News @ M-Media

Category: ဆောင်းပါး

  • မကောင်းဆိုးဝါးမွှေတဲ့ ဒုက္ခ (The Straits Times မှ ဘာသာပြန် ဆောင်းပါး)

    ဇွန် ၅ ၊ ၂၀၁၃
    M-Media
    ဘာသာပြန်-ကိုလေး

    ယခင်အစိုးရဟောင်းအုပ်စုများထဲက မြေတောင်မြှောက်ပေးခဲ့တဲ့ ပြည်တွင်းအကြမ်းဖက်ဂိုဏ်းက ဒီမိုကရေစီကို ဖြိုလဲပျက်ပြားစေဖို့လုပ်ဆောင်နေတယ်လို့ တချို့ကပြောနေကြတယ်။

    Old monsters stirring up trouble

    အေးဆေးငြိမ်းချမ်းတဲ့ ရှမ်းပြည်နယ် လားရှိုးမှာ လွန်ခဲ့တဲ့ သီတင်းပတ်က (၂)ရက်ကြာ အကြမ်းဖက်မှုကြောင့် လူ ၈-ယောက်သေဆုံးခဲ့ပေမယ့် အစိုးရသတင်းက ၂-ယောက်သာ သေသည်ဟု သတင်းထုတ်ပြန်ခဲ့တယ်။ ဒီလို  ယခင်နဲ့ပုံစံတူ တစ်နိုင်ငံလုံးကို တုန်လှုပ်ချောက်ခြားစေတဲ့ နောက်ထပ်သွေးမြေကျမှု ပုံရိပ်များဟာ မြန်မာနိုင်ငံရဲ့ပုံမှန် ဖြစ်ရိုးဖြစ်စဉ်လို ဖြစ်နေပါပြီ။ စံနစ်တကျ ဖွဲ့စည်းထားတဲ့ အကြမ်းဖက်လူအုပ်စုဟာ မြို့ထဲဝင်ရောက်လာပြီး မွတ်စလင်မ်တွေကို ပစ်မှတ်ထား တိုက်ခိုက်ခဲ့တာဖြစ်တယ်။

    ဒီလို တိုက်ခိုက်မှုနောက်ကွယ်မှာ ဘယ်သူရှိတာကို အမျိုးမျိုးထင်ကြေးပေးနေကြသော်လည်း၊ ဒီလိုဖြစ်ရပ်တွေဟာ အစိုးရရဲ့ ဥပဒေစိုးမိုးရေးလုပ်ဆောင်ချက်တွေကို စိန်ခေါ်နေပါတယ်။ အရေးအကြီးဆုံးက လူမျိုး၊ ဘာသာ ပေါင်းစုံနေထိုင်တဲ့ မြန်မာနိုင်ငံရဲ့ ဒီမိုကရေစီဟာ ဒီဖြစ်ရပ်ဆိုးတွေနဲ့ တွေ့ကြုံစမ်းသပ်ခံနေရပါတယ်။

    ရှေ့အပတ် နေပြည်တော်မှာ ကမ္ဘာ့စီးပွားရေး forum ကို စဖို့ရှိတဲ့အတွက် ယခုအခါ လားရှိုးမြို့မှာ တည်ငြိမ်အောင် စစ်တပ်ချထားရပါတယ်။

    ဒီလိုဖြစ်ရပ်တွေ ဆက်လက်ဖြစ်ပေါ်နေခြင်းဟာ အစိုးရက အကြိမ်ကြိမ်ပေးထားတဲ့ ဥပဒေစိုးမိုးရေးဆောင်ရွက်နေတယ် ဆိုတဲ့ ကတိတွေ၊ ခွဲခြားမှုမရှိပါဘူးဆိုတဲ့အပြောတွေနဲ့ ဆန့်ကျင်ဖက်ဖြစ်နေတယ်။  ပြည်ပမှာ ရင်းနှီးမြှုပ်နှံလိုသူတွေ၊ စောင့်ကြည့်လေ့လာနေသူတွေက ဆယ်စုနှစ်များစွာ စစ်တပ်နှင့်လက်နက်ကိုင် တိုင်းရင်းသားတွေအကြား -စစ်တပ်နဲ့အစိုးရအကြားမှာ တစ်နည်းမဟုတ်တစ်နည်း ရှုပ်ထွေးပွေလီကွဲပြဲနေတဲ့ မြန်မာနိုင်ငံကို ဘယ်လိုမှ နားမလည်နိုင်အောင် ရှိနေပါတယ်။

    လားရှိုးမှာ ဗုဒ္ဓဘာသာဝင် ရှမ်းလူမျိုးနဲ့ မွတ်စလင်မ်ကြားမှာ ဘာပြဿနာမှ မရှိခဲ့ပါဘူး။ ယခင်အပတ်က တိုက်ခိုက်ခံရတဲ့ မွတ်စလင်မ်တွေကို ရှမ်းဘုန်းကြီးများက သူတို့ရဲ့ ဘုန်းကြီးကျောင်းမှာ ကာကွယ်ခိုလှုံခွင့်ပေးထားခဲ့ပါတယ်။

    ရှမ်းဘုန်းကြီးအုပ်စုတစ်စုက ဒီလို စတင်အကြမ်းဖက်တာ ဗမာတွေကလုပ်တာ၊ ရှမ်းတွေကလုပ်တာ မဟုတ်ဘူးလို့ ပြောပါတယ်။ ဒီပြဿနာကို စဖြစ်စေတဲ့ ဗုဒ္ဓဘာသာ အမျိုးသမီးကို မီးရှို့တဲ့ မွတ်စလင်မ်ဆိုသူဟာ လားရှိုးမြို့က မဟုတ်ပါဘူးလို့ လားရှိုးမြို့ခံတွေက ပြောပါတယ်။ ဘယ်ကလာမှန်းမသိတဲ့ အပြင်လူတွေ ရုတ်တရက်ပေါ်လာပြီး ဗလီတစ်လုံး၊ မိဘမဲ့ကလေးကျောင်း နဲ့ မွတ်စလင်မ်အိမ်တွေကို စတင်ဖျက်ဆီးခဲ့ကြတာလို့ပြောကြတယ်။

    လူ ၄၀ ကျော် သတ်ဖြတ်ခံရတဲ့ မိတ္ထီလာက မွတ်စလင်မ်တွကို အကြမ်းဖက်မှု၊ ပဲခူးမြို့က ဖျက်ဆီးမှုလုပ်ရပ်တွေဟာလည်း မြို့ပြင်ပမှ လူတွေ ပြုလုပ်ခဲ့တယ်ဟု မြို့ခံများက ပြောပါတယ်။

    လုံခြုံရေးတပ်ဖွဲ့တချို့ဆီက ကြားသိချက်အရ အကြမ်းဖက်အုပ်စုတွေဟာ အဓိကအားဖြင့် စွမ်းအားရှင်အဖွဲ့ဝင်တွေ ဖြစ်တယ်လို့ သိရပါတယ်။ စွမ်းအားရှင်ဆိုတာ ယခင် စစ်အစိုးရလက်ထက်က ငြိမ်းချမ်းစွာ ဆန္ဒပြသူများကို ဖြိုခွင်းဖို့ စနစ်တကျ သင်ကြားပေးထားတဲ့ လက်ရဲဇက်ရဲ လူမိုက်လူယုတ်တွေ၊ ရာဇ၀တ်မှုကျူးလွန်ခဲ့သူတွေ၊ ကြံရာပါတွေနဲ့ ပါဝင်ဖွဲ့စည်းပေးထားတဲ့ အဖွဲ့ဖြစ်ပါတယ်။ စွမ်းအားရှင်ဆိုတာ အာဏာရှိသူ၊ အစွမ်းရှိသူ လို့ အဓိပ္ပါယ်ရတယ်။

    ၂၀၀၃ ခုနှစ် ဒေါ်အောင်ဆန်းစုကြည်နဲ့အဖွဲ့ကို  ဒီပဲယင်းမှာ တိုက်ခိုက်လုပ်ကြံခဲ့တာ၊ ၂၀၀၇ ရွှေဝါရောင်တော်လှန်ရေးမှာ သံဃာတော်တွေကို ဖြိုခွင်းခဲ့တာလည်း ဒီစွမ်းအားရှင်တွေထဲကပဲလို့ အများက ယုံကြည်နေကြတယ်။

    လွတ်လပ်သောအာရှလူ့အခွင့်အရေးကော်မရှင်ရဲ့ ၂၀၀၈ ခုနှစ် အစီရင်ခံစာမှာ “ ဒီအုပ်စုရဲ့တည်ရှိမှုနဲ့လှုပ်ရှားမှုတွေကို အများသိပြီးဖြစ်တယ်။  တရားဝင် အသိအမှတ်ပြု အဖွဲ့အစည်းမဟုတ်သလို ပြည်တွင်းသတင်းမီဒီယာများကလည်း ဖော်ပြလေ့မရှိပါဘူး။ လူသိလည်း မခံတတ်ကြဘူး ” လို့ ဖော်ပြထားပါတယ်။

    စွမ်းအားရှင်ဟာ ယခင် စစ်အစိုးရကို ထောက်ခံခဲ့တဲ့ ပြည်ထောင်စု ကြံ့ခိုင်ရေးနှင့်ဖွံ့ဖြိုးရေးအသင်း(USDA)ရဲ့ လက်ကိုင်တုတ်ဖြစ်ခဲ့တယ်။ အဲဒီအသင်းကတဆင့် (USDP)ပါတီ အဖြစ်ပြောင်းလဲပြီး လက်ရှိအာဏာရပါတီဖြစ်နေပါတယ်။ ဒါပေမယ့် သူတို့ဟာ စွမ်းအားရှင်အုပ်စုနဲ့ ပတ်သက်မှု မရှိကြောင်း မျက်စေ့မှိတ်ငြင်းဆိုခဲ့ပါတယ်။

    Taung Tha (တောင်သာ)လို့ခေါ်တဲ့နေရာမှာ ဗုဒ္ဓဘာသာဝင်ပြည်သူ့စစ်အဖွဲ့သစ်လည်း ပေါ်ပေါက်လာတယ်ဆိုပြီး နီးစပ်သူများထံက သတင်းတွေလဲ ထွက်ပေါ်လာတယ်။  တောင်သာမြို့ဟာ အလွန်အင်မတန် သဘောထားဆိုးတယ်လို့ လူသိများတဲ့ ဦးအောင်သောင်းရဲ့ မြို့ဖြစ်နေပါတယ်။ ဦးအောင်သောင်းဟာ ဗိုလ်ချုပ်ဟောင်းတစ်ယောက်ဖြစ်ပြီး၊ လက်ရှိအာဏာရပါတီ (USDP) ရဲ့ အရေးပါတဲ့ ရာထူးရှင်လဲ ဖြစ်ပါတယ်။

    မိတ္ထီလာနဲ့ လားရှိုးက အကြမ်းဖက် တိုက်ခိုက်မှုတွေကို စံနစ်တကျ စီစဉ်ထားပြီး ပြီပြီပြင်ပြင် အကောင်အထည်ဖော်သွားခဲ့ပါတယ်။ လားရှိုးအကြမ်းဖက်မှုမဖြစ်ခင် ၂ ရက်အလိုက ဗုဒ္ဓဘုန်းကြီး ဦးဝီရသူဟာ လားရှိုးမြို့က ကီလိုမီတာ ၅၀ လောက်ဝေးတဲ့ မြို့တစ်မြို့မှာ သူရဲ့ဝသီအတိုင်း မွတ်စလင်မ် ဆန့်ကျင်ရေး တရားဟောခဲ့ပါတယ်။ စွမ်းအားရှင် နဲ့ ၀ီရသူဦးဆောင်တဲ့ ၉၆၉ တွေဟာ အပြန်အလှန် မှီခို ပူးပေါင်းဆောင်ရွက်နေကြတဲ့အဖွဲ့လို့ မြန်မာ့အရေးသုံးသပ်သူတွေက တင်ပြတယ်။

    စွမ်းအားရှင်တွေက ပညာမတတ်တဲ့ တောင်သူလယ်သမားတွေကို မမှန်သတင်းများနဲ့ အမုန်းပွား ဒေါသထွက်အောင် လှုံ့ဆော်စည်းရုံးအင်အားစုခဲ့ပြီး၊ ပြဿနာကို  မီးခွက်ထွန်းရှာနေခဲ့ကြတယ်။ စဖြစ်တာနဲ့ အရှိန်မြှင့်တင် ထိုးသွင်းလိုက်ကြတယ်။

    မွတ်စလင်မ်တွေကို တိုက်ခိုက်ဖို့ ဓါးရှည်၊ မြက်ခုတ်လွှဓါး၊ ဆယ်ပေါင်တူ စတဲ့ လက်နက်များကို တပ်ဆင်ထားတဲ့ အကြမ်းဖက်သမားများကို ကားများနဲ့ စနစ်တကျ သယ်ယူပို့ဆောင်ပေးတာဖြစ်တယ်။

    သူတို့ တိုက်ခိုက်မှုပုံစံဟာ အလွန်ရက်စက်ကြမ်းကြုတ်ပြီး ရန်သူကို အချိန်ကိုက်နည်းစံနစ်နဲ့ စစ်ဆင်နေသလိုပါဘဲ။ တစ်စုံတစ်ရာ အရေးယူဖွယ်မရှိကြောင်း ကြိုတင်သိထားပုံရတယ်။  အပြစ်မဲ့သူကို ရန်သူအဖြစ် ဖန်တီးလိုက်ပြီး  သို့မဟုတ် ရုန်းရင်းဆန်ခတ်ဖြစ်အောင်ဖန်တီးပြီး တိုက်ခိုက်ကြမယ်။ အဲ့ဒီအခါ လုံခြုံရေးတပ်ဖွဲ့တွေနဲ့ ထိပ်တိုက်တွေ့အောင် လမ်းကြောင်းပေးတတ်ကြပါတယ်။

    ဒီလိုနည်းဗျူဟာကို အသုံးချခြင်းအားဖြင့် ပြည်သူ့လွှတ်တော်က လက်လှမ်းမမီတဲ့ မကိုင်တွယ်နိုင်တဲ့ အခြေအနေမျိုးဖြစ်နေသယောင် လုပ်ထားပါတယ်။ အကယ်၍ သက်တမ်းနုသေးတဲ့ ဒီမိုကရေစီဟာ ဖရိုဖရဲဖြစ်သွားမယ်ဆိုရင် (ဒါမှမဟုတ်)  တစ်ချိန်က သူတို့ကို ချမ်းသာကြွယ်ဝစေတဲ့ အာဏာဆုပ်ကိုင်ထားမှု ဆုံးရှုံးသွားပြီး စစ်မှန်တဲ့ ဒီမိုကရေစီဖြစ်လာမယ်ဆိုရင် ဒီလိုနည်းလမ်းတွေကို အမာခံပေါ်လစီတစ်ရပ်လို  ပြည်သူ့လွှတ်တော်ကို ချုပ်ကိုင်နိုင်ဖို့ဖြစ်တယ်။

    လားရှိုးအကြမ်းဖက်မှုအပေါ် အစိုးရဘက်က တုန့်ပြန်မှုကတော့ မိတ္ထီလာထက်မြန်ဆန်ပါတယ်။ အနောက်နိုင်ငံက လူ့အခွင့်အရေးအုပ်စုတွေနဲ့ ဒီမိုကရေစီထောက်ခံအားပေး လှုပ်ရှားသူတွေဟာ နိုင်ငံရေးမှာ စစ်တပ်ရဲ့ အခန်းကဏ္ဍ လျှော့ချဖို့တောင်းဆိုနေချိန်မှာ စစ်တပ်ကသာ ငြိမ်းချမ်းရေးကို ထိန်းသိမ်းနိုင်တယ်ဆိုတဲ့အမြင်ရောက်အောင် စစ်တပ်က လမ်းပေါ်ကို ပြန်တက် ရောက်ရှိလာပါတယ်။

