနဲ့ အခြား မွတ်စလင်မဟုတ်တဲ့ အစွန်းရောက်တွေရဲ့ သတ်ဖြတ်မှုကြောင့် သေဆုံး ရသူတွေဟာ အစွန်းရောက် မွတ်စလင်တွေထက် ၂ ဆနီးနီးလောက် ရှိတယ်” ဆိုတဲ့ အချက်ပါပဲ။

    ဒါတောင် အချက်အလက် တစ်ခုအရ ၁၉၈၀ နောက်ပိုင်း အမေရိကန်ဟာ မွတ်စလင်နိုင်ငံ ၁၄ နိုင်ငံထက် မနည်း ကျူးကျော်၊ သိမ်းပိုက်၊ ဗုံးကြဲခဲ့ပြီး လူသိန်းနဲ့ချီ သေဆုံးခဲ့ရတာ၊ သန်းနဲ့ချီ ဒုက္ခသည်ဘ၀ ရောက်ခဲ့ရတာတွေ ထည့်မတွက်ထားပါဘူး။ အမေရိကန်က အားပေး အားမြှောက်ပြုထားပြီး လက်နက်တပ်ဆင်ပေးထားတဲ့ အစ္စရေးက မရေမတွက်နိုင်တဲ့ ပါလက်စတိုင်းတွေ (မွတ်စလင်နဲ့ မွတ်စလင် မဟုတ်သူတွေ) ကို သတ်ဖြတ်ပစ်တာ၊ အိမ်ယာမဲ့ ဒုက္ခသည်ဘ၀ရောက်အောင် လုပ်ပစ်တာတွေလည်း မပါသေးပါဘူး။

    ဒီလို ထင်ရှားတဲ့ အထောက်အထားတွေ ရှိနေတာတောင် အမေရိကန် နိုင်ငံရေးခေါင်းဆောင်တွေ၊ ဥပဒေစိုးမိုးရေး တာဝန်ရှိသူတွေနဲ့ ထိပ်တန်းဂျာနယ်လစ်တွေကက ဒီလို စက်ဆုပ်စရာကောင်းတဲ့ ရာဇ၀တ်မှုကို အကြမ်းဖက်လုပ်ရပ်အဖြစ် ဘာ့ကြောင့် မသတ်မှတ်ကြတာလဲ?

    မွတ်စလင် တစ်ယောက်က ကျူးလွန်တဲ့ ဒီလို လုပ်ရပ်မျိုးကို အနည်းဆုံးအထောက်အထားတွေနဲ့ “အကြမ်းဖက်လုပ်ရပ်” အဖြစ်၊ အာဖရိကန်-အမေရိကန်တွေ ကျူးလွန်တဲ့ အကြမ်းဖက်မှုတွေကို “လူဆိုးဂိုးဏ်နဲ့ ဆက်စပ်တဲ့” လုပ်ရပ်အဖြစ် အဲဒီအုပ်စုတွေကပဲ သတ်မှတ်နေကြတာရော မရှက်ကြဘူးလား။

    စာရေးဆရာ ဖိလစ်ဘန့်ကတော့ ဘာ့ကြောင့် ရုဖ်ကို အကြမ်းဖက်သမားအဖြစ် မခေါ်နိုင်တာလဲဆိုတာကို ၀ါရှင်တန်ပို့စ်မှာ ရှင်းခဲ့ပါတယ်။ အဲဒါကတော့ “လူဖြူ” တစ်ယောက် ဖြစ်နေလို့ပါတဲ့။

    “အမေရိကန်အများစုက လူဖြူတွေပါ။ ပြီးတော့ ကျွန်တော်တို့က လူဖြူတွေကို ကျွန်တော့်တို့ ကိုယ်တိုင်လိုပဲ မြင်ကြပါတယ်။ ဒိုင်လန်ရုဖ်ကို ကျွန်တော်ကြည့်တဲ့အခါ သူ့အရွယ် လူဖြူအမျိုးသား တစ်ယောက်ဖြစ်ရတာ၊ ကျွန်တော့်ရဲ့ ဆယ်ကျော်သက်ဘ၀နဲ့၊ အဲဒီတုန်းက ခက်ခဲတဲ့အချိန်မှာ ထိတ်လန့်ဖွယ် ဒေါသတွေ ခံစားရတာကို ပြန်ပြောင်းသတိရပါတယ်။ ဒ့ါကြောင့်(လွှတ်တော်အမတ် လင်ဆေး) ဂရေဟန်က ရုဖ်ကို ထူးဆန်းတဲ့ နာမည်နဲ့ အကြမ်းဖက်သမား တစ်ယောက်အဖြစ် သူမမြင်ပါဘူး။ သူ့တူမရဲ့ အင်္ဂလိပ်စာအတန်းက ချာတိတ် တစ်ယောက်အဖြစ်ပဲ သမန်ကာလျှံကာ မြင်ပါတယ်”

    မွတ်စလင်တွေအတွက်သာ
    ————————–
    ဘန့်က အချက်တစ်ချက်ကို ထောက်ပြခဲ့ပါတယ်။ “အကြမ်းဖက်ဝါဒ” ဆိုတဲ့စကားလုံးဟာ မွတ်စလင်ဖြစ်ခြင်းဆိုတာနဲ့ လုံးဝကို အဓိပ္ပါယ်သွားတူနေတာမျိုး (ရာဇ၀တ်မှုတွေကို ကျူးလွန်တဲ့ သူတင်မဟုတ်ဘဲ မွတ်စလင်အကုန်လုံးကို ဆိုလိုတာမျိုး) ဖြစ်လာပြီး၊ ဒီအသုံးနှုန်းကို လူဖြူတွေအတွက်သုံးတဲ့ အခါ အမေရိကန် (နဲ့ အစ္စရေး) နိုင်ငံရေး ယဉ်ကျေးမှုရဲ့ အဘိဓာန်ပြုစုမှု တစ်ခုလုံးကို ဖြိုဖျက်လိုက်တာပဲလို့ သူ့ရဲ့ ဆောင်းပါးမှာ ဖော်ပြထားပါတယ်။

    ဂျူးအကြမ်းဖက်သမား တစ်ယောက်က ဟေဘရွန် ဒါမှမဟုတ် ပါလက်စတိုင်းရဲ့ ဘယ်နေရာမှမဆို သောင်းကျန်းတာ၊ ကေသုံးလုံးဂိုဏ်းကို အားကျတဲ့ အမေရိကန်တစ်ယောက်က  ချာလ်စတန် ဒါမှမဟုတ် အမေရိကန်ရဲ့ ဘယ်နေရာမှာမဆို ရက်ရက်စက်စက် သတ်ပစ်တဲ့ အချိန်တိုင်းမှာ ဒီနိုင်ငံရေး အဘိဓာန်ပြုမှုရဲ့ အခြေခံအုတ်မြစ်ကို တုန်ခါသွားစေပါတယ်။

    လူဖြူအမေရိကန်တွေ အတွက် ရုဖ်ရဲ့လုပ်ရပ်ကို အကြမ်းဖက်ဝါဒ အဖြစ် သတ်မှတ်လိုက်ခြင်းက အာဖရိကန်-အမေရိကန်တွေ၊ အာရှသားတွေ၊ လာတီနိုတွေ ဒါမှမဟုတ် အမျိုးမျိုးသော နောက်ခံတွေကလာတဲ့ မွတ်စလင်တွေအပေါ်မှာ သူတို့ သမိုင်းနဲ့ချီပြီး ကျူးလွန်ခဲ့တဲ့ အကြမ်းဖက်မှု အစစ်အမှန်ကို လက်ခံရာလည်း ရောက်သွားပါလိမ့်မယ်။

    ဒါက ဘာကိုပြသလဲဆိုတော့ ဌာနေ အမေရိကန်တွေရဲ့ဒေသမှာ စောစောပိုင်း အခြေချခဲ့ကြတဲ့ လူဖြူတွေကနေ ဆင်းသက်လာတဲ့ အမေရိကန် အချို့မှာရှိတဲ့ လူမျိုးခြားကြောက်ရောဂါ ကြို့တို့ကြဲတဲကို ပြနေပါတယ်။ ကျွန်ခေတ်ကနေ အခုအချိန်အထိ သူတို့ကြားက ဘယ်သူ့ကိုမဆို ဈေးပေါတဲ့ အလုပ်သမားတစ်ယောက်၊ ကျွန်တစ်ယောက်၊ လူမျိုးခြားတစ်ယောက်၊ ဒါမှမဟုတ် အကြမ်းဖက်သမား တစ်ယောက်အဖြစ် မြင်ကြတာပါပဲ။

    စိတ်ထဲက သမိုင်းနဲ့ချီတဲ့ ဒီအခြေအနေနဲ့ အတူ လူတွေက ဂီယာရ် ၀ိုင်းလ်ဒါး၊ ပါမယ်လာ ဂီလာ၊ ဘီလ် မာဟာရ်၊ ဒါမှမဟုတ် ဆမ်ဟားရစ်တို့ရဲ့ မျက်နှာကို ကြည့်တဲ့အခါ ပြီးတော့ အာဖရိကန်-အမေရိကန်တွေကနေ လာတီနိုတွေ၊ အာရှသားတွေ၊ မွတ်စလင်တွေအထိ သူတို့အားလုံးအပေါ်မှာ လူဖြူတွေရဲ့ သဘောထားတွေကနေ ထွက်ပေါ်လာတဲ့ အယူသည်းမှုကို မြင်ရတဲ့အခါ “အကြမ်းဖက်ဝါဒ” ဆိုတဲ့ ဒီ တရားမဲ့တဲ့ အသုံးအနှုန်းဟာ အမေရိကန်နဲ့ အစ္စရေးက လူဖြူလူမျိုးကြီးဝါဒီတွေက အကြမ်းဖက်မှု ပုံစံအားလုံးကို ပြတ်ပြတ်သားသား ရှုတ်ချဖို့မဟုတ်ဘဲ ဖိနှိပ်ချုပ်ချယ်မှုကို ငြိမ်းချမ်းစွာခုခံခြင်းကို ဂုဏ်သိက္ခာချဖို့ ဖော်ဆောင်ထားတဲ့ လူမျိုးရေးခွဲခြားတဲ့ စကားလုံးဖြစ်တယ်ဆိုတာ ထင်ရှားလာပါတော့တယ်။

    သိမ်းကြုံးရိုက်သည့် စကားလုံး
    ——————————-
    ချာလ်စတန် အစုလိုက် အပြုံလိုက် သတ်ဖြတ်မှုအတွက် အာဖရိကန်-အမေရိကန်တွေက ၀မ်းနည်းပူဆွေးနေကြတုန်းမှာပဲ တူနီးရှား၊ ပြင်သစ်နဲ့ ကူဝိတ်နိုင်ငံ တို့မှာ မကြာသေးမီက ဖြစ်ပွားခဲ့တဲ့ ဖြစ်ရပ်တွေကို ဖော်ပြရာမှာ အကြမ်းဖက်ဝါဒဆိုတဲ့ စကားလုံးဟာ ပြန်ပြီး သံသရာလည်လာခဲ့ပါတယ်။

    ဒါဟာ “အကြမ်းဖက်ဝါဒ” ဆိုတဲ့ အသုံးအနှုန်းကို မွတ်စလင်တွေအတွက် ပြီးတော့ မွတ်စလင်သီးသန့် အတွက် အသုံးချတယ် ဆိုတဲ့ နောက်ထပ် သက်သေပါပဲ။

