News @ M-Media

Category: ဘာသာပြန်

  • အသက်ဘေးကို လစ်လျူရှု၍ ကျောင်းသားများအား ကယ်တင်ခဲ့ကြသည့် စင်ကာပူမှ ကျောင်းဆရာများ (ဘာသာပြန်ဆောင်းပါး)

    အသက်ဘေးကို လစ်လျူရှု၍ ကျောင်းသားများအား ကယ်တင်ခဲ့ကြသည့် စင်ကာပူမှ ကျောင်းဆရာများ (ဘာသာပြန်ဆောင်းပါး)

    ဇွန် ၉၊ ၂၀၁၅
    M-Media

    sg

    ပြီးခဲ့သည့် သောကြာနေ့က ငလျင်ကြောင့် ကင်နာဘာလူတောင်ပေါ်တွင် တုန်ခါပြီး ကျောက်တုံး၊ ကျောက်ခဲကြီးများ လိမ့်ကျလာသည့်အခါ Tanjong Katong မူလတန်းကျောင်းမှ ဆရာများမှာ ကျောင်းသား၊ ကျောင်းသူများ ထိခိုက်ဒဏ်ရာရမှု မဖြစ်စေရန် ၎င်းတို့၏ ခန္ဓာကိုယ်များဖြင့် ကာကွယ်ပေးခဲ့ကြသည်။

    ထိုဖြစ်ရပ်ဆိုးမှ အသက်ရှင်လွတ်မြောက်လာသည့် ကျောင်းသားများ၏ မိဘများက ယနေ့တွင် ထိုအကြောင်းအရာကို ပြောကြားခဲ့ပြီး ဆရာများ၏ သတ္တိကောင်းမှုနှင့် တစ်ကိုယ်ကောင်းမဆန်မှုတို့ကိုလည်း ချီးကျူးခဲ့ကြသည်။

    စင်ကာပူသို့ ပြန်လည်ရောက်ရှိလာသူများကြားတွင် သမီးဖြစ်သူပါဝင်သော အသက် ၃၈နှစ်အရွယ် မိခင် ဟဇ်ရီန်း ဟူစိန်က “ကလေးတွေဆီက ကျွန်မကြားရတာကော့ ဆရာတွေဟာ ဒဏ်ရာရနေပေမယ့် ထလာပြီး တစ်ချို့တွေဆိုရင် သူတို့ရဲ့ ကျောင်းသားတွေကို ကာကွယ်ဖို့ စွန့်စားခဲ့ကြတယ် ဆိုတာပါပဲ။ ကျွန်မပြောရရင်တော့ ဆရာတွေဟာ သူရဲကောင်းတွေပါ” ဟု
    အိမ်ခြံမြေအကျိုးဆောင်ဖြစ်သူ သူမက ပြောကြားခဲ့သည်။

    အခြားမိဘတစ်ဦးဖြစ်သူ မစ္စတာ အဲလက်စ်ဝင်းကလည်းက အသက် ၁၂ နှစ်အရွယ် သားဖြစ်သူ ထရစ္စတန်၏ ပြောကြားမှုကို ပြန်လည် ဖောက်သည်ချခဲ့သည်။

    “ငလျင်လှုပ်တဲ့အခါ ဆရာတွေဟာ ကျောင်းသားတွေအားလုံးကို အတူတူနေကြဖို့ ပြောခဲ့ပါတယ်။ ပြီးတော့ သူတို့က ကလေးတွေကို ၀ိုင်းထားပြီး (လိမ့်ကျလာတဲ့) ကျောက်တုံးကြီးတွေမထိအောင် ကာကွယ်ပေးခဲ့ကြပါတယ်” ဟု ၀င်းက ဆိုသည်။

    ထို့ပြင် ကျောင်းနှင့် ဆရာများမှာ တာဝန်ရှိသည်ထက်ပို၍ လုပ်ဆောင်ပေးခဲ့သည်ဟုလည်း ထည့်သွင်းပြောကြားခဲ့သည်။

    “(ခရီးမှာ) သူတို့နဲ့အတူ လိုက်ပါသွားတဲ့ ဆရာအများစုဟာ အနစ်နာခံခဲ့ကြပြီး တော်တော်ဆိုးဆိုးဝါးဝါး ဒဏ်ရာတွေလည်း ရခဲ့ပါတယ်။ သူတို့ရဲ့စိတ်ဓာတ်ကတော့ တကယ့်ကို လေးစားချီးကျူးစရာပါပဲ” ဟု အမြဲတမ်းနေထိုင်ခွင့်ဖြင့် နည်းပညာနယ်ပယ်တွင် အလုပ်လုပ်နေသူ မော်ရီတီးယက်စ်က ပြောကြားခဲ့သည်။

    တူမဖြစ်သူ အာမာလ် အက်ရ်ှလေ လင်မ်ကို အသက်ရှင်လျက် ပြန်လည်တွေ့မြင်ရခဲ့သည့် မစ္စတာ ဟာဖစ်ဇ် အဟ်မဒ်ကလည်း ငလျင်လှုပ်သည့်အချိန်တွင် ဆရာများထဲမှ တစ်ဦးက လင်မ်နှင့် အခြားကျောင်းသားတစ်ဦးကို ဖက်ကာ အပေါ်မှ အုပ်မိုးပေးထားသည်ဟု ပြောကြားခဲ့သည်။

    ပညာရေးဝန်ကြီး ဟန်ဆွီကီယက်ကလည်း ကျောင်းသားနှစ်ဦးအား ကယ်တင်ခဲ့ပြီး စင်ကာပူဆေးရုံသို့ ခေါ်ဆောင်လာသည့်သတင်းကို Facebook စာမျက်နှာမှတစ်ဆင့် ယမန်နေ့က မျှဝေရာတွင်လည်း မိဘများနည်းတူ ကျောင်းဆရာများကို ချီးကျူးခဲ့သည်။

    “ကျောင်းဆရာတွေက ကျောက်တုံးကြီးတွေကနေ သူတို့ကို အုပ်မိုးကာကွယ်ပေးခဲ့တာကို ကလေးတွေက ပြန်ပြောခဲ့တယ်လို့ မိဘတွေက ပြောကြပါတယ်။ သူတို့ (ကျောင်းဆရာတွေ)ရဲ့ အားထုတ်မှုနဲ့ တစ်ကိုယ်ကောင်းမဆန်မှုက ကျွန်တော့်ကို တော်တော်လေး ခံစားရစေပါတယ်” ဟု ၀န်ကြီးက ရေးသားခဲ့သည်။

    Ref: Todayline

  • အာရှ လူကုန်ကူးမှုပြသာနာ ဦကျိုးပြီလား ?

    အာရှ လူကုန်ကူးမှုပြသာနာ ဦကျိုးပြီလား ?

    ဇွန် ၉၊ ၂၀၁၅
    M-Media

    15MIGRANTS-WEB1-master675-v2
    မြန်မာနိုင်ငံအနောက်ပိုင်း လူထူထပ်ပြည့်ကျပ်နေတဲ့ ရိုဟင်ဂျာ မွတ်စ်လင်မ် ဒုက္ခသည် စခန်းများထဲ ယိုင်နဲ့နဲ့ တဲ တန်းလျားတွေမှာ တိတ်ဆိတ်ခြင်းက ကြီးစိုးနေပါပြီ။ ထိုင်းနဲ့မလေးရှားထဲက ဘယ်သူမှ ထပ်လာပြီး လူရွေးဖို့ အပေးအယူကိစ္စ မလုပ်ကြတော့ပါဘူး။

    “ဒီ့အလျင်က အနည်းဆုံး လူကုန်ကူးသူတွေနဲ့ စေ့စပ်ညှိနှိုင်းဖို့ လူ ၁၀ ဦးကနေ ၁၅ ဦးအထိ နေ့စဉ်နေ့တိုင်း ဒီကိုရောက်လာတတ်ပါတယ်။ ခုကျတော့ လုံးဝ မတွေ့ရတော့ပါဘူး” လို့ ထွန်းဝင်း အမည်ရှိ လူငယ်လေးက သက်ကယ်မိုးဝါးတဲ တစ်လုံးထဲကနေ ဗီဒီယို ဖုန်းလိုင်းသုံးပြီး ပြောပြပါတယ်။

    ဗီယက်နမ်စစ်ပွဲ အဆုံးသတ်ချိန်က လှေစီးပြေး ဒုက္ခသည်ဖြစ်စဉ်နောက်ပိုင်း မြန်မာ ရိုဟင်ဂျာတွေရဲ့အဖြစ်ဆိုးဟာ အာရှတလွှား အကြီးမားဆုံး ရွှေ့ပြောင်းမှုပြဿနာဖြစ်လာပါတယ်။ အဲ့ဒီအပေါ် နှစ်ပေါင်းများစွာ အမြတ်ထုတ်ခဲ့တဲ့ လူကုန်ကူးသူများဟာ စီးပွားပျက်ကိန်း ဆိုက်သွားပုံရပါတယ်။ အနိမ့်ဆုံးအားဖြင့် တပ်ခေါက်နေပြီလို့ ဆိုရမှာပါ။ ပြီးခဲ့တဲ့လအထိ သူတို့ရဲ့ ဆိုးဝါးတဲ့လုပ်ငန်းစဉ်ကြီးက နာရီရွေ့လျားမှုအလား မရပ်မနား လည်ပတ်နေခဲ့တယ်။

    ကျားရဲတွင်းနဲ့ ဆင်းရဲတွင်းကနေ လွတ်မြောက်နိုင်ရေးအိပ်မက်ကြောင့် ထောင်နဲ့ချီတဲ့ ရိုဟင်ဂျာတွေ၊ သူတို့အိမ်နီးချင်း ဘင်္ဂလားဒေ့ရ်ှက လူတွေဟာ မလေးရှားမှာ အလုပ်အကိုင်နဲ့ လုံခြုံရေး ရနိုင်စရာမျှော်လင့်ချက်ပေးလို့ ဘင်္ဂလားပင်လယ်အော် အရှေ့တောင်စွန်းကနေ တဆင့် လှေအိုလှေဟောင်းစီးပြီး အသက်စွန့် ခရီးနှင်ဖို့ သွေးဆောင်ခံခဲ့ကြရတယ်။

    သို့တစေလည်း လူအများအပြားကတော့ သူတို့ရဲ့ခရီးစဉ်ကို လျှို့ဝှက်စခန်းတွေထဲမှာ အရက်စက်ခံကျွန်ဘ၀အဖြစ် စခန်းသိမ်းခဲ့ရတယ်။ အဲ့ဒီစခန်းများက ထိုင်းနဲ့ မလေးရှားကြား နယ်စပ်မျဉ်း တစ်ကြောမှာ တည်ရှိနေပါတယ်။ လူကုန်ကူးသူများဟာ အကျဉ်းသားပြန်လွှတ်ရေး အတွက် အဲ့ဒီနေရာကနေတဆင့် ငွေညှစ်တောင်းခံလေ့ ရှိကြတယ်။ လက်ရှိ အခွံသာကျန်ရှိတဲ့ တဲတန်းလျားတွေထဲမှာ သက်ဆိုင်ရာဆွေမျိုးသားချင်းတွေနဲ့ ဈေးညှိဈေးဖြတ်လေ့ရှိကြတယ်။

    ပြီးခဲ့တဲ့လဆန်းပိုင်းမှာ နယ်စပ်ဒေသအနီး သေဆုံးသူ ၃၃ ဦး တွင်းတူးမြုပ်နှံထားမှုကို ရှာဖွေတွေ့ရှိပြီးတဲ့နောက် ထိုင်းနိုင်ငံဖက်က လူကုန်ကူးချေမှုန်းဖို့ အမိန့်ထုတ်လိုက်တော့ ဒီကွင်းဆက် ပြတ်တောက်သွားပါတယ်။
    “ရှိသမျှလူတွေ ထွက်ပြေးကုန်ကြတယ်”  လို့ ထိုင်းနိုင်ငံ လူကုန်ကူးမှုစုံစမ်းဖော်ထုတ်ရေး ရဲမင်းကြီး Thatchai Pitaneelaboot က ဆိုပါတယ်။

    အဲ့ဒီဖြိုခွင်းမှုက ပင်လယ်ထဲ လူသားချင်းစာနာ ကယ်ဆယ်ရေးပြဿနာ ဖြစ်သွားစေခဲ့တယ်။

    ထိုင်းနဲ့မလေးရှားဖက်က ကျယ်ကျယ်ပြန့်ပြန့် စုံစမ်းဖော်ထုတ်မှုကွန်ရက်များထဲ ဖမ်းမိတာထက်စာရင် အလွတ်ရုန်းအန္တရာယ်က ပိုသက်သာနိုင်လို့ လူကုန်ကူးသူများက သင်္ဘောနဲ့ထွက်ပြေးသွားကြတယ်။ ထောင်ချီတဲ့ ဦးတည်ရာမဲ့ရွှေ့ပြောင်း ဒုက္ခသည်တွေကို လှေမျောဘ၀နဲ့  ချန်ရစ်သွားခဲ့ကြတယ်။

    ပြီးခဲ့တဲ့လက ထိုင်း၊ မလေးနဲ့ အင်ဒိုနီးရှားကို လှေမျောခရီးသည် သုံးထောင်ကျော် ကမ်းကပ်ဆိုက်ရောက်လာတယ်။ ရာပေါင်း များစွာကို မြန်မာနဲ့ ဘင်္ဂလားဒေ့ရ်ှဆီ ပြန်ပို့ခဲ့ကြပေမယ့် လူ ၂၀၀၀ ၀န်းကျင်လောက်က ပင်လယ်ထဲမျောနေဆဲဖြစ်မယ်ဆိုပြီး ကုလသမဂ္ဂမှ ခန့်မှန်းထားပါတယ်။