    ဗမာမျက်ကန်းမျိုးချစ်အမျိုးသားရေးဝါး နိုးကြားလာပြီး သမ္မတသိန်းစိန်နဲ့ ဒေါ်အောင်ဆန်းစုကြည်ကို အပြစ်မြင်အောင်၊ ဒါ့အပြင် တရုတ်ဆန့်ကျင်ရေးလှုပ်ရှားမှု လမ်းလွဲသွားအောင်  နိုင်ငံရေးကစားကွက်ကြီးလုပ်ရာမှာ မွတ်စလင်မ်တွေဟာ ထိုးကျွေးခံရတဲ့ နယ်ရုပ်လေးတွေဖြစ်နေပါတယ်လို့ မွတ်စလင်မ်တွေ ခံစားနေကြရပါတယ်။ စစ်တပ်ရဲ့အခန်းကဏ္ဍဟာ တိုင်ပြည်အတွက်အရေးကြီးကြောင်းကိုလည်း တစ်ဖက်လှည့်နဲ့ ဖော်ပြလိုက်တာဖြစ်ပါတယ်။

    သမ္မတဦးသိန်းစိန်ကတော့ ဒီလို ဒီမိုကရေစီအပြောင်းအလဲကာလမှာ ဒီလို အစွန်းရောက် နှောက်ယှက်ဖျက်ဆီးမှုတွေကို ပြတ်ပြတ်သားသား နှိမ်နင်းဖို့သတိပေးလိုက်ပေမယ့် ၊ မြန်မာ့နိုင်ငံရေးနဲ့အာဏာရေးမှာ  ရက်စက်ကြမ်းကြုတ်မှုက ထာဝစဉ်ရှိနေပါတယ်။

    ဒီကြောက်စရာကောင်းတဲ့ (old monsters) လက်ဟောင်းမကောင်းဆိုးဝါးတွေကို မထိန်းချုပ်နိုင်ရင် သမ္မတရဲ့အခန်းကဏ္ဍဟာ တဖြေးဖြေး မှေးမှိန်ချည့်နဲ့သွားမယ်လို့ သုတေသီများက သုံးသပ်ပြထားပါတယ်။

    **၂၀၁၃ ခုနှစ် ဇွန်လ ၂ ရက် နေ့ The Straits Times သတင်းစာပါ “Old monsters stirring up trouble” ဆောင်းပါးကို ကိုလေး  ဆီလျော်အောင် ဘာသာပြန်ဆိုပါသည်။

  • သံဃာများထဲမှ အဆိပ်တစ်ခွက် (By Francis Wade)

    သံဃာများထဲမှ အဆိပ်တစ်ခွက် (By Francis Wade)

    မေ-၃၁-၊၂၀၁၃
    M-Media
    ဘာသာပြန်- သာကီထက်ကောင်း

    မန္တလေးမြို့၊ သစ်ရွက်များဝေဆာသော လမ်းတစ်လမ်း၏ နောက်ဝယ် မွတ်စ်လင်မ်ဆန့်ကျင်ရေးလှုပ်ရှားမှု နှင့် မြန်မာနိုင်ငံအား ဦးဏှောက်ဆေးကြောနေသော ဘူမိနက်သန်ဗဟိုဌာနတစ်ခု တည်ရှိနေသည်။ ၄င်း၏ခေါင်းဆောင် သည်ကား အမူအယာကောင်း၍ သင်္ကန်းရုံထားကာ၊ မြန်မာနိုင်ငံကို အစ္စလာမ်က အန္တရာယ်ပေးခြိမ်းခြောက်နေကြောင်း ဖော်ပြထားသော လက်ကမ်းစာရွက်/စာစောင်များ ဝေငှလျက်ရှိသည်။ တစ်ဖက်မှာတော့ နေအိမ်အဆောက်အဦများကို ဓမ္မတေးများ ထွင်းဖောက်လွှမ်းမိုးနေပေသည်။

    နားလည်ရခက်သော ပန်းချီကားတစ်ချပ်တည်း။ နိုင်ငံတွင်းရှိ မွတ်စ်လင်မ်လူ့အဖွဲ့အစည်းကို အကြောင်းရှာ အပုပ်ချရေး လှုပ်ရှားမှုခေါင်းဆောင်၊ ၄င်းပြင် သူ၏နောက်လိုက်များက ထောင်ပေါင်းများစွာသော မွတ်စ်လင်မ်တို့ကို ဒုက္ခသည်စခန်းသို့ တွန်းပို့ထားသူမှာ ဦးဝီရသူ ဖြစ်၏။ သူသည် ကျော်စော စာရင်းဝင် သံဃာတစ်ဦးဖြစ်ကာ သူအုပ်ချုပ်နေသည့် မစိုးရိမ်ကျောင်းတိုက်သည်လည်း တစ်ခါတုန်းက အစိုးဆန့်ကျင်ရေး ဗဟိုစုရပ်တစ်ခု ဖြစ်ခဲ့သည်။ ဗုဒ္ဓ၀ါဒကို ငြိမ်းချမ်းရေး အမြုတေအဖြစ် လက်ခံကြသူများအဖို့ ဦးဝီရသူမှာ အစွန်းရောက်အောင် လှုံ့ဆော်နေသူတစ်ဦး အဖြစ် ရှုမြင်ကြသည်။

    ဧပြီလအတွင်း မစိုးရိမ်ကျောင်းတိုက်တွင် သူနှင့်တွေ့ဆုံမေးမြန်းစဉ်က “ မိမိ၏ ဆန်းစစ်လေ့လာမှုအရ မြန်မာနိုင်ငံတွင်ဖြစ်ပွားသော မုဒိန်းမှု၏ ၁၀၀ ရာခိုင်နှုန်းသည် မွတ်စ်လင်မ်တို့၏ လက်ချက်ဖြစ်ပြီး ဗုဒ္ဓဘာသာဝင် တစ်ဦးတစ်လေမျှ ယင်းကဲ့သို့မပြု ”ဟူ၍ သူက ကျွန်ုပ်အား ပြောပြခဲ့သည်။  သူ၏ မှတ်ချက်ပေးမှုများမှာ မွတ်စ်လင်မ်များအပေါ်အကြမ်းဖက်မှုအမျိုးမျိုး အတွက် ဆက်လက်မီးမွှေးနေသည့်နှယ် ဖြစ်နေ၏။ ထိုအချိန်က မွတ်စ်လင်မ် ဆန့်ကျင်ရေးအကြမ်းဖက်မှုသည် မြန်မာနိုင်ငံအ လယ်ပိုင်းမိတ္တီလာမြို့၌ နောက်ဆုံးဖြစ်ပွားခဲ့သည်။ မတ်လ လနှောင်းပိုင်းက မွတ်စ်လင်မ်ပိုင်ရွှေဆိုင် တစ်ဆိုင်နှင့် ဗုဒ္ဓဘာသာဝင် လင်မယားနှစ်ဦးအကြား ဖြစ်ပွားပြီးသည့်နောက် ဘုန်းတော်ကြီးတစ်ပါးကို မွတ်စ်လင်မ်အုပ်စုတစ်စုမှ သတ်ဖြတ်ခဲ့သည်ဟု ဆိုသည်။ ထိုအချိန်မှစ၍ မိတ္ထီလာမြို့မှာ ကပ်ဆိုက်တော့၏။ နှစ်ရက်တာ အကြမ်းဖက်မှုများကြောင့် အနည်းဆုံး လူ ၄၀ သေဆုံးပြီး လူပေါင်း ၁၂၀၀၀ ခန့် အိုးမဲ့အိမ်မဲ့ဖြစ်ခဲ့ရသည်။ ယမန်နှစ် ရိုဟင်ဂျာမွတ်စ်လင်မ် ၁၂၅၀၀၀ ဦးကို မွေးရပ်မြေမှနှင်ထုတ်ခဲ့သည့် ရခိုင်ပြည်နယ် အကြမ်းဖက်မှုနှင့်တူညီနေသည်။ ရခိုင်ပြည်နယ်မြို့တော် စစ်တွေရှိ မွတ်စ်လင်မ်ရပ်ကွက်များအားလုံး ပြာပုံ ဘ၀ရောက်ခဲ့ပုံနှင့်လည်း သဏ္ဍာန်တူဖြစ်နေသည်။  မကြာသေးမီက ထုတ်ပြန်လိုက်သော လူ့အခွင့်အရေးစောင့်ကြည့်လေ့လာမှုအဖွဲ့ HRW ၏ မြန်မာနိုင်ငံ လူမျိုးစုသုတ်သင်ရေး အစီရင်ခံစာကြောင့် လက်ရှိ ဒုက္ခသည်စခန်းများ၌ ရောက်နေသော မိတ္ထီလာ မွတ်စ်လင်မ်တို့အတွက် ပို၍စိုးရိမ်စရာဖြစ်လာသည်။

    ၁၉၄၈ ခုနှစ် မြန်မာနိုင်ငံ လွတ်လပ်ရေးရကာစ သမိုင်းဟောင်းတစ်ခုကို ရည်ညွှန်းလျက် မြန်မာနိုင်ငံတွင် မွတ်စ်လင်မ် ဆန့်ကျင်ရေးလှုပ်ရှားမှုကြီး ပွင့်ထွက်လာမှုအပေါ် ဦးဝီရသူမှ ဂုဏ်ယူဝံ့ကြွားစွာ စကားဆိုနေဆဲဖြစ်သည်။ ဗြိတိသျှများထွက်ခွာသွားပြီး ကိုလိုနီခေတ်လွန် အမျိုးသားရေးလှုပ်ရှားမှုသည် အိန္ဒိယလူမျိုးများအပေါ် မြှားဦးလှည့်ခဲ့သည်။ ဗြိတိသျှတို့သည် လုပ်သားများအဖြစ်လည်းကောင်း၊ ဌာနဆိုင်ရာဝန်ထမ်းများအဖြစ်လည်းကောင်း အိန္ဒိယလူမျိုးများကို မြန်မာနိုင်ငံသို့ သိန်းဂဏန်းအထိ ခေါ်သွင်းလာခဲ့သည်။ ယင်း အိန္ဒိယသားအများစုမှာ မွတ်စ်လင်မ်များဖြစ်ကြသည်။ ထိုစဉ်က ၀န်ကြီးချုပ်ဦးနုသည် ဗမာမွတ်စ်လင်မ် ကွန်ကရက်အား ဖျက်သိမ်းစေခြင်းဖြင့် မုန်းတီးမှုကို ကြီးထွားလာစေခဲ့သည်။ ၁၉၆၂ ခုနှစ်တွင် ဦးနုထံမှ အာဏာလွှဲပြောင်းရယူလိုက်သော ဗိုလ်ချုပ်နေ၀င်းသည် မြန်မာနိုင်ငံ၏ပထမဦးဆုံး အာဏာရှင်ဖြစ်လာသည်။ ၄င်းနောက် မွတ်စ်လင်မ်တို့အား အစိုးရပိုင်းနေရာများတွင် ထည့်သွင်းရန် တားမြစ်ပိတ်ပင်ခဲ့သည်။

    ဦးဝီရသူသည် လှုံ့ဆော်မှု လမ်းကြောင်း၏ထွက်ကုန်များကို ကောင်းစွာ ကြိုမြင်ထားသူဖြစ်၏။ မွတ်စ်လင်မ်တို့အား ဗုဒ္ဓဘာသာဝင်တို့ကိုတိုက်ခိုက်နေသည့် ခြသေ့င်္ဆိုးကြီးများ သဖွယ် ရုပ်လုံးဖော်လိုက်သည်။ ရိုဟင်ဂျာတို့သည် ဗြိတိသျှတို့နှင့်ပူးပေါင်း၍ ဂျပန်တို့အား တိုက်ထုတ်ခြင်းမှာ အပြည်ပြည်ဆိုင်ရာ မွတ်စ်လင်မ်အုပ်စုများ၏ အထောက်အပံ့ဖြင့် မြန်မာနိုင်ငံအား အစ္စလာမ်နိုင်ငံအဖြစ်ပုံသွင်းရန် ၁၉၄၂ ခုနှစ်ကတည်းက လျှို့ဝှက်ကြံစည်ချက် ဖြစ်ကြောင်း ဟောပြောလျက်ရှိသည်။ ယင်းဟောပြောချက်များကို ထောင်ပေါင်းများစွာသော DVD များဖြင့် ထုတ်လုပ်ဖြန့်ချိလျက်ရှိသည်။ ယမန်နှစ်က ရိုဟင်ဂျာ ၈ သိန်းခန့်ကို ပြန်လည်နေရာချထားရန် ကုလသမဂ္ဂ၏ တောင်းဆိုချက်ကို တုန့်ပြန်သောအားဖြင့် သံဃာတော် ရာပေါင်းများစွာကို ၄င်းဦးဝီရသူမှ ဦးဆောင်ကာ သမ္မတဦးသိန်းစိန်အား ထောက်ခံဆန္ဒပြပွဲပြုလုပ်ခဲ့သည်။ မရှေးမနှောင်းမှာပင် မွတ်စ်လင်မ်များနှင့် ထိမ်းမြားလက်ထပ်ခြင်း၊ ရောင်းဝယ်ဖောက်ကားခြင်းမပြုရဟူသည့် တားမြစ်ချက်ဖြင့် မွတ်စ်လင်မ်တို့အပေါ် ထိထိရောက်ရောက်သပိတ်မှောက်ရန် ၄င်းမှ ဗုဒ္ဓဘာသာဝင်များကို စေခိုင်းသည်။

    သူသည် စစ်အုပ်ချုပ်ရေးကိုဆန့်ကျင်သော ၂၀၀၇ ခုနှစ် ရွှေဝါရောင်တော်လှန်ရေး၌ ငြိမ်းချမ်းစွာဆန္ဒပြခဲ့ကြသည့် သံဃာတော် ထောင်ပေါင်းများစွာအနက် ပါဝင်ခဲ့သူမဟုတ်။ မြန်မာ့ ဘုန်းတော်ကြီး အသိုင်းအ၀ိုင်းကိုလည်း ကိုယ်စားပြုခဲ့သူ မဟုတ်။ ယင်းတော်လှန်ရေးတွင် သံဃာများစွာ သတ်ဖြတ်ခံရသည်။ ရက်စက်စွာနှိမ်နှင်းခံလိုက်ရသည့် ၄င်းတို့၏ အနစ်နာခံထုတ်ဖော်ချက်များက ယနေ့ကမ္ဘာ့သူရဲကောင်းလုပ်ရပ်များအဖြစ် သတ်မှတ်ခံရသည်။ ထိုစဉ်က ထောင်နန်းစံနေသော ဦးဝီရသူမှာ ၄င်းတို့နှင့် ပူးပေါင်းပါဝင်နိုင်ခြင်းမရှိခဲ့။ သူသည်  ဘာသာရေးအဓိကရုဏ်း ဖန်တီးမှုကြောင့် ၂၀၀၃ ခုနှစ်တွင် ဖမ်းဆီးထိန်းသိမ်းခံရပြီး ၂၀၁၀ ခုနှစ်တွင် လွတ်ငြိမ်းချမ်းသာခွင့်ဖြင့် ပြန်ထွက်လာ၏။