    အကြမ်းဖက်ဝါဒနဲ့ ရက်စက်ကြမ်းကြုတ်မှုတွေ၊ ဒီနေ့အဖြစ်အပျက်တွေအတွက် အစ္စလာမ်နဲ့ မွတ်စလင်တွေဟာ ဘယ်လို တင်စားပြောဆိုစရာ ဖြစ်လာသလဲဆိုတာ ကျွန်တော် ဖော်ပြခဲ့ပြီးပါပြီ။ အတွေးအမြင်တိုးတက်တဲ့ အနောက်နိုင်ငံသား အများစုကတောင်မှ “ဂျီဟတ်” “ဂျီဟတ်ဝါဒီ” ဒါမှမဟုတ် “ဖသ်ဝါ” စတဲ့ စကားလုံးတွေကို အသုံးပြုကြပါတယ်။ သူတို့နဲ့ ဘာသာ၊ လူမျိုးတူတဲ့သူတွေ (ခရစ်ယာန် ဒါမှမဟုတ် ဂျူးတွေ) အတွက် သူတို့ရဲ့ ကိုယ်ပိုင်အကြမ်းဖက် လုပ်ရပ်တွေကို တံဆိပ်ကပ်ဖို့ကြတော့ အင်္ဂလိပ် ဒါမှမဟုတ် ဥရောပဘာသာ စကားတွေမှာ အခြားစကားလုံး မရှိတော့သလို “အယူသည်းသူ” လို့သာ ရည်ညွှန်းချင်ကြပါတယ်။

    ဒါပေမယ့် ဒီ “အကြမ်းဖက်ဝါဒ” ဆိုတဲ့ အသုံးအနှုန်းနဲ့ စိုးရိမ်စရာ အကောင်းဆုံး ပြဿနာက ဒါဟာ သိမ်းကျုံးရိုက်တဲ့ စကားလုံး ဖြစ်လာ တာပါပဲ။ အကြောင်းအရင်းအမျိုးမျိုးနဲ့အတူ လူမှုရေးဆိုင်ရာ အားနည်းမှုတွေကို သိမ်းကြုံးရိုက်မယ်။ ပြီးတော့ အဲဒါတွေအားလုံးကို အစ္စလာမ်အမည်ခံတဲ့ လုပ်ရပ်တွေနဲ့ မွတ်စလင်တွေရဲ့ လုပ်ရပ်တွေအောက်မှာ သွားပြီး ထည့်တော့တာပါပဲ။

    ကူဝိတ်၊ ပြင်သစ်နဲ့ တူနီးရှားနိုင်ငံတွေက အဖြစ်အပျက် ၃ ခုမှာ ကျူးလွန်တဲ့သူ မတူညီတဲ့အကြောင်းအရင်းတွေ၊ တစ်ယောက် ချင်းစီရဲ့ ပြည်တွင်း အဖြစ်အပျက်တွေရဲ့ သက်ဆိုင်ရဲ့ လှုံ့ဆော်မှုတွေ ရှိခဲ့ကြပါတယ်။ ဒါပေမယ့် “အကြမ်းဖက်ဝါဒ” ဆိုတဲ့ စကားလုံးဟာ ဒီ အကြမ်းဖက်မှုဖြစ်လာတဲ့ အခြေခံအကြောင်းအရင်းတိုင်းကို နားလည်အောင်လုပ်ဖို့ကို တားဆီး ဟန့်တားလိုက်ပြီး မွတ်စလင်တွေရဲ့ ၀မ်းတွင်း သန္ဓေကကို ဒီလိုလုပ်တာပါလားဆိုပြီး သတ်မှတ်မှုကို ဖြစ်စေခဲ့ပါတယ်။

    **Aljazeera တွင် ဖော်ပြခဲ့သည့် ဆောင်းပါးရှင် Hamid Dabashi ၏ “Terrorism: For Muslim crimes only?” ခေါင်းစဉ်နှင့် ဆောင်းပါးအား လေးမောင် ဆီလျော်အောင် ဘာသာပြန်ဆိုသည်။

  • ၂၂ နှစ်တာ ကျွန်ပြုခံဘ၀မှ လွတ်မြောက်လာသည့် မြန်မာငါးဖမ်းသမား တစ်ဦးရဲ့ အိမ်အပြန်

    ၂၂ နှစ်တာ ကျွန်ပြုခံဘ၀မှ လွတ်မြောက်လာသည့် မြန်မာငါးဖမ်းသမား တစ်ဦးရဲ့ အိမ်အပြန်

    ဇူလိုင် ၂ ၊ ၂၀၁၅
    M-Media

    ADVANCE FOR RELEASE WEDNESDAY, JULY 1, 2015, AND THEREAFTER - In this May 16, 2015 photo, former slave fisherman Myint Naing and his mother, Khin Than, cry as they are reunited after 22 years at their village in Mon State, Myanmar. Myint, 40, is among hundreds of former slave fishermen who returned to Myanmar following an Associated Press investigation into the use of forced labor in Southeast Asia’s seafood industry. (AP Photo/Gemunu Amarasinghe)
    – သူလုပ်ခဲ့သည့် အရာအားလုံးက အိမ်ပြန်ရန် တောင်းဆိုခြင်းဖြစ်သည်။ ထိုတောင်းဆိုမှုကို နောက်ဆုံးအကြိမ် ပြောခဲ့စဉ်က ကျွန်ပြုခံ မြန်မာနိုင်ငံသား မြင့်နိုင်တစ်ယောက် သေလုမျောပါး အရိုက်ခံလိုက်ရသည်။ သို့သော်လည်း အင်ဒိုနီးရှား၏ ဝေးလံခေါင်ဖျားသောဒေသရှိ စက်လှေပေါ်တွင် အတင်း အဓမ္မမ ခိုင်းစေခံရမှု ၈ နှစ်တာလွန်မြောက်ခဲ့ပြီးနောက် မြင့်နိုင်မှာ မိခင်ဖြစ်သူကို တွေ့ရရေး အန္တရာယ် အားလုံးကို ရင်ဆိုင်ရန် စိတ်ဆန္ဒဖြစ်လာခဲ့သည်။

    ထို့ကြောင့် သူ့အား လွတ်မြောက်ခွင့်ပေးရန် အတွက် မြေကြီးပေါ်တွင် ၀ပ်တွားတောင်;ပန်ခဲ့သည်။ သို့သော် စက်လှေမှထွက်သွားရန် ကြိုစားမှုအတွက် စက်လှေပိုင်ရှင်က သူ့အား သတ်ရန်အထိပင် စိတ်ပိုင်းဖြတ်ခဲ့ပြီး ၃ ရက်တိုင်တိုင် အစာရေစာမကျွေးဘဲ သံကြိုးနှင့် ချည်ထားခဲ့လေသည်။

    မြင့်နိုင်တစ်ယောက် လောကကြီးမှ ပျောက်ကွယ်သွားမှာ ကြောက်ခဲ့သည်။ သို့ဆိုလျှင် မိခင်ဖြစ်သူက သူ့အား မည်သည့်နေရာတွင် ရှာဖွေရမှန်း သိမည်မဟုတ်။

    မြင့်နိုင်မှာ အရှေ့တောင်အာရှ ငါးဖမ်းလုပ်ငန်းတွင် ကျယ်ကျယ်ပြန့်ပြန့်ရှိနေသည့် လုပ်အား ခေါင်းပုံဖြတ်အမြတ်ထုတ်မှုကို AP သတင်းဌာနက တစ်နှစ်ကြာ စုံစမ်းစစ်ဆေးဖော်ထုတ်ပြီး ကယ်တင်ခြင်းခံရသော၊ နေရပ်ပြန်ပို့ခြင်းခံရသော ယခင်နှင့် ယခုလက်ရှိ ကျွန်ပြုခံ အလုပ်သမား ၈၀၀ ကျော်မှ တစ်ဦးဖြစ်လေသည်။

    ထိုင်းနိုင်ငံ၏ တရိပ်ရိပ်တက်နေသော ပယ်လယ်စာ လုပ်ငန်း တစ်ခုတည်းတွင်ပင် ရွှေ့ပြောင်းလုပ်သား ခန့်မှန်းချေ ၂ သိန်းခန့် အလုပ်လုပ်နေကြသည်။ ၎င်းတို့ထဲမှာ အများစုမှာ လိမ်လည်လှည့်ဖြားခြင်း၊ ပြန်ပေးဆွဲခြင်း သို့မဟုတ် ရောင်းစားခြင်းတို့ ခံရပြီးနောက် ငါးဖမ်းစက်လှေများပေါ်တွင် အလုပ်လုပ်နေကြရသည်။ ထိုကြမ်းကြုတ်သည့် လူကုန်ကူးမှု ဖြစ်ပွားနေသည်မှာ ဆယ်စုနှစ်နှင့်ချီ၍ ကြာပြီဖြစ်သည်။ အမေရိကန်ပြည်ထောင်စု၊ ဥရောပနှင့် ဂျပန်နိုင်ငံများရှိ ညစာ စားပွဲဝိုင်းများ၊ ကြောင်စာခွက်များတွင် လိုအပ်နေသည့် ငါးဟင်းလျာကို ဖြည့်ဆည်းပေးရန်  ကုမ္ပဏီများက ကျွန်ပြုခံလုပ်သားများအပေါ် မှီခိုနေကြသည်။

    ADVANCE FOR RELEASE WEDNESDAY, JULY 1, 2015, AND THEREAFTER - In this May 16, 2015 photo, former slave fisherman Myint Naing, foreground left, comforts his mother, Khin Than, after she fainted in Mon State, Myanmar, following their reunion after Myint returned after having been gone for 22 years. Myint, 40, is among hundreds of former slave fishermen who returned to Myanmar following an Associated Press investigation into the use of forced labor in Southeast Asia’s seafood industry. (AP Photo/Gemunu Amarasinghe)

    မြင့်နိုင်၊ ၎င်း၏ သူငယ်ချင်းများနှင့် မိသားစုများက အိမ်ပြန်ခရီးစဉ်တွင် လိုက်ပါခဲ့သည့် AP သို့ ဇာတ်ကြောင်းကုန်စင် ပြောပြခဲ့သည်။ ထိုအကြောင်းအရာများက AP မှ အင်တာဗျူးခဲ့သော၊ သို့မဟုတ် စာဖြင့် ပြောပြခဲ့သော မြန်မာ၊ ကမ္ဘောဒီးယား၊ လာအိုနှင့် ထိုင်းနိုင်ငံတို့မှ ယခင်နှင့် လက်ရှိ ကျွန်ပြုခံလုပ်သား ၃၃၀ ကျော်ထဲမှ အများစု၏ ပြောပြချက်များနှင့် အတော်လေးသွားတူနေသည်။

    ၁၉၉၃ ခုနှစ်က ပွဲစားတစ်ယောက်မှာ မြန်မာနိုင်ငံတောင်ပိုင်းရှိ မြင့်နိုင်နေထိုင်ရာ ရွာသို့ လာရောက်ခဲ့ပြီး လူငယ်များအတွက် ထိုင်းနိုင်ငံတွင် အလုပ်ရမည်ဟု ကတိပေးခဲ့သည်။ ထိုစဉ်က မြင့်နိုင်မှာ အသက် ၁၈ နှစ်သာရှိသေးပြီး ခရီးဝေးသွားဖူးသည့် အတွေ့အကြုံလည်းမရှိ။ သို့သော် မိသားစုက ငွေရေးကြေးရေး အဆင်မပြေ။ ထို့ကြောင့် နောက်ဆုံးတွင် မိခင်ဖြစ်သူက လိုက်လျောခဲ့သည်။ ပွဲစား နောက်တစ်ခေါက်ပြန်လာသည့်အခါ သူစုထားသည့် လုပ်သားသစ်များကို အိတ်များယူပြီး အမြန်လိုက်ခဲ့ရန် အပူတပြင်းပြောလေသည်။