    လူကုန်ကူးလုပ်ငန်းကွင်းဆက်ကို (ရှောင်တခင်)ပိတ်ဆို့ တားဆီးလိုက်ခြင်းက လှေမျော ဒုက္ခသည်ပြဿနာ ပိုကြီးထွားစေခဲ့ကြောင်း ရခိုင်ပြည်နယ်နဲ့ ဘင်္ဂလားဒေ့ရ်ှတောင်ပိုင်းက လှေစီး ထွက်ခွာမှုအပေါ် ခြေရာခံ ပရောဂျက်လုပ်ဆောင်နေတဲ့ Chris Lewa က ပြောကြားလိုက်ပါတယ်။

    မေလမှာ ထွက်ခွာတဲ့လှေငယ် ၃၀၀ စီး၊ ဧပြီလမှာ အနိမ့်ဆုံး လူဦးရေ ၅၀၀၀၊ နိုဝင်ဘာ ကနေ မတ်လ အတွင်းမှာ လစဉ်ပျမ်းမျှ ၇၀၀၀-၈၀၀၀ လောက်ရှိတယ်လို့ သူမရဲ့ခန့်မှန်းချက် အရ သိရတယ်။

    လွန်ခဲ့တဲ့နှစ်လကတည်းက ရွှေ့ပြောင်းထွက်ခွာအံ့ဆဲဆဲ လူအများစုဟာ ဖြိုခွင်းရေးများကြောင့် ရေပြင်ကို ခြေမချခဲ့ရဘဲ သောင်ပြင်မှာ ပစ်ထားခံရပြီး ငွေပေးရွေးမှ ပြန်လည်ခေါ်ဆောင် ခံရသူတွေပါလို့ သူမက ဆိုပါတယ်။

    ထိုင်းအစိုးရအနေနဲ့ လူကုန်ကူးလုပ်ငန်းကို ချေမှုန်းလိုက်နိုင်လျှင်ပင် အရှေ့တောင်အာရှ ရွှေ့ပြောင်းသွားလာမှု ရပ်ဝန်းရဲ့ ဇာစ်မြစ် အကြောင်းရင်းတွေကို ရပ်တန့်အောင် လုပ်နိုင်မှာ မဟုတ်ဘူးလို့ လူအများအပြားက ယုံကြည်ကြပါတယ်။ ပြီးခဲ့တဲ့ ရက်သတ္တပတ်မှာ လူဦးရေ ၁.၁ သန်းရှိ ရိုဟင်ဂျာမွတ်စ်လင်မ်တွေအပေါ် ခွဲခြားချိုးနှိမ်ဆက်ဆံနေမှု ရပ်တန့်ဖို့ အမေရိကန်သမ္မတ ဘားရက် အိုဘားမားက မြန်မာနိုင်ငံကို လောဆော်ခဲ့ပါတယ်။ အဲ့ဒီလို လုပ်ဆောင်ချက်မျိုး မရှိဘူး ဆိုပြီး မြန်မာဖက်က ငြင်းဆန် ထားပါတယ်။

    မြန်မာအစိုးရဟာ မြန်မာနိုင်ငံထဲ မျိုးဆက်အလီလီ နေထိုင်လာခဲ့တဲ့ သူတို့ကို တိုင်းရင်းသားအဖြစ် လည်းကောင်း၊ နိုင်ငံသားအဖြစ် လည်းကောင်း အသိအမှတ် မပြုတဲ့အပြင်၊ ဘင်္ဂလားဒေ့ရ်ှက ခိုးဝင်လာသူ ဘင်္ဂလီများအဖြစ် သတ်မှတ်ထားပါတယ်။

    မုတ်သုန်ရာသီဝင်ရောက်လာပြီး အန္တရာယ် ပိုများနိုင်တာကြောင့် ဒီလိုကာလမှာ ရွှေ့ပြောင်း စွန့်ခွာမှုနှုန်း နိမ့်ကျသွားလေ့ရှိပါတယ်။ ဒါကြောင့် ဦးကျိုးသွားတဲ့ ဒီလုပ်ငန်းဟာ လပေါင်းများစွာအကြာမှာ ပြန်ပေါ်လာနိုင် မလားဆိုတာကို စောင့်ကြည့် သွားရမှာပါ။

    လက်ရှိသီတင်းပတ်အတွင်း ဖြစ်ရပ်များက ဒီတရားမဲ့လုပ်ငန်းကို အပြီးအပိုင်လှဲကျင်းပစ်နိုင်မလားဆိုတာ Lewa က သံသယဖြစ်နေပါတယ်။

    “အုပ်စုငယ်တချို့ ထိန်းသိမ်းခံထားရဆဲလို့ ကျွန်မ ထင်မြင်ပါတယ်။ တောနက်ထဲမှာတော့ ဟုတ်ချင်မှဟုတ်မှာပါ။ ဒုစရိုက်သမားတွေက ဓားစာခံတွေကို လုံခြုံတဲ့နေရာတွေမှာ ငွေနဲ့လာရွေးဖို့ ချုပ်ကိုင်ထားဆဲ ဖြစ်နေနိုင်ပါတယ်”။

    စစ်တွေမြို့အနီးက ရိုဟင်ဂျာဒုက္ခသည်စခန်းမှာ ငွေပေးရွေးဖို့ တောင်းဆိုမှုတွေ ရုတ်ခြည်း တိတ်ဆိတ်ခြောက် ကပ်သွားတယ်လို့ ဒေသခံများက ဆိုပါတယ်။

    ဒုက္ခသည်စခန်းတွေ ပိတ်သိမ်းနိုင်ချေရှိကြောင်း သောကရောက်သားချင်းတွေအတွက် လူမှုအကျိုးဆောင်လုပ်ပေးနေသူ ဦးကျော်လှက ပြောပါတယ်။ “လွန်ခဲ့တဲ့ ၂ လလောက်က ကျွန်တော်နဲ့ ချမ်းသာသူတစ်ချို့ဆီ လူအများအပြား ရောက်လာကြတယ်။  သူတို့ရဲ့သားချင်းတွေကို ပြန်ရွေးနိုင်ရေးအတွက် သူတို့ရဲ့အိမ်၊ မြေတွေ ရောင်းချဖို့အတွက်ပါ။ အဲ့ဒီကိစ္စတွေ ခုတော့ ရပ်တန့်သွားပြီဖြစ်ပါတယ်”။

    လှေစီးပြေးအောင် မြူဆွယ်သူ ပွဲစားများစွာက ရိုဟင်ဂျာတွေပဲ ပြန်ဖြစ်နေတာ တွေ့ရပါတယ်။

    အောက်ခြေအဆင့်လက်ပွား လူကုန်ကူးသူများသာ ဖမ်းဆီးခံရပြီး လုပ်ငန်းခေါင်းကိုင်များကတော့ ဘင်္ဂလားဒေ့ရ်ှဖက် ထွက်ပြေးကုန်ပြီ သို့တည်းမဟုတ် ခြေရာဖျောက်တွင်းအောင်းသွားပြီ လို့ ဦးကျော်လှက ယုံကြည်ထားပါတယ်။

    ဘင်္ဂလားဒေ့ရ်ှနယ်စပ် Pen Daw Pyin ရွာက ၅၅ နှစ်အရွယ် အမျိုးသမီး Se Tara က ဒီလိုပြောပြခဲ့ပါတယ်။ ဖေဖော်ဝါရီလက ပင်လယ်ခရီးလွှင့်သွားခဲ့တဲ့ သူမရဲ့ သားနဲ့သမီးကို ပြန်ရွေးဖို့ ငွေကြေးပြင်ဆင်ထားပါဆိုပြီး လွန်ခဲ့တဲ့ ၂ လက ဒေသခံပွဲစား လာပြောသွားတယ်။ ထိုင်းနိုင်ငံမှာ လူကုန်ကူးသူတွေ ဖမ်းဆီးခံရပြီး ပင်လယ်ထဲ လှေတွေ မျောပစ်တဲ့သတင်း ရောက်တဲ့အခါ သူမနဲ့သားငယ်ဖြစ်သူ ရဟ်မသ်က ပွဲစားအိမ်ဆီ မေးမြန်းစုံစမ်းဖို့ သွားခဲ့ကြတယ်။ ဒါပေမယ့် ပွဲစားက ပျောက်ခြင်းမလှပျောက်သွားခဲ့ပါပြီ။

    “သူ ဘယ်မှာလဲဆိုတာ မသိဘူးလို့ သူ့ရွာသားတွေက ပြောကြတယ်။ သူ တစ်နေရာရာမှာ ပုန်းနေပါတယ်။ ကျွန်တော့်အထင် သူတို့လိမ်နေတာပဲ ဖြစ်ပါမယ်” ဆိုပြီး ရဟ်မသ်က ပြောပါတယ်။

    xxxxxxxxxxxxxxxxxxxxxxxxxxxx

    ဘန်ကောက်အခြေစိုက် Simon Webb ရဲ့ သတင်းပေးပို့ချက်အပေါ် John Chalmers ရေးသားပြီး Ian Geoghegan တည်းဖြတ်တဲ့ Aubrey Belford ရဲ့ ရိုက်တာသတင်းဆောင်းပါး Closed for business: Asia’s human smugglers go to ground ကို မြင့်မိုရ်မောင်မောင်က ဆီလျော်အောင် ပြန်ဆိုမှု ဖြစ်ပါတယ်။

  • ရိုဟင်ဂျာ ဆန်ကျင်ရေး လုပ်ပြီး နိုင်ငံရေး အမြတ်ထုတ်လို့ ကောင်းနေပြီလား

    ရိုဟင်ဂျာ ဆန်ကျင်ရေး လုပ်ပြီး နိုင်ငံရေး အမြတ်ထုတ်လို့ ကောင်းနေပြီလား

    ဇွန် ၁ ၊ ၂၀၁၅
    M-Media

    11350894_1004018502975635_7855028889345106922_n
    လှေစီးဒုက္ခသည်များ အရေးနှင့် ပတ်သက်၍ နိုင်ငံတကာ ဖိအားပေးမှုများအား ဆန့်ကျင်သည့် ဆန္ဒထုတ်ဖော်ပွဲကို မေလ ၂၇ ရက်နေ့က ရန်ကုန်မြို့ ကျိုက္ကဆံ အားကစားကွင်းရှိ ဟစ်တိုင်တွင် ပြုလုပ်သည်။ (ဓာတ်ပုံ – သော်ဟိန်းထက်/ဧရာဝတီ)

    ပြီးခဲ့သည့်ဗုဒ္ဓဟူးနေ့ နေ့လည်တွင် အနီရင့်ရောင် သင်္ကန်းဝတ် သံဃာ အနည်းငယ်ပါဝင်သော ကန့်ကွက် ဆန္ဒပြသူ ရာဂဏန်းမျှသည် ဖုံထူဘောလုံးကွင်း တစ်ခု၌ စုရုံးပြီးနောက် မြန်မာနိုင်ငံ၏မြို့တော်ဟောင်းရှိ ယာဉ်ကြောပိတ်ဆို့ လမ်းမများ တစ်လျှောက် ချီတက်လာ ခဲ့ကြသည်။ ထိုနေရာတွင် မကြာသေးမီက အခြား ဆန္ဒထုတ်ဖော်သူများမှာ ဖမ်းဆီးခံရခြင်း သို့မဟုတ် အကြမ်းဖက်ခြင်းဖြင့် အဆုံးသတ်ရသော်လည်း ဤအုပ်စုကမူ ဒေသခံအာဏာပိုင်များက အသာတကြည် လိုက်လျော ထားကြောင်း တွေ့ရသည်။ အနီးအနားရှိ လက်ဖက်ရည်ဆိုင် တစ်ခုအတွင်း ရဲအရာရှိတစ်စုက လက်ဖက်ရည်ကို တစိမ့်စိမ့်သောက်ရင်း ပလပ်စတစ်ထိုင်ခုံများပေါ် ထိုင်ကြည့်လျက်သာ ရှိခဲ့ကြ၏။

    အကြောင်းသော်ကား ချီတက်လာ သူများမှာ ပညာရေးမူဝါဒများ သို့မဟုတ် စစ်တပ်၏ လယ်မြေသိမ်းမှုများကို ကန့်ကွက်ဆန္ဒပြသူများ မဟုတ်ကြ၊ အနှိမ်ခံ ရိုဟင်ဂျာတို့ကို ပစ်မှတ်ထားနေသောကြောင့်ပင်။ ရခိုင်ပြည်နယ် အနောက်ပိုင်းရှိ နယ်မြေမဲ့ လူနည်းစုဝင် မွတ်စ်လင်မ်တို့မှာ ဘင်္ဂလားဒေ့ရ်ှနိုင်ငံမှ ခိုးဝင်လာသူများအဖြစ် သဘောထားခံရပြီး ၎င်းတို့၏စီးပွားရေးနှင့် ပညာရေးဆိုင်ရာ အခြေခံ လိုအပ်ချက်များမှာလည်း စစ်အာဏာရှင် အစိုးရအဖြစ်မှ ၂၀၁၁ ခုနှစ်တွင် ဘ၀ပြောင်းလာသည့် စစ်တစ်ပိုင်း လူတစ်ပိုင်း အစိုးရ၏ ငြင်းပယ်မှုကို ခံခဲ့ရသည်။ ခနော်ခနဲ့ လှေငယ်များဖြင့် ပင်လယ်ဖြတ်ပြေးကြသည့် ထောင်နှင့်ချီသော ရိုဟင်ဂျာတို့၏အနိဋ္ဌာရုံက လက်ရှိလများအတွင်း ကမ္ဘာ့ခေါင်းကြီး သတင်းများ၌ ဒေသတွင်းရွှေ့ပြောင်းအခြေချပြဿနာ တစ်ရပ်အဖြစ် နေရာ ယူလာပေပြီ။ ရိုဟင်ဂျာတို့အပေါ် အစိုးရ၏ ဆက်ဆံရေးကြောင့်မဟုတ်၊ ပြည်ပ အလုပ်အကိုင်ဟူသော မက်လုံးပေးပြီး လူကုန်ကူးနေ သူတို့ကြောင့်ဖြစ်ရသည် ဟုဆိုကာ မြန်မာ အာဏာပိုင်များက လှေစီးပြေးပြဿနာ၏ရင်းမြစ် အကြောင်းတရားကို ထိမ်ချန်နေဆဲ။