    သူ၏ ပစ်မှတ်ကား မြန်မာနိုင်ငံ၏ မွတ်စ်လင်မ်များသာ ဖြစ်၏။

    ဦးဝီရသူသည် ၁၁ ရာစု မြန်မာနိုင်ငံ၏ ဘာသာရေးသန့်စင်ရှင်းလင်းမှုဖက်သို့ ဆွဲခေါ်သောနည်းလမ်းကို အသုံးပြုထားသည်။ ယင်းကာလ၌ အနော်ရထာဘုရင်သည် ထေရ၀ါဒဗုဒ္ဓဘာသာကို ဗမာလူမျိုးတို့၏ဘာသာတရား အဖြစ် ပြောင်းလဲကျင့်သုံးစေခဲ့သည်။ စေတီပုထိုးနှင့် ဘုန်းတော်ကြီးကျောင်း ရာပေါင်းများစွာ တည်ဆောက်ခဲ့သည်။  သို့နှင့် ဗုဒ္ဓ၀ါဒသည် ဗမာလူမျိုးအသိုင်းအ၀ိုင်းနှင့် ခွဲခြားမရအောင်ဖြစ်လာပြီး ကချင်၊ မွန် နှင့် အိန္ဒိယလူမျိုးတို့နှင့် ထိပ်တိုက်တိုးခဲ့သည်။ ဘုန်းတော်ကြီး ကျောင်းပညာရေးစံနစ်သည် ဗုဒ္ဓ၀ါဒအား ထိန်းသိမ်းဖော်ဆောင်ရန်ဖြစ်ပြီး၊ ရဟန်းသံဃာများမှာ မြန်မာဘုန်းကြီးကျောင်းများကို အထွဋ်အမြတ်ထားအောင် လူငယ်များကို ညွှန်ကြားသည့် လူမှုကိုယ်စားလှယ်များ ဖြစ်လာကြသည်။ တစ်စစဖြင့် ထေရ၀ါဒဗုဒ္ဓဘာသာသည် အခြားလူမျိုးနွယ်များအပေါ် သြဇာလွှမ်းမိုးလာသည်။ ဥပမာ ရှမ်းဘုရင်တို့သည် ဘုန်းတော်ကြီးကျောင်းတိုးပွားမှုအတွက် ပံ့ပိုးကူညီရာ၌ အထူး ရေပန်းစားခဲ့သည်။

    ယင်းသို့ အာဏာနှင့်ဘာသာပေါင်းစပ်ထားသော အမျိုးသားရေးဝါဒသည် ရာစုနှစ်များစွာ အခြေတည်လာခဲ့သည်။ ဗြိတိသျှအုပ်ချုပ်ရေးကိုအဆုံးသတ်စေမည့် ၁၉၂၀ ခုနှစ်များကာလ ရှေ့ပြေးလှုပ်ရှားမှုများတွင်လည်း သံဃာများ ပါဝင်ခဲ့ကြသည်။ ယနေ့မှာတော့ ယင်းဝါဒကို မွတ်စ်လင်မ်ဆန့်ကျင်ရေးလှုပ်ရှားမှုအဖြစ် အစွန်းရောက်သံဃာများက ပုံသွင်းလိုက်ကြသည်။ ၉/၁၁ အကြမ်းဖက်မှုသည် ကမ္ဘာ့မွတ်စ်လင်မ်တို့၏ ဆိုးသွမ်းမှုဖြစ်ကြောင်း ရုပ်လုံးဖော်သည်။ အစ္စလာမ့်လမ်းစဉ်သည် အဓမ္မဘာသာ သွတ်သွင်းမှုဖြစ်ကြောင်း ကြောက်လန့်ရွံရှာသွားအောင် မှိုင်းတိုက်ကြသည်။ စင်စစ်၌ မြန်မာစစ်စစ်ဖြစ်ရန် ဗုဒ္ဓဘာသာဝင်ဖြစ်ရမည် ဟူသော အဓမ္မစံနစ်ကို ၄င်းတို့ကိုယ်တိုင်မှ ကျင့်သုံးနေကြသည်။ မြန်မာနိုင်ငံမြောက်ပိုင်းနှင့်အရှေ့ပိုင်းရှိ ခရစ်ယာန်ဘာသာဝင်လူနည်းစုများကို ဖိနှိပ်ညှင်းပန်းခြင်းက ဤ၀ါဒ၏ အနှစ်သာရကို ထုတ်ပြနေခြင်းဖြစ်သည်။ အစိုးရအနေနှင့် ဗုဒ္ဓဘာသာဝင်မဟုတ်သူများကို မြန်မာနိုင်ငံမှ ရှင်းထုတ်၍ (ဗုဒ္ဓဘာသာဟူသည့်) အလံတစ်ခုတည်းအောက်၌ စုစည်းရန် ကြိုးပမ်းနေခြင်းတည်း။

    ယင်းလူမျိုးကြီးဝါဒအတွေးအခေါ်များသည် မြန်မာရဟန်းသံဃာများအကြား ကျယ်ကျယ်ပြန့်ပြန့်ခေတ်စားသွားသည်။

    “ ကျွန်တော့်ကို မွတ်စ်လင်မ်ဆန့်ကျင်ရေးအတွက် မကြာခဏ မှိုင်းလာတိုက်ကြပါတယ် ” ဟု ၂၀၀၇ ရွှေဝါရောင်အရေးအခင်းဦးဆောင်၍အကျဉ်းကျခဲ့သူ ဘုန်းတော်ကြီးဟောင်း ဦးဂမ္ဘီရက မတ်လနှောင်းပိုင်း တစ်ညနေခင်း၌ မိတ္ထီလာမြို့တွင် ကျွန်ုပ်အား ပြောပြခဲ့ပါသည်။ ကျွန်ုပ်တို့ဆုံတွေ့သောနေရာနှင့်ကပ်လျက် ဘုန်းကြီးကျောင်း၌ ဦးဝီရသူသည် ယမန်နှစ် ဒီဇင်ဘာလက လာရောက်ခဲ့သည်ဟုသိရသည်။ ထိုအချိန်မှစတင်၍ မြို့တစ်မြို့လုံးမှာ ၉၆၉ နံပါတ်ပါ စတေကာများ ပလူပျံသွားခဲ့သည်။ ဗုဒ္ဓဂုဏ်တော်ကိုးပါး၊ ဓမ္မဂုဏ်တော်ခြောက်ပါး၊ သံဃာ့ဂုဏ်တော် ကိုးပါးကို ထင်ဟပ်စေသည် ဟုဆိုကာ သာသနာရေးဝန်ကြီးဌာနမှ ဗုဒ္ဓဘာသာဝင်ဝန်ကြီးများက ယင်းနံပါတ်အား မြန်မာနိုင်ငံတွင် သွတ်သွင်းလိုက်ခြင်းဖြစ်သည်။ ၄င်းနောက်တွင်တော့ မွတ်စ်လင်မ်ဆန့်ကျင်ရေး လှုပ်ရှားမှုများကို လုပ်ဆောင်လာကြတော့သည်။ ဗုဒ္ဓကျမ်းဂန်များကိုလေ့လာခြင်း၊ ဖခင်ဖြစ်သူနှင့်ဆွေးနွေးခြင်းတို့မှ တဆင့် မွတ်စ်လင်မ်ဆန့်ကျင်ရေးလှုပ်ရှားမှုမှာ မှားယွင်းသောလမ်းစဉ်ဟု သိရှိလာပြီးနောက် မိမိမှ စွန့်လွှတ်ကျောခိုင်းလိုက်ပါကြောင်း ဦးဂမ္ဘီရက ဆိုသည်။ သူ့အား အဓမ္မလူဝတ်လဲစေ၍ ဘုန်းတော်ကြီးကျောင်းများသို့ ၀င်ရောက်ခြင်းကို ပိတ်ပင်ထားစေကာမူ မွတ်စ်လင်များကိုအကြမ်းဖက်မှုကဏ္ဍ၌ သံဃာတော်များ၏ ပါဝင် ပတ်သက်မှုအပေါ် ဝေဖန်ပြောဆိုသူများ အနက် ထင်ရှားနေဆဲဖြစ်သည်။

    သို့သော် ဦးဝီရသူမှာကား လှုံ့ဆော်နေဆဲပင်။ သူ၏ဟောပြောမှု DVDများ၊ ၉၆၉ စတစ်ကာများနှင့်တစ်ကွ ဗုဒ္ဓ၀ါဒကို ကာကွယ်ရန်ညွှန်ကြားချက်ပေးထားသည့်စာအုပ်များကို သူ့နောက်လိုက်တို့က မန္တလေးမြို့၏ လူစည်ကားရာဈေးများ တွင် လိုက်လံဝေငှနေကြသည်။ သို့ပါသော်လည်း ဦးဝီရသူကိုယ်တိုင်ကမူ သူ၏အမုန်းပွားဟောပြောမှုများကို ဖုံးကွယ်ထား၏။ “ တကယ်လို့များ (မိတ္ထီလာမှာ မွတ်စ်လင်မ်တွေကိုတိုက်ခိုက်တဲ့) သံဃာတွေဟာ ဦးဇင်းရဲ့စကားကို နားထောင်ခဲ့ယင် အကြမ်းဖက်မှုဖြစ်လာမှာမဟုတ်ဘူး ” ဟု သူက ပြောဆိုတတ်၏။ သို့သော် အင်တာဗျူးတိုင်း၌ သူ၏ မှတ်ချက်မှန်သမျှမှာ မွတ်စ်လင်မ်တို့အား ဒေါသူပုန်ထအောင် ဆွနေသည်ချည်းဖြစ်နေပြန်၏။ “ ရခိုင်ပြည်နယ်မှာ နေ့စဉ်နဲ့အမျှ မွတ်စ်လင်မ်တွေက တစ်အိမ်တက်ဆင်း ဗုဒ္ဓဘာသာဝင်တွေကို လိုက်သတ်နေကြတယ်။ ပစ္စည်းတွေ ခိုးယူလုယက်တာမဟုတ်ဘဲ သတ်ဖြတ်ဖို့သက်သက်ဖြစ်တယ် ” ဟုပြော၏။ သူသည် သူကိုယ်တိုင်ဆင်ယင်ခြယ်သထားသည့် နံရံတစ်ခု၏ရှေ့တွင် အင်တာဗျူးလုပ်ရန် နေရာရွေးလေ့ရှိ၏။ အင်တာဗျူးလုပ်စဉ်တစ်လျှောက်လုံး သူ့အနီးရှိလူများက ကျွန်ုပ်အား ဓာတ်ပုံနှင့်ဗီဒီယိုရိုက်ခဲ့ကြ၏။ များမကြာမီ သူ၏ ဖေ့စ်ဘွတ်စာမျက်နှာပေါ် ဤအကြောင်းခြင်းရာများကို တင်လိုက်၏။ အကယ်၍ မြန်မာနိုင်ငံရှိ လူအားလုံးတို့သည် မိမိကဲ့သို့ဖြစ်ပါက ငြိမ်းချမ်းရေးဖြစ်ထွန်းမည်ဟုလည်း ဆိုထားရာ – ဂျာနယ်လစ်များသည် သူ့ထံလာ၍ တရားနာခြင်း၊ သူ၏၀ိညာဉ်ရေး၌ခိုလှုံခြင်းဟု ၄င်းဖာသာအထင်ရောက်နေပုံရပေသည်။

    ဘုန်းကြီးကျောင်းမှ ထွက်လာသောအခါ ဥပဒေဘွဲ့ရဆရာမတစ်ဦးဖြစ်သော ကျွန်ုပ်၏စကားပြန်မှ “ မွတ်စ်လင်မ်တွေရဲ့ သတင်းအချက်အလက်တွေကို ဒီလောက်သိထားတာ အံ့သြစရာဘဲ။ လေးစားဖို့ကောင်းလိုက်တာ ” ဟု ပြောဆိုခဲ့၏။ အင်တာဗျူးပြီး နှစ်ရက်အကြာ ကျွန်ုပ်နှင့်ဦးဝီရသူအား မိတ်ဆက်ပေးခဲ့သူက “ ဦးဝီရသူရဲ့ CD ကို ကျွန်တော်ကြည့်ပြီးပြီ။ ကျွန်တော်အရမ်းစိတ်ဆိုးတယ်ဗျာ။ သူတို့ဟာက အကြမ်းဖက်ဝါဒဘဲဗျ ” ဟူ၍ စာရေးသတင်းပို့လာလေသည်။

    ဦးဝီရသူသည် သံဃာတော်တစ်ပါးဖြစ်ပါလျက်  သူတစ်ပါးခံစားမှုကိုမျက်ကွယ်ပြုပြီး ယင်းသို့သော လီဆည်စကားများစွာဖြင့် ပံ့ပိုးကူညီသူများရအောင် ဆွဲဆောင်တတ်သည်။ ဘာသာရေးပုဂ္ဂိုလ်တစ်ဦး၏  စကားများမှာ မှားယွင်းချွတ်ချော်နေသည်ဟု မည်သူထင်နိုင်မည်နည်း ?  အထူးသဖြင့် ဗုဒ္ဓ၀ါဒသည် ကိုယ်ကျင့်တရားအတွက် အဆင့်အမြင့်ဆုံးဟု ရာစုပေါင်းများစွာ သွန်သင်မှုကိုခံယူလာကြသော မြန်မာလူထု၏အမြင်၌  မည်သို့ရှိမည်နည်း ?

    စစ်အုပ်ချုပ်ရေးစတင်ချိန်မှစပြီး သံဃာတို့၏ဦးတည်ချက်မှာ ဘယ်အရာဖြစ်သွားသည်ကို ဆန်းစစ်ရန် အချိန်တန်ပေပြီ။ ဗိုလ်ချုပ်နေ၀င်းလက်ထက်တွင် သံဃာတော်များသည် မြန်မာနိုင်ငံပေါ်ထားရှိသောအမြင်များ မတူညီကြ။ မတူကွဲပြားမှုကိုလက်ခံကြသည့် သံဃာတော်များအား သင်္ကန်းချွတ်ကာ လူဝတ်လဲစေခဲ့သည်။ ရဟန်းသံဃာများအနက် စစ်အုပ်ချုပ်ရေးကို ရပ်တည်ထောက်ခံပေးသည့် ဘုန်းတော်ကြီးများအား အဆင့်မြှင့်တင် နေရာပေးခဲ့သည်။ ၄င်းကို ဗုဒ္ဓ၀ါဒအားကယ်တင်ခြင်းဟု အမည်တပ်ခဲ့သည်။ လက်နက်ကိုင်တိုင်းရင်းသားအုပ်စုများ၊ နိုင်ငံတကာသြဇာ နှင့် အခြား ဘာသာတရားများပြန့်ပွားမှုတို့ကို ဖြိုခွင်းရန်မှာ စစ်အုပ်ချုပ်ရေး၏လိုအပ်ချက်ဖြစ်သဖြင့် ယင်းသို့ပြုခြင်းဖြစ်သည်။