    ထိုအချိန်တွင် မိခင်ဖြစ်သူက အိမ်တွင်မရှိ။ မြင့်နိုင်တစ်ယောက် မိခင်ကို နှုတ်ဆက်စကားပင် မပြောလိုက်ရ။

    တစ်လကြာသည့်အခါတွင်တော့ မြင့်နိုင်မှာ ပင်လယ်ထဲသို့ ရောက်နေပြီဖြစ်သည်။ နောက် ၁၅ ရက်ကြာသည့်အခါ သူစီးလာသည့် သင်္ဘောက အင်ဒိုနီးရှားရှိ ဝေးလံခေါင်ဖျားသော တွာလ်ကျွန်းတွင် နောက်ဆုံး ဆိုက်ကပ်သည်။ တွာလ်ကျွန်း၏ ပတ်ပတ်လည်ရေပြင်မှာ ကမ္ဘာပေါ်တွင် ငါးအကြွယ်ဝဆုံး နေရာများထဲမှ တစ်ခုဖြစ်သည်။ ထိုင်းလူမျိုး စက်လှေကပ္ပတိန်က သင်္ဘောပေါ်ရှိ လူတိုင်းကို ၎င်းက ပိုင်ဆိုင်သွားပြီဟု ဟစ်အော်ကြေညာခဲ့သည်။

    “မင်းတို့မြန်မာတွေ ဘယ်တော့မှ အိမ်မပြန်ရတော့ဘူး။ မင်းတို့ကို ရောင်းလိုက်ပြီ။ ဘယ်သူမှ မင်းတို့ကို လာကယ်မှာမဟုတ်ဘူး”

    ADVANCE FOR RELEASE WEDNESDAY, JULY 1, 2015, AND THEREAFTER - In this May 16, 2015, photo, former slave fisherman Myint Naing, center, his mother Khin Than, right and sister Mawli Than, left, walk toward their home while crying after they were reunited after 22 years in their village in Mon State, Myanmar. Myint, 40, is among hundreds of former slave fishermen who returned to Myanmar following an Associated Press investigation into the use of forced labor in Southeast Asia’s seafood industry. (AP Photo/Gemunu Amarasinghe)

    တစ်ကြိမ်ထွက်လျှင် မြင့်နိုင်တစ်ယောက် ပင်လယ်ထဲ၌ သီတင်းပတ်ပေါင်းများစွာ ကုန်ဆုံးရပြီး ထမင်းသာစား၍ အသက်ရှင်ရသည်။ ဖမ်းဆီးရမိသည့် ငါးများကို မည်သူ့မှစား၍မရ။ ထိုင်းနိုင်ငံ၏ ပင်လယ်စာတင်ပို့မှုမှာ ကျယ်ပြန့်လာသောကြောင့် ငါးဖမ်းစက်လှေများမှာ နိုင်ငံခြား ရေပိုင်နက်အထိ ၀င်ရောက်ရာ ငါးအလွန်အကျွံဖမ်းခြင်းကို ပြုလုပ်လာကြသည်။ ထို့ကြောင့် ရွှေ့ပြောင်း လုပ်သားများမှာ ရေပေါ် အကျဉ်းထောင်တွင် လနှင့်ချီ၍ နှစ်နှင့်ချီ၍ ပိတ်မိနေကြတော့သည်။

    အလုပ်များသည့် အချိန်များတွင် ၎င်းတို့မှာ တစ်ရက်လျှင် ၂၄ နာရီလုံးလုံး အလုပ်လုပ်ရသည်။ ဆေးဝါးမရှိ။ ကြိုချက်ထားသော ပင်လယ်ရေသာ သောက်ရသည်။ ခဏနားသည့် သို့မဟုတ် နေမကောင်းသည့် မည်သူ့ကိုမဆို ကပ္ပတိန်က ရိုက်နှက်သည်။ အချို့ငါးဖမ်းစက်လှေများတွင် အလုပ်အကိုင်နှေးသူများကို သတ်ပစ်ကြပြီး အချို့စက်လှေများတွင်မူ ရေထဲသို့ တွန်းချကြသည်ဟု ငါးဖမ်းသမားများက ဆိုသည်။

    မြင့်နိုင်မှာ တစ်လ လျင် ၁၀ ဒေါ်လာသာရပြီး တစ်ခါတစ်ရံတွင် လုံးဝ မရ။ ၃ နှစ်တာလုပ်ကိုင်ခဲ့ပြီးနောက် ၁၉၉၆ ခုနှစ်တွင် ၎င်းက တော်လောက်ပြီဟု ဆုံးဖြတ်ပြီး အိမ်ပြန်ရန်အတွက် ပထမဆုံးအကြိမ် တောင်းဆိုခဲ့လေသည်။

    တောင်းဆိုမှု၏ အဖြေက ဆိုင်ကယ်ဦးထုပ်နှင့် ခေါင်းကွဲအောင် အရိုက်ခံရခြင်းသာ ဖြစ်သည်။

    ထို့နောက် မြင့်နိုင်မှာ ထွက်ပြေးခဲ့သည်။ အင်ဒို မိသားစုတစ်စုက သနားသဖြင့် သူ့အား ကယ်ထားပြီး ဒဏ်ရာများပျောက်ကင်းအောင် ကုသပေးသည်။ ထို့နောက် အစားသောက်နှင့် နေရာထိုင်ခင်းပေးပြီး ၎င်းတို့၏ လုပ်ငန်းတွင် အလုပ်ပေးသည်။ ထိုရိုးရှင်းသော ဘ၀ကို မြင့်နိုင်တစ်ယောက် ငါးနှစ်ကြာ ဖြတ်သန်းခဲ့သည်။ သို့သော်လည်း မြန်မာနိုင်ငံမှ ဆွေမျိုးများ၊ ငါးဖမ်းစက်လှေပေါ်တွင် ကျန်ခဲ့သည့် သူငယ်ချင်းများကို သူက မေ့လို့မရ။

    ၂၀၀၁ ခုနှစ်တွင် ကပ္ပတိန် တစ်ယောက်က အလုပ်လုပ်ရန် သဘောတူလျှင် အိမ်ပြန်ပို့ပေးနေသည်ဟူသော သတင်းကို သူကြားခဲ့သည်။ ထို့ကြောင့် အင်ဒိုနီးရှားတွင် ၈ နှစ်ကြာ နေခဲ့ပြီးနောက် ပင်လယ်ထဲသို့ တစ်ဖန်ပြန်ထွက်ခဲ့လေသည်။

    သို့သော်လည်း အခြေအနေက ပထမအကြိမ်တုန်းကကဲ့သို့ပင် ဆိုးရွားပြင်းထန်ပြီး ငွေကြေးလည်း တစ်ပြားတစ်ချပ်မှမရ။ ထို့ပြင် ကျွန်ပြုရန် လူကုန်ကူးမှုက ပိုပိုဆိုးလာသည်။ မြင့်တက်လာသော ၀ယ်လိုအားကို ပြည့်မီစေရန်အတွက် ပွဲစားများမှာ ဆေးစွဲနေသော၊ ပြန်ပေးဆွဲလာသော ရွှေ့ပြောင်းလုပ်သားများကို သင်္ဘောပေါ်သို့ ပို့ဆောင်လာကြသည်။

    နောက်တစ်ကျော့ ပင်လယ်ပြင်တွင် ၉ လာတာကြာမြင့်ပြီးနောက် မြင့်နိုင်၏ စက်လှေကပ္ပတိန်က သင်္ဘောသားအားလုံးကို စွန့်ပစ်ကာ ထိုင်းနိုင်ငံသို့ တစ်ယောက်တည်းပြန်တော့မည်ဟု ပြောလာသည်။ ခံပြင်းမှု မျှော်လင့်ချက်မဲ့မှုနဲ့အတူ ကျွန်ပြုခံ မြန်မာလုပ်သား မြင့်နိုင် တစ်ယောက် အိမ်ပြန်ရန်အတွက် တစ်ကြိမ် ထပ်တောင်းပန်ရလေသည်။ ထမင်းမစားရဘဲ သံချိုးဖြင့်ချည်ကာ ၃ ရက်ခန့် ပိတ်လှောင်ထားခံရသည်မှာ ထိုအချိန်တွင်ဖြစ်သည်။

    မျှော်လင့်ချက်ကင်းမဲ့စွာဖြင့် နီးစပ်ရာမျက်စိကစားသည့် မြင့်နိုင်မှာ သော့ဖွင့်ရန်အတွက် သံပြားငယ်တစ်ခုကို သွားတွေ့သည်။ နာရီများစွာ ကြိုးစားပြီးနောက် သော့ပွင့်သွားသည့်အသံကို သူကြားရသည်။ လက်ထိပ်မှာ ပြုတ်သွားသည်။ သန်းခေါင်ကျော်အချိန်ခန့်တွင် မြင့်နိုင်မှာ မည်းမှောင်နေသော ရေပြင်ထဲသို့ ဒိုင်ဗင်ထိုးချခဲ့ပြီး ကမ်ခြေသို့ ကူးသွားခဲ့လေသည်။

    ထို့နောက် တွာလ်ကျွန်းရှိ တောထဲတွင် မြင့်နိုင်မှာ ပုန်းနေရသည်။ စက်လှေပိုင်ရှင်များထံသို့ ပြန်ပို့မည်ကို စိုးရိမ်သောကြောင့် ရဲစခန်းလည်း မသွားရဲ။ အိမ်ကို ဖုန်းဆက်ရန်မှာလည်း သူ့တွင် ဖုန်းနံပါတ်မရှိ။ တရားမ၀င် ရွှေ့ပြောင်းနေထိုင်သူအဖြစ် သတ်မှတ်မည်စိုးသောကြောင့် မြန်မာသံရုံးသို့ အကြောင်းကြားရမည်ကိုလည်း သူက ကြောက်နေသည်။

    ဆယ်စုနှစ်တစ်ခုနီးပါးကြာ ကျွန်ပြုခံရမှုတွင် သူ လမ်းပျောက်နေသည်။ ထို့ပြင် လေဖြတ်ချင်သလိုဖြစ်လာပြီး ညာဖက်လက်တစ်ဖက်မှာ လှုပ်ရှားမရ ဖြစ်လာသည်။ စက်လှေပိုင်ရှင်က ပြောသည့်စကားမှာ မှန်သည်ဟု မြင့်နိုင် ယုံကြည်စ ပြုလာလေသည်။ လွတ်မြောက်ရာ လမ်း တစ်ကယ်ပင်မရှိ။

    အခုအချိန်တွင် မိခင်ဖြစ်သူ၏ ပုံပန်း သွင်ပြင်ကိုလည်း သူ မမှတ်မိတော့။ ညီမငယ်တစ်ယောက် လူလားမြောက်လာမည်ဆိုသည်ကိုတော့ သူသိသည်။