    ချီတက်ဆန္ဒပြသူများသည် “လှေစီးပြေး ခရီးသည်များသည် မြန်မာ (နိုင်ငံသား)မဟုတ်၊ ထိုပြဿနာအတွက် မြန်မာနိုင်ငံအား အပြစ်တင်ရန် အကြောင်းမရှိ” ဟူသည့် အဓိပ္ပာယ်ရ နောက်ကျောစာတန်းပါ တီရှပ်များ ၀တ်ဆင်ထားကြသည်။ မြန်မာနိုင်ငံကို ကုလသမဂ္ဂမှ ဦးဆောင်၍ အနိုင်ကျင့်နေသည်ဟု ဆိုလိုခြင်းဖြစ်သည်။

    ထိုဖြစ်ရပ်က အရှေ့တောင် အာရှရွှေ့ပြောင်းသူများပြဿနာ အပေါ် ပြည်ပ အစိုးရနှင့်ပြည်တွင်း အတိုက်အခံတို့၏ အဖြေရှာနေခြင်းတည်း ဟူသော အရှိတရားကို လက်မခံနိုင်ကြောင်း မီးမောင်းထိုးပြနေသည်။ မြန်မာနိုင်ငံသည် ၎င်း၏ ၄ နှစ်တာ ဒီမိုကရေစီ ကူးပြောင်းရေး စနစ်အတွေ့အကြုံနှင့်တစ်ကွ ရိုဟင်ဂျာမှသည် နိုင်ငံ အနှံ့အပြားရှိ မြန်မာ လူ့အဖွဲ့အစည်းနှင့်ကာလကြာရှည် တစ်သားတည်းဖြစ်နေပြီးသော မွတ်စ်လင်မ်များ အထိ တိုက်ခိုက်ခြင်းဖြင့် ရှေ့ဆက်ကာ နိုင်ငံရေး လမ်းခင်းနေပေသည်။ ဤပုံဟန်မှာ နိုဝင်ဘာလဆန်းတွင် ကျင်းပမည့် ရွေးကောက်ပွဲ ကာလအတွင်းမှာလည်း သိသာ ထူးခြားစွာ ပြောင်းလဲသွားဖွယ် မမြင်ချေ။

    ဆက်၍ဆိုရပါလျှင် ယင်းချီတက် ဆန္ဒပြမှုသည် ဖြစ်ရိုးဖြစ်စဉ်နှင့် ကွာဟလွန်းလှ၏။ နိုင်ငံ တစ်ဝှန်း မွတ်စ်လင်မ် ဆန့်ကျင်ရေး ၀ါဒဖြန့် မှိုင်းတိုက်လျက်ရှိသည့် သဘောထားတင်းမာသည့် ဗုဒ္ဓဘာသာဝင် သံဃာ တစ်စု အပါအ၀င် ဗုဒ္ဓ အမျိုးသားရေး ၀ါဒီ အဖွဲ့အစည်းတစ်ခုမှ စီစဉ်ခဲ့ခြင်းကြောင့်ဖြစ်သည်။ အာဏာရပါတီထဲမှ ထိပ်တန်း အာဏာပိုင်ခေါင်းဆောင်များက လိုက်လျောထားသည့် အပြင် မီးမွှေးမှိုင်း တိုက်ချက်အား အခါအားလျော်စွာ ရပ်တည်ပေးခဲ့သေးသည်။

    “အစွန်းရောက် အမျိုးသားရေး လှုပ်ရှားမှုတွေနဲ့ပတ်သက်ပြီး အစိုးရ အာဏာပိုင်များက ဘယ်တုန်းကမှ အရေးမယူပါဘူး” ဟု ရန်ကုန်မြို့ ဘာသာပေါင်းစုံ အဖွဲ့အစည်း တစ်ခုတွင် ပါဝင်ဆောင်ရွက်နေသည့် အသက် ၃၂ နှစ်အရွယ် ကိုအောင်နိုင်ဝင်း က ပြောကြားသည်။

    အာဏာပိုင်နှင့် စစ်တပ် အုပ်စုဝင်အချို့သည် အတိုက်အခံ အမျိုးသား ဒီမိုကရေစီ အဖွဲ့ချုပ်မှ အပြတ်အသတ် အနိုင်ရနိုင်ချေကို ကန့်သတ်သောအားဖြင့် မိမိကိုယ်ကို ဗုဒ္ဓဘာသာ ကာကွယ်သူများအဖြစ် အထွေထွေရွေးကောက်ပွဲ၌ နေရာ ရအောင် မွတ်စ်လင်မ် ဆန့်ကျင်ရေး လှုပ်ရှားမှုကို တန်ဆာပလာအဖြစ် အသုံးချနေခြင်းဖြစ်ကြောင်း ဆိုသူများ ရှိနေကြသည်။ အပယ်ခံနိုင်ငံမှ နိုင်ငံတကာ ရင်းနှီးမြှုပ်နှံမှုနှင့် ယဉ်ကျေးမှုတံခါး ဖွင့်လှစ်လိုက်သဖြင့်  ၎င်းတို့၏သြဇာကို ပြန်လည် ကာကွယ်နေသော လွှမ်းမိုးကြီးစိုးချင်သည့် သံဃာများကို အစိုးရဖက်မှ ဖိအားပေး လိမ့်မည်ဖြစ်ကြောင်း အချို့က ဆိုပြန်သည်။ NLD ခေါင်းဆောင်နှင့် နိုဗယ်ဆုရှင် ဒေါ်အောင်ဆန်းစုကြည်ကမူ ဤအရေးနှင့် ပတ်သက်၍ အလွန်အကျွံ နှုတ်ဆိတ်နေလျက်သာ။

    အဆိုပါအချက်များကို အသာထားပြီး ကိုလိုနီခေတ် ကာလကို ပြန်ပြောင်းကြည့် လိုက်လျှင် ဗြိတိသျှတို့နှင့်အတူ အိန္ဒိယ မွတ်စ်လင်မ်အများအပြား မြန်မာနိုင်ငံ ထဲ ရောက်ခဲ့ကြသည်။ ရိုဟင်ဂျာတို့၏ မူရင်း လူမျိုးရေးရာများမှာ အငြင်းပွားဖွယ်ဖြစ်နေပြီး သူတို့အား ၁၉၈၂ ခုနှစ်တွင် အာဏာရှင်စစ် အစိုးရဟောင်းက နိုင်ငံသားဖြစ်ခြင်းကို ပယ်ဖျက်ခဲ့ရာမှ အဆိုးဝါးဆုံးဒဏ်ကို ခါးစည်းခံနေကြရပေ၏။

    တို့မီးရှို့မီးသံဃာ ဦးဝီရသူကဲ့သို့ အယူသည်း ဗုဒ္ဓဘာသာဝင်များက အလွန် အစွန်းရောက်သည့်အမြင်များ ရှိနေသော်လည်း သူတို့၏သီးခြားအမြင်များ မဟုတ်ဘဲ အများဆိုင်ရာ အသွင်ဖြစ်နေသည်။ ဒီအချက်အပေါ် နိုင်ငံရေးလောကသား အားလုံး အထူးသတိထားရန် လိုအပ်နေသည်ဟု ရန်ကုန်အခြေစိုက် အလွတ်တန်းနိုင်ငံရေး သုတေသီနှင့် ILO အရာရှိဟောင်း Richard Horsey က ပြောကြားသည်။

    လူဦးရေထိန်းချုပ်ရေး မူကြမ်းသစ်ကို သမ္မတဦးသိန်းစိန်မှ လက်မှတ်ထိုး အတည်ပြုလိုက် သဖြင့် လက်တစ်ဆုပ်စာ အုပ်စု၏ လက်သိပ်ထိုးကြံစည်ချက်မှာ မေလ ၂၃ ရက်တွင် နိုင်ငံ့ ဥပဒေဖြစ်လာပါသည်။ ထိုဥပဒေသည် မွေးဖွားနှုန်းမြင့်လွန်းသည်ဟု ဗမာလူမျိုးများက ဝေဖန်နေကြသည့် ရိုဟင်ဂျာတို့ကို အဓိက ပစ်မှတ်ထားသော ကန့်သတ်မှုဖြစ်ပြီး အမျိုးသမီးများမှာ ၃ နှစ်ခြားမှတစ်ကြိမ် ပဋိသန္ဓေဆောင်ခွင့် ရှိကြောင်း ဖော်ပြထားသည်။ အဆိုပါဥပဒေကို မူကြမ်း အဆင့်၌ Amnesty International နှင့် Human Rights Watch အဖွဲ့များက ပြင်းထန်စွာဝေဖန်ခဲ့သည် သာမက၊ လွန်ခဲ့သော သီတင်းပတ်တွင် မြန်မာနိုင်ငံသို့ရောက်ရှိလာသော အမေရိကန် နိုင်ငံခြားရေး  ဒု-၀န်ကြီး Antony Blinken ကလည်း ဝေဖန်ခဲ့သည်။

    ၎င်းမှာ မွတ်စ်လင်မ် ဆန့်ကျင်ရေးကိုသာ ဦးတည် လုပ်ဆောင်နေသော ၉၆၉ လှုပ်ရှားသူများနှင့် ဖွဲ့စည်းထားသည့် မဘသအဖွဲ့မှ အဆိုပြုမူကြမ်းလေးရပ် အနက် တစ်ခုဖြစ်သည်။ အခြားသော ဥပဒေကြမ်း သုံးမျိုးကိုလည်း အစိုးရ လက်ခံ စဉ်းစားပေးလျက် ရှိသည်။ ၎င်းတို့၌ ဗုဒ္ဓ ဘာသာဝင် အမျိုးသမီးနှင့် မွတ်စ်လင်မ် အမျိုးသားတို့၏ ထိမ်းမြားမှုကို ကန့်သတ် ပိတ်ပင်မည့် စည်းမျဉ်းများ၊ နိုင်ငံတော်က လက်ခံမှသာ ဘာသာ ကူးပြောင်းနိုင်ခွင့်၊ တစ်လင်တစ်မယား စနစ် စသည်တို့ ပါဝင်သည်။

    နှစ်ပရိစ္ဆေဒများစွာ အတူ ယှဉ်တွဲနေထိုင်လာကြပြီး အပြန်အလှန် ထိမ်းမြားမှုများရှိကြသော မွတ်စ်လင်မ်၊ ဗုဒ္ဓဘာသာဝင်၊ ဟိန္ဒူနှင့် ခရစ်ယာန်များ အကြား လူမျိုးရေး တင်းမာမှု မမြင့်တက်စေဘဲ လူထု၏ သဟဇာတဖြစ်မှုကို ဖော်ကျူးနိုင်ရေးအဆိုဖြင့် အရပ်ဖက်လူ့အဖွဲ့အစည်း များစွာမှ အဆိုပါ ဥပဒေကြမ်း အတည်ပြုရေး အစီအစဉ်ကို ကန့်ကွက် တားဆီးခဲ့ကြသည်။ သို့တစေ ထိုအဖွဲ့အုပ်စုများမှာ မကြာခဏ ခြိမ်းခြောက်ခံရကြောင်း ပြည်တွင်းရှိ Equality Myanmar ၏ ရေရှည်ဦးဆောင်လှုပ်ရှားနေသူ ဦးအောင်မျိုးမင်းက ဆိုသည်။ ယင်း အရေးအရာသည် နိုင်ငံရေးအရ အကဲဆတ်မှုဟု ရှုမြင်လျက် အချို့အဖွဲ့အစည်းများမှာ အဆိုပါ ဥပဒေများကို ဆန့်ကျင်ရန် တွန့်ဆုတ်နေကြပေသည်။

    ရေရှည် အငြင်းပွားဖွယ်ဖြစ်အောင် ဘင်္ဂလီများဟု အစိုးရမှ ကင်ပွန်း တပ်လိုက်သည့် ရိုဟင်ဂျာတို့မှာ ပါဝါအားပြိုင်မှု ကွင်းပြင်ကျယ်၌ နယ်ရုပ် တစ်ရုပ်ဖြစ်နေသည်မှာ အချိန်ကြာမြင့်နေပေပြီ။ ရခိုင်ပြည်နယ်တွင်းရှိ ဗုဒ္ဓဘာသာဝင်များမှာ ကိုယ်ပိုင်အခွင့်အရေးရရှိသော၊ ကိုယ်ပိုင်စီးပွားရေးပြဿနာတို့နှင့် လုံးထွေးနေသော၊ ဗဟိုအစိုးရပေါ် အမြင်မကြည်လင်မှု ရှိနေသော တိုင်းရင်းသားအဖြစ် တည်ရှိနေ၏။ လွန်ခဲ့သည့်ငါးနှစ်တာကပင် စစ်အစိုးရက ရိုဟင်ဂျာတို့ကို မဲပေးခွင့်ပြုပြီး အာဏာရယူခဲ့ရကား ပြည်ပလေ့လာသူများ အမြင်တွင် ထိုဖြစ်စဉ်သည် ကမောက်ကမနိုင်လှသည်။ စစ်အစိုးရသည် မဆိုစလောက်မျှသော ရိုဟင်ဂျာအမတ်များကို လွှတ်တော်ထဲ ဆွဲသွင်းကာ ဒေသခံ ရခိုင်တိုင်းရင်းသား ပါတီကို အလဲထိုးခဲ့ခြင်းဖြစ်သည်။