    အချိန်ကြာလာသည်နှင့်အမျှ မြန်မာနိုင်ငံ၏ပြည်တွင်းစစ်နှင့်စီးပွားရေးပျက်ကပ်ကြောင့် မြန်မာလူငယ်အမြောက်အများသည် ဆင်းရဲမွဲတေမှုမှလွတ်ကင်းရန် သာသနာ့ဘောင်ထဲသို့ ၀င်လာကြသည်။ ၄င်းမှာ သာသနာရေးယုံကြည်ချက်ကြောင့် မဟုတ်ချေ။ ရလဒ်မှာ သံဃာတော်များ မလိုအပ်ဘဲ အဆမတန်များပြားလာခြင်း နှင့် လိုအပ်ပါက ဘာသာရေးအခွံစွပ်အမိန့်ပေးနိုင်ခြင်း တို့ဖြစ်ပွားသွားစေသည်။ ရဟန်းသံဃာများအကြား စာရိတ္တပျက်စီးမှုက ကြီးထွားကျယ်ပြန့်လာသည်။ ယမန်နှစ် ဖေဖော်ဝါရီလတွင် မိမိ၏မူလကျောင်းတိုက်သို့ ပြန်လည်ဝင်ရန် ကြိုးစားခဲ့သော ဦးဂန္ဘီရအား ထပ်မံဖမ်းဆီးခဲ့သည်။ ရန်ကုန်မြို့ရှိ ဘုရားကျောင်းကန်တစ်ခုသို့ရဲများက သူ့အား ခေါ်ဆောင်သွားသည်။ ၄င်း၌ မဟာသံဃာ့နာယကဆရာတော်များကို တွေ့ရသည်။ မဟာသံဃာ့နာယကအဖွဲ့ကို ၁၉၈၀ ခုနှစ်တွင် နိုင်ငံတော်မှ ဖွဲ့စည်းပေးပြီး သာသနာရေးဝန်ကြီးဌာနအောက်၌ ထားရှိလျက် စစ်ဗိုလ်ချုပ်များနှင့်အနီးကပ်ဆက်ဆံမှုရှိသူတို့ကိုသာ ခန့်အပ်ထားသည်။ နောက်တစ်နေ့တွင် အစိုးရပိုင် မြန်မာ့အလင်းသတင်းစာ၌ ဦးဂန္ဘီရအား တရားဝင်အရေးယူရန် အစိုးရအားတိုက်တွန်းသည့်အကြောင်း ပါလာခဲ့သည်။

    မြန်မာနိုင်ငံတွင် နိုင်ငံရေး၊ ဘာသာရေး နှင့် အမျိုးသားရေးကိုပေါင်းစပ်ထားမှုက အကွက်ချဝါဒဖြန့်မှုနှင့်အတူ ရခိုင်ပြည်နယ်၌ ယမန်နှစ်တွင် ပွင့်ထွက်သွားသည်။ ပြည်တွင်းပြည်ပရှိဗမာလူမျိုးတို့၏ ထောက်ခံကူညီမှုများဖြင့် ရိုဟင်ဂျာဆန့်ကျင်ရေးလှုပ်ရှားမှုကို အောင်မြင်စွာ ပြုလုပ်နိုင်ခဲ့ကြသည်။ သို့သော် ယင်းသူတို့အများစုမှာ ရိုဟင်ဂျာ လူ့အဖွဲ့အစည်းဝင် မည်သူတစ်ဦးနှင့်မျှ ပတ်သက်ဆက်ဆံဖူးကြသည်မဟုတ်ဘဲ ခါးသည်းစက်ဆုပ်ဖွယ်ရာအမြင်ကို ဆုပ်ကိုင်၍ ၄င်းတို့အား လူမဆန်စွာဆက်ဆံအောင် အားပေးခဲ့ကြသည်။ ရိုဟင်ဂျာတို့ကို အခြေခံလူ့အခွင့်အရေးမရရှိစေခြင်းဖြင့် အစိုးရက အရှိန်အဟုန်ကို မြှင့်တင်ခဲ့ကြပြီး ညည်းတွားသံများထွက်လာစေသည်။ ၄င်းနောက်တွင်တော့ သူတို့အား အလိုမရှိသူများစာရင်းသွင်းလိုက်လေသည်။
    သို့ရာတွင် ဗုဒ္ဓဘာသာဝင် မဟုတ်သူများသည် ပြဿနာကောင်များသာဖြစ်သကဲ့သို့ ငြိမ်းချမ်းရေးအမြင်အား လှည့်ပတ်ဆော့ကစားဟောပြေနေသောပုဂ္ဂိုလ်၏ ခြေထောက်အောက်၌ မိတ္ထီလာမွတ်စ်လင်မ်များ ပြားပြားဝပ်ခဲ့ရသည်။ ရခိုင်ပြည်နယ်နှင့်မိတ္ထီလာမျှသာ ရပ်တန့်မသွားဘဲ ရန်ကုန်နှင့်မိုင်၆၀မျှသာကွာဝေးသော ဥက္ကံအထိ မွတ်စ်လင်မ်ဆန့်ကျင်ရေးအကြမ်းဖက်မှုလှိုင်း ရိုက်ခတ်သွားသည်။ မြောက်ပိုင်းကချင်ပြည်နယ်ရှိ ဖားကန့်သို့တိုင် ဂယက်ရိုက်ခဲ့သည်။

    ယခုသော် မိတ္ထီလာမှာ မွတ်စ်လင်မ်များအတွက် အကန့်သတ်ခံနယ်မြေဖြစ်နေသည်။ ဘာသာတရားနှစ်ခု၏ ငြိမ်းချမ်းစွာ အတူယှဉ်တွဲနေထိုင်ခဲ့သော ရပ်ဝန်းကြီးသည် ယခုအခါ အသက်နှုတ်ရာ စစ်မက်ဇုံအလား ဖြစ်နေ၏။ ဖြိုဖျက်ခံလိုက်ရသည့် အဆောက်အဦများ၊ အပျက်အစီးပုံများအကြား ကျွန်ုပ် ဖြတ်သန်းထွက်လာခိုက် လမ်းပေါ်တွင် လူတစ်စုနှင့် ပက်ပင်းတိုးခဲ့သည်။ ၄င်းတို့သည် ဧည့်သည်များကိုအလိုမရှိကြောင်း ပေါ်လွင်နေခဲ့သည်။

    မြို့နေလူထုသည် (အများအားဖြင့်)ကျောင်းများ၊ တက္ကသိုလ်နယ်မြေများရှိ ဒုက္ခသည်စခန်းသို့ ရွှေ့ပြောင်းခံရသည်။ အစိုးရမှတရားဝင်စီစဉ်ပေးမှုမဟုတ်သော မိတ္ထီလာပြင်ပ ယာယီဒုက္ခသည်စခန်းတစ်ခုတွင် လူပေါင်း ၃၄၀၀ ရှိပြီး ရိက္ခာနပ်မမှန်ကြသည့်အပြင် စခန်းဝန်းကျင်၌ မြွေများကလည်း ပေါသေးသည်။ မေလကုန်လွန်လျှင် ကျောင်းသူကျောင်းသားများအဖို့ ကျောင်းပိတ်ရက်ရှည် ကုန်ဆုံးပြီ။ ဒုက္ခသည်များအား စခန်းမှထွက်စေရန် လိုအပ်လာပြီ။ မီးလောင်ပြင်ရပ်ကွက်များအား ပြန်လည်ပြင်ဆင်တည်ဆောက်မှုကို အရိပ်အယောင်မျှ မမြင်ရသေး။ လူ့အသိုင်းအ၀ိုင်းကြီးနှစ်ရပ်ကို မစုစည်းမိအောင် ခွဲခြမ်းထားရှိဆဲ။ မေလနောက်ပိုင်း ဒုက္ခသည်များ၏လုံခြုံမှုဟူသည်
    အန္တရာယ်၏အနံ့ ထွက်ပေါ်လျက်ပင်။

    ***    Francis Wade ၏ Poison in the Sangha ဆောင်းပါးကို သာကီ ထက်ကောင်း မှ ဆီလျော်အောင် ပြန်ဆိုရေးသားသည်။ Francis Wade သည် ထိုင်းနိုင်ငံအခြေစိုက် ဂျာနယ်လစ်တစ်ဦးဖြစ်ပြီး ၂၀၀၉ ခုနှစ်မှစ၍ မြန်မာနှင့်အာရှပစိဖိတ်ရေးရာကို လေ့လာရေးသားသည်။ သူ၏လက်ရာများကို The Guardian ၊  Al Jazeera English ၊  Asia Times Online နှင့် New Internationalist တို့၌ တွေ့မြင်နိုင်သည်။ ဆောင်းပါးအထောက်အကူပြုဓာတ်ပုံပံ့ပိုးသူ Vincenzo Floramo သည် အလွတ်တန်းသတင်းဓာတ်ပုံဆရာဖြစ်ပြီး၊ လက်ရှိတွင် ထိုင်းနိုင်ငံနှင့်မြန်မာနိုင်ငံ၌ အခြေစိုက်သည်။ သူ၏လက်ရာများကို The Guardian ၊ The Bangkok Post ၊ Witness Journal ၊ Life Force Magazine ၊ Der Spiegel ၊ Irrawaddy နှင့်  Io Donna တို့တွင် တွေ့ရမည်ဖြစ်သည်။   ***

  • သည်မိုး သည်လေ သည်လူတွေ (ဆောင်းပါး)

    သည်မိုး သည်လေ သည်လူတွေ (ဆောင်းပါး)

    ဇွန်လ-၃၊၂၀၁၃
    ဆောင်းပါးရှင်-အောင်တင်

    ဇွန်လ(၂)ရက် ၂၀၁၃ခု မနက်ပိုင်း RFAမှာ ရိုဟင်ဂျာလူဦးရေ ထိန်းချုပ်ရေးကိစ္စကို ကနေဒါက ဒေါက်တာခင်စောဝင်းနဲ့ အမေရိကက ကိုအောင်မိုးဝင်းတို့ ထောက်ခံ ဆွေးနွေးသွားတာကို စိတ်မသက်မသာ နားထောင်ရတယ်။ အဲဒီမတိုင်ခင်ကလည်း ဒေါက်တာခင်စောဝင်းရဲ့ ထောက်ခံဆွေးနွေးချက်ကို RFAက အကြိမ်ကြိမ် ထုတ်လွှင့်ခဲ့ပါတယ်။

    ဒေါ်ခင်စောဝင်းက အများရဲ့အခွင့်အရေးကို ကာကွယ်ဖို့ အနည်းရဲ့ အခွင့်အရေးကို ချိုးဖောက်နိုင်တယ်ဆိုပြီး အများနဲ့ သက်ဆိုင်တဲ့ နေရာတွေမှာ ဆေးလိပ်သောက်တားမြစ်ခြင်းကို ဥပမာပေး ထောက်ပြသွားခဲ့တယ်။ ဆေးလိပ်သောက်ခြင်းဆိုတာ ဗိုလ်ချုပ်အောင်ဆန်း လွန်ခဲ့သောနှစ်(၆၀)ကျော်က ထောက်ပြခဲ့တဲ့ လမ်းပေါ်မှာ ဆေးရိုးလှမ်းတဲ့ လူ့အခွင့်အရေးမျိုးဖြစ်ပြီး လူသားတွေရဲ့ မူလဘူတ အခြေခံအခွင့်အရေးဖြစ်တဲ့   လူသားမျိုးဆက်ပြန့်ပွါးပိုင်ခွင့်နဲ့ မနှိုင်းယှဉ်အပ် မနှိုင်းယှဉ်ကောင်းတဲ့အရာ ဖြစ်တယ်ဆိုတာကို လူ့အခွင့်အရေးနဲ့ ကျန်းမာရေးနယ်ပယ်မှာ အတွေ့အကြုံရှိတဲ့ ဆရာမကြီးက မေ့လျော့သွားဟန်တူပါတယ်။ ရှိစေတော့။

    ကိုအောင်မိုးဝင်းက သူဟာ အရှေ့အလယ်ပိုင်း၊ အမေရိကန် နိုင်ငံခြားရေး မူဝါဒတွေကို အထူးပြုလေ့လာသူဖြစ်တဲ့အတွက် ရုရှားအကြောင်းကို မရှိမဖြစ် လေ့လာရပါတယ်တဲ့။ ဆိုဗီယက်အင်ပါယာပြိုကွဲရတာ ချက်ချနီးယား(မွတ်စလင် ကိုယ်ပိုင်အုပ်ချုပ်ခွင့်ဒေသ)က လူဦးရေ များပြားလာခြင်းကလည်း တစ်ကြောင်းပါတယ်တဲ့။ ရင်သတ်ရှုမော အံ့သြဘွယ်ရာ သုံးသပ်ချက်ဖြစ်ပါတယ်။ ဆင်ဖြတ်လို့ တံတားကြီး တုန်သွားတဲ့အခါ ဆင်နားရွက်ထဲက မွှားကောင်ရဲ့ အလေးချိန်ကလည်း သက်ရောက်မှုရှိပါတယ်ဆိုတဲ့ ပြင်ညာရှိကြီးပေဘဲ။ မြန်မာတစ်နိုင်ငံလုံး မွတ်စလင် မုန်းတီးရေး လှုံ့ဆော်မှုတွေ၊ မွတ်စလင်တွေကို တိုက်ခိုက်မှုတွေ ပြင်းထန်နေချိန်မှာ ဆိုင်ဆိုင် မဆိုင်ဆိုင် ရတဲ့အပေါက်က မွတ်စလင်မုန်းတီးရေး တုတ်ထဲ့လိုက်မဟေ့ဆိုတဲ့ စိတ်စေတနာဆိုးက တံတားပေါ် ဆင်သွားသလို ထင်ရှားလှတယ်။ ရှိစေတော့။

    နိုင်ငံတကာ အတွေ့အကြုံတွေ များပြားလှပါတယ်ဆိုတဲ့ ဒေါက်တာယဉ်ယဉ်နွယ်ကလည်း (သူ့ရဲ့ ကြည်ညိုစရာကောင်းတဲ့ မျက်နှာဟန်ပေးတွေနဲ့) ခေတ်နောက်ကျနေတဲ့ တနည်းအားဖြင့်ဆိုရင် အစွန်းရောက်နေတဲ့ မွတ်စလင်ဘာသာရေး ဆရာတွေက သားသမီးကန့်သတ်ရေးကို ရခိုင်ပြည်မှာ ကန့်ကွက်ဟန့်တားနေသတဲ့။ ကမ္ဘာပေါ်မှာ လူဦးရေ အများဆုံးဖြစ်တဲ့ အပြင် ဒေါက်တာဘွဲ့ရ ပညာတတ်အကျော်အမော်တွေ ထောင်သောင်းသိန်းချီအောင် ရှိနေနိုင်တဲ့ ကက်သိုလစ် ဂိုဏ်းဝင်တွေကလည်း  လူသိ၊ ကမ္ဘာသိ ယနေ့တိုင်အောင် သားသမီးတားဆီးခြင်းကို ခါးခါးသီးဆန့်ကျင်နေကြဆဲဖြစ်တာကို ကျနော်တို့ရဲ့ ဒေါက်တာမကြီးက သိဟန်မတူဘူး။ အဲဒီကက်သိုလစ်တွေကို ပညာမတတ်ဘူး။ အစွန်းရောက်နေတယ်လို့ ဆရာမကြီး ပြောရဲသလားဆိုတာကို သိချင်မိတယ်။ ကက်သိုလစ်ဘာသာကြီးစိုးတဲ့ နိုင်ငံအချို့မှာ သားသမီးကန့်သတ်ခြင်းကို လက်မခံကြပေမဲ့ အိမ်နီးချင်း ဘင်္ဂလားဒေ့ရ်ှအပါအဝင် မွတ်စလင်နိုင်ငံတွေမှာ သားသမီးကန့်သတ်ခြင်းကို ကျင့်သုံးနေကြတယ်ဆိုတာကိုလည်း ပညာရှင်ဆရာမကြီးက မေ့ချင်ယောင် ဆောင်နေပြန်တယ်။ သူ့မစ်ရှင်(Mission)က မီးငြိမ်းတဲ့ မစ်ရှင် မဟုတ်ဘူး။ ဓါတ်ဆီလောင်းတဲ့ မစ်ရှင်ဖြစ်ဟန်တူတယ်။ ရှိစေတော့။