    ၂၀၁၁ ခုနှစ်တွင် အထီးကျန်မှုကို မခံစားနိုင်သည့်အတွက်ကြောင့် မြင့်နိုင်မှာဒိုဘိုကျွန်းကို ပြောင်းခဲ့သည်။ ထိုကျွန်းတွင် ကျွန်ပြုခံ မြန်မာနိုင်ငံသား တစ်စု ရှိသည်ဟု ကြားသောကြောင့်ဖြစ်သည်။ မြင့်နိုင်မှာ လျှို့ဝှက်စွာပင်နေထိုင်ပြီး ကိုယ်တိုက် စိုက်ပျိုးရရှိသည်များကို စားသောက်၍ အသက်ဆက်နေလေသည်။

    ထို့နောက် ကျွန်ပြုခံနေရသူများအကြောင်း AP ၏ ဖော်ပြမှုကြောင့် အင်ဒိုနီးရှားအစိုးရက ယခင်နှင့် ယခုလက်ရှိ ကျွန်ပြုခံရသူများကို စတင် ကယ်တင်နေသည်ဟု ဧပြီလ ၁ ရက်နေ့တွင် သူငယ်ချင်းတစ်ယောက်က သူ့ကို ပြောခဲ့သည်။ တာဝန်ရှိသူများက ဒိုဘိုသို့လာကာ မြင့်နိုင်ကို ခေါ်ပြီး ယခင် ၎င်းကျွန်ပြုခိုင်းစေခံခဲ့ရသော တွာလ်ကျွန်းတို့ ပြန်လည်ခေါ်ဆောင်သွားကာ အခြားလွတ်မြောက်သူ ရာပေါင်းများစွာနှင့် အတူထားပေးခဲ့သည်။

    အင်ဒိုနီးရှားနိုင်ငံတွင် ၂၂ နှစ်တာ ကုန်လွန်ခဲ့ရသည့် မြင့်နိုင်မှာ နောက်ဆုံးတွင် အိမ်ပြန်ရတော့မည်။ သို့သော်လည်း သူဘာတွေ့ရမလဲဟု စဉ်းစားနေသည်။

    မြန်မာနိုင်ငံ၏ အကြီးဆုံးမြို့ဖြစ်သော ရန်ကုန်မြို့သို့ လေကြောင်းခရီးစဉ်အတွက် ပထမတော့ သူက ကြောက်နေသေးသည်။ ယခုအချိန်တွင် အသက် ၄၀ အရွယ်ရှိပြီဖြစ်သည့် မြင့်နိုင်တစ်ယောက် သူ၏ ဇာတိမြေနှင့် လုံးဝ သူစိမ်းယောက်လို ဖြစ်နေခဲ့ပြီ။

    သူ၏ ရွာလေးသို့လာသည့်လမ်းတွင် ကျော့ရှင်းသော အမျိုးသမီးတစ်ယောက်ကို တွေ့လိုက်ရသည်။

    နှစ်ယောက်စလုံးမှာ အားရ၀မ်းသာစွာဖြင့် ဖက်လိုက်ကြပြီး ပျော်ရွှင်မှု၊ အချိန်များစွာကြာ ခွဲခွာနေရခြင်းကြောင့် ၀မ်းနည်းမှုတို့ဖြင့် မျက်ရည်များက စီးတွေကျလာခဲ့သည်။

    “အစ်ကိုကြီးရယ်။ ပြန်လာတာအရမ်းကောင်းပါတယ်” ဟု မြင့်နိုင်၏ ညီမငယ်က ကြေကွဲဆို့နင့်စွာ ပြောလေသည်။

    “ညီမလေးတို့ ပိုက်ဆံမလိုပါဘူး။ မိသားစုပဲလိုတာပါ”

    မိနစ်အနည်းငယ်အကြာတွင် သူ့ဆီကိုပြေးလာနေသည့် မိခင်ဖြစ်သူကို တွေ့လိုက်ရသည်။

    မြင့်နိုင်တစ်ယောက် ချုံပွဲချငိုကြွေးကာ မြေကြီးပေါ်သို့ လဲကျသွားသည်။ မိခင်က လက်မောင်းကိုကိုင်၍ ဆွဲထူပြီး သားဖြစ်သူ၏ ခေါင်းကို ဖွဖွလေး ပွတ်သပ်ပေးသည်။ ထို့နောက် အသာအယာပွေ့ဖက်ကာ မြင့်နိုင်အား အားရအောင် ငိုကြွေးစေခဲ့သည်။

    နောက်ဆုံးတော့ မြင့်နိုင်မှာ သူ၏ အိပ်မက်ထဲမှ မျက်နှာများကို အနှောင်အဖွဲ့ကင်းစွာ တွေ့မြင်ရပြီဖြစ်သည်။ သူ့အနေဖြင့် နောက်ထပ် ဘယ်တော့မှ မေ့မည်မဟုတ်တော့။

    Source:AP
    မိုးဝေဘာသာပြန်သည်။

  • လူမျိုးစုပြဿနာ  အဖြေရှာ မရသေးဘဲ ရှေ့ဆက်နေသည့် မြန်မာ့နိုင်ငံရေး

    လူမျိုးစုပြဿနာ အဖြေရှာ မရသေးဘဲ ရှေ့ဆက်နေသည့် မြန်မာ့နိုင်ငံရေး

    ဇွန် ၂၄ ၊ ၂၀၁၅
    Professor Robert H. Taylor နှင့် မဇ္ဈိမသတင်းဋ္ဌာနမှ ဂျော့ဖရေး ဂေ့ါဒတ် အင်တာဗျူး

    Professor-Robert-H-Taylor

    ၂၀၁၁ ခုနှစ်အစိုးရအပြောင်းအလဲကာလကတည်းက ဖြစ်ပျက်နေသော ဘာသာရေးလူမျိုးရေးဆိုင်ရာ တိုးတက်ကောင်းမွန်စေမည့် ပြေလည်ရေးနည်းလမ်းတစ်ရပ်ကို မြန်မာ့နိုင်ငံရေးကျွမ်းကျင်သူ ပရော်ဖက်ဆာ ရောဘတ် အိပ်ခ်ျ တိုင်လာ Robert H. Taylor က အချိန်ကိုက်လမ်းပြပြောကြားခဲ့သည်။

    စင်ကာပူရှိ အရှေ့တောင်အာရှရေးရာတက္ကသိုလ်မှ ထုတ်ဝေသေည့် Refighting old battles, compounding misconceptions စာတမ်းရှည်တစ်ရပ်၌ ၎င်း၏ အကြီးတန်းအဖွဲ့ဝင်တစ်ဦးဖြစ်သော ပရော်ဖက်ဆာ တိုင်လာက “တိုင်းရင်းသားနှင့် လူမျိုးရေးရာတို့အား နိုင်ငံရေးနည်းလမ်းအရဖြေရှင်းခြင်း မပြုဘဲ ပျက်ကွက်သော် တိုင်းပြည်တည်ငြိမ် တိုးတက်မှုဖြစ်စဉ်အတွက် ကျရှုံး ပျက်စီးဖွယ်ဖြစ်လာနိုင်ကြောင်း” ရေးသားထားသည်။

    ပရော်ဖက်ဆာ တိုင်လာသည် အိုဟိုင်းယိုး တက္ကသိုလ်ကျောင်းသားဘ၀ ၁၉၆၀ ခုနှစ်ကပင် မြန်မာ့အရေးကို စိတ်ပါဝင်စားနေခဲ့သူဖြစ်၏။ မဇ္ဈိမသတင်းဋ္ဌာနမှ ဂျော့ဖရေး ဂေ့ါဒတ်သည် အီးမေးလ်ဖြင့် သူ့အား အောက်ပါကဲ့သို့ အင်တာဗျူးခဲ့သည်။

    (မေး)    ဒီလိုအချိန်မှာ ဒီလိုစာတမ်းကို ဘာကြောင့် ရေးထုတ်လိုက်ရတာလဲ ?

    (ဖြေ)    အကြောင်းရင်းများစွာ ရှိပါတယ်။ မြန်မာ့လူမျိုးစုတွေနဲ့နိုင်ငံရေးအကြောင်းကို ပညာရှင် လက်ကိုင် စာအုပ်များအဖြစ် ကျွန်တော် ရေးသားခဲ့ပေမယ့် ဖတ်ရှုဖူးသူ မဆိုစလောက်သာ ရှိခဲ့ကြပါတယ်။ မြန်မာ့နိုင်ငံရေးထဲက တိုင်းရင်းသား/လူမျိုးစုဆိုင်ရာပြဿနာဟာ ၂၀၁၀ ခုနှစ်ကစလို့ နိုင်ငံရေးတံခါး ဖွင့်လှစ်မှု၊ သတင်းစာလွတ်လပ်ခွင့်တွေနဲ့တူ ထင်ထင်ရှားရှား တစ်ကျော့ပြန်လည်လာပါပြီ။ ဆွေးနွေးချက် အများအပြားက သမိုင်းကြောင်းကို အခြေမခံဘဲ ခံစားချက်အပေါ် အခြေပြုနေကြတယ်၊ ဒါက လမ်းကြောင်း ချော်ထွက် သွားစေပါတယ်။ ဒါကြောင့် ဒီလိုတစ်ကျော့ပြန်ဖြစ်တည်မှုအခြေအနေကို လူတွေဆီ လျော်ကန်သင့်မြတ်တဲ့ ရှုထောင့်ကနေ ချပြပေးဖို့ လိုအပ်ပြီလို့ ကျွန်တော် ယူဆပါတယ်။ မိမိတို့ရဲ့အခွင့်အရေး၊ ဥပဒေကြောင်းအရ ခံစားခွင့်တွေကို တောင်းဆိုတဲ့နေရာမှာ ခံစားချက်အခြေတည်နိုင်ငံရေး လမ်းကြောင်းနဲ့ သွားခြင်းက ဆန့်ကျင်ဖက်ဖြစ်စေနိုင်ကြောင်း လူထုကလည်းသိရှိဖို့ အရေးကြီးတယ်လို့ ကျွန်တော်မြင်ပါတယ်။

    (မေး)    မြန်မာနိုင်ငံမှာ လူမျိုးရေး အခြေတည်နိုင်ငံရေး စနစ်ကို ဒီလောက်ထိ အမြစ်တွယ်ရှည်ကြာနေစေတာ ဘယ်အကြောင်းရင်းတွေကြောင့်ပါလဲ ?