    ကာလတစ်ခုလွန်သော် အပြောင်းအလဲဖြစ်လာပြီး ၂၀၁၂ ခုနှစ်၌ ရခိုင်ပြည်နယ် အတွင်း ဘာသာရေး အဓိကရုဏ်းပေါ်ပေါက်၍ လူအများအပြား သေဆုံးကြရသည်။ ၂၀၁၀ ခုနှစ်က ရွေးကောက် တင်မြှောက်ခံရသည့် ရိုဟင်ဂျာ အမတ်များမှာ ယခုတိုင် လွှတ်တော်ထဲ ရှိနေပါလျက် သူတို့၏ ရိုဟင်ဂျာ အမျိုးသား အများစုမှာကား မဲပေးခွင့် ပယ်ဖျက်ခံနေကြရ၏။ အစိုးရထုတ် သက်သေခံကတ်ကိုင်ဆောင်သူ ရိုဟင်ဂျာများကို လာမည့်ရွေးကောက်ပွဲ၌ မဲပေး ခွင့်ပြုမည်ဟု ဗဟိုအစိုးရက ဤနှစ်အစောပိုင်းတွင် ဆိုလိုက်သောအခါ ပြည်တွင်း ဗုဒ္ဓဘာသာဝင်များက စိတ်ကွက်ကုန်ကြသည်။ ထို့ကြောင့် အစိုးရက ခြေပြန်ရုပ်ကာ ရိုဟင်ဂျာတို့အား ကတ်ပြားပြန်အပ်ရန် တောင်းဆိုခဲ့လေသည်။

    မိမိတို့ဒေသကို မွတ်စ်လင်မ်တို့ သိမ်းမှာကြောက် ပါသည်ဟု ကြွေးကြော်နေကြသည့် ရခိုင် ဗုဒ္ဓဘာသာဝင်များကို လူများစုဝင် ဗုဒ္ဓဘာသာဝင်များစွာက စာနာသနားနေကြ၏။ စင်စစ်မှာတော့ ဗုဒ္ဓဟူးနေ့ချီတက် ဆန္ဒပြပွဲ၌ နိုင်ငံတကာအသိုင်းအ၀ိုင်းကို ပြစ်တင်ရင်း လူမျိုးကြီးဝါဒဖော်ထုတ်ချက်ကို တွေ့လိုက်ရပေသည်။ လက်ကိုင်ဆိုင်းဘုတ်တစ်ခုတွင် “ကျွန်ုပ်တို့သည် လှေစီးရွှေ့ပြောင်းသူ အမည်ခံ အကြမ်းဖက်သမားတို့၏တိုက်ခိုက်မှုကို ခံနေရသည်” ဟု ရေးသားထား၏။

    ထိုချီတက်ဆန္ဒပြမှု၏ရည်ရွယ်ချက်မှာ မြန်မာနိုင်ငံပေါ် ကုလသမဂ္ဂ၏ အနိုင်ကျင့်မှု ရပ်တန့်စေရန်ဖြစ်သည်ဟု စင်္ကာပူတွင် အလုပ်လုပ်ကိုင်နေပြီး ခေတ္တ အလည်အပတ်ပြန်စဉ် ပါဝင်ဆန္ဒပြသူ May Thande Aye က ပြောသည်။ “ဘင်္ဂလီက ဘင်္ဂလီပါပဲ။ ယဉ်ကျေးမှု၊ စရိုက်နဲ့ အစားအသောက် – တစ်ခုမှမတူပါဘူး” ဟုဆိုကာ ရိုဟင်ဂျာ အများစုသည် မြန်မာနိုင်ငံအတွင်း မျိုးဆက် အလီလီနေထိုင်လာခဲ့ကြသည် ဟူသော အမြင်ကို ပယ်ချခဲ့သည်။ “အဲ့ဒီဇာတ်လမ်းတွေဟာ အလိမ်အညာတွေဖြစ်တယ်။ ဒီနိုင်ငံက လက်မခံတဲ့ မီဒီယာက သတင်းတုတွေဖြစ်တယ်”။

    မည်သို့ဆိုစေ လှေစီးရွှေ့ပြောင်းသူများအရေးသည် ကမ္ဘာ့ခေါင်းကြီးသတင်းဖြစ်လာသောကြောင့် အစိုးရသည် ရိုဟင်ဂျာတို့အပေါ် ဆက်ဆံရေးကို ပုံဟန် တစ်မျိုးဖြင့် အသွင်ပြောင်းဖွယ်ရှိသည်။

    လက်ရှိတွင် လှေစီးရွှေ့ပြောင်းသူများ၌ ဘင်္ဂလားဒေ့ရ်ှနိုင်ငံသား အများအပြား ပါဝင်နေသည်။ ထိုသူတို့သည် ရိုဟင်ဂျာများ မဟုတ်ကြ။ ပိုမိုကောင်းမွန်သည့် စီးပွားရေးအခွင့်အလမ်းရှာဖွေရန် ထွက်ခွာလာကြသူများသာဖြစ်၍ ဇာတိနိုင်ငံသို့ ပြန်ပို့ခံရပေမည်။ သို့သော် နောက်ဆုံး ၀င်ရောက်လာသော ရွှေ့ပြောင်း ရိုဟင်ဂျာများကို အခြားတိုင်းပြည်များမှ ပြန်လည်နေရာချမှု စီစဉ်ပေးနိုင်ပါက တစ်နှစ်ခန့် စောင့်ရှောက်မှုပေးမည်ဟု အင်ဒိုနီးရှားနှင့် မလေးရှားတို့မှ သဘောတူထားသည်။ ရိုဟင်ဂျာတစ်ချို့ကို ပြန်လည်နေရာ ချပေးရန် စဉ်းစားဖို့ရှိကြောင်း အမေရိကန်ဖက်က ဆိုသည်။ အမေရိကန်နိုင်ငံသည် လွန်ခဲ့သည့်ငါးနှစ်ကျော် ၂၀၁၀ ခုနှစ်တွင် ရိုဟင်ဂျာလူမျိုး ၅၄ ဦးကို စတင်ပြီး နှစ်စဉ်လက်ခံရာမှ ၂၀၁၅ ခုနှစ်တွင် ၁၁၂၉ ဦး – စုစုပေါင်း ၂၆၁၃ ဦးအထိ လက်ခံခဲ့ကြောင်း လူဦးရေ၊ ဒုက္ခသည်နှင့် ရွှေ့ပြောင်းအခြေချမှုဆိုင်ရာ ဋ္ဌာန၏စာရင်းဇယားအရ သိရသည်။

    လူများစွာတို့မှာ ဒုက္ခသည် စခန်းများတွင် နှစ် အနည်းငယ် သောင်တင်နေဖွယ်ရှိ၏။ “ရိုဟင်ဂျာတွေကို အချိန်တိုအတွင်း ပြန်ပို့ဖို့ မလွယ်သေးဘူး။ ရေရှည် အတွက် အဖြေမရမချင်း ယာယီနေထိုင်ရေး အစီအစဉ်ပုံစံ တစ်ချို့ လိုအပ်ပါလိမ့်မယ်” ဟု ဘန်ကောက်ရှိ ဒုက္ခသည်များဆိုင်ရာ ကုလမင်းကြီးရုံး၏ ပြောခွင့်ရသူ Vivian Tan ကဆိုသည်။

    လတ်တလောတွင် အကြမ်းဖက်မှုများ မရှိသေးသော်လည်း မြန်မာနိုင်ငံမှ ကျန်မွတ်စ်လင်မ်များ အရေးတွင်လည်း သတိထားနေကြရသည်။ အစိုးရ လက်အောက်ခံ တစ်ဦး(နေမျိုးဝေ)က ဖေ့စ်ဘွတ် စာမျက်နှာပေါ်တွင် အစည်းအဝေး တက်ရောက်သူများကို ၀ါးလုံးဖြင့်ရိုက်ကာ ၀က်သားကျွေးမည်ဟု ခြိမ်းခြောက်လိုက်ပြီးနောက်ပိုင်း သံဃာအချို့၏ ဆန့်ကျင် ကန့်ကွက်မှုကြောင့် မွတ်စ်လင်မ်တို့၏ပြည်လုံးကျွတ် ညီလာခံအား အစိုးရမှဖျက်သိမ်းစေလိုက်သည်။

    မိမိသည်လည်း ဖုန်းဆက်၍ တစ်မျိုး စာရေးပေးပို့၍ တစ်ဖုံ ဗုဒ္ဓဘာသာဝင်များထံမှ ခြိမ်းခြောက်မှု ခံနေရကြောင်း၊ ယခင် ၂ နှစ်က ရခိုင်ပြည်နယ်သို့ အလည်ရောက်ရာတွင် လူရမ်းကား တစ်စု၏ရိုက်နှက်မှု ခံခဲ့ရကြောင်း ဘာသာပေါင်းစုံ ချစ်ကြည်ရေး လုပ်ငန်းများလုပ်ဆောင်နေသူ ကိုအောင်နိုင်ဝင်းက ပြောပြသည်။ ထို့ပြင် သူသည် ဗုဒ္ဓဘာသာဝင်တို့နှင့် လက်ရည်တစ်ပြင်တည်း နေထိုင်နိုင်အောင်ကြိုးပမ်းချက်များအပေါ် မွတ်စ်လင်မ်တို့၏ဝေဖန်ပြစ်တင်မှုကိုလည်း ခံနေရ၏။

    “လက်ရှိနိုင်ငံရေးအခင်းအကျင်းကြောင့် စွန့်ခွာထွက်သွားချင်တဲ့ မွတ်စ်လင်မ်တွေ အများအပြားရှိနေပါပြီ။ ကျွန်တော်ပင်လျှင် မလုံခြုံတော့ဘူးလို့ ခံစားနေရပါတယ်”။

    xxxxxxxxxxxxxxxxxxxxxxxxxxxxx

    Joseph Schatz ရေးသားသော In Myanmar, attacking the Rohingya is good politics ဆောင်းပါးကို “မြင့်မိုရ်မောင်မောင်” မှ ဆီလျော်အောင်ပြန်ဆိုရေးသားသည်။

  • နီပေါငလျင်၊ မာယာနှင့် မျှော်လင့်ချက် အလင်းတန်းတစ်ခု

    နီပေါငလျင်၊ မာယာနှင့် မျှော်လင့်ချက် အလင်းတန်းတစ်ခု

    မေ ၂၈ ၊ ၂၀၁၅
    M-Media
    150522134623-nepal-girl-amputee-exlarge-169
    – တစ်ခါတစ်ရံတွင် ဘ၀က မမျှော်လင့်သော အပြောင်းအလဲများကို ဖြစ်စေပြီး ထိုအပြောင်းလဲများက ကြိုတင်စီစဉ်ထားသည့် ပုံမျိုးလားဟုပင် ထင်ရသည်။ နီပေါငလျင်ကြောင့် ခံစားခဲ့ရသော အသက် ၁၀ နှစ်အရွယ် မာယာ ဂူရန်၏ ဘ၀ကလည်း ထိုနည်းနှင်နှင်ပင်ဖြစ်သည်။

    ယခုလအစောပိုင်းက မာယာကို ခတ္တာမန်ဒူ၌ ကျွန်မ သွားရောက်တွေ့ဆုံခဲ့ပြီး သူ့အကြောင်းကို မေးမြန်းခဲ့သည်။ ဧပြီ ၂၅ ရက်နေ့က ရုတ်တရတ်လှုပ်ခတ်ခဲ့သော ငလျင်တွင် သူမမှာ ဘယ်ဘက်ခြေထောက် အောက်ပိုင်း ဆုံးရှုံးခဲ့ရပြီး သူမ၏ ခက်ခဲကြမ်းတမ်းသည့်ဘ၀က ပို၍ ကြမ်းတမ်းလာခဲ့သည်။ သူမမှာ ဟိမ၀န္တာတောင်တန်းရှိ ဖွံ့ဖြိုးမှုနိမ့်ကြသော ဒေသလေးတွင် ဆင်းရဲပင်ပန်းစွာ နေထိုင်ရသူဖြစ်သည်။ ခြေထောက်တစ်ဖက်မရှိသည့် သူမ၏ ဘ၀က ဆိုးဝါးသည့် အလှည့်အပြောင်း ဖြစ်လာသည်။

    ခတ္တာမန်ဒူဆေးရုံတွင် ကုသပေးသော ဆရာဝန်အနေဖြင့် ခြေတုတတ်ပေးမည်ဟု မာယာနှင့် သူမ၏ဖခင် ဘဟင် ဘဟာဒူး ဂူရန်တို့ နှစ်ယောက်စလုံးက မြင့်မားသော မျှော်လင့်ချက်များ ထားခဲ့ကြသည်။ သို့သော်လည်း ငလျင်ပြီးနောက် ဆေးရုံတွင် လူနာများဖြင့် ပြည့်ကျပ်နေကာ မာယာအနေဖြင့် ခြေတုတပ်ရန် လများစွာကြာ စောင့်ရမည်ဟု ဆရာဝန်က ဖခင်ဖြစ်သူကို ပြောခဲ့သည်။

    ငွေမရှိသည့် ဂူရန်တစ်ယောက် အမျိုးသမီး ခွဲစိတ်ဆောင်ရှိ ခုတင်နံပါတ် ၄၁ တွင် ဆေးကုသမှု ခံယူနေရသော သမီးဖြစ်သူကို မ၍ ကျောတွင်ပိုးကာ ဂေါရ်ခါးခရိုင်ရှိ ၎င်းတို့၏ ကာစီဂါအွန်ရွာသို့အရောက် ခက်ခဲကြမ်းတမ်းသည့် ခရီးရှည်ကြီးကို စတင်ခဲ့သည်။