    ရှိစေတော့တွေ များလာရင်တော့ ကိစ္စရှိလာနိုင်ပါတယ်။

    ဒီနေ့ ဦးသိန်းစိန်အစိုးးရရဲ့ လူဦးရေထိန်းချုပ်ခြင်းကို ဒေါ်အောင်ဆန်းစုကြည်၊ လူ့အခွင့်အရေး အဖွဲ့အစည်းတွေနှင့် ကုသသမဂ္ဂက ကန့်ကွက်နေတာလား။ ထိန်းချုပ်တဲ့နည်းစနစ်၊ ပုံသဏ္ဍာန်ကို ကန့်ကွက်နေတာလားဆိုတဲ့ အင်မတန်အခရာကျတဲ့ မေးခွန်းကြီးကို RFAမှာ ဆွေးနွေးသူ ပညာရှင်နှစ်ယောက်ကော၊ သတင်းမေးသူ ဦးခင်မောင်ငြိမ်းတို့ သာကမ မြန်မာပြည်သူ အများအပြားက နားလည်သဘောပေါက်ဟန် မတူကြတာက ဝမ်းနည်းစရာပါ။

    ကမ္ဘာကြီးမှာ လူဦးရေ ပေါက်ကွဲမှု များပြားနေပြီး အစာရေစာနဲ့ သဘာဝပတ်ဝန်းကျင် ပျက်ဆီးဆုံးရှုံးမှုတွေ များပြားနေလို့ ကုလသမဂ္ဂကိုယ်တိုင်က ငွေကုန်ကြေးကျခံ၊ အဖွဲ့အစည်းတွေဖွဲ့၊ ပညာရှင်တွေအကူအညီနဲ့ လူဦးရေ ထိန်းချုပ်ရေး ကူညီလုပ်ဆောင်ပေးနေတာကို မမြင်ကြဘူးလား။ အိမ်နီးချင်း အိန္ဒိယ၊ ဘင်္ဂလားဒက်နိုင်ငံတွေအပါအဝင် ကမ္ဘာ့နိုင်ငံအားလုံးလောက်လိုလို (လူဦးရေတိုးနှုံး အနှုတ်ပြနေတဲ့ စီးပွားတိုးတက်သော နိုင်ငံအနည်းငယ်ကလွဲလို့)က လူဦးရေ ထိန်းချုပ်ခြင်းကို ကိုယ့်နည်းကိုယ့်ဟန်နဲ့ လုပ်နေကြတာကို မတွေ့ကြဘူးလား။ ဆင်းရဲပြီး သားသမီးများရင် ခလေးကော၊ မိခင်သာ ထိခိုက်ရုံမက လူ့အဖွဲ့အစည်းကိုပါ ဝန်ထုပ်ဝန်ပိုးဖြစ်နေလို့ လူဦးရေ ထိန်းချုပ်ခြင်း (Family Planning)ကို လူ့အခွင့်အရေးအဖွဲ့အစည်း၊ ကျန်းမာရေးအဖွဲ့အစည်း အားလုံးလိုလို ထောက်ခံကူညီနေကြတာကို ဒီပညာရှင်ကြီးများ မသိကြဘူးလား။

    ဦးသိန်းစိန်ကို ထောက်ခံချင်ဇောကြောင့် ဒေါ်အောင်ဆန်းစုကြည်က ဘာကြောင့် ကန့်ကွက်ရသလဲဆိုတာကို မစဉ်းစားနိုင်ကြဘူး ဆိုရင်တော့ ကျနော်တို့နိုင်ငံ ဒီမိုကရေစီ ခရီးလမ်းက ကြမ်းနေအုံးမှာပါ။

    ဒေါ်အောင်ဆန်းစုကြည်အပါအဝင် လူ့အခွင့်အရေး အဖွဲ့အစည်းတွေ၊ နိုင်ငံတကာအစိုးရတွေနဲ့ ကုလသမဂ္ဂတို့က ရိုဟင်ဂျာတွေကို ခလေးနှစ်ယောက်ထက် ပိုမယူရဆိုတဲ့အမိန့်ကို ကန့်ကွက်ရခြင်းက အမိန့်အာဏာနဲ့ လုပ်လို့ဖြစ်တယ်။ အမိန့်အာဏာနဲ့ လုပ်ရင် လူ့အခွင့်အရေး ချိုးဖောက်မှုဖြစ်တယ်။ ဒါကြောင့် လူ့အခွင့်အရေး ချိုးဖောက်မှု မဖြစ်အောင် စည်းရုံးခြင်း၊ ပညာပေးခြင်း၊ အထောက်အကူပေးခြင်းအားဖြင့်သာ လုပ်ကြဖို့ လိုပါတယ်။

    ရိုဟင်ဂျာတွေ ဆင်းရဲတယ်။ ဆင်းရဲမှာပေါ့။ ဆင်းရဲအောင် အလုပ်ခံထားရတာကိုး။ သူတို့ထွက်ကုန်တွေ သူတို့ လွတ်လပ်စွာ ရောင်းဝယ်ခွင့် မရှိဘူး။ လွတ်လပ်စွာ ခရီးသွား ကုန်သွယ်ခွင့် မရှိဘူး။ အစိုးရကလည်း ဘာအထောက်အကူ (Infrastructures)မှ မလုပ်ပေးဘူး။ ဒီကြားထဲ သူတို့လယ်တွေ၊ ကျွဲနွားတွေကိုလည်း မကြာခဏ အဓမ္မ အသိမ်းခံကြရတယ်။ အသစ်နေရာချပေးတဲ့ နတလရွာသားတွေအတွက် သူတို့ လယ်၊ သူတို့ နွားကို ပေးရတယ်။ အလုပ်ခွင်မှာလည်း ပေါ်တာ အဆွဲခံရတယ်။

    ရိုဟင်ဂျာတွေဟာ ပညာမတတ်ဘူး။ ဘာကြောင့်လဲ။ ကျောင်းအင်မတန် နည်းတယ်။ ဘာသာစကား ကျွမ်းကျင်တဲ့ ရိုဟင်ဂျာဆရာ မခန့်ဘူး။ ရခိုင်ဆရာတွေကို အများဆုံး ခန့်တယ်။ ဆရာအများစုကြီးက အိမ်မှာနေပြီး လခထိုင်ထုတ်၊ ကျောင်းမလာ။ စေတနာနည်း။

    ရိုဟင်ဂျာတွေမှာ ပညာတတ်ရှားတယ်။ နည်းနည်းပါးပါး စာသင်နိုင်သူတွေ ဆယ်တန်းအောင်ရင် တက္ကသိုလ်တက်ခွင့်ရရေးက အိုင်ယာလန်ထီပေါက်တာထက် ပိုခက်ခဲတယ်။ ပညာတတ်တွေ မဖြစ်လာအောင် စနစ်တကျပိတ်ဆို့ထားတာ ၁၉၈၂ နိုင်ငံသားဥပဒေ ပြဌာန်းပြီး နောက်ပိုင်းကတည်းကဘဲ။

    ရိုဟင်ဂျာတွေ လူဦးရေများတယ်ပြောတယ်။ လွန်ခဲ့သော ဘယ်နှစ်ခုနှစ်က လူဦးရေ ဘယ်လောက်ရှိခဲ့ပြီး အခုဘယ်လောက်ရှိလာလို့ လူဦးရေတိုးနှုံး ဘယ်လောက်မြင့်တက်လာပါတယ်လို့ ကိန်းဂဏန်းနဲ့ မချပြဘဲ ဘယ်လိုလုပ် လူဦးရေများတယ် ပြောနိုင်ကြတာလဲ။ ဘာအထောက်အထားနဲ့ ပြောနေတာလဲ။ ရိုဟင်ဂျာတွေကို ခွင့်ပြုချက်ရမှ လက်ထပ်ရမယ်။ ခလေးနှစ်ယောက်ထက် ပိုမယူရဘူးဆိုတာ နှစ်နှစ်ဆယ်ကျော်နေပြီ။ ဘယ်လိုလုပ်ပြီး လူဦးရေ များတယ် ပြောနိုင်ရတာလဲ။

    မိသားတစ်စုမှာ ၅၀ – ၆၀ လောက်ရှိတယ်။ ဟုတ်လား။ ခင်ဗျားတို့ကို အဖိုး အဖွား၊ အမိ အဘ၊ သား သမီး၊ မြေးမြစ်အထိအောင် အိမ်ထောင်စုစာရင်း တစ်ခုဘဲ လုပ်ပေးထားရင် ခင်ဗျားတို့လည်း ၅၀ – ၆၀ မဖြစ်သွားနိုင်ဘူးလား။

    အုပ်ချုပ်ရေး၊ ပညာရေး၊ ကျန်းမာရေး၊ ဌာနဆိုင်ရာမှာ ရိုဟင်ဂျာကို အလုပ်မခန့်တော့ဘူး။ အနှိမ်ခံ အဖိခံလုပ်ထားတယ်။ ဒီလူမျိုးမှ မနိမ့်ကျရင် ဘယ်လူမျိုး နိမ့်ကျအုံးမှာလဲ။ ဒီလိုလူမျိုးမှ ခေတ်နောက်မကျရင် ဘယ်လူမျိုး ခေတ်နောက်ကျအုံးမှာလဲ။ သူတို့ကို လွတ်မြောက်အောက် အကူအညီပေးမှာလား။ ပိုဆိုးအောင် ပိုဖိနှိပ်မှာလား။

    ဒါကြောင့် ပထမအဆင့်အနေနဲ့ ရိုဟင်ဂျာတွေမှာ တစ်ကယ်ဘဲ လူဦးရေး တိုးပွါးမှုနှုံး မြင့်နေသလား။ အခြားမြန်မာနိုင်ငံသားတွေမှာကော လူဦးရေ တိုးပွါးနှုံးမြင့်နေသလား။ လူဦးရေတိုးနှုံးများနေတာမှန်ရင်၊ မိသားစု စီမံကိန်းလုပ်ဖို့ လိုအပ်တာမှန်ရင် သက်ဆိုင်ရာ ပညာရှင်တွေ၊ လူ့အဖွဲ့အစည်းတွေရဲ့ ထင်သာမြင်သာသော ထောက်ခံမှုနှင့် ပူးပေါင်းဆောင်ရွက်မှုကို ရယူပြီးမှ သားသမီး ဦးရေကို ထိန်းချုပ်တဲ့ မိသားစုစီမံကိန်း (Family Planning)ကို လုပ်ရမှာဖြစ်တယ်။ သို့သော် အမိန့်အာဏာနဲ့ လုပ်လို့ မရပါဘူး။ အမိန့်အာဏာနဲ့ ခိုင်းရင် လူ့အခွင့်အရေး ချိုးဖောက်မှုဖြစ်ပါတယ်။ လုပ်ချင်ရင် ရိုဟင်ဂျာတွေကို စည်းရုံးပါ။ ပညာပေးပါ။ ရိုဟင်ဂျာ လူထုခေါင်းဆောင်တွေ၊ ဘာသာရေး ခေါင်းဆောင်တွေ၊ နိုင်ငံရေးခေါင်းဆောင်တွေနဲ့ ညှိနှိုင်းဆောင်ရွက်ပါ။ ဒီနည်းဘဲ ရှိပါတယ်။

    လက်ပံတောင်းတောင် စီမံကိန်း အစီရင်ခံစာနှင့် ရခိုင်ပဋိပက္ခစုံစမ်းရေး ကော်မရှင် အစီရင်ခံစာထဲက သပြေသီးကောက်သလို ကိုယ်ကြိုက်တာရွေးပြီး အကောင်အထည်ဖေါ်နေတာတွေ၊ ကိုယ်မကြိုက်တာတွေကို မသိချင်ယောင်ဆောင်နေတာတွေက သိပ်သိသာလွန်းနေပါပြီ။ ဦးသိန်းစိန်အစိုးရအနေနဲ့ ရှက်တတ်ဖို့ လိုပါတယ်။

    နောက်ဆုံးအနေနဲ့ ပြောချင်တာက ရိုဟင်ဂျာတွေရဲ့ အပြည့်အဝ ပူးပေါင်းဆောင်ရွက်မှုကို လိုချင်တယ်ဆိုရင် သူတို့ကို လူလိုမြင်ကြပါ။ လူလိုဆက်ဆံကြပါ။ လူလို လေးစားပြပါ။ လူလို လူလို မမြင်ရင် လူသားအဖြစ်မှ တစ်ကယ်တန်း ဆုံးရှုံးသွားသူက ဘယ်သူတွေလဲဆိုတာကို သိပါ။

  • ရ၀မ်ဒါမျိုးဖြုတ် သုတ်သင်မှုနှင့် ဆင်တူနေသည့် မြန်မာပြည် (ဘာသာပြန် ဆောင်းပါး)

    ဇွန်-၂၊၂၀၁၃
    ဘာသာပြန်-သာကီထက်ကောင်း

    မျိုးဖြုတ်သုတ်သင်ခြင်း၏ရှေ့ပြေးလက္ခဏာများဖြစ်သော လူမျိုးစုသန့်စင်ဖယ်ရှားရေးနှင့်  လူသားဖြစ်မှုကိုဆန့် ကျင် ကျူးလွန်သည့်ပြစ်မှုများမှာ မြန်မာနိုင်ငံတွင် ပေါ်လွင် ထင်ရှားလျက်ရှိသည်။ သို့ သော် မြန်မာအများစုက ငြင်းဆန်ပယ်ချနေဆဲ။

    49
    လားရှိုးအကြမ်းဖက်မှု

    လူ့အခွင့်အရေး လှုပ်ရှားသူများလည်း ၄င်းတို့အထဲပါဝင်နေသည်။ Human Rights Education Institute of Burma (HREIB) ၏ ဒါရိုက်တာ ဦးအောင်မျိုးမင်း က လွန်ခဲ့သောလ အတွင်း ထုတ်ပြန်သည့် လူ့အခွင့်အရေးစောင့်ကြည့်မှု အဖွဲ့ Human Rights Watch ၏ ရခိုင်အကြမ်းဖက်မှုအစီရင်ခံစာ၌ ပါဝင်သော      လူမျိုးစုသန့်စင်ဖယ်ရှားရေး (“ethnic cleansing”) ဟူသည့် အသုံးအနှုန်းကို လက်မခံနိုင်ကြောင်း ဆိုသည်။

    ထိုအသုံးအနှုန်းကို ကန့်ကွက်ငြင်းဆိုခြင်း (၀ါ) HRW အစီရင်ခံစာကို သွယ်ဝိုက်ငြင်းဆိုခြင်း သည် ရိုဟင်ဂျာများအပေါ် ကြီးမားသောချိုးဖောက်မှုများ၊ စိတ်တိုင်းကျ အစုလိုက် အပြုံလိုက် သတ်ဖြတ်နေနိုင်သည့် အခြေအနေများရှိနိုင်သည်ဆိုသည့်အချက်ကို ဖုံးကွယ်ပေးလိုက်ခြင်း ဖြစ်သည်။ ဤသို့ ဖြင့် ရာဇ၀တ်သားတို့ကို ကာကွယ်ပေးရာရောက်စေသည့် အပြင် ကျူးလွန်ဖောက်ဖျက်မှုများကို စုံစမ်း စစ်ဆေးရန်နှင့် ကာကွယ်သင့် ကာကွယ်ထိုက်သည်များကို ပြင်ဆင်ရန်လိုအပ်ပြီဟူသော သတိပေးချက်ကို ကြိုတင် ပိတ်ဆို့ လိုက်ခြင်းသာဖြစ်သည်။