    (ဖြေ)    အကြောင်းရင်းများကို ကျွန်တော့် စာတမ်းထဲ အသေးစိတ်တင်ပြထားတယ်လို့ ကျွန်တော် ဆိုချင်ပါတယ်။ ဘုရင်ခေတ်တွေကတည်းက လူ့အဖွဲ့အစည်းတွေဟာ သီးခြားဖယ်ခံခဲ့ရတယ်။ ဘုရင်တွေက ဘာသာစကား ကျင်လည်တဲ့ အုပ်စု ကိုယ်စားလှယ်တွေကတဆင့် တောကြိုအုံကြားအထိ အုပ်ချုပ်ခဲ့ကြတယ်။ ကိုလိုနီခေတ် ကာလအတွင်းမှာတော့ ဒီအချက်တွေဟာ အတိတ်ကာလတုန်းကထက် ပိုပြီးခိုင်မာ အားကောင်းလာတဲ့ အခါ နိုင်ငံရေးနဲ့လူမှုရေးအပေါ် လူမျိုးကြီး ၀ါဒနဲ့အတွေးအမြင်တွေ တွယ်ကပ်သွားခဲ့တယ်လေ။ မြန်မာနိုင်ငံဟာ ဒီလို အစွန်းရောက်ဖြစ်စဉ် သဘောရဲ့ ဥပမာတစ်ခုဖြစ်နေပါတယ်။ အရှေ့တောင်အာရှ လူ့အဖွဲ့အစည်း အများစုက လွတ်လပ်ရေးရချိန် သို့မဟုတ် လွတ်လပ်ရေးရပြီး သိပ်မကြာခင် လူမျိုးစွဲလမ်းကြောင်းကို အဆုံးသတ်ခဲ့ကြပေမယ့်လည်း မြန်မာနိုင်ငံကတော့ ဆက်လက်ကိုင်စွဲနေခဲ့တယ်။ နိုင်ငံရေးအ၀န်းအ၀ိုင်းတွေထဲ လူမျိုးစွဲကိစ္စ အရိုးစွဲသွားတဲ့အခါကျတော့ တိမ်မြုပ်နေရာကနေ နိုင်ငံရေးအဖြစ် အသွင်ဆောင်လာတော့တာပါပဲ။

    မြန်မာ့နိုင်ငံရေး လမ်းကြောင်းထဲ လူမျိုးစွဲကိစ္စ ၀င်ရောက်လာစေတဲ့ နောက်ထပ် အကြောင်း တစ်ရပ်ရှိပါတယ်။ မြန်မာနိုင်ငံကို အိန္ဒိယရဲ့လက်အောက်ခံနယ်ပယ်အဖြစ် နှစ်တစ်ရာကျော် ဆက်ဆံခံခဲ့ရတာကြောင့် ပြောင်းရွှေ့ ၀င်ရောက်လာမှုတွေ၊ ပြည်ပစီးပွားရေးလွှမ်းမိုးမှုတွေ ဖြစ်ခဲ့တယ်။ ဒါတွေဟာ လူမျိုးစွဲဝါဒကို ပိုမိုကျယ်ပြန့်သွားစေပါတယ်။

    မြန်မာဖက်ယိမ်းတဲ့ မွန်လူမျိုးနဲ့ ကရင်လူမျိုးတွေက ထိုင်းနိုင်ငံမှာ နေထိုင်နေသော်လည်း ထိုင်းနိုင်ငံမှာ မွန် သို့မဟုတ် ကရင် နိုင်ငံရေး ပါတီ တစ်ခုမျှ မရှိပါဘူး။ အင်ဒိုနီးရှားမှာဆိုရင် မြန်မာနိုင်ငံထက် လူမျိုးစုတွေ မျိုးနွယ်ကွဲတွေ များပြားပါတယ်၊ ဒါပေမယ့် နိုင်ငံရေးအရ လွတ်လပ်ရေးမတိုင်မီ နယ်မြေပိုင်နက်ပြဿနာ သို့မဟုတ် စစ်ရေးအရ အခွင့်အရေးတောင်းဆိုတွေ ပါဝင်တဲ့ လူမျိုးရေးအခြေတည် ခွဲထွက်ရေးလှုပ်ရှားမှုတွေ အလျဉ်းမရှိပါဘူး။

    လွတ်လပ်ရေးရချိန်ကတည်းက လူမျိုးရေးနဲ့နိုင်ငံရေး ရောယှက်သွားခဲ့တယ်။ အဲ့ဒီကနေ လူထုကို ဦးဆောင်လမ်းညွှန်ပေးသူ ဆိုတာထက် အပေးအယူနိုင်ငံရေးသမားတွေ နေရာရပြီး အဆိပ်အတောက် ဖြစ်စေခဲ့တာပဲ။ BSPP အုပ်ချုပ်ရေးကာလမှာ နိုင်ငံသားအားလုံး တန်းတူညီမျှဖြစ်ရေးကို ပုံကြီးချဲ့ဖို့ကြိုးစားခဲ့ပေမယ့် ပေမှီဒေါက်မှီအဆင့် မရောက်ခဲ့ပါဘူး။ မြန်မာ့နိုင်ငံရေးထဲက လူမျိုးစုရေးရာကို  လက်ရှိမှာ ဘာမှ ဖြေရှင်းပေးနေတာမဟုတ်ပါဘူး၊ အလေးထားပြနေတာပဲရှိပါတယ်။ ဒီနည်းအားဖြင့် စီးပွားရေး၊ အုပ်ချုပ်ရေးနဲ့ဥပဒေရေးရာ ပြန်လည်တည်ဆောက်မွမ်းမံမှု ဆိုတဲ့ ပင်မအရှိတရားကနေ လူထုအာရုံကို ဆွဲထုတ်လိုက်တာပါ။

    (မေး)    လူမျိုးစွဲနိုင်ငံရေးက ပြုပြင်ပြောင်းလဲရေးလုပ်ငန်းစဉ်အတွက် အကြီးမားဆုံး စိန်ခေါ်မှုလို့ ခင်ဗျား ထင်မြင်ပါသလား ?

    (ဖြေ)    ဟုတ်ပါတယ်။ အတိအကျပါပဲ။ ကျောင်းသားနိုင်ငံရေးဆိုတဲ့အရာနဲ့အတူ လူမျိုးစွဲနိုင်ငံရေးဆိုတာ ၁၉၅၀ နှစ်များနဲ့ ၁၉၆၀ နှစ်ဦးပိုင်းများအတွင်း ပွင့်လင်းမြင်သာသော အစိုးရအဖွဲ့တည်ဆောက်နိုင်ရေးကို ကျရှုံးသွားစေတဲ့ အချက်တစ်ရပ် ဖြစ်ခဲ့ပါတယ်။ ယနေ့နိုင်ငံရေးကို သက်ကြီးဝါကြီးမြန်မာများက သူတို့ငယ်ရွယ်စဉ်က အခြေအနေ အတိုင်းပဲဆိုပြီး စိတ်ပျက်နေကြလိမ့်မယ်လို့ ကျွန်တော် သုံးသပ်မိပါတယ်။

    (မေး)     ဒီစိန်ခေါ်မှုတွေကို ဖြေရှင်းဖို့ ဘာလိုအပ်ပါသလဲ ?

    (ဖြေ)    အခြေအနေနဲ့အချိန်အခါအပေါ် ရှင်းလင်းစွာ တွေးဆဆင်ခြင်ရပါမယ်။ အပြောအဆိုအသုံးအနှုန်းပိုင်းမှာ ပိုမိုတိကျဖို့ မရှိမဖြစ်လိုအပ်ပါတယ်။ ဒါ့အပြင်  မြန်မာပြည်မှာ လူမျိုးစွဲဝါဒ ဘယ်လိုခေါင်းထောင်ထလာပြီး ပျက်စီးစေခဲ့သလဲဆိုတာ လူတွေ နားလည်ဖို့ လိုအပ်ပါတယ်။ လူမျိုးနွယ်ဆိုတာ လူမှုရေးတည်ဆောက်ချက် တစ်ရပ် ဖြစ်ပါတယ်။ အခြားသူများနဲ့ဆက်ဆံဖို့ လူမှုဖြစ်စဉ်တွေအားဖြင့် လူတွေရဲ့ ဖန်တီးထားချက်သာ ဖြစ်ပါတယ်။ ဒါကြောင့် လူမျိုးနွယ်လို့ပြောမယ်ဆိုရင် ကမ္ဘာပေါ်မှာ တစ်မျိုးတည်းပဲ ရှိပါတယ်။ အဲ့ဒါကတော့ “လူသား” ဖြစ်ခြင်းပါပဲ။ ဒါပေမယ့် လူ့စိတ်က ကွဲပြားခြားနားမှုတွေကို ဖန်တီးနေလေ့ရှိတယ်။ အဲ့ဒါတွေဟာ စိတ်ကူးယဉ်ချက်ဖြစ်နေပေမယ့်လည်း တစ်ချို့ အစစ်အမှန်လို့ထင်နေကြတယ်လေ။

    ဗုဒ္ဓဘုရားရှင်က သွန်သင်ထားပါတယ်။ “လှည်းတစ်စီးရဲ့ပုံပမာနဲ့ သင်ခန်းစာယူပါ။ လှည်းတစ်စီးရဲ့ အဓိကအစိပ်အပိုင်းတွေဖြစ်တဲ့ ၀င်ရိုး၊ ဘီး၊ ကြမ်း၊ အကာ စတာတွေ ကျိုးပျက်သွားခဲ့ရင် လှည်း မမည်တော့ပါဘူး။ ဒါတွေအားလုံးဟာ ဆက်စပ်ချိတ်ဆက်နေရတဲ့ အပိုင်းအစတွေပါပဲ။ အလားတူစွာ ငါသည်လည်း ပုံပန်း၊ အမြင်၊ အယူအဆ၊ အတ္တ၊ သတိသမ္ပစဉ် အစရှိသော အရာအမျိုးမျိုးနဲ့ ပေါင်းစပ် ဖွဲ့စည်းမှုဖြစ်တယ်။  သေဆုံး သွားသော်လည်း ဒီအရာတွေဟာ စကြာဝဠာ အနန္တထဲကနေ ပျောက်ပျက်မသွားဘူး။ တစ်နေရာရာမှာ ပေါင်းစပ်မှု အသစ်နဲ့ ပြန်လည်ဖြစ်တည်လာမယ်” တဲ့။

    မေး- ၀ှိုက်ကဒ် ခေါ်တဲ့ ယာယီနိုင်ငံသား လက်မှတ်ကိုင်ဆောင်သူများဟာ ဒီနှစ်ကုန်ပိုင်းမှာကျင်းပမယ့် အထွေထွေရွေးကောက်ပွဲမှာ မဲပေးနိုင်တယ်ဆိုပြီး သမ္မတဦးသိန်းစိန်က ပြီးခဲ့တဲ့ဒီဇင်ဘာမှာ မှတ်ချက်ပြုခဲ့တယ်။ တစ်ခါ ၀ှိုက်ကဒ်တွေက မတ်လ ၃၁ ရက်မှာ တရားမ၀င်တော့ဘူးဆိုပြီး ဖေဖော်ဝါရီ ၁၁ ရက်နေ့မှာ ဆိုပြန်ပါတယ်။ ဒါဟာ မွတ်စ်လင်မ်အများစုပါဝင်နေတဲ့ ၀ှိုက်ကဒ်ကိုင်ဆောင်ထားသူ လူတစ်သန်းကျော်ကို မဲပေးခွင့်မရအောင် ထိထိရောက်ရောက်လုပ်ဆောင်လိုက်ခြင်း ဖြစ်ပါတယ်။ ဒါက မြန်မာနိုင်ငံမှာ လူမျိုးစွဲနိုင်ငံရေးလုပ်ခြင်းရဲ့ စံနမူနာတစ်ရပ် မဟုတ်ပေဘူးလား ?