    မာယာမှာ အိမ်အနည်းငယ်သာ မပြိုမလဲ ထီးထီးချည်းကျန်နေသော ရွာပျက်ကြီးကို ဇာတိအဖြစ်သတ်မှတ်၍ နေရမည်။ မိသားစုအား ကျွေးမွေးရန်နှင့် အမိုးအကာအောက်တွင်ထားရန် ရုန်းကန်နေရသည့် မိဘများအတွက် သူမက ၀န်ထုတ်ဝန်ပိုး ဖြစ်တော့မည်။ သူမအနေဖြင့် ဖခင်ဖြစ်သူ စိုးရိမ်သကဲ့သို့ အပယ်ခံဘ၀ ရောက်ရတော့မည်ဖြစ်ပြီး မည်သည့် အမျိုးသားမှ လက်မထပ်ချင်သည့် အမျိုးသမီးတစ်ဦးအဖြစ် ကြီးပြင်းရတော့မည်ဖြစ်သည်။

    သို့သော်လည်း မေလ ၁၂ ရက်နေ့ နေ့လည်ပိုင်းတွင် အပြောင်းအလဲတစ်ခု ဖြစ်ပွားခဲ့သည်။

    ဒုတိယမြောက်ငလျင်က ဟိမတန္တာတစ်ဝိုက်တွင် ထပ်မံလှုပ်ခတ်ခဲ့ပြီး မာယာ၏ ဘ၀လမ်းကြောင်းကို နောက်ထပ် အလှည့်အပြောင်းတစ်ခုဆီသို့ ခေါ်ဆောင်သွားလေတော့သည်။

    150522134254-nepal-maya-amputation-exlarge-169

    အခွင့်အလမ်းပေါ်လာခြင်း

    ပထမတစ်ကြိမ် ငလျင်လှုပ်သည့်နေ့တွင် ဟိမ၀န္တာတောင်ပေါ်မှ ဖုန်လုံးကြီးများ၊ ကျောက်တုံးများနှင့် အိမ်များက ဂေါရ်ခါးခရိုင်အပေါ်ကို လိမ့်ဆင်းလာပြီး ၎င်းတို့နေရာက ဗုံးကြဲခံရသကဲ့သို့ ဖရိုဖရဲဖြစ်ခဲ့သည်။ ကျောင်းတုံးကြီးတစ်တုံးက မာယာ၏ ဘယ်ဘက်ခြေထောက်ကို ပိသွားသည်။

    ၂ ရက်နီးပါးကြာမှ သူမကို ခတ္တာမန်ဒူရှိ ထရီဘူဗန် တက္ကသိုလ် သင်ကြားရေးဆေးရုံသို့ လေယာဉ်ဖြင့် ပို့ဆောင်ပေးခဲ့ကြသည်။ ဆရာဝန်များက ခြေထောက်ဖြတ်ပစ်ရန်မှလွဲ၍ ၎င်းတို့တွင် မည်သည့်ရွေးချယ်မှုမှမရှိဟု ပြောကြားခဲ့သည်။ သူမကို စတွေ့စဉ်က မာယာမှာ နာကျင်မှုကြောင့် ရှုံ့မဲ့နေသည်။ မျက်ရည်ပူများကလည်း သူမ၏ ညစ်ထေးသော ပါးပြင်ပေါ်တွင် စီးကျနေသည်။

    နေ့လည်ပိုင်းအချိန်တော်တော်များများကို ကျွန်မက သူမ၏ ဆေးရုံခုတင်တွင် ထိုင်ကာ ကုန်ဆုံးခဲ့ပြီး ဖခင်ဖြစ်သူနှင့် စကားပြောခဲ့သည်။ သူက မာယာ၏ သာမန်ဘ၀မှာ ဆုံးရှုံးသွားပြီဟု ၀မ်းနည်းကြေကွဲနေသည်။

    ကျွန်မ နီပေါမှ ပြန်လာသည့်အခါ မာယာ၏ ဖခင်ကို ခတ္တာမန်ဒူတွင် အလုပ်လုပ်နေသည့် ဂျာနယ်လစ် အယုရှ် ခဒ်ကာမှတစ်ဆင့် ဆက်သွယ်ရန် ကြိုးစားခဲ့သည်။ မာယာမှာ ဆေးရုံးမှ ဆင်းသွားသည်ကို သိခဲ့ရပြီး ထို့နောက်တွင် သူမ၏ ဖုန်းကို ခေါ်၍ မရတော့။
    150522134955-nepal-girl-amputee-exlarge-169
    ကျွန်မ အဆက်အသွယ်မရသည့်အချိန်တွင် မာယာနှင့် သူမ၏ ဖခင်တို့မှာ ရုမ်ချက် ရွာသို့ ရောက်သွားခဲ့ပြီး ဒုတိယအကြိမ် ငလျင်လှုပ်သည့်အချိန်တွင် ထိုရွာ၌ ရှိနေကြသည်။ ထိုရွာတွင် ၀ါရှန်တန်တက္ကသိုလ်မှ ဘွဲ့ရတစ်ဦးဖြစ်ပြီး ရည်ရွက်ချက်တစ်ခု ရှိနေသည့် ဂျဝါလန့် ဂူရန်က ၎င်းတို့အား တွေ့ရှိခဲ့သည်။

    ၂၀၀၆ ခုနှစ်အတွင်း သူ၏ MBA ပရောဂျက်တစ်ခုအတွက် ဂျဝါလန့် ဂူရန်မှာ ရိန်နီယာတောင်တွင် ရန်ပုံငွေရှာဖွေရေး တောင်တက်မှုတစ်ခုကို စီစဉ်ခဲ့ပြီး နီပေါရှိ ကျေးလက်ဒေသပညာရေးအား ထောက်ပံ့ရန်အတွက်လည်းပါသည်။ ဂူရန်မှာ 3 Summits ခေါင်းစဉ်ဖြင့် နီပေါအတွက်ပြုလုပ်သည့် ရန်ပုံငွေလှုပ်ရှားမှုမှတစ်ဆင့် အဆိုပါ တောင်တက်မှုကို ပြုလုပ်ခဲ့ခြင်းဖြစ်သည်။ ထိုလှုပ်ရှားမှုမှ ဒေါ်လာ ၂ သိန်း ရခဲ့ပြီး နီပေါရှိ ကျေးလက်ဒေသများတွင် ကျောင်း ၆ ကျောင်း ဆောက်ပေးနိုင်ခဲ့သည်။

    150522134800-nepal-girl-amputee-exlarge-169

    ဧပြီ ၂၅ ရက်နေ့ နီပေါငလျင်အတွင်း ဂူရန်မှာ နီပေါတွင်ရှိနေပြီး ကူညီကယ်ဆယ်ရေးလုပ်ငန်းများသို့ ခြေစုံပစ်ဝင်ခဲ့သည်။ ငလျင်ဗဟိုချက်အနီးရှိ ဆင်ဂလာရွာမှာ ၎င်း၏လမ်းညွှန်များနှင့် အထမ်းသမားအမြောက်အများ နေထိုင်ရာ ရွာများထဲမှ တစ်ရွာဖြစ်ပြီး ထိုဖြစ်ရပ်ဆိုးကြီးက ၎င်းအတွက် ကိုယ်ပိုင်ပြဿနာ ဖြစ်လာခဲ့သည်။

    ဂူရန်မှာ ဧပြီ ၂၅ ရက် ငလျင်ဒဏ်ကို အဆိုးဝါးဆုံး ခံခဲ့ရသည့် ဂေါရ်ခါးခရိုင်သို့ အရေးပေါ် ထောက်ပံ့ရေးပစ္စည်းများ စတင်ပေးပို့ခဲ့သည်။ တာလပတ်များ၊ ဆေးများ၊ စောင်များနှင့် ဆန်တို့ကို သယ်ဆောင်၍ ရမ်ချက်ဒေသသို့ရောက်ရန် ဂူရန်မှာ ၂ ရက်ကြာ လမ်းလျှောက်ခဲ့ရသည်။ ၎င်း၏ တကိုယ်လုံးတွင်လည်း ဖုန်များပေကျံကာ ကို့ရို့ကားယားဖြစ်နေသည်။ တစ်စစီဖြစ်နေသော အိမ်များ၊ ပြိုကျလုမတတ်ဖြစ်နေသော အိမ်များကလည်း နောက်ထပ်မြေပြိုမှုကို စောင့်နေသယောင်ယောင်။

    150522135203-nepal-girl-amputee-exlarge-169

    အိမ်သို့ ခရီးကြမ်းနှင်နေသည့် ဖခင်၏ကျောပေါ်တွင် ကုန်းပိုးလိုက်လာသော မာယာကို တွေ့သည့်အခါ ကူညီနိုင်မည်ဆိုသည်ကို သူသိခဲ့သည်။ ဖခင် သို့မဟုတ် သမီးဖြစ်သူကို ခတ္တာမန်ဒူသို့ ခေါ်ဆောင်သွားပေးရမလားဟု သူက မေးခဲ့သည်။

    “ကျွန်တော် သူ့ကို စောင့်ရှောက်ပေးမယ်ဆိုတာ မာယာရဲ့အဖေကို သေချာပြောခဲ့ပါတယ်။ ပြီးတော့ ကျွန်တော့်မှာ သူငယ်ချင်းဆရာဝန်တစ်ယောက် ရှိတယ်ဆိုတာကိုလည်း ကျွန်တော် သူတို့ကို ပြောခဲ့ပါတယ်” ဟု ဂူရန်က ပြောကြားခဲ့သည်။

    ၎င်း၏ သူငယ်ချင်း ဘီဘက် ဘန်စကိုတာက သာမန်ဆရာဝန်တစ်ယောက်မဟုတ်။ ဘန်စကိုတာ၏ ဖခင်မှာ မာယာကဲ့သို့ နီပေါရှိ ဝေးလံခေါင်သောသီဒေသများ၌ နေထိုင်သည့် ချို့တဲ့သော ကလေးငယ်များကို ကုသမှုများပေးရန် လွန်ခဲ့သည့် နှစ်များစွာကတည်းက အမေရိကမှ နီပေါသို့ ပြန်လာခဲ့သည့် အရိုးခွဲစိတ်ကု ဆရာဝန်ဖြစ်သည်။

    ၁၉၈၆ နှစ်တွင် သူက အကျိုးအမြတ်မယူသည့် ဆေးရုံတစ်ခုနှင့် မသန်းစွမ်းကလေးငယ်များအတွက် ပြန်လည်ထူထောင်ရေးစင်တာ HRDC ကို ဖွင့်လှစ်ခဲ့ပြီး ခြေထောက်ခွင်ခြင်း၊ ခါးရိုးမသန်ခြင်းနှင့် အခြားသော မသန်စွမ်းရောဂါများကို ခံစားနေရသည့် ကလေးငယ် ထောင်ပေါင်းများစွာကို ကူညီကုသပေးခဲ့သည်။ အဆိုပါဆေးရုံမှာ ပစ်ပယ်ခံထားရသည့် ကလေးများအတွက် အရိုးကြော ကုသမှုကိုလည်း အထူးပြုလုပ်ပေးခဲ့သည်။

    ဘီဘက် ဘန်စကိုတာကလည်း ဖခင်ဖြစ်သူ၏ တိုက်တွန်းမှုကို လိုက်ခဲ့သောကြောင့် အရိုးခွဲစိတ်ကု ဆရာဝန် ဖြစ်နေပြီဖြစ်သည်။

    ဘန်စကိုတာက မာယာအား ခြေတုတပ်ပေးနိုင်သည်ဆိုသည်ကို ဂျဝါလန့် ဂူရန်က သိခဲ့သည်။

    “ခင်ဗျားရဲ့ဆေးခန်းကို ဒီကလေးမလေး ခေါ်လာလို့ရမလား” ဟု သူက ဘန်စကိုတာကို တယ်လီဖုန်းထဲတွင် မေးခဲ့သည်။ ခေါ်လာခဲ့ဟု အဖြေရသည့်အခါ ဂူရန်က မာယာ၏ အဖေကို စိတ်ပါလာအောင် စည်းရုံးရပြီး ခတ္တာမန်ဒူသို့ ပြန်လာခဲ့သည်။

    ထိုအခြေအနေက ဘဟင် ဘဟာဒူး ဂူရန်အတွက် သီတင်းပတ်ပေါင်းများစွာ အိပ်မက်ဆိုး မက်ခဲ့ရပြီးနောက် ပျော်စရာကောင်းသည့် အိပ်မက်မျိုး ဖြစ်လာတော့မည့် အနေအထားလည်း ဖြစ်သည်။ အခုအချိန်တွင် ၎င်း၏ သမီးဖြစ်သူက လူကောင်းပုံစံမျိုး ပြန်ဖြစ်ရန် အခွင့်အရေးရတော့မည်ဖြစ်သည်။

    ကံကောင်းသည့် ကြားဝင်မှု

    ပြီးခဲ့သည့်သီတင်းပတ်နှောင်းပိုင်းမှ တစ်နေ့တွင် ဂျဝါလန့် ဂူရန် တည်ထောင်ထားသည့် ဆီယက်တဲလ်မြို့အခြေစိုက် Grand Asian Journeys ကုမ္ပဏီမှ လုပ်ငန်းဆောင်ရွက်ရေး ဒါရိုက်တာဖြစ်သော ပန်ပါရီ၏ ဖုန်းခေါ်မှုကို ကျွန်မ ရခဲ့သည်။ မာယာ၏အကြောင်းကို CNN မှ ဖတ်လိုက်ရပြီးနောက် ဂူရန်က ကယ်တင်ခဲ့သော မိန်းကလေးဖြစ်ကြောင်း မှတ်မိသွားခဲ့သည်။ ထိုအချိန်တွင် မာယာ၌ ကောင်းမွန်သော အနာဂတ် ရလာတော့မည်ကို ကျွန်မ သိလိုက်ရသည်။