    ကြီးမားသောချိုးဖောက်မှုများထင်ရှားနေပါလျက် ဆိတ်ဆိတ်နေခြင်းက လူမိုက်အားပေးအ ဆိပ်ပင်ရေလောင်းခြင်းဖြစ်သည်။

    ဂျီနိုဆိုဒ် သည်  “ဖြစ်ရပ်”ချည်းမဟုတ်၊ လှုပ်ရှားမှု “ဖြစ်စဉ်” ဖြစ်

    မြန်မာပြည်သူများသည် “လူမျိုးစုသန်စင်ဖယ်ရှားရေး” နှင့် “မျိုးဖြုတ်သုတ်သင်မှု” ကို ရောထွေးကာ အတူတူဟုပင် ထင်မြင်ကြသည်။ ဤမျှမက မျိုးဖြတ်သုတ်သင်မှုသည် ရုတ်ခြည်း ပွင့်အံဖြစ်ပေါ်သော၊ လူထောင်ပေါင်းများစွာ တချိန်တည်း အသတ်ခံရသော ဖြစ်ရပ်ဟုအမြင်မှားကြသည်။

    ယင်းသို့အမြင်မှားစေခြင်းကြောင့် မြန်မာလူမျိုးများစွာတို့မှာ မိမိတို့တိုင်းပြည်၌ မျိုးဖြုတ်သုတ် သင်မှု မရှိဟု ယူဆသွားစေသည်။ သို့ ရှိရာ အစုလိုက်အပြုံလိုက် သတ်ဖြတ်မှုဖြစ်လာအောင် လှုပ်ရှားနေသည့် “ဖြစ်စဉ်” ကို အလေးမပြုတော့ပေ။

    တနည်းဆိုရသော် မျိုးဖြုတ်သုတ်သင်ရေး (genocide) ဆိုသည်မှာ ရုတ်တရက်ထဖြစ်သော၊ တချိန်တည်းထောင်ပေါင်းများစွာအသတ်ခံရသော “ဖြစ်ရပ်”(outbreak) မဟုတ်။ လူပေါင်းများစွာကို သတ်နိုင်သည့် အခြေအနေ ရရှိလာအောင် အချိန်တစုံတရာယူကာ ဖန်တီးသော လှုပ်ရှားမှု “ဖြစ်စဉ်” ဖြစ်သည်။

    သို့သော် အပြည်ပြည်ဆိုင်ရာအဓိပ္ပာယ်ဖွင့်ဆိုချက်မှာတော့ သတ်ခြင်းထက် ပို၍ ကျယ်ဝန်းသည်။ လူမျိုးနွယ်တစ်ရပ် သို့မဟုတ် လူမျိုးတစ်မျိုး သို့မဟုတ် ဘာသာရေးအုပ်စုတစ်စုအား တမင်ရည်ရွယ်ချက်ဖြင့် ဖျက်ဆီးလုပ်ဆောင်ခြင်းက မျိုးဖြုတ်သုတ်သင်မှု – Genocide ကျူးလွန်ခြင်း အထမြောက်သည်ဟု 1948 Genocide Convention မှ သတ်မှတ်ထားသည်။ ယင်းဖွင့်ဆိုချက်တွင် ရုပ်ပိုင်းဆိုင်ရာဖြစ်စေ စိတ်ပိုင်းဆိုင်ရာဖြစ်စေ ထိခိုက်နစ်နာစေခြင်း၊ မွေးဖွားမှုကို တားဆီးထိန်းချုပ်ခြင်း၊ အုပ်စုတစ်စု၏တည်ရှိမှုကို ပျက်စီးစေရန် ကလေးငယ်များအား ရွှေ့ပြောင်းခြင်း စသည်တို့လည်း ပါဝင်နေ၏။

    3
    ဥက္ကံ

    ဧပြီလ ၂၉ ရက်တွင်ထုတ်ပြန်သော အစိုးရ လက်အောက်ခံ ရခိုင်ပဋိပက္ခစုံစမ်းရေးကော်မရှင် အစီရင်ခံစာသည်ပင်လျှင် အထက်ပါဖွင့်ဆိုချက်များအရ မျိုးဖြုတ်သုတ်သင်မှု၏ အစိတ်အပိုင်းပုံဟန် တစ်ရပ်အဖြစ် ယူဆသုံးသပ်၍ ရနေသည်။ အစီရင်ခံစာပါ ပျက်လိုဖျက်ဆီးဖြစ်စေသည့်မှတ်ချက်များစွာအနက်တစ်ခုမှာ ရိုဟင်ဂျာ အမျိုးသမီးများ အကြား မွေးဖွားနှုန်းကို တိုးမြှင့်ကန့်သတ် ထိန်းချုပ်ထားချက်ပင် ဖြစ်သည်။ တမင်ရည်ရွယ်ကြံဆောင်သည်ဖြစ်စေ မရည်ရွယ်သည်ဖြစ်စေ ရိုဟင်ဂျာတို့ ၏ မွေးဖွားနှုန်းများရသည့် အခြေအနေကို ဘက်ပေါင်းစုံမှမကြည့်ပဲ မွေးဖွားနှုန်းထိန်းချုပ်စေခြင်းသည် မျိုးဖြုတ်သုတ်သင်မှုစာရင်းဝင်နေပါတော့သည်။

    ရ၀မ်ဒါနှင့် ဆင်တူနေသည့် မြန်မာပြည်

    မြို့ကြီးမြို့ငယ်များတွင်လည်း အကြမ်းဖက်ခြင်းများ၊ လူ့မြင်ကွင်း၌သတ်ဖြတ်နေမှုများကို မယုံကြည်နိုင်အောင် တွေ့နေရသည်။ ဤသည်မှာ ၁၉၉၄ ခုနှစ်၊ ရ၀မ်ဒါနိုင်ငံ၌ ရက်ပေါင်း ၁၀၀ အတွင်း လူပေါင်း ၈ သိန်းကျော် သတ်ဖြတ်သည့် ဖြစ်ရပ် အလားသဏ္ဍာန်မျိုးဖြစ်နေသည်။ ယင်းသတ်ဖြတ်ခံရသူအများစုမှာ တွတ်စီ လူနည်းစုဝင်များ ဖြစ်ကြသည်။ ရ၀မ်ဒါ၏ မျိုးဖြုတ်သုတ်သင်မှုသည်လည်း ရုတ်ခြည်းပွင့်အံခဲ့ခြင်းမျိုးမဟုတ်။ တစ်အုံတစ်ကျင်း အပြည့်အ၀စိတ်တိုင်းကျသတ်ဖြတ်မှုအနေအထားဖြစ်ပေါ်လာစေအောင် နှစ်များစွာကတည်းက ၊ အထူးသဖြင့် ၁၉၉၄ ခုနှစ်၊ ဧပြီလမတိုင်မီ လပေါင်း ၄၀ ကတည်းက  ကြိုတင်စီမံထားခဲ့ခြင်းဖြစ်သည်။

    Aiding Violence စာအုပ်ရေးသားသူ ကုလသမဂ္ဂအရာရှိဟောင်း Peter Uvin မှ ဤဖြစ်ရပ်ကို ရှင်းပြထားသည်။ တုန်လှုပ်ဖွယ်ရာများမှာ အဖြစ်အပျက်များသာမဟုတ်၊ မျိုးဖြုတ် သုတ်သင်မှု၏ လက္ခဏာများအား လျစ်လျူရှုခဲ့ခြင်းသည် အကြီးအကျယ် တုန်လှုပ်ဖွယ်ကောင်းသည်။ ယင်းနိမိတ်လက္ခဏာများကို ယခုအခါ မြန်မာနိုင်ငံ၌ ရှင်းလင်းပြတ်သားစွာ တွေ့မြင်လာရသည်။ မြန်မာနိုင်ငံသည် ရ၀မ်ဒါကဲ့သို့ မလွဲမသွေဖြစ်လာလိမ့်မည်ဟု မဆိုလိုသော်လည်း   ၁၉၉၄ ခုနှစ်၊ ဧပြီလမတိုင်မှီ ရ၀မ်ဒါရှိ နိမိတ်လက္ခဏာများကို ယနေ့မြန်မာနိုင်ငံတွင် စစ်ဆေးတွေ့ရှိနေရသည်။

    by Sithu Lwin  1
    မိတ္ထီလာ

    ရ၀မ်ဒါနှင့်မြန်မာ – နိုင်ငံတကာဆက်ဆံရေး

    ၁၉၉၄ ခုနှစ်၊ ဧပြီလ မတိုင်မီက ဟူတူးလူမျိုးစုကြီးစိုးသော ရ၀မ်ဒါအစိုးရကို နိုင်ငံတော်တိုးတက်စေရေး အတွက် နိုင်ငံတကာအသိုင်းအ၀ိုင်းမှ ငွေကြေး အထောက်အပံ့များစွာဖြင့် ဂုဏ်ပြုအားပေးခဲ့သည်။ မည်သည့် အတွက်ကြောင့် ချီးမြှင့်ကူညီကြပါသနည်း ? စီးပွားရေးပြုပြင်ပြောင်းလဲမှု ဟူသောအကြောင်းရပ်ကြောင့် ဖြစ်သည်။ သန်းနှင့်ချီသော ဒေါ်လာ လှိုင်းလုံးတို့သည် နိုင်ငံတွင်းသို့ အတောမသတ် စီးဝင်လာကြသည်။ ရ၀မ်ဒါအစိုးရက ယင်းဖွံ့ဖြိုးရေး အထောက် အကူပြု နိုင်ငံခြား ကူညီထောက်ပံ့ငွေများ အပေါ် အပြည့်အ၀ ချုပ်ကိုင်ထားခဲ့ကြသည်။ ၈၀ % နှုန်းအထက်မှာ အစိုးရပိုင်းသို့ ရောက်ရှိသွားပြီး ကျန်ငွေများ သုံးစွဲရန် အစိုးရ ထောက်ခံချက်ပါရသည်။ ဥပမာအားဖြင့် ယင်းသို့အသားတင်အမြတ်ထုတ်နေခြင်းအပေါ် အမေရိကန်က ပြစ်တင်ရှုတ်ချမှု မပြုသည့်အပြင် စစ်တပ်ဆက်ဆံရေး၊ စစ်ရေးကူညီရေးတို့ ကိုပင် မလျော့ချခဲ့။

    လက်ရှိတွင် မြန်မာနိုင်ငံနှင့် နိုင်ငံတကာ ပတ်သက်မှုလက်ရှိအနေအထား၊ ထောက်ပံ့ငွေများ စီးဝင်နေမှု၊  International Crisis Group မှ သမ္မတဦးသိန်းစိန်အား ဆုချီးမြှင့်မှု၊ အမေရိကန်၏စစ်ရေးအရပါဝင်လာမှုတို့ မှာ ရ၀မ်ဒါ နှင့် မြန်မာနိုင်ငံ ထပ်တူနီးပါး ဖြစ်နေသည်။

    ရ၀မ်ဒါ၌ US ၊ EU ၊ ကမ္ဘာ့ဘဏ်၊ နိုင်ငံအတွင်းအပြင်အလှူရှင်များ၊ အပြည်ပြည်ဆိုင်ရာအဖွဲ့အစည်းများအားလုံးသည် လူထုနှင့်ပူးပေါင်းဆောင်ရွက်မှုကိုဖယ်ခွာ၍ အစိုးရနှင့်သာ တိုက်ရိုက်ပတ်သက်ဆောင်ရွက်ခဲ့ကြသည်။ အစီအမံပရိုဂရမ်များမှာ အစိုးရ၏အားကောင်းရေးအတွက်သာ ဆင်ယင်ခံရသည်။ အစိုးရပိုင်းကလည်း မျိုးဖြုတ်သုတ်သင်ရေးကိစ္စကို ဌာနဆိုင်ရာအစည်းအဝေးများတွင် ပြောင်ပြောင်တင်းတင်း ဆွေးနွေးစီစဉ်ခဲ့ကြသည်။ သို့ သော် ဒလဟောတိုးဝင်လာသော နိုင်ငံတကာလှူဒါန်းပံ့ပိုးငွေများမှာမူ အစိုးရကို ပိုမိုခိုင်မာအားကောင်းအောင် အဆုံးစွန်ထိ ကူညီရာရောက်သွားခဲ့သည်။ အစိုးရပိုင်းကလည်း သစ်ခုတ်ဓားကဲ့သို့လူသတ်လက်နက်ပေါင်း ၅၈၁,၀၀၀ ကို တရုတ်ပြည်မှ ၀ယ်ယူတင်သွင်းသည်။ ဗြိတိသျှ ဂျာနယ်လစ် Linda Melvern ၏အဆိုအရ ၁၉၉၀ ခုနှစ်တွင် ဒေါ်လာ ၂၆ သန်း တန်ကြေးရှိလက်နက်အရောင်းအ၀ယ်တစ် ရပ်ကို အီဂျစ်၌ လက်မှတ်ရေးထိုးခဲ့သည်။

    ၄င်းနောက် တူစီလူမျိုးတို့အပေါ်မုန်းတီးဆန့်ကျင်ရေးကို နိုင်ငံပိုင်ရေဒီယိုများမှ ထင်သာမြင်သာစွာ ကြေငြာထုတ်လွှင့်ကြသည်။  နိုင်ငံတကာအသိုင်းအ၀ိုင်းက တုန့်ပြန်ရန်ပျက်ကွက်ခဲ့သည်သာမက အစိုးရ၏ပြုပြင်ပြောင်းလဲရေးပုံရိပ်ကိုပင်လျှင် အကောင်းမြင်ပုံစံဖြင့် ဆက်လက်ရုပ်လုံးဖော်ပေးနေခဲ့ကြသည်။ လက်ရှိ မြန်မာပြည်အနေအထားကဲ့သို့ ဖြစ်သည်။ ထိုအချိန်တွင်း ထောင်နှင့်ချီသော တူစီလူမျိုးများ ရက်စက်စွာ လက်စတုန်းခံလိုက်ရပြီဖြစ်၏။

    A body is seen on a street in Meikhtila 21 match
    မိတ္ထီလာ

    ရ၀မ်ဒါနှင့်မြန်မာ – လူ့ အခွင့်အရေးအစီရင်ခံစာများ

    ရ၀မ်ဒါ၌ ဖြစ်ပျက်နေမှုကို နိုင်ငံတကာအသိုင်းအ၀ိုင်းအကြား သြဇာထွားသူများ မည်ရွေ့မည်မျှ သိမသိကို အတိအကျမသိနိုင်သော်လည်း  ၁၉၉၃ ခုနှစ်တွင် NGO အဖွဲ့ကြီးလေးဖွဲ့မှလည်း ကောင်း၊ ကုလသမဂ္ဂအထူးကိုယ်စားလှယ်ထံမှ လည်းကောင်း အစီရင်ခံစာတစ်စောင်စီ ထွက်ပေါ်ခဲ့သည်။ ၄င်းတို့၌ တအုံတကျင်းလက်နက်ဖြန့်ဝေနေမှု၊ တူစီဆန့်ကျင်ရေး အစွန်းရောက်နေမှု၊ အစိုးရမှကျောထောက်နောက်ခံပြု၍ တူစီတို့အား အဓိကဦးတည်သတ်ဖြတ်နေမှု များကို အသေးစိပ် ဖော်ပြထားသည်။ သို့သော် မည်သူတစ်ဦးမျှ မတုန့်ပြန် အရေးမယူခဲ့ကြချေ။