    ဖြေ- ဒါဟာ လူမျိုးစွဲလမ်းကြောင်းထဲက လူမျိုးရေး၊ ဘာသာရေးအသွင်ဆောင်လာအောင် ပုံဖော်လေ့ရှိပုံမျိုးလို့ ကျွန်တော် ယူဆပါတယ်။ ရိုဟင်ဂျာအရေးနဲ့ပတ်သက်ပြီး သမ္မတအပေါ် မကျေနပ်သံ လျှံထွက်နေကြတယ်။ ဒါက သမိုင်း စီးဆင်းမှု ပြဿနာ ဖြစ်တယ်။ သမ္မတကြီးက အခြားနိုင်ငံရေးခေါင်းဆောင်များနဲ့ လက်တွဲပြီး ခေတ်သစ်ကမ္ဘာရဲ့ မတူကွဲပြားဘာသာတရား အခြေခံပြဿနာများကို ကြောင်းကျိုးကျကျ ဆွေးနွေးဖြေရှင်းစေဖို့၊ ပညာပေး အမြင်ဖွင့်ဖို့ ဆိုတာထက် သြဇာ အာဏာသုံးဖြေရှင်းခဲ့မှု အပေါ် ကျွန်တော် တွေ့နေရတာ ၀မ်းနည်းစရာကောင်းလှပါတယ်။ တိုင်းကျိုးပြည်ပြုနိုင်ငံရေးသမား တစ်ယောက်ဟာ နောက်ထပ်ရွေးကောက်ပွဲအတွက်တင်မက လာမယ့်မျိုးဆက် အတွက်ပါ ထည့်သွင်း စဉ်းစားလေ့ရှိပါတယ်။ ဗိုလ်ချုပ်အောင်ဆန်းက ဘာသာရေးကနေ နိုင်ငံရေးကို သီးခြားဖြစ်စေပြီး အဲ့ဒီ အတိုင်း ဆောင်ရွက်ခဲ့ပါတယ်။

    (မေး)    ၁၉၈၂ နိုင်ငံသားဥပဒေဖန်တီးဖို့ ဗိုလ်ချုပ်နေ၀င်းကို ဘာတွေက စေ့ဆော်လိုက်တာလဲ ?

    (ဖြေ)    အဲ့ဒီဥပဒေပြဋ္ဌာန်းလိုက်ပြီလို့ သူပြောလိုက်တဲ့ အချိန်ကျမှသာ ကျွန်တော်တို့ သိခဲ့ကြတာပါ။ ကျနော့်ရဲ့ နောက်ထွက်မယ့် “ဦးနေ၀င်း အကြောင်း” စာအုပ်မှာ ဒီအချက်တွေနဲ့ပတ်သက်လို့ ဒီလို ရေးသား ထားပါတယ်။

    သတ္တမကြိမ်မြောက် ဗမာ့ဆိုရှယ်လစ် လမ်းစဉ်ပါတီ BSPP ဗဟိုကော်မတီအစည်းအဝေးကို အလုံလမ်း သမ္မတအိမ်တော်မှာ ၁၉၈၂ ခုနှစ်၊ အောက်တိုဘာ ၈ ရက်မှာ ပြုလုပ်ခဲ့တယ်။ အဲ့ဒီမှာ ဦးနေ၀င်း အဓိကခေါင်းစဉ် တပ်ပြောကြားတာကတော့ အတည်ပြုလိုက်ပြီးတဲ့ နိုင်ငံသားဥပဒေ ဖြစ်တယ်။ မည်သူ့ကိုမျှ ထိခိုက်နစ်နာစေဖို့ မရည်ရွယ်ပါ၊ မပြုလုပ်လိုပါဆိုပြီး သူက အခိုင်အမာ ဆိုပေမယ့်လည်း သမိုင်းကြောင်း တစ်ချို့ကို ပြန်လှန်ပြီးတော့ “အမှန်ဆိုရရင် တစ်ချိန်ချိန်မှာ တစ်စုံတစ်ဦးကို ထိခိုက်နစ်နာမှု ဖြစ်ကောင်းဖြစ်သွားနိုင်ပါတယ်” လို့ ဆိုပါတယ်။ ကိုလိုနီခေတ်က အကြောင်း အမျိုးမျိုးနဲ့ဝင်ရောက်လာခဲ့ကြတဲ့ တောင်အာရှသား အများစုနဲ့ တရုတ်လူမျိုး အနည်းစုတွေကို ရည်ညွှန်းပြောဆိုလိုက်ခြင်းပဲဖြစ်ပါတယ်။

    (မစ္စတာတိုင်လာရဲ့ မူရင်းရေးသားချက်ကို အောက်ပါအတိုင်း ဖော်ပြလိုက်ပါတယ်)။

    This had given rise to a mixed population of indigenous persons, guests, mixed race persons, and the off spring of immigrants. After explaining the content of the two nationality acts passed at the time of independence to give “guests”, i. e., immigrants, and their offspring, Myanmar citizenship, he noted two problems with the legislation. One was that the Minister for Immigration had sole discretion on the granting of citizenship and the other was that there were many persons who had not taken action under the existing legislation to regularise their status. Also, there were now a third group, those who had arrived in Myanmar subsequent to independence. Something had to be done to regularise the status of those persons who had arrived, or were descended from persons who had arrived, between 1824 and 1948 in order to distinguish them from post-1948 entrants who came under different auspices, often illegally.
    As for those to whom the 1948 laws applied, he said: If we could do something definite to define their rights, they will be happy. We on our part must be magnanimous. In reality too we cannot be but magnanimous. . . . We are, in reality, not in a position to drive away those people who had come at different times for different reasons from different lands [before 1948]. We must have sympathy on those who had been here for such a long time and give them peace of mind. We have therefore designated them eh-naingngan-tha (associate citizens) in this law.
    Associate citizens would not be allowed to be involved: in matters involving the affairs of the country and the destiny of the State. This is not because we hate them. If we were to allow them to get into positions where they can decide the destiny of the State and if they were to betray us we would be in trouble.
    He then explained, by way of example, the problem posed for the government by associate citizens who had siblings abroad. Through their networks of overseas relatives, they often became involved in smuggling to the detriment of the state. This could not be allowed. Those who had arrived and applied for citizenship under the 1948 legislation would be made eh-naingngan-tha. These persons will gradually disappear as they become assimilated into the Myanmar society with the passage of the generations.
    This is the first time we are taking action to enable those who have been in our country since before independence to escape from a life of uncertainty about their nationality. If necessary qualifications are met, they can live in our county; if they live correctly and properly, their grandchildren will become full citizens. . . . I would also like to tell our true citizens, the Burmese, that they should not treat such persons arrogantly, saying that they came from abroad or they are guests, but should realise that one day they will become one of us and all will be travelling in the same boat.
    What Ne Win was addressing was a problem left over from colonialism, the plural society that J. S. Furnivall described in 1948 and in which Ne Win and his generation had grown up. In political terms, that society could “be distinguished by three characteristic features: the society as a whole comprise[d] separate racial sections; each section [was] an aggregate of individuals rather than a corporate or organic whole; and as individuals their social life [was] incomplete.” [J.S. Furnivall, Colonial Policy and Practice: A Comparative Study of Burma and Netherlands India (Cambridge: Cambridge University Press, 1948), p. 306.] What Furnivall was highlighting was that the legacy of free immigration had created a polity without “the unitary society that western people take for granted.” Such a unitary society creates a national will, and makes shared sacrifice possible in times of crisis and shared wealth in times of plenty. This was the basis of a modern integrated society, a prerequisite for a democracy, which Myanmar lacked. Overcoming that condition was essential for national unity, and through the racially loaded language of the colonial period in which people discussed the question of national integration, Ne Win was proposing an end to the residues of the plural society as well as ensuring that post-1948 immigration was regulated.

    (မေး)    အဲ့ဒီဥပဒေဟာ တိုင်းရင်းသားလို့ခေါ်တဲ့ ပြဿနာကို တမင်သက်သက် အကြောင်းမဲ့ အစပျိုးလိုက်ခြင်းလို့ ခင်ဗျား ရေးသားထားတယ်။ ဘာကြောင့်လဲ ?

    (ဖြေ)    ပေါင်းစပ်ထည့်သွင်းထားတဲ့ စကားလုံးတွေဟာ ဥပဒေဘောင် မ၀င်လို့ပါ။ ပြီးတော့ လူမျိုးစု သို့မဟုတ် လူမျုိုးနွယ်၊ အခွင့်အရေးနဲ့ နိုင်ငံသားအရေး ဆွေးနွေးချက်များမှာ မကြာခဏဆိုသလို ရှုပ်ထွေးမှုဖြစ်စေတဲ့ အခင်းအကျင်း တစ်ရပ်လည်း ဖြစ်နေလို့လေ။ လူမျိုး သို့မဟုတ် လူမျိုးနွယ် ဆိုတာက လူမှုရေး တည်ဆောက်ချက်တွေ ဖြစ်ပြီး၊ လူမှုဝန်းကျင်အုပ်စုတွေထဲ အခြေခံအားဖြင့် တည်ရှိနေနိုင်ပါတယ်။ သို့သော် နိုင်ငံသားဖြစ်မှု ဆိုတာက လူမျိုး/မျိုးနွယ်တွေနဲ့ အလျဉ်း မသက်ဆိုင်သော လူတစ်ဦးချင်းပေါ်ရှိတဲ့ ဥပဒေကြောင်းအရ အခွင့်အရေးပါ။

    နည်းလမ်း သုံးမျိုးနဲ့ နိုင်ငံသား အဖြစ် သတ်မှတ်ကြပါတယ်။ သက်ဆိုင်ရာနယ်မြေ ပိုင်နက်ထဲမှာ မွေးဖွားခြင်း သို့မဟုတ် ဥပဒေကြောင်းအရ သက်ဆိုင်ရာရဲ့ဆုံးဖြတ် သတ်မှတ်ပေးခြင်း။ ရယူစုဆောင်းခြင်း/ တိုင်းရင်းမျိုးနွယ်အဖြစ် သွတ်သွင်းခြင်း။ မိဘဘိုးဘွားစဉ်ဆက်ဆင်းသက်မျိုးရိုး။ မြန်မာနိုင်ငံသားဖြစ်မှု သတ်မှတ်ချက်ကို ဘယ်လူမျိုး အုပ်စုဝင်ဖြစ်စေ ဘယ်ဒေသဖွားဖြစ်စေ မိဘ ဘိုးဘွားတွေက မြန်မာနိုင်ငံထဲ မွေးဖွားခဲ့သူဖြစ်မှ မျိုးရိုး ဆင်းသက်မှုအားဖြင့် ပေးခြင်း ဖြစ်နေတယ်။ တိုင်းရင်းသား အုပ်စုဝင်ဖြစ်ခြင်း မဖြစ်ခြင်းက နိုင်ငံသားဖြစ်ခြင်း မဖြစ်ခြင်းနဲ့ မသက်ဆိုင်ပါဘူး။ (မြန်မာနိုင်ငံအဖို့) နိုင်ငံသားအဖြစ် သိမ်းသွင်းမှုပုံဟန်လည်း ဖြစ်နိုင်ချေ မရှိသေးပါဘူး။ နိုင်ငံသား ဆိုတာ လူတစ်ဦးချင်းအပေါ်မှာသာ မူတည်တဲ့ကိစ္စပါ။ လူ့အုပ်စုတွေအပေါ် မူတည်ခြင်း မရှိပါဘူး။

    (မေး)    တိုင်းရင်းသားလူမျိုး ၁၃၅ မျိုးဆိုတဲ့စာရင်းဟာ ဗြိတိသျှတွေဆီက အမွေခံလာတဲ့ ပြဿနာအစိတ်အပိုင်းလား ?