    မာယာအား ပြီးခဲ့သည့် ရက်အနည်းငယ်အတွင်း ကုသပေးနေသည့် ဒေါက်တာ ဘန်စကိုတာကို ကျွန်မ ဖုန်းခေါ်လိုက်သည်။

    မာယာအနေဖြင့် ဒူးဆစ်အောက်မှ ဖြတ်လိုက်ရခြင်းမှာ ကံကောင်းသည်ဟု သူက ကျွန်မကိုပြောသည်။ ခြေထောက်ခွဲစိတ်မှုလုပ်ငန်းစဉ်က အတော်လေးလက်ဝင်ခဲ့သည်။

    “ခွဲစိတ်မှုက တော်တော်ကောင်းပါတယ်။ ဒါပေမယ့် ဖြတ်ထားတဲ့နေရာက အနာဟာ အခုမှ ကျက်နေတုန်းပါ” ဟု သူက ပြောခဲ့သည်။

    ခြေထောက်အတု အံကိုက်ဖြစ်ရန်အတွက် မာယာ၏ ခြေထောက်ကို ဘန်စကိုတာက တိုင်းပြီးခဲ့ပြီ။ သို့ရာတွင် အဆင်သင့်မဖြစ်သေးသည့်အတွက် သီတင်းပတ်အနည်းငယ်တော့ သူမ စောင့်ရလိမ့်မည်။

    “နီပေါ ကျေးလက်ဒေသက ကလေးငယ်အများစုရဲ့ ဘ၀တွေဟာ တော်တော်လေး ခက်ခဲကြမ်းတမ်းပါတယ်။ သူတို့မှာမရှိတဲ့ အရာတော်တော်များများကို ကျွန်တော်တို့က ဖြည့်ဆည်းပေးရပါတယ်။ ဒီလောက် ဒူပေဒါပေခံနိုင်တဲ့ ဒီကလေးတွေကို ကျွန်တော် အမြဲတမ်း အံ့သြရပါတယ်” ဟု ဘန်စကိုတာက ပြောကြားခဲ့လေသည်။

    မာယာ၏ အပြုံးက လှုံ့ဆော်အားပေးမှုကို ဖြစ်စေသည်ဟု သူကဆိုသည်။ ခြေ၊ လက်များဖြတ်ထားရသည့် ကလေးငယ်အချို့အပါအ၀င် အခြားကလေးငယ်များ ပတ်လည်ဝိုင်းနေသည့် ဆေးရုံတွင် မာယာတစ်ယောက် ပျော်ရွှင်လာသည်ကို သူ မြင်ရသည်။ မသန်စွမ်းဖြစ်နေသည်မှာ သူမတစ်ဦးတည်း မဟုတ်ဟု သူမကို ဖြေသိမ့်စရာဖြစ်စေသောကြောင့်လည်း ဖြစ်မည်။

    ဘန်စကိုတာ၏ ဆေးရုံအပြင်ဘက်တွင် အကူအညီလိုအပ်နေဆဲဖြစ်သော ငလျင်ဒဏ်ခံရသူများ၏ တဲတန်းများရှိနေပြီး ဧပြီ ၂၅ ရက်နေ့ကတည်းက ဆရာဝန်များမှာ တောက်လျှောက် လုပ်နေကြရသည်။ မာယာကတော့ အကြင်နာလက်များအတွင်း ရှိနေသည်ဟု ကျွန်မထင်သည်။

    အခန်းတစ်ခန်းထဲရှိသည့် အိမ်၏ ထောင့်တစ်ထောင့်တွင်ထိုင်နေသော မာယာကို ကျွန်မ ဓာတ်ပုံရိုက်ခဲ့သည်။ အခုတော့ သူမတစ်ယောက် ကျောက်သားအတိပြီးသည့် တောင်ပေါ်လမ်းများတွင် တစ်ရွာဝင်တစ်ရွာထွက် ပြေးလွှားသွားနိုင်တော့မည်မဟုတ်။ ထိုကဲ့သို မမျှော်လင့်သည့် အပြောင်းအလဲအား တွေ့ကြုံသိမြင်ရသည်ကို ကျွန်မ ၀မ်းသာသည်။ ဒီနေရာတွင်ရှိနေသည့် ဇာတ်လမ်းများက ယခုကဲ့သို့ တိုးတက်မှုမျိုး သိပ်မရှိ။ သို့သော်လည်း ဆင်းရဲမွဲတေမှုကြီးမားပြီး သယံဇာတ အကန့်အသတ်ရှိသည့် ဒီလိုနိုင်ငံမျိုးတွင် အဆုံးသတ်ကို လုံးဝ ခန့်မှန်း၍ မရပေ။

    သို့သော်လည်း အခုအချိန်တွင်တော့ ကြင်နာတတ်သူ လူစိမ်းများ၏ ကျေးဇူးကြောင့် မာယာတွင် မျှော်လင့်ချက် ရှိလာခဲ့ပြီ ဖြစ်လေသည်။

    CNN မှ သတင်းဆောင်းပါးကို လေးမောင် ဆီလျော်အောင် ဘာသာပြန်ဆိုသည်။

  • မြန်မာပြည်က မွတ်စ်လင်မ်တို့ရဲ့အကြမ်းဖက် အစီအစဉ် အမှန်တကယ် ရှိပါ့မလား ?

    မြန်မာပြည်က မွတ်စ်လင်မ်တို့ရဲ့အကြမ်းဖက် အစီအစဉ် အမှန်တကယ် ရှိပါ့မလား ?

    မေ ၂၆ ၊ ၂၀၁၅
    M-Media
    မူရင်း ဆောင်ပါးရှင် Carlos Sardiña Galache And Veronica Pedrosa

    DSC08585
    နိုင်ငံ့ လူနည်းစုဝင် မွတ်စ်လင်မ်တွေကို မတရားဆက်ဆံနေတဲ့ မြန်မာ အစိုးရဟာ လူတစ်ဒါဇင်နဲ့ အထက်ကို အကြမ်းဖက် အုပ်စုဝင်တွေပါဆိုပြီး ဖမ်းဆီး ထိန်းသိမ်းထားပါတယ်။ ဒီအပေါ် တရာခံရှေ့နေများနဲ့ လုံခြုံရေးကျွမ်းကျင်သူများက အဲ့ဒီလို လှုပ်ရှားမှုဖြစ်စဉ်မျိုး တကယ်မရှိကြောင်း ဆိုပါတယ်။

    ဦးသိန်းစိန် အစိုးရက မြန်မာမွတ်စ်လင်မ် စစ်တပ် အမှန်ရှိကြောင်း တစ်စုံတစ်ရာသော အထောက်အထားကို ဖွင့်ထုတ်ဖော်ပြဖို့ ငြင်း ဆိုထားတယ်။ ဒါဟာ မွတ်စ်လင်မ်တွေကို ကာလကြာရှည် ညှင်းဆဲမှုကိစ္စမှာ အခင်းအကျင်းသစ် တစ်ရပ်ပြင်ဆင်နိုင်ဖို့ အစ္စလာမစ် အကြမ်းဖက် အန္တရာယ်ရှိနေကြောင်း အစိုးရဖက်က တီထွင်လိုက်တာလို့ ခန့်မှန်းချက်မြှင့်တက်လာနေပါတယ်။ ဖမ်းဆီးခံရတဲ့ပမာဏ အတိအကျကို ရှင်းလင်းစွာ မသိရှိရသေးပါဘူး။ ဒါပေမယ့် The Intercept သတင်းဋ္ဌာနက အမှုသုံးခုနဲ့ပတ်သက်ပြီး မြန်မာနိုင်ငံထဲ  အင်တာဗျူးတွေလုပ်ခဲ့သလို အထောက်အထားတွေလည်း ရရှိထားပြီဖြစ်ပါတယ်။ ပထမအမှုကတော့ အကြမ်းဖက်အုပ်စုနဲ့ ဆက်နွှယ်နေတယ်လို့ စွပ်စွဲခံရသူ ၁၂ ဦးရဲ့ကိစ္စဖြစ်ပါတယ်။ ဒုတိယအမှုကတော့ နိုင်ငံတွင်း ဗုံးထောင်ဖို့စီစဉ်နေတယ်လို့စွပ်စွဲခံရသူ ၅ ဦးရဲ့ကိစ္စဖြစ်ပြီး၊ တတိယအမှုကတော့ အကြမ်းဖက်အုပ်စုကို ငွေကြေးထောက်ပံ့ပါတယ်လို့စွပ်စွဲခံထားရသူရဲ့ကိစ္စဖြစ်ပါတယ်။

    The Intercept သတင်းအေဂျင်စီကရရှိထားတဲ့ ရုံးအမှုတွဲစာတမ်းတစ်ရပ်မှာ “တရားခံတွေဟာ  တရားမ၀င်ထူထောင် လှုပ်ရှားနေတဲ့ မြန်မာမွတ်စ်လင်မ် စစ်တပ်ရဲ့ စစ်စခန်းများမှာ သင်တန်းတက်ရောက်ခဲ့တယ်”လို့ ဖော်ပြထားပါတယ်။

    မွတ်စ်လင်မ်တွေဟာ တရားဝင်စာရင်းအင်းအရ မြန်မာ့လူဦးရေရဲ့ ၄ ရာခိုင်နှုန်းသာရှိပါတယ်။ ဒါပေမယ့် ပမာဏအမှန်က ၁၀ ရာခိုင်နှုန်း အထိလည်း ရှိကောင်းရှိပါလိမ့်မယ်။ မွတ်စ်လင်မ်တွေထဲ လူဦးရေအများဆုံးကတော့ မြန်မာနိုင်ငံအနောက်ပိုင်း ရခိုင်ပြည်နယ်မှာ ရှိတဲ့ ဒေသခံရိုဟင်ဂျာအုပ်စုပဲ ဖြစ်ပါတယ်။ အခြားအုပ်စုတွေက နိုင်ငံတစ်ဝှမ်းမှာ ပြန့်ကျဲလျက်ရှိပါတယ်။ ရိုဟင်ဂျာတွေက ညှင်းဆဲနှိပ်ကွပ်မှု အခံရဆုံးအုပ်စုဖြစ်ပါတယ်။ ဆယ်စုနှစ်ပေါင်းများစွာ နိုင်ငံသားအဖြစ်မှ အစိုးရက ငြင်းပယ်ထားတယ်။ သူတို့ဟာ လူမျိုးသုဉ်း ရှင်းလင်းရေး အစီအစဉ်ရဲ့ပစ်မှတ်တွေဖြစ်နေတာကြောင့် နယ်မြေစွန့်ပြေးလှေစီးခရီးသည်တွေ ဘ၀ကို ရောက်သွားစေတယ်လို့ လူ့အခွင့်အရေးအဖွဲ့အသီးသီးက ဆိုကြတဲ့အပြင်၊ ယခုနှစ်ပထမလလေးလတာအတွင်း အသက်ဆုံးရှုံးသူဦးရေ ခန့်မှန်း ၃၀၀ မျှရှိကြောင်း  ဒုက္ခသည်များဆိုင်ရာကုလသမဂ္ဂကော်မရှင်နာမင်းကြီးက ဆိုပါတယ်။

    ရိုဟင်ဂျာမဟုတ်တဲ့ မွတ်စ်လင်မ်တွေလည်း မြန်မာနိုင်ငံသားဖြစ်နေပါလျက် ခွဲခြားချိုးနှိမ်မှုကို ခံစားနေကြရပါတယ်။ လက်ရှိနှစ်များအတွင်း ရခိုင်ပြည်နယ်ပြင်ပမှာ မွတ်စ်လင်မ်ဆန့်ကျင်ရေးအကြမ်းဖက်မှုတွေ ကျယ်ကျယ်ပြန့်ပြန့် ပွင့်ထွက်လာခဲ့ပါတယ်။ မွတ်စ်လင်မ်တွေဆီမှာ “မြန်မာမွတ်စ်လင်မ်စစ်တပ်ရှိတယ်” သို့မဟုတ် အကြမ်းဖက်လှုပ်ရှားမှုတွေလုပ်ဖို့ ကြံစည်နေတယ်ဆိုတဲ့ စွပ်စွဲချက်တွေက အများအားဖြင့် မြန်မာနိုင်ငံအလယ်ပိုင်းနဲ့ မြောက်ပိုင်းဒေသများတစ်ခွင် အသံလွှင့်ထားကြတယ်။

    ဆယ်စုနှစ် ၅ ခုကြာ စစ်အုပ်ချုပ်ရေး လွန်မြောက်ပြီးနောက် စစ်ဗိုလ်ချုပ်များက စည်းကမ်းကျနသောဒီမိုကရေစီစနစ် ဆိုတဲ့အသုံးအနှုန်းနဲ့ နိုင်ငံရေး အကူးအပြောင်းကို ၂၀၁၁ ခုနှစ်မှာ စတင်ပြုလုပ်ခဲ့တယ်။ ဗိုလ်ချုပ်ဟောင်းတွေနဲ့ အရပ်သားတစ်ပိုင်း အစိုးရကို ဖန်တီးခဲ့တယ်။ နိုင်ငံရေးအကျဉ်းသား ရာပေါင်းများစွာကို လွတ်ငြိမ်းချမ်းသာခွင့်နဲ့ လွှတ်ပေးခဲ့တယ်။ ဒီမိုကရေစီခေါင်းဆောင် ဒေါ်အောင်ဆန်းစုကြည်ကိုလည်း ၁၅ နှစ်တာနေအိမ်အကျယ်ချုပ်ခံဘ၀ကနေ ၂၀၁၂ ခုနှစ်ရွေးကောက်ပွဲမှာ လွှတ်တော်အမတ် အဖြစ် အရွေးခံစေခဲ့ကြတယ်။