    မြန်မာနိုင်ငံနှင့်ဆင်တူသည်မှာ ကုလသမဂ္ဂသံတမန်များဖြစ်သော မစ္စတာ သောမတ်စ် ကင်တားနား နှင့် မစ္စတာ ဗီဂျေးနမ်ဘီးယား တို့၏ ထုတ်ပြန်ပြောဆိုချက်အပြင် လူ့အခွင့်အရေးစောင့်ကြည့်လေ့လာမှု အဖွဲ့ HRW ၏ အစီရင်ခံစာလည်း မကြာသေးမီက ထွက်ရှိလာသည်။ ၄င်းတို့၌ ရိုဟင်ဂျာ လူမျိုးစုအား ဆန့်ကျင်အကြမ်းဖက်မှုများ ကျယ်ပြန့်ကြီးထွားလာသည့်အကြောင်း၊ အစီအစဉ်ရှိရှိအကွက်ချ၍ အစုလိုက်အပြုံလိုက်သတ်ဖြတ်ခြင်းအကြောင်းကို အနုစိပ် ဖော်ပြထား၏။ မြန်မာနိုင်ငံအလယ်ပိုင်းတစ်ခွင် မွတ်စ်လင်မ်ဆန့်ကျင်ရေးအကြမ်းဖက်မှုကြီး၌ နိုင်ငံတော်၏ပါဝင်ပတ်သက်နေမှုအထောက်အထား အခိုင်အလုံရရှိထားကြောင်း မစ္စတာကင်တားနားမှ ဖော်ပြခဲ့သလို၊ မစ္စတာ နမ်ဘီးယားမှလည်း အကြမ်းဖက်မှုမှာ လူမဆန်အောင် ရက်စက်ကြမ်းကြုတ်လှကြောင်း ထုတ်ဖော်ပြောကြားခဲ့၏။

    ဆက်၍ဆိုရပါလျှင် UN ငြိမ်းချမ်းရေး ထိန်းသိမ်းမှုအကြီးအကဲ ဗိုလ်ချုပ် Romeo Dallaire  က ရ၀မ်ဒါတွင် ပြင်းထန်သော မျိုးဖြုတ်သုတ်သင်မှုအကြောင်းကို အထူးအစီရင်ခံခဲ့သော်လည်း လျစ်လျူရှုခံခဲ့ရသည်။

    CIA သုတေသနဌာနမှ သန်းတစ်ဝက်ခန့် လူအသေအပျောက် ရှိနိုင်သည်ဟု ၁၉၉၄ ခုနှစ် ဇန္န၀ါရီလ၌ ခန့်မှန်းသုံးသပ်ခဲ့ကြောင်း၊ ဖေဖော်ဝါရီလ၌ အစုလိုက်အပြုံလိုက် သတ်ဖြတ်နေသည်ဟု ဘယ်လ်ဂျီယံမှ သုံးသပ်ကြောင်း၊ ပြင်သစ်သည်လည်း အလားတူသိရှိခဲ့ကြောင်း၊ သို့ရာတွင် ဧပြီလနှောင်းပိုင်းအထိ ၄င်းတို့သည် မည်သည့် တုန့်ပြန်ဆောင်ရွက်မှု မရှိခဲ့ကြောင်း HRW ၏ အစီရင်ခံစာတစ်စောင်က ထောက်ပြထား၏။

    နှုတ်ဆိတ်နေမှုများ

    ရ၀မ်ဒါရှိ နိုင်ငံတကာ ဖွံ့ဖြိုးရေး ကူညီမှုအဖွဲ့ များမှ နိုင်ငံခြားသား ၀န်ထမ်းတို့သည်လည်း နှိပ်စက်စော်ကားခြင်းများ၊ သတ်ဖြတ်ခြင်းများကို ကောင်းစွာ သိရှိနေခဲ့၏။ သို့သော် ၄င်းတို့သည် အမျိုးမျိုးသော ပုဂ္ဂိုလ်ရေးနှင့် အဖွဲ့အစည်း အကျိုးကြောင့် တစ်ခွန်းတစ်ပါဒမျှ မပြောဆိုခဲ့ကြ။ ဧရာမအကြမ်းဖက်မှုအဆင့်သို့ မရောက်သည့် အလား ရေငုံနှုတ်ပိတ်နေခဲ့ကြသည်။ ၄င်းတို့၏ ငြင်းဆို ပယ်ချနေခဲ့မှုများမှာ ယနေ့မြန်မာလူမျိုးတို့၏အနေအထားအတိုင်းပင် ဖြစ်သည်။ ထိုသူတို့  နှုတ်ဆိတ်နေချိန်အတွင်း  လူသတ်ကောင်များကို တဖြည်းဖြည်းမွေးထုတ်ပေး နေပြီဖြစ်သည်။

    kyo pin kyout copy

    ဂျီနိုဆိုဒ် ကမ်ပိန်း

    သို့ သော် သာမန်လူမှ လူသတ်သမားများ၊ ရက်စက်ကြမ်းကြုတ်သည့် အကြမ်းဖက်သူများအ ဖြစ် အလိုအလျောက်မဖြစ်သွားပါ။ ထိုလူများကို လူသတ်အမားများဖြစ်အောင် သိမ်းသွင်းရ သည်။ လူ့အခွင့်အရေးအစီရင်ခံစာတစ်စောင်၌ Alison Desforges က Genocide ကို အဓိပါယ်ဖွင့်ဆိုရာတွင် လူသတ်သမားများဖြစ်လာရန် အချိန်နှင့်အမျှ သိမ်းသွင်းနေသော လှုပ်ရှားမှုဟု ဖွင့်ဆိုသည်။ သို့ ရှိရာ ဂျီနိုဆိုဒ်ဆိုသည်မှာ အချိန်ကာလတခုအတွင်း လူသတ်ကောင်များစည်းရုံးသည့်၊ လူများစွာကို သတ်နိုင်သည့်အခြေအနေဖြစ်အောင် လှုပ်ရှားသည့် ကမ်ပိန်းဖြစ်သည်။

    လူထုသည် သာမန်အားဖြင့် လူသတ်သမားများ ဖြစ်မသွားနိုင်။ လိမ်ညာမုသားများ၊ ပုံဖျက်သတင်း/အမြင်မှားစေမှုတို့ဖြင့် ၄င်းတို့၏စိတ်ဓာတ်များကို မှိုင်းတိုက်သည့် စံနစ်တကျအကွက်ချလှုံ့ဆော်မှုအစီအစဉ်ကြောင့် လူသတ်သမားများဘ၀သို့ တအုံတကျင်း ကူးပြောင်းသွားရခြင်း ဖြစ်သည်။ အစီရင်ခံစာမှ Alison Desforges ထောက်ပြခဲ့သည့် ပင်မအချက်အချို့အား အထူးသတိပြုအပ်သည်။ အလားတူ နိမိတ်လက္ခဏာများကို မြန်မာနိုင်ငံ၌ တွေ့မြင်နေရသောကြောင့် ဖြစ်သည်။

    ရ၀မ်ဒါနှင့် မြန်မာ မီဒီယာ

    ရ၀မ်ဒါတွင် “ လူထုနိုးကြားရေး ” ကင်ပွန်းတပ် သတင်းစာသည် အမုန်းတရားသွတ်သွင်းရာ၌ အကျယ်လောင်ဆုံး ဖြစ်ခဲ့သည်။ များမကြာမီ ဒေသဆိုင်ရာ ခရိုနီ လုပ်ငန်းရှင်များ၊ နိုင်ငံရေးသမားများနှင့်ချိတ်ဆက်ထားသော အခြားဂျာနယ်နှင့် ခရိုနီ သတင်းစာများမှ ပူးပေါင်းပါဝင်လာခဲ့သည်။ ရေဒီယိုသတင်းဌာနများကိုလည်း ထူထောင်လာသည်။ လူထုကို မမှန်သတင်းမက်မောသူများ၊ သွေးဆာသူများဖြစ်လာအောင် လုပ်ကြံသတင်းလွှင့်ခြင်း၊ လူမျိုးကြီးဝါဒသွတ်သွင်းပေးခြင်း  လုပ်ငန်းစဉ်တို့ကို ဦးတည်ဖော်ဆောင်ခဲ့ကြသည်။

    မြန်မာနိုင်ငံတွင် ပြည်တွင်းမီဒီယာများက ရိုဟင်ဂျာ နှင့် မြန်မာမွတ်စ်လင်မ်တို့အား ဆန့်ကျင်ရန် မွှေနှောက်လှုံ့ဆော်လျက် ရှိနေသည်။

    ရ၀မ်ဒါနှင့် မြန်မာနိုင်ငံပညာရှင်

    အမုန်းတရားသွတ်သွင်းမှုလုပ်ငန်းစဉ်၌ ပညာရှင်များ၊ ပရော်ဖက်ဆာများ၏ ရေးသားချက်တို့ကို မှီငြမ်း၍ တရားဝင်ဆောင်ရွက်နိုင်မှုများ၊ မှိုင်းတိုက် ၀ါဒဖြန့်သူများ လိုအပ်သည်။ ပညာရှင်များ၏ အား၊ ပရောဖက်ဆာများ၏ အသံများလိုအပ်သည်။ ရ၀မ်ဒါတွင် ပါမောက္ခနှစ်ဦးဖြစ်သော Nahimana နှင့် Leon Mugesera တို့က ယင်းအခန်းကဏ္ဍ၏အဓိကဇာတ်ကောင်များ ဖြစ်သည်။ ၄င်းတို့နှစ်ဦးစလုံး အနောက်တိုင်းမှ ပညာသင်ယူခဲ့သည်။ အမာခံဝါဒဖြန့်သူများ မဖြစ်မီက ရ၀မ်ဒါတက္ကသိုလ်များတွင် သင်ကြားရေးပြုလုပ်ခဲ့ကြသည်။ ထိုသို့သောလူစားများ ပညာရင်ဆိုသူများကို မြန်မာနိုင်ငံတွင် ခက်ခက်ခဲခဲ ရှာယူရန် မလိုအပ်ချေ။

    အမုန်းဝါဒဖြန့် ချိရေး

    အမုန်းဝါဒဖြန့် သူများသည် ရ၀မ်ဒါတွင် ဟူတူးများသည် အိမ်ရှင်များဖြစ်ပြီး၊ တွတ်စီများသည် နယ်မြေသူခိုး တိုင်းတစ်ပါးဧည့်သည်များဖြစ်သည်ဟု ရုပ်လုံးဖော်ကြသည်။  တွတ်စီတို့၏စည်းလုံးမှု (Tutsi Unity) ဆိုသည့် အတွေးအခေါ်သည် တွတ်စီတို့က ရ၀မ်ဒါကို လွှမ်းမိုးရန်သိမ်းသွင်းဖြစ်သည်ဟု အမုန်းပွားစေရန် ထင်ယောင်ထင်မှားဖြစ်စေရန် လှုံ့ဆော် စွပ်စွဲသမုတ်ခဲ့ကြသည်။

    မြန်မာနိုင်ငံတွင် ရိုဟင်ဂျာလူမျိုးစုကိုသာမက ယခုအခါ မြန်မာမွတ်စ်လင်မ်တို့အား နိုင်ငံခြားသားဧည့်သည်များအဖြစ် ကျယ်ပြန့်စွာပုံဖော်နေကြသည်။ ၄င်းတို့သည် နိုင်ငံ၊ လူမျိုး နှင့် ဗုဒ္ဓဘာသာအား လက်ဝါးကြီးအုပ်ရန်ကြံစည်နေသည်ဟု သမုတ်ခံနေရသည်။ (Tutsi Unity) ကဲ့သို့ ပင်  “၇၈၆” ဟူသော နံပါတ်အား အသုံးပြုသည်ဟုစွပ်စွဲသည်။ မွတ်စ်လင်မ်ဆန့်ကျင်ရေးဟောပြောလှုံ့ဆော်သူတို့က ၇၈၆ ဟူသည် ၂၁ ရာစုတွင် မြန်မာနိုင်ငံနှင့်ကမ္ဘာကို မွတ်စ်လင်မ်တို့မှ သိမ်းယူမည့် ကိုယ်စားပြုချက်ဟု ဆိုကြသည်။ မွတ်စ်လင်မ်တို့၏အဆိုအရမူ ကုရ်အာန်ကျမ်းဂန်၏ပါဒတော်တစ်ရပ်ဖြစ်သည့် “ အလွန်တရာသနားကြင်နာတော်မူသော အနန္တကရုဏာတော်ရှင် အလ္လာဟ်၏ နာမံတော်ဖြင့်(အစပြုပါ၏)” ဟူသည်ကို ကိုယ်စားပြုထားချက်ဖြစ်ကြောင်း သိရ၏။

    ရ၀မ်ဒါရှိ တွတ်စီတို့ကို ပိုးဟပ်များဟု တံဆိပ်တပ်ခံရပြီး၊ မြန်မာနိုင်ငံရှိ ၀ါဒဖြန့်သူများနှင့်၎င်းတို့၏ဘက်တော်သားများက ရိုဟင်ဂျာတို့ကို ဗိုင်းရပ်စ်များ၊ ခွေးများဟု ခေါ်ဆိုကြသည်။

    ဟူတူးတို့ဦးဆောင်သည့် အစိုးရအဖွဲ့မှာ အလွန်ပင် ကောက်ကျစ်ရက်စက်ကြောင်း ရ၀မ်ဒါဖြစ်အင်က ပြသနေသည်။ ၀ါဒဖြန့်သူများက ပြည်သူတို့ကို လွဲမှားသောအချက်အလက်များတိုက်ကျွေးလျက် အသိမဲ့ပါးကွက်သားများအဖြစ်သို့ ဘ၀ပြောင်းအောင် ကြံဆောင်မပျက် ရှိခဲ့ကြသည်။ နေ့စဉ်နှင့်အမျှ လူပေါင်းများစွာ သတ်ဖြတ်ခံနေရသော်လည်း နိုင်ငံတကာအသိုင်းအ၀ိုင်းသည် စီးပွားရေးပြုပြင်ပြောင်းလဲမှုခေါင်းစဉ်အောက်မှ ထောက်ပံ့မှု မပြတ်ခဲ့။ အနောက်တိုင်းမှ အာဏာပိုင်တို့သည် မျိုးဖြုတ်သုတ်သင်ရေးဖြစ်လာတော့မည်ကို သိပါသော်လည်း အခါလွန်သည့်တိုင်အောင် မည်သည့် အရေးယူမှုများကို မလုပ်နိုင်ခဲ့။ ရ၀မ်ဒါ၌နေထိုင်နေကြသည့် အနောက်တိုင်းသားတို့ကလည်း တအုံတကျင်း သတ်ဖြတ်မှု  မဖြစ်နိုင်ဟု မျှော်လင့်ခဲ့သည်။ သို့ရာတွင် ဖြစ်ပွားလာခဲ့ရသည်။

    maketila

    ကြိုတင်ကာကွယ်ဖို့  မြန်မာပြည်သူများတာဝန်ဖြစ်

    မြန်မာနိုင်ငံမှ လူအများစုတို့သည် တိုင်းပြည်ချစ်သယောင် “မျိုးဖြုတ်သုတ်သင်မှု” ဟူသော အသုံးအနှုန်းအား ကန့်ကွက်ကြ၏။ ၄င်းတို့၏ ငြင်းဆိုမှုက တအုံတကျင်း သတ်ဖြတ်နေမှုများကို အားပေးရာရောက်ကြောင်း မစဉ်းစားမိကြ။ ယင်းနိမိတ်လက္ခဏာတို့ကို ငြင်းဆန်ကန့်ကွက်ခြင်းမှာ ၄င်းတို့၏  အဓိကရည်ရွယ်ချက်မဟုတ်ချေ။ စင်စစ်မှာကား ကြိုတင်ကာကွယ်တားဆီးမှုများကို ပိတ်ဆို့လိုက်ခြင်းသာဖြစ်၏။ သို့မှသာ မတွေးဝံ့စရာ ကြမ်းကြုတ်ရက်စက်မှုများ အတားအဆီးမဲ့ ပွင့်ထွက်လာနိုင်မည်ဖြစ်ပေသည်။