    (ဖြေ)    လုံးဝမဟုတ်ပါဘူး။ ၁၉၈၉ ခုနှစ်မှာ ဗိုလ်ချုပ်ကြီးစောမောင် ရည်ညွှန်းခဲ့တဲ့ ဒီစာရင်းက မြန်မာနိုင်ငံတွင်း လူမျိုးစုအရေးနဲ့ပတ်သက်ပြီး သမိုင်းအမြတ်ထုတ်လုပ်ကြံချက် အရှုပ်ထုပ်တစ်ခုသာ ဖြစ်ပါတယ်။ ဒီစာရင်း ဘယ်ကနေ ထွက်လာသလဲ၊ လူတွေသိရှိထားကြတဲ့ အခြားလူမျိုးတွေကို ချန်ရစ်ပြီး ဘာကြောင့် ထုတ်ပြခဲ့သလဲ ဆိုတဲ့အချက်ကို လူမျိုးစုရေးရာအကြောင်း ဆွေးနွေးလေတိုင်း လူအချို့က ထာဝစဉ် မေးခွန်းထုတ်နေတာပဲ ကြည့်လိုက်ရင် သိသာနေပါတယ်။

    (မေး)    လူ့အခွင့်အရေးဆိုင်ရာ ကုလအထူးသံတမန် ယန်ဟီးလီက မတ်လ ၁၆ ရက် မိန့်ခွန်းတစ်ရပ်မှာ မိမိကိုယ်ကို ရိုဟင်ဂျာတွေလို့ ခေါ်ဆိုနေတဲ့ အသုံးအနှုန်း – ရခိုင်ပြည်နယ်ထဲမှာ ပစ်ပယ်ရှုတ်ချနေတဲ့ လူမျိုးကို အသိအမှတ်ပြုခဲ့တယ်။ အဖြေက ဘာဖြစ်မလဲ ?

    (ဖြေ)    ပြဿနာကဘာလဲ ဆိုတဲ့အပေါ် အဖြေက မူတည်နေပါတယ်။ သူမ ဒီစကားလုံးကို သုံးနှုန်းသွားတာ အကြောင်းတစ်စုံတစ်ရာရှိပါလိမ့်မယ်။ ၁၉၆၀ ခုနှစ်များအတွင်း မြန်မာနိုင်ငံအကြောင်း ကျွန်တော် စတင်လေ့လာနေခဲ့စဉ်က၊ ၁၉၇၀ နဲ့ ၁၉၈၀ ခုနှစ်များအတွင်း ကျွန်တော် ရန်ကုန်မြို့မှာ နေခဲ့စဉ်က ဒီဝေါဟာရကို လုံးဝ အသုံးမပြုခဲ့ကြပါဘူး။ အဲ့ဒီကာလမှာပင်လျှင် ရခိုင်ပြည်နယ်မြောက်ပိုင်းမှာ နိုင်ငံသား စိစစ်မှုတွေကြောင့် ရာပေါင်းများစွာ ဘင်္ဂလားဒေ့ရ်ှဖက် ထွက်ပြေးနေတဲ့အချိန်ပါ။

    လွန်ခဲ့တဲ့ ဆယ်နှစ်ဝန်းကျင် ကျွန်တော် ဘူးသီးတောင်နဲ့ မောင်တောကို အလည်အပတ် ရောက်ရှိစဉ်ကလည်း ဘယ်သူမှ ဒီလိုဖော်ပြသုံးနှုန်းတာ မရှိခဲ့ပါဘူး။ ဒါဟာ အခြား တိုင်းရင်းမျိုးနွယ်စု အပေါင်းလိုပဲ တီထွင်(သတ်မှတ်) တဲ့ အသုံးအနှုန်းဖြစ်ပြီး၊ တကယ့် မူရင်းအနွယ်တွေထက် အခွင့်အရေးလိုချင်လို့ ဒီလိုကြွေးကြော်သူတွေ ပိုများနေတယ် (လို့ ကျွန်တော် မြင်ပါတယ်)။ အုပ်စုဝင် တစ်ဦးဖြစ်သွားယုံနဲ့ အဲ့ဒီ(မူလ)အုပ်စုဝင် တစ်ဦးရဲ့အခွင့်အရေး ရှိနေတယ်လို့ မဆိုနိုင်ပါဘူး။ နိုင်ငံသားဖြစ်မှသာ နိုင်ငံသားရဲ့အခွင့်အရေးကို ရရှိမှာဖြစ်ပါတယ်။ ဒါဟာ လူတစ်ဦးချင်း အပေါ် ဥပဒေကြောင်းအရ ဆုံးဖြတ်ချက်ပါ။

    (မေး)    မစ္စလီက ရခိုင်ပြည်နယ်မှာ လူ့အခွင့်အရေး တိုးတက်လာအောင် အုပ်စုတိုင်းအတွက် ထိရောက်ပြည့်ဝတဲ့နည်းလမ်းတွေ ရှာကြံဖော်ဆောင်ဖို့ လိုတယ်လို့လည်း ပြောကြား ခဲ့ပါတယ်။ ဖြစ်လာနိုင်ပါ့မလား ?

    (ဖြေ)    သူမရဲ့ဆိုလိုချက်ကို ကျွန်တော် မရှင်းလင်းပါဘူး။ ရိုဟင်ဂျာလို့ မိမိကိုယ်ကို ကင်ပွန်းတပ် သူတိုင်းက နိုင်ငံသားအဖြစ် သတ်မှတ်ပေးအပ်ရမယ်လို့ သူမက ဆိုလိုခဲ့ရင် – နိုင်ငံရေးအရရော ဥပဒေကြောင်းအရပါ မှားယွင်းနေတာပါပဲ။ ရခိုင်ပြည်နယ်ထဲမှာနေပြီး နိုင်ငံသားအဖြစ် သတ်မှတ်ခြင်း မခံရသေးသူတိုင်းအနေနဲ့ သူတို့တစ်ဦးချင်းဟာ မြန်မာနိုင်ငံဥပဒေအရ နိုင်ငံသားဖြစ်ခြင်း မဖြစ်ခြင်းအပေါ် စစ်ဆေးခံဖို့ အခွင့်အရေး ရှိနေပါတယ်။ အဲ့ဒီလို သူမ ပြောဆိုမှ မှန်ကန်ပါလိမ့်မယ်။

    (မေး)    မျိုးနွယ်အုပ်စုဆိုင်ရာအခွင့်အရေးတွေဟာ ၀ါဒရေးရာအဆိုတွေ ဖြစ်တယ်၊ ပြီးတော့ တိုင်းရင်းအုပ်စု ဆိုတာ လူမှုတည်ဆောက်ချက် တစ်ရပ်ဖြစ်တယ်လို့ ခင်ဗျား ရေးသားထားပါတယ်။ ဒီတော့ကာ မိမိကိုယ်ကို ရိုဟင်ဂျာလို့ ဆိုသူများအနေနဲ့ မိမိဖာသာ ကိုယ်ပိုင်လက္ခဏာ သတ်မှတ်ခွင့် မရှိတော့ဘူးလား ?

    (ဖြေ)    မည်သူမဆို  မိမိကိုယ်ကို ကိုယ်ကြိုက်ရာ ခေါ်ဆိုလို့ရပါတယ်။ သူဟာ နိုင်ငံသားဖြစ်စေ၊ ခိုးဝင်ဖြစ်စေ ဒီအခြေအနေမှာ မကွာခြားပါဘူး။ ဒါက ဥပဒေကြောင်း အရပြဿနာ ဖြစ်ပါတယ်၊ လူမျိုးစုဆိုင်ရာပြဿနာ  မဟုတ်ပါဘူး။

    (မေး)    ယမန်နှစ် ဇူလိုင်လက ပြည်သူ့လွှတ်တော်က တိုင်းရင်းသားရေးရာ ၀န်ကြီးဋ္ဌာနအတွက် မူကြမ်းတစ်ရပ်ကို လက်ခံခဲ့တယ်။ ရှိနှင့်ပြီးသော တရုတ်-ဗမာကပြားနဲ့ အိန္ဒိယ-ဗမာကပြား(သွေးနှော) လူ့အဖွဲ့အစည်းတွေအတွက် မဟုတ်ဘဲ မူရင်းဒေသခံ တိုင်းရင်းသား လူနည်းစုအခွင့်အရေးကို ကာကွယ်ပေးဖို့ ရည်ရွယ်တယ်လို့ ဆိုပါတယ်။ ဒီတော့ လူမျိုးစွဲနိုင်ငံရေးက ဖယ်ကြဉ် ခွဲထုတ်မှုနိုင်ငံရေး မဟုတ်ပေဘူးလား ?

    (ဖြေ)    အဲ့ဒါက လူ့အကြိုက်လိုက် မြူဆွယ် မက်လုံးပေး နိုင်ငံရေးသဘောပါပဲ။ ၁၉၄၇ ခုနှစ်ကတည်းက မြန်မာနိုင်ငံရဲ့ ဖွဲ့စည်း အုပ်ချုပ်ပုံ အခြေခံ စည်းမျဉ်းတွေက လူမျိုးရေးအကြောင်း အရေးဆိုဖို့ ဆင့်ကဲဆင့်ကဲ လမ်းဖော်ခဲ့တယ်။ ပြဿနာက ကြီးထွားသထက် ကြီးထွားလာတယ်။ ဒါဟာ လှည့်စားချက် တစ်ရပ် ဖြစ်ပါတယ်။ အကျိုးသင့်အကြောင်းသင့် စဉ်းစားဆင်ခြင်တတ်သူတွေ အချေအတင်ဆွေးနွေးဖျန်ဖြေနိုင်မယ့် ပြဿနာ အစိုင်အခဲတွေကို မှေးမှိန်မှိုင်း မိသွားစေခြင်းရယ်ပါ။ လူတစ်ဦးချင်းက မိမိဟာဘာလဲဆိုတာ ပြေလည်အောင်ဖြေရှင်းခွင့် မရနိုင်တော့ဘူး။ ကိုယ်ပိုင် လက္ခဏာ သတ်မှတ်ချက်နိုင်ငံရေးက အကွဲအပြဲနိုင်ငံရေးဖြစ်စေပါတယ်။ ဒီတော့ အဲ့ဒီအရာမျိုးကို လွှတ်ထားလိုက်ပါ။ လူတစ်ဦးချင်းအပေါ် သက်ရောက်နေတဲ့ ဥပဒေအတိုင်း၊ လူသားအားလုံးနဲ့ သက်ဆိုင်တဲ့ အခွင့်အရေးအတိုင်း ရပ်တည်လိုက်နာ ကျင့်သုံးသွားခြင်းက အကောင်းဆုံးပါပဲ။
    xxxxxxxxxxxxxxxxxxxx

    (Professor Taylor ၏  ယနေ့ မြန်မာ့လူမျိုးစွဲနိုင်ငံရေးအကြောင်းစာတမ်း Refighting old battles, compounding misconceptions ကို ISEAS “Perspective” series တစ်ခုအဖြစ် www.iseas.edu.org တွင် ရယူဖတ်ရှုနိုင်ပြီး ဗိုလ်ချုပ်နေ၀င်း၏ နိုင်ငံရေး ဘ၀စာအုပ်ကိုလည်း ယခုနှစ်အတွင်း ပုံနှိပ်ထုတ်ဝေမည်ဖြစ်သည်)

    Mizzzima ၏ The issue of ethnicity in Myanmar politics is now not being resolved but rather encouraged အင်တာဗျူးသတင်းဆောင်းပါးကို မင်းထွဋ်ခေါင် မှ ဆီလျော်အောင် ပြန်ဆိုသည်။