    ဒီကူးပြောင်းခြင်းက နှစ်တိုတိုအတွင်း နိုင်ငံတကာရဲ့လက်ခံမှုကို မထင်မှတ်လောက်အောင် အတိုင်းအတာတစ်ရပ်အထိ ရရှိသွားစေခဲ့တယ်။ ၂၀၁၂ ခုနှစ်မှာ ဘားရက်အိုဘားမားက မြန်မာနိုင်ငံကိုလာရောက်တဲ့ ပထမဆုံးအမေရိကန်သမ္မတ ဖြစ်လာပြီး ကူးပြောင်းမှုလုပ်ငန်းစဉ်ကို ချီးကျူးခဲ့တယ်။ ဟီလာရီကလင်တန်လည်း ၂၀၁၄ ခုနှစ် လာရောက်တဲ့အပြင်  ပြုပြင်ပြောင်းလဲရေး လုပ်ငန်းစဉ်အပေါ် အမွှမ်းတင်မှုရှိခဲ့တယ်။ မြန်မာအစိုးရဟာ မိမိတို့ရဲ့ ပုံရိပ်အရောင်တင်နိုင်ဖို့ ကလင်တန်ရဲ့ သမ္မတနေရာ မဲဆွယ်လှုပ်ရှားမှု ဥက္ကဌ ဂျွန်ပိုတက်စ်တာ တည်ထောင်ထားတဲ့ Podesta Group ကိုပင်လျှင် ငှားရမ်းထားပြီးဖြစ်ပါတယ်။

    မည်သို့ပင်ဆိုစေကာမူ ဗုဒ္ဓဘာသာဝင် လူများစုတိုင်းပြည်အတွက် နိုင်ငံရေးလွတ်လပ်ခွင့်တိုးတက်လာမှုများဟာ လူနည်းစုဝင် မွတ်စ်လင်မ်တွေ အတွက် ကံကြမ္မာဆိုးဝါးဖို့ တေ့တေ့ဆိုင်ဆိုင်ဖြစ်လာတယ်လို့ ဆိုရမှာပါပဲ။

    မြန်မာနိုင်ငံထဲက မွတ်စ်လင်မ်များဟာ ဗုဒ္ဓဘာသာဝင်လူများစုအ၀န်းအ၀ိုင်းအကြား နိုင်ငံခြားသားတွေ အဖြစ် အကြီးအကျယ် ပုံဖော်ခံနေကြရတယ်။

    ၂၀၀၁ ခုနှစ် ဘုရ်ှအစိုးရ လက်ထက်က သူတို့ရဲ့ “အကြမ်းဖက်မှုပေါ်စစ်ဆင်ရေး”  စတင်လိုက်ရာက မြန်မာမွတ်စ်လင်မ်တွေဟာ အကြမ်းဖက် အန္တရာယ်ရှင်တွေအဖြစ် စတင်ထိုးကျွေးခံရတာပါပဲ။ အမေရိကန်အစိုးရက စစ်အာဏာရှင်အုပ်စုကို ဖယ်ကြဉ်ပစ်ဖို့ ကြိုးစားနေချိန်မှာ နိုင်ငံတကာ မျက်နှာသာပေးမှု ရလိုတဲ့အတွက် ပြုလုပ်လိုက်တာလို့မြင်ပါတယ်။ ဒါပေမယ့် စစ်အုပ်စုရဲ့ မွတ်စ်လင်မ်တွေအပေါ်ရုပ်လုံးဖော်ချက်နဲ့အတူ ပြဿနာတစ်ခု ပြူထွက်လာပါတော့တယ်။ အဲ့ဒါက လတ်တလောဆယ်စုနှစ်များ အတွင်း မြန်မာနိုင်ငံထဲက တကယ့် အကြမ်းဖက် တိုက်ခိုက်မှုတွေမှာ မွတ်စ်လင်မ်တွေလုပ်ဆောင်ခဲ့ကြောင်း မည်သည့်မှတ်တမ်း အထောက်အထားမှ ရှိ မနေခြင်းပဲ ဖြစ်ပါတယ်။

    ခုချိန်မှာတော့ အမေရိကန်နဲ့ အခြား ရန်ဖက်တွေ ချီးကျူးခဲ့တဲ့ အကူးအပြောင်းကာလ၊ နိုဝင်ဘာမှာ ကျင်းပမယ့် ရွေးကောက်ပွဲနဲ့အတူ ဗိုလ်ချုပ်ဟောင်းအဖွဲ့မြန်မာ အစိုးရက နိုင်ငံတကာအသိုင်းအ၀ိုင်းမှာရော ဗုဒ္ဓဘာသာဝင်တွေလွှမ်းမိုးတဲ့ရွေးကောက်ပွဲမှာပါ မိမိတို့ရဲ့သြဇာအာဏာချုပ်ကိုင်မှု တရားဝင်ဖြစ်ဖို့ ခါတိုင်းအချိန်များထက် ပိုမိုလိုအပ်နေပါပြီ။ အကြမ်းဖက် ခြိမ်းခြောက်မှု အန္တရာယ်သစ်တစ်ရပ်ကို  ထုတ်ပြလိုက်ခြင်းဟာ “မိမိတို့သာလျှင် စည်းကမ်းကျနသောဒီမိုကရေစီစနစ်ဖြစ်ထွန်းဖို့ နိုင်ငံ့လုံခြုံရေးကို ကာကွယ်ပေးနိုင်သူဖြစ်တယ်” ဆိုတဲ့ စစ်တပ်ရဲ့ နှစ်ရှည်လများ ကြွေးကြော်ချက်ကို သွေးသစ်လောင်းလိုက်ခြင်းပါပဲ။

    ယမန်နှစ် နိုဝင်ဘာ ၁၇ ရက်ညဥ့်နှောင်းပိုင်း မန္တလေးမြို့က စိုးမိုးအောင်တို့မိသားစုတစ်စုလုံး မိမိတို့အိမ်ထဲ အိပ်မောကျနေစဉ်မှာ ရဲတပ်သား ၆ ဦး ရုတ်တရက်စီးနင်းဝင်ရောက်လာတယ်။ မိမိရဲ့သားဖြစ်သူကို သူတို့လက်ထဲလွှဲအပ်ဖို့ မိသားစုကို တောင်းဆိုတယ်။ သူတို့အိမ်ကိုဝိုင်းရံထားတဲ့ စစ်သားရော၊ ရဲသားတွေပါ ဘယ်သူကမှ ဖမ်းဝရမ်းပါကြောင်း မပြသခဲ့ပါဘူး။ ရဲစခန်းမှာ ထိန်းသိမ်းထားပြီး ၁၀ ရက်လောက် တွေ့ခွင့်မပေးခဲ့ဘူး။ ရှေ့နေငှားဖို့လည်း ငြင်းဆန်ခံခဲ့ရတယ်။ အသက် ၂၄ နှစ်အရွယ် သားဖြစ်သူ စိုးမိုးအောင်ကို ရုံးတင်စစ်ဆေးတဲ့အခါကျမှ မြန်မာမွတ်စ်လင်မ်စစ်တပ် နဲ့ ဆက်နွှယ်ပတ်သက်မှုနဲ့ စွဲချက်တင်ထားကြောင်း သိလိုက်ရပါတယ်လို့ မိခင်ဖြစ်သူ ဒေါ်နွယ်နီအောင်က ယခုနှစ်အစောပိုင်း အင်တာဗျူးမှာ ပြန်ပြောင်းပြောပြခဲ့ပါတယ်။

    “စစ်စခန်းတစ်ခုမှာ သင်တန်းသွားတက်ခဲ့တယ်ဆိုပြီး သူတို့က ကျွန်မသားကို စွပ်စွဲတယ်။ ဒါပေမယ့် ဒါဟာ မဖြစ်နိုင်တဲ့ကိစ္စပါ။ သူက အဆစ်အမြစ်ရောင်ရောဂါသည်ဖြစ်ပြီး နာမကျန်းဖြစ်လေ့ရှိတာကြောင့် ဘယ်လို စစ်သင်တန်းများ သွားတက်နိုင်မှာတဲ့လဲ” ဆိုပြီး မန္တလေးမှာ လူတွေ့မေးမြန်းစဉ် သူမက ဆိုပါတယ်။

    စိုးမိုးအောင်ရဲ့ရှေ့နေ ဒေါ်နန္ဒာမြင့်သိန်းက အဆိုပါအမှုထဲက နောက်ထပ်သံသယစွဲချက်လေးခုကို ကာကွယ်ချေပပေးလျက် ရှိပါတယ်။ မြန်မာမွတ်စ်လင်မ်စစ်တပ်အဖွဲ့ဝင်ဆိုပြီး စွပ်စွဲရုံးတင်ခံနေရသူ စုစုပေါင်း ၁၂ ဦးရှိတယ်လို့ The Intercept က ရလာတဲ့ အထောက်အထားများက ဖော်ပြနေပါတယ်။ သူတို့ဟာ ၁၉၅၀ ခုနှစ် အရေးပေါ်စီမံမှုအက်ဥပဒေအရ ထိန်းသိမ်းခံရတာ နိုင်ငံရေး အကျဉ်းသားများကူညီရေးအသင်း Assistance Association for Political Prisoners (Burma) ရဲ့ အဆိုအရ တက်ကြွလှုပ်ရှားသူတွေ၊ အတိုက်အခံတွေကို မတရားဖမ်းဆီးထိန်းသိမ်းတဲ့အခါတိုင်း အလားတူပုဒ်မမျိုး အသုံးပြုလေ့ရှိတယ်လို့ သိရပါတယ်။

    အယူခံဝင်ချေပခွင့် မပေးခဲ့တဲ့အပြင်၊ အကျဉ်းထဲမှာ ရက်များစွာထိန်းသိမ်းခံရပြီးနောက် အစွပ်စွဲခံရသူက ၀န်ခံလက်မှတ်ထိုးပေးလိုက်ရတယ်။ တရားခံအများစုဟာ တရားခွင်မရောက်ချိန်က တစ်ဦးနဲ့တစ်ဦးပင် မသိကျွမ်းကြပါဘူး လို့ ဒေါ်နန္ဒာမြင့်သိန်းက ဆိုပါတယ်။

    “မြန်မာမွတ်စ်လင်မ်စစ်တပ်နဲ့ ပတ်သက်တဲ့ အထောက်အထားအတွက် အထူးရဲတပ်ဖွဲ့ကို သက်သေခံအချက်အလက်တောင်းတဲ့အခါမှာ – အထက်ကရောက်လာတဲ့သတင်းအချက်အလက်ဖြစ်လို့ တရားရုံးပြင်ပမှာ ပြောပြခွင့်မရှိဘူး ဆိုပြီး ကျွန်မကို အဖြေပေးခဲ့ပါတယ်” လို့ သူမက ပြောပြပါတယ်။

    ဒီဆောင်းပါးအတွက် ပြုလုပ်တဲ့လတ်တစ်လောအင်တာဗျူးတစ်ခုမှာ သမ္မတရုံးညွှန်ကြားရေးမှူး ဦးဇော်ဋ္ဌေးက အစိုးရကို အကာအကွယ်ပေးဖြေကြားသွားပါတယ်။ “ပြည်ထဲရေးဝန်ကြီးဋ္ဌာနမှာ ဒီဖြစ်ရပ်နဲ့ပတ်သက်ပြီး အထောက်အထားအားလုံး ရှိနေပါတယ်။ ဒါပေမယ့် အများသိအောင် ထုတ်ပြခွင့် မရှိပါဘူး။ နိုင်ငံတော်လုံခြုံရေးကိစ္စဖြစ်နေလို့ပါပဲ”။ တရားရုံးမှာ စွဲချက်အထောက်အထားတွေကို ထိန်းချုပ်ထားတာကြောင်း တရားခံအတွက် တရားမျှတမှုကို ဘယ်လိုမျှော်လင့်နိုင်မလဲလို့ ဆက်ပြီးမေးမြန်းရာမျာ သူက “သူတို့အဖို့ ဆက်တက်မယ့်ရုံးတွေမှာ အယူခံဝင်ခွင့်ရှိပါတယ်” ဆိုပြီး ဖြေကြားပါတယ်။

    အဆိုပါအုပ်စုဝင် ဘယ်နှစ်ဦးထိ ရှိနေနိုင်မလဲလို့မေးမြန်းတဲ့အခါ ဦးဇော်ဋ္ဌေးက အမျိုးသားလုံခြုံရေးနဲ့ သက်ဆိုင်တဲ့ကိစ္စဖြစ်လို့ သတင်းပေါက်ကြားမခံဘူး ဆိုပြီး စကားလမ်းကြောင်းလွှဲခဲ့ပါတယ်။ ဒါပေမယ့် သူက “နိုင်ငံပြင်ပမှာ လှုပ်ရှားမှုအများအပြားရှိနေတယ်။ သူတို့က နိုင်ငံတွင်းလူတစ်ချို့နဲ့ အကြမ်းဖက်တိုက်ခိုက်မှုတွေ ဖြစ်လာအောင် လုပ်ချင်နေကြတယ်။ ဒါကြောင့် ကျွန်တော်တို့ဟာ ဖြစ်လာနိုင်ချေရှိတဲ့ဘယ်တိုက်ခိုက်မှုကိုမဆို ကာကွယ်နိုင်ဖို့ တင်ကြိုလက်ဦးမှုရယူခြင်းတစ်ရပ် လုပ်ဆောင်နေခြင်းဖြစ်ပါတယ်” ဆိုပြီး ပြောကြားသွားပါတယ်။

    ယမန်နှစ်ကတည်းကစပြီး အကြမ်းဖက်ခေါင်းစဉ်တပ်ပြီး ဖမ်းဆီးခံရသူ မွတ်စ်လင်မ်ပေါင်း ၁၀၀ ၀န်းကျင်ရှိနေပြီလို့ အရပ်ဖက်လူ့အဖွဲ့အစည်းတစ်ခုဖြစ်တဲ့ Legal Aid Documentation Team က ဆိုပါတယ်။