    ရ၀မ်ဒါနှင့်ကွာခြားသည်ကား မြန်မာနိုင်ငံ၌ ရှေ့ပြေးလမ်းခင်းစကားများ ကြိုတင်ထွက်ရှိနေ၏။ ကာကွယ်တားဆီးမှု အစီအမံများကို ပြင်းပြင်းထန်ထန်ဆောင်ရွက်ရန် မဖြစ်မနေလိုအပ်လှသည်။ ယင်းသို့သော လူမဆန်စွာသတ်ဖြတ်အကြမ်းဖက်နေမှုများ မြန်မာနိုင်ငံအနှံ့ဖြစ်ပေါ်လာပါက ကြိုတင်ကာကွယ်ရေးနှင့်စုံစမ်းဖော်ထုတ်ရေးအပေါ် ပိတ်ဆို့ထားသူအပေါင်းတို့ထံ တစ်ပြေးညီ တာဝန်ရှိသွားပေမည်။ ချုပ်၍ဆိုရပါလျှင် နိုင်ငံ၏ကံဆိုးမိုးမှောင်ကျမှုများကို ဖယ်ရှားနိုင်စွမ်းရှိသူတို့မှာ လူများစုမြန်မာလူမျိုးများပင် ဖြစ်ပါသည်။

    The Irrawaddy မှ Signs of Coming Genocide in Burma? ဆောင်းပါးကို သာကီ ထက်ကောင်း မှ ဆီလျော်အောင် ပြန်ဆိုရေးသားသည်။

  • လူငယ်တွေကြားက စိတ်ဒါဏ်ရာတွေ

    မေ-၂၆၊၂၀၁၃
    M-Media
    ရေးသူ-ဖိုးသောကြာ

    no jutice no peace

    ဒီနေ့သူငယ်ချင်းတစ်ယောက်နဲ့ စကားအတော်ကြာပြောမိရင်း ပြီးသွားတဲ့ ၂နှစ် ၃နှစ်စာလောက်ကိုပြန်လှန်မိတယ်။ လွန်ခဲ့တဲ့ ၂နှစ်လောက်တုန်းက ကျွန်တော်တို့ မွတ်ဆလင်လူငယ်တွေထဲမှာ လူမျိုးမရွေး ဘာသာမရွေးပဲ လူမှုရေးတွေလုပ်မယ် မြန်မာပြည်က မွတ်ဆလင်လူထုအတွက် ပညာရေးအဆင့်မြှင့်တင်မှုတွေ ကမ္ဘာနဲ့ရင်ပေါင်တန်းနိုင်တဲ့ အသိအမြင်ကျယ်မှုတွေဖြစ်လာဖို့ ဘယ်လိုကြိုးစားကြမယ် Minority နဲ့ Majority ကြားမှာကွာဟမှုကျဉ်းမြောင်းပြီး အတူယှဉ်တွဲနေထိုင်ရေး အတွက် ပြောကြမယ် ဆိုကြမယ်ဟေ့ဆိုရင် အသိအမြင်တင်ပြနိုင်တဲ့ လူငယ်တွေ အမြင်ကျယ်ပြီး လက်တွေ့ပြင်ပလောကအထိ ဆောင်ရွက်နိုင်တဲ့/ဆောင်ရွက်ချင်တဲ့ မွတ်ဆလင်လူငယ်တွေ မများဘူးဆိုရင်တောင် မနည်းလှတဲ့အရေအတွက်ကိုရနိုင်ခဲ့တယ်။

    လွန်ခဲ့တဲ့ ၁နှစ်ကျော်ကဆိုရင် မွတ်ဆလင်လူငယ်တွေဟာ ဘာသာလူမျိုး မခွဲခြားတဲ့ လူမှုရေးအသင်းတွေအထိ ပူးပေါင်းဆောင်ရွက်နိုင်မှု အတိုင်းအတာတစ်ရပ် အထိရှိနေခဲ့တယ်။ ပြောရရင်တော့ အရင့်အရင်အစိုးရ လက်ထက်များက ဖိနှိပ်မှုမျိုး အတန်ငယ်ပြေလျော့လာသယောင် အနေအထားမှာ မွတ်ဆလင်လူငယ်တွေဟာ ပြောင်းလဲလာတဲ့ နိုင်ငံရဲ့အခန်းကဏ္ဍတွေမှာ ပါဝင်ဖို့ Ideology/သဘောတရားရေးရာမှာ အဖုအထစ်တော်တော်လေးကင်းစင်နေပြီး လက်တွေ့ပြင်ပလောကမှာလည်း ပူးပေါင်းဆောင်ရွက်မှုအချို့နဲ့ လူမှုရေး/ကျန်းမာရေးစတာတွေအထိ ဆောင်ရွက်နိုင်မည့်/ဆောင်ရွက်နေတဲ့ ခြေလှမ်းတစ်ချို့အထိရောက်ရှိနေခဲ့တယ်။

    လွန်ခဲ့တဲ့ ၁နှစ်ကျော်ကျော်လောက်ကစပြီး အဲ့ဒီလိုဖူးသစ်စရောင်ခြည်ဟာ တိမ်မီးခိုးတို့ဖုံးလွှမ်းသွားပြီး ဘောင်တွေကျဉ်းလာလိုက် ဖယ်ကျဉ်မှုတွေ မသိမသာရော သိသိသာသာပါ ဖြစ်ထွန်းလာလိုက်တာ ၁နှစ်ဆိုတဲ့ကာလအတွင်းမှာ အလုံးစုံပျက်ဆီးသွားပြီလို့မပြောနိုင်သေးရင်တောင် အဲ့ဒီအနေအထားမျိုးပြန်ရောက်ဖို့ စိတ်ဓာတ်ပိုင်းဆိုင်ရာ အနိုင်ကျင့်ခံလိုက်ရပြီ။

    လက်ရှိ လူငယ် လူရွယ် လူလတ် လူကြီးပိုင်းအထိ အဲ့ဒီ impact ဒါဏ်ဟာ နက်ရှိုင်းစွာရိုက်ခတ်သွားခဲ့ပြီးပြီ။ အဆုံးသတ်မဲ့ ရောင်နီလည်းမမြင်သေးဘူး။  ဒါဟာ ဒီမျိုးဆက်အတွင်းမှာ အပြန်အလှန်နားလည်မှုကို ခက်ခက်ခဲခဲတည်ဆောက်ဖို့ အကျိုးဆက်ကလွဲလို့ ဘာမှအမြတ်မကျန်ခဲ့မည့်အနေအထားအစစ်အမှန်ပဲ။၂၀၀၈ နာဂစ်အပြီးကတည်းက မွတ်ဆလင်လူငယ်တွေဟာ ဘာသာလူမျိုးမခွဲခြားဘဲ လူမှုကယ်ဆယ်ရေးလုပ်ငန်းတွေမှာ မထင်မှတ်လောက်အောင်ပဲ အားတက်သရောပူးပေါင်းပါဝင်ရင်း အတိုင်းအတာ တစ်ရပ်အထိ ထူထောင်ထားတဲ့ လူငယ်အချင်းချင်း အပြန်အလှန်နားလည်မှု ကွန်ယက်ဟာ အလုံးစုံနီးပါးပြိုပျက်သွားပြီ။

    ဒါတွေအတွက် အစိုးရမှာ တာဝန်အရှိဆုံး အုပ်ချုပ်မှုအာဏာပိုင်များမှာ တာဝန်အရှိဆုံးနဲ့ တရားစီရင်ရေးအပိုင်းက ဒုတိယတာဝန်အရှိဆုံးလို့ သတ်မှတ်လို့ရနိုင်သလို အခြေအမြစ်မရှိတဲ့အနေအထားတွေမှာ အလုံးစုံပုံယုံကြည်လိုက်ပြီး ယုန်ထင်ကြောင်ထင်နဲ့ Knowledge ပိုင်းနဲ့ Globalization ပိုင်းမှာ Upgrade မလုပ်ခဲ့တဲ့ တစ်ချိန်က တွဲလက်ညီခဲ့သော တစ်ဖက်က လူငယ်ထုနဲ့ လူထုတစ်ရပ်လုံးဟာ တတိယတာဝန်အရှိဆုံးပါပဲ။  နိုင်ငံရေးပွင့်လင်းလာမှုနဲ့ နည်းပညာပိုင်းဆိုင်ရာပေါက်ကွဲမှုနောက်ကွယ်မှာ ဒီလောက်ပြင်းထန်တဲ့ ရိုက်ခတ်မှု ကြီးကြီးမားမားမျိုးနဲ့ လူငယ်တွေကြားက ဘာသာလူမျိုးမခွဲခြားတဲ့  အချင်းချင်းနားလည်ယုံကြည်မှုတွေဟာ အလျှားလိုက် ခွဲခံလိုက်ရတဲ့ ဝါးလုံးလိုမျိုး ထက်ခြမ်းသက်သက် ကွဲပြားသွားလိမ့်မယ်လို့ ၂၀၁၀နှစ်ကုန်ပိုင်းလောက်မှာ ကျွန်တော့ကို တစ်ယောက်ယောက်က လာပြောရင် အရူးလို့လက်ညှိုးထိုးပြီးပြန်လည် ဟားတိုက်လိုက်မိမှာ ဖြစ်ပေမဲ့ မျက်ဝါးထင်ထင်မြင် တွေ့လိုက်ရမှု အပေါ်မှာတော့ အံ့ဩမင်သက်ခြင်းနဲ့အတူ ဘယ်အရာကများ ဒီအတိုင်းအတာအထိ တွန်းအားပေးသွားသလဲဆိုတာ အဖြေရှာရင်တော့ ယုံလွယ်မှု အသိပညာ ဗဟုသုတနည်းပါးမှု မလိုအပ်တဲ့နေရာမှာ မာနတံခွန်ထောင်လွှားမှု ဖြစ်ရပ်တိုင်းမှာ အဓိကရင်းအမြစ်ကိုအပြန်အလှန်သုံးသပ်ခြင်းအားနည်းမှု ကမ္ဘာလုံးဆိုင်ရာအမြင်ကျယ်ခြင်းအားနည်းမှုတွေဟာလုံးထွေးရစ်ပါတ်ပြီး တစ်နွယ်ငင်တံစဉ်ပါဖြစ်နေတာလို့ပဲ သုံးသပ်မိတယ်။

    ရှေ့လျှောက် တိုးတက် ပွင့်လင်းလာမဲ့ မြန်မာ့နိုင်ငံရေး အခင်းအကျင်းနဲ့ ကမ္ဘာလုံးဆိုင်ရာ ဆက်ဆံရေး အခြေအနေတွေ အရတော့ ဒီပုံစံ ဒီစံနှုန်းများအတိုင်း ဆက်သွားကြမယ်ဆိုရင် တကယ်တမ်း အထိနာမှာကတော့ လူငယ်ထုဆိုတဲ့ တိုင်းပြည်ရဲ့ အနာဂါတ်ကို ပုခုံးထမ်းတင်ပေးရမဲ့ လူတန်းစားကြီးပဲဖြစ်လိမ့်မယ်။  ညီညွတ်ရေး တရားမျှတရေး ဆိုတဲ့ အခြေခံပူးပေါင်း ဆောင်ရွက်မှုတွေအတွက် အဘက်ဘက်က ခေါင်းဆောင်များအနေနဲ့ ဖြစ်မြောက်အောင် ကြိုးပမ်းဆောင်ရွက်ရတာ ခက်ခဲနေပြန်တော့ ထိရောက်ဖို့ဆိုတဲ့ အနေအထားရောက်ဖို့တောင် ဝေးလွန်းလှတယ်။

    ဒါ့ကြောင့် တစ်ခါကရေးဖူးသလိုပဲ ဘာသာတရားများကြားက ညီညွတ်စွာနဲ့အပြန်အလှန်လေးစားပြီး အတူယှဉ်တွဲနေထိုင်ရေး အတွက် ဆောင်ရွက်မှုတွေက ခြေဗလာနဲ့ဖိနပ် လိုက်ရှာနေတုန်းမှာ အမုန်းမီးနဲ့အပေါ်ယံရာသီစာ တရားသဘင်များကတော့ တိုင်းပြည်အနှံ့ ယာဉ်ပေါင်းစုံစီးပြီး ခရီးထွက်ကာ လမ်းဆုံတိုင်းမှာ မဏ္ဍပ်တွေထိုးပြီး တရားတွေဟောနေကြလေရဲ့။ တရားမျှတမှုကို အားလည်းမပေး/တောင်းဆိုခြင်းလည်းမပြုဘဲ ဆိတ်ဆိတ်နေသောအခါ တရားမျှတမှု၏ အရသာကို ဘယ်သောအခါမှ မြည်းစမ်းခွင့်ပင်ရမည် မဟုတ်ပါ။

    ဒီလိုပဲ ကျွန်တော်တို့ဘက်မှာလည်း မမျှတစွာ ဆက်ဆံခံနေရမှုကို မြင်တွေ့နေရမှု အကြမ်းဖက် တိုက်ခိုက်ခြင်းဒါဏ်မှ ကာကွယ်ပေးခြင်း မခံရမှုတွေကြောင့် ရရှိလာခဲ့တဲ့ လူငယ်တွေကြားက စိတ်ဒါဏ်ရာတွေကိုပဲ ဘယ်လိုဘယ်နည်းဖြေဖျောက်ပေးရမယ်ဆိုတာ ကြီးမားတဲ့ အရေးကိစ္စ တစ်ခုအဖြစ် ဝန်ပိစေပြန်ပါတယ်။

    ပညာရေးနဲ့ ကျန်းမာရေးဆိုင်ရာပြုစုစောင့်ရှောက်မှုတွေ အခြေခံလူမှုနေထိုင်ရေး အဆင့်မြှင့်တင်ရေး အပိုင်းမှာ အသုံးပြုရမဲ့ Train ပေးရမဲ့အင်အားတွေဟာလည်း မိမိအိမ်ရာကိုစွန့်ခွါပြီး လမ်းပေါ်မှာ ရွက်ဖျင်တဲထဲရောက်သွားကြတဲ့ အကြမ်းဖက်တိုက်ခိုက်ခံရတဲ့ ဓါးစာခံလူသားတွေအတွက် အခြေခံ စားသောက်ရေးကိုပင် ပြည့်မှီအောင်ကြိုးပမ်းရရင်း အရင်းအမြစ်တွေ ကုန်ဆုံးလှပါတယ်။ဒီလိုဘယ်သူ့အတွက်မှ မကောင်းနိုင်တဲ့ အခြေအနေဆိုးကြီးကို တိုင်းသူပြည်သားတွေကလည်း စိတ်ပါလက်ပါ ပြင်ဆင်ပြောင်းလဲခြင်း မပြုချင် အုပ်ချုပ်သူ အစိုးရကလည်းထိရောက်စွာ ကိုင်တွယ်ဆောင်ရွက်ပေးခြင်းမရှိ တရားစီရင်ရေးအပိုင်းကလည်း မျှတစွာကိုင်တွယ် ဖြေရှင်းမှုမရှိဘဲ ဘယ်လို အခြေအနေရောက်သည်အထိ သယ်သွားကြမှာလဲလို့သာ မေးခွင့်ရရင် မေးချင်ပါသည်။ တစ်ဦးတစ်ယောက်ခြင်းစီ မိမိရဲ့ နှလုံးသားကိုပဲပြန်မေးကြဖို့တိုက်တွန်းပါရစေ။