  • ဒေါ်အောင်ဆန်းစုကြည်၏ တရုတ်ခရီးစဉ်နှင့် မြန်မာ့ပါဝါ တစ်ဆစ်ချိုး

    ဒေါ်အောင်ဆန်းစုကြည်၏ တရုတ်ခရီးစဉ်နှင့် မြန်မာ့ပါဝါ တစ်ဆစ်ချိုး

    ဇွန် ၁၁ ၊ ၂၀၁၅
    M-Media

    1000
    ဘေဂျင်းလေဆိပ်သို့ ရောက်ရှိလာသော ဒေါ်အောင်ဆန်းစုကြည့် (Photo-AP)

    ဒေါ်အောင်ဆန်းစုကြည်၏ ပထမဆုံးဘေဂျင်း ခရီးစဉ်မှာ တရုတ်ပြည် သံတမန် လမ်းကြောင်း၏ ကစားကွက်အတွက် သမိုင်းဝင် အဆင့်အထိတော့ မရောက်ရှိပါ။ သို့သော် နိုင်ငံရေး အကျဉ်းသားဟောင်း တစ်ဦး၏ ပါဝါပြင်ဆင်မှု အတွက် လက္ခဏာသစ်တစ်ရပ်၊ ၎င်းပြင် တရုတ်-မြန်မာ ဆက်ဆံရေး ကဏ္ဍမှ တရုတ်ခေါင်းဆောင်များ၏ တင်းမာစအခြေအနေဖြေလျော့ရေး အမှတ်အသား တစ်ခုဖြစ်ပါသည်။
    .
    ၎င်းဗုဒ္ဓဟူးနေ့ခရီးစဉ်က ယခုနှစ် ရွေးကောက်ပွဲ၌ အပြတ်အသတ်နိုင်ချေရှိသော NLD ပါတီနှင့် အကျိုးတူ စီးပွားများ ရှေ့ဆက်ဆောင်ရွက်နိုင်ကြောင်း ထုတ်ဖော်ပြသမည့် အုပ်စုနှစ်ဖက်၏ကြိုးပမ်းခြင်းတစ်မျိုးဟု သုတေသီများမှ ဆိုသည်။
    .
    တရုတ်ပြည်သည် မြန်မာနိုင်ငံ၏ အကြီးမားဆုံးရင်းနှီးမြှုပ်နှံသူနှင့် အိန္ဒိယ သမုဒ္ဒရာဖက် လက်တံ ဆန့်တန်းနေသူဖြစ်၏။ သို့ရာတွင် ဘေဂျင်းကျောထောက်နောက်ခံ မြစ်ဆုံဆည်စီမံကိန်းဆိုင်းငံ့ထားမှုမှသည် နှစ်နိုင်ငံ နယ်စပ်ရှိ ပဋိပက္ခ အထိ ကိစ္စများကြောင့် တင်းမာမှုကြီးထွားစပြုနေသည်။
    .
    “ဒီခရီးစဉ်ဟာ နှစ်ဖက်စလုံးအတွက် ကွက်လပ်တစ်ခုကို ဖြည့်ပေးနိုင်မှာပါ။ တကယ်လို့ ဒေါ်အောင်ဆန်းစုကြည်က တရုတ်ပြည်ခရီးစဉ် ထွက်မလာခဲ့ရင် သူမရဲ့အရေးပါမှု စွန်းထင်းသွားနိုင်ပါတယ်။  တရုတ်ပြည်ဖက် ကလည်း အနည်းဆုံးတော့ မြန်မာ့ အနာဂတ်ခေါင်းဆောင် တစ်ဦးနဲ့ ဆက်ဆံရေးပြေလည်နေတာကို ပုံပြလုပ်ဖို့ လိုချင်နေမှာပါပဲ” ဟု Washington’s Stimson Center မှ အဆင့်မြင့်တွေးခေါ်ရှင် အဖွဲ့ဝင် Yun Sun ကပြောကြားသည်။
    .
    တရုတ်ကွန်မြူနစ်ပါတီ၏ ဖိတ်ကြားချက်အရ နိုဗယ်ဆုရှင် ဒေါ်အောင်ဆန်းစုကြည်သည် တရုတ်ပြည်တွင် ငါးရက်ကြာ လည်ပတ်မည်ဖြစ်သည်။ သူမသည် သမ္မတ ရှီကျင်းပင်၊ ၀န်ကြီးချုပ် လီကယ်ကျန်းတို့နှင့် တွေ့ဆုံဆွေးနွေးမည် ဆိုသော မြန်မာပြည်မှ သတင်းများနှင့် ပတ်သက်၍ ဘေဂျင်းဖက်မှ အတည်မပြုသေးပါ။
    .
    ကာလကြာရှည် အသံထွက်နေခဲ့သော ဒေါ်အောင်ဆန်းစုကြည် ၏ ဤခရီးစဉ်သည် အသွင်ပြောင်း အစိုးရ တက်လာခဲ့သည့် ၂၀၁၁ ခုနှစ်ကတည်းကဆိုလျှင် ပထမဦးဆုံးအကြိမ် ဖြစ်သည်။ ယခင်စစ်အစိုးရဟောင်း၏ တတိယ ထိပ်သီးပုဂ္ဂိုလ်နှင့် ယခု လွှတ်တော်ဥက္ကဌ သူရဦးရွှေမန်းသည် ဘေဂျင်း၌ သမ္မတ ရှီနှင့်တွေ့ဆုံပြီး ရက်သတ္တပတ် အနည်းငယ်အကြာ ဤခရီးစဉ် ဖြစ်ပေါ်လာသည့် အပေါ် Eurasia Group အဖွဲ့ဝင် နိုင်ငံရေး အကျပ်အတည်း သုတေသီ ခရစ်ရှန်လူးဝစ္စမှ အောက်ပါကဲ့သို့ ထောက်ပြခဲ့သည်။
    .
    “ဦးရွှေမန်းဟာ မြန်မာနိုင်ငံရဲ့သမ္မတလောင်း အဖြစ် အခိုင်ဆုံး အရွေးချယ်ခံ တစ်ဦးဖြစ်ကြောင်း၊ ဒါပေမယ့် ဒေါ်အောင်ဆန်းစုကြည်ရဲ့ သြဇာအင်အားမြင့်တက်လာမှုနဲ့ NLD ရဲ့နိုင်ငံရေး အနေအထားကိုလည်း အသိအမှတ်ပြုကြောင်း ဘေဂျင်းက အမြင်ထား ရှိနေတာကို အလည်အပတ် ခရီးစဉ်များရဲ့အကျိုးဆက်က ထင်ဟပ်စေပါတယ်”။
    .
    တရုတ်မြန်မာဆက်ဆံရေးမှာ ဒေါ်အောင်ဆန်းစုကြည် နေအိမ်အကျယ်ချုပ် ခံရစဉ်တုန်းကထက် ပိုပြီးထူးခြားလာသည်မဟုတ်။ သို့သော် မြန်မာ့နိုင်ငံရေး တံခါးဖွင့်ခြင်းနှင့် အတူ တရုတ်၏နိုင်ငံရေးနှင့် စီးပွားရေးအရ လွှမ်းမိုးခြယ်လှယ်လိုမှုအပေါ် လူထု အမျက်သင့်လာမှုက ဆက်ဆံရေးသွေးအေး လာစေသည်။
    .
    လူထုဆန္ဒပြပွဲများကြောင့် ၂၀၁၁ ခုနှစ်တွင် နိုင်ငံမြောက်ပိုင်း မြစ်ဆုံဆည်စီမံကိန်းကို မြန်မာအစိုးရမှ လုပ်ငန်း ရပ်ဆိုင်းလိုက်သလို၊ လက်ပံတောင်းကြေးနီး စီမံကိန်း အပေါ် ကန့်ကွက်ဆန့်ကျင်ကြသည့် ရွာသူရွာသားများမှာ အကြမ်းဖက်ဖြိုခွင်းမှုကို ရင်ဆိုင်ခဲ့ရသည်။
    .
    မြန်မာစစ်တပ်သည် ရန်သူ့နယ်မြေထဲ ဗုံးကြဲရာမှ တရုတ်ပြည်တွင်း ကျွံဝင်ပြီး နယ်ခံရွာသားအချို့ သေဆုံးခဲ့ရသည်။ ၎င်းနောက် ပြီးခဲ့သည့်ရက်သတ္တပတ်က နယ်စပ်ဒေသပေါ်၌ စစ်ရေးလေ့ကျင့်ပြင်ဆင်မှုပြုလုပ်ခြင်းဖြင့် တရုတ်ပြည်သည် မိမိ၏အမျက်ကို အထင်အရှား ပြသလာသည်။
    .
    ဒေါ်စုကြည်ကဲ့သို့ ငြိမ်းချမ်းရေးနိုဗယ်ဆုရရှိခဲ့သူ တရုတ်ပြည်၏ တစ်ဦးတည်းသော နိုဗယ်ဆုရှင် လျူ ရှောင်ပို (Liu Xiaobo) မှာ အစိုးရကို အာခံခြင်း စွဲချက်ဖြင့် ထောင်ဒဏ် ၁၁ နှစ် ကျခံနေရသည်။ ထိုသူ့အတိုင်း ဒေါ်အောင်ဆန်းစုကြည် ကို အနောက်နိုင်ငံများမှ ဒီမိုကရေစီထောက်ခံ ရပ်တည်သူဟု လက်ခံထားသည့် အနေအထားအရ သူမ၏ခရီးစဉ်မှာ ထိလွယ်ရှလွယ်ဖြစ်လာနိုင်သည်။
    .
    သို့ရာတွင် ရိုဟင်ဂျာအရေးနှင့် စပ်လျဉ်း၍ သူမ၏နှုတ်ဆိတ်နေခြင်း အပေါ် ဘေဂျင်းကလည်း မိမိတို့ကဲ့သို့ပင် အမြင်ကြည်လင်မှု မရှိနိုင်ကြောင်း အမေရိကန်နှင့် ဥရောပလေ့လာသူများက သုံးသပ်လျက်ရှိသည်။
    .
    အခြားနိုဗယ်ဆုရှင်များနှင့်ခြားနားစွာ သူမသည် တရုတ် ဆန့်ကျင်ရေးဝါဒအား ရှောင်ဖယ် လိုဟန်ရှိပြီး၊ လူ့အခွင့်အရေး ချိုးဖောက်မှုများ အပေါ် ပြစ်တင်ရှုတ်ချရန် တွန့်ဆုတ်နေကြောင်း တွေ့ရ၏။

    “သူမက တရုတ် ဆန့်ကျင်ရေးကို မမြင်လိုတာ အတိအကျပါပဲ။ သူမရဲ့အရေးစိုက်မှုဟာ ပြည်တွင်းရေးထဲမှာပဲ လုံးထွေးနေပါတယ်” ဟူ၍ နှစ် ၆၀ ကျော်ပြည်တွင်းစစ် အဆုံးသတ်ရန် မြန်မာအစိုးရနှင့် လက်တွဲ၍ ငြိမ်းချမ်းရေး လုပ်ငန်းဆောင်ရွက်နေသူ သမိုင်းပညာရှင်နှင့် စာရေးဆရာ ဦးသန့်မြင့်ဦးက ဆိုပါသည်။
    .
    ref: Financial Times
    မြင့်မိုရ်မောင်မောင် ဆီလျော်အောင် ဘာသာပြန်ဆိုသည်။