    အကြမ်းဖက်မှုလေ့လာရေး ကျွမ်းကျင်သူများ၊ လူ့အခွင့်အရေးအုပ်စုများက “မြန်မာမွတ်စ်လင်မ်တပ်မတော်” ရှိတယ်ဆိုတာကို အတည်ပြုချက်မပေးနိုင်သေးပါဘူး။ ဒါ့အပြင် စင်္ကာပူက အပြည်ပြည်ဆိုင်ရာနိုင်ငံရေး အကြမ်းဖက်မှုနဲ့အကြမ်းဖက်စနစ် သုတေသနဋ္ဌာန ဦးဆောင်သူ Rohan Gunaratna တစ်ဦးတည်းသာ ဒီအမည်ကို အသုံးပြုဖော်ပြထားတာရှိပါတယ်။ မကြားသေးမီက အစီရင်ခံစာတစ်စောင်ထဲမှာ “မြန်မာမွတ်စ်လင်မ်စစ်တပ် Myanmar Muslim Army (MMA) လို့ခေါ်တဲ့ အုပ်စုသစ်တစ်ခု ထွက်ပေါ်ခြင်းနဲ့ပတ်သက်လို့ ထိုင်းနယ်မြေထဲမှာ မြန်မာမွတ်စ်လင်မ်တွေ အတွက် သင်တန်းပေးတယ်ဆိုပြီး အတည်မပြုနိုင်တဲ့ သတင်းတွေတော့ ရှိပါတယ်” လို့ဖော်ပြထားပါတယ်။

    အမေရိကန်ပြည်ထဲရေး ဋ္ဌာနပြောရေးဆိုခွင့်ရှိသူ အင်တာဗျူး တစ်ခုမှာပြောကြားတာက အမေရိကန် အစိုးရအနေနဲ့ Gunaratna ရဲ့ရေးသားချက်မှအပ အခြားသတင်းအချက်အလက် ဘာမျှ မရှိပါဘူးတဲ့။ အရှေ့တောင်အာရှ လုံခြုံရေးနဲ့နိုင်ငံရေးကျွမ်းကျင်ပညာရှင် Zachary Abuza ကလည်း အဲ့ဒီ Myanmar Muslim Army ဆိုတာကို မကြားဖူးခဲ့ပါဘူးလို့ ဆိုပါတယ်။ “ဒီစကားသံတွေက ကျွန်တော့်အဖို့ လီဆည်ချက်တွေလို့ပဲ မြင်ပါတယ်။ နိုင်ငံတော်ကိုတိုက်ခိုက်နေတဲ့ ဘယ်အဖွဲ့ဖြစ်ဖြစ် စစ်အစိုးရရဲ့ အလိုကျအသုံးအနှုန်း “မြန်မာ” ဆိုတာကို အသုံးပြုမယ်လို့ ကျွန်တော် မယုံရဲရဲပါပဲဗျ” လို့ သူကပြောပါတယ်။ “မြန်မာ” ဆိုတာ ၁၉၈၉ ခုနှစ်မှာ စစ်အစိုးရက တိုင်းပြည်နာမည် “Burma” ကို အစားထိုးကင်ပွန်းတပ်လိုက်တဲ့ ဝေါဟာရဖြစ်ပါတယ်။ ဒါကြောင့် Abuza က “ဒီအမည်နာမနဲ့ တပ်မတော်(မြန်မာစစ်တပ်)ရဲ့နောက်ကြောင်းကို ခြေရာခံကြည့်ယင် နှိပ်စက်ညှင်းပန်းမှုအားဖြင့် ၀န်ခံချက်တွေကို  ထုတ်ပြတာဖြစ်ကြောင်း ဖြစ်နိုင်ချေသိပ်များနေပါပြီ” လို့ ဖြည့်စွက်ပြောပြခဲ့တယ်။

    အမှုသုံးခုမှာပါဝင်နေတဲ့ အသက် ၄၄ နှစ်အရွယ် လုပ်ငန်းရှင် ဦးခင်မောင်ရွှေ(ယူစုဖ်)ကို MMA တည်ထောင်ရေးမှာကူညီသူအဖြစ် စွပ်စွဲထားပါတယ်။ သူ့ကို ပြီးခဲ့တဲ့အောက်တိုဘာလက မန္တလေးမှာ ဖမ်းဆီးထိန်းသိမ်းခဲ့ခြင်းဖြစ်တယ်။ ဒါပေမယ့် သူ့ရှေ့နေ ဦးအောင်နိုင်စိုးက သူ့အမှုသည်ကို စစ်တပ်ထိန်းသိမ်းစဉ် ၀န်ခံချက် တစ်ခုတည်းအပေါ်မူတည်ပြီး အမှု တည်ဆောက်ခဲ့ကြောင်း၊ အခြားအထောက်အထား ဆိုလို့ တစ်စုံတစ်ရာမရှိကြောင်း ပြောပါတယ်။

    ဒီအမှုတွေထဲက စွဲချက်များကို အရေးပေါ်စီမံမှုဥပဒေလို့ဆိုပြီး ပြည်ထဲရေးဝန်ကြီးဋ္ဌာနက ကျားကန်ပေးထားပါတယ်။ ဒီလိုစွဲချက်နဲ့စီရင်ဖို့ ၀န်ကြီးကိုယ်တိုင်လက်မှတ်ထိုးထုတ်ပြန်ချက် အထောက်အထားတွေကို The Intercept က ရရှိထားပါတယ်။ “အစွပ်စွဲခံရသူအဖို့ အကြီးစားဝန်ထုပ်ကြီး ဖြစ်ရတယ်။ ဘာကြောင့်လဲဆိုတော့ ၀န်ကြီးအမိန့်ကိုမလိုက်နာခြင်းရဲ့ဆိုးကျိုးကို တရားရုံးက  ကြောက်နေလို့ဖြစ်ပါတယ်” လို့ ဦးအောင်နိုင်စိုးက ဆိုပါတယ်။

    မြန်မာနိုင်ငံတရားစီရင်ရေးစနစ်နဲ့စပ်လျဉ်းပြီး ပြည်ထဲရေး ၀န်ကြီးဋ္ဌာနရဲ့ တိုက်ရိုက်လက်လျှိုပတ်သက်မှုက သွေးရိုးသားရိုးကိစ္စ တစ်ရပ် မဟုတ်ပါဘူး။ ဒါဟာ မြန်မာ့လူမှုရေးရာအပေါင်းအပေါ် စစ်တပ်က ဆက်လက်ပြီး အာဏာသုံး အသုံးချနေဆဲဖြစ်ကြောင်း ဖော်ပြနေခြင်းဖြစ်ပါတယ်။ ဖွဲ့စည်းပုံ အခြေခံဥပဒေထဲမှာ ပြည်ထဲရေးဝန်ကြီးက စစ်တပ်ရဲ့အဖွဲ့ဝင်ဖြစ်ရမယ်၊ ကာကွယ်ရေးဦးစီးချုပ်ရဲ့ အသိအမှတ်ပြု တင်သွင်းသူဖြစ်ရမယ်လို့ ထည့်သွင်းထားတယ်။ ပြည်သူတွေ ပါဝင်လို့မရအောင် စနစ်တကျ စီမံကာကွယ်ထားတာပါ။ ၂၀၁၃ ခုနှစ်ထုတ် International Commission of Jurists ရဲ့အစီရင်ခံစာထဲမှာ “တရားသူကြီးများအပေါ် နိုင်ငံရေးနဲ့ စစ်ရေးအရ သြဇာလွှမ်းမိုးခြင်းက ရှေ့နေရှေ့ရပ်တွေကို သူတို့ရဲ့သက်မွေးမှုလုပ်ငန်း ထိရောက်ပီပြင်အောင်ဆောင်ရွက်နိုင်စွမ်းအတွက် အဓိကအတားအဆီးလုပ်ငန်းစဉ် ဖြစ်နေစေတယ်။ ဒီသဘောသဘာဝကြောင့် တရားသူကြီးတွေဟာ အစိုးရနဲ့စစ်တပ် အာဏာပိုင်တွေဆီကလာတဲ့ အမိန့်ပေါ်အခြေခံပြီး စီရင်ချက်တွေ ချမှတ်နေကြတယ်” လို့ မှတ်ချက်ပြုထားပါတယ်။

    ရန်ကုန်မှာ ရင်ဆိုင်နေရတဲ့ နောက်ထပ်အမှုတစ်ခုကတော့ လက်နက်ကိုင်တော်လှန်ဖို့ စီစဉ်နေတယ်ဆိုပြီး မွတ်စ်လင်မ်တွေကို ယိုးစွပ်ထားခြင်းဖြစ်တယ်။ ယမန်နှစ်စက်တင်ဘာလမှာ မြေသြဇာပစ္စည်း တရားမ၀င်တင်သွင်းမှုနဲ့ မွတ်စ်လင်မ်ငါးဦးကို ဖမ်းဆီးခဲ့တယ်။ အဲ့ဒီမြေသြဇာတွေကို မြန်မာနိုင်ငံထဲ လက်လုပ်ဗုံး အများအပြားပြုလုပ်ဆင်ယင်ဖို့ ရည်ရွယ်တယ်ဆိုပြီး စွဲချက်တင်ထားပါတယ်။

    အစွပ်ခံထားရသူတစ်ဦးဟာ နောက်ထပ်တရားလိုတစ်ဦးဆီက မြေသြဇာဝယ်ယူရောင်းချတဲ့ ဈေး ဆိုင်ပိုင်ရှင်သာဖြစ်တယ်လို့ သူ့ရှေ့နေထံကတစ်ဆင့် သိခဲ့ရပါတယ်။

    ICJ ရဲ့ အာရှ၊ ပစိဖိတ်ဒါရိုက်တာ Sam Zarifi က “အမှုတွေကိုရင်ဆိုင်ရာမှာ အစွပ်စွဲခံ(တရားလို)တွေ တရားမျှတစွာအရေးဆိုနိုင်ခွင့် အတွက် အရာရာကိုကြောက်နေရတယ်။ ရဲအရေးပိုင်အမှုတွေမှာရော နိုင်ငံရေးအမှုတွေမှာပါ လွတ်လပ်စွာတရားစီရင်ရေးက အစိုးရရဲ့မလိုလားအပ်တဲ့ သြဇာအာဏာ၊ ပါဝင်စွက်ဖက်မှုများကြောင့် ပျော့ညံ့ဖျော့တော့သွားရတယ်” လို့ ရှင်းပြခဲ့ပါတယ်။

    သံသယပုဒ်မတပ်ခံရသူများကို စစ်တပ်က သုံးလလောက် ထိန်းသိမ်းထားပြီး အဲ့လိုဝန်ခံချက်တွေထွက်ဖို့ နှိပ်စက်ညှင်းပန်းခဲ့ကြောင်း ရှေ့နေ ဦးရောဘတ်စန်းအောင်က ပြောကြားပါတယ်။ ဒီဆောင်းပါးရေးဖြစ်ဖို့ အင်တာဗျူးခဲ့တဲ့ အခြားရှေ့နေများအတိုင်း သူက မြေသြဇာပစ္စည်းနဲ့ ၀န်ခံချက်တွေကလွဲပြီး အကြမ်းဖက် အစီအစဉ်လုပ်တဲ့ အထောက်အထား တစ်စုံတစ်ရာမှ ရှိမနေဘူးလို့ ဆိုပါတယ်။ သူ့ရဲ့အမြင်ကို မေးမြန်းတဲ့အခါ ဦးရောဘတ်စန်းအောင်က မဆိုစလောက်သော မျှော်လင့်ချက်နဲ့ ဖြေကြားလိုက်ပါတယ်။

    “ကျွန်တော် ဒီအမှုကိုလိုက်တာ နိုင်မှာမဟုတ်ပါဘူး။ တကယ်လို့ တရားသူကြီးက ဥပဒေအတိုင်း ဆောင်ရွက်ရင် ကျွန်တော် အနိုင်ရပါလိမ့်မယ်။ ဒါပေမယ့် ဥပဒေလမ်းကြောင်းအတိုင်း ဆောင်ရွက်သွားဖို့ မရှိပါဘူး”။

    xxxxxxxxxxxxxxxxxxxxxxxxxxxxx

    ဘန်ကောက်အခြေစိုက် ဂျာနယ်လစ် Carlos Sardiña Galache နှင့် အရှေ့တောင်အာရှအရေး ၂၅ နှစ်တာလေ့လာသူ Veronica Pedrosa တို့ရေးသားသော In Myanmar, Muslims Arrested for Joining Terror Group That Doesn’t Exist ကို “မြင့်မိုရ်မောင်မောင်” မှ ဆီလျော်အောင် ပြန်ဆိုသည်။

     

    ဓါတ်ပုံအညွှန်း ရှမ်းပြည်နယ် ကွန်ဟိန်းမြို့မှာ မင်္ဂလာဆောင်တဲ့ သတို့သမီးနဲ့ သတို့သား၊ အပါအဝင် မွတ်စလင်မ် အယောက် ၂၀ ကို လက်နက်ကိုင် အဖွဲများနဲ့ ဆက်သွယ်ဆိုပြိး ၂၀၁၅ ခုနှစ် ဇန်နဝါရီ ၁၂ ရက်နေ့က ထောင်ဒဏ်နှစ်ရှည်များချမှတ်ခဲ့ပါတယ်။- ဇန်နဝါရီလ ၁၁ ရက်နေ့က စွပ်စွဲခံရသူများကို အမိန့်ချမှတ်ရန် တရားရုံးသို့ ခေါ်ဆောင်လာစဉ် (Photo Credit- 7Day)